Wiliki Na Lawa. (The Law Is Read)

Thoughts: Always Remember Yahweh’s Goodness To You In The Past.

........................... 

Serving For Yom Reeshone, Elul 26, 5771

Era qai soqoni vata vakataki ira o ira na tamata kecekece, me vaka beka ni ra le dua ga na tamata, e gaunisala levu donuya na matamata ni wai; era qai kaya vei Ezera na vunivola (na qasenivuli ni lawa), me kauta mai na ivola ni lawa (Torah) nei Moshe, e a vakarota o Yahuwe (YHWH) vei ira na Isirayili. 2  O Ezera na kohena a qai kauta mai na Tora e matadra na lewe ni soqosoqo, ruarua vei ira na tagane kei ira na yalewa vata kei ira kece era na vakarorogo era qai kila, e na imatai ni siga ni ikavitu ni vula. 3 A wilika na ivola e gaunisala levu  e na mata ni matamata ni wai, mai na mataka me yacova na sigalevu, e matadra na tagane kei na yalewa kei ira era rawa ni vakarorogo; na daligadra na tamata e a vakatudaliga me ra rogoca na ivola ni lawa. 4 A qai tu o Ezera na vunivola (na qasenivuli ni Tora) e na vatavata kau era a tara me na mai duri tu kina ni vosa; ka ratou duri tu e yasana o Matitiya, o Shema, o Hananaya, o Uraiya, o Hilikiya vata kei Ma’aseiya e ligana imatau, ia e na ligana i mawi o Pa’adaya, o Misha’yili, o Malakiya, o Hashuma, o Hasavaya, o Za’karaya vata kei Mesulame. 5 E dolava na ivola ni lawa e matadra na tamata kecekece (baleta ni a tu mai deladra na tamata o koya) ia ni sa dolava, o ira kece na tamata era qai tucake: 6 Sa qai vakavinavinakataki Yahuwe (YHWH) na Kalou (Mighty One) levu o Ezera. Era qai sauma na tamata kece Omaini, Omaini ka ra laveta cake na ligadra; era qai tekiduru ka vakarokoroko vei Yahuwe (YHWH) ni cuva sobu tu i na qele na uludra.

Niemaia (Nechmeyah) 8:1-6.

Na ka oqo au dau vakananuma lesu e lomaqu, au vakanuinui tu kina qo vua na Kalou (Mighty One). 22 E ka dina ni nona yalovinaka o Yahuwe (YHWH) e na sega vakadua ni mudu, kei na nona yalololoma e na sega ni cala. 23 Era dau vakavoui e veimataka; e vakaitamera na nomuni yalodina. 24 O Yahuwe (YHWH) e na noqu ivotavota e kaya na yaloqu, qori au na vakanuinui ga kina vua. 25 O Yahuwe e vinaka vei ira era waraki koya kei na bula e vakasaqarai koya.  26 E ka vinaka vua e dua na tamata me nuitaka ruarua na dina kei na veivueti nei Yahuwe (YHWH).

Lele I Jeremaia (Eikhah) 3:21-26

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
267/Blog No. 1407	September 25, 2011.
Reading	Hebrew Date
Isaiah (Yesha’yahu) 4-6	Elul 26, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iVakaro Vua na Tamata (Personal Laws).

Thought: Obedience Brings Life, Disobedience Brings Death

................... 

