Oti na Veivakavoutaki (Rebuilding Completed)

Thought: Notice Nechemeyah’s Management And Organising Skills

 .....................

Serving For Yom Reeshone, Elul 25, 5771

IA ni sa tara oti na bailalaga, sa duri tu na duru ni isogo ka sa coba oti na kena isogo; era sa lesi oti o ira na dauniveiqaravi kei na ira na Livai, 2 Au qai solia na noqu ivakaro vua na taciqu o Hanani kei Hananaia na kovana  ni vale ni tui  vata kei Yerushalayimi: baleta o koya e tamata dodonu, dau rerevaka na Kalou (Mighty One) ka dau vuki laivi mai na ca. 3 Au qai kaya vei rau, Kakua ni laiva na matamata e Yerushalayimi me dola, me yacova ni sa cadra vinaka na matanisiga ka sa cila vinaka tu; ia ni se cila tu ga na matanisiga, laiva me ra sa dau sogota na matamata, ka laiva me lokataki dei; qai lesia na yadra mai vei ira kece na lewe ni korolevu o Yerushalayimi, na tamata kece me ra veivuketaka na yadra, ia me ra yadra tu ga veitaudonui kei na nodra dui vale. 4 Na korolevu e levu ka raba; ia era se le lailai ga na tamata era tiko kina, kei na nodra dui veivale era se bera ni dui tara kece vakaoti.

Niemaia (Nechmeyah) 7:1-4

VAKAVO ga ke tara na vale o Yahuwe (YHWH), e ka ga ni vakarairai na nodra cakacaka o ira era tara tiko na vale; vakavo ke vakatawana na korolevu o Yahuwe (YHWH), e ka ga ni veivakacalai na nodra yadra tiko o ira na ivakatawa. 2 E veivakacalai o koya e dau sou vakamataka se cakacaka bera, me  rawata na nodratou bula; baleta o koya e na vakarautaka na veika me baleti ira na nona daulomani, e na gauna era se dui moce  tu kina. 3 Raica, o ira na gonelalai era isolisoli nei Yahuwe (YHWH); na vua ni katonigone e dua na icocovi. 4 Me vaka na gasau ni dakaititi e na liga ni dua na tamata qaqa; era vaka kina o ira na luvedra era sucu e na nodra gauna ni uabula. 5 E kalougata na tamata e tawani ira vakalevu e na nona bola ni gasau; o koya e na sega vakadua ni madua ni veileti kei ira na kena meca, e na matamata.

Same (Tehellim) 127:1-5

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
266/Blog No. 1406	September 24, 2011.
Reading	Hebrew Date
Isaiah (Yesha’yahu) 1-3	Elul 25, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tekivu na Taravale (Construction Begins)

Thought: Be Happy When Yahweh’s Will Is Fulfilled

.......................... 

Serving For Yom Shaynee, Elul 13, 5771

Ia ni ra sa vakotora na yavu, o ira na matai, me sa tekivu tara na vale (temple) i Yahuwe (YHWH) era qai mai tu na kohanimi e na nodra isulu, vata kei na nodra davui ileu ni metagane, me ra uvuca tiko, ka vaka kina o ira na Li’vi’yimi na luve i Esafa tagane vata kei na nodra biukila lelevu, me ra vakavinavinaka vei Yahuwe (YHWH) me vaka a vakarota o Dawide na tui Isire’yili. 11 Era qai laga vata tiko e na vakamolimoli kei na vakavinavinaka vei Yahuwe (YHWH) na nona vinaka kei na nona yalololoma vei Isira'yili, ni tawa yalani. O ira kece na tamata era a kaila e na domo levu e na nodra vakavinavinaka vei Yahuwe (YHWH), baleta na yavu ni vale i Yahuwe (YHWH) sa qai vakotori.12 E levu vei ira na kohanimi kei ira na Li’vi’yimi kei ira na nodra turaga bale na tamadra, o ira era sa kena qase, era a raica na imatai ni vale e na kena lagilagi; ni ra raica e matadra ni sa vakotori tale tiko na yavu ni vale oqo, era a qai tagi vakadomoilevu; ka levu era a laveta cake na domodra me veisa kei na biukila, e na ilevu ni marau.  13 O ira na tamata era a qai tini sega tale ni kila rawa na rorogo ni biukila, mai na domo ni nodra tagitagi na tamata; baleta o ira na tamata era a uvuca tiko na biukila me rogo levu sara,  ia na domo ni tagitagi a voqa vakayawa sara na kena rorogo.

