Dua Na Tui Vakadomobula Mai Arama (A Dangerous King Of Arama)

Thought: Knowing The Future Causes Greed With Those Who Do Not Know YHWH

........... 

Serving For Yom Sheini, Kislev 12, 5773

MAI NA NEVI’IMI RISHONIMI (FROM THE NEVI’IM RESHONIM)

Ni oti oqori o Yilai'sha a qai kaya vua na yalewa a vakabula na luvena o koya, Cavutu, lako, o iko kei iratou na lewe ni nomu matavuvale mo dou lai tu yasa tu e na vanua cava ga dou rawa ni lako kina; baleta o Yahuwe (YHWH) sa kaciva e dua na dausiga; ka na yaco e na vanua me vitu na yabaki. 2 Sa mani cavutu na yalewa, qai vakayacora, me vaka na vosa ni parofita ni Kalou (Mighty One);  a qai lako yani o koya vata kei iratou na lewe ni nona matavuvale me ratou lai tu yasa tu e na nodra vanua na  Pi'lishitimi, me vitu na yabaki. 3 A qai yaco ni sa cava na vitu na yabaki, e na gauna e lesu tale mai kina na yalewa mai na nodra vanua na Pi'lishitimi, ni a qai lako o koya vua na tui me lai tagica na nona vale kei na nona qele. 4 E na gauna oya na tui a vakatarogi Qeikazi na nona dauniveiqaravi na tamata ni Kalou (Mighty One), ni kaya tiko, Talanoataka mada mai vei au na veika lelevu sa cakava oti o Yilai'sha. 5 Ia ni se talanoataka tiko vua na tui ni a vakabula e dua e sa mate oti, raica ni a basika na yalewa a vakabula na luvena tagane o koya, me lai tagica na tui me baleta na nona vale kei na kena qele. Kaya sara o  Qeikazi,  Noqu turaga, kemuni na tui, oqo sara ga na yalewa, vata kei na luvenatagane qo e a vakabula mai na mate o Yilai'sha. 6 Ni sa taroga na tui vua na yalewa, o koya a qai vakamacalataka vua.  A mani lesia vua e dua na vakailesilesi o koya na tui, ni kaya vua, Vakasuka kece vua na veika kece a taukena tu kei na vuata kece ni nona vanua mai na siga sara a biuta kina na vanua me yacova mai na siga nikua. 7 O Yilai'sha a qai lako i Dameseke; ia o Beni-Hadada na tui Arama a tauvi mate tu; ia qai kainaki vua ni tukuni, Na parofita ni Kalou (Mighty One) e lako tu mai qo i ke. 8 Kaya na tui vei Haza'yili, Kauta e dua na iloloma soliwale, mo lai sikova na parofita ni Kalou (Mighty One), qai  vakatarogi Yahuwe (YHWH) vua, mo kaya, O au beka au na bula tale mai na mate oqo?  9 Sa mani lako o Haza'yili, me lai sikovi koya qai kauta tiko e dua na iloloma soliwale, oya mai na veika talei kece mai Dameseke, e colata rawa e vasagavulu na kameli, sa qai lako yani qai lai duri tu e matana qai kaya vua; Na luvemuni tagane o Beni-Hadada na tui Arama e talai au tiko mai vei kemuni ni kaya, Au beka au na bula mai na kequ mate oqo? 10 Kaya vua o Yilai'sha, Lako lai kaya vua, O iko o na bula dina; ia o  Yahuwe (YHWH) e vakatakila tiko mai vei au ni o koya e na mate dina ga. 11 Oti qai wanonovi koya tu mada vakabalavu, me yacova ni sa bikai koya na madua; ia na parofita ni Kalou  (Mighty One) a qai tagi. 12 Taro o Haza'yili, Na cava na vuna e tagi kina na noqu turaga?  Kaya Yilai'sha vua, Baleta au kila na ca levu o na cakava vei ira na luve i Yisira'yili; na nodra veikoro vakabai o na vakama, na nodra cauravou o na ravuti ira e na seleiwau, o na qai tatavulaki ira na nodra lalai e na dela ni qele, ka basuraki ira na nodra yalewa era buketetaki ira tiko na luvedra. 13 Kaya o Haza'yili, O cei beka na nomuni dauniveiqaravi, o koya e dua ga na koli, me na cakava rawa na ka vakaitamera oqo? Kaya o Yilai'sha, O Yahuwe (YHWH), sa cakava meu raici iko rawa, ni o iko o sa na tui Arama. 14 Sa mani biubiu o Haza'yili mai vei Yilai'sha, qai lesu vua na nona turaga; qai tarogi koya mai na nona turaga, Na cava e kaya vei iko o Yilai'sha? Sauma o koya, Oqo na ka e kaya vei au o koya, O iko o na bula dina ga. 15 Ia e na mataka tarava, o Haza'yili a qai taura e dua na tiki ni isulu vavaku, tonia e loma ni wai, qai dedeka tu e na mata ni tui, me yacova ni sa mate; o Haza'yili a qai veiliutaki vakatui me kena isosomi.

