Mate O Ye’hoshua (Y’hoshua Passed On)

Thought: Do Not Turn Away From YHWH, Because It Would Be Disastrous For You

............. 

Serving For Yom R’vi’i Sivan 16, 5772.

MAI NA NEVI’IMI RISHONIMI (FROM THE NEVI’IM RESHONIM)

Kaya o Ye'hoshua vei ira na tamata, Qaqarauni vinaka ga, de qai yaco ni oni sega ni rawa ni qaravi Yahuwe (YHWH) rawa vakayalodina; baleta o koya na Kalou (Mighty One) yalosavasava (qodesh); ka Kalou (Mighty One) daugugumatua; e koya e na rawa ni sega ni vosota na nomuni i talatalaidredre kei na nomuni ivalavala ca. 20 Kevaka moni vakanadakui Yahuwe (YHWH), moni qai qaravi ira na veikalou tani ni veivanua, o Yahuwe (YHWH) e na saumaki me vakacacani kemuni, ka  vakarusai kemuni, ni oti na nona dau caka vinaka vei kemuni. 21 Era kaya vei Ye'hoshua o ira na tamata, Sega, keimami na sega ni qarava e dua tale, keimami na qaravi Yahuwe (YHWH) duadua ga, na Kalou (Mighty One). 22 Kaya o Ye'hoshua vei ira na tamata, Oni sa na nomuni ivakadinadina ga o kemuni vakataki kemuni, ni oni sa digitaki Yahuwe (YHWH), moni qaravi koya. Era kaya sara, Keimami sa na ivakadinadina. 23 Oti qai kaya tale o Y'hoshua vei ira, O koya oqo moni biuti ira laivi kina na kalou (elohim) tani mai na kemuni maliwa, ka vagolea na vuniyalomuni vei Yahuwe (YHWH) na Kalou (Mighty One) i Yisira'yili. 24 Era kaya sara na tamata vei Ye'hoshua, O Yahuwe (YHWH) na noda Kalou (Mighty One), keimami na qarava, na domona keimami na rogoca. 25 A mani vakaduria o Ye'hoshua e dua na veiyalayalati vata kei ira na tamata e na siga oya, qai vakatavulica vei ira na ivakaro kei na ilesilesi, mai She'kehema.  26 O Ye'hoshua a vola na vosa oqo e na ivola ni Toraa ni Kalou (Mighty One) qai taura e dua na uluvatu levu, qai vakaduria cake e ruku ni dua na vunioki  e tubu tu e na yasa ni valetabu i Yahuwe (YHWH). 27 Kaya o Ye'hoshua vei ira kece na tamata, Raica, na uluvatu oqo e ivakadinadina saqati keda; baleta oni sa rogoca na vosa kece i Yahuwe (YHWH) e a cavuta vei keda; qori e na ivakadinadina saqati keda kina, de oni qai cakitaka vakalawaki ca na nomuni Kalou (Mighty One). 28 Ni oti na nona vakaroti ira na tamata o Ye'hoshua, sa qai vakatalai ira laivi i na nodra dui ivotavota.

29 ¶ A qai yaco ni oti na veika oqo, ni a qai mate o Ye'hoshua na luve i Nani, na italai i Yahuwe (YHWH), ni sa yabaki duanadraukatini na nona bula. 30 Era a buluti koya e na loma ni  iyalayala ni nona ivotavota mai Timinate-Seraka, e toka e na ulunivanua o Ifira'yimi, e na yasa ni ulunivanua cecere o Qa'asha vaka i na vualiku. 31 O ira na Yisira'yili era a qaravi Yahuwe (YHWH) e na veigauna kece ni bula nei Ye'hoshua kei na nodra gauna kece na matua era a bula tiko ni mate oti o Ye'hoshua, oya o ira era a kila vinaka na cakacaka i Yahuwe (YHWH) e a cakava e na vukudra na Yisira'yili. 32 Na sui i Yosefa, era a kauta cake mai Ijipita o ira na Yisira'yili, era a buluta mai She'kehema, e na tiki ni vanua a volia o Ya'akove, e na duanadrau na tinatina ni sipi; mai vei ira na luve i Hamori na tama i She'kehema; a qai yaco me kedra ivotavota na luve i Yosefa. 33 E qai mate talega o Yili'aza na luve i Aharoni na kohena; era qai buluti koya e na delana e taukena o Pinikasi na luvena tagane, ni a soli vua mai na ulunivanua o Ifira'yimi.

Josua (Ye’hoshua) 24:19-33

NA IVAQA NI BULA (FOOD FOR THE SOUL)

Na nona vosa na tamata vuku e tautauvata kei na qanihani, e kamikamica i na bula (soul) ka vakabulabulataka na sui.

Vosa Vakaibalebale (Mishlei) 16:24

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na sere ni cabecabe. Mai vei Dawide. Ke a sega mada ni o Yahuwe (YHWH) e mai tu e na noda yasana, e na rawa beka ni mai kaya vaka oqo o Yisira'yili, 2 Ke a sega beka ni totaki keda o Yahuwe (YHWH), ni ra tu cake mai vakaivalu me ra saqati keda o ira na tamata, 3 Ke ra a tilomi keda bulabula beka, ni tubu mai na nodra yalokatakatataki keda, 4 Ke ra a lomoci keda beka e loma ni wai, na uciwai ke drodro vakadua e delada; 5 Ke a lomoci keda vakadua (e) na wai levu.

6 ¶ Me vakacaucautaki o Yahuwe (YHWH), ka ni a sega ni soli i keda o koya me da vakasasataki e na batidra. 7 Na noda bula (soul) sa dro rawa, me vaka na manumanu vuka mai na nodra tudai na daubiri dai; na dai sa kamusu, eda sa vueti. 8 Na noda ivukevuke e tiko e na yaca i Yahuwe (YHWH) o koya e a buli i lomalagi kei vuravura.

