Lewai o Beibiloni. (Judgment of Babylon)

Thought: Subject Yourself to Yahweh and Learn to be Patient With His Judgment

..............................................

Serving For the 6^th September, 2009

O Isireli e dua na tina ni sipi e yali tiko; o ira na laione era vakavuna me lako sese o koya; taumada na tuiAsiria e a tilomi koya; ia e muri o Nebukanesa na tui Beibiloni oqo, a qai vakamavoataki koya sara vakaca, vakalevu cake mai vei ira na kena vo. 18 O koya oqori e kaya kina vakaoqo O Jiova ni lewe vuqa (Yahweh of hosts) Raica, au na totogitaka na tui Beibiloni vata kei na nona vanua, me vaka au a totogitaka na tui Asiria. 19 Au na kauti Isireli lesu mai i na nona itikotiko, me na mai kana tale e Karameli, e na ulunivanua o Ifereimi vata kei Qiliadi sa na qai lai vakacegui kina na nona bula. 20 E na veisiga oya, vata kei na gauna oya, e kaya o Jiova (Yahweh), na ivalavala ca i Isireli e na qaqai, qai kune ni sega; ka vaka kina na ivalavala ca i Jiuta, era qai sega ni kune; baleta au na vosoti ira, au na digitaki ira me ra na vo bula.

Jeremaia 50;17-20

E kalougata na tamata e sega ni muria na nodra ivakavuvuli na tamata ca se bula muria na nodra ivakasala na valavala ca se dau toka vata kei na nodra ilala o ira era dau veivakasewasewani. 02 Baleta na nona reki e teki toka ga e na lawa i Jiova (Yahweh), ia e na nona lawa oya, na vuniyalona e dau vakasamata tiko e na siga kei na bogi.

Same 1:1-2

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
249	September 6	Proverbs 9-10	1 Corinthians 15:1-32

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vesu o ira na Jiu (The Capture Of The Jews)

Thought: Do Not Run Away From Difficulties, Face Them!

..........................................

Serving For The 23^rd August, 2009

Au na qai soli i ira i ligadra na kedra meca kei na ligadra o ira era vaqara tiko mai na nodra bula, i na liga i Nebukanesa na Tui Beibiloni kei na ligadra o ira na nona dauniveiqaravi; oti oya o Ijipita e na qai rawata tale na nona galala, me vaka e na gauna mai liu, e kaya o Jiova (Yahweh). 27 Ia kakua ni taqaya i Jekope noqu dauniveiqaravi; kakua ni yalolailai i Isireli; baleta raica, o yau au na vakabulai iko mai na vanua yawa, kei ira na nomu kawa mai na vanua era tu bobula tu kina; o Jekope e na qai lesu mai, me mai tiko vakacegu ka tiko vinaka; e sega ni dua e na vakamavoataki koya.

Jeremaia 46:27-28

E sebera ni dua na ka ni veivakatovolei me tarai kemuni, vakavo ga na kena sa yaco tiko vakawasoma vei ira na tamata; baleta na Kalou (Elohim) e yalodina, ka na sega ni vakatara o Koya, moni vaka­tovolei e na kena mataqali oni na sega ni vorata rawa; ia e na bulia no e dua na sala moni na dro kina mai na nomuni vakatovolei, me rawa ni oni qai colata vinaka kina.

1 Koronica 10:13

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
235.	August 23	Psalms 119:105-176	1 Corinthians 5

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Kerei na Veivuke Nei Jiova (Yahweh’s Help is Requested)

Thought: Always Face And Solve Your Problems Using Yahweh’s Decision.

....................................