M’lakhim Bet (2 Tui) 8:1-15

NA IVAQA NI BULA (FOOD FOR THE SOUL)

Me vaka na laione kudrukudru kei na beya cudrucudru, e vaka kina na dau ni vakavulewa vei ira na dravudravua dau ivakarau vakasisila. 16 ¶ Na daunivakavulewa e lailai vua na yalomatua e na levu talega vua na veivakasaurarataki; ia o koya e cata na veivakacalai e vakabalavutaka na nona bula.

Mishlei (Vosa Vakaibalebale) 28:15-16

LOMANI YAHUWE NA NOMU KALOU (LOVE YHWH YOUR MIGHTY ONE

KAF

81 Na noqu bula (soul) e gadreva na nomuni veivakabulai, kau sa vakanuinui tiko e na nomuni vosa. 82 Na mataqu sa waraka tiko na nomuni vosa, e na gauna oni na vakacegui i au kina. 83 ¶  Baleta niu vosota na rogorogo ca; ia au sega ni guilecava na nomuni ilesilesi. 84 ¶ E vica beka na nona veisiga na nomuni dauniveiqaravi? E na gauna cava beka oni na vakataulewa kina vei ira era dau vakacacani au? 85 ¶ O ira na viavialevu era sa kelia e dua na qara e na vukuqu, e sega ni veidutai kei na nomuni ivunau. 86 Na nomuni ivakaro kece era rawa ni nuitaki; ia o ira na viavialevu era vakacacani au ga. 87 A voleka sara ni vakarusai au e dela i vuravura; ia au  sega ni vakanadakuya na nomuni ivunau. 88 ¶ Ni vakaukauataki au me veiraurau kei na nomuni yalololoma; meu rawa ni bula muria na vosa mai gusumuni.

LAMED

89 Oni tawamudu o kemuni i Yahuwe (YHWH), na nomuni vosa era vakataudeitaki tu mai lomalagi. 90 A nomuni lomadina baleti ira na itabatamata kecekece sara: oni a vakataudeitaka na vuravura, ka se tu ga: 91 E se tu ga e na siga edaidai me vaka na nomuni lewa; baleta na ka kece sara era nomuni dauniveiqaravi. 92 ¶ Keu a sega ni dau taleitaka na nomuni Toraa, keu a sa rusa e na noqu vakararawataki. 93 ¶ Au na sega vakadua ni guilecava na nomuni ivakaro, baleta ni ra ka ni bula kecekece vei au. 94 ¶ O au, au nomuni, vueti au; Baleta au dau bula muria na nomuni ivunau. 95 ¶ O ira na ca era vakamuri i au, me ra vakarusai au; ia au kila vinaka na nomuni ilesilesi. 96 ¶ Au sa raica na tawayaga ni veika kece ga; ia na nomuni lawa e sega na kena iyalayala.

Tehellim (Same) 119:81-96

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 331 o/o 1791	November 26, 2012
Reading	Hebrew Date
Kohelet ( Dauvunau) 11-12	M #9: Kislev 12, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Yaco E Dua Na Parofisai (One Prophesy Fulfilled)

Thought: Only Prophesies Pronounced By YHWH’s Genuine Servants Get Fulfilled.

................. 

Serving For Yom Rishon, Kislev 11, 5773

MAI NA NEVI’IMI RISHONIMI (FROM THE NEVI’IM RESHONIM)