Esera (‘Ezra) 3:10-13

Toso mai, laiva meda mai lagasere vei Yahuwe (YHWH); laiva meda mai vakarogoya na domo ni reki vua na Kalou (Mighty One) na noda ivakabulai.2 Toso mai meda mai rairai e matana e na vakavinavinaka, ka vakarogoya na rorogo ni reki vua e na same. 3 Baleta o Yahuwe (YHWH) e Kalou (Mighty One) vakaitamera, ka tui vakaitamera vei ira na veikalou kecekece. 4 E ligana era toka kina na yavu kei vuravura; na kaukaua ni veidelana era nona; 5 Na wasawasa e nona, o koya e a bulia: na ligana a bulia na vanua mamaca. 6 Toso mai, laiva meda mai sokalou ka cuva sobu; laiva meda mai tekiduru e na mata i Yahuwe (YHWH) o koya e a buli i keda.

7 ¶ Baleta o koya na noda Kalou (Mighty One), o keda eda tamata ni nona bai ni vakanamanumanu, ka sipi e qeteqete ni ligana. Nikua kevaka oni via rogoca na domona, 8 Kakua ni vakaukauataka na vuniyalomuni, me vaka na gauna ni veivakacudrui kei na siga ni veitemaki  mai veikauloa, 9 Ni ra vakatovolei au o ira na tamamuni, era qai vakadinadinataki au, ni ra raica na noqu cakacaka. 10 E vasagavulu na yabaki na noqu rarawataka tiko na itabatamata oya, au qai kaya, Qo e dua na matatamata era dau cala e vuniyalodra; era sega tiko ga ni kila na noqu ivalavala, 11 Baleti ira au bubuluitaka kina e na noqu leva ni ra na sega vakadua ni curu i na noqu vakacegu.

Psalm (Tehellim) 95:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
254/Blog No. 1394	September 12, 2011.
Reading	Hebrew Date
Vakaibalebale (Mishlei) 21-22	Elul 13, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Oti Na Tara Vale (Building Completed).

Thought: Put Yahweh First And Rejoice

......................... 

Serving For Yom Shlee-shee, Iyar 13, 5771

Na vale e a tara oti e na ikatolu ni siga ni vula o Ada, oya e na ikaono ni yabaki ni nona veiliutaki o Darayavesha na tui. 16 O ira na kawa Isira’yili, na kohanimi na Li’viyimi kei ira na vo ni kawa Ya’huda era qai solevutaka na vakatabui ni nona vale oqo na Kalou (Mighty One) e na mamarau. 17 Era a vakacabora e na vakatabui ni nona vale oqo na Kalou (Mighty One) e duanadrau na bulumakau, e ruanadrau na sipitagane, e vanadrau na lamI; e tinikarua na metagame me isoro ni valavala ca e na vuku i Isira’yili raraba, me veidutai kei na iwiliwili ni yavusa  e Isira’yili. 18 Era qai lesi na kohanimi i na nodra dui tabacakacaka kei ira na Li’vi’yimi  i na nodra dui tabacakacaka e na kena vakayacori na veiqaravi e na loma n vale ni Kalou (Mighty One) e tiko mai Yerushalayimi me vaka era tabaki tu e na ivola ni ivakaro nei Moshe.  19 O ira kece na bobula era a qai vakananuma na lakosivia e na ikatinikava ni siga ni imatai ni vula  20 O ira na kohanimi kei ira na Livi’yimi era a vakasavasavataki ira vakataki ira, oti, o ira kece era a qai savasava, era qai vakamatea na lami  ni lakosivia e na vukudra o ira kece na bobula vata kei ira talega na nodra itokani kohanimi ka vaka kina o ira vakataki ira. 21 O ira kece na kawa Isira;yili era a lako cake mai na veivakabobulataki mai Bavela,  oya o ira era a tawasei ira vakataki ira mai na nodra dukadukali na lewenivanua, me ra masu vei Yahuwe (YHWH) na Kalou (Mighty One) i Isira’yili, era a kana.

