Na Vosa Vakatautauvata 2 (Parables 2)

Thought: Parables Are Bugle Calls To Awake

....................................................

Serving For The 13^th October, 2009

36 Oti sa qai biuti ira na tamata o Jisu (Yahshua) me curu i vale. Eratou qai lako yani Vua na Nona tisaipeli, ratou qai kaya, Vakamatatataka mada vei keitou na vosa vakatautauvata me baleta na sisanioni e na loma ni iteitei. 37 Sauma o Koya ni kaya vei ratou: O koya e kaburaka na soreni itei vinaka, qori na Luve ni Tamata 38 Na iteitei, oqori na vuravura kei na soreni itei vinaka, oqori o ira na luve ni matanitu, ia na sisanioni, qori o ira era luveni vunica. 39 Na meca a kaburaki ira o Setani; na tatamusuki qori na ivakataotioti kei vuravura, ia o ira na daunitatamusuki, qori o ira na agilosi. 40 Me vaka na kena kumuni na sisanioni me ra lai vakamai, e na vaka talega kina e na ivakataotioti kei vuravura. 41 Na Luve ni Tamata e na talai ira mai na Nona agilosi, era qai mai soqoni ira vata, mai loma ni Nona matanitu, na veika kece era dau vu ni tacaqe kei ira era dau talatalaidredre; 42 e na qai kolotaki ira i loma ni lovo bukawaqa, e keya e na yaco kina na qoqolou, kei na vakasequruquru bati. 43 Ia o ira na yalododonu era na serau me vaka na matanisiga e na loma ni matanitu nei Tamadra. O koya e vaka­daligana me rogo kina, laivi koya me rogoca!

Maciu 13:36-43

22 Ia dau vakayacora na vosa, kakua ni rogoca wale ga, moni vakacalai kemuni kina vakataki kemuni. 23 Baleta ke dua e rogoca walega na vosa, qai sega ni cakacakakataka, o koya e vaka na tamata e raica na matana e na dua na iloilo ni titiro; 24 baleta ni raici koya oti, me sa lako, e na qai guilecava tale na kena irairai.

Jemesa 1:22-24

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
286	October 13	Isaiah 50-52	1 Thessalonians

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iVunau Mai Na Ulunivanua. (The Sermon On The Mount)

Thought: Both Belief And Behaviour Are Important In Our Lives

....................................................

Serving For The 9^th October, 2009

07 ¶ Kerekere e na soli vei iko; vaqaqara o na kunea; tukituki e na dola vei iko. 08 Baleta o koya e kerekere, e na ciqoma, o koya e vaqaqara e na kunea, ia vei koya e tukituki, e na vukuna, na katuba sa na dola. 09 Se o cei beka na tamata e tiko qo e na kemuni maliwa, ke kere madrai vua o luvena; e vakaevei e na solia beka vua na vatu? 10 Ke kere kena ika o koya, e vakaevei o na solia beka vua e dua na gata? 11 Ia kevaka, o iko o dau cakacala, o kila na iwalewale ni soli ka vivinaka vei ira na luvemuni, e vakacava beka na ilevu ni veika vivinaka e na solia mai o Tamada e tiko mai lomalagi, vei ira era kerekere yani Vua? 12 Na cava ga o vinakata me ra cakava vei iko na tamata, qori mo cakava sara ga vaka kina vei ira, baleta oqori na lawa, kei na parofita.

Maciu 7:7-12

25 O koya e dikeva vakayalomatua na ivakaro dodonu vakaoti ni veisereki, qai bula muria, e na sega ni rogoca wale ga na vosa, baleta ni rawa me guilecava; o koya e na cakava na cakacaka; na tamata oqo e na vakalougatataki e na nona cakacaka.

Jemesa 1:25

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
282	October 9	Isaiah 41-42	Colossians 1

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Digitaki Na Le Tinikarua (Choosing The Twelve)

Thought: Yahweh Will Provide Resources For His Ministry

.........................................

