Na iBulibuli Bula E Va (The Four Living Creatures)

Thought: Yechezk’yl Described the Mysterious Living Creature!

................ 

Serving For Shabbat, [Seventh Month] Tishri 3, 5774

MAI NA NEVI’IMI AKARONIMI (FROM THE NEVI’IM ACHRONIM)

Ia niu raici ratou tiko na ibulibuli bula, au qai raica na qiqi e toka e na dela ni qele, me kabi toka mai na dui yasadratou na ibulibuli bula le va oqo 16 Na qiqi va va e tautauvata na kedratou i rairai; mai loma e caliva tiko mai me vaka na berili: ia na kedratou ibulibuli kei na kedratou i cakacaka e vaka me dua na qiqi, e toka e na loma ni dua tale na qiqi.17 Ni ratou sa toso, eratou na rawa ni toso e na yasadratou va va, i ratou na sega ni veigoleyaki ni ratou toso tiko. 18 Na batibatidratou, e cere ka rerevaki baleta na  batibatidratou na le va oqo e sinai vutuvutu tu kina na yaloka ni mata, wavolivoliti ratou. 19 Ia ni ratou sa toso na ibulibuli bula, na qiqi e na toso vata kei iratou; ia ni  ratou sa talave cake mai na dela ni qele na ibulibuli bula, na qiqi talega e na talave cake vata kei iratou. 20 Na vanua cava ga me lako kina na yalo, eratou na lako kina; i na yasana e via toso kina na yalo. Na qiqi e na talave cake e na yasadratou, baleta na yalodratou na ibulibuli bula e tiko e na veiqiqi oya. 21 Ni ratou toso [na ibulibuli bula], na [qiqi talega] e na toso; ia ni tu vakadua [na ibulibuli bula], na [qiqi] talega e na tu vakadua; ia ni talave cake mai na delaniqele (na ibulibuli bula], na qiqi talega e na talave cake e yasadratou; baleta na yalodratou na ibulibuli bula e tiko ga e na qiqi. 22 Ia e doka ni uludratou na ibulibuli bula e toka kina e dua na ka e tautauvata kei na macawa (dome) e remoremo tu mai me vaka na waicevata (ice); qo e totoka vakaoti, ka tadede e dela ni uludratou, e cake. 23 E ruku ni macawa e vakatetaba tu vakadodonu na tabadratou me ra veitaratara e delana kei na rukuna ia e rua era ubia kina na dui matadratou ka ratou tauyarua me tabonaka na  yagodratou 24 Au a rogoca na rorogo ni tabadratou ni ratou sa yavala; e vaka na rorogo ni wai ni coka tiko, me vaka na domo i Shadai, se vaka na domodra e dua na ibinibini tamata se matasotia, ni ra mamaue tiko,  Ni ratou tuvakadua, eratou na uruca sobu na tabadratou. 25 E na veigauna kece e rogo kina e dua na domo mai na macawa e dela ni uludratou, eratou na tu vakadua, ka uruca sobu na tabadratou.

26 ¶ Ia e dela ni macawa e toka e dela ni uludratou, e no kina e dua na idabedabe vakatui, e vaka na [vatu] safaia na kena irairai. E toka kina, e delana, e dua na ka e vaka na irairai ni dua na tamata. 27 Oti au qai raica, e dua na ka e vaka e tatibi tiko mai, na rokana e vaka na [koala waqawaqa] ni caudre tiko, na kena irairai, mai tolona kauta cake. Kauta sobu mai na ka e vaka na irairai ni tolona, au raica e dua na ka e vaka na irairai ni bukawaqa, ni serauna tiko na veika kece a tu wavolivoliti koya.  28 Na [ka e serau tiko] wavolivoliti koya e vaka e dua na drodrolagi e toka e loma ni o, e na dua na siga ucauca. E vaka tu oqori na irairai e tautauvata kei na lagilagi i Yahuwe (YHWH). Niu sa raica, au qai lutu sobu e mataqu, au qai rogoca na domo ni dua e vosa tiko.

Yekezeki’yili (Isikeli) 1:15-28

NA IVAQA NI BULA (FOOD FOR THE SOUL)

Kakua ni cakava me nomu itau e dua na tamata levaleva; kakua ni cakava me nomu icaba e dua na tamata dau yalo katakata. 25 Kevaka o cakava oqori, e na rawa sara ga ni o vakamurimuria na nona ivalavala, o qai kunei iko vakataki iko ni o sa tacori tu e na tudai.

Mishlei (Vosa Vakaibalebale) 22:24-25

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere. Na nodra same na kawa i Kora'aka. 2(1) E vakaitamera o Yahuwe (YHWH), ka dodonu me vakaitamera na nona  vakacaucautaki, e na korolevu ni noda Kalou (Mighty One) vata kei na nona ulunivanua tabu, 3(2) E totoka vakaoti na kena cere, ka idivi e vuravura taucoko, na Ulunivanua o Zaiyoni, e na baba mai na vualiku; na nona korolevu na tui cecekia. 4(3) E na nona valecere, o Yahuwe (YHWH) e vakaraitaki e na nona qaqa e na veitaqomaki. 5(4) Baleta o ira na tui era sotasota ni ra veinaki; oti era qai toso vata. 6(5) Era raica era qai vakasinaiti e na kidacala; era nuiqawaqawa, era qai dro laivi vaqunaquna, 7(6) Na domobula a tuburi ira, vata kei na vutu me vaka e dua na yalewa bukete ni taratara, 8(7) Ka vaka na cagilaba mai na vuaicake, ni vorolaka na waqa ni Tasisi.