Esera (‘Ezra) 6:15-22

CAKAVA na rorogo ni marau vei Yahuwe (YHWH) kemuni na veivanua. 2 Qaravi Yahuwe (YHWH) e na marau; toro mai Vua ni tiko o Koya, e na lagalaga sere. 3 Kila tiko ni o koya o Yahuwe (YHWH) na noda Kalou (Mighty One); ni o Koya e a buli i keda; e sega ni o keda ga vakataki keda: o keda eda nona tamata, eda sipi ni nona lomanibai ni veiqaravi. 4 Curu i na nona matamata e na vakamolimoli; kei na nona lomanibai e na vakavinavinaka: vakamolimoli vua, vakacaucautaka na Yacana. 5 Baleta o Yahuwe (YHWH) e vinaka; na Nona loloma e tawamudu; na Nona dina e na tudei tu ga vei ira na  veitabatamata kece sara.

Same (Tehellim) 100:1-5.

Read The Scriptures (Tanakh) in a Year
Siga (Day)/Blog	Tikinisiga (Date)
137/Blog No. 1277	May 17, 2011.
Reading	Hebrew Date
2 Tui (M’lakhim Bet)  18-19	Iyar 13,  5771.
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Building the Temple. (Ni Tara na Vale Ni Soro)

Thought: Clamour And Frenzy Disrupt Spiritual Growth

 ...............

Serving For Shabbat, Iyar 10, 5771

A QAI yaco e na loma ni vanadrau  tinikawalu na yabaki  mai na gauna era a biuta mai kina na vanua o Ijipita, e na ikava ni yabaki ni veiliutaki vakatui nei Sholomo e Isira'yili, e na vula o Siva, oya na ikarua ni vula, ni a tekivuna kina o koya na vale i Yahuwe (YHWH). 2 Na vale a tara o Sholomo me nei Yahuwe (YHWH), a onosagavulu na Kiubiti na kena balavu, rusagavulu na Kiubiti na kena raba ka tolusagavulu na Kiubiti na kena cere. 3 Na varada e na mata ni katubalevu ni valenisoro e ruasagavulu na Kiubiti na kena balavu, me tautauvata kei na raba ni vale; ka tini na Kiubiti na kena raba. 4 A qai cakava o koya me qiqo toka ga na katuba leka ni vale. 5 E na lalaga ni vale e a tara wavokita o koya na loqi, ruarua na tikina tabu, vata kei na loqi tabu dredre: qai tara wavoki talega na loqi e veiyasana: 6 Na loqi lolovira duadua e lima na Kiubiti na kena raba, na kena e loma  e ono na Kiubiti na kena raba; na kena  ikatolu e vitu na Kiubiti na kena raba: ia e na lalaga e taudaku ni vale a qai tara wavoki toka e dua na iyatu na itavatava vatu qiqo me na taura vata tu na lalaga taucoko. 7 Ia na vale, ni sa tara tiko, e tara e na vatu sa vakarautaki oti tu mai ni ra se bera ni kau mai i keya, me rawa ni kakua ni dua na ituki se imatau se iyaya ni cakacaka kaukamea e rorogo e loma ni vale, e na gauna e tara tiko kina.

