Raivotu Nei Sakaraia (Z’kharyah’s Vision).

Thought: YHWH Is The Source Of Any Command

 ......................

Serving For Yom Revee-ee, Elul 15, 5771

Sa qai kaya vei au o koya, Qo na vosa i Yahuwe (YHWH) vei Se'rubavela ni kaya, Sega e na qaqa se na kaukaua, ia e na yaloqu ga, e kaya o Yahuwe ni lewevuqa (YHWH Tzva’ot). 7 O cei o iko, ulunivanua levu? E na mata i Se'rubavela o na vaka e dua na buca;  e na qai kauta mai na uluvatu ivakadei ni yalododonu kei na yalovinaka. 8 Oti qai yaco tale mai vei au na vosa i Yahuwe (YHWH) ni kaya: 9 Na liga i Se'rubavela sa vakotora oti na yavu ni valenisoro oqo; na ligana talega e na vakaotia: Oni na qai kila kina, ni talai au mai vei kemuni o  Yahuwe ni lewevuqa (Yahweh Tzva’ot). 10 O cei ga e beca na siga ni veika lalai?  O ira na le vitu qo era marau ni ra raica, Baleta era na rai era na qai raica na ivakabi ni vakavakarau  e na liga i Se'rubavela. Oqori na mata vituvitu i Yahuwe (YHWH) e vakadidike wavoki tiko e vuravura raraba.

Sakaraia (Z’kharyah) 4:6-10

VAKAMUDUO vei Yahuwe (YHWH). Vakavinavinaka vei Yahuwe (YHWH) mai lomalagi; vakavinavinaka vua mai na veivanua cecere. 2 Vakavinavinaka vua, kemuni kece na nona mala’akimi; vakavinavinaka vua, kemuni na nona mataivalu. 3 Vakavinavinaka vua, matanisiga kei na vula: vakavinavinaka vua, kemuni na kalokalo kecekece kei na rarama. 4 Vakavinavinaka vua, na lomalagi ni lomalagi e cake kei na wai e dela ni lomalagi. 5 Laivi ira mera vakavinavinakataka na yaca i Yahuwe (YHWH): baleta ni a vosa era qai buli. 6 O koya talega e sa vakataudeitaki ira me tawamudu ka tawamudu; e sa vakaduria e dua na lewa e na sega ni tini.

7 ¶ Vakavinavinaka vei Yahuwe (YHWH) mai vuravura, o kemuni na gata lelevu, kei na veika kece e na buto ni titobu: 8 Na bukawaqa kei na uca-qereqeqre; na uca cevata kei na waicevata, na cagilaba era vakayacora tiko na nona lewa; 9 Na ulunivanua kei na veidelana kecekece; na kauvuata vuavua i vinaka kei na sitari kecekece: 10 Na manumanu kila, na manumanu manoa kei na manumanu vuka: 11 Na tui kei vuravura kei na tamata kecekece; na turaga kei na turaga ni lewa kecekece kei vuravura: na ravouvou kei ira kece na daunilewa e vuravura 12 Ruarua na gonetagane kei na goneyalewa; na tagane qase kei ira na cauravou; laivi ira me ra vakacaucautaka na yaca i Yahuwe (YHWH). 13  Baleta na yacana duadua e vinaka vakaoti; na nona dokai e toka e vuravura ka vaka kina mai lomalagi.14 O koya e vakacerecerea talega na nodra totoka na nona tamata, na nodra vakavinavinakataki na nona tamata digitaki kecekece; io, bau kina o ira na luve i Isira'yili, e dua na matatamata era voleka vua. Vakavinavinaka vei Yahuwe (YHWH).

Same (Tehellim) 148:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
256/Blog No. 1396	September 14, 2011.
Reading	Hebrew Date
Vakaibalebale (Mishlei) 25-27	Elul 15, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofita O Jona (The Prophet Yonah)

Thought: Trust Yahweh; Do Not Harbor Doubts About Him

..................... 

