Na iTinitini Kei Bavela Sa Macala (End of Bavel Was Known).

Thought: Knowing A Disastrous End; Should Move Us Away Into Safety!

...................

Serving For Yom Sheini, [Sixth Month] Elul 27, 5773

 MAI NA NEVI’IMI AKARONIMI (FROM THE NEVI’IM ACHRONIM)

Au na yarataki ira sobu me vaka na lami era lai mokumate, me vaka na sipitagane kei na metagane. 41 O Sheshake sa tauri vakavesu, na isakisaki kei vuravura raraba sa vesu! O Bavela sa yaco me ka ni veivakidroataki e kedra maliwa na veimatanitu! 42 Na waitui sa luvuci Bavela, ka sa rawai koya e na kena veibiau seuseua. 43 Na nona veikorolelevu sa yaco me ra laladidi, mamaca, tautavata na vanua dravuisiga, na vanua e sega ni dua e bula rawa kina;  e sega mada ga ni dua e tavali yani kina. 44 Au na totogitaki Bela mai Bavela, au na qai cakavi koya me luaraka tani mai na veika a sa tiloma oti. O ira na veimatanitu era sa na sega ni toso tale vua. Na bailalaga kei Bavela era sa na bale. 45 Toki laivi mai vua, kemuni na noqu tamata! O kemuni yadudua, vueti kemuni vakataki kemuni mai na leva waromisa i Yahuwe (YHWH)! 46 Kakua ni yalolailai na vuniyalomuni, kakua ni domobulataka na itukutuku  veivukayaki sa vakatetei tiko e loma ni vanua. E dua na yabaki e dua na itukutuku vuka e na rogo mai, e na yabaki tarava e na rogo mai e dua tale, na itukutuku vuka ni sa yaco tiko na ivalavala kaukaua e loma ni vanua, kei ira na iliuliu era veivala tiko  vakailiuliu. 47 Qori na vuna, moni vakarorogo kina! Na siga e na yaco mai niu na vakatauca na lewa me baleta na kaloumatakau e Bavela. Na vanua taucoko e na vakamaduataki, e na gauna vata era bale tiko kina na nodra vuetaki e na dela ni kedra qele. 48 Oti oqori, o lomalagi kei vuravura kei ira kece era tiko kina, era na lagalaga sere ni mamarau e na vuku i Bavela; baleta o ira na  dauvakacaca mai na vualiku era sa lako tiko mai vua, e kaya o Yahuwe (YHWH). 49 Me vaka ga ni a vakavuna o Bavela na nodra bale na vuetaki ni Yisira'yili, mai Bavela talega era na bale o ira na vuetaki ni nodra vanua. 50 O kemuni oni drobula mai na seleiwau, lako sara! Kakua tale ni tu vakadua. Nanumi Yahuwe (YHWH) mai na vanua yawa, laivi Yerushalayimi me dau nanumi tiko e na nomuni vakasama.

Yiremeyahu (Jeremaia) 51:40-50

NA IVAQA NI BULA (FOOD FOR THE SOUL)

Na caka cala e vesu dei toka e vuniyalona e dua na gonelailai, ia na  na kuita ni veivakadodonutaki e na kauta laivi sara vakayawa mai vua.

Mishlei (Vosa Vakaibalebale) 22:15

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. Mai vei ira na kawa i Kora'aka. E dua na vucu ni veivakatavulici (maskil).  2(1) Kemuni na Kalou (Mighty One) keimami a rogoca e daliga i keimami; o ira na tama i keimami era a tukuna vei keimami, a dua na ka oni a cakava, oya e na dela ni nodra gauna. 3(2) E na ligamuni, oni a cemuri ira laivi na veimatanitu, moni tei ira [e na loma ni vanua] oni a vakarusai ira na veimatatamata moni vagalalataka na vanua e na vukudra. 4(3) Baleta era a sega ni taukena na vanua e na nodra seleiwau, e a sega talega ni vueti ira rawa na ligadra; ia na ligamuni imatau, na gauniligamuni vata kei na rarama mai na kemuni iserau; baleta ga ni oni a tovaki ira. 5(4) Kemuni na Kalou (Mighty One), o kemuni na noqu tui: vakarota me ra qaqa vakaoti o ira na Ya'akove. 6(5) E na nomuni [kaukaua], keimami a biligi ira na keimami meca, e na  yacamuni keimami a buturaki ira sobu  o ira era cati keimami. 7(6) Baleta au sega ni vakanuinui i na  noqu dakaititi, se na noqu seleiwau me rawata vei au na qaqa. 8(7) E sega, o kemuni oni a vueti keimami mai vei ira era neimami itatacaqe; [o ira era] cati keimami, oni biuti ira me ra madua o ira era sevaki keimami. 9(8) Keimami na dau dokadokataka ga na neimami Kalou (Mighty One) e na loma ni siga taucoko, ka solia na [neimami] vakamuduo i na yacamuni me tawamudu. (Selaa)

