Na Leqalevu. (The Woes)

Thought: Self-Righteousness Brings Unpalatable Woes

................. 

Serving For Shabbat, Shevat 1, 5773

MAI NA NEVI’IMI AKARONIMI (FROM THE NEVI’IM ACHARONIM)

Na leqalevu e na yaco vei ira era sou vakamataka lailai sara, me ra ciciva na gunu kaukaua; era qai gunu tiko me yacova na bogi, ni ra sa mateni vakaca tu e na waini 12 Era na gunu waini ni ra vakarogoca tiko na hapi, na tibereli, na teborini kei na ivakatagi bitu; na waini sara ga e levu e na nodra solevu; era sega kina na galeleta na cakacaka i Yahuwe (YHWH) se vakasamataka na cakacaka ni ligana. 13 O koya era sa kau kina vakabobula o ira na noqu tamata,  baleta ni sega vei ira na kilaka; ia o ira na nodra mate sa vakalevutaki baleta na dravuisiga, ka ra sa rawai e na karamaca. 14 O koya oqo sa vakarabailevutaki koya kina o She’ola ka dolava na gusuna me sega ni vakaiyalayala; o ira na tamata lagilagi, o ira na tamata dokai, o ira na tamata qaqa era na qai siro i loma. 15 Na tamata sa na cuva sobu, na tamata sa na vakamalumalumutaki, na tamata qaqa e na vakalolovirataki kei na matadra na viavialevu e na vakamalumalumutaki; 16 O Yahuwe ni lewevuqa (YHWH-Tzva'ot) e na vakacerecerei e na lewa dodonu, na Kalou (Mighty One) Yalosavasava e na vakarokorokotaki e na ivalavala dodonu. 17 E na gauna oya o ira na lami era na kana, e na lomanibai ni kana me vaka ni nodra dina ga, ia o ira era lako yasa tu mai, era na kana e na nodra lomanibai o ira era sa kana tu vakasivia, ka sa rusa tu. 18 Na leqa levu e na yaco vei ira era tekivu e na nodra dreta voli na ivalavala ca e na dua na wa ni culacula, ia era qai tini me ra dreta na ivalavala ca e na dali lelevu ni kareti 19 O ira era [dau] kaya, Keimami vinakati Yahuwe (YHWH) me vakatotolotaka na nona cakacaka ka vaqunaqunataka, meda raica sara mada; keimami vinakata na nona vakananavu na Yalosavasava Ledua i Yisira'yili me yaco dina e na gauna sara ga oqo, me rawa ni keimami kila ni na yaco dina. 20 Na leqa levu vei ira era vakatoka na veika tawakilikili ni vinaka, se na veika vinaka ni tawakilikili, o ira era veisautaka na rarama me butobuto kei na butobuto me rarama; kei ira era veisautaka na kamikamica me gaga (bitter), kei na gaga me kamikamica! 21 Era na leqalevu o ira era raici ira vakataki ira ni ra vuku, era qai vakadokadokai ira vakataki ira ni ra yalomatua (clever).  22 Era na leqalevu o ira era qaqa e na gunu waini, o ira na tagane e kune na nodra kaukaua [e kune] e na kena waki na gunu kaukaua,

Yeshayahu (Aisea) 5:11-22

NA IVAQA NI BULA (FOOD FOR THE SOUL)

Dokai Yahuwe (YHWH) e na nomu iyau kei na isevu ni nomu vuata kece sara. 10 Qori e na qai tawa vinaka kina na nomu lololo, kei na nomu iqaqi ni waini e na vuable tu ga e na wainivou.