9(8) ¶ Keimami  a rogoca, ia qo keimami sa qai raica o keimami vakataki keimami e na loma ni korolevu i Yahuwe ni lewevuqa (YHWH-Tzva'ot), e na korolevu ni noda Kalou (Mighty One).  Me vakataudeitaka mada ga na Kalou (Mighty One), me tawamudu. (Selaa) 10(9) Kemuni na Kalou (Mighty One) e na loma ni nomuni valenihttp://www.biblegateway.com/passage/?search=Ezekiel%207-8&version=CJBsoro keimami vakananuya na nomuni yalololoma. 11(10) Kemuni na Kalou (Mighty One), na nomuni vakavinavinakataki, me vaka na yacamuni, e tete vakadua i na iyalayala kei vuravura. Na ligamuni imatau e sinai vutuvutu e na nomuni yalododonu. 12(11) Laiva na Ulunivanua o Zaiyoni me malaude, laivi ira na luveyalewa i Ye'huda me ra mamarau, baleta na nomuni vakataulewa [me baleti ira na meca]. 13(12) Taubale e loma i Zaiyoni, lako vakavolivolita; wilika na ilevu ni  veivalecere e kune kina. 14(13) Dikeva matua na kena suva, curuma na kena veivalecere, me rawa ni oni na talanoataka vei ira na itabatamata mai muri. 15(14) Ni vaka tu oqori na Kalou (Mighty One), na noda Kalou (Mighty One) me tawamudu; o koya e na veituberi vei keda me tawamudu.

Tehillim (Same) 48:1-15

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 3 in 5774 (Total 2077)	September 7, 2013
Reading	Hebrew Date
Yechezk’yl (Ezekiel) 7-8	M #7: Tishri 3, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26. May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakatarogi Na Parofita (The Prophet Was Questioned)

Thought: Trust YHWH And Do What He Requires, He Is Our Life Giver!

........................ 

Serving For Yom Shlishi, [Fifth Month] Av 30, 5773 (Rosh Chodesh)

 MAI NA NEVI’IMI AKARONIMI (FROM THE NEVI’IM ACHRONIM)

O Zidikiyahu a qai samanitaki Yiremeyahu me kau mai vua, ia me taka mai e na ikatolu ni curucuru e tiko e na vale i Yahuwe (YHWH). Oti qai kaya na tui vei Yiremeyahu, Au via taroga vei iko e dua na ka; kakua ni vunitaka maivei au. 15 Kaya o Yiremeyahu vei Zidikiyahu, Kevaka au mani tukuna vei kemuni, o kemuni beka oni na sega ni cakava meu vakamatei? Ia kevaka meu vakasalataki kemuni, o kemuni oni na sega ga ni vakarorogo vei au. 16 A mani bubului lo o Zidikiyahu vei Yiremeyahu, Me vaka ni bula tiko o Yahuwe (YHWH), o koya e solia tiko vei keda na noda bula, au na sega ni soli i iko mo vakamatei; au na sega talega ni soli iko i ligadra na tamata oqo era vinakata tiko me ra vakamatei iko. 17 Oti sa qai kaya o Yiremeyahu vei Zidikiyahu, Oqo na ka e kaya o Yahuwe ni lewevuqa (YHWH-Tzva'ot) na Kalou  (Mighty One) i Yisira'yili: Kevaka moni lako moni lai soro vei ira na nona vakailesilesi  na tui Bavela; ia o sa na bula tikoga; na korolevu oqo e na sega ni vakamai e na bukawaqa; o iko kei ira na lewe ni nomuni matavuvale oni na bula. 18 Ia kevaka oni sega ni lako vei ira na nona vakailesilesi na tui Bavela, ia na korolevu oqo sa na soli i ligadra na Kasidimi; era na qai vakama vakadua i dela ni qele; o iko o na sega ni levei ira mo dro mai vei ira. 19 Kaya o Zidikiyahu na tui vei Yiremeyahu, O au, au taqayataki ira tiko na  kawa Ya'huda era sa dro oti vei ira na Kasidimi. De lakolako era qai soli i au vei ira, o ira na Kasidimi, era qai cakava vei au na ivalavala lialia. 20 Sauma o Yiremeyahu, Era na sega ni soli i kemuni laivi. Au kerei kemuni ga moni rogoca ga na vosa i Yahuwe (YHWH) e na veika au sa vakasavuya tiko qo vei kemuni; qori e na vinaka vei kemuni, o kemuni oni na qai bula. 21 Ia kevaka oni sega ni via soro, ia qo na vosa sa vakaraitaka vei au o  Yahuwe (YHWH): 22 O ira kece na yalewa era vo tiko e na vale nei tui Ya'huda, era na lako vata kei ira na nona vakailesilesi na tui Bavela, ia o ira na yalewa oqori era na qai vakalialiai kemuni: O ira na nomu icaba era sa vakacalai kemuni ka ra sa rawai kemuni, io era sa vakavuna me lobo na yavamuni i loma ni soso, ia o ira era sa vakanadakui kemuni. 23 Qori era na qai kauti ira kece kina na watimuni kei ira na luvemuni vei ira na Kasidimi: ia o kemuni oni na sega ni dro laivi rawa mai vei ira. Na ka ga e na yaco, ni o kemuni e na vesuki kemuni na tui Bavela, oni na qai vakavuna me vakamai vakadua na korolevu oqo i na dela ni qele. 24 Kaya o Zidikiyahu vei Yiremeyahu, Kakua ni tukuna vua e dua, na veika o se qai kaya oti ga oqo vei au, de o qai vakamatei. 25 Kevaka era rogoca o ira na vakailesilesi niu a vosa vei iko; era na  lako dina mai vei iko, era na qai taroga, Kaya vei keimami na cava o a kaya vua na tui; kakua ni vunitaka vei keimami,  de keimami qai vakamatei iko; [kaya talega vei keimami] se cava a kaya vei iko na tui. 26 O iko mo na kaya vei ira, O au, au a vakamasuta na tui me kakua ni cakava meu vakasukai i na vale i Yo'honatani, deu qai lai mate kina. 27 O ira na vakailesilesi era a qai lako dina mai vei Yiremeyahu era qai tarogi koya; ia o koya a qai tukuna vei ira na vosa kece a vakarota vua na tui me kaya. Era mani tinia tale na nodra veivosaki vata kei koya, baleta a se sega ni vakatakilai na veika oya. 28 O Yiremeyahu a qai mani tiko voli ga e na nodra vale na yadra, me  yacova na siga a kabai kina o Yerushalayimi;  O koya e tiko sara ga mai keya e na gauna a rawai kina o Yerushalayimi.