10(9) ¶ Ia e na gauna oqo oni sa lecavi keimami ka vakarogocataki keimami; oni sega ni tayabe mai vata kei na nomuni mataivalu. 11(10) Oni cakava me keimami vakasukasuka mai vei ira era dau veivakatacaqetaki; o ira era cati keimami, era butakoci keimami e na gauna ga era via cakava kina. 12(11) Oni sa soli i keimami laivi me vaka na sipi e vakarau laukana, ka   ceburaki keimami e na kedra maliwa na veimatanitu. 13(12) Oni volitaki ira na nomuni tamata e na isau rawarawa, oni sega  mada ga ni rawata e dua na tubu mai na nomuni volivolitaki. 14(13) Oni cakavi keimami e matadra na weka vakaitikotiko, me keimami dau vakalialiai, dau beci, ka dau veiwalitaki vei ira era tu vakavolivoliti keimami. 15(14) Oni cakava me keimami vosa vakacacataki e na kedra maliwa na veimatanitu; o ira na tamata era vakalialiai keimami era qai kurea tu na uludra. 16(15) E na loma ni siga taucoko, na noqu rogorogo ca sa no ga e mataqu, kei na madua sa mai kovuta tu na mataqu 17(16) Ni rogo na domodra o ira era dau veivakacacani ka veivakalialiai, e laurai vei ira na meca era nakita me ra mai veisausaumi [vei au].

Tehillim (Same) 44:1-17

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.345 in 5773 (Total 2072)	September 2, 2013
Reading	Hebrew Date
Yirmeyahu (Jeremiah) 50-51	M #6: Elul 27, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bavela Nodra Vanua Na Kasidimi (Bavel, Land Of The Kasdim)

Thought: YHWH Punishes The Kasdim Of Bavel For Yisra’yl’s Sake!

......................... 

Serving For Yom Sheini, [Sixth Month] Elul 20, 5773

 MAI NA NEVI’IMI AKARONIMI (FROM THE NEVI’IM ACHRONIM)

Oqo na vosa a kaya o  Yahuwe (YHWH) me baleti Bavela, oya me baleta na nodra vanua  na  Kasidimi, a mai vakasavuya o Yiremeyahu na parofita; 2 Tusanaka vei ira na veimatanitu ka  vakarogoya! Vakarewataka e dua na kena drotini; vakarogoya, kakua ni vunitaka! Kaya: O Bavela sa vesu, o  Bela sa vakamaduataki, o Me'rodaka sa vakarogorogocataki, o ira na nona ivakatakarakara era sa vakamaduataki, na nona veikaloumatakau (idols) era sa vakaogorogocataki. 3 Baleta mai na vualiku e dua na matanitu sa tayabe tiko mai me mai saqati koya ka vakalaladiditaka na nona vanua. E sega ni dua e na vakaitikotiko e keya; ruarua na tamata kei na manumanu, era sa biubiu oti me ra dro. 4 E na veisiga oya, e na gauna oya, e  kaya o Yahuwe (YHWH), O ira na tamata ni Yisira'yili era na lako mai, [o ira] vata kei ira na tamata ni Ye'huda. Era na tagitagi tiko mai e na nodra ilakolako e gaunisala, e na nodra vaqarai i Yahuwe (YHWH) na nodra Kalou (Mighty One).  5 Era na vakataroga mai na sala i Zaiyoni; era qai vakanamata kina, era qai kaya, Lako mai, mai duavata kei   Yahuwe (YHWH) e na dua na veiyalayalati tawamudu, e na sega vakadua ni guilecavi. 6 O ira na noqu tamata era [dua] na  qelenisipi lako sese tu. O ira na nodra ivakatawa [ni sipi] era a vakavuna na nodra lako sese, ni ra a sereki ira me ra tasa e na veiulunivanua. Ia ni ra veitosoyaki tiko mai na veiulunivanua i na veidelana, era qai guilecava na sala i na nodra itikotiko. 7 O ira yadua era kunei ira, era a tilomi ira. O ira na kedra meca era kaya, Keimami sega ni cala; baleta o ira ga era a valavala ca saqati Yahuwe (YHWH), na icegucegu ni lewa dodonu;  io, era saqati Yahuwe (YHWH) na nodra inuinui o ira na nodra itubutubu. 8 Dro laivi mai Bavela! Biuta na nodra vanua na Kasidimi! Ni vakataki ira na metagane era liutaki ira tiko na qelenimanumanu;

