Noaka, Dani’yili kei Iyove (Noach, Dani’yl & Iyov)

Thought: Sins Remove Our Lives Eternally; Righteous People Cannot Save Us!

 ................

Serving For Shabbat, [Seventh Month] Tishri 24, 5774

MAI NA NEVI’IMI AKARONIMI (FROM THE NEVI’IM ACHRONIM)

Na vosa i Yahuwe (YHWH) a qai  yaco tale mai vei au, 13 Tamata, ni dua na vanua e valavala ca saqati au, e na vakayacori ni itovo lawaki ca e mataqu, qai vakavuna na noqu dodoka yani na ligaqu [e na dela ni vanua oya] meu muduka laivi na ivurevure ni [kedra] kakana; au qai tala yani me kovuta e dua na lauqa, me  vakarusai ira, ruarua, na tamata kei na manumanu mai keya; 14 Kevaka mada ga eratou qai tiko kina o ratou na tamata tolutolu oqo; o Noaka, o Dani'yili vata kei Iyove, o ratou, e na nodratou [dui] yalododonu, eratou na vueta ga na nodratou bula o ratou ga vakataki iratou, e kaya o Yahuwe na Sau (Sovereign YHWH). 15 Kevaka au talai ira yani na manumanu kila e loma ni vanua, era qai vakamatei ira na kena gone lalai me ra vakalala vakadua, qai vakavuna me sega ni dua na tamata  e takosova baleti ira na manumanu kila; 16 Kevaka mada ga eratou mani tiko kina o ratou na tamata tolutolu oqo, me vaka niu bula tiko, e kaya o Yahuwe na Sau (Sovereign YHWH), eratou na sega ni vueta rawa na luvedratou tagane se na luvedratou yalewa; o ratou ga vakataki ratou, ratou na vueti, ia na vanua e na biu laladidi tu ga.17 Se, kevaka au mani kauta mai na seleiwau i loma ni vanua oya, au qai kaya,  Laiva na seleiwau, me curuma na vanua, meu rawa kina ni kauti ira laivi kina, ruarua na kena tamata kei na kena manumanu kila; 18 E dina ga ke ratou tiko mai keya o ratou na le tolu oqo; me vaka niu bula tiko, e kaya o Yahuwe na Sau (Sovereign YHWH ) eratou na sega ni vueta rawa na luvedratou tagane se na luvedratou yalewa, o ratou ga vakataki ratou, eratou na vueti.19 Se kevaka meu vakauta yani e dua na matedewa i loma ni vanua, au qai sovaraka na noqu cudru katakata e loma e na vakadavei ni dra, meu rawa ni kauti ira laivi ruarua na kena tamata kei na kena manumanu; 20 Ia, kevaka eratou tiko kina  o Noaka, o Dani'yili kei Iyove, me vaka niu bula tiko, e kaya o Yahuwe na Sau (Sovereign YHWH), eratou na sega ni vueta rawa e dua na luvedratou tagane se dua na luvedratou yalewa; eratou na vueti iratou ga vakataki iratou, e na vukuni nodratou dui yalododonu. 21 Baleta oqo na ka e kaya o Yahuwe na Sau (Sovereign YHWH); Kevaka mada ga meu vakayacora vei Yerushalayimi na noqu lewa taumosi e va; na seleiwau, na lauqa, na manumanu kila kei na matedewa, me kauti ira ruarua na kena tamata kei na kena manumanu; 22 Era na vo tiko ga mai loma o ira era na vueti, me ra na kau laivi mai, oya me wili kina, ruarua o ira na luvedra tagane kei na luvedra yalewa. E na gauna era sa kau tani mai kina vei iko, o qai dikeva na nodra itovo ni bula kei na veika era dau cakava; oni na qai loma vakacegu, e na vuku ni veika ca au a kauta mai i Yerushalayimi, bau kina na veika kece au sa vakayacora oti mai keya. 23 Io, era na vakacegui iko, ni o raica na nodra itovo ni bula kei na nodra ivalavala; oni na qai kila kina niu a sega ni cakava tu vakaveitalia na veika kece au a cakava [mai Yerushalayimi], e kaya o Yahuwe na Sau (Sovereign YHWH).

 Yekezeki’yili (Isikeli) 14:12-23

NA IVAQA NI BULA (FOOD FOR THE SOUL)

O koya e navuca me vakayacora na veika ca, era na vakatokai koya na tamata, na  dau ni vakavu ca.