Yiremeyahu (Jeremaia) 38:14-28

NA IVAQA NI BULA (FOOD FOR THE SOUL)

Na itosotoso ni dua na tamata e lewa mai o Yahuwe (YHWH); sa na qai rawa vakacava vua e dua na tamata me kilakasamataka na nona itosotoso? 25 ¶ E dua na tudai vua e dua na tamata, oya ke bubuluitaka vaqunaquna vua na Kalou (Mighty One) e dua na iloloma soliwale; oti me qai vakasamataka e muri.

Mishlei (Vosa Vakaibalebale) 20:24-25

LOMANI YAHUWE NA NOMU KALOU (LOVE YHWH YOUR MIGHTY ONE

Maivei Dawide: Au laveta cake na lomaqu vei kemuni i Yahuwe (YHWH); 2 Au vakanuinui vei kemuni noqu Kalou (Mighty One). Kakua ni laiva meu vakamaduataki, kakua ni laivi ira na kequ meca me ra veiwalitaki au. 3 E sega ni dua e waraki kemuni tiko, me na vakamadualaki; na madua e waraki ira ga era tarova na nodra vakabauti kemuni ni sega na vuna. 4 Cakava meu kila na nomuni ivalavala, i Yahuwe (YHWH), vakatavulica vei au na nomuni gaunisala. 5 Tuberi au e na nomuni dina, ka  vakatavulici au; baleta o kemuni na Kalou (Mighty One) oni a vueti au, na noqu inuinui e toka vei kemuni e na loma ni siga taucoko. 6 Nanuma na nomuni yalovinaka kei na yalololoma,  i Yahuwe (YHWH); baleta qori era se tu makawa sara tu. 7 Kakua ni nanuma na noqu ivalavala ca mai na gauna au se gone kina se na noqu dau talatalaidredre; ia e na vakaitamera ga ni nomuni yalololoma  e na vuku ni nomuni yaloyalovinaka i Yahuwe (YHWH);

8 ¶ O Yahuwe (YHWH) e vinaka; o koya talega e dau dodonu; o koya e na vakatavulici ira kina na tamata ivalavala ca, na sala [me ra bula kina], 9 E dau tuberi ira na yalomalumu me ra cakava na ka e dodonu, ka vakatavulica vua na dravudravua [me ra bula muria] na nona gaunisala. 10 Na vei sala kece nei Yahuwe (YHWH) era [kunea kina na] yalololoma kei na dina o ira era bula muria na nona veiyalayalati kei na nona ivakavuvuli.11 E na vuku ni yacamuni, i Yahuwe (YHWH), vosota na noqu cakaca, e dina ga ni sa rui vakaitamera.

Tehillim (Same) 25:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.318 in 5773 (Total 2045)	August 6, 2013
Reading	Hebrew Date
Yesha’yahu (Isaiah) 61-62	M #5: Av 30, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26. May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Dau Sevaki Na Vosa Ni Parofisai (Prophetic Words Disliked)

Thought: Fair Warnings Given Through Prophesies, but Authorities Never Listen!

 ................

Serving For Yom Hashishi, [Fifth Month] Av 26, 5773

 MAI NA NEVI’IMI AKARONIMI (FROM THE NEVI’IM ACHRONIM)

E keri, era qai kaya kina vei Baruku, o ira na vakailesilesi, Lako, drau lai vuni, o kemudrau vata kei Yiremeyahu; kakua ni tukuna vua e dua na vanua drau na lai [vuni] kina. 20 Ni sa lai maroroya oti na ivola vivigi i na loma ni loqi o Yilaishama na vunivola, eratou qai lako i na lomanibai, eratou qai lai tukuna na veika kece vua na tui. 21 Na tui a qai talai Ya'hudi, me lai kauta mai na ivola vivigi; o koya a qai lai taura mai loma ni loqi i Yilaishama na vunivola. O Ya'hudi a qai lai wilika qori vua na tui vata kei ira kece na vakailesilesi era [dau] tucake tu volekata na tui. 22 Na tui, a dadabe tiko e na nona vale ni vula i liliwa, baleta qo me ikaciwa tiko ni vula, qai waqa tiko na buka e na sitovu e toka e matana. 23 Ni wilika oti ga e tolu se va na tikina mai na ivola vivigi o Ya'hudi, o koya e na kotiva laivi na veitikina oya e na dua na isele, qai kolo sara tiko i na buka e waqa tiko e loma ni sitovu, me yacova sara ni sa kama kece vakadua na ivola vivigi, e na bukawaqa e kama tiko e loma ni sitovu. 24 E dina ga ni ra a rogoca kece na veivosa oqo, era a sega ga ni bau domobula, o koya na tui se dua vei ira na nona dauniveiqaravi, se me ra dresulaka na nodra isulu. 25 O iratou ga o Yilinatani, o De'layahu kei Qi'mayahu, eratou a kerea vua na tui me kakua ni vakama na ivola vivigi; ia a sega ni bau via vakarorogo vei iratou o koya. 26 Oti oya, na tui a qai vakaroti ratou o Yerakame'yili na luvena tagane na tui,  o Sa'rayahu na luvetagane i 'Azeri'yili, kei Shelemayahu na luvetagane i 'Avade'yili, me ratou lai vesuki Baruku na vunivola kei Yiremeyahu na parofita; ia o Yahuwe (YHWH) a qai vunitaki rau. 27 Oti qai yaco mai na vosa oqo i   Yahuwe (YHWH) vei Yiremeyahu, ni vakama oti na tui, na ivola vivigi e volai tu kina na vosa a toqa tu o Baruku, ni wiligusutaka vua o Yiremeyahu: 28 Taura e dua tale na ivola vivigi, qai vola kina na vosa kecekece era tiko e na imatai ni ivola vivigi, e a vakama o Yo'hoyakimi na tui Ya'huda. 29 Ia me baleti Yo'hoyakimi na tui Ya'huda, o iko mo na kaya ni o Yahuwe (YHWH) e kaya, O iko o a vakama na ivola vivigi oqo e na nomu vakataroga,  Na cava na vuna o vola tu kina e loma, ni na lako dina mai na tui Bavela me mai vakacacana na vanua oqo, me qai biuta laladidi tu mai, me sega ni kune kina na tamata se na manumanu? 30 O koya qo e kaya kina o Yahuwe (YHWH) me baleti Yo'hoyakimi na tui Ya'huda; O koya, sa na sega ni dua na nona kawa me na dabe e na idabedabe vakatui nei Dawide; na yagona mate  e na kolotaki laivi me lai davo tu i na todra ni siga katakata e na siga kei na tegucevata batabata e na bogi. 31 Kena ikuri, au na totogitaki koya, o ira na loga luvena, kei ira na nona vakailesilesi e na vuku ni nodra ivalavala tawakilikili; au na kauta mai vei iratou, o ira na vakaitikotiko mai Yerushalayimi kei na tamata mai Ya'huda na veileqa kece au sa vakatulewataka oti me saqati ira, era qai sega ni via rogoca. 32 Oti sa qai taura e dua tale na ivola vivigi o Yiremeyahu, solia vei Baruku na luvetagane i Neraiyahu, na vunivola. Ni wiligusutaka tale yani vua o Yiremeyahu, o koya a qai toqa kece tale na vosa ni ivola vivigi sa vakama vakaoti e na bukawaqa o Yo'hoyakimi na tui Ya'huda; ka vakuria kina e vuqa tale na vosa era tautauvata ga.