Same (Tehellim) 124:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 157 o/o 1617	June 6, 2012
Reading	Hebrew Date
Yesha’yahu (Aisea) 49-51	Sivan 16, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Kaciva na Bose O Ye’hoshua (Y’hoshua Convenes Meeting)

Thought: You Must Fear YHWH Alone, Considering What He Had Done In Yisra’yl

 ..................

Serving For Yom Sheini Sivan 14, 5772.

MAI NA NEVI’IMI RISHONIMI (FROM THE NEVI’IM RESHONIM)

O Ye'hoshua a qai vakasoqoni ira na veimataqali kecekece i Yisira'yili i She'kehema, e na nona kacivi ira vata mai na nodra matua na Yisira'yili, na nodra iliuliu, na nodra daunilewa kei na nodra vunivola; era qai yaco kece mai me ra mai vakaraitaki ira e na mata ni Kalou (Mighty One) e na katuba ni valelaca ni veitavaki. 2 Kaya o Ye'hoshua vei ira na tamata kece, O Yahuwe (YHWH) na Kalou (Mighty One) i Yisira'yili e kaya mai, O ira na tamamuni era a dau vakaitikotiko mai na tai kadua ni Uciwai na Iuferetisi e na gauna makawa, oya o Teraka, na tama i Avarahama vata kei Nakora; ia eratou a dau qarava tu ga na kalou (elohim) tani. 3 Au a kauti Avarahama mai na tamamuni mai na tai kadua ni Uciwai na Iuferetisi, ka tuberi koya wavokita na vanua o Kena'ani taucoko, au qai  vakalewevuqataka na nona kawa, au a soli i  Yi'sake (taumada) vua. 4 Vei Yi'sake au qai soli i rau o Ya'akove kei Esava, au qai solia vei Esava na ulunivanua o Se'ira, me taukena: ia o Ya'akove kei ira na luvena, era a lako sobu i Ijipita. 5 Au qai talai rau o Moshe kei Aharoni, kau vakararawataki Ijipita, me vakayacora na veika veivakurabuitaki e na kedra maliwa; ia e muri au qai kauti ira laivi mai keya. 6 Au a kauti ira tani mai na tamamuni mai Ijipita; au qai kauti ira sara i  waitui; ia o ira na kai Ijipita era qai  muri i ira mai na tamamuni, e na nodra  qiqinivalu kei ira na nodra tamata dau ni vodoose, me yaco sara i na Wasa Sufa.7 E na gauna era tagi kina vei Yahuwe (YHWH) o ira na tamamuni, o koya a qai birika mai na butobuto e na kemuni tadrua o kemuni kei ira na kai Ijipita, oti qai wasea rua na Wasa Sufa o Yahuwe (YHWH), qai tuberi ira mai na tamamuni e loma, oti qai vakasuka mai na waitui e deladra na kai Ijipita me lomoci ira; o kemuni oni a raica na ka au a cakava vei ira na kai Ijipita; oti au qai kauti kemuni mai i na vanua liwa, oni a qai mai vakaitikotiko vakadede e na vanua liwa, me dua na gauna balavu. 8 Au kauti kemuni i na nodra vanua na Emori, era vakaitikotiko  mai tai kadua ni Yaradani; era a valuti kemuni; ia au a soli i ira i na ligamuni, au qai vakarusai ira mai e matamuni oni qai  taukena kina na nodra vanua. 9 Oti o Balaka na luve i Zipora, na tui Moa've, a qai tu mai me valuti ira na Yisira'yili; qai talatala me lai lako mai o Bili'ama na luve i Be'ora me mai  vatonaki kemuni; 10 Ia au a sega ni via rogoci Bili'ama; oti qai mani vosavakalougatataki kemuni tikoga o koya; au mani sereki kemuni mai ligana. 11 Oni qai takosova na Yaradani, moni lako mai i Yeriko; o ira na tagane ni Yeriko era qai valuti kemuni, oya o ira  na Emori, na Pe'rizi, na Kena'ani, na Hiti, na Qiriqishi, na Hivi kei ira na Yu'vusii; ia au qai soli i ira i ligamuni. 12 Au a vakauti ira na daukabavanua (na lagotavuivui) rerevaki me ra liu vei kemuni, au qai vakarusa mai matamuni e rua na nodra tui na Emori; ia a sega mai na nomuni seleiwau se na nomuni dakaititi. 13 Au a solia vei kemuni e dua na vanua oni a sega ni cakacakataka, kei na korolevu oni a sega ni tara moni vakaitikotiko kina; raica, oni kana mai na veivaini kei na na veiolive  oni a sega ni tea. 14 O koya oqo, moni rerevaki Yahuwe (YHWH) kina, moni qaravi koya e na yalosavasava kei na dina;  biuti ira laivi mai vuniyalomuni na kalou (elohims, gods) tani era a dau qarava tu mai o ira na tamamuni mai na tai ni uciwai na Iufereti, ka vaka kina mai Ijipita; ka qaravi Yahuwe (YHWH) duadua ga.

Josua (Ye’hoshua) 24:1-14

NA IVAQA NI BULA (FOOD FOR THE SOUL)

E vinaka cake meda yalomalumu e kedra maliwa na dravudravua, mai noda vakaivotavota e na itoki ni ivalu kei ira na qaciqacia. 20 O koya e kila na ivakaro (mitzvot) e na kune vinaka; o koya e vakararavi vei Yahuwe (YHWH), o koya e kalougata.

Vosa Vakaibalebale (Mishlei) 16:19-20

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na sere ni cabecabe. Maivei Dawide. Au a marau ni tukuni vei au, Laiva meda lako i na vale nei Yahuwe (YHWH). 2 Na yavaqu sa na tucake e loma ni nomu matamata, i Yerushalayimi. 3 O Yerushalayimi e a tara me vaka e dua na korolevu e viribaiti e na bailalaga, 4 Era dau lako cake kina na veimataqali i Yahuwe (YHWH), me ivakadinadina vei Isira’yili, me ra lai soli vakavinavinaka i na yaca i Yahuwe (YHWH). 5 Baleta e keya e tu kina na idabedabe vakatui ni lewadodonu kei na idabedabe vakatui ni vale i Dawide.