Serving For The 8^th October, 2009

12 ¶ A qai yaco e na veisiga oya, ni a dau lako cake tiko i na ulunivanua o Jisu (Yahshua) me dau lai masu kina e na bogi tau­coko, Vua na Kalou (Elohim). 13 Ia ni sa kida na mataka, a qai kacivi ira vata na Nona tisaipeli; qai digitaka e tinikarua mai vei ira qai vakatokai ira me ra apositolo; 14 O Saimoni, o koya e vakatokai o Pita, vata kei Adriu na tacina; o Jemesa (Jacob) kei Joni; o Filipe kei Pacolomiu; 15 o Maciu kei Tomasi; o Jemesa (Jacob) na luvei Alifio kei Saimoni dau vakatokai o Shiloti; 16 o Jiutasa na luve i Jemesa, kei Jiuta mai Isikarioti, o koya a qai yaco me daunica.

Luke 6: 12-16

26 Vakasamataka mada na nomuni veikacivi kemuni na taciqu, ni sega so ni levu e na kemuni maliwa era vuku e na veika vakavuravura, ka sega so ni levu vei kemuni e qaqa vakavuravura, ka sega so ni levu e na kemuni maliwa e kawa mai vakaturaga (nobility). 27 Ia na Kalou (Elohim) sa digitaki ira era lialia e vuravura me ra vakatubu madua vei ira era vuku; na Kalou (Elohim) talega e digitaki ira na gogo e vuravura, me ra vakatubu madua vei ira na qaqa; 28 ka digitaki ira mai na mata veiwekani beci ni vuravura, vata kei ira era lolovira, vata kei ira era sega ni dua na ka, me ra mai vakalolovirataki ira era nanuma vakataki ira ni ra dua na ka.

1 Korinica 1: 26-28

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
281	October 8	Isaiah 39-40	Phillipians 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Lewa Nei Jisu (The Authority of Yahshua).

Thought: Notice the Difference Bteween Power and Authority

...............................................

Serving For The 7th October, 2009

13 ¶ Oti e baci lako tale o Koya i matasawa; ia o ira na le vuqa era qai lako yani Vua, qai vakatavulici ira o Koya. 14 Ni taubale tiko yani, a qai raici Livai na luvei Alifio, ni dabe tiko e na valenivolavola ni kasitaba, qai kaya vua, Muri i Au mai. A tucake o koya qai muri i Koya. 15 A qai yaco, ni kana tiko o Koya e na vale nei Livai, ni a levu na daukumuni ivakacavacava kei ira na tamata ivalavala ca era a dabe toka vata kei Jisu (Yahshua) kei ratou na Nona tisaipeli; baleta e levu vei ira era dau muri i Koya. 16 Ia ni ra raici Koya, o ira na Vuni­vola kei ira na Farisi, ni kana tiko kei ira na daukumuni ivakacavacava, vata kei ira na tamata ivalavala ca, era qai kaya vei ira na Nona tisaipeli, Na cava e kana ka gunu tiko kina o Koya kei ira na daukumuni ivakacavacava vata kei ira na tamata ivalavala ca? 17 Ni rogoca qori o Jisu (Yahshua), a qai kaya vei ira, O ira era bula vinaka e sega ni yaga vei ira na vuniwai, ia vei ira ga era tauvimate. Au a sega ni lako mai Meu mai kacivi ira na yalododonu, o ira ga na tamata ivalavala ca, me ra veivutuni.

Marika 2:13-17.

16 Baleta, e na vukuna o Koya, era a buli kina na veika kece e lomalagi kei na veika kece era tiko e vuravura, laurai se sega ni laurai; se ra itutu vakatui, se o ira era turaga, se lewa vaka agilosi se matanitu; na veika kece era a tiko e ligana ka ra buli e na vukuna. 17 O Koya, e liu duadua e na veika kece, o koya tale ga e taura vata kece tu na veika kece.