Yiremeyahu (Jeremaia) 36:19-32

NA IVAQA NI BULA (FOOD FOR THE SOUL)

Taura ga na nona isulu baleta o koya e ivakadei ni nona dinau e dua na vulagi; ia vesuki koya tiko e na nona yalayala o koya e vakadei vua e dua na yalewa tawakilai. 17 ¶ Na kakana e rawa mai vakalawaki ca e rawa ni kana maleka, ia e muri na gusu sa na vakasinaiti e na laqere. 18 Ni oti na veivakasalataki, na vakananavu sa na rawa vinaka; o koya oya [mo] ciqoma kina na ivakasala vuku e na gauna o via lai vala kina.

Mishlei (Vosa Vakaibalebale) 20:16-18

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. E na ilagalaga ni Cadra Na Matanisiga [Upon Aiyelet Ha-Shahar]. E dua na same i Dawide, 2(1) Noqu Kalou (Yl), noqu Kalou (Yl) na cava oni vakanadakui i au tiko kina? Moni tu vakayawa tu kina mai na noqu vukei e na vosa ni noqu tagitagi? 3(2) Isa noqu Kalou (Mighty One) au kacivi kemuni e na loma ni siga, ia oni sega ni tama mai vei au; e na loma ni veibogi, ia oni sega ni mai tiko vata kei au. 4(3) Baleta o kemuni oni yalosavasava, ia o Yisira'yili e vakaitikotiko e na ruku ni nomuni veivakacaucautaki. 5(4) O ira na tama i keimami era a vakanuinui vei kemuni; era vakararavi vei kemuni, oni qai vueti ira. 6(5) Era tagici kemuni, era qai vueti: era vakararavi vei kemuni, era qai sega ni veilecayaki. 7(6) Ia o au, au dua na ulo, au sega ni tamata; au vakasisilataki vei ira na tamata, kau dau sevaki vei ira na kawatamata. 8(7) O ira kece era sa raici au oti, era dredrevaki au ka vakalialiai au, era vanavana mai tebenigusudra ka kurea na uludra ni ra kaya; 9(8) O koya e vakanuinui vei Yahuwe (YHWH); ia laivi Yahuwe (YHWH) sara, me vueti koya; laivi koya me vueti koya ke taleitaki koya. 10(9) Baleta o kemuni oni noqu iraviravi, mai na gauna sara au se qai curu tani kina mai na katonigone, ka noqu inuinui mai na gauna au se dau bula tu kina e na sucu i tinaqu: 11(10) Au a biu e na nomuni veiqaravi mai na katonigone, o kemuni oni noqu Kalou (Mighty One) mai na kete i tinaqu.

12(11) ¶ Kakua ni tu yawa mai vei au; ia na leqa sa tu voleka, baleta e na sega ni dua me veivuke. 13(12) E levu na bulumakau tagane era tu wavokiti au; na bulumakau tagane kaukaua ni Bashani era sa mai vakasagai au tiko. 14(13) Na gusudra e vakasequruquru bati mai vei au, me vaka e dua na laione dauveidresulaki ka daukudru. 15(14) Au sa sovaraki me vaka na wai, na noqu sui taucoko era sa lulutu laivi mai na kedra dui isema; na vuniyaloqu sa waicala me vaka na kadrala, na noqu iwawa era sa vakacacani e ketequ. 16(15) Na noqu kaukaua sa mamaca na me vaka e dua na ivorovoro ni kuro; na yamequ sa kabita na gadroqu; oni sa kolotaki au i na  kuvunisoso ni mate.

Tehillim (Same) 22:1-16

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.314 in 5773 (Total 2041)	August 2, 2013
Reading	Hebrew Date
Yesha’yahu (Isaiah) 53-54	M #5: Av 26, 5773
Click The Bible Text To Read It In Gateway In Another Language Or Version

 YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Voli Qele Na Parofita (The Prophet Purchases Land)

Thought: Yisra’yl To Be Devasted, But Confidence Is When Land Is Purchased.  

...................... 