9 ¶ Baleta, au na vakaseuta ka kauta mai me mai saqati Bavela e dua na isoso matanitu tovata lelevu mai na veivanua e na vualiku. Era na mai tuvaivalutaki koya, mai keya o koya e na qai tauri, Na nodra gasau ni dakititi e tautauvata kei ira na bati dau  veivakamatei; e sega ni dua e na lesu lala. 10 Na nodra vanua na Kasidimi e na kovei; o ira kece era kovea e na veirauti kei ira na kedra iwasewase, e kaya o Yahuwe (YHWH).

Yiremeyahu (Jeremaia) 50:1-10

NA IVAQA NI BULA (FOOD FOR THE SOUL)

Na vutuniyau kei na dravudravua e rau tautauvata e na ka oqo, o Yahuwe (YHWH) a buli i rau ruarua.3 ¶ Na yalomatua ni raica ni toso tiko mai na leqa, e na vuni; ia o koya e [lecaika] e na toso ga yani, qai sauma na kena itotogi. 4 ¶ Na vatuka ni yalomalumalumu, oya na rerevaki i Yahuwe (YHWH) vata kei na iyau, na dokai kei na bula.

Mishlei (Vosa Vakaibalebale) 22:2-4

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same i Dawide; Nakiti me ka dau nanumi tiko. 2(1) I Yahuwe (YHWH), kakua ni totogitaki au e na gauna oni leva tu kina, se kuitataki au e na dela ni nomuni cudru waqawaqa. 3(2) Baleta na nomuni gasau (ni dakaititi) e na coba basikati au sara vakatitobu, kei na ligamuni e na tabaki au sobu, 4(3) Na nomuni yalokatakata e sega ni vakavotaka e dua na tikiqu me se toka dei; na noqu ivalavala ca sa cakava na yagoqu taucoko me tauvimate; 5(4) Baleta na noqu ivalavala vakasisila sa tubu sivia na noqu iqavokavoka me dua na icolacola bibi, e na rui bibi vei au;  6(5) E toka qo vei au e dua na mavoa bona e sa kakana tiko, baleta na noqu lialia. 7(6) Au sa cuva sobu tu ga, meu kalobi tu vakadua; au veitosoyaki tiko e na rarawa bibi, e loma ni siga taucoko. 8(7) Baleta na lomaqu sa kama tiko e  na kequ matetaka, na yagoqu taucoko sa tauvimate tu. 9(8) Au sa nunu, ka dasila tu vakaoti; Na vuturi ni vuniyaloqu sa vakavuna meu vutugu tiko e na domolevu. 10(9) I Yahuwe (YHWH) na noqu gagadre kece e kilai vinaka tu vei kemuni, na noqu vutugu e sega ni vunitaki [rawa] mai vei kemuni. 11(10) Na utoqu sa cegudi tiko, na noqu kaukaua sa yali, na rarama e yaloka ni mataqu sa biuti au. 12(11) O ira na noqu icaba kei ira na noqu veikilai era sa tu vakatikitiki mai na kequ mate; o ira mada ga era a dau volekati au era sa duri tu ga mai vakayawa.

Tehillim (Same) 38:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.338 in 5773 (Total 2063)	August 26, 2013
Reading	Hebrew Date
Yirmeyahu (Jeremiah) 35-36	M #6: Elul 20, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Idomi Kei Dameseka (Edom And Damesek).

Thought: Punishment Is Already Decreed For Them Which Cannot Be Avoided!

..................... 