Serving For Yom Shlee-shee, Sivan 20, 5771

qai masu o Yona vei Yahuwe (YHWH) na nona Kalou (Mighty One) mai na kete ni ika ni kaya; 2 Au tagi vei Yahuwe (YHWH) e na dela ni noqu leqa, qai rogoci au mai o koya;  mai na tikina titobu mai She’ola au qolou e na tagi, oni qai rogoca na domoqu. 3 Baleta ni oni a kolotaki au i na wasa titobu, i na uto ni wasaliwa; na ualuvu era a kui vakavolivoliti au; na ualuvu a qai ubi i au, na nomuni ua kece kei na biau era qai lomoci au. 4 Oti au qai kaya Au sa kolotaki laivi mai matamuni; ia qo au sa na raica tale na nomuni vale tabu. 5 Na wai era luvuci au, me tara sara ga na yaloqu; na wai titobu e sogolaki au, na uluqu a qai vakotori sobu e na  soqulu ni wasaliwa.  6 Au dromu  sobu i na yavu ni veiulu-nivanua; na vuravura a qai soqota vei au na kena ilatilati me tawa mudu: ia oni qai vueta cake na noqu bula mai na rusa, i Yahuwe (YHWH) na noqu Kalou (Mighty One). 7 Ni sa ciba na noqu bula e lomaqu,  Au qai nanumi Yahuwe (YHWH); ia qai cabe yani na noqu masu vei kemuni, e loma ni nomuni vale tabu.

Jona (Yonah) 2:1-7.

Niu kacivi kemuni, oni a sauma mai vei au, kemuni na noqu Kalou (Mighty One), na ivakabula ni noqu yalododonu; oni vakacegui au niu tu leqaleqa, oni lomani au ka rogoca na noqu masu. 2 Kemuni na tamata, e na vakacava beka na dede ni nomuni latia tiko na noqu lagilagi? E na vakacava beka na dede ni nomuni tokona tiko na yalodokadoka? Oni vinakata beka moni vakacalai tu me tawamudu? 3 Moni kila tiko ni o Yahuwe (YHWH) sa wasea tani tu na veika vivinaka me Nona; o Yahuwe (YHWH) e na rogo niu kacivi Koya. 4 Dau cudru ia kakua ga ni valavala ca; veivosaki kei na vuniyalomuni, ka dau vakasama e na nomu idavodavo. 5 Vakacabora na isoro ni yalododonu, ka biuta na nomu inuinui vei Yahuwe (YHWH).

6 ¶ E le levu era taroga, O cei e rawa ni vakaraitaka mai vei keda e dua na tamata vinaka, me rawa ni na  vakacilava vei keda na rarama ni nona iserau? 7 I Yahuwe (YHWH); oni sa biuta na reki e na uto ni noqu vakasama, vakalevu cake sara mai na gauna e dau levu kina na tubu ni nodra witi, na nodra waini kei na nodra waiwai. 8 E na sautu, ruarua, au na koto sobu oti au qai moce; baleta o kemuni duadua ga i Yahuwe (YHWH), oni vu ni vei taqomaki e na noqu bula.

Same (Tehellim) 4:1-8

Read The Scriptures (Tanakh) in a Year
Siga (Day)/Blog	Tikinisiga (Date)
172/Blog No. 1312	June 21, 2011.
Reading		Hebrew Date
Esiteri (Esta) 1-3		Sivan 20, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iTukutuku Nei Emosi (Amos’ Message)

Thought: SeekYahweh, And You Shall Live.
..................................
Serving For Yom Shlee-shee 10^th Tammuz, 5770