Serving For The 22^nd July, 2009

Era sa qai toro mai, o ira na iliuliu kecekece ni mataivalu, vata kei Johanana na luvei Karea tagane kei Jesanaia na luve i Hosaia tagane vata kei ira na tamata kece kece, mai vei ira na gonelalai me yaco vei ira na qase, 02 Era qai kerei Jeremaia, Keimami mai vakatakekere vei iko, mo masulaki keimami mada e na mata i Jiova (Yahweh) na nomu Kalou (Elohim), o qo keimami na kena vo vo; ni keimami sa lewe lailai wale keimami vo, mai vei ira na lewe vuqa, me vaka oni sa raica rawa tu qo e matamu; 03 me kerei vei Jiova (Yahweh) na nomu Kalou (Elohim) me vakatakila mai vei keimami na sala me keimami muria kei na veika me keimami cakava. 04 A qai kaya vei ira o Jeremaia na parofita, Au sa rogoci kemuni; raica, au na masu e mata i Jiova (Yahweh) na nomuni Kalou (Elohim) me vaka na nomuni vosa; ia e na qai yaco, ni veika cava ga e sauma mai vei kemuni o Jiova (Yahweh)vei kemuni, au na mai vakasavuya vei kemuni; au na sega ni vunitaka e dua na ka mai vei kemuni. 05 Era kaya sara vei Jerernaia, Me yaco mada ga me i vakadinadina dina ka dodonu o Jiova (Yahweh) e na keda maliwa, kevaka keimami sega ni vakayacora na vosa i Jiova (Yahweh) na nomu Kalou (Elohim), e na vakauta mai vei keimami o koya, mo na mai vakasavuya vei keimami o iko. 06 Kevaka e vinaka se kevaka e ca, keimami na vakamuria vinaka sara na domo i Jiova (Yahweh) na noda Kalou (Elohim) o koya keimami talai iko tiko vua; me rawa kina ni na qai tini vinaka na ka kece vei keda, ni da sa talairawarawa tiko i na domo i Jiova (Yahweh) na noda Kalou (Elohim).

Jeremaia 42:1-6

O koya e solia na icegu vei ira era oca: ia vei ira era vauci tu e na mate ca, e vakalevutaka vei ira na kaukaua. 30 O ira na itabagone era na malumalumu ka oca, o ira na cauravou era na sega ni vukea rawa na nodra tacaqe 31 Ia o ira era ravi vei Jiova (Yahweh) e na vakavoutaki na nodra kaukaua; era na vakatubura na tabadra e vaka na taba ni ruve, era na cici ia era na sega ni oca; era na taubale ia era na sega ni malumalumu.

Aisea 40:29-30

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
234.	August 22	Psalms 119:49-104	1 Corinthians 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Veinanumi Eda Sega ni Namaka (Unexpected Kindness)

Thought: Sometimes We Get Sympathetic Help From Those We Least Expect To Help

...............................................

Serving For The 21^st August, 2009

Na vosa a yaco vei Jeremaia maivei Jiova (Yahweh), ni oti na nona vakatalai koya mai Ramaca o o Nebusaradani na nodra iliuliu na matayadra, e na gauna a kauti koya kina vakavesu e na sinucodo mai na kedra maliwa na bobula mai Jerusalemi kei Jiutia, era a kauvakavesu tiko i Beibiloni. 02 Ia na iliuliu ni matayadra a qai kauti Jeremaia, qai kaya vua, O Jiova (Yahweh) na nomu Kalou (Elohim) e sa vosa vakaloucataka na vanua oqo. 03 Ia qo na Kalou (Elohim) sa mai vakayacora, ka sa cakava me vaka na nona vosa, baleta oni sa vakayacora tiko na ivalavala ca vei Jiova (Yahweh), ka sega ni talairawarawa vua e na nona vosa; qori sa yaco tiko kina vei kemuni na veika oqo. 04 Ia qo, raica, au sa na sereki iko edaidai mai na sinucodo e vauci tu kina na ligamu. Kevaka o via lako vata kei au i Beibiloni, daru lako, au na qaravi iko vinaka; ia keveka o sega ni via lako vata kei au i Beibiloni, ia tiko ga eke. Raica, era sa tu oqori e matamu na vanua kecekece: na tikina ga o nanuna ni vinaka ka rawarawa vei iko mo lako kina, lako kina.