Serving For Shabbat, [Sixth Month] Elul 18, 5773

 MAI NA NEVI’IMI AKARONIMI (FROM THE NEVI’IM ACHRONIM)

Me baleti i Idomi, oqo na veika e kaya o Yahuwe ni lewevuqa (YHWH-Tzva'ot); Sa sega beka ni vo na vuku mai Temani? O ira beka na nodra tagane vuku era sa guilecava na nodra iwalewale ni veivakasalataki? Na nodra vuku beka sa yali? 8 Dro! vuki lesu! Vuni sara vakavinaka o kemuni oni tiko mai De'dani; baleta au sa kauta tiko yani na leqa vei Esava, e na gauna sa yaco mai kina na gauna meu totogitaki koya kina. 9 Ke ra lako mai vei iko o ira na dau veti vuanivaini, era na  sega ni vakavotaka na vaini me ka ni vakatotomi? Kevaka era lako yani na daubutako e na bogi,  era na vakacaca sara vakadua me yacova ni sa cegu [na lomadra]? 10 Ia o au, me noqu itavi, au na vakalalai 'Esava vakadua, au sa vakatakila oti na nona ivunivuni; o koya e na sega ni vunitaki koya rawa vakataki koya. O koya e na leqa [vata kei] luvena tagane, o ira na tacina kei ira na wekana vakaitikotiko, me rawa kina ni oti vakadua o koya. 11 Biuti ira na nomu luveniyali; au na taqomaki ira me ra bula tiko; laivi ira na nomu yada me ra vakanuinui mai vei au. 12 Baleta oqo na ka e kaya o Yahuwe (YHWH); O ira e sega ni dodonu me ra gunu mai na bilo oqo, era sa na gunu ga mai kina; me kakua ni dua e lako ni sebera ni totogitaki? Sega oni na sega ni levea na itotogi; oni na gunu dina ga mai kina! 13 Baleta au sa bubului o au vakataki au, e kaya o Yahuwe (YHWH), ni o Bozaraa e na yaco me vakarusai, e dua na ka ni veivakidroataki, na sesevaki kei na veivatonaki; na nona veikorolevu kece era na biu maumau vakadua. 14 Au sa rogoca e dua na itukutuku mai  vei Yahuwe (YHWH); E dua na dau kauitukutuku sa na talai i kedra maliwa na veimatanitu, me lai kaya, Soqo vata mai, laiva meda mai lako cake meda lai saqati koya e na ivalu. Vakavakarau i na ivalu. 15 Qo! Au na cakava mo lailai duadua e na kedra maliwa na veivanua, [oni] na kawatamata vakasevaki duadua e na kedra maliwa na tamata  16 Na nomu rawa ni veivakasaurarataki, sa vakacalai iko tiko, ka vakavuna na nomu qaciqacia. O tara na nomu itikotiko e na kakaca ni veibaranivatu, oni qai kovea na dela ni ulunivanua; ia kevaka mada ga mo bulia na nomu sova me vaka era dau cakava o ira na ikeli, mai keya o au, au na yarataki sobu, e kaya o Yahuwe (YHWH).  17 O Idomi e na yaco me na ka dau  vakadomobula; o ira kece era lako sivita era na kalukalu e na kidrowa e na leqa sa yaco tu kina. 18 E na tautauvata kei na kena a vuaviritaki o So'doma kei 'Amora vata kei na veikoro wavolivolita, e kaya o Yahuwe (YHWH). E sega ni dua e na lai vakacokotaki tale e keya, e sega ni dua na tamata e na lai vakaitikotiko tale e keya. 19 E na vaka e dua na laione e curu tiko mai na veikau era tutubu tu e na batini Yaradani, me saqati ira e na vei itikotiko kaukaua: e na gauna vata ga oya, au na cemuri koya laivi kina, au qai lesia me lewa, e dua ga au digitaka. Se o cei e tautauvata kei au?  O cei e na rawa ni mai vakatulewataki au? O cei na ivakatawa ni sipi e na rawa ni tu mai e mataqu? 20  O koya oqo moni rogoca kina na inakinaki sa navuca tu o Yahuwe (YHWH) me saqati kina o Idomi; vata kei na nona inakinaki e na vakayacora rawa me saqati ira kina era vakaitikotiko mai   Temani; o ira na qelenisipi lalai sara era na yarataki ira laivi; o ira na nodra bainisipi era na kidroa e na vukudra. 21 Na vuravura e na uneune e na rorogo ni nodra lutu; na domo ni nodra qoqolou e na rogoci sara mai na wasawasa o Sufa. 22 Me vaka e dua na ikeli-valatia o koya e na vakatubutubu, qai coka sobu mai me mai vakatetaba me saqati Bozara. E na siga oya na vuniyalodra na bati ni  Idomi e na vaka na vuniyalo ni dua na yalewa sa yaco tiko vua na taratara. 23 Na veika me baleti Dameseka; o  Hamata kei Arapade rau sa veilecayaki;  ni rau rogoca na itukutuku ca; rau qai waicala e na taqaya; me vaka na  seuseua ni veibiau ni waitui, e sega ni  maravu rawa vakataki koya. 24 O Dameseka, ni sa vakagogotaki, a qai vuki me dro; na sautanini a sa tarai koya; na yaluma kei na vutu a manati koya, me vaka na vutu ni dua na yalewa ni taratara tiko. 25 E rawa vakacava ni dua na korolevu dau vakasakiti me sa laladidi tu vaka oqo, e dua na korolevu e dau vu ni mamarau?  26 Qori era na bale kina o ira na nona  cauravou e na kena veisaqata, kei ira kece na nona bati era sa na vagalui e na siga oya, e kaya o Yahuwe ni lewevuqa (YHWH-Tzva'vot). 27 Au na vakawaqaca e dua na yame ni bukawaqa e loma ni bailalaga mai Dameseka, me na vakama yavu na veivale vakatui nei Beni-Hadada.