Rogoca na vosa oqo au na kauta cake mai, baleti kemuni, io, e dua na lele, me baleta na vale i Isireli. 02 Na goneyalewa tabutagane mai Isireli sa bale; ka sa biu me davo tu ga e na dela ni qele, baleta e sega ni dua me vakaduri i koya cake tale. 03 Qo e kaya o Jiova (Yahweh) na Kalou (Mighty One), Na korolevu era a lako mai kina e duanaudolu na tagane, era na vo ga kina e duanadrau na tagane; na koro era lako mai kina e duanadrau na tagane; era na vo ga kina e tini na tagane, e loma ni vale i Isireli. 04 Qo e kaya o Jiova (Yahweh) vei ira e na vale i Isireli: Vaqarai Au oni na qai bula; 05 Ia kakua ni vaqarai Pece-ela se curu i Qiliqela se takosovi Bia-shiba: Baleta o Qiliqela e na kau dina vakabobula; ia o Pece-ela, e na yaco me tinidole. 06 Vaqarai Jiova (Yahweh) oni na qai bula; De qai caudre mai o Koya me vaka na yame ni bukawaqa e loma ni vale i Yosefa, qai tilomi Pece-ela, baleta ni sega ni dua me bokoca laivi.

Emosi 5:1-6

E kalougata na tamata e vorata na veitemaki; baleta ni sa vakatovolei, e na ciqoma na isala­vakatui ni bula, sa yalataka oti na Turaga (Yahweh) vei ira era lomani Koya.

Jemesa (Jekope) 1:12

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
173	June 22	Tammuz 10	Esther 4-6

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

                

Na Parofita O Jona (The Prophet Jonah)

Thought: Trust Yahweh At All Times Do Not Harbor Doubts About Him

 ...................................

Serving For Yom Shaynee 9^th Tammuz, 5770

Sa qai masu o Jona e mata i Jiova (Yahweh) na nona Kalou (Mighty One) mai na loma ni kete ni ika ni kaya;  02 Au tagi vei Jiova (Yahweh) e na dela ni noqu leqa, qai rogoci au mai o koya;  mai na tikina titobu mai Sheola au qolou e na tagi, oni qai rogoca na domoqu. 03 Baleta oni a kolotaki au i na wasa titobu, i na uto ni wasaliwa; na ualuvu era a kui vakavolivoliti au; na ualuvu a qai ubi i au, na nomuni ua kece kei na biau era qai lomoci au. 04 Oti au qai kaya, Au sa kolotaki laivi mai matamuni; ia qo au sa na raica tale na nomuni vale tabu. 05 Na wai era luvuci au, me tara sara ga na yaloqu; na wai titobu e sogolaki au, na uluqu a qai vakotori sobu e na  soqulu ni wasaliwa.  06 Au dromu  sobu i na yavu ni veiulunivanua; na vuravura a qai soqota vei au na kena ilatilati me tawa mudu: ia oni qai vueta cake mai na noqu bula mai na rusa, i Jiova (Yahweh) na noqu Kalou (Mighty One). 07 Ni sa ciba na noqu bula e lomaqu,  Au a qai nanumi Jiova (Yahweh), sa qai cabe yani na noqu masu vei Kemuni, e loma ni nomuni vale tabu.

Jona 2: 1-7

Kevaka au vunautaka na itukutuku vinaka e na sega ni dua na ka meu dokadokataka baleta ni noqu ilesilesi; io na leqa levu e na noqu kevaka au sega ni vunautaka na itukutuku vinaka.

I Korinica 9:16

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
172	June 21	Tammuz 9	Esther 1-3

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na Parofisai Nei Malakai (Malachi’s Prophecy).

Thoughts: The Curses In The Old Covenant Gave Rise To The Blessings Of The New Covenant

.........................................

Serving For The 29^th September, 2009

Baleta, raica, sa tadu mai na siga e na kama kina me vaka na lovo katakata na noqu leva; o ira kece era viavialevu kei ira kece era dau caka ca, era na vaka na tabanisila; na siga sa roro mai e na vakamai kece, e kaya o Jiova ni lewe vuqa (Yahweh of hosts), me kakua ni vo tale tiko na wakadra se na tabadra. 02 Ia, o koya e rerevaka na Yacaqu, e na yaco me matanisiga ni yalododonu e dau cadra vata kei na veivakabulai e na tebenigusuna; oni na qai lako yani ka ladelade e na malaude me vaka na luveni bulumakau mai na qele ni manumanu. 03 Oni na butuki ira sobu na tamata ca; baleta era sa na dravusa kece tu e na qeteqete ni yavamuni; e na siga oya au na cakava kina na veika oqo, e kaya o Jiova ni lewe vuqa (Yahweh of Hosts).