Mishlei (Vosa Vakaibalebale) 24:8

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E dua na same i Davide. 2(1) Rogoca na domoqu, i Yahuwe (YHWH) niu vakamamasu tiko [yani]; taqomaka na noqu bula mai na noqu nuiqawaqawataki ira na kequ meca.3(2) Vunitaki au mai na nodra ivadi ca   vuni [o ira] na vakasisila; kei na nodra vakavunene o ira era dau cakacakataka na ca. 4(3) Era na vakayagata na yamedra me vaka na seleiwau; era loveca na nodra  dakaititi, na vosa veivagagai, 5(4) Me rawa ni ra vanai vakavuni na tawacala, me ra vana vakasauri ka sega ni bau taqayataka e dua na ka. 6(5) Era veitokonitaka na nodra dui vakananavu ca,  era veitalanoataka me vunitaki na tudai era qai taroga, O cei e na raici ira?  7(6) Era vaqara sala me ra vakayacora kina na basulawa, era qai vakacavara na nodra vaqaqara ni ra sa dui vakasamataka vakavinaka sara mai e na ruku titobu ni vuniyalodra.

8(7) ¶ E vakasauri ni vanai ira me ra bale o Yahuwe (YHWH) e na gasau ni dakaititi, qai biuti ira tu ni ra sa mamavoavoa; 9(8) Na yamedra e vakatacaqetaki ira. O ira kece era raici ira era kurea na uludra. 10(9) O ira yadudua era kurabui, era qai vakadinata ni nona cakacaka na Kalou (Mighty One) ka  kilakasamataka ni o koya ga a cakava. 11(10) O ira na yalododonu era na marau vei Yahuwe (YHWH), era na  taura me ra vakaruru tiko vua; o ira kece era tu dodonu e vuniyalodra, era na vakacerecerei [mai vua].

Tehillim (Same) 64:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 24 in 5774 (Total 2099)	September 28 2013
Reading	Hebrew Date
Hoshea (Hosea) 1-3	M #7: Tishri 24, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vavi Na Madrai E Na Deni Okisi (Bake Bread In Ox Dung)

Thought: Yechezk’yl Laid On His Left And Right Side, Quantifying Yisra’yl’s Sins!

 ......................

Serving For Yom R’vi’ii, [Seventh Month] Tishri 7, 5774

MAI NA NEVI’IMI AKARONIMI (FROM THE NEVI’IM ACHRONIM)

Ia o iko, tamata, taura e dua na raba ni papa qele, vakotora e matamu, qai droinitaka kina na ituvatuva ni korolevu o Yerushalayimi. 2 Vakaraitaka ni tuvaivalutaki tiko; na tara ni valecere e yasana, na suva era bini cake e veiyasana,  qai viria na ituki ni basubai me ra tu vakavolivolita. 3 Oti qai taura e dua na lawalawa kaukamea, qai viria me dua na bailalaga  e na kemudrau maliwa o iko kei na korolevu; qai vakadikeva vinaka, na korolevu sa tuvaivalutaki tiko, ia o iko sara ga o tuvaivalutaka tiko. Oqo e na dua na ivakatakilakila me baleti ira na veimatavuvale i Yisira'yili. 4 Tarava, mo qai davo sobu mo bika na sarisarimu i mawi, me colata toka na caka cala ni matavuvale i Yisira'yili; e na dede ga ni nomu davo tiko e na yasamu, o na colata tiko na nodra cala. 5 Au sa wasea tani toka vei iko, e dua na siga e na veiyadua na yabaki ni nodra caka cala, o koya oya mo na colata tiko kina na nodra caka cala na matavuvale i Yisira'yili me 390 na siga. 6 Ia, ni o sa vakayacora oti oqori, mo qai vuki mo bika na sarisarimu imatau, mo colata tiko na nodra caka cala na lewe ni matavuvale i Ya'huda me vasagavulu na siga; na veisiga yadua me veidutai kei na dua na yabaki. 7 O iko mo vakadodoka toka na nomu rai e na kena tuvaivalutaki tiko o Yerushalayimi, ia ni sa vagalalataki na gauniligamu, mo qai parofisai saqata. 8 Au sa na vesuki iko sobu tiko e na [vica] na dali; o iko mo kakua ni vuki mai na dua na yasana i na dua tale na yasana, me yacova ni sa oti vinaka na veisiga ni veituvaivalutaki tiko.