Serving For Yom Sheini, [Fifth Month] Av 15, 5773

 MAI NA NEVI’IMI AKARONIMI (FROM THE NEVI’IM ACHRONIM)

Oqo na vosa a yaco vei Yiremeyahu maivei Yahuwe (YHWH) e na ikatini ni yabaki i Zidikiyahu na tui Ya'huda, qori me ikatinikawalu tiko ni yabaki i Ne'vukadreza; 2 E na gauna oya, na nona mataivalu  na tui Bavela e a tuvaivalutaki Yerusalayimi tiko; ia o Yiremeyahu na parofita e a sogobutu tu vakavesu e na  nodra lomanibai na matayadra, e sema vata tu kei nona valevakatui na tui Ya'huda, 3 Oya na vanua a balati koya tu kina vakavesu o  Zidikiyahu na tui Ya'huda, ni oti sara ga na gauna a kaya kina vua, Sa dua na ka na nomu viavialevu, mo parofisaitaka kina ni kaya o Yahuwe (YHWH), Au na solia na korolevu oqo vua na tui Bavela, me vesuka o koya; 4 Ia o Zidikiyahu na tui Ya'huda e na sega ni dro rawa mai ligadra na Kasadimi, baleta o koya e na soli dina  ga i ligana na tui Bavela, o koya rau na veiraimata, ni rau sa sota e na matanavotu;

5 Oti o koya [sara ga] e na qai kauti Zidikiyahu i Bavela, me lai tiko mai keya  me yacova niu sa qai vakasamataki koya [tale mai], e kaya o Yahuwe (YHWH), ia kevaka mada ga me valuti ira na Kasadimi, o iko [o na druka ga]. 6 Kaya o Yiremeyahu, Oqo na vosa i Yahuwe (YHWH) e yaco mai vei au; 7 O 'Hanama'yili na luvetagane I Shaluma na tamamu lailai, e na lako mai vei iko qai mai kaya, Volia na noqu qele mai 'Anatota; baleta na dodonu ni kena volilesu e tiko ga vei iko, o koya oya mo volia kina. 8 Me vaka a kaya o Yahuwe (YHWH), na tavalequ o 'Hanama'yili a lako mai vei au e na vale ni veivesu qai kaya, Au kerea mo volia na kequ qele mai 'Anatota, e na vanua kovuti nei  Biniyamini; baleta o iko ga o na taukena vakaivotavota, o iko tale ga e tiko vei iko na dodonu ni weka voleka, mo volia lesu mo taukena; o koya oya mo volia kina me nomu. Qori a qai vakadeitaka vei au ni vosa dina i Yahuwe (YHWH) oqo. 9 Au mani volia na qele mai  'Anatota, a dau nei 'Hanama'yili tu na tavalequ, au qai vakarautaka vua na kena isau vakailavo, e vitu na onisi na shekele siliva. 10 Au sainitaka na ivola vakadinadina ni veivoli, dregata, kacivi ira vata na vakadinadina, au qai vakarautaka na vo ni kena isau vakailavo e na kena ivakarau [ni bibi]. 11 Au taura na ivola vakadinadina ni veivoli, ruarua, na kena sa dregati vata kei na kena veiyalayalati taucoko, vata kei na kena ilavelave e sega ni dregati, 12 Au qai solia na ivola vakadinadina  ni veivoli vei Baruku na luvetagane i Neraiyaa, na luvetagane i Makaseya, ni ra tiko o 'Hanama'yili na tavalequ, o ira na ivakadinadina era a saini e na ivola vakadinadina ni veivoli, kei ira na tamata mai Ya'huda era dadabe tiko e na yasa ni nona vale na ivakatawa.

Yiremeyahu (Jeremaia) 32:1-12

NA IVAQA NI BULA (FOOD FOR THE SOUL)

Na tamata vucega e na buluta na ligana e na [loma ni] dari, ka na sega ni segata me kauta cake sara i gusuna. 25 ¶ Kevaka o kuitataka e dua e dau veibeci, o ira na yalorawarawa era na vuli me ra dau cakacaka vakavuku, ia kevaka o vosataka na yalomatua, o koya e na kila na nomu inaki.

Mishlei (Vosa Vakaibalebale) 19:24-25

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. Maivei Dawide. Na lialia e kaya e vuniyalona, E sega ni dua na Kalou (Mighty One). Era dauveidabui, na nodra ivalavala e kaukaua, e sega ni dua vei ira e cakava na ka donu. 2 Mai Lomalagi o Yahuwe (YHWH) e dikevi ira tu mai na kawatamata me raica se dua vei ira e yalomatua, se dua e dau vaqarai Yahuwe (YHWH). 3 Ia o ira kece era vuki tani tu, o ira kece era veidabui vata kece [tu]; e sega ni dua e cakava tiko na ka e donu, e sega sara ni dua.

4 ¶ Era na sega beka ni vuli, o ira kece era dau caka ca, era sa dau kani i ira tiko na noqu tamata me vaka era kana madrai tiko, era qai sega ni bau kacivi Yahuwe (YHWH)? 5 Qori o ira, era sa domobula tu vakaoti; baleta o Yahuwe (YHWH) e tiko vata kei ira era yalododonu. 6 O kemuni oni rawa ni beca na nodra vakananavu na dravudravua, ia e nodra ivunivuni o Yahuwe (YHWH). 7 Au nuitaka sara tu ga ni nodra vueti na Yisira'yili e na vu mai Zaiyoni! Ni sa vakasuka o Yahuwe (YHWH) na nodra iyau (fortune) na tamata, o Ya'akove e na marau vata kei Yisira'yili e na reki

Tehillim (Same) 14:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 303 in 5773 (Total 2030)	July 22, 2013
Reading	Hebrew Date
Yesha’yahu (Isaiah) 31-32	M #5: Av 15, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Domo Ni Parofita Dina (Words Of The Genuine Prophets).

Thought: There Are Prophets; YHWH Sanctioned Only A Few Not All

....................................... 