Kolosa 1: 16-17

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
280	October 7	Isaiah 37-38	Phillipians 3

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Cakacaka Ni Veivakabulai (The Healing Ministry)

Thoughts: Our Ills and Diseases Can Be Healed On Request

.........................................

Serving For The 6^th October, 2009

12 ¶ Ia o Jisu (Yahshua) ni tiko voli e na dua na korolevu; a qai lako mai vua e dua na tamata e tauvi koya tu vakaca na vukavuka; ni raici Jisu (Yahshua) a qai lutu sobu vakatoboicu i matana me vakamasuti Koya ni kaya, Noqu Turaga, kevaka oni vinakata, oni rawa ni vakasavasavataki au. 13 E dodoka yani na Ligana o Jisu (Yahshua) me tarai koya, qai kaya, Au vinakata; mo vakasavasavataki e na gauna vata oqori e a takali kina na nona vukavuka. 14 Oti qai vakaroti koya me kakua ni tukuna vua e dua na tamata, Ia lako lai vakaraitaki iko vua na bete, qai vakacabora e dua na isoro ni nomu sa vakasava­savataki me vaka e vakarota o Mosese, me ivakadinadina vei ira. 15 Na irogorogo me baleti Koya sa qai tete ga vakalevu; e levu na tamata era dau sota me ra rogoci koya, me ra qai vaka­bulai talega mai na kedra mate. 16 Ia, o koya a qai biubiu me lako i lekutu, me lai masu kina.

Luke 5:12-16.

22 E a sega na Nona ivalavala ca, ka sega talega ni kune na lawaki e gusuna 23 Ni sa vakasewasewani e a sega ni veivakasewasewani lesu o koya; ni vakararawataki, e a sega ni veivakarerei, ia a nuitaka ga na nona itavi, vei Koya e dau vakataulewa vakadodonu; 24 a qai kauta laivi na noda ivalavala ca kece o koya, qai laveta cake e Yagona e na kauveilatai, me rawa kina vei keda, ni da sa mate oti e na vuku ni noda ivalavala ca, meda qai bula e na vukuni Nona yalododonu; na nona mavoa eda vakabulai kina o keda.

1 Pita 2:22-24

08 O Jisu (Yahshua) na Mesaia e tautauvata e nanoa, nikua ka tawamudu.

Iberiu 13:8

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
279	October 6	Isaiah 34-36	Phillipians 1-2

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

O Jisu Kei Joni (Yahshua and John).

Thought: We Are Not Greater Then Yahweh Or His Messiah

.......................................

Serving For The 4th October, 2009

25 A qai yaco ni tubu e dua na veileti e na kedrau maliwa e dua vei ira na tisaipeli nei Joni, vata kei na dua na Jiu, me baleta na itovo ni veivakasavasavataki. 26 Era mani lako vei Joni, era qai kaya vua, “Vakavuvuli, o Koya drau a tiko vata mai na itatakoso mai Joritani, o Koya o mai nona ivakadinadina, raica o Koya e sa veipapitaisotaki tiko, ka lewe levu era sa lako tiko yani Vua!” 27 Sauma o Joni ni kaya, “E sega ni dua na tamata, e rawa ni ciqoma e dua na ka e na nona inakinaki ga o koya vakataki koya, vakavo ke soli vua mai lomalagi. 28 “O kemudou vakataki kemudou dou noqu ivakadinadina niu a kaya, ‘O au, au sega ni Mesaia’ ia ‘au a talai ga mai meu liu mai Vua.’ 29 “O koya e nona na yaleyavou, qori o koya na taganevou; ia na nona icaba na taganevou, o koya e na dau tu vakarorogo vua, ka na marau vakalevu baleta ni rogoca na domona na taganevou. Qori na vuna sa mai vuabale tiko kina na reki e tiko vei au. 30 Sa dodonu me rogo levu cake o Koya, ia meu rogo lailai sobu o au.

Joni 3:25-30.