Yiremeyahu (Jeremaia) 49:7-27

NA IVAQA NI BULA (FOOD FOR THE SOUL)

E sega ni dua na vuku, na yalomatua se na ivakasala, e rawa ni rawai Yahuwe (YHWH). 31 Na ose e rawa ni vakarautaki me baleta ni siga ni vala;  ia na qaqa e vu ga maivei Yahuwe (YHWH).

Mishlei (Vosa Vakaibalebale) 21:30-31

LOMANI YAHUWE NA NOMU KALOU (LOVE YHWH YOUR MIGHTY ONE

MAIVEI Dawide. Kakua ni taqaya e na vukudra o ira era ivakarau vakasisila se vuvutaki ira era cakacakataka na ca. 2 Baleta e sega wale ni dede era sa na malai me vaka na co, ka yali yani vakadua me vaka na kau draudrau drokadroka, 3 Vakanuinui ga vua na Kalou (Mighty One) ka dau caka vinaka; vakaitikotiko voli ga e na vanua ka kana tiko ga mai na yalodina (faithfulness). 4 Qori o na qai marautaka kina na nomu bula e na vuku i Yahuwe (YHWH); o koya e na qai solia vei iko na gagadre ni vuniyalomu;  5 Vakataudeitaka na nomu sala vei Yahuwe (YHWH); vakabauti koya, o koya e na qai cakacaka. 6 O koya e na vakavuna na nomu vakadonui me ramase cake me vaka e dua na rarama, na lewa dodonu ni nomu ile me vaka na matanisiga e na sigalevu tu tu. 7 Toka vakanomodi e na mata i Yahuwe (YHWH), waraki koya toka ga e na yalo malumu me yacova ni sa yaco mai. Kakua ni rarawa baleti ira era dau rawaka e na ivalavala tawakilikili. 8 Muduka na cudrucudru, biuta vakatikitiki na levaleva;  kakua ni lomaleqaleqa baleta qori e naulu tiko i na caka ca. 9 Baleta o ira na daucakaca era na muduki laivi; ia o ira era vakanuinui vei Yahuwe (YHWH) era na taukena [vakaivotavota] na vanua. 10 Sega ni dede ga qo, o ira na daucaka ca era sa na oti vakadua; o na vaqara na nona itikotiko, ia o koya sa na sega ni tiko mai keya. 11 Ia o ira na yalomanoa (meek) era na taukena na vanua, ka ra na marautaka  vakalevu o ira vakataki ira na bula  sautu. 12 O ira era dau cakaca, era na bukiveretaki ira na yalododonu, ka vakasequruqurutaka na batidra vei ira. 13 Ia o Yahuwe (YHWH) e na dredrevaki ira na dau caka ca; baleta ni kila tu o koya ni sa roro tiko mai na nona siga. 14 O ira na dau cakaca era sa ucuna oti tu na seleiwau, ka ra sa loveca oti na nodra dakaititi me ra [vakamatei] ira na dravudravua, na luveniyali vata kei ira era tu dodonu e na nodra ivakarau. 15 Na nodra seleiwau e na suaka tale na utodra ga o ira vakataki ira, na nodra dakaititi e na kamusu. 16 E vinaka cake na veika lalai era taukena na yalododonu, mai na nona iyau  vakaitamera o ira kece era dau cakaca. 17 Baleta na gauniligadra na daucakaca e na musu; ia o Yahuwe (YHWH) e na tabei ira cake  tiko na yalododonu. 18 O Yahuwe (YHWH) e kila na veika era dau vosota na dodonu; na kedra ivotavota e na tu [ga] me tawamudu. 19 Era na sega ni lomaleqaleqa e na veigauna ca; ni yaco mai na dausiga, o ira era na levu tu ga vei ira na ka. 20 Baleta o ira na daucaka ca era na rusa, o ira na meca i Yahuwe (YHWH) era na vaka na uro ni sipi, era na tini seyavu me vaka na kubou,