Serving For Shabbat, Adar-Bet 6, 5771

O Moshe kei ira na qase ni Isira’yili, era qai vakaroti ira na tamata, ni ra kaya, Muria na ivakaro au sa vakarota vei kemuni edaidai. 2 E na qai yaco e na siga oni kosova kina na Yadani (Jordan), i na vanua sa solia vei kemuni o Jiova (Yahweh) na nomuni Kalou (Mighty One), moni tuvana cake na vatu lelevu, ka boroya e na simede;  3 moni qai vola kina na vosa kece ni ivakaro oqo, ni oni sa kosova oti na Yadani, e na nomuni lako i na vanua sa solia vei kemuni o Jiova (Yahweh) na nomuni Kalou (Mighty One), e dua na vanua e dave kina na sucu kei na hani; me vaka a yalataka o Jiova (Yahweh) na Kalou (Mighty One) vei ira na tamamuni,  4 O koya oya, ni oni sa kosova oti an Yadani, ni kemuni sa qalo-kosova na Yadani, moni vakaduria na veivatu oqo, au vakarota tiko vei kemuni edaidai, e na ulunivanua o Qebeli, moni qai boroya e na simede.  5 E keya moni na tara kina e dua na icabocabo ni isoro vei Jiova (Yahweh) na nomuni Kalou (Mighty One), e dua na icabocabo ni isoro vatu: moni kakua ni vakayagataka kina e dua na iyaya ni matai kaukamea. 6 Moni na tara na icabocabo ni isoro vei Jiova (Yahweh) na nomuni Kalou (Mighty One) e na vatu e sebera ni ta, moni qai vakacabora kina na isoro kama vei Jiova (Yahweh) na nomuni Kalou (Mighty One).  7 Moni vakacabora kina na isoro ni sautu, ka moni qai kana e keya, moni marau e mata i Jiova (Yahweh) na nomuni Kalou (Mighty One).

Na iVakarua (D’varim) 27:1-7

Raica, Au sa biuta e matamuni e na siga oqo na bula kei na rusa:  27 Na bula kevaka oni bula muria na lewa i Jiova (Yahweh) na nomuni Kalou (Mighty One) me vaka au a vakatavulica vei kemuni e na siga edai  28 na rusa, kevaka oni sega ni bula muria na lewa nei Jiova (Yahweh) na nomuni Kalou (Mighty One), moni qai vuki tani mai na sala au vakarota tiko vei kemuni edaidai, moni qai lai muria na veikalou tawamacala eso, oni a sega ni bau kila.

Na iVakarua (D’varim) 11:26-28 

Read The Scriptures (Tanakh) in a Year
Siga (Day)/Blog	Tikinisiga (Date)
71/Blog No. 1211	March 12, 2011.
Reading	Hebrew Date
Na iVakarua (D’varim) 17-19	Adar Bet 6,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

a Isau Ni Tamata Cakacaka (The Wages Of A Labourer)

Thoughts: Do Not Rob The Wages Of A Worker; Pay It Promptly

........................... 

Serving For Yom Shaynee, 1^st Kislev, 5771

O iko mo kakua ni lawakitaka na kena isau na tamata cakacaka-saumi e dravudravu se vakaloloma, se wekamu se dua na vulagi e tiko e na loma ni nomu koro. 15 O iko mo sauma vua na kena isau e na siga vata ga oya, me kakua mada ga ni waraki me dromu na matanisiga; baleta ni dravudravua o koya; baleta talega ni kena isau ga a mai cakacaka tu kina vei iko o koya;  de qai tagi e na vukumu vei Jiova (Yahweh) qai wili kina me nomu ivalavala ca.

Na iVakarua (D’varim) 24:14-15

Moni kakua ni dau butako; kakua ni veiyalayalati vakailasu, ka moni kakua talega ni dau veilasutaki o kemuni vakataki kemuni. 12 Moni kakua ni bubului lasu e na Yacaqu; moni vakadukadukalitaka na Yaca ni nomuni Kalou (Mighty One): O au o Jiova (Yahweh).  13 Kakua ni vakasaurarataka na wekamu vakaitikotiko se kauti koya vakaukaua; na kena isau o koya o vakacakacakataka me kakua ni tiko vei iko e na bogi taucoko, me yacova na mataka ni siga kadua.