6 ¶ Kidavaki Yerushalayimi e na sautu; era na vakaiyautaki o ira era lomani iko. 7 Na sautu e na tiko e loma ni nomu bai kei na iyau e na loma ni nomu veivale vakatui. 8 E vukudra na taciqu kei na noqu icaba au na kaya oqo, Na vakacegu me tiko e lomamu. 9 E na vuku ni vale i Yahuwe (YHWH) na noda Kalou (Mighty One) au na vakasaqara ga na nomuni vinaka.

Same (Tehellim) 122:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 155 o/o 1615	June 4, 2012
Reading	Hebrew Date
Yesha’yahu (Aisea) 43-45	Sivan 14, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ni Sa Qase O Ye’hoshua (When Y’hoshua Became Old)

Thought: Follow YHWH And Be Blessed, Or Go Astray From YHWH And Be Cursed

 ..................

Serving For Yom Rishon Sivan 13, 5772.

MAI NA NEVI’IMI RISHONIMI (FROM THE NEVI’IM RESHONIM)

A qai yaco ni sa oti e dua na gauna balavu na nona solia tiko o Yahuwe (YHWH) na vakacegu vei ira na Yisira'yili, mai vei ira na kedra meca era tu vakavolivoliti ira, ni a tubu qase o Ye'hoshua, ka sa bibi sara na yabaki ni nona bula. 2 O Ye'hoshua a qai kacivi ira vata na Yisira'yili, o ira na nodra matua, o ira na nodra iliuliu, o ira na nodra daunilewa kei ira na nodra vunivola, qai kaya vei ira, Au sa qase mai ka sa bibi na yabaki ni noqu bula; 3 Oni sa raica oti na veika kece a cakava o Yahuwe (YHWH) na nomuni Kalou (Mighty One) vei ira kece na matanitu  oqo, e na vukumuni; ni a vakarusai ira e matamuni, ka ni o Yahuwe (YHWH) ga e a vala tiko e na vukumuni. 4 Raica, au sebera ni veivotayaka tiko vei kemuni na nodra vanua na veimatanitu era se vo tiko qo, ia qori  e nodra ivotavota vakaitaukei o ira na nomuni veiyavusa; ia au sa vota oti vei kemuni na veivanua me tekivu mai na Yaradani, bau kina na veimatanitu kece au a vakarusa, me yaco sara i na  Wasa Levu vaka i na vuaira. 5 O Yahuwe (YHWH) na nomuni Kalou (Mighty One), e na vakadrukai ira e matamuni, oni na qai taukena na nodra vanua me vaka sa yalataka oti vei kemuni o Yahuwe (YHWH) na nomuni Kalou (Mighty One). 6 Ia moni tu kaukaua tu ga ka bula muria na veika kece e volai tu e na ivola ni lawa nei Moshe, na italai ni Kalou (Mighty One); ka moni kakua vakadua ni vuki tani mai kina, i na imatau se i na imawi;  7 O kemuni moni kakua ni veimaliwai  vata kei ira na veimatanitu era se vo tiko e na kemuni maliwa; moni kakua talega ni cavuta na yaca ni nodra veikalou (elohim), se bubului e na yacadra, se qaravi ira, se sokalou vei ira: 8 Ia moni kabiti Yahuwe (YHWH) tiko ga na nomuni Kalou (Mighty One), me vaka oni cakava tiko me yacova mai na siga oqo. 9 Baleta o Yahuwe (YHWH) na nomuni Kalou (Mighty One) sa vakarusa mai matamuni eso na matanitu lelevu ka kaukaua; ia e sega ni bau dua na tamata e rawa ni tu me saqati kemuni me yacova mai na siga nikua. 10 E  dua ga na tamata mai na kemuni maliwa e cemuria e udolu; baleta o  Yahuwe (YHWH) ga na nomuni Kalou (Mighty One) e tiko vata kei kemuni , o koya sara ga a vala tiko e  na vukumuni, me vaka a yalataka vei kemuni o koya. 11 ¶ Moni qarauni kemuni sara vakavinaka, moni rerevaki i Yahuwe (YHWH) na nomuni Kalou (Mighty One). 12 Baleta kevaka moni saumaki moni sa duavata kei ira era vo vo ni veimatanitu oqo era se tiko e na kemuni maliwa, moni vakavakawati kei ira ka veimaliwai kei ira, ka vaka kina o ira vata kemuni; 13 Ia moni kila vinaka sara tiko ni o Yahuwe (YHWH) na nomuni Kalou (Mighty One) sa na sega tale ni vakaruasai ira na veimatanitu oqo mai matamuni; era sa na itatacaqe ka tudai vei kemuni, na moto e  saremuni, ka batinisiwa e matamuni, me yacova sara ni oni sa vaqeavutaki mai na vanua vinaka oqo, e a solia vei kemuni o Yahuwe (YHWH) na nomuni Kalou (Mighty One).

14 Ia o au, au sa na lako qo e na sala ni  kai vuravura kece, ía o kemuni oni na kila vinaka tiko e vuniyalomuni taucoko kei na nomuni bula (soul) taucoko, ni sega sara ga ni dua na ka vinaka a yalataka  vei kemuni o Yahuwe (YHWH) na nomuni Kalou (Mighty One) me baleti kemuni, me a sega ni yaco; 15 O koya oya, me vaka ga ni yaco  tiko vei kemuni na veika vivinaka e a yalataka vei kemuni o Yahuwe (YHWH) na nomuni Kalou (Mighty One), e na  yaco talega vakakina vei kemuni na vatovato, me yacova ni sa vaqeyavutaki kemuni laivi mai na vanua vinaka sa solia tu oqo vei kemuni o Yahuwe (YHWH) na nomuni Kalou (Mighty One); 16 Kevaka oni vorata na veiyalayalati i Yahuwe (YHWH) na nomuni Kalou (Mighty One), kei na ivakaro sa vakarota oti vei kemuni o koya, e na nomuni lai qaravi ira na kalou tani, ka sokalou vei ira; qori e na vakavurea na kena tubu saqati kemuni na leva waromisa i Yahuwe (YHWH) me sauti kemuni; qori oni na qai rusa sara kina vakatotolo mai na vanua vinaka e sa solia tu oqo vei kemuni o koya.

