E Rua Ga Na Sala. (The Two Altenative Ways)

Thought: Between Blessings And Cursing, Choose Blessings

................. 

Serving For Yom Sheini, Nisan 24, 5772

(NB. In Counting Days Toward Shavu’ot (Gr:Pentecost), Today Is Day 9 out of 50)

MAI NA TORAA (FROM THE TORAH

Raica, Au sa biuta e matamuni e na siga oqo na kalougata kei na vatovato (curses). 27 Na kalougata kevaka moni muria na ivakaro i Yahuwe (YHWH) na nomuni Kalou (Mighty One) me vaka au mai vakarota tiko yani vei kemuni e na siga edai, 28 Ia na vatovato, kevaka oni sega ni bula muria na ivakaro nei Yahuwe (YHWH) na nomuni Kalou (Mighty One), oni qai vuki tani mai na sala au vakarota tiko vei kemuni edaidai, moni bula muria tikoga na vei kalou (elohim) tani eso, oni a sega ni bau kila. 29 E na qai yaco, ni sa kauti kemuni o Yahuwe (YHWH) na nomuni Kalou (Mighty One) i na vanua oni sa curuma tiko moni lai taukena, ni oni na qai biuta na kalougata e na ulunivanua o Qe’risimi kei na vatovato e na ulunivanua o ‘Eivala. 30 Raica era tiko e na tai kadua ni Yaradani, e daku ni sala e na yasana e dau dromu kina na matanisiga, e na nodra vanua na Kena’ani, era dau vakaitikotiko e na veivanua dravuisiga lolovira e toka veitikivi kei Qiliqeli, vaka e na vale oki mai Moree?  31 O kemuni moni sa na takosova na Yaradani moni lako moni lai taukena na vanua sa solia vei kemuni o Yahuwe (YHWH) na nomuni Kalou (Mighty One), ia oni sa na taukena dina ga moni lai tiko kina. 32 Moni qarauna moni dau muria na lawa kei na lewa kece au sa tuvana tu e matamuni e na siga edai.

Na iVakarua (D’varim) 11:26-32

NA IVAQA NI BULA (FOOD FOR THE SOUL)

Era tu eso era dau vakalecalecataka ni ra vutuniyau, ia e sega ni tu vei ira e dua na ka; ia e tu eso tale era dau vakalecalecataka ni ra dravudravua, ia e vakaitamera tu na nodra iyau. 8 ¶ Na ivakarawa (ransom) ni nona bula e dua na tamata na nona iyau; ia na  dravudravua e vakanadakuya na veivunauci.

Vosa Vakaibalebale (Mishlei) 13:7-8

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E dua na nodra Same na Luve i Koraka. 2(1) I Yahuwe (YHWH) oni a dau yalovinaka i na nomuni vanua; oni sa vakasuka mai na veivakabobulataki i Ya'akove. 3(2) Oni sa vosota na nodra ivalavala ca na nomuni tamata, oni sa buluta vakadua na nodra ivalavala ca kecekece. 4(3) Oni sa kauta laivi vakadua na nomuni cudru; ka vakasuka na waromisa ni nomuni leva waromisa. 5(4) Ciqomi keimami tale, kemuni na Kalou (Mighty One) na neimami ivakabula, cakava me tinidole na nomuni cudru me baleti keimami.  6(5) Kakua ni cudruvi keimami tiko me tawamudu; kakua ni katona tiko na nomuni leva vei ira e na veitabatamata. 7(6) Ciqomi keimami, vakabulai keimami, me ra reki tale o ira na nomuni tamata? 8(7) Vakaraitaka vei keimami na nomuni loloma, i Yahuwe (YHWH), vakadonuya vei keimami na nomuni veivakabulai.

9(8) ¶ Keimami na rogoca na veika e na kaya o Yahuwe (YHWH) na neimami Kalou (Mighty One); baleta o koya e na cavuta na vosa ni sautu vei ira na nona tamata kei ira na nona digitaki, me ra kakua ni vuki lesu i na vosa lialia. 10(9) E ka dina ni sa voleka mai vei ira  era rerevaki koya na veivakabulai; laiva na nona dokai me tiko e na loma ni noda vanua. 11(10) Na yalololoma kei na dina rau na sota, na yalododonu kei na sautu rau na veireguci. 12(11) Na dina e na vure mai vuravura; na yalododonu e na rai sobu mai lomalagi. 13(12) Io, o Yahuwe (YHWH) e na solia na nona vinaka; na vanua e na vuataka na kena vuata. 14(13) Na yalododonu e na lako yani i matana o koya; e na tauyavutaka na nona sala e dela ni vuravura.

Same (Tehellim) 85:1(0)-14(13)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 106 o/o 1566	April 16, 2012
Reading	Hebrew Date
Sh’mu’yl Alef (1 Samuela) 19-21	Nisan 24, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Cavuti Na Ka E Vinakata O Yahuwe (What YHWH Desired Stated)

Thought: Love YHWH and Live By His Mitzvot With All Your Heart

..................... 

Serving For Shabbat, Nisan 22, 5772

(NB. In Counting Days Toward Shavu’ot (Gr:Pentecost), Today Is Day 7 out of 50)