Tehillim (Same) 37:1-20

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.336 in 5773 (Total 2061)	August 24, 2013
Reading	Hebrew Date
Yirmeyahu (Jeremiah) 31-32	M #6: Elul 18, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Yaga E Na iValu O Yahuwe (YHWH Joins The War)

Thought: The Aramain Army Left The War Under Mysterious Circumstances.

..................... 

Serving For Shabbat, Kislev 10, 5773

MAI NA NEVI’IMI RISHONIMI (FROM THE NEVI’IM RESHONIM)

Oti qai kaya o Yilai'sha, Dou rogoca na vosa i Yahuwe (YHWH), Oqo na ka e kaya o Yahuwe (YHWH), Nimataka, e na gauna vata oqo, e dua na ivakarau na falawa matailalai e na volitaki e na dua na shekele, kei na rua na ivakarau na barile e na dua na shekele, mai na matamata mai Shomorono. 2 Kaya na dauniveivuke e dau ravi e ligana na tui, ni sauma vua na tamata ni Kalou (Mighty One), Raica, kevaka mada ga e bulia na katuba leleka mai lomalagi o Yahuwe (YHWH), na ka vakaoqo e na sega ni rawa ni yaco. Kaya vua Yilai'sha, Sa vinaka, qo e na raica na yaloka ni matamu, ia o na sega ga ni kana mai kina.

3 ¶ E na gauna vata oqo, e va na tagane vukavuka eratou a dadabe volekata toka na matamata ni koro. Eratou veivosaki tiko vakataki iratou, Na cava na vuna me tou dabe tiko kina eke me yacova ni tou mate? 4 Kevaka me tou kaya, Tou curu i loma ni koro, ia na lauqa e kaukaua tiko e loma ni korolevu, tou na qai lai mate e keya; ia kevaka tou dabe tiko ga eke, tou na mate talega. O koya oya, mai tou mai lako i na nodra keba na Arameani me tou lai soro; kevaka era vakabulai kedatou, tou sa na bula ia ke ra vakamatei kedatou ia tou sa na mate ga. 5 Eratou mani cavutu ni se qai karobo sobu ga na vanua, me ratou lako i na nodra keba na Arameani; ia ni ratou yaco yani e na ibili ni keba, raica, ni a sega ni laurai kina e dua na tamata. 6 Baleta o Yahuwe (YHWH) a cakava vei ira na lewe ni nodra mataivalu na Arameani, me ra rogoca na vavadugudugu ni yava ni ose kei na qiqi ni ivalu, kei na vavadugudugu ni dua na mataivalu vakaitamera; era qai veivosakitaka ni ra kaya, Raica, na tui  Yisira'yili sa rairai sauma na mataivalu ni tui Ijipita kei na tui Hiti, me ra mai valuti keda. 7 Qori era qai cavutu kina ni sa karobo na vanua, me ra dro, era qai biuta tu mai na nodra valelaca, na nodra ose, kei na nodra asa, na nodra keba sara ga e biu tu mai e na kedra inono, era qai drovaka na nodra bula. 8 Ia ni ratou sa yaco na tauvi vukavuka oqo, i na iyalayala ni keba, eratou qai curu i na dua na valelaca, eratou qai kana ka gunu, eratou qai yauta mai keya na siliva, na koula kei na isulu, eratou qai lako me ratou lai vunitaka; oti eratou qai lesu, ratou qai lai curuma e dua tale na valelaca, eratou qai yauta tale ga mai keya na itoki ni ivalu, me ratou lai vunitaka talega. 9 Oti ratou qai veivosaki vakataki iratou ni ratou kaya,  E sega ni dodonu na ka tou cakava tiko qo; na siga qo e siga ni itukutuku vinaka; e na vakacava na dede ni nodatou galuvaka tiko? Kevaka tou waraka na kida ni mataka e na rawa ni yaco vei kedatou e dua na leqa; mai, laiva me tou lako me tou lai tukuna vei ira na lewenivale ni tui. 10  Eratou mani lako mai, ratou qai kaciva na yadra e na matamata ni koro ratou qai kaya vei iratou, Keitou a lako i na nodra keba na Arama, keitou qai raica, ni sa sega ni dua na tamata e tiko kina, sa sega mada ga ni rogo kina e dua na domo ni tamata, ia na ose kei na asa era se noka tu ga kei na vale laca era se biri vinaka tu ga. 11 Eratou qai kacikaci na yadra ni matamata ni koro, me ratou tukuna vei ira na dauveiqaravi e loma ni vale ni tui.