1 Tui (M’lakhim) 6: 1-6

Ni lomani au i Yahuwe (YHWH) e na nomuni yalololoma: e na vakaitamera ni nomuni yalovinaka ni bokoca laivi na noqu ivalavala ca. 2 Savati au sara vakaoti mai na noqu talatalai dredre, ka quaraka laivi vakadua na noqu ivalavala ca. 3 Au vakadinata na noqu dau talatalaidredre, baleta na noqu ivalavala ca sa matata vinaka tu e mataqu. 4 E saqati kemuni, o kemuni duadua ga, na noqu caka ca, niu vakayacora na veika e vakasisila e matamuni; ka ni donu vinaka sara ga na nomuni veivakadodonutaki, ka dina na nomuni vakataulewa.

Same (Tehellim) 51:1-5.

Qori qai kaya kina o Yahuwe (YHWH), o Koya na Yalosavasava duabulu e Isira'yili: Ni oni sa veivutuni moni vakacegu ga oni na qai vakabulai; na nomuni tu maloku moni vakanuinui ga, qori na nomuni kaukaua; ia oni qai sega ni via vakarorogo.

Aisea (Yesha’yahu) 30:15.

Read The Scriptures (Tanakh) in a Year
Siga (Day)/Blog	Tikinisiga (Date)
134/Blog No. 1274	May 14, 2011.
Reading	Hebrew Date
2 Tui (M’lakhim Bet)  9-11	Iyar 10  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tara Na Vale Nei Yahuwe (Temple of Yahweh Built).

Thought: Yahweh’s Work Is Always Done Yahweh’s Way

..................... 

Serving For Yom Ha Shee-shee, Iyar 9, 5771

O Yahuwe (YHWH) a qai solia vei Sholomo na vuku, me vaka a yalataka vua: a tiko na veisaututaki e na kedrau maliwa o Hirami kei Sholomo e veigauna kece rau qai vakaduria e dua na veiyalayalati. 13 O Tui Sholomo a qai lavaka e dua na lewa; na lewa oqo me ra wase tani mai e tolusagavulunaudolu na tamata; 14 Qai talai ira o koya i Le'vanoni, me ra veiveisau tiko e tauya tininaudolu dua na vula; oya me ra tiko mai Le'vanoni me dua na vula, ka tiko mai nodra vale me rua na vula; o Adonirami e a lesi me liutaka na vakayacori ni lewa oqo. 15 Vei ira na tamata nei Sholomo, e vitusagavulu na udolu na tamata era  dau colacola, ka walusagavulu na udolu era dau musu vatu mai na ulunivanua; 16 Qo e sega ni wili kina o ira era nodra iliuliu na tamata nei Sholomo, era lesi me ra  qarava na toso ni cakacaka, oya e tolunaudolu tolunadrau, era veiliutaki tiko vei ira na tamata cakacaka. 17 Na tui a qai vakarota me ra kauta mai na vatu lelevu, na vatu sau dre dre, kei na vatu ceu, me vakaoti vinaka kina na vale. 18 O ira na mataisau nei Sholomo kei ira na mataisau nei Hirami kei ira na dau musuvatu era qai ceuta kece mai; era qai vakarautaka na vatu kei na kauvaro me na tara kina na vale.