MAI NA TORAA (FROM THE TORAH

E na gauna oya, o Yahuwe (YHWH) a qai kaya vei au, Taya tale mai e rua na  vatu raraba, me vaka na kena imatai, ka cabe lesu mai vei au i na ulunivanua; mo na taya talega e dua na kato kau. 2 Au na mai vola e na vatu raraba na veivosa era a toqai tu e na imatai ni vaturaraba o sa vorolaka, qo mo na qai virinoca tiko e loma ni kato me no kina. 3 Au a mani taya e dua na kato e na kau shitimi, au qai taya talega e rua na vaturaraba tautauvata kei na kena imatai, au sa qai cavutu meu cabe lesu i na ulunivanua, kau kauta tiko e ligaqu na vatu raraba (e rua). 4 A qai vola o koya e na vaturaraba, me tautauvata ga kei na kena imatai na ivunau (mitzvot) e tini, oya na kena a vakamacalataka o koya vei kemuni mai na ulunivanua, mai na lomaloma ni bukawaqa e na siga ni soqoni; oti qai solia tale vei au o Yahuwe (YHWH). 5 Oti au qai vuki meu siro tale mai na ulunivanua, au qai mai biuta na vaturaraba i loma ni kato au a taya; au biuti rau e loma, me vaka e vakarota vei au o Yahuwe (YHWH). 6 O ira na luve i Yisira'yili, era qai biubiu mai Be'nei-Ya'akana era taukena na luve i Ya'akana, me ra toso i Mosera; o Aharoni a mate mai keya, mai keya talega e a bulu kina o koya; o Yilai'aza na luvenatagane a qai sosomitaki koya e na veiqaravi ni cakacaka vakakohena. 7 Era biubiu mai keya era qai toso i Quduqoda; mai Quduqoda i Yotavata, e dua na vanua e levu kina na uciwai lalai. 8 E na gauna oya o Yahuwe (YHWH) a qai biuti ira vakatikitiki na mataqali i Li'vi'imi, me ra dau colata na kato ni veiyalayalati i Yahuwe (YHWH), me ra dau tu talega e na mata i Yahuwe (YHWH) me ra veiqaravi vua, me ra dau vakacaucautaka na yaca i Yahuwe (YHWH), me yacova mai na siga oqo. 9  Qori na vuna e sega kina na nodra tikina se ivotavota vata kei ira na tacidra  o  ira na Li'vi'imi; o Yahuwe (YHWH) sara ga e nodra ivotavota, me vaka a kaya vei ira o Yahuwe (YHWH) na nomuni Kalou (Mighty One). 10 Au mani tiko ga e na mata i Yahuwe (YHWH) e na ulunivanua, me vaka ga eliu, me siga vasagavulu ka bogi vasagavulu; o Yahuwe (YHWH) a rogoci au talega e na gauna oya, a qai sega kina ni via vakarusai kemuni o Yahuwe (YHWH). 11 Kaya vei au o Yahuwe (YHWH), Cavutu me toso tale na ilakolako, ka mo liutaki ira yani na tamata. Laivi ira me ra lako mai me ra mai taukena na vanua au a bubuluitaka vei ira na nodra qase niu na solia vei ira.

12 ¶ Meu taroga i Yisira'yili, Na cava beka e gadreva vei kemuni o Yahuwe (YHWH) na nomuni Kalou (Mighty One); ia moni rerevaki Yahuwe (YHWH) ga na nomuni Kalou (Mighty One), moni bula muria na nona sala, moni lomani koya ka qaravi Yahuwe (YHWH) na nomuni Kalou (Mighty One), e na vuniyalomuni taucoko kei na nomuni bula (soul) taucoko, 13 Moni taqomaka na ivakaro (mitzvot) i Yahuwe (YHWH) na nomuni Kalou (Mighty One) kei na nona ilesilesi au mai vakarota tiko vei kemuni e na siga oqo, me na qai nomuni na kena vinaka. 14 Raica na lomalagi kei na lomalagi kei lomalagi e taukena vakadua o Yahuwe (YHWH) na nomuni Kalou (Mighty One) kei na vuravura talega vata  kei na veika kece era tu kina. 15 O Yahuwe (YHWH) ga a taleitaki ira na tamamuni qai dau lomani ira, ka digitaki ira na nodra kawa era taravi ira, oya o kemuni mai vei ira na veimatatamata tale eso me vaka sa matata tu e na siga oqo.

Na iVakarua (D’varim) 10:1-15

NA IVAQA NI BULA (FOOD FOR THE SOUL)

Na (tamata) vucesa e dau levu sara na nona gagano; ia na bula (soul) ni tamata vakasama vakavuku e na vaqaqacotaki.

Vosa Vakaibalebale (Mishlei) 13:4

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na sere, na Same i Asafa. 2(1) Kemuni na Kalou (Mighty One), o cei e tautauvata kei kemuni? Kakua ni vagaluya tale tiko, kakua ni tu tale vakadua kemuni na Kalou (Mighty One). 3(2) Baleta raica, o ira na kemuni meca era sa yavavala tiko, kei ira era cati kemuni era sa laveta cake na uludra e na nodra saqati ira na nomuni tamata. 4(3) Era bukia na kedra vere na nomuni tamata, ka veivakasalataki vakataki ira e na nodra saqati ira tiko na nomuni digitaki. 5(4) Era kaya, Lako mai, laiva meda mai vakawabokotaki ira mai na kedra maliwa na veimatanitu, me rawa ni kakua tale ni nanumi tiko na yaca i Isira’yili. 6(5) Baleta era sa veivakadonui vakataki ira me ra yalovata; era sa duavata me ra saqati kemuni, 7(6) Bau kina na valetabu i Idomi kei Yisima’yili; o ira na Moa’ve kei ira na Haqirimi; 8(7) O ira na tamata e na yasayasa o ‘Amoni kei ‘Amaleki; o ira na Pe’leseti vata kei ira na kai Ta’so; 9(8) O ira na Ashuru era to mai vata kei ira; era qai vukei ira mai na luve i Loti.