Josua (Ye’hoshua) 23:1-16

NA IVAQA NI BULA (FOOD FOR THE SOUL)

Na rogorogo ca e na liu ni se bera  na rusa, kei na dokadoka ni se bera na  leqa e sega ni namaki.

Vosa Vakaibalebale (Mishlei) 16:18

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na sere ni cabecabe, Au laveta cake na mataqu i na ulunivanua e tiko mai kina na veivuke. 2 Na noqu veivuke e taka maivei  Yahuwe (YHWH), o koya e a buli i lomalagi kei vuravura. 3 O koya e na sega vakatara na yavumu me yavalati; o koya e maroroi iko tiko e na sega ni sosovu. 4 Raica, o koya e maroroi i Yisira'yili tiko e na sega ni sosovu se moce. 5 O Yahuwe (YHWH) na nomu dau ni veimaroroi; O Yahuwe (YHWH) e na taqomaki iko e na ligana imatau. 6 Na matanisiga e na sega ni samuti iko e na lomaloma ni siga, se na vula e na bogi. 7 O Yahuwe (YHWH) e na taqomaki iko mai na ca kece sara; e na taqomaka na nomu bula (soul). 8 O Yahuwe (YHWH) e na taqomaka na   nomu lako i tuba se na nomu curu mai i loma, mai na gauna oqo lako yani, me sega vakadua ni mudu.

Same (Tehellim) 121:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 155 o/o 1614	June 3, 2012
Reading	Hebrew Date
Yesha’yahu (Aisea) 41-42	Sivan 13, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakarau Vakacegu O Yo’hoshua (Y’hoshua Ready To Rest).

(Apologies: I have just had an eye cataract operation on the 24/05; so the DSR Blog should normalize again soon as my eye heals and I personally recover.)

Thought: After Y’hoshua, YHWH Still Has More To Conquer – With A Purpose

................. 

Serving For Yom Sheini, Sivan 7, 5772.

MAI NA NEVI’IMI RISHONIMI (FROM THE NEVI’IM RESHONIM)

E na gauna oqo o Ye'hoshua a sa qase sara kina, ka ni sa dede vinaka na  yabaki ni nona bula; a mani kaya vua o Yahuwe (YHWH), Raica o iko o sa qase sara mai, ka ni sa dede vinaka na yabaki ni nomu bula, ia e se vo levu tu ga na veivanua e vinakati me na taukeni. 2 Qori me bau kina na veivanua e se vo tiko e na nodra veivanua kece na  Pe'lishitimi kei na nodra veivanua kece na Qe'shuri; 3 Mai Zi'ora, e toka e na mata i Ijipita, me yaco i na iyalayala kei 'Ekironi vaka i na vualiku, e dau wili tiko me nodra na Kena'ani; e le lima na nodra ravouvou  na  Pe'lishitimi: mai 'Azaa, mai  Ashidodo, mai Eshakeloni, mai Qata, ka  vaka kina mai 'Ekironi: kei ira talega na 'Avimi mai na ceva; 4 Na nodra vanua taucoko na Kena'ani, kei Me'araa, e nodra o ira mai Zaidoni, me yaco sara i Afeka, e na nodrai iyalayala ni vanua na Emori. 5 Na vanua kece i 'Eivala kei Le'vanoni taucoko, vaka i na icadracadra ni matanisiga, mai Zaidoni (Ba'ala-Goda) e na ruku ni ulunivanua o Heremoni, vakadua i na icurucuru i Hamata. 6 O ira kece era vakaitikotiko e na veiulunivanua mai Le'vanoni me yaco i na vanua ni waikama, o ira kece mai Zaidoni, o au, o Yahuwe (YHWH), au na talaci ira laivi mai matadra na  luve i Yisira'yili; ia moni na qai wasewasea vinaka na vanua e na madigi, me vaka au sa vakarota oti vei iko.

7 ¶ Mo na qai vota na vanua oqo me ra taukena o ira na mataqali ciwaciwa, kei na veimama kadua ni mataqali i Ma'nashe, 8 Baleta o ira na kawa i Ru'veni, o ira  na kawa i Qoda kei na veimama vei ira ni kawa i Ma'nashe, era sa ciqoma oti na nodra ivotavota, me vaka a solia vei ira o Moshe na noqu italai, mai na tai kadua ni Yaradani vaka i na vuaicake; 9 Me tekivu mai 'Aro'eri e toka e na bati ni uciwai na Aranona, kei na koro e toka e na lomadonu ni bucabuca, kei na veivanua cecelevu kece vaka i na vuaira vakadua i Daivoni; 10 Na veitauni kece i Sikona na nodra tui na Emori, o koya a dau veiliutaki tu vakatui mai Heshaboni, me yaco i na nodra iyalayala ni vanua na luve i Aranoni; 11 O Qili'ade, kei na nodra yasayasa na Qe'shuri kei Ma'akahati, na ulunivanua taucoko o Heremoni vata kei Bashani taucoko me yaco i Salakaha; 12 Na matanitu taucoko i 'Oqa mal Bashani, o koya e a veiliutaki tu vakatui mai "Ashitaroti kei Edre'ei, o ira era kedra vo vo na kawa ni tuwawa, e a vakamatei ira o Moshe, era qai taukena na nodra vanua o ira na Yisira'yili. 13 Ia o ira na luve i Yisira'yili era a sega ni vakamatei ira na tamata mai Qe'shuri kei ira na Ma'akahati; o ira na  Qe'shuri kei ira na Ma'akahati, era se tiko veimaliwai voli ga kei ira  na luve i Yisira'yili me yacova mai na siga oqo. 14 O ira ga na nodra mataqali na  Li'vi'imi, a sega ni solia vei ira e dua na kedra ivotavota o koya; baleta na isoro e dau cabo vei Yahuwe (YHWH) na Kalou (Mighty One) i Yisira'yili, e kedra ivotavota me vaka a kaya vei ira o koya.