Serving For Yom R’vi’ii, [Fourth Month] Tammuz 11, 5773

 MAI NA NEVI’IMI AKARONIMI FROM THE NEVI’IM ACHARONIM)

Oti au qai kaya, I Yahuwe (YHWH) na Kalou (Mighty One)! O ira na parofita era sa kaya tiko vei ira, Oni na sega ni raica na ivalu, e na sega ni yaco vei kemuni na dausiga; ia au na solia vei kemuni na sautu e loma ni vanua oqo.14 Sauma o Yahuwe (YHWH), O ira na parofita era parofisaitaka tiko na lasu e na yacaqu. Au a sega ni talai ira yani, vakaroti ira se vosa mada ga vei ira. O ira era parofisaitaka tiko vei kemuni na raivotu lasutaki kei na parofisai tawayaga, qori na rai veilecayaki ga ni vuniyalodra o ira vakataki ira. 15 O koya oya, e kaya kina na vosa oqo o Yahuwe (YHWH) me baleti ira na parofita era parofisai tiko e na yacaqu, ía au a sega ni talai ira yani; ia era qai kaya tiko, E na sega ni yaco na ivalu se na dausiga e na loma ni vanua oqo; ia na ivalu sara ga kei na dausiga e na vakarusai ira na parofita oqori. 16 O ira na tamata e caka tiko vei ira na parofisai, era na kolotaki laivi e na veisaqaqata mai Yerushalayimi, baleta sara ga na dausiga kei na ivalu, qai sega ni dua me buluti ira; o ira, o ira na dui watidra yalewa, o ira na luvedra tagane kei ira na luvedra yalewa, baleta au na sovaraka tale vei ira na nodra ivalavala ca. 17 O iko mo na solia vei ira na itukutuku oqo,  kaya vei ira na vosa oqo; Laiva na yaloka ni mataqu me ualuvu tiko e na wainimata, e na bogi kei na siga, me tawacegu, baleta na luvedra yalewa tabutagane na noqu tamata era sa vakacacani vakaca; o koya e sa tau vua e dua na imoku mosimosi. 18 Kevaka meu lako yani i na loma ni were, au na raici ira era vuetaki e na seleiwau. Kevaka au curu i loma ni korolevu, au na raici ira era vakaleqai mai na dausiga. E na gauna vata oqo, o ira na parofita kei na kohanimi era cakava tiko na nodra cakacaka e na loma ni vanua ia era sega ni kila e dua na ka. 19 Oni sa biuti Ya'huda beka vakaoti?  O Zaiyoni beka sa vakasisila [sara ga]  vei kemuni? Na cava beka oni sa mokuti keimami kina me keimami leqa tu vakadua? Keimami vaqara na sautu, ia keimami sega ni kunea; (keimami vaqara) na veivakabulai ia keimami sota tale kei na (veika) vakadomobula! 20 Keimami vakatusa na neimami vakabebe, i Yahuwe (YHWH), kei na nodra caka ca o ira na neimami itubutubu; io keimami a valavala ca vei kemuni. 21 E na vuku ni yacamuni, kakua ni cati keimami; kakua ni vakarogocataka na nomuni idabedabe vakatui dokai. Nanuma na nomuni veiyalayalati kei keimami; kakua ni voroka. 22 E na kedra maliwa na nodra kaloumatakau na veimatanitu, e dua beka (vei ira) e rawa ni cakava me tau na uca?  E rawa beka i na lomalagi me vakatauca wale tu ga mai na uca mamada? E sega beka ni o kemuni duadua ga i Yahuwe (YHWH), oni neimami Kalou (Mighty One)? Keimami sega beka ni dau rai yani vei kemuni? Ka ni o kemuni oni dau cakava na veika kece oqo?

Yiremeyahu (Jeremaia) 14:13-22

NA IVAQA NI BULA (FOOD FOR THE SOUL)

Na cava na betena vua e dua na lialia me volia na vuku, ni sega tu mada ga vua na gagadre me vuli.

Mishlei (Vosa Vakaibalebale) 17:16

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere ni cabecabe. Maivei Dawide. Oilei na kena vinaka kei na kena totoka, ni ra mai vakaitikotiko vata e na yalovata o ira na veitacini.2 E tautauvata kei na ilumu vakamareqeti e na ulu kei na kumi, na kumi i Aharoni, ni sa drodro sobu i na kola ni nona kote; 3 E vaka na tegu mai Heremoni ni  lutu no e na ulunivanua mai Zaiyoni. Baleta e keya, o Yahuwe (YHWH) a vakatabuya kina na veivakalougatataki ni bula e tawamudu.

Tehillim (Same) 133:1-3

E dua na sere ni cabecabe. Lako mai, mai vakavinavinaka vei Yahuwe (YHWH), o kemuni kecekece na dauniveiqaravi nei Yahuwe (YHWH), o kemuni oni dau veiqaravi e veibogi, e na vale i Yahuwe (YHWH). 2 Laveta cake na ligamuni vaka i na vale tabu, qai vakavinavinaka vei Yahuwe (YHWH). 3 Me qai vakalougatataki kemuni mada ga o Yahuwe (YHWH), o koya e a buli i lomalagi kei vuravura, mai Zaiyoni.

Tehillim (Same) 134:1-3

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 270 in 5773 (Total 1997)	June 19, 2013
Reading	Hebrew Date
M’lakhim Alef (1 Kings) 11-12	M #4: Tammuz 11, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofita O Yiremeyahu (The Prophet Yirmeyahu)

Thought: To Uproot & Teardown, Destroy & Demolish, Build & Plant!

Serving For Yom R’vi’ii, Sivan 13 5773

 MAI NA NEVI’IMI AKARONIMI FROM THE NEVI’IM ACHARONIM)

Oqo na veivosa i Yiremeyahu na luvetagane i Hilikiya, e dua vei ira na kohanimi era a bula tiko mai 'Anatota e na yasayasa o Biniyamini, 2 Na vosa i Yahuwe (YHWH) e a yaco mai vua e na veisiga i Yoshaiyahu na luvetagane i 'Amoni, na tui Ya'huda, e na ikatinikatolu ni yabaki ni nona veiliutaki vakatui. 3 E a yaco talega mai e na gauna i Yo'hoyakimi na luvetagane i Yoshaiyahu, na tui Ya'huda, me yacova na itinitini ni ikatinikadua ni yabaki i Zidikiyahu na luvetagane i Yoshaiyahu na tui Ya'huda; me yacova sara yani na gauna a kau kina vakabobula [na itaukei kei] Yerushalayimi e na ikalima ni vula.