10(9) ¶  Cakava me caka vei ira me vaka a caka vei ira na Midiyani; me vaka vei Sisira; me vaka vei Yavini mai na bucabuca ni uciwai o Kishoni: 11(10) Eda a rusa mai Eini-dore; era qai yaco me ra ivakabulabula (manure) ni qele. 12(11) Vakarusai ira na nodra turaga bale me ra vakataki Oreva kei Si’evi: io, o ira kece na nodra ravouvou me ra vakataki Sevaki kei Salamuna; 13(12) Baleta era a kaya, Laiva meda taukena vakaivotavota na korolevu ni nodra Kalou (Mighty One). 14(13) Kemuni na Kalou (Mighty One), cakavi ira me ra vaka na covulaca qiqi; me ra vaka na qaniwiti e na matanicagi. 15(14) Me vaka ni kama na veikau e na bukawaqa, ka vaka na yame ni bukawaqa e vakaudreva na ulunivanua; 16(15) Mo ni vakacacani ira vakakina e na nomuni cavaa, ka vakadomobulataki ira e na nomuni cagilaba. 17(16) Vakasinaita na matadra e na madua, me rawa ni ra vaqara na yacamuni i Yahuwe (YHWH). 18(17) Laivi ira me ra veilecayaki, ka vakaleqai tu me tawamudu; io laivi ira me ra vakamaduataki ka vakarusai. 19(18) Me rawa ni ra kila na tamata ni o kemuni duadua e yacamuni o Yahuwe (YHWH) oni cecere taudua e vuravura raraba.

Same (Tehellim) 83:1(0)-17(18)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 104 o/o 1564	April 14, 2012
Reading	Hebrew Date
Sh’mu’yl Alef (1 Samuela) 15-16	Nisan 22, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Kalougata Maivei Yahuwe (Blessings From YHWH)

Thought: Keeping The Mitzvot Of YHWH Is Worthwhile To Us

 ....................

Serving For Yom R’vi’i, Nisan 19, 5772 (Day Five - Festival of Matzah)

(NB. In Counting Days Toward Shavu’ot (Gr:Pentecost), Today Is Day 4 out of 50)

MAI NA TORAA (FROM THE TORAH

O koya oqo, kevaka moni galeleta na veilewa oqo moni taqomaki ira ka vakayacori ira, o Yahuwe (YHWH) na nomuni Kalou (Mighty One) e na taqomaka tiko vata kei iko na veiyalayalati kei na yalololoma e a bubuluitaka vei ira na tamamuni. 13 O koya e na lomani kemuni ka vakalougatataki kemuni ka vakalewevuqataki kemuni; o koya e na vakalougatataka na vua ni nomuni katonigone kei na vuata ni nomuni vanua, na nomuni witi, na nomuni waini, na nomuni waiwai, na tubu ni nomuni qelenimanumanu kei na nomuni qelenisipi, e na vanua e a bubuluitaka vei ira na tamamuni ni na solia vei kemuni. 14 Oni na kalougata vakalevu cake sara vei ira  na tamata kecekece; e na sega ni dua na tagane se yalewa e na sega ni vakaluvea rawa e na kemuni maliwa kei na kedra maliwa ni nomuni manumanu. 15 O Yahuwe (YHWH) e na kauta laivi mai na kemuni maliwa na veimataqali mate dau veitauvi, na vei mate vakasisila kece ni Ijipita oni kila vinaka, o koya e na sega ni kauta mai vei kemuni; ia e na kauta ga vei ira era kemuni meca; 16 Moni na vakawabokotaki ira kece na tamata e solia i ligamuni o Yahuwe (YHWH) na nomuni Kalou; na matamuni e na sega ni lomalomani ira; oni na sega talega ni qarava na nodra kalou (elohim); baleta era itatacaqe vei kemuni. 17 Kevaka oni kaya e vuniyalomuni, O ira na veimatanitu oqo era levu cake sara mai vei keimami; e na qai rawa vakacava vei au meu vakarusai ira? 18 O kemuni moni kakua ni domobulataki ira; ia moni nanuma vinaka tiko ga na veika a cakava o  Yahuwe (YHWH) na nomuni Kalou (Mighty One) vei Fero kei ira kece sara mai Ijipita;

Na iVakarua (D’varim) 7:12-18

NA IVAQA NI BULA (FOOD FOR THE SOUL)

Na tamata dauveivakacalai e na sega ni tavuna na ka e vakasasataka tiko; ia na nona iyau, na tamata vakasama, e na dau vakamareqeti. 28 E na nona sala na yalododonu e kune kina na bula; ia e salatu ni veisei e veituberi ga i na mate.

Vosa Vakaibalebale (Mishlei) 12:27-28

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Laga e na ilagalaga ni Lili (Lilies). E dua na ivakadinadina, Na Same i Asafa. 2(1) Vakatudaliga kemuni na ivakatawa kei Yisira'yili, o kemuni oni tuberi Yosefa me vaka e dua na qelenisipi; o kemuni oni dabe toka vei ira na ke’ruvimi moni ramase mai. 3(2) E na mata i Ifira'yimi kei Biniyamini kei Ma'nashe vakaraitaka yani na nomuni kaukaua ka lako mai moni mai vueti keimami. 4(3) Tuberi keimami tale, i Yahuwe (YHWH) Cecekia, cakava me serau na matamuni, keimami na qai vakabulai. 5(4) Kemuni na Kalou (Mighty One) Yahuwe ni lewevuqa  (YHWH Tzva’ot), e na vakacava na dede ni nomuni cudruva tiko na nodra masu na nomuni tamata? 6(5) Oni vakani ira e na madrai ni tagitagi; oni qai solia vei ira na wainimata me ra gunuva vakayauyau. 7(6) Oni cakava me keimami ivakalasa vei ira na weka i keimami vakaitikotiko, o ira na meca era veidredrevaki vakataki ira. 8(7) Tuberi keimami tale, i Yahuwe ni lewevuqa (YHWH Tzva’ot) cakava me ramase na matamuni, keimami na qai vakabulai.