Jeremaia 40:1-4

Kemuni na taciqu, ke dua e kune ni cala, o kemuni oni bula tiko vakayalo, moni tuberi koya lesu mai e na yalomalumalumu; ia moni qaqarauni tikoga de oni qai tini temaki. 02 Moni veivukevukeitaka na nomuni icolacola, moni vakavatukanataka kina na Nona lawa na Mesaia

Kalatia 6:1-2

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
233.	August 21	Psalms 119:1-48	1 Corinthians 3

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Kalou Le Dua (Elohim Is One)

Thoughts: Yahweh is Elohim Alone and Pleases Himself What He Wants

................................................

Serving For The 18^th August, 2009

Ia a qai yaco na vosa i Jiova (Yahweh) vei Jeremaia e na gauna a sogo vakavesu tu kina e na nodra lomanibai na matayadra, ni kaya, 16 Lako lai vosa vei Ebedi-meleki na kai Iciopea, mo kaya, Oqo na ka e kaya o Jiova ni lewe vuqa (Yahweh of hosts), na Kalou (Elohim) i Isireli; Raica, au na vakayacora na noqu vosa i na koro oqo me na ca, ka me kakua ni vinaka; ia e na yaco oqori e matamu e na siga oya: 17 O yau, au na vakabulai iko e na siga oya, e kaya o Jiova (Yahweh): o iko o na sega ni soli i ligadra o ira na tamata era dau vakadomobula tu vei iko; 18 baleta au na vueti iko dina; iko o na qai sega ni bale e na iseleiwau, na nomu bula e na vakavotaki baleta ni o dau biuta na nomu inuinui mo vakararavi vei au, e kaya o Jiova (Yahweh).

Jeremaia 39:15-18

Nanuma na veika makawa mai liu sara; baleta o au na Kalou (Elohim), e sega ni dua tale na Kalou (Elohim); ka sega talega ni dua e tautauvata kei au, 10 baleta au lewa na itinitini mai na itekivu, ia mai na veitabagauna makawa au sa vakamacalataka oti na na veika era sebera tiko ni vakayacori, niu a kaya Na noqu lewa e na tu dei; au na cakava na veika cava ga au gadreva:

Aisea 46:9-10

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
230.	August 18	Psalms 109-111	Roma 16

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iSosomi Yalataki (The Promised Successor)

Thought: Keep Your Faith Alive in Yahweh, Elohim

.....................................................

Serving For The 17^th August, 2009

Vakararai tiko, baleta na siga sa tadu mai, e kaya o Jiova (Yahweh) au na cakava kina na veika vivinaka au dau kaya tiko me baleta na matavuvale i Isireli kei na matavuvale nei Jiuta. 15 E na veisiga oya, e na gauna oya, au na vakatubura kina vei Tevita e dua na kena isosomi yalododonu; e na qai vakavulewa tiko e na loma ni matanitu ka na kune vua na kilaka, ka na dau vakayacora na lewadodonu kei na cakacaka dodonu e loma ni vanua. 16 E na veisiga oya, o Jiuta e na vueti vata kei Jerusalemi sa na tiko vinaka: ia qo na yaca. era na kacivi koya kina, o Jiova na noda yalododonu.

17 ¶ Baleta qo na ka e kaya o Jiova (Yahweh), O Tevita e na sega vakadua ni sega na kena isosomi me dabe e na idabedabe vakatui e na matavuvale nei Isireli; 18 E na sega talega ni lailai na bete kei ira kawa Livai e na sega vakadau ni sega na nona tamata me tu e mataqu, me dau cabora na isoro kama, vakama na imadrali laukana, ka dau vacabo isoro tiko ka vakama isoro boi kamica tiko e veiveigauna kece.