9 ¶ Taura na witi, na bali, na bini, na lenitili, na sila kei na raye, sovari ira vata kece e na loma ni dua na beseni; qai buli madrai mai kina. E na kena dede ga na nomu koto no e yasamu, oya 390 na siga, oqo na ka mo na kania tiko. 10 E na veisiga yadua, na kakana mo kania me ruasagavulu ga na shekele (ikatolu ni kilo) na kena bibi. O na rawa ni kania vagauna [e na loma ni dua na siga]. 11 O iko talega me vakaiyalayala ga na ilevu ni wai mo gunuva, oya me dua na ikaono na hini (lima na lita); e rawa ni o na gunuva vagauna [e na loma ni dua na siga]. 12 [Na madrai] o kania me na vavi me vaka na keke [buli mai na bali]; o iko mo na vavia sara ga ni o vakaraica tiko yani e matamu, ia mo vakayagataka na deni tamata me kena buka. 13 Kaya o Yahuwe (YHWH), Qori sara ga na ivalavala ni nodra na kania na kedra madrai, oya e na dukadukali, o ira na luve i Yisira'yili, e na vanua au cemuri ira tiko kina. 14 Au mani vosa lesu, Sega [saka] i Yahuwe na Sau (Sovereign YHWH)! Au se sega vakadua ni vakadukadukalitaki au vakataki au; mai na gauna ni noqu gone me yacova mai qo, au se bera vakadua ni kania na ka e mate [vakataki koya] se basuraki mai vei ira na manumanu kila; e se bera vakadua ni curu i gusuqu na mataqali kakana vakasisila vaka oqori. 15 Sauma mai o koya, Sa vinaka, au sa na solia vei iko na deni okisi me isosomi ni deni tamata, mo na vavia kina na kemu madrai. 16 Oti qai kaya tale vei au, Tamata, au na muduka laivi na ivakarau ni madrai e Yerushalayimi: me rawa kina ni ra na dau vakarautaka na madrai era kania, e na nuiqawaqawa ka vakarautaka na wai me ra gunuva, e na taqaya. 17 Kena itinitini ga, baleta na lailai ni madrai kei na wai; era sa na dau veiwanonovi e na rusa vata kece tikoga, ka sa na lutu tikoga e na domobula, ka lutu tikoga na yagodra, baleta na nodra ivalavala ca.

Yekezeki’yili (Isikeli) 4:1-17

NA IVAQA NI BULA (FOOD FOR THE SOUL)

Kakua ni vakaceguocataki iko (vakatabakidua) e na vaqara iyau; vakayalomatuataki iko mo rawa ni tarovi iko. 5 Kevaka o cakava na matamu me rai vaqunaquna kina, o na kunea ni na yali vakatawamacala! Baleta na iyau e na bulia vakataki koya na tabana, ka na vaka na ikeli, ni na vuka vakayawa sara i lomalagi.

Mishlei (Vosa Vakaibalebale) 23:4-5

LOMANI YAHUWE NA NOMU KALOU (LOVE YHWH YOUR MIGHTY ONE

Ia vei ira era dau valavala ca e kaya vei ira na Kalou (Mighty One); Na dodonu cava e tiko vei kemuni moni tusanaka tiko na noqu lawa, se taura na noqu veidinadinati e na tebe ni gusumuni, 17 Ni laurai votu tu ga ni oni cata na noqu ivakaro; oni qai dau kolo laivi i dakumuni  na noqu vosa? 18 Ni oni raica e dua na daubutako, oni lako sara moni lai to mai kei koya, o qai dau duavata kei ira era dauveidauci, 19 Oni solia i na gusumuni na galala, me vakayaco ca, ka cakaca na yamemuni me [cavuta na vosa ni] veivakacalai. 20 Oni dabe, oni qai vosa saqata na tacimuni; oni qai vakaucacataka tale na luve i tinamuni.  21 Ni oni cakava na veimataqali ka vata oqo, e dodonu beka vei au meu vagaluya tu ga? De dua oni nanuma tiko ni o au, au tautauvata kei kemuni; o au, au na vunauci kemuni ka vakacalai  kemuni e matamuni. 22 Vakasamataka oqo, o kemuni oni guilecavi Yahuwe (YHWH) tiko, deu na qai basuraki kemuni vakamatailalai, qai sega ni dua me vueti kemuni. 23 O koya e cabora na vakavinavinaka me nona isoro, e vakarokorokotaki au;  ia vei koya e bula muria na sala dodonu au na vakaraitaka vua na veivakabulai ni Kalou (Mighty One).