20 “Au sa rube oti vata kei na Mesaia; me tekivu qo sa sega ni o yau, au bula tiko, ia na Mesaia ga e sa bula tiko e lomaqu; na bula au bula tu kina qo vakayago, au bulataka tiko e na noqu vakabauta na luve ni Kalou (Elohim), o Koya e a lomani au, qai soli i koya vakataki koya e na vukuqu.

Kalatia 2:20

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
277	October 4	Isaiah 29-30	Ephesians 6

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Gone o Jisu (Yahshua as a Child)

Thought: Yahshua Was Simply A Different Type Of A Child.

............................................

Serving For The 2^nd October, 2009

41 ¶ O ira na wekana, era dau lako i Jerusalemi e veiyabaki e na solevu ni lakosivia. 42 E na gauna a yabaki tinikarua kina o Koya, eratou a qai lako cake i na solevu me vaka na kena ivalavala vei ira. 43 Ni sa oti na veisiga ni solevu, ni ratou sa lesu; na Gonetagane lailai o Jisu (Yahshua) e a tiko voli ga mai Jerusalemi; ia o Josefa kei Tinana rau a sega ni kila oqori. 44 A nodrau nanuma ni tiko o Koya vata kei ira na gonelalai e na nodratou ilakolako; ni sa oti e dua na siga na nodra itosotoso, rau qai vaqarai Koya vei ira na wekadrau vata kei ira era kilai koya. 45 Ia ni rau sa sega ni kunei Koya, rau qai lesu i Jerusalemi, me rau lai vaqarai Koya. 46 Ni sa lai oti sara e tolu na siga, rau qai kunei Koya e loma ni valenisoro, ni dabe tiko e na kedra maliwa na qasenivuli, me vakarogoci ira ka vakatarogi ira. 47 Ia o ira kece era rogoci Koya era a kurabui e na titobu ni veika e kila kei na Nona isau ni taro. 48 Ia ni rau sa raici Koya, rau a kurabui; qai kaya Vua o Tinana, “Luvequ, na cava Mo cakava kina na ka oqo vei keirau? Raica, o tamamu vata kei au, keirau a lomaleqa vakalevu e na neirau vaqarai iko tiko!” 49 Kaya vei rau o Koya, “Na cava drau vaqarai Au tiko kina? Drau sega beka ni kila Niu na tiko e na vale nei Tamaqu?

Luke 2:41-49

14 Ia na vosa a qai yaco me yago, qai mai vakaitikotiko e na keda maliwa, keitou qai raica na Nona lagilagi, na lagilagi e kune duadua Vua a vakatubura na Tamada, ka sinai tu Vua na loloma kei na dina.

Joni 1:14

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
275	October 2	Isaiah 24-26	Ephesians 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

E Rua Na iTukutuku (Two Announcements)

Thought: The Son Of Elohim, Became The Son Of Man, So Man Become The Sons Of Elohim

........................................................................

Serving For The 30^th September, 2009

Baleta ni le levu era gadreva me volai vakaivola naitalanoa ni cakacaka eda sa kila vinaka kece tu, 02 e na kena inono era a solia sobu mai kina o ira mai na kena itekivu era a ivakadinadina ka italatala ni itukutuku sara ga oya, 03 ia baleta niu a raica talega o au, niu a toka voleka ka vakasamataka kece sara vakayalomatua; au sa na vola yani kina vei kemuni na kena ituvatuva dodonu, i Teofalusi na turaga levu, 04 mo rawa ni kila na dina ni itukutuku o sa mai tavuki tu kina qo.

Luke 1:1-4.

Baleta vei keda e na sucu e dua na gone, vei keda e dua na gonetagane e na soli mai; na matanitu e na vakacolati e tabana; ka na vakatokai me yacana o Dauniveituberi Veivakurabuitaki, o Koya na Ka Levu, na Kalou (Elohim) tawamudu, na Ravouvou ni Sautu.