9(8) ¶ Oni a kauta mai e dua na vaini mai Ijipita: oni ceburaki ira laivi na daulotutaki matakau oni qai tea. 10(9) Oni a vakarautaka na qele, oni qai cakava me tubu titobu na wakana, me robota yani na vanua.11(10) Na ulunivanua a robota na kena iyaloyalo, na veitabana era tubu e na nona vunisitari na Kalou (Mighty One). 12(11) Na wakana a tete i wasawasa kei na veitabana i na uciwai. 13(12) Na cava oni musuka laivi kina na kena bai kaudraudrau me ra buturaka sobu o ira era lako sivita? 14(13) Me ra tiloma na vuakatagane ni veikau kei ira na manumanu kila ni vanua me ra kana mai kina.15(14) Lesu mai vei keimami keimami vakamasuti kemuni i Yahuwe (YHWH) ni lewevuqa (YHWH Tzva’ot); rai sobu mai lomalagi moni raica; sikova mai na vaini oqo. 16(15) Na loga ni vaini e a tea na ligamuni imatau kei na tabana oni a vakaukauataka me nomuni. 17(16) Qori sa kama e na bukawaqa; sa musu sobu; era sa vakarusai ni vunauci ira na matamuni. 18(17) Laiva na ligamuni imatau me tau vua na tamata kei na luve ni tamata oni a vakaukauataka me nomuni. 19(18) Qori me keimami kakua kina ni toso lesu mai vei kemuni; vakabulabulataki keimami, keimami na kaciva na yacamuni. 20(19) Tuberi keimami tale, kemuni na Kalou (Mighty One), Yahuwe ni lewe vuqa (YHWH Tzvaot), cakava na matamuni me ramase, keimami na qai vakabulai.

Same (Tehellim) 80:1(0)-20(19)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 101 o/o 1561	April 11, 2012
Reading	Hebrew Date
Sh’mu’yl Alef (1 Samuela) 7-9	Nisan 19, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Na Kalou E Duabau. (YHWH Mighty One Is One)

Thought:  For Longevity of Life, Keep, Teach and Do YHWH’s Mitzvot

 .....................

Serving For Yom Sheini, Nisan 17, 5772 (Day Three: Festival of Matzah)

(NB. In Counting Days Towards Shavu’ot (Gr:Pentecost) – Today Is The 2^nd Day)

MAI NA TORAA (FROM THE TORAH

IA oqo na ivakaro, na lawa kei na lewa e a vakarota vei au o Yahuwe (YHWH) na nomuni Kalou (Mighty One) meu vakatavulica vei kemuni, moni lai bula muria tiko e na vanua oni lako tiko kina qo, moni sa na lai taukena;  2 Me rawa ni oni rerevaki Yahuwe (YHWH) na nomuni Kalou (Mighty One),  dau muria matua na nona ivakaro kei na nona lawa kei na nona lewa au vakarota tiko oqo vei kemuni, kei ira na makubumuni, e na veisiga kece sara ni nomuni bula (life), me rawa ni na vakabalavutaki. 3 Ni rogoca sara, i Yisira'yili moni na vakamuria ka vakayacora kece; me rawa ni vinaka vei kemuni, ka moni tubu vakalewelevu; baleta o Yahuwe (YHWH) na nodra Kalou (Mighty One) na tamamuni, a yalataka vei kemuni ni na solia vei kemuni e dua na vanua e dau dave kina na sucu kei na hani. 4 Rogoca i Isira’yili: o Yahuwe (YHWH) e noda Kalou (Mighty One), o Yahuwe (YHWH) e duabau ga;  5 Moni lomani Yahuwe (YHWH) na nomuni Kalou (Mighty One) e na vuniyalomuni taucoko kei na nomuni bula (soul) taucoko kei na nomuni kaukaua taucoko. 6 Na veivosa oqo, au vakarota tiko vei kemuni e na siga oqo, me dau tiko ga e vuniyalomuni. 7 Moni tokoruataka vakayalomatua vei ira na luvemuni ka moni dau veitalanoataka ni oni dabe tiko e loma ni nomuni vale, ni oni taubale tiko e gaunisala, se e na gauna oni davo sobu kina, se e na gauna oni duri cake kina. 8 Moni vauci ira me ra ivakatakilakila e ligamuni, ka iukuuku e maliwa ni matamuni.  9 Moni vola talega e na duru ni katuba ni nomuni vale kei na duru ni matamata ni nomuni koro. 10 Me na qai yaco, ni sa kauti kemuni oti o Yahuwe (YHWH) na nomuni Kalou (Mighty One) i na vanua a bubuluitaka o koya vei iratou na nomuni qase, oya vei Avarahama, vei Yi'sake, vata kei Ya'akove, me solia vei kemuni na veikoro lelevu ka vivinaka, oni a sega ni tara, 11 Na veivale sa oso tu kina na veika vivinaka kece, oni a sega ni vakasinaita, kei na vei ikeliwai era sa keli oti tu ia oni a sega ni kelia, na loga ni veivaini kei na veiolive, oni a sega ni tea; ia e na gauna oni sa kana kina ka mamau vinaka; 12 Moni qai qaqarauni vinaka, de oni qai guilecava Yahuwe (YHWH), na nomuni Kalou (Mighty One), o koya e a kauti kemuni laivi mai na vanua o   Ijipita, mai na loma ni vale  ni veivakabobulataki. 13 O kemuni moni vakarokorokotaki Yahuwe (YHWH) na nomuni Kalou (Mighty One), qaravi koya, ka dau bubului ga e na yacana. 14 O kemuni moni kakua ni muria na kalou (elohim) ni veitabagauna sa sivi, na nodra kalou (elohim) na tamata era tu wavolivoliti kemuni; 15 Baleta o Yahuwe (YHWH) na nomuni Kalou (Mighty One) e Kalou (Yl)  gugumatua  e na kemuni maliwa, de na qai tubu saqati kemuni na leva i Yahuwe (YHWH) na nomuni Kalou (Mighty One) qai vakawabokotaki kemuni mai na dela i vuravura. 16 Moni kakua ni vakatovolei Yahuwe (YHWH) na nomuni Kalou (Mighty One), me vaka oni a vakatovolei koya mai Masaa (Raica na Lako Yani 12:2).