Tehillim (Same) 50:16-23

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 7 in 5774 (Total 2081)	September 11, 2013
Reading	Hebrew Date
Yechezk’yl (Ezekiel) 15-16	M #7: Tishri 7, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iValavala Ca e Kauta Mai Na Leqa (Sins Bring Trouble).

Thought: Disobedience And Transgression Of YHWH’s Laws Comprise Sins

........................ 

Serving For Shabbat, [Fourth Month] Tammuz 21, 5773

 MAI NA NEVI’IMI AKARONIMI (FROM THE NEVI’IM ACHRONIM)

Oqo na vosa e lako vei Yiremeyahu maivei Yahuwe (YHWH) e na gauna a talatala mai kina vua o Tui Zidikiyahu ni a talai rau yani o Pasha'kura na luvetagane i Malakiya vata kei Sa'fanaya na luvetagane i Ma'aseiya vata kei na itukutuku oqo: 2 Yalovinaka, vakatarogi Yahuwe (YHWH) mada e na vukuda, baleta o Ne'vukadreza na tui Bavela sa mai valuti keda tiko. De dua o Yahuwe (YHWH) e na vakayacora e dua na cakacaka mana, e na vukuda qai vakavuna me vakasuka tale o koya. 3 Sauma vei rau o Yiremeyahu, Qo na ka mo drau lai kaya vei Zidikiyahu: 4  Oqo na ka e kaya o Yahuwe (YHWH) na Kalou (Mighty One) i Yisira'yili; Au na cakava na iyaragi ni vala oni taura tiko e ligamuni me tawayaga, e na nomuni valuta na tui Bavela vata kei ira na Kasidimi, era sa tu oqori e na daku ni bailalaga me ra tuvaivalutaki kemuni. Qo au na vakasoqoni ira sara ga e loma ni korolevu oqo; 5 Ia o au sara ga au na valuti kemuni e na ligaqu ni dodo tu yani kei na gauniligaqu qaqa, e na leva, e na yalokatakata, kei na cudru cecekia. 6 Au na samuti ira na ivakatawa ni korolevu oqo, na tamata kei na manumanu vakatautauvata, era na qai mate mai na dua na matedewa vakadomobula. 7 Ni oti oqori, e kaya o Yahuwe (YHWH), Au na qai soli i Zidikiyahu na tui Ya'huda laivi, bau kina o ira na dauniveiqaravi, o ira na tamata, kei na dua ga e se vo bula tiko e loma ni korolevu, ni sa cava na matedewa, na ivalu kei na dravuisiga; vei Ne'vukadreza na tui Bavela, vata kei ira na kedra meca, oya vei ira era vaqara tiko mai na nodra bula; o koya e na qai vakamatei ira e na seleiwau. O koya e na sega ni vakavotaki ira; e na sega tale vua na yalovinaka se na yalololoma. 8 Ia qo na ka mo kaya vei ira na tamata oqo: O Yahuwe (YHWH) e kaya: Raica! Au sa vakaraitaka tiko vei kemuni e dua na sala ni bula, kei na sala ni mate. 9 O koya e na tiko ga e na korolevu oqo e na mate e na seleiwau, na lauqa kei na matedewa. Ia o koya e biubiu,  me lai soro vei ira na Kasidimi era tuvaivalutaki kemuni tiko, e na bula tiko ga; na nona bula sara ga o koya sa na nona itoki ni ivalu duadua ga. 10 Baleta au sa vakatulewataka oti ni korolevu oqo e na yaco kina na leqa, e na sega (ni yaco kina) na vinaka, e kaya o Yahuwe (YHWH). E sa na soli vua na tui Bavela, o koya e na qai vakama yavu i na dela ni qele. 11 Vei ira era lewe ni matavuvale vakatui i Ya'huda, mo kaya, Rogoca na vosa i Yahuwe (YHWH);  12 Kemuni na lewe ni matavuvale i Dawide, oqo na ka e kaya o Yahuwe (YHWH); Vakataulewa vakadodonu e  veimataka kece, vueti ira na vakacalai mai vei ira era dau veivakasaurarataki; de qai samusamu yani na noqu leva me vaka na bukawaqa, me na kama katakata vakaoti, me sega kina ni dua e na bokoca rawa, baleta na kena vakasisila na veika oni sa cakava. 13 E kaya o Yahuwe (YHWH); O au, au sa na saqati iko (Yerushalayimi) e toka e na dua na buca me vaka e dua na uluvatu e loma ni vanua. O iko o kaya, O cei e rawa ni toso sobu mai me mai saqati keimami? O cei e rawa ni curuma mai na neimami qaravatu? 14 Au na totogitaki kemuni, e kaya o   Yahuwe (YHWH), me veiraurau kei na nomuni ivalavala. Au na vakama na kena veikau, e na qai tiloma na veika kece e tu wavolivolita.