Vunau ni Soro (Vayikra) 19:11-13

 

E na lesu mai o koya me mai vakadaumakataka ka vakasavasavataki ira na tamata me vaka na siliva; e na qai vakasavasavataki ira na luvei Livai ka vakadodonutaki ira me vaka na koula kei na siliva, me rawa ni ra cabora vei Jiova (Yahweh) na imadrali e na yalododonu.  04 Ekeri, na isoro nei Yahuda vata kei Yerushalayimi, sa na qai taleitaki vei Jiova (Yahweh) me vaka e na veigauna makawa kei na veitabayabaki sa sivi. 05 Au na qai toso volekati kemuni yani me yaco na veilewai, Au na ivakadinadina totolo, au na saqati ira na  daucakaisausau, saqati ira na dauveidauci,saqati ira na daububului lasu, saqati ira era lawakitaki ira na tamata cakacaka mai na kedra isau, kei ira na vulagi, na luveniyali kei na yada, meu saqati ira talega era sega ni dau galeleti ira na vulagi, era vuki tiko maivei Au, E kaya o Jiova  ni lewe vuqa (Yahweh Tzva’ot).

Malakai (Mal’akhi) 3:3-5

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
312	November 8, 2010
Reading	Hebrew Date
Jeremaia 49-50	Kishlev 1st 5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Na Digidigi Ni Bula Kei Na Rusa (The Choice of Life and Death).

Thought: Obedience Brings Result, Disobedience Brings Consequences: Take Your Choice

Serving For The 12^th March, 2010

O Mosese kei ira na qase ni Isireli, era a qai vakaroti ira na tamata, ni ra kaya, Bula muria na ivakaro au vakarota tiko vei kemuni edaidai. 02 E na qai yaco e na siga oni kosova kina na Joritani, i na vanua sa solia vei kemuni o Jiova (Yahweh) na nomuni Kalou (Elohim), moni tuvana cake na vatu lelevu, ka boroya e na simede; 03 moni qai vola kina na vosa kece ni ivakaro qo, oya ni oni sa kosova oti na Joridani, e na nomuni lako i na vanua sa solia vei kemuni o Jiova (Yahweh) na nomuni Kalou (Elohim), e dua na vanua e dave kina na sucu kei na hani; me vaka a yalataka o Jiova (Yahweh) na Kalou (Elohim) vei ira na tamamuni, 04 O koya oya, ni oni sa kosova oti na Joridani, moni vakaduria na veivatu oqo, me vaka au vakarota tiko vei kemuni edaidai, e na ulunivanua o Qebeli, moni qai boroya e na simede. 05 E keya moni qai tara kina e dua na icabocabo ni soro vei Jiova (Yahweh) na nomuni Kalou (Elohim), e dua na icabocabo ni isoro vatu: moni kakua ni vakayagataki kina e dua na iyaya ni matai kaukamea. 06 Moni na tara na icabocabo ni isoro vei Jiova (Yahweh) na nomuni Kalou (Elohim) e na vatu e sebera ni ta, moni qai vakacabora kina na isoro kama vei Jiova (Yahweh) na nomuni Kalou Elohim). 07 Moni vakacabora kina na isoro ni bula vakacegu, moni qai kana e keya, oya moni mamarau e na mata i Jiova (Yahweh) na nomuni Kalou (Elohim).

Na iVakarua 27:1-7

Raica, Au sa biuta e matamuni e na siga oqo na bula kei na rusa: 27 Na bula kevaka moni bula muria na ivakaro nei Jiova na nomuni Kalou (Yahweh Elohim) me vaka au mai vakarota tiko yani vei kemuni e na siga edai, 28 ia na rusa, kevaka oni sega ni bula muria na ivakaro nei Jiova (Yahweh) na nomuni Kalou (Elohim), moni qai vuki tani mai na sala au vakarota tiko vei kemuni edadai, moni bula muria na veikalou tani eso, oni a sega ni bau kila.

Na iVakarua 11:26-28

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
71.	March 12	Deuteronomy 17-19	Mark 14:26-50

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Lawa E Tokona Na Dodonu (Laws Supports What Is Just).

Thoughts: Pray For The Path To Wisdom, It Is Yours For The Asking.

...............................................