1 Tui (M’lakim Alef) 5:13-18.

Na tamata ca e na dinau ia qai sega ni sauma lesu, na yalododonu e na vakaraitaka na yalovinaka ka dau lomasoli. 22 Baleta o ira era vakalougataki nei Yahuwe (YHWH) era na taukeni vuravura; ia o ira era vakaloucataki mai vua era na boko laivi. 23 Na nona ikalawa na tamata vinaka e vakataudeitaki mai vei Yahuwe (YHWH): o koya e navuca na nona itosotoso.  24 Kevaka e bale, o koya e na sega ni mavoa; baleta o Yahuwe (YHWH) e na tabei koya tiko e ligana. 25 Au a gone, ia qo au sa qase; ia au sebera ga ni raica e dua na tamata yalododonu me biuvakaloloma se me ra kere kakana o ira na nodra kawa. 26 Ia e toso cake ga na nona yalovinaka kei na nona dauyalosoli; o ira na luvena era na vakalougatataki. 27 Biuta laivi na ca; dau caka vinaka; qai vakacegu me tawamudu 28 Baleta o Yahuwe (YHWH) e taleitaka na lewavakatautauvata, e na sega ni vakanadakui ira era nona yalododonu;  e taqomaki ira me tawamudu; ia na nodra kawa na dau cakaca, era na vakarusai. 29 O ira na yalododonu era taukena vakaiwasewase na vanua, era na qai dau tawana me tawamudu.

Same (Tehellim) 37:21-29

Read The Scriptures (Tanakh) in a Year
Siga (Day)/Blog	Tikinisiga (Date)
133/Blog No. 1273	May 13, 2011.
Reading	Hebrew Date
2 Tui (M’lakhim Bet)  6-8	Iyar 9.  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tara Oti Na Valetabu (Tabernacle Completed)

Thought: Without Yahweh The Best We Can Produce Is Nothing

 .................................

Serving For Shabbat, Adar-Alef 8, 5771

A qai yaco e na siga e vakaduria oti kina na valetabu o Moshe, qai lumuta ka vakatabuya vata kei na kena iyaya kecekece; ruarua na icabocabo ni soro kei na kena iyaya kece, a qai lumuta ka vakatabuya; 2 Ni ra a qai lako mai na ravouvou kei Isira’yili, o ira na iliuliu ni mataqali nei tamadra, era turaga tiko ni vei mataqali ka dau vakatulewa vei ira era sa wili oti; 3 era qai kauta mai na nodra i solisoli e na mata i Jiova (Yahweh), e ono na karati ni usausa vakaiubi totoka vakoti, oya me rua na tui dua na kareti, ka ra tauyadua mai na bulumakau; era qai kauta mai i na mata ni valetabu, 4 Oti qai kaya vei Moshe o Jiova (Yahweh), 5 Taura na isolisoli mai vei ira, me ra na vakayagataki e na cakacaka ni nodra valetabu na isoqosoqo, qai solia vei ira na Li’imi, ia me veiraurau kei na nodra dui itavi ni veiqaravi, 6 Sa qai taura na bulumakau kei na kareti vakaiubi o Moshe, qai solia vei ira na Livai. 7 E va na kareti kei na walu na bulumakau a solia o koya vei ira na luve i Kerisoni tagane, ka ni veiraurau kei na nodra cakacaka. 8 E va na kareti kei na walu na bulumakau a solia vei ira na luve i Me’rari tagane, me veiraurauu kei na  nodra veiqaravi, ia me lewa tikoga o  Itihama na luve i Aharoni na Kohena.  9 Ia a sega ni solia e dua na ka o koya vei ira na luve i Koata; baleta na itavi ni valetabu a soli vei ira, e vinakati me ra na dau colata.

Lekutu (M’midbar)7:1-9.

AU na vakacerecerei kemuni, kemuni na noqu  na Kalou (Yahweh), na tui;  Au na vakamolimolitaka na Yacamuni me tawamudu ka tawamudu. 2 E veisiga kece au na vakavinavinaka tiko vei kemuni; Au na vakalagilagia na yacamuni me tawamudu ka tawamudu. 3 O Jiova (Yahweh) e vakaitamera, ka dodonu me vakaitamera talega na nona vakavinavinakataki; Na nona vakaitamera e sega ni vakadeuci rawa.  4 E dua na itabatamata e na tukuna na nomu cakacaka vei ira e na dua tale; me vakalagilagia na vakaitamera ni nomu cakacaka. 5 Au na tukuna na lagilagi ni nomuni sau (majesty), kei na nomuni cakacaka veivakurabuitaki. 6 O ira na tagane era na tukuna na vakaitamera ni nomuni cakacaka veivakurabuitaki, ia o yau, au na tusanaka wavoki na nomuni vakaitamera.