Yiremeyahu (Jeremaia) 21:1-14

NA IVAQA NI BULA (FOOD FOR THE SOUL)

Na veivosa mai na gusu ni dua na tagane era wai titobu, e coka me vaka na dobui, ka ivurevure ni vuku. 5 ¶ E sega ni vinaka me tovaki e dua e cala dina, baleta ni na vakuai kina na tawacala mai na vakataulewa dodonu.

Mishlei (Vosa Vakaibalebale) 18:4-5

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same i Davide. I Yahuwe (YHWH) rogoca na noqu masu; rogoca na noqu kere loloma. E na nomuni yalodina, tama mai vei au, ka vaka kina e na nomuni yalododonu. 2 Kakua ni vakalaiva na nomuni dauniveiqaravi me veilewaitaki; baleta e na nomuni rai, e sega ga ni dua na tamata bula e rawa ni vakasamataki ni yalododonu. 3 Baleta e dua na meca e cemuri i au tiko; o koya e sa bika sobu (crush) tiko na noqu bula e na dela ni qele, qai biuti au tu meu bula tiko e na butobuto, me vaka taki ira era se mate makawa sara. 4 Na yaloqu sa rebo e lomaqu; na vuniyaloqu sa kurabui e lomaqu. 5 Au nanuma lesu na veisiga sa sivi makawa; [meu] raica lesu na veika kece oni a cakacakataka; meu vakasamataka na vei cakacaka ni ligamuni. 6 Au dodoka yani na ligaqu vei kemuni; au mateci kemuni, me vaka e dua  na vanua karamaca. (Selaa)

7 ¶ Tama maivei au vakatotolo, i Yahuwe (YHWH) baleta na yaloqu sa gogo [sobu tiko] na noqu bula (soul) sa leqa tiko; Kakua ni vunia na matamuni maivei au, deu na qai tautauvata kei ira era sa lutu sobu [oti] i na ibulubulu. 8 Cakava meu rogoca na veika me baleta na nomuni loloma e na mataka caca, baleta niu [dau] vakanuinui vei kemuni. Cakava meu kila na sala e dodonu meu muria, baleta au sa nuitaki  au tu e ligamuni. 9 I Yahuwe (YHWH), vueti au mai vei ira na kequ meca: au sa vunitaki au tu vei kemuni. 10 Vakatavulici au meu dau vakayacora na lomamuni, baleta o kemuni oni noqu Kalou (Mighty One); Laiva na yalomuni vinaka me tuberi au e na vanua e yagoyagovinaka (level). 11 E na vuku ni yacamuni, i Yahuwe (YHWH), maroroya na noqu bula e na nomuni yalododonu, kauta laivi mai na nuiqawaqawa. 12 E na nomuni yalololoma, muduki ira laivi na kequ meca; vakarusai ira kece era vakaleqai au tiko; baleta o au, au nomuni  dauniveiqaravi.

Tehillim (Same) 143:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 280 in 5773 (Total 2007)	June 29, 2013
Reading	Hebrew Date
M’lakhim Bet (2 Kings) 9-10	M #4: Tammuz 21, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ni Kune Na Vukavuka (When Leprosy Is Detected)

Thought: Attend To Sins As One Attends To Leprosy.

..................... 