Serving For The 11^th March, 2010

Ke dua na tagane e rua na watina, e dua e taleitaka ia o koya kadua e cata, ia rau sa vakaluveni ruarau vua, o koya e dau taleitaka kei koya e cata; ia na nona ulumatua e luvena o koya e dau cata; 16 ia ni sa yaco me wasea vei ira na luvena me ra dui taukena vakaivotavota na iyau e taukena, e vakatabui vua mecakava me ulumatua o koya na ulumatua nei watina dau taleitaka,qai vakanadakuya na luvena o koya e dau cata.17 Ia na ulumatua, oya na luvena o kaya e dau cata, e dodonu me na vakaruataki na nona iwasewase ni veika e taukena; baleta o koya e imatai vei ira na luvena; na dodonu ni ulumatua e nona o koya.

Na iVakarua 21:15-17

Laiva na vosota me vakavatukana e na cakacaka e vinaka vakaoti, me rawa ni oni vinaka vakaoti ka taucoko, me kakua kina ni sega vei kemuni e dua na ka. 05 Ke dua vei kemuni e lailai vua na vuku, laiva me kerea Vua na Kalou, (Elohim) o Koya e dau solia vakayauyau vei ira na tamata e na yalololoma; e na qai soli mai vua. 06 Ia laiva me kerekere ga e na vakabauta, ka me kakua na vakatitiqa. Baleta o koya e vakatitiqa e vaka na biau ni wasawasa, e veitosoyaka tu ga na cagi ka veibiliyaka. 07 Na tamata oqori me kakua ni nanuma ni na ciqoma e dua na ka mai Vua na Turaga (Sovereign);

Jemesa 1: 4-7

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
70.	March 11	Deuteronomy 14-16	Mark 13:14-37

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Lawa ni Jiova (The Laws of Yahweh).

Thoughts: Yahweh’s Laws Sometimes Seem Onerous, But They Are For Our Good.

.........................................

Serving For The 10th March, 2010

Ke tubu mai e dua na ka e rui dredre vei iko mo vakatulewataka, me vaka na maliwa ni laba kei na laba, e na maliwa ni veilewai kei na veilewai, se na maliwa ni mate na vukavuka kei na vukavuka se dua na veileti e tubu e na loma ni nomuni tauni; ia mo qai tu ka lako i na vanua e digitaka vakataki koya o Jiova (Yahweh) na nomuni Kalou (Elohim); 09 Mo na lako mai vua na bete se Livai, se na dauniveilewai e na gauna oya, mo qai vakataroga; e na qai vakaraitaka vei iko na itotogi me vakatulewataki: 10 Ia o iko mo na qai vakayacora na lewa era sa vakatauletaka o ira e na vanua oya; me vaka e lewa o Jiova (Yahweh); ia mo na qai vakayacora me vaka na ka kece era vakavulica vei iko; 11 me vaka na itotogi e lavaka na lawa, era na tusanaka vei iko kei na yavu ni vakatulewa era na tukuna vei iko, qori mo na vakayacora; mo kakua sara ni dri tani mai na itotogi era na vakaraitaka vei iko, se i na imatau se i na imawi gole tani ki nai matau se nai mawi. 12 Ia na tamata e vakaviavialevu, qai sega kina ni vakarorogo vua na bete e veiqaravi tiko e keya e na mata i Jiova (Yahweh) na nomuni Kalou (Elohim) se vua na dauniveilewai, na tamata oya me na vakamatei; moni vakarusai ira na dau itovo vakasisila mai loma i Isireli. 13 O ira na tamata kecekece me ra na rogoca, ka yalorere, me ra na kakua tale vakadua ni vakaviavialevu.

Na iVakarua 17:8-13

Baleta o au, e lomaqu dina, meu dau taleitaka na lawa ni Kalou (Elohim). 23 Ia au qai kunea e dua tale na lawa e yagoqu, ni veisaqasaqa tiko kei na lawa ni vuniyaloqu, qai vakavuna na noqu vakabobulataki tiko i na lawa ni ivalavala ca e tiko e yagoqu. 24 Oilei, o au na tamata vaka­loloma! O cei e na rawa ni vueti au mai na yago vakaiyalayala oqo? 25 Au vakavinavinaka Vua na Kalou (Elohim) e na veivueti maivua na noda Turaga (Master) o Jisu (Yahshua) na Mesaia! O au vakataki au, e na uto ni noqu vakasama au dau qarava na lawa ni Kalou (Elohim), ia e yagoqu, au bobula ni lawa ni ivalavala ca.