Same (Tehellim) 145: 1-6.

Read The Scriptures (Tanakh) in a Year
Siga (Day)/Blog	Tikinisiga (Date)
043/Blog No. 1183	February 12, 2011.
Reading	Hebrew Date
Leviticus (Wayikra) 14	Adar Alef 8,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Masulaki Ira Na Isireli O Nekemeya (Nechmeyah Prays for Israel).

Thought: Yahweh Will Dwell In Our Midst To Forge Peace

 ..............................

Serving For Yom Ha Shee-shee 23^rd Tishrei, 5771

Niu rogoca na itukutuku qo, au qai dabe sobu, au qai tagi ka vakaloloku tu me vica vata na siga; au qai lolo ka masumasu talega vua na Kalou (Mighty One) ni lomalagi.

05 ¶  Au kaya, Au masuti kemuni, i Jiova na Kalou (Yahweh Mighty One) ni lomalagi, na Kalou (Mighty One) cecere, vakaitamera dau dokai, o koya e  maroroya na dina kei na loloma me nodra o ira era lomani koya ka dau vakayacora na nona ivakaro;  06 Laiva na matamuni me tadola, kei na daligamuni me vakatudaliga, moni rogoca na masu ni vakatakekere ni nomuni dauniveiqaravi; au sa masu tiko yani qo e matamuni, e na siga kei na bogi, meu tusanaka na nodra ivalavala ca luvei Isireli, era sa valavala ca tiko e matamuni; ka vakakina o yau kei ira na lewe ni matavuvale nei tamaqu, keimami dau valavala ca e matamuni. 07 Keimami sa sega ni vakayacora tiko na nomuni ivakaro taucoko, kei na lawa, kei na ivunau oni a vakarota vei Mosese na nomuni dauniveiqaravi.  08 Ni vakasamataka lesu na ivakaro oni a vakarota vei Mosese na nomuni dauniveiqaravi, Kevaka oni talaidredre vei au, au na cemuri kemuni tani moni tayana yani e loma ni veimatanitu.  09 Ia kevaka oni qai vuki mai vei au, moni maroroya na noqu lawa ka bulamuria; e dina ga ni ra sa tayana tu e na veiyasana yawa kei lomalagi o ira era a cemuri; au na lai vakasoqoni ira tale mai keya, au na qai kauti kemuni i na vanua au sa nakita meu biuta kina na Yacaqu.

Niemaia (Nekemeya) 1:4-9

O yau vakataki yau, au na vakani i ira na noqu sipi, au qai vakavuna me ra davo sobu, e kaya o Jiova na Kalou (Yahweh Mighty One). 16 Au na vaqarai ira era a yali ka kauti ira lesu mai o ira era a lako sese, vadretitaki ira era mavou ka vakaukauataki ira era a tauvimate; au na qai taqomaki ira na bulabula kei ira na kaukaua; au na vakani ira e na lewadodonu.

Isikeli (Yekeseke’yili) 34:15-16

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
274	October 1
Reading	Hebrew Date
Yesha’yahu 22-23	Tishrei 23

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Curumi na Valenisoro (Temple Completed)

Thought: Yahweh’s Plans, Will Eventuate In Us, In Spite Of Oppositions

 .......................