Jeremaia 33:14-18

Kemuni na taciqu, okata me ka ni reki ni oni sotava e levu na veimataqali veivakatovolei, 03 baleta oni kila, ni kena vakatovolei na nomuni vakabauta, e na vaqaqacotaka na vosota. 04 Laiva na vosota me vakavatukana e na cakacaka vinaka vakaoti, me rawa ni oni vinaka vakaoti ka taucoko, me kakua kina ni sega vei kemuni e dua na ka.

Jamesa 1:2-4

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
229.	August 17	Psalms 107-108	Roma 15:21-33

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Dua Tale Na Parofisai (Another Prophesy)

Thoughts: Live Above Your Limitation Not Below It.

......................................................

Serving For The 16^th August, 2009

A qai yaco na vosa i Jiova (Yahweh) vei Jeremaia na parofita ni kaya Oqo na veika e kaya o Jiova (Yahweh) na Kalou Elohim) i Isireli; Qo na veika mo na kaya vua na tui Jiutia, o koya e a talai iko mai vei au me mai vaqaqa na veika baleti au; Raica, na mataivalu nei Fero e a lako mai me mai vukei kemuni, sa na lesu tale i Ijipita na nodra vanua. 08 Ia o ira na Kolodiani era na lesu tale mai me mai valuta na korolevu oqo, era na qai taura vakauakaua ka vakama e na bukawaqa. 09 Oqo na veika e kaya o Jiova (Yahweh); Ni kakua ni nanuma e lomamuni e na nomuni kaya, O ira na Kolodiani era na vakasuka dina mai vei keimami; baleta o ira era na sega tale ni tu vakasuka. 10 Baleta kevaka oni na rawai ira kece na lewe ni nodra mataivalu na Kolodiani e valuti kemuni tiko, me sa lai vo ga o ira era vuetaki e na kedra maliwa; era na qai matacake na tamata kece mai na nodra dui valelaca era na qai vakama na korolevu oqo, e na bukawaqa

Jeremaia 37:6-10

Ia qai kaya vei au o Koya, “Na Noqu loloma sa rauti iko vinaka; baleta na noqu kaukaua e dau vakauasivitaki e na dela ni noqu gogo. E ka talei kina vei au, meu dokadokataka na noqu gogo, me rawa ni mai cegu toka vei au na kaukaua ni Mesaia.

2 Korinica 12:9

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
228.	August 16	Psalms 105-106	Roma 15:1-20

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Kau Vakavesu Na Tui Jiutia (Deportation Of The Jewish King)

Thought: It Behooves Us To Obey And Live By Yahweh’s Words

....................................................

Serving For The 14^th August, 2009

Na vosa a qai yaco vei Jeremaia maivei Jiova (Yahweh) e na ikatini ni yabaki i Sedekaia na tui Jiutia, qori e na ikatinikawalu ni yabaki i Nebukanesa; 02 baleta e na gauna oya, na nona mataivalu na tui Beibiloni e a kabai Jerusalemi tiko; ia o Jeremaia na parofita e a sogobutu tu e na nodra lomanibai na matayadra, era tiko e na vale ni tui Jiutia. 03 O Sedekaia na tui Jiutia e a sogolati koya tu kina, e na gauna a kaya kina o koya Na cava o parofisai tiko kina mo kaya tiko, Oqo na ka e kaya o Jiova (Yahweh), Raica, au na solia na koro oqo i na liga i tui Beibiloni, ka sa na taura o koya; 04 Ia o Setekaia na tui Jiutia e na sega ni dro rawa mai na ligadra na Kolodiani, baleta e na soli dina o koya e na liga i tui Beibiloni, rau na qai lai veivosaki e na matanavotu, ka veiraimata, mata ki na mata; 05 Oti e na qai kauti Sedekaia o koya i Beibiloni, me lai tiko mai keya o koya me yacova niu sa lai sikovi koya, e kaya o Jiova (Yahweh); e dina ga ni oni na veivaluvaluti tiko kei ira na Kolodiani, oni na sega ga ni qaqa rawa.