Josua (Ye’hoshua) 13:1-14

NA IVAQA NI BULA (FOOD FOR THE SOUL)

E na yalololoma kei na dina, na  ivalavala ca era na vakasavasavataki; ia na  nona rerevaki o Yahuwe (YHWH) e na vakavuna vei ira na tamata me ra biuta na ivalavala vakasisila.7 ¶ Ni bula muria na inaki nei Yahuwe (YHWH) na nona ivalavala e dua na tamata, o ira mada ga na kena meca e na saumi ira o koya.

Vosa Vakaibalebale (Mishlei) 16:6-7

LOMANI YAHUWE NA NOMU KALOU (LOVE YHWH YOUR MIGHTY ONE)

KAF

81 Na noqu bula (soul) e gadreva na nomuni veivakabulai, kau sa vakanuinui tiko e na nomuni vosa. 82 Na mataqu sa waraka tiko na nomuni vosa, e na gauna oni na vakacegui au kina. 83 ¶ Baleta niu vosota na rogorogo ca; ia au sega ni guilecava na nomuni ilesilesi. 84 ¶ E vica beka na nona veisiga na nomuni dauniveiqaravi? E na gauna cava beka oni na vakataulewa kina vei ira era dau vakacacani au? 85 ¶ O ira na viavialevu era sa kelia e dua na qara e na vukuqu, e sega ni veidutai kei na nomuni ivakaro. 86 Na nomuni ivakaro kece era rawa ni nuitaki; ia o ira na viavialevu era vakacacani au ga. 87 A voleka sara ni vakarusai au e dela i vuravura; ia au  sega ni vakanadakuya na nomuni ivakaro. 88 ¶ Ni vakaukauataki au me veiraurau kei na nomuni yalololoma; meu rawa ni bula muria na vosa mai gusumuni.

LAMED

89 ¶ Oni tawamudu o kemuni i Yahuwe (YHWH) na nomuni vosa era vakataudeitaki tu mai lomalagi. 90 A nomuni lomadina baleti ira na itabatamata kecekece sara: oni a vakataudeitaka na vuravura, ka se tu ga: 91 E se tu ga e na siga edaidai me vaka na nomuni lewa; baleta na ka kece sara era nomuni dauniveiqaravi. 92 ¶ Keu a sega ni dau taleitaka na nomuni Toraa, keu a sa rusa e na noqu vakararawataki. 93 ¶ Au na sega vakadua ni guilecava na nomuni ivakaro, baleta ni ra ka ni bula kecekece vei au. 94 ¶ O au, au nomuni, vueti au; Baleta au dau bula muria na nomuni ivunau. 95 ¶ O ira na ca era vakamuri i au, me ra vakarusai au; ia au kila vinaka na nomuni ilesilesi. 96 ¶ Au sa raica na tawayaga ni veika kece ga; ia na nomuni lawa e sega na kena iyalayala.

Same (Tehellim) 119:81-96

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 148 o/o 1608	May 28, 2012
Reading	Hebrew Date
Yesha’yahu (Aisea) 28-29	Sivan 7, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakacegu Mai Na iValu (Rest From Wars)

Thought: Inspite Of The Might Of Y’hoshua, They Kept Attacking Yisra’yl, Why?

 .....................

Serving For Yom Rishon, Sivan 6, 5772.

Shavu’ot - Chag Sameach!

MAI NA NEVI’IMI RISHONIMI (FROM THE NEVI’IM RESHONIM)

E na gauna sa rogoca kina na veika oqo o Yavini na tui Hazori, a qai talatala vei Yovava na tui Meidoni, vakatalega vua na tui Shimironi, kei na tui Akashafa, 2 Vei ira na tui era tu vaka mai na vualiku e na vei ulunivanua, kei na ceva, i na veivanua cecelevu mai Kinireti, kei na kena veibuca, ka vaka kina mai Dora vaka i na vuaira, 3 Vei ira talega na Kena'ani vaka i na vuaicake, kei na vuaira vei ira na Emori,  na Hiti, na Pe'rizi kei na Yu'vusii era tu e na veiulunivanua, kei ira na Hivi era toka e na ruku i Heremoni, e na vanua o Mizipaa. 4 Era qai lako mai vata kei ira na nodra mataivalu, era le vuqa, me vaka na nuku mai matasawa na kedra iwiliwili, kei na ose kei na qiqinivala e vuqa. 5 Ia ni ra sa sota na veitui oqo, era qai lako mai me ra mai keba (wavolita) na wai o Meroma, me ra mai vakavakarau me ra valuti i Yisira'yili. 6 Kaya o Yahuwe (YHWH) vei Ye'hoshua, Kakua ni taqayataki ira; baleta ni mataka, e na gauna vata vaka oqo, au sa na vakavuna me ra ravuti e matadra na Yisira'yili, au  na vaqeyavutaki ira na nodra ose, ka vakama na nodra qiqinivalu e na bukawaqa. 7 A mani lako vakaveivakidacalataki o   Ye'hoshua i na wai o Meroma, o koya vata kei ira na nona tamata daunivala era tiko vata kei koya; era qai ravuti ira. 8 O Yahuwe (YHWH) a qai soli i ira  i  ligadra na Yisira'yili, era qai ravuti ira ka cemuri i ira me yaco sara i Zaidoni i na drano, ka lai yaco sara i na buca mai Mizipaa vaka i na vuaicake; era qai mokuti Ira, ka sega ni laiva me dua vei ira e vo bula. 9 O Ye'hoshua e cakava sara vei ira me vaka a tukuna vua o Yahuwe (YHWH); e a vaqeyavutaki ira vakadua na nodra ose, qai vakama na nodra qiqinivala e na bukawaqa.