Na iVakarua (D’varim) 5:16-33

NA IVAQA NI BULA (FOOD FOR THE SOUL)

Na nuiqawaqawa ni vuniyaloni tamata e na bikai koya sobu; ia na vosa tau maqosa e na vakavuna na marau.

Vosa Vakaibalebale (Mishlei) 12:2

LOMANI YAHUWE NA NOMU KALOU (LOVE YHWH YOUR MIGHTY ONE)

A qai yadra mai o Yahuwe (YHWH) me vaka e dua e yadra mai na moce, se vaka e dua na tamata qaqa e se qai kauta laivi na dadaga mai na waini. 66 E vakavuna me ra tu vakasuka o ira na meca; qai biuti ira me ra rogo ca tu me tawamudu. 67 Oti qai sega ni vinakataka na vale tabu i Yosefa, ka sega ni digitaki ira na yavusa i Ifira'yimi, 68 Ia qai digitaka ga na yavusa i Ya'huda, na ulunivanua o Saiyoni e dau lomana o koya. 69 E tara na nona valetabu e na dua na tikina cecere, qai vakatikora e vuravura me tawamudu. 70 A digitaki Dawide talega me nona tamata, ni kauti koya mai na loma ni bai ni sipi; 71 Mai na nona vakamuri i ira voli na tinatina ni sipi dau veivakasucumi,  a kauti koya mai me mai vakani Ya'akove o ira na nona tamata, kei  Yisira'yili na nona ivotavota. 72 A mani dau vakatawani ira tiko e na yalododonu ni vuniyalona; ka tuberi ira voli e na maqosa ni ligana.

Same (Tehellim) 78:65-72

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 099 o/o 1559	April 9, 2012
Reading	Hebrew Date
Sh’mu’yl Alef (1 Samuela) 1-3	Nisan 17, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Ira Na Yisira’yili Era RogocI YHWH (The Children Of Yisra’yl Heard YHWH)

Thought:  No One Else Has Heard YHWH, Only The Children Of Yisra’yl.

 ...................

Serving For Yom Rishon, Nisan 16, 5772 (Day Two: Festival of Matzah)

MAI NA TORAA (FROM THE TORAH

O kemuni moni vakarokorokotaki rau o tamamuni kei tinamuni, me vaka e vakarota vei kemuni o Yahuwe (YHWH) na nomuni Kalou (Mighty One); me rawa ni vakadedetaki  kina na nomuni veisiga, me rawa talega ni toso vinaka kina vei kemuni na veika kece, e na vanua sa solia vei kemuni o Yahuwe (YHWH) na nomuni Kalou (Mighty One). 17 O kemuni moni kakua ni laba. 18 O kemuni moni kakua ni veidauci. 19 O kemuni moni kakua ni butako. 20 O kemuni moni kakua ivakadinadina lasu vei ira na wekamuni vakaitikotiko. 21 O kemuni moni kakua ni kocova na wati i wekamuni vakaitkotiko; se kocova na nona vale na wekamuni vakaitikotiko,  se nona were, se nona dauniveiqaravi tagane, se nona vada, se nona okisi, se nona asa, se dua ga na ka e nona na wekamu vakaitikotiko. 22 Na vosa kece oqo a cavuta o Yahuwe (YHWH) vei kemuni kece, ni oni a soqoni vata tu mai na ulunivanua, mai na lomaloma ni bukawaqa, e na ruku  ni  o, kei na butobuto vavaku, e na domo levu e  sega ni vakarautaki rawa. E a qai vola o koya e na rua na vatu raraba, qai soli i rau mai vei au.

23 ¶ E na gauna oni sa rogoca kina na domo mai na maliwa ni butobuto vavaku, oni qai raica na ulunivanua ni sa caudre tu e na bukawaqa, oni a qai toro mai vei au, oya o ira kece na iliuliu ni nomuni dui mataqali, kei ira na nomuni matua; 24 Oni qai kaya, Raica, o Yahuwe na neimami Kalou sa vakatakila vei keda  na nona lagilagi kei na nona vakaitamera, keimami sa rogoca na domona mai na lomaloma ni bukawaqa;  ka keimami sa raica edaidai ni o koya dina na Kalou (Mighty One) e na vosa vei ira na tamata, ka ni bula tiko o koya. 25 Ia oqo, na cava beka me keimami mate kina? Na yameyame ni bukawaqa vakaitamera oqo e rawa ni tilomi keimami, kevaka keimami rogoca tikoga na domo i Yahuwe (YHWH) na noda Kalou (Mighty One), o keimami, keimami sa na mate dina ga. 26 Se o cei beka e tiko vei ira era vakalewe (flesh) e sa bau rogoca na domo ni Kalou bula (Living Mighty One) ni vosa tiko mai na lomaloma ni bukawaqa, me vakataki keimami, me se bula tiko. 27 Ni toro sara yani vakavoleka moni rogoca na ka kece e via kaya vei keimami o Yahuwe (YHWH) na noda Kalou (Mighty One); mo qai mai tukuna vei keimami na ka kece e kaya vei iko o Yahuwe (YHWH) na noda Kalou (Mighty One); keimami na qai rogoca ka vakayacora. 28 O Yahuwe (YHWH) a rogoca na vosa  oni a kaya, e na gauna oni a vosa tiko kina vei au; a mani kaya vei au o Yahuwe (YHWH), Au sa rogoca na domodra na tamata kei na vosa era a cavuta vei iko, e daumaka na vosa kece era a kaya. 29 Isa ke a tiko mada ga e lomadra na vuniyalo, me ra na dau sokalou kina ka taqomaka na noqu ivakaro (Mitzvot) e veigauna kece, me rawa ni toso vinaka vei ira kei na

luvedra me tawamudu. 30 Lako lai kaya vei ira, Ni lesu i na nomuni dui valelaca. 31 Ia o iko, mo duri tu eke e mataqu, au na qai tukuna vei iko na noqu ivakaro kecekece, na noqu ilesilesi kei na noqu lewa, mo lai vakatavulica vei ira, me rawa ni ra lai vakayacori ira e na  loma ni vanua au sa solia vei ira me ra taukena. 32 O koya e vinakati kina moni na qarauna moni na bulamuria na veika kece sa vakarota qo vei kemuni o Yahuwe (YHWH) na nomuni Kalou (Mighty One), ka moni kakua ni vuki tani i na imatau se i na imawi.  33 O kemuni moni muria na sala sa vakarota oqo vei kemuni o Yahuwe (YHWH) na nomuni Kalou (Mighty One), me rawa ni oni bula, me rawa tale ga ni tini vinaka vei kemuni, moni qai vakabalavutaka na nomuni veisiga e na e loma ni vanua oni sa na lai taukena.