Mishlei (Vosa Vakaibalebale) 3:9-10

LOMANI YAHUWE NA NOMU KALOU (LOVE YHWH YOUR MIGHTY ONE

Matacake i Yahuwe (YHWH)! Kemuni na Kalou (Yl) laveta cake na ligamuni! Kakua ni guilecavi ira era malumalumu. 13 Na cava beka era sevaka kina na Kalou (the Mighty One) o ira na ca, era qai kaya e vuniyalodra, E na sega ni beitaki vei au! 14 Oni sa raica; baleta oni dau dikeva na vakacaca kei na rarawa, me rawa ni oni cakava e dua na ka e ligamuni; o ira na dravudravua era kabiti kemuni; o kemuni oni dau vukei ira e sega na tamadra. 15 Muduka na gauniligana na ca! Ia me baleta na tamata ca, vakadeuca cake mai na nona ivalavala ca me yacova ni sega ni dua e vo. 16 O Yahuwe (YHWH) e tui me tawamudu ka sega ni mudu! Na veimatanitu era na kawaboko mai nona vanua. 17 I Yahuwe (YHWH), oni sa rogoca na nodra gagadre na dravudravua; oni dau vakayaloqaqataki ira, ka dau vakatudaliga vei ira; 18 Moni vakatauca vei ira, e sega na tamadra kei ira era vakasaurarataki, na lewa dodonu, me kakua kina ni dua e vuravura e samuti e na veika vakadomobula.

Tehellim (Same) 10:12-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 118 in 5773 (Total 1854)	January 12, 2013
Reading	Hebrew Date
Divrei HaYamim Bet ( 2 Chronicles) 21-22	M #11: Shevat 1, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Parofisai Kei Bavela (Prophesy About Bavel)

Thought: YHWH Uses Servants To Punish The Persistently Disobedient

...................... 

Serving For Yom Khah Mee-shee, Tishrei 29, 5772

OQO na ka e kaya o Yahuwe (YHWH) na Kalou ni lewevuqa (Mighty One Tzva’ot); Raica, au na vakauqeta me saqati Bavela kei ira na kena ivakatawa e dua na tamata yalokaukaua vaka na cagilaba dau veivakacacani; 2 Au na talai ira yani i Bavela o ira era dau veivakarusai, me ra lai butakoci koya ka buturaka na nona vanua e yavadra;  era na sosoqoni yani vakaivalu mai na veiyasana e na siga ni leqa. 3 O koya na liga ni dakaititi e na sega ni cegu e na nona loveca tiko tiko na nona dakaititi, na sotia e na sega ni luvata na itataqomaki ni saresare; kakua ni vakavotaki ira na nona cauravou; vakarusai ira vakadua na nona mataivalu. 4 E na kena ivalavala oqori, era na bale kina na vuetaki e na nodra vanua na Kasidimi; era na qai davo tu e na kena veisaqata. 5 Baleta o ira na Isira'yili kei ira na Ya'huda era a sega ni biuvakaloloma tu mai vua na nodra Kalou (Mighty One); o Yahuwe ni lewevuqa (YHWH Tzva’ot); e dina ga ni nodra vanua a sinai tu e na nodra ivalavala vakasisila e matana o  Koya na Yalosavasava i Isira'yili.

6 Dro laivi mai na maliwa i Bavela, laiva na tamata yadua me vueta na nona bula o koya vakataki koya; kakua ni tilomi vakadua e na nona ivalavala vakasisila; baleta qo na gauna ni veisausaumi nei Yahuwe (YHWH); e na vakayacora kina vua me veiraurau kei na vua ni nona cakacaka. 7 O Bavela e a dua na bilo koula e na liga i Yahuwe (YHWH), e a vakayagataki e vuravura me ra mateni kina e na nona waini; na veimatanitu kecekece era a gunu mai kina; o koya oqo era tatavatia tu kina na veimatanitu e na nodra mateni. 8 O Bavela sa bale vakasauri ka sa rusa; qolouvaki koya; kauta yani na wainimate (balm) me iwali ni nona mavoa; de dua e na vakabulai koya. 9 Keimami a rawa ni vakabulai Bavela, ia o koya e se bera ga ni bula; laiva me da sa vakanadakui koya, laiva meda sa dui lesu o keda kece i na noda dui vanua; baleta na nona vakatulewataki sa yaco i lomalagi (heaven), ka sa laveti cake sara i lomalagi (sky). 10 O Yahuwe (YHWH) sa cakava me matata ni da sega ni cala; lako mai meda lai tusanaka i Saiyoni na veicakacaka i Yahuwe (YHWH) na noda Kalou (Mighty One).

Jeremaia (Yirmeyahu) 51:1-10.

O koya e lai siova na veileti e sega ni nona o koya vakataki koya, e vakataki koya e lai dre na daligani koli.

Vosa Vakaibalebale (Mishlei) 26:17.