Aisea 9:6.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
273	September 30	Isaiah 19-21	Ephesians 2

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vakatovolei Jisu Na Tevoro (The Calumniator Tries Yahshua)

Serving for the 15th October, 2008

Oti qai vakauti Jisu (Yahshua) i vei­kauloa na Yalo Tabu me lai vakatovolei Koya kina na daunivere (Calumniator). 02 Ia ni lolo tiko o Koya, me vasagavulu na siga ka vasagavulu na bogi, a qai yaco Vua na walokai. 03 Qai toro yani Vua na daunivere, qai kaya Vua, “Kevaka o iko o Luve ni Kalou (Elohim), vakarota na vatu oqo me vuki me madrai!” 04 Sauma o Koya ni kaya, “E volai tu ‘Na tamata e na sega ni bula mai na madrai duadua ga, ia mai na veimala ni vosa e rogo mai na gusu ni Kalou (Yahweh).’” 05 Oti qai kauti Koya cake, na daunivere, i na korolevu tabu, vakatokari Koya e na doka ni valenisoro, 06 qai kaya Vua, “Kevaka o iko o Luve ni Kalou (Elohim), kolotaki iko sobu baleta e volai tu ni na vakaroti ira na Nona agilosi e na vukumu, era na qai tabei iko cake e ligadra, me kakua ni tavutu na yavamu e na dua na vatu.’” 07 Sauma vua o Jisu (Yahshua), “E volai tale tu ga, ‘Kakua ni vakatovolea na TURAGA (Yahweh) na nomu Kalou (Elohim).’” 08 Oti qai kauti Koya tale na daunivere i na dua na ulunivanua cere, qai lai vaka­raitaka Vua mai keya, na veimatanitu kecekece e vuravura, vata kei na kedra dui lagilagi; 09 Qai kaya Vua o koya, “Na veika kece qori, au na solia vei iko kevaka mo lutu sobu mo vakarokoroko vei au.” 10 Kaya vua o Jisu (Yahshua), “Lako tani Setani! Baleta e volai tu, ‘Dau vaka­rokorokotaka ga na TURAGA (Yahweh) na nomu Kalou (Elohim), io o Koya duadua ga mo qarava.’” 11 A qai biuti Koya na daunivere (Calumniator), ia raica, ni ra qai lako mai na agilosi, era qai mai qaravi Koya.
Maciu 4:1-11






Also Read If Possible (Wilika Talega Ke Rawa)
Deuteronomy 6:13, 16; 8:3; Psalm 91:11-12;
Mark 1:12-13; Luke 4:1-3

Papitaiso O Jisu (Yahshua Baptized)

Today is the First Day of the Feast of Tabernacles, which in Israel is called Festival of Sukkot. It is when they live in Permanent/Temporary Shelter. Vayikra (Leviticus) 23:42 “And you shall dwell in sukkot for seven days, every person in Israel (the people) shall dwell in sukkot; in order to ensure that your generations will know that I placed the children of Israel in sukkot when I took them out of Egypt, I am Yahweh your Elohim.”

Serving For the 14th October, 2008

Na ivakatekivu ni Nona itukutuku vinaka o Jisu (Yahshua) na Mesaia, na Luve ni Kalou (Elohim). 02 Me vaka e volai tu e na Aisea na Parofita; “Raica, Au sa tala yani na Noqu agilosi me liu yani e Matamu, o Koya me na caramaka na nomu sala; 03 “Na domo e kacikaci tiko e veikauloa; ‘Vakarautaka na sala ni Kalou (Yahweh), ka vakadodonutaka na kena salatu’” 04 O Joni a veipapitaisotaki voli e loma ni lekutu, ka vunautaka voli na veipapitaisotaki ni veivutuni, me rawa na veibokoci ni ivalavala ca. 05 O ira kece e na vanua o Jiutia taucoko kei ira na lewe i Jerusalemi, era a lako vua, era qai papitaisotaki e na uciwai na Joritani, ni ra sa vakatusa na nodra ivalavala ca. 06 O Joni, a dau vakaisulu e na isulu vutinikameli, ka dau vau na tolona e na beleti leca, ka kena kakana na vodre kei na oni ni veikau. 07 A dau vunau voli o koya, ni kaya, “Raica e muri i au tiko mai e dua e cecere cake vei au; na ivesu ni Nona ivava, e sega ni kilikili vei au meu roso sobu meu sereka. 08 “Au papitaisotaki kemuni e na wai, ia o Koya e na papitaisotaki kemuni e na Yalo Tabu.” 09 A qai yaco e na veisiga oya, ni a lako mai Nasareci e Kaleli o Jisu (Yahshua), qai mai papitaiso e na Joritani vei Joni. 10 E na gauna e lamata cake kina i dela ni wai, e a qai raica na lomalagi o Koya ni tawase rua, qai sobuti Koya na Yalo Tabu, e na ibulibuli ni dua na ruve. 11 A qai rogo mai lomalagi e dua na domo, “O iko na Luvequ Daulomani, Au dau marau vakalevu e na Vukumu!”
Marika 1:1-11