Na iVakarua (D’varim) 5:16-33

NA IVAQA NI BULA (FOOD FOR THE SOUL)

Na ligadra na dauvakasama vakavuku e na colata na veiliutaki; ia o ira e levu na nodra veivakacalai, era na colata na (kena) ivakacavacava.

Vosa Vakaibalebale (Mishlei) 12:24

LOMANI YAHUWE NA NOMU KALOU (LOVE YHWH YOUR MIGHTY ONE)

Ia era se vakatovolea ga ka vakacudruya na Kalou Cecere sara (Yl Ylyon), ka ra sega ni bula muria na nona ilesilesi; 57 Era qai vuki lesu ka cakacakataka na veivakacalai ca, me vakataki ira na tamadra; era a yaloveve me vaka na dakaititi tamoi. 58 Baleta era vakacudrui koya e na nodra vakacabo isoro e na veiyasana cecere, ka ra vakavuna na nona leva waromisa baleta na nodra matakau ceuceu. 59 Ni rogoca qo na Kalou (Mighty One), e a leva kina vakabibi ka vakasisilataki ira vakalevu na Yisira'yili: 60 A qai vakanadakuya na nona itikotiko mai Shailo, na vale laca a biuta toka e na kedra maliwa na tamata; 61 E soli i ira laivi na nona tamata me ra kau vakavesu, kei na kedra idivi i ligadra o ira era dau veivakasaurarataki. 62 E soli i ira na nona tamata i na iseleiwau; ka guilecavi ira na nona ivotavota. 63 Na bukawaqa a tilomi ira na nodra cauravou; o ira na nodra goneyalewa era kucuvi. 64 O ira na nodra kohanimi era a bale e na iseleiwau; o ira na nodra dui yada era a sega ni tagilagalaga.

Same (Tehellim) 78:56-64

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 098 o/o 1558	April 8, 2012
Reading	Hebrew Date
Rut (Ruci) 1-4	Nisan 16, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tokoruataki Na iVakaro E Tini (Ten Commandments Repeated)

Thought: Do All Your Work In Six Days, For The Seventh Is The Shabbat To YHWH

....................... 

Serving For Shabbat, Nisan 15, 5772 (Day One: Festival of Matzah)

MAI NA TORAA (FROM THE TORAH)

Kaci o Moshe vei ira kece na luve i Yisira'yili, qai kaya vei ira, Moni rogoca i Yisira'yili, na ilesilesi kei na lewa au tukuna tiko e matamuni e na siga oqo, moni rawa ni vulici ira, taqomaki ira ka bula muri i ira.  2 O Yahuwe (YHWH) na noda Kalou (Mighty One) a vakaduria e dua na veiyalayalati vata kei keda mai Horeva.  3 O Yahweh (YHWH) a sega ni vakaduria na veiyalayalati oqo vata kei ira na tamada, e a vakaduria sara ga vata kei keda, o keda, oya o keda kece eda bula tiko e na siga sara ga oqo. 4 O Yahuwe (YHWH) a vosa sara ga vata kei keda e na matana votu, e na ulunivanua mai na lomaloma ni bukawaqa; 5 Au a tu e na kemuni maliwa, o kemuni  vata kei Yahuwe (YHWH) e na gauna oya, meu tusanaka vei kemuni na vosa i Yahuwe (YHWH); baleta ni oni a domobula e na vukuni na bukawaqa, oni qai sega kina ni toro volekata na ulunivanua. O kaya a qai kaya;

6 ¶ O au o Yahuwe (YHWH) na nomuni Kalou (Mighty One), o koya e a kauti kemuni laivi mai na vanua o Ijipita, mai na vale ni veivakabobulataki. 7 O kemuni moni kakua ni va kalou (elohim) e mataqu. 8 O kemuni moni kakua ni bulia e na vukumuni e dua na matakau ceuceu; se dua na ivakatakarakara ni dua ga na ka e tiko mai lomalagi e cake, se dua ga na ka e vuravura e ra, se dua na ka e na loma ni wai e ruku ni vuravura. 9 Moni kakua ni sokalou vei ira, se qaravi ira; baleta o au o Yahuwe (YHWH) na  nomuni Kalou (Mighty One) au Kalou (Mighty One) dau gugumatua. Me baleti ira era cati au, o au, au na  sikova me tau na nodra caka ca na tama vei luvedra me yacova na ikatolu se ikava ni itabatamata, 10 Ia au na vakaraitaka na yalololoma vei ira e udolu na nodra itabatamata   o ira era galeleti (taleitaki se lomani) au ka dau bula muria na noqu lawa (Mitzvot). 11 O kemuni moni kakua ni taura (vakamamada) e dua na bubului e na yaca i Yahuwe (YHWH) na nomuni Kalou;  baleta o Yahuwe (YHWH) e na sega ni wilika ni tawacala o koya e taura (vakamamada) e dua na bubului e na yacana. 12 Taqomaka na Siga ni vakacecegu, e na nomuni vakatatabutaka, me vaka a vakarota vei kemuni o Yahuwe (YHWH) na nomuni Kalou (Mighty One).  13 E ono na siga moni cakava kina na nomuni cakacaka, ia moni cakava kina na nomuni cakacaka kecekece sara;  14 Baleta na ikavitu ni siga e Siga ni vakacecegu vei Yahuwe (YHWH) na nomuni Kalou (Mighty One); e na siga  oqori moni kakua kina ni cakava e dua  na cakacaka, o kemuni, o ira na luvemuni tagane, o ira na luvemuni yalewa, o ira na nomuni dauniveiqaravi,  o ira na nomuni vada, se na nomuni okisi, o ira na nomuni asa, e dua vei ira na nomuni manumanu, se na nomuni  vulagi  e tiko e loma ni nomuni tauni; me rawa kina vei ira na nomuni dauniveiqaravi tagane se dauniveiqaravi yalewa, me ra vakacegu vata kei kemuni. 15 Moni nanuma ni oni a dauveiqaravi tu mai na vanua o Ijipita, ia o Yahuwe (YHWH) na nomuni Kalou (Mighty One) e a kauti kemuni laivi mai keya e na liga kaukaua, kei na gauniliga e dodo tu yani vei kemuni; qori na vuna e vakaroti kemuni kina o Yahuwe (YHWH) na nomu Kalou (Mighty One) moni dau taqomaka na Siga ni vakacecegu.