Ni yadra mai na tui e na lomaloma ni bogi, a qai kaya vei ira na nona dauniveiqaravi; Au na vakatakila vei kemuni na ka era sa cakava vei keda o ira na Arameani. Era kila vinaka ni da sa viakana kece tu; qori era sa biuta kina na keba me ra lako me ra lai vuni tu e loma ni vanua, e na nodra kaya, Ni ra  biuta mai na loma ni korolevu, eda na qai vesuki ira bulabula, oti eda na qai curuma na korolevu.  13 E dua vei ira na dauniveiqaravi a qai sauma ni kaya, Laiva me so na noda daunivodo ose me ra kauta e lima vei ira na vo ni noda ose; era se vo tiko e loma ni korolevu; o iratou, eratou tautauvata vinaka sara ga kei keda eda se bula tiko, baleta ke ratou mani vesu, eratou na tautauvata tiko ga kei ira na Yisira'yili era le levu era sa mate oti; o koya meda talai ira ga yani kina meda qai raica. 14 Era qai mani taura e rua na qiqi ni ivalu, vata kei na ose; na tui a qai talai ira me ra muri i ira na mataivalu ni Arama ni kaya, Lako lai raica. 15 Eratou mani muri i ira sara me yaco i na Yaradani; eratou qai raica na gaunisala ni sa sinai tu kina na isulu kei na iyaya, era biuta laivi tu mai o ira na Arameani e na nodra lako vakariri. O ira na dau ni kauitukutuku era qai lesu era qai lai tukuna vua. 16 Era sa qai lako yani na tamata era qai lai vakayayana e na loma ni nodra keba na Arameani. Qori a qai volitaki kina e dua na ivakarau na falawa e na dua na shekele, kei na rua na ivakarau na barile e na dua na shekele, me vaka na vosa i Yahuwe (YHWH). 17 Na tui a qai lesia na nona dauniveivuke me qarava na kena yadravi na matamata; ia era qai mani buturaki koya na tamata e na matamata, qai mate kina o koya, me vaka a kaya na parofita ni Kalou (Mighty One) e na gauna a lako taumada mai kina vua, vaka dau ni kauitukutuku. 18 A qai yaco me vaka e a parofisaitaka  vua na tui, na parofita ni Kalou (Mighty One) ni a kaya, E dua na ivakarau na falawa matailalai me dua na shekele kei na rua na ivakarau na barile e na dua na shekele, nimataka e na gauna vata oqo, e na matamata mai  Shomorono, 19 Ia na tamata qaqa oya a qai sauma vua na parofita ni Kalou (Mighty One) ni kaya, Kevaka e cakava eso na katuba leka mai lomalagi o Yahuwe (YHWH) e na rawa ni yaco beka na veika oqo?  Na parofita a qai sauma vua ni a kaya, Raica o iko o na raica e matamu, ia o na sega ga ni kana mai kina. 20 A qai yaco vakakina vua; ni ra a vakasoduataki koya na tamata e na matamata, qai mate kina.

M’lakhim Bet (2 Tui) 7:12-20

NA IVAQA NI BULA (FOOD FOR THE SOUL)

E na dau marau na tamata e dau rere tu ga e veiveigauna, ia o koya e vakaukauataka na vuniyalona e na lutu i na ivalavala ca.

Mishlei (Vosa Vakaibalebale) 28:14

LOMANI YAHUWE NA NOMU KALOU (LOVE YHWH YOUR MIGHTY ONE

TET

65 ¶ Oni dau caka vinaka vua na nomuni dauniveiqaravi i Yahuwe (YHWH), me vaka na nomuni vosa. 66 Vakatavulica vei au na lewa vinaka, na yalololoma kei na kilaka; baleta au vakabauta na nomuni ivunau. 67 ¶ Ni se bera mada ga niu vakamalumalumutaki; au a sa dau vakabauta, kau dau bulamuria na nomuni vosa. 68 ¶ O kemuni oni vinaka i Yahuwe (YHWH) ka dau caka vinaka; vakatavulica vei au na nomuni ilesilesi. 69 ¶ Na nodra lewa ca na viavialevu sa tubu cake; ia au bula muria tiko ga na nomuni ivakaro e na vuniyaloqu taucoko. 70 ¶ Na vuniyalodra e babamatua; ia o au, au na bula muria na nomuni lawa. 71 ¶ E ka vinaka dina vei au niu a vakamaulumalumutaki; meu rawa ni vulica kina na nomuni ilesilesi. 72 ¶ Na lawa mai na tebenigusumuni e  vinaka cake vei au, mai na udolu na veika koula kei na siliva.