04 ¶ Nanuma na ivunau nei Mosese na noqu dauniveiqaravi, au a vakarota vua mai Horeba, me baleti Isireli raraba, vata kei na kena lawa kei na lewa. 05 Raica, au na talai Ilaiya na parofita, yani vei kemuni ni sebera ni yaco na siga vakaitamera, vakadomobula nei Jiova (Yahweh). 06 O koya e na qai lai vagolea na vuniyalodra na tama vei ira na gone lalai, kei na vuniyalodra na gone lalai vei ira na tama, niu se bera ni lako yani meu lai samuta na vuravura me rusa.

Malakai 4:1-6

Na Mesaia a sa voli i keda oti mai na kalouca ni lawa, e na Nona a ciqoma na nodra kalouca, (me vaka e volai tu, “E kalouca o ira yadua era rube e na kauveilatai”) 14 me rawa ni yaco na veivakalougataki nei Eparayama vei ira na kai Veimatanitu tani e na vuku i Jisu (Yahshua) na Mesaia, meda rawa ni ciqoma na yalayala ni Yalo e na kaukaua ni vakabauta.

Kalatia 3:13-14

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
272	September 29	Isaiah 16-18	Ephesians 1

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iTukutuku Nei Apakuki (Habakuk’s Message)

Thought: Do Not Wonder If You Do Not Understand Yahweh’s Commands, We Are Different.

.................................................

Serving For The 25^th July, 2009

Au na tu vakarau tu e na noqu tikina, ka vakatawa toka, e na dela ni valecere vatu, meu vakaraica se cava e na kaya mai vei au, kei na cava meu na sauma lesu vua me baleta na kequ itotogi. 02 A qai sauma mai vei au o Jiova (Yahweh) ni kaya, Vola na raivotu, ka vakamatatataka e na papa ni volavola, me rawa ni kila vinaka o koya e wilika. 03 Baleta na raivotu qo e na yaco dina e na kena gauna lokuci; e na yaco dina e na ivakataotioti ni gauna, e na sega ni lasu; ia kevaka e bera, kakua ni yalototolo, baleta e na yaco dina mai, e na sega ni bera; 04 baleta na yalona e sega ni taleitaka na itovo ca; ia na tamata yalododonu e dau bula e na vakabauta.

Apakuki 2:1-4

Baleta na noqu vakasama e sega ni tautauvata kei na nomuni vakasama, na noqu ivakarau talega e duidui mai na nomuni ivakarau, e kaya o Jiova (Yahweh). 09 Me vaka na kena veiyawaki na cere ni lomalagi mai vuravura, e vakakina na noqu ivakarau e na kena cere mai na nomuni ivakarau vata kei na noqu vakasama mai na nomuni vakasama

Aisea 55:8-9

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
205.	July 25	Psalms 44-46	Acts 25

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iValavala Ca Nei Isireli (The Sins Of Israel).

Thought: When Yahweh Punishes, It Is Both Retributive and Remedial

........................................................

Serving For The 1^st July, 2009

Ni sa vosa o Ifireimi era a qai sautaninini na tamata; qai yaco kina me ka levu e Isireli; ia ni qai kune tale ni cala baleta ni dau sokalou vei Baala, a qai vakayalia tale kina na nona kaukaua. 02 Ia oqo, sa qai levu ga kina na nodra valavala ca ka valavala ca, ni ra bulia na vakatakarakara mai na siliva waicala, kei na matakau e na kedra irairai o ira e ligadra na matai; era qai kaya vei ira na tamata, Laivi ira na tamata era mai vatonaki imadrali tamata me ra reguca na ivakatakaraka ni luve ni bulumakau! 03 Qo era sa qai vaka kina na o ni mataka lailai vata kei na tegu ni mataka caca e dau takali tale vakatotolo, era vaka na qanisila e dau cagina e na cagi mai na buturara ni qaqi sila, vata kei na kubou mai na ikuvukuvu. 04 Ia o Au o Jiova (Yahweh) na nomuni Kalou (Elohim), o koya e a kauti kemuni laivi mai na vanua o Ijipita, oni a sega ni kila e dua tale na Kalou (Elohim) o au duadua ga; e sega kina ni dua tale me na vueti kemuni, vakavo ga o au.