Na iVakarua (D’varim) 5:1-15

NA IVAQA NI BULA (FOOD FOR THE SOUL)

E dua na ka veivakacalai e sega ni vinaka e matadra na yalododonu; ia o  ira na vakasisila era sinai tu e na ivakarau ca. 22 ¶ Na yame daulasulasu e dua vei ira na ka vakasisila vei Yahuwe (YHWH); ia o ira era cakacaka ga e na dina era ka ni reki vua. 23 ¶ Na tamata vakasama e idabedabe ni kilaka; ia na vuniyalodra na lialia e   kaburaka na ivalavala ca.

Vosa Vakaibalebale (Mishlei) 12:21-23

LOMANI YAHUWE NA NOMU KALOU (LOVE YHWH YOUR MIGHTY ONE)

Ia e sega ga, era valavala ca tiko ga, ka sega ni vakabauta na nona cakacaka mana. 33 O koya oqo era qai vakaotia kina na nodra veisiga  e na veika e sega na betena, kei na nodra yabaki e na yalo e sega kina na vakacegu. 34 Ni sa mokulaki ira, era sa qai vakasaqarai koya;  era qai lesu mai ka toro volekati koya. 35 Era sa qai nanuma mai ni Kalou (Mighty One) e nodra dauniveivuke; ka nodra ivakabula o koya na nodra Kalou cecere  (Yl Ylyon). 36 Ia e sega ga, baleta era lomani koya ga mai gusudra, ia era dau lasu vua e yamedra. 37 Baleta na vuniyalodra e sega ga ni dodonu vua, ka ra sega talega ni tudei i na nona veiyalayalati. 38 O koya e dauyalololoma, e dau ni veivosoti ni ivalavala ca, ka sega ni dau veivakarusai; io e vuqa na gauna e dau vukica laivi kina na nona cudru, ka sega ni vakauqeta na nona leva waromisa. 39 Baleta ni  nanuma ni o ira era tamata ga; na cagi e na takali yani ka na sega ni lesu tale mai.

40 ¶ E vakavica beka na nodra vakatovolei koya e na loma ni veikauloa ka vakararawataki koya mai veivanua dravuisiga! 41 Io, era vuki lesu ka vakatovolei koya na Kalou (Mighty One), ni ra talaidredre vua na yalosavasava ledua i Isira’yili. 42 Era sega ni nanuma na ligana se na siga a vakabulai ira kina mai vei ira era dau vakararawataki ira. 43 Ni a cakacakataka na nona ivakatakilakila mai Ijipita kei na nona cakacaka e veivakurabuitaki mai So’ana. 44 Se na nona a vukica na nodra uciwai me dra, ka vaka kina na nodra waidrodro, era qai sega ni gunu rawa mai kina. 45 A tala na isoso lago vakaitamera i na kedra maliwa me tilomi ira, kei na boto me vakacacani ira, 46 E solia laiva talega na nodra iteitei vei ira na vodre kei na vua ni nodra cakacaka vei ira na katapila. 47 A vakamatea na nodra veivaini e na uca qereqere cevata, kei na nodra veivuni lolo e na tegu cevata. 48 E solia laivi tale ga o koya na nodra manumanu manoa i na uca qereqere cevata; kei na nodra qelenisipi me ra vakarusai. 49 E a vakayacora vei ira na nona cudru waqawaqa, na leva waromisa, na yaluma kei na leqaleqa, e na liga ni dua na mala’aka dauvakacaca. 50 E a vakayacora na ivakarau kaukaua vei ira; e a sega ni vakavotaka na nodra bula (soul) mai na mate, ka soli i ira  laivi na bulumakau i na mate dau veidewavi; 51 Qai vakamatei ira kece na ulumatua mai Ijipita; na luvedra totoka kece e na loma vale nei Hame;

Same (Tehellim) 78:32-55

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 097 o/o 1557	April 7, 2012
Reading	Hebrew Date
Shof’tim (Dauniveilewai) 20-21	Nisan 15, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Vuku Kei Na Yalomatua (Wisdom and Understanding)

Thought: The Mitzvot Of YHWH Are The Source of Wisdom and Understanding

................... 