O Koya e vakaitikotiko e na veitaqomaki nei Yahuwe (YHWH) e na bula tiko e na ruku ni yaloyalo nei koya na Kaukaua (Shaddai). 2 Au na tukuna vei Yahuwe (YHWH), O koya e noqu idrodro ka noqu isasabai; na noqu Kalou (Mighty One); o koya au na vakabauta. 3 E ka dina ni o koya e na vueti iko mai na nona tudai na daubiri dai, ka vaka kina mai na kakase tawayaga. 4 E na vakarurugi iko e na lawena, e na ruku ni tabana o na vakararavi; na nona dina e na nomu isasabai ka ivakaruru. 5 O na sega ni domobulataka na veivakacacani e na bogi, se na gasau ni dakaititi era veivukayaki e na siga;  6 Se na inakinaki ca e tete e na butobuto; se na matetaka e veivakamatei e na sigalevu tutu. 7 E udolu era na veibaleyaki e yasamu, e tininaudolu e ligamu imatau; ia e na sega ga ni toro volekati iko.  8 E na matamu ga o na raica na kedra itotogi na tamata ivalavala ca.

9 ¶ Baleta o kemuni i Yahuwe (YHWH) oni noqu inuinui; oni sa vakataudeitaka na nomuni itikotiko e na tikina sa cecere sara; 10 E sega ni dua na ka domobula e na yacovi iko, e sega talega ni dua na matetaka e na toro volekata na nomu itikotiko.

Same (Tehellim) 99:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
301/Blog No. 1441	October 27, 2011.
Reading	Hebrew Date
Jeremaia (Yiremeyahu) 20-22	Tishrei 29, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iValavala Ca kei na Veilewai. (Sin and Judgment)

Thought: When We Obey Yahweh, Our Trials Will Resolved

.................. 

Serving For Yom Reshone, Tammuz 1, 5771

Au na tu meu saqati ira e kaya o Yahuwe ni lewevuqa (YHWH Tzva'ot), au na muduka laivi mai Bavela na yaca, na luvedra, na matavuvale kei na nodra kawa, e kaya o Yahuwe ni lewevuqa (YHWH Tzva'ot). 23 Au na cakava talega me ra taukena na lulu, ka vukica me vanua dranodrano; au na qai taviraka e na sasa ni veivakarusai, e kaya o Yahuwe ni lewevuqa (YHWH Tzva'ot).

24 ¶ O Yahuwe ni lewevuqa (YHWH Tzva'ot) e sa bubuluitaka ka kaya, E ka dina ni ka au sa vakasamataka e na yaco dina; me vaka au sa nakita, e na yaco me vakakina: 25 Au na musuki ira na Ashuru e na noqu vanua, ia e na noqu ulunivanua au na butuki koya sobu e na qeteqete ni yavaqu, na nodra ivua e na qai lutu tani mai na usouso ni domodra. 26 Oqori na icavacava e nakiti tiko me na saqati kina o vuravura; ia oqo na vanua e na vakatetei me saqati vuravura raraba.

Aisea (Yesha’yahu 14:22-26

Vukica tani na matamuni mai na noqu ivalavala ca, bokoca laivi vakadua na noqu caka cala kece sara. 10 Bulia e lomaqu e dua na vuniyalo savasava, kemuni na Kalou (Mighty One) ka vakavoutaka na yalodina e lomaqu. 11 Kakua ni botolaki au laivi mai  matamuni; kakua ni kauta laivi mai na  yalomuni tabu (Ruach HaKodesh) mai vei au. 12 Vakavoutaka vei au na yalomamarau ni nomuni veivueti; ka tabei au cake tiko e na yalomuni lagilagi. 13 Oti au na qai vakatavulici ira era dau vorata na nomuni sala;  era na qai saumaki lesu mai vei kemuni o ira era dau valavala ca; 14 Vakabulai au mai na vakadave dra, kemuni na Kalou (Mighty One), o kemuni na Kalou ni noqu vakabulai, na yamequ e na seretaka vakadomoilevu na nomuni yalododonu. 15 I Yahuwe (YHWH), o kemuni, moni dolava na tebenigusuqu, na gusuqu e na qai vakatusa wavoki na nomuni vakacaucautaki. 16 Baleta oni sega ni gadreva na imadrali se marautaka na isorokama. 17 Na isoro vua na Kalou (Yahuwe (YHWH)) na vuniyalo e ramusu ka bibivoro, i Yahuwe (YHWH) oqori oni sega ni cata. 18 Caka vinaka e na nomuni yalololoma vei Saiyoni; tara tale na bailalaga mai Yerushalayimi.19 Oqori oni na qai mamarau kina e na isoro ni yalododonu, oya na isoro kama; era na qai cabora kina na veimataqali iloloma soliwale eso e na nomuni cabocabo ni isoro.