Also Read If Possible (Wilika Talega Ke Rawa)
Isaiah 40:3; Malachi 3:1; Matthew 3; John 1:19-34; Luke 3.

Na Gonetagane O Jisu E Loma Ni Valenisoro (Young Yahshua In The Temple)

The Feast of Tabernacles begins at sunset today according to the Hebrew Calendar, the fifteenth day of the seventh month, Tishrei. I dedicate this post and wish those who keep the Feast according to Leviticus 23: 33-39 a blessed Feast.

Serving For The 13th October, 2008

O ira na wekana, era dau lako i Jerusalemi e veiyabaki e na solevu ni lakosivia. 42 E na gauna a yabaki tinikarua kina o Koya, eratou a qai lako cake i na solevu me vaka na ivalavala vei ira. 43 Ni sa oti na veisiga ni solevu, ni ratou sa lesu; na Gonetagane lailai o Jisu (Yahshua) e a tiko voli ga mai Jerusalemi; ia o Josefa kei Tinana rau a sega ni kila oqori. 44 A nodrau nanuma ni tiko o Koya vata kei ira na gonelalai e na nodratou ilakolako; ni sa oti e dua na siga na nodra itosotoso, rau qai vaqarai Koya vei ira na wekadrau vata kei ira era kilai koya. 45 Ia ni rau sa sega ni kunei Koya, rau qai lesu i Jerusalemi, me rau lai vaqarai Koya. 46 ni sa lai oti e tolu na siga, rau qai kunei Koya e loma ni valenisoro, ni dabe tiko e na kedra maliwa na qasenivuli, me vakarogoci ira ka vakatarogi ira. 47 Ia o ira kece era rogoci Koya era a kurabui e na titobu ni veika e kila kei na Nona isau ni taro. 48 Ia ni rau sa raici Koya, rau a kurabui; qai kaya Vua o Tinana, “Luvequ, na cava Mo cakava kina na ka oqo vei keirau? Raica, o tamamu vata kei au, keirau a lomaleqa vakalevu e na neirau vaqarai iko tiko!” 49 Kaya vei rau o Koya, “Na cava drau vaqarai Au tiko kina? Drau sega beka ni kila Niu na tiko e na vale nei Tamaqu? 50 Ia rau a sega ni kila na ibalebale ni vosa e kaya qo vei rau o Koya. 51 Sa qai lako mai vata kei rau o Koya, me ratou lako i Nasareci; a dau talatalairawarawa tikoga vei rau, ia o Tinana a dau vakamareqeta voli ga na veivosa oqo e vuniyalona. 52 O Jisu (Yahshua) a tubu bulabula tikoga e na Nona kilaka vata kei na kena ilevu, ka dau taleitaki vua na Kalou (Yahweh) vata kei ira na tamata.
Luke 2:41-52






Also Read If Possible (Wilika Talega Ke Rawa)
I Samuel 2: 21, 26; Psalms 26: 8; 27: 4; 65;
Matthew 2:13-23; John 2:13-17; 1 Corinthians 4:18-5:4