Roma 7:22-25

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
69.	March 10	Deuteronomy 11-13	Mark 13:1-13

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Veiyalayalati Kei Isireli (Yahweh’s Covenant With Israel)

Thought: The Words of Yahweh is Precious When Unadulterated by Human Manipulation

.......................................

Serving For The 2^nd February, 2010

Raica, au na tala yani e dua na agilosi me liu tiko vei kemuni, me taqomaki kemuni tiko e na ilakolako, ka kauti kemuni mai i na vanua au sa vakarautaka oti. 21 Vakarorogo vua, muria na nona vosa; kakua ni veisaqasaqa kei koya; de na qai sega ni vosota na nomuni cakaca; baleta na yacaqu e tiko qori vua, 22 ia kevaka oni muria vinaka na nona vosa ka cakava na veika kece e tukuna vei kemuni; Au na qai sevaki ira era sevaki kemuni ka vakadredretaka vei ira na kemuni meca. 23 Na Noqu agilosi e na liu tiko vei kemuni, ka na kauti kemuni tiko e na nomuni veisaqasaqa kei ira na Amoraiti, na Hitaiti, na Perisaiti, na Kenanati, na Haivaiti kei na Jebusaiti: au na qai vaqeavutaki ira. 24 O Kemuni moni kakua ni sokalou vei ira na nodra kalou (elohims), se qaravi ira, se muria na nodra ivalavala; ia moni saqati ira vakadua, ka basuraka sobu na nodra matakau. 25 Moni qaravi Jiova (Yahweh) ga na nomuni Kalou (Elohim), ia o Koya e na qai vakalougatataka na kemuni madrai kei na memuni wai; kau na kauta laivi na mate veitauvi mai na nomuni vale 26 E na sega ni lutudole na gone vei ira na goneyalewa ka sega na yalewa yava e nomuni vanua; na iwiliwili ni nomuni sigA au na vakayacora. 27 Au na tala na noqu domobula me liu tiko vei kemuni, kau na vakarusai ira na tamata kecekece era saqati kemuni e na ivalu, au na cakava me ra dro mai vei kemuni o ira na kemu meca 28 Au na tala e dua na mataivalu vakadomubula me liu vei kemuni me ra lai vakarusai ira na Kenanaiti kei ira na Haivaiti mai matamuni. 29 Au na sega ni vakarusai ira vakadua mai matamuni e na loma ni dua na yabaki; de qai lala na vanua, qai tubu na kedra iwiliwili ni manumanu kila era qai saqati kemuni; 30 Au na vakarusai ira tikoga vakalalai mai matamuni, me yacova ni oni sa kaukaua moni taukena na vanua. 31 Au na vakaduria na nomuni iyalayala mai na Wasa Damudamu me yaco i na nodra wasawasa na kai Filisitia, ka tekivu tale mai na veivanua dravuisiga me yaco i na Iuferetisi; au na soli i ira era tawana tu na vanua i ligamuni; o kemuni moni qai vakarusai ira. 32 Moni kakua ni vakaduria e dua na veiyalayalati vata kei ira se kei ira na nodra kaloumatakau. 33 Era na sega ni vakaitikotiko e na nomuni vanua, de ra na vakavuna moni valavala ca e mataqu; moni kakua ni qarava na nodra kalou (elohim) de ra na qai itatacaqe vei kemuni.

Lako Yani 23:20-26

Ia na vosa ni Noda TURAGA (Yahweh) e na tudei tu me tawamudu. Oqori sara ga na vosa sa vunautaki oti vei kemuni.

1 Peter 1:25

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
33.	February 2	Exodus 29-30	Matthew 22:1-22

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).