10 ¶ O Ye'hoshua e na gauna oya a qai vuki lesu qai kabai Hazori, qai vakamatea na nodra tui e na iseleiwau; baleta o Hazori, e na gauna e liu a dau nodra iliuliu na veimatanitu oya. 11 Era ravuti na tamata kece era tiko mai keya e na seleiwau; me ra qeyavu vakadua, a qai vakamai Hazori o koya e na bukawaqa. 12 Na nodra veikorolevu taucoko na veitui oya, kei ira kece na nodra tui, o Ye'hoshua, a tauri ira qai ravuti ira e na yame ni seleiwau, vakarusai ira vakadua, me vaka a vakaroti koya kina o Moshe na italai i Yahuwe (YHWH). 13 Na veitauni kece era se duri tu e na nodra veidelana, o ira na Yisira’yili era vakama ia o Ye'hoshua a vakamai Hazori. 14 Na itoki ni valu kecekece mai na veikoro oqori, kei na manumanu, era a taura na luve i Yisira'yili me nodra o ira vakataki ira, ia na tamata yadua era vakamatei ira e na yame ni seleiwau, me yacova ni ra sa vakarusai ira vakaoti; era a sega tale ni laiva me tiko e dua na bula (sou) e na kedra maliwa. 15 Me vaka a vakarota o Yahuwe (YHWH) vei Moshe na nona italai, o  Moshe a qai vakaroti Ye'hoshua vaka kina; qori sara ga a vakayacora o Ye'hoshua; e a sega ni biuta tu me sega ni caka, na ka kece a vakarota vei  Moshe o Yahuwe (YHWH). 16 A mani rawata na vanua kece oya o Ye'hoshua, na vanua veiulunivanua, kei na vanua kece era no mai na ceva, kei na vanua cecelevu (plain) kei na veiulunivanua kece kei na kedra vei buca;  17 Mai na vanua o Paleqi, e cabe cake vaka i Se'ira, me yaco sara i Ba'ala-Goda e na buca kei Le'vanoni e na ruku ni ulunivanua o Heremoni: o ira kece na nodra tui a vesuki ira o Ye'hoshua qai vakamatei ira. 18 O Ye'hoshua a valuti ira vakadede  na veivanua oya vata kei ira na nodra  tui. 19 E sega tale ni dua na koro e a sega ni soli i ligadra na luve i Yisira'yili, vaka vo ga o ira na Hivi oya o ira na kai Qiva'oni; o ira e a vakadonuya o Ye'hoshua me ra vo bula. 20 Baleta o Yahuwe (YHWH) ga a vakatalatalataka na vuniyalodra me ra  mai valuti Yisira'yili, me rawa ni  vakamatei ira vakadua o koya, me rawa talega ni ra sega tale ni yalololoma vei ira, me qai rawa ni vaqeyavutaki ira vakadua me vaka a vakarota o Yahuwe (YHWH) vei Moshe. 21 E na gauna oya o Ye'hoshua, a qai vaqeyavutaki ira kina na kawa ni tuwawa (Anaki) mai na veiulunivanua,

mai Hevaroni, mai De'viri, mai 'Eivali, mai na veiulunivanua kece nei Ya'huda, kei na veiulunivanua kece nei Yisira'yili: o Ye'hoshua a vakarusai ira kece vakadua vata kei na nodra veikorolevu. 22 E a sega tale ni vo e dua na luve ni tuwawa )Anaki) e na nodra vanua na Yisira'yili; mai 'Azaa ga, kei Qata, kei Ashidodo, era a vo tu kina (eso). 23 A mai rawaa na vanua taucoko o Ye'hoshua, me vaka na ka kece a kaya o Yahuwe (YHWH) vei Moshe; o Ye'hoshua a qai solia oqori vei ira na Yisira'yili me ra taukena vakaivotavota,  me vaka na kena vei iwasewase na nodra veimataqali. Oti sa qai cegu na vanua mai na ivalu.

Josua (Ye’hoshua) 11:1-23

NA IVAQA NI BULA (FOOD FOR THE SOUL)

Na cakacaka kece nei Yahuwe (YHWH) e nodra o ira era na vakarorogo vua, ia o ira era ivakarau vakasisila era waraka tiko ga na siga ni leqa. 5 ¶ O ira kece era qaciqacia e vuniyalodra, era vakasisila vei Yahuwe (YHWH); ia o koya e dodoka na ligana me saqata na wekana vakaitikotiko e na sega ni vosoti vakadua e na vukuni itovo ca oqo.

Vosa Vakaibalebale (Mishlei) 16:4-5

LOMANI YAHUWE NA NOMU KALOU (LOVE YHWH YOUR MIGHTY ONE)

TET

65 ¶ Oni dau caka vinaka vua na nomuni dauniveiqaravi i Yahuwe (YHWH), me vaka na nomuni vosa. 66 Vakatavulica vei au na lewa vinaka, na yalololoma kei na kilaka; baleta au vakabauta na nomuni ivunau. 67 ¶ Ni se bera mada ga niu vakamalumalumutaki; au a sa dau vakabauta, kau dau bulamuria na nomuni vosa. 68 ¶ O kemuni oni vinaka i Yahuwe (YHWH) ka dau caka vinaka; vakatavulica vei au na nomuni ilesilesi. 69 ¶ Na nodra lewa ca na viavialevu sa tubu cake; ia au bula muria tiko ga na nomuni ivakaro e na vuniyaloqu taucoko. 70 ¶ Na vuniyalodra e babamatua; ia o au, au na bula muria na nomuni lawa. 71 ¶ E ka vinaka dina vei au niu a vakamaulumalumutaki; meu rawa ni vulica kina na nomuni lesilesi. 72 ¶ Na lawa mai na tebenigusumuni e vinaka cake vei au, mai na udolu na veika koula kei na siliva.