4 ¶ Oqo na vosa i Yahuwe (YHWH) e a yaco mai vei au; 5 Niu se bera ni buli i iko e loma ni  katonigone, au a sa kilai iko oti tu; ni o se bera ni sucu (mai na katonigone), au a sa wasei iko oti tu e na vukuqu, ka lesi i iko mo dua na parofita i na veimatanitu. 6 Au qai kaya, Olei i Yahuwe (YHWH) na Kalou (Mighty One), au sega tu mada ga ni kila na vosa, baleta niu se gone ga! 7 Ia qai kaya mai vei au o Yahuwe (YHWH), Kakua ni kaya, Au se gone ga. Baleta o iko o na lako vei koya ga au talai iko vua; o na qai lai kaya na cava ga au vakarota vei iko. 8 Kakua ni taqayataki ira, baleta o au, au na tiko vata kei iko, e kaya o Yahuwe (YHWH), meu na dau vueti iko. 9 Oti qai dodoka mai na ligana o Yahuwe (YHWH) qai tara na gusuqu, qai kaya vei au o Yahuwe (YHWH), Qori! Au sa biuta na noqu veivosa e loma ni gusumu. 10 Nikua, au sa vakatikori iko e deladra na veivanua kei na veimatanitu, mo na  dau cavuivuvu, basuraka sobu, vakarusa ka basubasu, oti [mo] qai tara cake ka tea. 11 Na vosa i Yahuwe (YHWH) a yaco mai vei au qai taroga, Yiremeyahu, na cava beka o raica?  Au sauma, Au raica na taba ni dua na vuni alamodi (Yiviriu: shaked). 12 Oti qai kaya mai vei au o Yahuwe (YHWH), E donu na ka o raica, baleta o au, au sa vakararai tiko (Yiviriu: shoked) me na vakayacori na noqu vosa. 13 E na ikarua ni gauna a yaco mai kina vei au na vosa i Yahuwe (YHWH), e taroga kina, Na cava beka o raica? Au sauma, Au raica e dua na kuro, ni koto vakatatiki no mai na vualiku, e na dela ni dua na matadravu e iriva tiko na cagi. 14 E kaya sara vei au o Yahuwe (YHWH), Mai na vualiku e na buebue mai kina na na leqa lelevu vei ira kece era bula tiko e loma ni vanua, 15 Baleta au na taba samanitaki ira kece na veimatavuvale mai na vualiku, e kaya o Yahuwe (YHWH); era na qai lako mai me ra mai dabe, o ira yadua e na nona idabedabe vakatui, e na icurucuru ni matamata mai Yerushalayimi; veibasai kei na bai lalaga, wavolivolita vakadua ka veibasai kei na veikorolevu kece e Ya'huda. 16 Au na kacivaka na noqu lewa e saqati  ira, e na vukuni nodra ivalavala ca kece, e na nodra vakanadakui i au, me ra cabora na nodra isoro ni veika boi kamica vei ira na kalou (elohim) tani, kei na nodra sokaloutaka na veika e a bulia ga na dui ligadra. 17 Ia o iko, vauca mai na tolomu mo sa cakacaka, tucake mo tukuna vei ira na veika kecega au vakarota vei iko; ni o sa tu e matadra, kakua tale ni datuvu, deu na qai vakamaduataki iko e matadra. 18 Baleta nikua, o a raica, niu sa vakaukauataki me vaka e dua na korolevu vakabai, e dua na duru kaukamea, e dua na bailalaga borozo mo saqata na vanua taucoko, mo saqati ira na tui Ya'huda, mo saqati ira na kena ravouvou, mo saqati ira na kohanimi, kei na lewenivanua. 19 O ira era na valuti iko ia era na sega ni rawai iko, baleta o au, au tiko vata kei iko, e kaya o Yahuwe (YHWH), meu na dau vueti iko.

Yiremeyahu (Jeremaia) 66:1-19

NA IVAQA NI BULA (FOOD FOR THE SOUL)

Na kocovi ni tubu e kauta mai na leqaleqa i vale, ia o koya e cata na veivaqumi (bribe) e na bula. 28 ¶ Na vuniyalona na yalododonu e vakasama taumada ni se bera ni vosa; ia na gusuna na vakasisila e tasova ga mai kina na  veika vakasisila.

Mishlei (Vosa Vakaibalebale) 15:27-28

LOMANI YAHUWE NA NOMU KALOU (LOVE YHWH YOUR MIGHTY ONE

Haleluya! E wacava na nona mamarau o koya ga e [dau] rerevaki Yahuwe (YHWH), o koya e dau qacoya na qaravi ni nona ivakaro (mitzvot) 2 O ira na nona kawa era na kaukaua  e vuravura; e dua na itabatamata tu dodonu ka kalougata. 3 Na iyau kei na iyaya talei e [vutucoqa] e nona vale; kei na nona yalododonu e na tudei tu tawamudu. 4 Vei ira na tu dodonu o koya e  ramase tiko me vaka e dua na rarama e loma ni butobuto, e dau yalololoma, e dau veikauwaitaki, ka dau yalododonu. 5 Na veika kece e toso vinaka vua na tamata e dau yalololoma, dau daulomasoli; ka dau vakayacora na nona bula vakadodonu;

6 ¶ Baleta o koya e na sega vakadua ni yavalati. O ira na yalododonu era na dau nanumi me tawamudu. 7 O koya e na sega ni taqaya baleta na  itukutuku ca: e tu dei tu ga, ka vakanuinui tiko [ga] vei Yahuwe (YHWH). 8 Na vuniyalona sa tu kaukaua tu, o koya e na sega ni datuvu, me yacova ni sa raici ira na kena meca e na qaqa. 9 O koya e dau solika vakayauyau, e  dau solika vei ira na dravudravua; na nona yalododonu e tudei tu me tawamudu. Na nona kaukaua e na vakaikuritaki e na dokai.10 O ira na kena meca era na leva ni ra raica oqo; era na qai vakasequruquru bati, ka malai sobu ga yani: na nodra gagadre o ira na ca e na yaco me sega ni dua na ka.

Tehillim (Same) 112:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 243 in 5773 (Total 1969)	May 22, 2013
Reading	Hebrew Date
Sh’mu’yl Alef (1 Samuel) 11-12	M #3:Sivan 13, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Gauna Vinaka Maimuri ( A Better Time In The Future)

Thought: Swords Into Plowshare And Spears Into Sickle

 ....................