M’lakhim Bet (2 Tui) 7:1-11

NA IVAQA NI BULA (FOOD FOR THE SOUL)

Ni ra sa kaukaua na tamata yalododonu, e na ka levu na qoroqoro (kei na mamarau); ia ni ra tubu cake me ra vakavulewa na dau caka ca, na tamata era na veivuniyaki. 13 ¶ O koya e vunitaka na nona talatalai dredre e na sega ni vutuniyau (prosper): ia o koya e vakatusa na nona ivalavala ca qai veikalikali kaya, na Kalou (Mighty One) e na yalololoma vua.

Mishlei (Vosa Vakaibalebale) 28:12-13

LOMANI YAHUWE NA NOMU KALOU (LOVE YHWH YOUR MIGHTY ONE

ZAYIN

49 ¶ Nanuma na nomuni vosa vei ira na nomuni dauniveiqaravi, oni sa vakavuna vei au meu vakanuinui kina. 50 ¶ O ira na qaciqacia era sa vakacacani au vakalevu, ia au sega ga ni vuki tani mai na nomuni Toraa. 52 ¶ Au dau nanuma na nomuni lewa mai na gauna makawa, i Yahuwe (YHWH); au sa dau vakacegui kina; era sa yaco me ra ka ni veituberi vei au. 53 ¶ Na domobula sa bikai au, baleti ira na vakasisila era dau vakanadakuya na Toraa. 54 ¶ Na nomuni ilesilesi era noqu sere e loma ni vale niu vulagi tiko kina.  55 ¶ Au sa nanuma tiko na yacamuni, i Yahuwe (YHWH) e na loma ni bogi, kau sa bula muria tiko na nomuni Toraa. 56 ¶ Au sa vakacegui tiko baleta niu muria tiko na nomuni ivakavuvuli.

CHET

57 ¶ Na cakacaka i Yahuwe (YHWH) au dau vakananuya, meu rawa ni bula muria na nomuni vosa. 58 ¶ Au kerea na nomuni veikauwaitaki e na vuniyaloqu taucoko; vakabulai au me vaka na nomuni vosa. 59 ¶ Au vakasamataka na noqu ivalavala, au qai vagolea na yavaqu i na nomuni gaunisala. 60 Au vakarautaki au vakataki au, au qai sega tale ni tu vakasuka mai na noqu muria na nomuni ivunau (mitzvot). 61 ¶ Na ilala daucakacala era tu vakavolivoliti au; ia au sega ni muri tani mai na nomuni lawa (Torah). 62 ¶ E na bogilevu tutu au duri cake meu vakavinavinaka vei kemuni, baleta na nomuni lewadodonu. 63 Au dua vei ira na nodra itokani o ira kece era dau rerevaki kemuni, kei ira kece era dau bula muria na nomuni ivakaro. 64 ¶ Na vuravura i Yahuwe (YHWH), e sinai vutuvutu e na nomuni yalololoma; vakatavulica vei au na nomuni lesilesi (statutes).

Tehellim (Same) 119:49-64

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 329 o/o 1789	November 24, 2012
Reading	Hebrew Date
Kohelet ( Dauvunau) 7-8	M #9: Kislev 10, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ni Leva O Yahuwe Eda Leqa (When YHWH Is Unhappy, We Suffer)

Thought; Pay Attention To What Makes YHWH Unhappy With Us

 ......................