Serving For Yom Chamishi, Nisan 13, 5772

MAI NA TORAA (FROM THE TORAH)

IA oqo, moni vakatudaliga sara, i Yisira'yili, i na veilawa kei na veilewa, au na vakatavulica vei kemuni e na veisiga oqo, moni dau vakayacora; me rawa kina ni oni bula, moni qai lako yani, moni lai taukena na vanua sa solia qo vei kemuni o Yahuwe (YHWH) na nodra Kalou (Mighty One) na  nomuni qase. 2 Moni kakua ni kuria na ivakaro, moni kakua talega ni kauta tani eso na veitikina, ia moni taqomaka tiko na lawa (mitzvot) i Yahuwe (YHWH) na nomuni Kalou (Mighty One), me vaka au na vakarota vei kemuni, 3 Raica, na matamuni a raica na veika a cakava o Yahuwe (YHWH) (e na vuku ni veika a yaco) mai Ba'ala-Pe'oro; ni a vakarusai ira na tamata yadua era a muri i Ba'ala-Pe'oro, o Yahuwe (YHWH) na nomuni Kalou (Mighty One). 4 Ia o kemuni kece oni a kabiti Yahuwe (YHWH) na nomuni Kalou (Mighty One), oni se bula kece tiko e na siga oqo. 5 Raica, au sa vakavulica vei kemuni eso na ilesilesi kei na lewa, me vaka a vakarota vei au o Yahuwe (YHWH) na noqu Kalou (Mighty One), oya, e dodonu moni vakayacora tiko e na loma ni vanua oni sa vakarau curuma oqo moni lai taukena. 6 O kemuni moni taqomaka ka bulamuria; baleta qo (na yavu) ni nomuni vuku kei na nomuni yalomatua  e matadra na veimatanitu, era na rogoca na lawa kece oqo, era qai kaya, Sa dina ga ni matanitu vakaitamera oqo era lewena na tamata vuku ka yalomatua. 7 Se matanitu vakaitamera cava tale e tiko e tu volekati ira sara tu ga na nodra Kalou (Mighty One), me tautauvata kei Yahuwe (YHWH) na noda Kalou (Mighty One) e dau tu e na veika kece eda dau kacivi koya kina? 8 Se matanitu vakaitamera cava tale e tiko, e tu na nodra lawa kei na lewa e dodonu cake mai na lawa au sa virikotora tiko e matamuni e na siga oqo? 9 Ia moni qaqarauni vakavinaka sara, moni maroroya vinaka na nomuni bula (soul), de oni qai guilecava na ka sa raica oti na matamuni, oti oni qai vukica tani na vuniyalomuni e na veisiga kece ni nomuni bula (life); ia moni dau vakatavulica ga vei ira na luvemuni kei ira na makubumuni;

Na iVakarua (D’varim) 4:1-10

NA IVAQA NI BULA (FOOD FOR THE SOUL)

Na vosa ni veicavilaki e rawa ni veisua me vaka na seleiwau; ia na yamedra na vuku e na veivakabulai (heal).

Vosa Vakaibalebale (Mishlei) 12:18

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Vei Ye’dutuni. E dua na Same i Asafa. 2(1) Au a tagi vua na Kalou (Mighty One) e na voqa ni domoqu, qai rogoci au o koya, Au a laveta cake na domoqu vua qai tama mai vei au o koya. 3(2) E na siga ni noqu leqaleqa au a vaqarai Yahuwe (YHWH); na noqu vakararawataki a yaco e na bogi taucoko, ka sega ni cegu; e a sega ni dua na dau veivakacegui  e na noqu bula (soul). 4(3) Ia niu qai nanuma, kemuni na Kalou (Mighty One), au qai loma leqaleqa; Niu vakanananu, na yaloqu qai lomoci. (Selaa). 5(4) Na mataqu a veilecayaki, au qai galu kau sega kina ni vosa rawa. 6(5) Au vakasamataka na veisiga mai liu; kau kilasamataka na veitabagauna makawa sara. 7(6)Au vakanananu e na lomaloma ni bogi, au vosavosa iyaloqu; me qai vakadeuca na vuniyaloqu o au vakataki au, au qai kaya, 8(7) Sa biuti au laivi vakadua o Yahuwe (YHWH)? Sa na sega beka ni yalololoma tale beka vakadua? 9(8) Na nona yalovinaka sa takali beka vakadua? Na nona veiyalayalati beka, sa na sega ni yaco me tawa mudu? 10(9) Sa guilecava beka na Kalou (Mighty One) na ivalavala ni loloma? E na nona cudru, sa sogota laivi beka na nona loloma levu? (Selaa). 11(10) Au kaya, Oqo na noqu malumalumu, qo e dua tale na veisiko ni nona kaukaua o koya e cecere cecekia.

12(11) ¶ Au na nanuma na cakacaka i Yahuwe (YHWH); e dina talega niu na nanuma na nomuni cakacaka veivakurabuitaki  mai liu. 11(12) Au na veinanuyaka talega na nomuni cakacaka kecekece, kau na vakasamataka na nomuni veicakacaka maqosa. 12(13) Na nomuni ivalavala kemuni na Kalou (Mighty One), e savasava vakaoti: e sega ni dua e cecere cake me vakataki koya na noda Kalou (Mighty One)? 13(14) O kemuni na Kalou (Mighty One) dau caka mana: oni sa vakatakila tiko na nomuni kaukaua e na kedra maliwa na tamata. 14(15) O kemuni e na ligamuni oni a vueti ira na nomuni tamata, o ira na luve i Ya'akove vata kei Yosefa. (Selaa). 15(16) Na wai a raici kemuni, kemuni na  Kalou (Mighty One); na wai a raici kemuni; era qai domobula, na titobu talega a kidroa.16(17) Na o a sovara mai na wai, na lomalagi a veikauyaka na rorogo, kei na nomuni gasau ni dakaititi era a veivukayaki. 19(18) Na domo ni nomuni kurukuru era tu mai lomalagi, na yaseyase a vakararamataki vuravura, na vuravura a sautaninini qai yavavala. 20 (19) Na nomuni sala e koto no e na wasawasa, na nomuni salatu e na wai levu, ia na we ni yavamuni era a sega ni laurai. 21(20) Oni a tuberi ira na nomuni tamata me vaka na qelenisipi e na liga i Moshe vata kei Aharoni.

Same (Tehellim) 77:1(0)-21(20)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 095 o/o 1555	April 5, 2012
Reading	Hebrew Date
Shof’tim (Dauniveilewai) 15-17	Nisan 13, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.