Serving For Yom Chamishi, Tevet 21, 5773

MAI NA NEVI’IMI AKARONIMI (FROM THE NEVI’IM ACHARONIM)

NA vosa a raica o Yesha'yahu na luvetagane i  Amozi me baleti Ya'huda vata kei Yerushalayimi. 2 E na qai yaco e na ivakataotioti ni veisiga ni na vakataudeitaki na ulunivanua ni vale i Yahuwe (YHWH), e na laveti cake me cecere cake mai na veidelana; me ra na vakanamata kina na veimatanitu kece. 3 E levu na tamata era na lako, era na qai kaya, Lako mai, laiva meda mai cabe cake i na ulunivanua i Yahuwe (YHWH), i na vale ni Kalou (Mighty One) i Ya'akove; e na vakavulica vei keda o koya na nona ivalavala, eda na lako muria na nona gaunisala; baleta mai  Zaiyoni e na lako mai kina na lawa, kei na vosa i Yahuwe (YHWH) mai Yerushalayimi. 4 O koya e na vakavulewa e na kedra maliwa na veimatanitu, ka vakataulewa e na vukudra e levu sara na tamata; o ira era na tukilaka me ra vukica na nodra seleiwau me bati ni siviyara, kei na nodra moto me isele takelo (ni tatamusuki); na matanitu sa na sega ni laveta na seleiwau me ra saqata e dua tale na matanitu, era sa na sega talega ni vulica tale na veivaluvaluti. 5 Kemuni na lewe ni vale i Ya'akove, lako mai meda mai taubale vata e na rarama i Yahuwe (YHWH).

6 ¶ Io o kemuni oni sa vakanadakuya na nomuni tamata na lewe ni matavuvale i Ya'akove, baleta oni sa vakacegui e na nodra ivalavala mai na veivanua mai na vuaicake me vaka e na gauna e liu, kei ira na daucaka mana lasu me vakataki ira na Pi'lishitimi, ka ra sa vakaluveni vei ira era kaitani. 7 Na nodra vanua talega e sinai vutuvutu kina na siliva kei na koula, ka sa sega ni dua na itinitini ni nodra iyau; ka sega ni dua na itinitini ni nodra qiqi ni ivalu. 8 Na nodra vanua talega sa sinai vutuvutu kina na kaloumatakau; era sokaloutaka na cakacaka ni ligadra; na veika a bulia sara ga na iqaqalo ni ligadra. 9 Na tamata tawavanua era sa veicuvari, ia na tagane qaqa sa vakalolovirataki; baleta o kemuni oni na sega na vosoti ira.

Yeshayahu (Aisea) 2:1-9

NA IVAQA NI BULA (FOOD FOR THE SOUL)

I luvequtagane, kevaka era temaki iko o ira era dau valavala ca, kakua ni vakamurimuri i ira. 11 Vakasamataka mada ke ra kaya vei iko,  Lako mai vata kei keitou: tou lai vakasasataka e dua, tou qai vakamatei koya, laiva me tou lai waraka e dua na bula (soul) tawacala, me ka ga ni qito; 12 O kedatou me tou qai tilomi koya bulabula, me vaka ni veitilomi vakadua o She’ola, ka vakataki ira era siro sobu tiko i loma ni qara; 13 Tou na vaqara na veika kece e tu vua e levu na kena yaga, tou qai lai vakasinaita na nodatou vale e na veika butakoci! 14 To mai vata kei keitou; tou na wasea vata e dua ga na pausi. 15 I luvequtagane, kakua ni sala vata kei iratou; kakua sara ga ni cavuta na yavamu mo muria na nodratou  gaunisala; 16 Baleta na yavadra e cici tiko i na ca, era vakaqunaquna tiko me ra lai vakadave dra.17 Baleta a maumau wale na lawalawa bacani, kevaka sa raica tu yani e dua na manumanu vakatabana. 18 O ira era tudaitaki ira tikoga vakataki ira, era na vakadavea ga na nodra dra o ira vakataki ira, era vunitaki ira tiko ga mai vei ira vakataki ira.19 E vakatu oqori na nodra ivalavala o ira era kocova na iyau, e na kauta laivi ga na nodra bula o ira era rawata.

Mishlei (Vosa Vakaibalebale) 1:10-19

LOMANI YAHUWE NA NOMU KALOU (LOVE YHWH YOUR MIGHTY ONE

E dua na Same i Dawide e na gauna a dro kina mai vei Avishalome na luvena tagane. 2(1) I Yahuwe (YHWH), era vica tu mada ga o ira na kequ meca? Era sega ni wili rawa o ira era valuti  au tiko; 3(2) Era sega ni wili rawa o ira era kaya tiko me baleti au, E na sega ni dua na nona vakabulai mai vua na Kalou (Mighty One). Selaa. 4(3) Ia o kemuni, i Yahuwe (YHWH) oni dua na isasabai vei au, oni noqu dokai, oni dau tabeya cake sara na uluqu. 5(4) E na domoqu, au kaci yani vei Yahuwe (YHWH) o koya e qai tama (maivei au) mai na nona delana  tabu (qodesh). 6(5) Au davo sobu au qai moce; oti au qai yadra cake tale; baleta o Yahuwe (YHWH) e tabei au tiko. 7(6) Au sega ni domobulataki ira na tini na udolu vakaudolu era tuvaivalu vakavolivoliti au, mai na veiyasana. 8(7) Matacake, i Yahuwe (YHWH)! Vueti au, noqu Kalou (Mighty One)! Baleta o kemuni oni na sabalaki ira kece na kequ meca e matadra, oni qai vorolaka na batidra o ira na ca. 9(8) Na qaqa e vure mai vei Yahuwe (YHWH); laiva na nomuni kalougata me sobuti ira na nomu tamata. Selaa.

Tehellim (Same) 3:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 109 in 5773 (Total 1828)	January 3, 2013
Reading	Hebrew Date
Divrei HaYamim Bet ( 2 Chronicles) 3-4	M #10: Tevet 21, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.