Serving For Yom Reeshone, Tishrei 11, 5772

Oqo na ka e kaya o Yahuwe (YHWH) vei ira na tamata oqo, Era gadreva me ra kakua ni nuitaki, ni ra sega ni tarova na yavadra mai na nodra muria tiko na itovo vakasisila; o koya oqori sa sega kina ni taleitaki ira o Yahuwe (YHWH); qo sa na nanuma o koya na nodra ivakarau vakasisila ka na totogitaka na nodra ivalavala. 11 Oti qai kaya vei au o Yahuwe (YHWH) Kakua ni masulaki ira na tamata qo, e na vukuni nodra vinaka. 12 Baleta kevaka era na lolo, au na sega ni rogoca na nodra masu; kevaka era cabora na isorokama se na imadrali, au na sega ni ciqomi ira; ia au na tilomi ira e na seleiwau, e na lauqa kei na mate veidewavi.13 Au qai kaya, Rogoci au, au kerei kemuni i  Yahuwe (YHWH) na Kalou (Mighty One)! Raica, o ira na parofita era kaya vei ira na tamata, Oni na sega ni raica na seleiwau, oni na sega ni sotava na lauqa, ia au na vakadeitaka vei kemuni na sautu kei na dodonu e loma ni vanua oqo. 14 Sa qai kaya vei au o Yahuwe (YHWH), O ira na parofita era parofisaitaka na  veika lasutaki e na yacaqu: baleta au a sega ni talai ira yani;  au a sega ni vakaroti ira, au a sega talega ni vosa vei ira: era sa parofisaitaka tiko vei kemuni na raivotu lasu, na lawa kei na vosa mana lasu kei na veivakacalai ni vuniyalodra. 15 O koya oya e kaya kina na vosa oqo o Yahuwe (YHWH) me baleti ira na parofita era parofisai tiko e na yacaqu, ía au a sega ni talai ira yani; o ira era qai kaya tiko Na seleiwau, na lauqa e na sega ni yaco i na vanua oqo; E na iseleiwau kei na lauqa era na tilomi kina o ira na parofita oya.

Jeremaia (Yirmeyahu) 14:11-16

OQO talega na vosa vakaibalebale momona i Sholomo, era a vola o iratou na icaba nei Hizikiyahu na tui Ya’huda. 2 ¶ E ka dokai vei Yahuwe (YHWH) me vunia tiko e dua na ka; ia e ka dokai vua na tui me vakadeuca cake mai. 3 Na lomalagi e na kena cecere, na vuravura e na kena titobu, ia na vuniyalona na tui e na sega ni vakadeuci rawa. 4 ¶ Vakasavasataka mai na siliva na kena dukadukali, me rawa ni kune mai kina na bilo savasava vakaoti. 5 Laiva na tamata dukadukali me ra cemuri laivi mai na mata ni tui, e na qai vakataudeitaki e na yalododonu na nona idabedabe vakatui.

Vosa Vakaibalebale (Mishlei) 25:1-5.

Vakatudaliga kemuni na ivakatawa kei Isira'yili, o kemuni oni tuberi Yosefa me vaka e dua na qelenisipi; o kemuni oni dabe toka vei ira na ke’ruvimi moni rama mai. 2 E na mata i Ifira'yimi kei Biniyamini kei Ma'nashe vakaraitaka yani na nomuni kaukaua ka lako mai moni mai vueti keimami. 3 Tuberi keimami tale, i Yahuwe (YHWH) Cecekia,  cakava me serau na matamuni, keimami na qai vakabulai. 4 Kemuni na Kalou (Mighty One) Yahuwe ni lewevuqa (YHWH Tzva’ot), E na vakacava na dede ni nomuni cudruva tiko na nodra masu na nomuni tamata? 5 Oni vakani ira e na madrai ni tagitagi; oni qai solia vei ira na wainimata me ra gunuva vakayauyau. 6 Oni cakava me keimami ivakalasa vei ira na weka i keimami vakaitikotiko, o ira na keimami meca era veidredrevaki vakataki ira. 7 Tuberi keimami tale, i Yahuwe ni lewevuqa (YHWH Tzva’ot) cakava me ramase na matamuni, keimami na qai vakabulai.

Same (Tehellim) 79:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
281/Blog No. 1421	October 9, 2011.
Reading	Hebrew Date
Isaiah (Yesha’yahu) 41-42	Tishrei 11, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.