Same (Tehellim) 51: 9-19

Read The Scriptures (Tanakh) in a Year
Siga (Day)/Blog	Tikinisiga (Date)
184/Blog No. 1324	July 3, 2011.
Reading	Hebrew Date
Iyov 26-28	Tammuz 1, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

The Need To Face Sins (Raica Na Noda iValavala Ca)

Thought: Yahweh Punishes So That We Can Confront Our Sins

........................ 

Serving For Shabbat, Sivan 30, 5771

O koya a sa lako oti mai i 'Ayata;  ka lako siviti Maiqoroni; ia mai Mikhimasi a lai tuvana kina na nona iyaya: 29 Era a lako kosova na idewadewa ni tadrua e na maliwa i Qeva kei Beiti-Betana; o Ramaha e a domobula; qai dro o Qeva-i-Shaula. 30 Laveta na domomu, o iko na luvei Bata-Qolimi yalewa; vakatudaliga i Layishi;  saumi taro mai vei au i Anatota. 31 O Madamana sa kau laivi oti; o ira na ivakatawa kei Qevimi era tataqomaki tiko. 32 Me yaco mai oqo, e na tiko voli ga mai Nova e na siga oya; e na qai kureitaka na ligana me saqata na ulunivanua ni luvei Saiyoni yalewa kei na delana o Yerushalayimi. 33 Raica, o Yahuwe (YHWH) na Kalou ni lewe vuqa (Mighty One Tzva’ot) e na rawai ira na lagilagi e na qaqa, o ira na cecere ka kilai levu era na vakamalumalumutaki kei ira na viavialevu era na laudre sobu.  34 E na qai taya sobu o koya na kau ni veikau e na kaukaumea, o Li'vanoni kei na nona lagilagi sa na lutu.

Aisea (Yesha’yahu) 10:28-34

 

Na rai viavialevu ni tamata e na vakalolovirataki kei na qaciqacia ni tamata era na tabaki sobu; o Yahuwe (YHWH) duadua ga e na laveti cake e na siga oya. 12 Ia e na dua na siga i Yahuwe ni lewevuqa (YHWH Tzva’ot) vei ira kece era yalolevu ka viavialevu, kei ira kece era vakaceceretaki; ia e na vakamalumalumutaki:

Aisea (Yesha’yahu 2:11-12

Ni lomani au i Yahuwe (YHWH) e na nomuni yalololoma: e na vakaitamera ni nomuni yalovinaka ni bokoca laivi na noqu ivalavala ca. 2 Savati au sara vakaoti mai na noqu talatalai dredre, ka quaraka laivi vakadua na noqu ivalavala ca. 3 Au vakadinata na noqu dau talatalaidredre, baleta na noqu ivalavala ca sa matata vinaka tu e mataqu. 4 E saqati kemuni, o kemuni duadua ga, na noqu caka ca, niu vakayacora na veika e vakasisila e matamuni; ka ni donu vinaka sara ga na nomuni veivakadodonutaki, ka qaqa na nomuni vakataulewa. 5 Baleta raica, au a buli mai na ca (iniquity); ia e na ivalavala ca o tinaqu e a kunekunetaki au. 6 Raica oni gadreva na dina, ia na veika vuni kece me baleta na nomuni vuku oni sa vakatakila vei au. 

7 ¶ Vakamiraci au e na taba ni hisopi, au na qai savasava; savati au, au na qai vulavula cake mai na uca cevata. 8 Vakacegui au e na nomuni reki kei na marau; me rawa ni marau tale na yaloqu sa ramusu tu.

Same (Tehellim) 51:1-8

Read The Scriptures (Tanakh) in a Year
Siga (Day)/Blog	Tikinisiga (Date)
183/Blog No. 1323	July 2, 2011.
Reading	Hebrew Date
Iyov 23-25	Sivan 30, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.