YOD

73 ¶ Na ligamuni e a buli i au ka tuvai i au: vakatavulica vei au na nomuni ivunau. 74 ¶ Me rawa kina vei ira era rerevaki kemuni me ra raica era qai vakamuduo; baleta niu vakanuinui i na nomuni vosa. 75 ¶ Au kila, i Yahuwe (YHWH), ni donu na nomuni lewa, ka kila ni oni a vakamalumalumutaki au e na nomuni yalodina. 76 ¶ Laiva, au masuti kemuni, na nomuni yalololoma ni veikauwaitaki me vakacegui au, me vaka na nomuni vosa vua na nomuni dauniveiqaravi. 77 Laiva na veikauwaitaki kei na loloma levu, me yacovi au mai, meu rawa ni bula; baleta au sa vakatavulici e na nomuni lawa. 78 ¶ Laivi ira na viavialevu me ra madua, baleta era vakararawataki au vakalawakica; ia au sa vakasamataka tiko na nomuni ivunau. 79 Laivi ira era dau rerevaki kemuni me ra vuki mai vei au, ka vaka kina o ira era kila na nomuni ivakavuvuli. 80 Laiva na vuniyaloqu me vakasamataka na nomuni ilesilesi meu kakua kina ni madua.

Same (Tehellim) 119:65-80

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 147 o/o 1607	May 27, 2012
Reading	Hebrew Date
Yesha’yahu (Aisea) 25-27	Sivan 6, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Sega Ni Vinaka Na Bolei Yisira’yili (Declaring War On Yisra'yl Did Not Pay).

Thought: All The Kingdoms That Declared War On Yusra’yl Lost Out

.................... 

Serving For Shabbat, Sivan 5, 5772.

(NB. In Counting Days Toward Shavu’ot (Gr:Pentecost), Today Is Day 49 out of 50)

MAI NA NEVI’IMI RISHONIMI (FROM THE NEVI’IM RESHONIM)

Oti sa qai lesu o Ye'hoshua, kei ira kece na Yisira'yili vata kei koya, i na keba mai Qiliqali. 16 Ia o ira na tui le lima era a dro era qai lai vunitaki ira tu e loma ni qaravatu mai Makedaa. 17 E tukuni vei Ye'hoshua, O ratou na tui le lima eratou sa kune ni ratou vuni tu e na loma ni qaravatu mai Makedaa. 18 Kaya o Ye'hoshua, Vaqiqica eso na vatu lelevu i na gusu ni qaravatu, qai  biuta tu e keya eso na tamata  me ra vakatawana tu; 19 Ni kakua ni tiko mai keya o kemuni;  ia moni cemuri ira tiko ga na meca me yacova ni oni sa toboki ira; kakua ni vakalaiva vei ira me ra curuma na korolevu; baleta o Yahuwe (YHWH) na nomuni Kalou (Mighty One) sa soli i ira oti e ligamuni. 20 E na gauna sa oti kina na nodra  mokuti ira, o Ye'hoshua kei ira na Yisira'yili, e na dua na ravuravu levu sara, me yacova ni ra sa vaqeyavutaki, ka sa sega tale ni dua e drobula vei ira, me sa qai vo ga o ira na tagane ni  Qiva'oni era a vakavunene saqati ira na nodra tui era qai dro lesu i na nodra korolevu vakabailalaga cere. 21 O ira kece na tamata era sa lesu e na vakacegu i na keba vei Ye'hoshua mai Makedaa: e sega ni dua na tamata e yavalata na yamedra me ra vosa saqati ira na luve i Yisira'yili. 22 Oti qai kaya o Ye'hoshua, Dolava na gusu ni qaravatu ka kauti iratou mai na tui limalima mai loma ni qaravatu vei au.  23 Era mani vakayacora na ka e vakaroti ira kina o Ye'hoshua, era qai kauti iratou mai na tui limalima vua, mai na loma ni qaravatu, oya na tui Yerushalayimi, na tui Hevaroni, na tui Yaramutu, na  tui Lakishi, kei na tui 'Eqaloni. 24 E na gauna era sa kau laivi mai kina vei Ye'hoshua, o Ye'hoshua sa qai kàcivi ira vata na turaganivalu ni mataivalu era a lako vata kei koya, sa qai kaya vei ira, Toso voleka sara mai, moni mai  biuta na yavamuni e domodra na tui oqo. Era toro voleka sara yani era qai biuta na yavadra e domodra na tui. 25 Kaya vei ira o Ye'hoshua, Kakua ni  taqaya se yalolailai; moni kaukaua tiko ka yaloqaqa; baleta na ka oqo e na cakava o Yahuwe (YHWH) vei ira kece na kemuni meca kece, oni na valuti ira.  26 Oti oya sa qai vakamatei ratou o Ye'hoshua, qai vakaliligi iratou tu e na lima na vunikau, me yacova na yakavi. 27 E na gauna me sa qai dromu kina na matanisiga, o Ye'hoshua sa qai vakarota, era sa qai tukuci iratou sobu mai na veivunikau, era qai kolotaki ira lesu i na loma ni qaravatu, eratou a vuni tu kina, era qai binia na vatu lelevu e na gusu ni qaravatu, ka ra se tu ga me yacova sara mai na siga nikua. 28 E na siga vata oya e a kabai Makedaa kina o Ye'hoshua, qai samuta e na bati ni seleiwau, ka vakamatea kina na tui mai keya vata kei ira kece na tamata era tiko kina; a sega ni vakavotaka e dua; ka vakayacora na ka vata a cakava vua na tui Yeriko, vua na tui Makedaa. 29 Sa qai toso mai Makedaa o Ye'hoshua vata kei Yisira'yili taucoko era lako tiko vata kei koya, i Livinaa, era qai valuti Livinaa; 30 O Yahuwe (YHWH) a qai soli i ira talega i ligadra na Yisira'yili, era qai samuti ira kei na nodra tui e na bati ni seleiwau, vata kei ira kece na tamata era tiko mai keya; a sega ni vakavotaka me dua me vo tiko mai keya; a qai vakayacora vua na tui mai keya na ka vata a cakava vua na tui Yeriko. 31 Sa qai toso o Ye'hoshua kei ira taucoko na Yisira'yili vata kei koya, mai Livinaa i Lakishi, era qai lai keba toka vakaivalu e keya, me ra  valuti ira; 32 O Yahuwe (YHWH) a qai soli i Lakishi i ligadra na Yisira'yili; era qai rawai ira e na ikarua ni siga ka samuti ira e na bati ni seleiwau, vata kei ira kece na tamata era tiko kina, me vaka era a cakava vei ira mai Livinaa.33 Oti a qai lako mai o Horami na tui Qiza me mai vukei Lakishi; ia o Ye'hoshua a qai samuti koya kei ira na nona tamata e na bati ni seleiwau, me yacova ni sa sega tale ni dua e vo vei ira. 34 O Ye'hoshua a qai toso laivi mai Lakishi vata kei ira na Yisira'yili kece era muri i koya tiko, me ra lai keba saqati 'Eqaloni, me ra valuti ira; 35 Era rawai ira e na siga oya, ka samuti ira  e na batini seleiwau, vata kei ira na tamata kece era tiko mai keya, me vaka a cakava mai Lakishi. 36 O Ye'hoshua a qai lako cake mai 'Eqaloni, kei ira na Yisira'yili kecekece, i Hevaroni; era qai lai valuti ira; 37 Era rawai ira, ka samuti ira e na bati ni seleiwau; bau kina na nodra tui  kei na nodra veitauni kei na tamata kece era kune mai keya, ni a sega ni vakavotaka e dua, me vaka a cakava mai 'Eqaloni; e a vakarusa vakadua, vata kei ira na tamata era tiko kina. 38 A qai lesu mai o Ye'hoshua, vata kei ira kece na Yisira'yili vata kei koya, i De'viri;  me lai valuti ira: 39 Qai rawai ira, vata kei na nodra tui kei na nodra veitauni taucoko, era qai samuti ira e na bati ni seleiwai ka vakarusai ira vakadua na tamata kece era tiko mai keya; a sega ni vakavotaka me vo tale tiko e dua na tamata mai keya; me vaka ga a cakava mai Hevaroni, e a cakava talega mai De'viri  vata kei na nodra tui; me vaka a cakava   talega mai Livinaa vata kei na kena tui. 40 O Ye'hoshua a kaba na vanua taucoko, e na yasayasa e na vei ulunivanua, kei na veivanua era no vaka e na ceva, na vanua veibuca, o Ashidodo kei ira  na nodra tui; e sega tale ni vakavotaka e dua, ni a vaqeyavutakiira vakadua na nodra mataivalu, me vaka a vakarota o Yahuwe (YHWH) na Kalou (Mighty One) ni Yisira'yili.41 A mani vaqeavutaki ira vakadua o  Ye'hoshua, me vakatekivu mai Kadesha-Bania me yaco sara i 'Azaa, kei na vanua taucoko o Qousheni, me yaco sara i  Qiva'oni. 42 O Ye'hoshua a rawai ira kece na tui oqori vata kei na kedra vanua e na dua ga na gauna, baleta ni a totaki ira tiko na Yisira'yili o Yahuwe (YHWH) na Kaiou (Mighty One) i Yisira'yili. 43 A qai lesu o Ye'hoshua, vata kei ira  na Yisira'yili era a toso tiko kei koya i na nodra keba mai Qiliqali.