Serving For Yom Khah Mee-shee, 7^th Tishrei, 5771

Marau sara vakalevu, o iko na luvei Saiyoni yalewa, Kaila o iko na luvei Yerushalayimi yalewa: Raica, na nomu Tui, sa lako tiko mai vei kemuni, O Koya e yalododonu, e dua na ivakabula, lolovira ka vodoka tiko e dua na asa, e dua na asa gone, na luve ni dua na asa.  10 O koya e na muduka laivi na qiqi ni valu mai Ifereyimi kei na ose mai Yerushalayimi, na dakaititi e na ramusu e na ivalu; e na qai vosa o koya me baleta na sautu vei ira na veivanua; ia na Nona lewa o Koya e na tete mai na wasawasa ki na wasawasa; mai na uciwai i na iyalayala kei vuravura.11 Ia o iko vakataki iko talega, e na vuku ni dra ni nomu veiyalayalati Au na sereki ira kina na nomu kaivesu me ra galala mai na ikeli e sega kina na wai.

12 ¶ Vakaitikotiko e na valecere isasabai o kemuni na kaivesu ni isoqosoqo; au na vakaruataka na kemuni isau e na dua na siga. 13 Baleta au na lovea na noqu dakaititi  e na vuku i Yahuda, ka tawana na noqu dakaititi e na vuku i Ifereyimi, kau  na vakaduri i ira na luvemuni i Saiyoni, me saqati ira na luvemuni tagane ni Kirisi, ka cakavi Yerushalayimi me vaka na seleiwau ni dua na tamata qaqa.

Sakaraya 9:9-13

A qai yaco mai vei au na vosa i Jiova (Yahweh) ni kaya, 05 Niu se bera ni buli i iko e na kete, au sa kilai iko oti tu; ia ni o se bera ni sucu mai a katonigone, au a sa vakatabui iko oti ka lesi i iko mo nodra parofita na veimatanitu.

Yiremeyahu 1:4-6

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
259	September 16
Reading	Hebrew Date
Proverbs 30-31	Tishrei 7

  May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

   

Na Tara Ni Valenisoro (The Construction of the Temple)

Thought: We Must Be Particular About Our Position in Yahweh’s Plans

 ...................................

Serving For Yom Reeshone 19^th Elul, 5770

 E bulia o koya e rua na duru barasa; na ibalavu ni duru yadudua e tinikawalu na kiupiti; na moqimoqili ni duru e tinikarua na kiupiti wavoki. 16 Oti qai bulia e rua na domodomo mai na barasa e vakawaicalataki, me ciqimaka e na dela ni veiduru; na cere ni dua na domodomo e lima na kiupiti, na cere talega ni kena vo e lima na kiupiti. 17 A qai cakava na lawa veivolavolai ceu, kei na sinucodo muloci me ukutaki  kina na domodomo e dela ni duru; me vitu e na dua na domodomo ka vitu e na domodomo kadua. 18 E qai cakava na duru kei na rua na iyatu me toka wavolita na taudaku ni lawa, ka me ubia na domodomo e toka e dela ni duru; qai cakava vakakina e na duru kadua. 19 Na domodomo e toka e dela ni duru, e caka me vaka na senilili e na varada, oya me va na kiupiti.  20 Na domodomo e na dela ni duru ruarua e toka kina na pomeqaraneti  mai cake, ka vaka kina e yasana, oya e na yasa ni lawalawa; ia na pomeqaraneti e a tauya ruanadrau dua na iyatu, wavokita na domodomo; ka vaka kina e na domodomo tale eso.  21 E bulia na duru ni varada ni valenisoro; oti qai vakaduria na duru e na  yasana imatau, ka vakatoka me yacana o Yakini; oti qai vakaduria na duru e na yasana imawi qai vakatoka me yacana o Boasa. 22 Ia e na dela ni duru e cakacakataki tu kina na senilili; qori a qai oti kina na cakacaka ni duru.

1 Tui 7: 15-22

Tagane vakawati, lomani ira na wati­muni yalewa, me vaka ni lomana na isoqosoqo na Mesaia, qai soli i Koya kina e na vukuna; 26 me rawa kina ni vakatabuya ka vakasavasavataka e na wai kei na vosa,

Efeso 5:25-26.

  

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
241	August 29
Reading	Hebrew Date
Psalm 139-141	Elul 19

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.