05 ¶ O au ga, au a vakani kemuni e loma ni veikauloa; e na loma ni vanua dravuisiga, e sega tu ni vakatawani. 06 Au vakani ira, era qai vakasinaiti; qai vakacerecerei na vuniyalodra; qori era qai guilecavi Au kina.

Hosea 13:1-6

Na Kalou (Elohim) e vakaraitaka eke na Nona lomani keda, e na Nona a mai mate na Mesaia e na vukuda, e na gauna eda se valavala ca tu kina.

Roma 5:8

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
182.	July 1	Job 21-22	Acts 10:1-23

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iTukutuku Nei Maika. (Micah’s Message)

Thought: Follow Yahweh, Through The Leadership He Originally Set Up

………………………………………………….

Serving For The 25^th June, 2009

O ira na noqu tamata era sa tu cake me ra vaka na daubutako, me ra saqata tale na nodra sautu o ira vakataki ira; oni drudruga laivi na kuli mai vei ira na dravudravua, moni kauta laivi na nodra inuinui; oni qai sureta mai na veivaluvaluti. 09 O ira na yalewa ni Noqu tamata oni cemuri ira mai na nodra dui vale totoka; mai vei ira na luvedra, oni sa kauta laivi na lagilagi me tawa mudu. 10 Mata cake ka lako laivi; baleta qo e sega ni vanua ni nomuni vakacegu; baleta na dukadukali e na kauta mai na rusa; na rusa e mosimosi vakaoti. 11 Ni dua na tamata, e veilakoyaki voli e na yalo lasulasu e veivakacalai, ka luvuci tu e na waini kei na mateni; o koya oqori e cakava tiko baleta na vutugu ni itabatamata oqo.

12 ¶ Au na vakasoqoni kemuni vata dina, I Jekope, o kemuni kece; Au na kauti kemuni dina vata mai moni mai tu vata kei ira na vo vo ni kawa Isireli; Au na maroroi ira tiko me vaka na sipi era sa leqa tiko, ka vaka na qele ni sipi e na loma ni nodra bai, sa taqomaki tu mai vei ira na daubutako.

Micah 2:8-12

Moni bula vakatotomuria na Kalou (Elohim), me vakataki ira na gone lalai daulomani. 02 Toso tiko e na loloma, me vaka ni dau lomani keda na Mesaia, a qai soli i Koya kina vakataki Koya e na vukuda, me dua na isolisoli ka imadrali Vua na Kalou (Elohim); e dua na isoro boi kamica.

Efeso 5:1-2

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
176.	June 25	Job 4-6	Acts 7:20-43

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vakatakila Na Loloma o Hosea (Hosea Demonstrate Love)

Thought: In The Face Of Unfaithfulness, Yahweh Told Hosea Is Demonstrate True
...........................................
Serving For the 20th June, 2009

Oti qai kaya vei au o Jiova (Yahweh), Lako tale, lai veidomoni kei na dua na yalewa sa matau tu vua me dau caka ca, e dua e dau veidauci, me vaka ni dau lomani ira na luve i Isireli o Jiova (Yahweh), e dina ga ni ra sa vuki tani me ra tosovi ira na kalou (elohim) tani ka dau taleitaka na keke vakavuanikau. 02 Au sa mani voli i koya me mai noqu, e na isau e tinikalima na tikinisiliva kei na dua veimama na homeri na parile. 03 Au kaya sara vua, O iko o sa na mai tiko vata kei au mo watiqu e na vica vata na siga; mo kakua ni saqamua tale tiko se veidauci kei na dua tale na tagane; o au talega au na cakava vaka kina e na vukumu. 04 Baleta o ira na luve i Isireli era sa na bula tiko me vica vata na siga, ni sa sega na nodra tui, sega na nodra daunivakavulewa, sega na nodra isoro, sega na nodra icabocabo ni soro, ka sega ni dua me dara na efoti, ni vakama tiko na isoro boi. 05 E muri, o ira na luve i Isireli era na qai lesu mai, ni ra sa vaqarai Jiova (Yahweh) na nodra Kalou (Elohim) vata kei Tevita na nodra Tui; era sa na qai kilai Jiova (Yahweh) kei na Nona loloma, e na veitabagauna mai muri.
Hosea 3:1-5.