YOD

73 ¶ Na ligamuni e a buli i au ka tuvai i au: vakatavulica vei au na nomuni ivunau. 74 ¶ Me rawa kina vei ira era rerevaki kemuni me ra raica era qai vakamuduo; baleta niu vakanuinui i na nomuni vosa. 75 ¶ Au kila, i Yahuwe (YHWH), ni donu na nomuni lewa, ka kila ni oni a vakamalumalumutaki au e na nomuni yalodina. 76 ¶ Laiva, au masuti kemuni, na nomuni yalololoma ni veikauwaitaki me vakacegui au, me vaka na nomuni vosa vua na nomuni dauniveiqaravi. 77 Laiva na veikauwaitaki kei na loloma levu, me yacovi au mai, meu rawa ni bula; baleta au sa vakatavulici e na nomuni lawa. 78 ¶ Laivi ira na viavialevu me ra madua, baleta era vakararawataki au vakalawakica; ia au sa vakasamataka tiko na nomuni ivunau. 79 Laivi ira era dau rerevaki kemuni me ra vuki mai vei au, ka vaka kina o ira era kila na nomuni ivakavuvuli. 80 Laiva na vuniyaloqu me vakasamataka na nomuni ilesilesi meu kakua kina ni madua.

Tehellim (Same) 119:65-80

Tehellim (Same) 119:65-80

http://www.biblegateway.com/passage/?search=Psalms%20119:65-80&version=CJB;

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 330 o/o 1790	November 25, 2012
Reading	Hebrew Date
Kohelet ( Dauvunau) 9-10	M #9: Kislev 11, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakasasataki O Yilai’sha (Yli’sha Hunted)

Thought: Desperate Cannibalism Sets In When Food Becomes Scarce.

 ................

Serving For Yom HaShishi, Kislev 9, 5773

MAI NA NEVI’IMI RISHONIMI (FROM THE NEVI’IM RESHONIM)

Ia a qai yaco ni oti oqo, ni o Beni-Hadada na tui Arama, a qai vakasoqoni ira na lewe ni nona mataivalu era qai lako cake me ra lai tuvaivalutaki Shomorono. 25 Ia e dua na lauqa vakaitamera e a bikai Shomorono tu; e na gauna era tuvaivalutaka tiko kina, me yacova sara ga na gauna sa volitaki kina e dua na ulu ni asa e na walusagavulu na  tiki ni siliva, kei na veimama na paide na deni ruve e na lima na tiki ni siliva. 26 E na gauna e toso tiko kina na tui Yisira'yili e na dela ni bailalaga, a qai  tagi yani vua e keya e dua na yalewa ni kaya, Vukei au, noqu turaga, kemuni na tui. 27 Kaya yani o koya vua, Kevaka e sega ni vukei iko rawa o Yahuwe (YHWH), o au beka au na vukei iko rawa vakacava? Sa sega na witi e na buturara ni samusamu, ka sega na waini e na iqaqi ni waini. 28 Kaya tale na tui vua, Na cava e vakaleqai iko tiko? Sauma yani o koya vua, Na yalewa qo a kaya vei au, Solia mai na luvemu tagane me daru kani i koya nikua, daru qai kania na luvequtagane nimataka. 29 Keirau mani vakasaqara na luvequ tagane ka kania; ia e na siga tarava au qai kaya vua, Solia mai na luvemu tagane, me daru kani i koya; ia o koya sa vunitaka na luvena tagane. 30 Ni rogoca na tui na vosa ni yalewa oya, a qai busuraka na nona isulu e na gauna e taubale tiko kina e na dela ni bailalaga, era qai raica ni sa daramaka tiko na isulutaga e yagona. 31 Qai kaya o koya, Me qai cakava vakakina vei au ka vakaikuritaka na Kalou (Mighty One), ke se toka ga na iqavokavoka i Yilai'sha na luve i Shafata e na siga edai. 32 O Yilai'sha a dabe tiko e loma ni nona vale, o ira na matua vata kei koya; na tui a qai tala yani vua e dua na dau kauitukutuku; ia ni se bera yani na dau kauitukutuku sa kaya rawa o koya, Dou raica na ka e via cakava vei au na luve ni daulaba qo, me kauta laivi na noqu qavokavoka? Raica, ni sa yaco mai na dau kauitukutuku, dou qai sogota na katuba ka biligi koya i tautuba, baleta na rorogo ni yava ni nona turaga e na muri i koya tiko mai.  33 Ia ni se vosa tiko ga vei ira, sa yaco tu yani vua na dau kauitukutuku, vata kei na itukutuku mai vua na tui ni kaya, Raica, qo na vuni leqa mai vei Yahuwe (YHWH); na cava meu  waraki Yahuwe (YHWH) tiko ga kina?

M’lakhim Bet (2 Tui) 6:24-33

NA IVAQA NI BULA (FOOD FOR THE SOUL)

Na tamata vutuniyau e vuku e matana ga o koya vakataki koya, ia na tamata dravudravua (ia qai) yalomatua e na vakadodonutaki koya.