Josua (Ye’hoshua) 10:15-43

NA IVAQA NI BULA (FOOD FOR THE SOUL)

NA  lewa ni vakasama e nona na tamata; ia na sausaumi ni yame e vu mai vei Yahuwe (YHWH). 2 ¶ Na nona ivalavala e dua na tamata e savasava e matana ga o koya vakataki koya; ia o Yahuwe (YHWH) e vakatulewa e na sala me muria. 3 ¶ Nuitaka na nomu cakacaka vei Yahuwe (YHWH), o koya e na qai vakataudeitaka na nomu vakasama.

Vosa Vakaibalebale (Mishlei) 16:1-3

LOMANI YAHUWE NA NOMU KALOU (LOVE YHWH YOUR MIGHTY ONE)

ZAYIN

49 ¶ Nanuma na nomuni vosa vei ira na na nomuni dauniveiqaravi, oni sa vakavuna vei au meu vakanuinui kina. 50 ¶ O ira na qaciqacia era sa vakacacani au vakalevu, ia au sega ga ni vuki tani mai na nomuni Toraa. 52 ¶ Au dau nanuma na nomuni lewa mai na gauna makawa, i Yahuwe (YHWH); au sa dau vakacegui kina; era sa yaco me ra ka ni veituberi vei au. 53 ¶ Na domobula sa bikai au, baleti ira na vakasisila era dau vakanadakuya na Toraa. 54 ¶ Na nomuni ilesilesi era noqu sere e loma ni vale niu vulagi tiko kina. 55 ¶ Au sa nanuma tiko na yacamuni, i Yahuwe (YHWH) e na loma ni bogi, kau sa bula muria tiko na nomuni Toraa. 56 ¶ Au sa vakacegui tiko baleta niu muria tiko na nomuni ivakavuvuli.

CHET

57 ¶ Na cakacaka i Yahuwe (YHWH) au dau vakananuya, meu rawa ni bula muria na nomuni vosa. 58 ¶ Au kerea na nomuni veikauwaitaki e na vuniyaloqu taucoko; vakabulai au me vaka na nomuni vosa. 59 ¶ Au vakasamataka na noqu ivalavala, au qai vagolea na yavaqu i na nomuni gaunisala. 60 Au vakarautaki au vakataki au, au qai sega tale ni tu vakasuka mai na noqu muria na nomuni ivunau (mitzvot). 61 ¶ Na ilala daucakacala era tu vakavolivoliti au; ia au sega ni muri tani mai na nomuni lawa (Torah). 62 ¶ E na bogilevu tutu au duri cake meu  vakavinavinaka vei kemuni, baleta na nomuni lewa dodonu. 63 Au dua vei ira na nodra itokani o ira kece era dau rerevaki kemuni, kei ira kece era dau bula muria na nomuni ivakaro. 64 ¶ Na vuravura i Yahuwe (YHWH), e sinai vutuvutu e na nomuni yalololoma; vakatavulici vei au na nomuni lesilesi (statutes).

Same (Tehellim) 119:49-64

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 146 o/o 1606	May 26, 2012
Reading	Hebrew Date
Yesha’yahu (Aisea) 20-24	Sivan 5, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.