Na loloma e dau vosovosota vakadede ka dau yaloyalovinaka; na loloma e sega ni dauvuvu; na loloma e sega ni dau vakarairai ka sega ni dau dokadoka;
1 Korinica 13: 4

…. e colata na veika kece, e vakabauta na veika kece, e nuitaka na veika kece, ka vorata na veika kece. 08 Na loloma e sega ni tinidole; ia ke mani tu na parofisai, qori era na cala, ke tu na veimataqali vosavosa, qori e na takali, ke tu na kilaka qori e na seyavu.
1 Korinica 13: 7-8.





Read The Bible in a Year (Wilika Na iVola Tabu E Na Dua na Yabaki).
Siga (Day) : 171

Tikinisiga (Date) June 20, 2009

Mataka (Morning) : Nehemiah 12-13

Yakavi (Evening) : Acts 4:23-27



May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Parofisai Nei Joeli. (Joel’s Prophesy).

Thought: The Holy Spirit Is Here With Us, What Does It Means To Us
.....................................................
Serving For the 18th June, 2009

Uvuca na davui e Saioni, vakatagica na alamu e na Noqu ulunivanua tabu; laivi ira era tawavanua tiko me ra sautaninini; baleta na Siga i Jiova (Yahweh) sa lako mai; 02 E na siga ni butobuto kei na rarawa bibi sa voleka, na siga ni o kei na butobuto vavaku, me vaka na o ni mataka e sa kovuta na veiulunivanua; e na yaco mai vei ira na e dua na mata tamata kaukaua ka vakaitamera; era sebera ni bau laurai vakadua eliu, ka na sega talega ni laurai tale e muri, e na veitabayabaki ni veitabatamata. 03 Na bukawaqa e vakamakama yani e matadra; ia mai dakudra talega e caudre tiko edua na yameyame ni bukawaqa: ia na vanua e na vaka na iteitei o lteni e matadra, ia e dakudra, e dua na veikauloa laladidi; e na sega ni dua na ka me na drobula mai kina. 04 Na kedra irairai e vaka na irairai ni ose; era qai vaka na ose totolo, ni ra sa cici. 05 Me vaka na rorogo ni qiqi ni valu, e ladeva tubu na dela ni ulunivanua, me vaka na rorogo ni yameyame ni bukawaqa ni kama tiko na vunisila madu, me vakataki ira na qaqa era sa tuvani tu vakaivalu. 06 E matadra na tamata era na suataninini; na mata kece e na taqaya ka veilecayaki. 07 Era qai veiciciyaki me vaka na tamata qaqa; era na kabata na bai lalaga me vakataki ira na tamata ni ivalu; era na qai tayabe e na kena ivalavala rakorako, era na sega ni vuki tani mai na nodra ituvatuva.
Joeli 2:1-7


Ia qo na veika a kaya na parofita o Joeli; 17 E na qai yaco e na ivakataotioti ni gauna, e kaya na Kalou (Elohim), Niu na sovara na Yaloqu vei ira kece era vakalewe; o ira na luvemuni tagane kei ira na luve­muni yalewa era na parofisai, o ira na nomuni cauravou era na raica na raivotu kei ira na nomuni turaga qase era na tatadrataki tadra.
Cakacaka 2:16-17



Read The Bible in a Year (Wilika Na iVola Tabu E Na Dua na Yabaki).
Siga (Day) : 169
Tikinisiga (Date) : June 18, 2009
Mataka (Morning) : Nehemiah 7-8
Yakavi (Evening) : Acts 3

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).