Mishlei (Vosa Vakaibalebale) 28:11

LOMANI YAHUWE NA NOMU KALOU (LOVE YHWH YOUR MIGHTY ONE

HEH

33 ¶ Vakatavulici au, i Yahuwe (YHWH) e na iwalewale ni nomuni ivakaro; au na qai bula muri i ira tiko me yacova na ivakataotioti; 34 Solia vei au na kilaka au na qai bula muria na nomuni Toraa; io au na vakamuria tiko e na vuniyaloqu taucoko; 35 ¶ Cakava meu toso tiko e na sala ni nomuni veilawa; baleta oqori au na taleitaka vakalevu, 36 Ulia na vuniyaloqu i na nomuni vosa ka sega i na vei itukuni buli. 37 ¶ Vukica tani na mataqu meu kakua ni raica na veika lasulasu; baleta na vei lewa era vinaka. 38 ¶ Vaqaqacotaka na nomuni vosa vua na nomuni dauniveiqaravi e dau rerevaki kemuni tikoga. 39 ¶ Vagolea tani na noqu vakacacani; baleta na nomuni vei lewa era vinaka.40 ¶ Raica, au dau gadreva na nomuni ivakavuvuli: vakabulabulataki au e na nomuni yalododonu.

VAV

41 ¶ Laiva na nomuni yalololoma me lako talega mai vei au, i Yahuwe (YHWH), oya na nomuni veivakabulai, me vaka na nomuni vosa. 42 Me qai tiko kina na sala meu veisa vosa kina koya e vakaucacataki au; baleta niu vakararavi i na nomuni vosa. 43 ¶ Kakua ni laiva na vosa ni nomuni dina me takali mai gusuqu; baleta sa vakanuinui tiko i na nomuni lewa. 44 Qori au na bula muria tiko kina na nomuni Tora e veiveigauna me tawamudu ka sega ni mudu. 45 ¶ Au na toso tiko e na galala baleta ni talei tiko vei au na nomuni ivakaro. 46 Au na vosa vakadodonu e matadra na tui, kau na sega ni madua. 47 Au na dau vakananuya na nomuni lawa, au na dau taleitaka. 48 Na ligaqu talega e na laveliga e na vuku ni nomuni ivakaro au dau taleitaka; au na vakananuya na nomuni lawa; au na vakaitikotiko e na nomuni vakabauta.

Tehellim (Same) 119:33-48

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 328 o/o 1788	November 23, 2012
Reading	Hebrew Date
Kohelet ( Dauvunau) 5-6	M #9: Kislev 9, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Cakacaka Nei Yilaisa (Yilsha’s Work)

Thought: Do Not Quench the Spirit, Seek Help From Yahweh

............................................. 

Serving For Yom Reeshone, 1^st Tammuz 5770

O ira na luvedra-tagane na parofita era qai kaya vei Yilaisa, Raica mada qo, na vanua qo keimami vakaitikotiko kina vata kei iko sa rui lailai vei keda. 02 Laiva meda lako i na Joridani, me da lai tawa mai keya, na tamata yadudua e tauya dua na tolonikau, qai laiva meda mai tara e dua na vanua  meda lai vakaitikotiko vata kece kina.  Kaya o koya, Io, lako! 03 Kerea yani e dua vei ira ni kaya, Kevaka o yalovinaka kina, lako tiko vata kei ira na nomu tamata.Sauma o koya, Io au na lako tiko. 04 A mani lako vata kei ira o koya. Ni ra sa yaco i na Joridani, era sa musu kau sara. 05 Ia e dua vei ira, ni ta kau tiko, a qai vakalutuma na yameni nona imatau i loma ni wai; a mani vakamamasu o koya ni kaya, Isa au kerei kemuni, noqu turaga (master), qori a kerea mai na nomuni dauniviqaravi. 06 Tarogi koya na parofita ni Kalou (Yahweh) A lutu evei? E vakatakila sara vua o koya na vanua a lutu kina. Taya   o koya e dua na tolonikau, qai coka sobu kina na vanua oya, qai coba donu e na qara ni yame ni matau.

2 Tui 6:1-7

“Ia e tiko na ka au na saqati iko kina baleta o sa biuta na imatai ni nomu dodomo. 05 “Vakasamataka lesu na gauna o a sikalutu kina, mo veivutuni­, mo qai  cakava tale na imatai ni cakacaka, deu na qai lako yani vakatotolo vei iko, meu lai kauta laivi na nomu itutu ni kadrala mai na vanua e duri tu kina; vakavo kevaka mo veivutuni.

Vakatakila 2:4-5

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
164	June 13	Tammuz 1	Ezra 3-5

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.