Jeremaia 32:1-5

E na nomu ivalavala kece sara, vakarokorokotaki koya, o koya e na qai dusimaka vei iko na sala mo bula muria,

07 ¶ Kakua ni viavia vuku e matamu o iko vakataki iko, rerevaki Jiova (Yahweh) ka saumaki laivi mai na ivalavala vakasisila.

Vakaibalebale 3:6-7

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
226.	August 14	Psalms 99-102	Roma 13

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Veivakavoutaki E Na Yaco (Restitution Will Take Place)

Thought: Turn Away From Sin and Restoration Will Take Place

........................................

Serving For The 5^th August, 2009

Vakaraica toka; sa roro mai na siga e kaya o Jiova, Au na cakava kina e dua na veidinadinati vou kei na vale i Isireli vata kei na vale i Jiutia 32 Qo e na sega ni tautauvata kei na veiyalayalati au a cakava kei ira na tamamuni e na gauna au a tuberi ira laivi kina mai na vanua o Ijipita; ia baleta ni ra a vakawaletaka na noqu veiyalayalati oya, o au talega au a qai sevaki ira, e kaya o Jiova (Yahweh). 33 Ia qo na veiyalayalati au na cakava vou kei na vale i Isireli, ni oti na veisiga oya e kaya o Jiova (Yahweh), au na biuta na noqu lawa e na kedra maliwa, ka vola talega e na uto ni nodra vakasama; au na qai nodra Kalou (Elohim); o ira era na noqu tamata. 34 Sa na qai tini vakadua na nodra vakatavulici ira na tacidra o ira na tamata, ka vakakina vei ira na wekadra vakaitikotiko me ra kaya, Kilai Jiova (Yahweh): baleta era sa na kilai au kece, mai vei koya e gone duadua yaco sara vei koya e qase duadua, e kaya o Jiova (Yahweh); baleta o yau, au sa na vosota na nodra caka cala, kau sa na sega vakadua tale ni nanuma tiko na nodra ivalavala ca.

Jeremaia 31:31-34

Vakavoutaka vei au na yalomamarau ni nomuni veivueti; ka tabei au cake tiko e na yalomuni lagilagi. 13 Oti au na qai vakatavulici ira era dau vorata na nomuni sala; era na qai saumaki lesu mai vei iko o ira na dau valavala ca;

Same 51:12-13

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
216.	August 5	Psalms 75-77	Roma 6

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Kalou Dauloloma. (The Loving Elohim)

Thought: Yahweh Is Long Suffering And Has A Long Term Visions And Mission Of Love

................................................

Serving for the 4^th August, 2009

Raica na siga sa roro mai, e kaya o Jiova (Yahweh), au na vakatubura kina vei Tevita e dua na nona kawa yalododonu; o koya e na qai mai vakavulewa e na yalomatua ka vakayacora na dina kei na dodonu e loma ni vanua. 06 E na dela ni nona gauna, o Jiutia e na vueti kei Isireli sa na tiko dei: ia qo na yaca e na kacivi kina o koya, O Jiova na noda Yalododonu (Yahweh Tsidkenu). 07 O koya oqori sa roro mai kina na siga, e kaya o Jiova (Yahweh), sa na sega ni tukuni tale kina, E bula dina tiko o Jiova, o koya e a kauti ira tani mai na luve i Isireli mai na qele vanua o Ijipita; 08 ia e na tukuni ga, O Jiova e bula dina tiko, o koya e a liutaki ira mai na lewe ni Yavusa Isireli mai na veivanua mai na vualiku kei na veivanua tale eso era sa veituyaki kina; era na qai lesu me ra lai bula ga e na nodra vanua era taukena.

Jeremaia 23:5-8

O koya oya moni vosota kina na veivakadodonutaki, baleta na Kalou (Elohim) e na yavalati kemuni me vaka ni oni luvena; se evei beka na gone, e na sega ni vakadodonutaki koya o tamana?

Iperiu 12:7

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
215.	August 4	Psalms 73-74	Roma 5

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).