Serving For Yom R’vi’i, Sh’vat 29, 5772

MAI NA TORAA (FROM THE TORA

VOSA o Yahuwe (YHWH) vei Moshe kei Aharoni, ni kaya, 2 Kevaka e dua na tamata e kunea e kuli ni yagona eso na tutubu se vola se rama, qai nanumi ni vaka mai na rairai ni mate ca na vukavuka e sa basika e na kuli ni yagona; o koya me na kau vei Aharoni na kohena se vua e dua vei rau na luvena tagane era kohanimi; 3 Na kohena me na qai vakadeuca na mate e tutubu tiko e yagona; kevaka e mani raica ni sa vuki me vulavula na vuti ni yagona e na tiki ni yagona e tutubu tiko kina na mate, qai kunea e na kena irairai ni sa titobu ka sega ni toka walega e kuli ni yagona; qori sara ga na mate ca na vukavuka; na kohena me na dikeva sara vakavinaka, qai vakarota ni o koya sa sega ni savasava. 4 Ia kevaka e rairai vulavula na tiki ni kulina e rama tiko, ia e kena irairai ni sega ni titobu ka ni toka ga e kulina, ka kunea ni sega ni vuki me vulavula na vutini yagona; na kohena me na sogobututaki koya tiko me vitu na siga. 5 Na kohena me na qai raici koya tale e na ikavitu ni siga; ia ke raica ni se toka ga na mate, ia e sega ni teteva na kuli ni yagona, na kohena me na qai sogobututaki me vitu tale na siga. 6 Na kohena me na raici koya tale ni oti  e vitu na siga; ia kevaka e laurai ni sa seyavu tale na mate, se kune ni sega ni teteva na vo ni kulina, na kohena me vakatusa vua ni se savasava tiko ga o koya, baleta ni dua ga na vola; o koya me na toni dromu vata kei na nona isulu, me savasava kina. 7 Ia ke qai kune e muri ni sa teteva vakalevu na kulina na vola oya, ni oti na nona a laurai ka vakasavasavataki mai vua na kohena; o koya me na lai tukuna tale vua na kohena.  8 Ia ni sa dikevi koya tale na kohena, qai kunea ni sa tete tale tu na vola oya e kuli ni yagona; na kohena me na vakatusa vua ni sega ni savasava o koya, baleta ni sa kune vua na vukavuka. 9 Ni sa kune vua e dua na tamata na mate na vukavuka, o koya me na kau sara vua na kohena; 10 Na kohena me na dikevi koya, ke raica eso na tutubu vulavula e na kuli ni yagona, e sa vakavuna me tavuki na roka ni vuti ni yagona me vulavula se sa kune votu na lewe ni yagona bula e na loma ni tikina era vuvuce tu; 11 Oqori e dua na vukavuka makawa (chronic) sa tiko e kuli ni yagona; na kohena me na tusanaka ni sa sega ni savasava o koya, ia me kakua ga ni sogobututaki koya; baleta sa matata vinaka ga ni sega ni savasava o koya.

Na Lawa Ni Soro (Wayikra) 13:1-19

NA IVAQA NI BULA (FOOD FOR THE SOUL)

O koya e katariva vakalawaki ca e matana e na vakavuna na rarawa, ia o koya e dau veivakadodonutaki vakararama e vu ni tiko sautu.

Vosa Vakaibalebale (Mishlei) 10:10

LOMANI YAHUWE NA NOMU KALOU (LOVE YHWH YOUR MIGHTY ONE)

ME baleta na iliuliu. Buli e na kena ivalavala vei Ye’dutuni. E dua na Same i Dawide. 2(1) Au kaya, au sa na qarauna na noqu ivalavala meu kakua ni valavala ca e na yamequ; au sa na dau vakalewa vakamatau na vosa ni gusuqu, ni ra tu e mataqu o ira era dau cakaca, 3(2) Au a galu ka rarawa vakalevu, au a vakaloloma, au a vakacerecerei au vakataki au, na vinaka mada ga au a vakanadakuya, qori qai vakatubura cake ga na noqu rarawa. 4(3) Na utoqu a katakata e lomaqu, na yagoqu a kama e na yameyame ni bukawaqa; au qai vosa e na yamequ. 5(4) I Yahuwe (YHWH) vakatakila vei au na noqu itinitini kei na iwiliwili ni noqu veisiga, se na vakaevei beka; meu rawa ni kila toka na noqu veigauna mai muri. 6(5) Raica, oni sa yalana toka na noqu veisiga; na noqu yabaki ni bula e sega wale ni dua na ka vei kemuni; e dina ga ni tamata kece e toka ga e na nodra icegu, na nodra bula. 7(6) Baleta na tamata kece era veilakoyaki tu me vaka e dua na iyaloyalo (shadow), ka ra na seyavu yani me vaka ga ni liwa e dua na cagi (Sela); e buluta tu na iyau e dua na tamata, ia e sega ni kila se o cei e na qai kumuni ira.

8(7) ¶ Mai na gauna oqo lako yani, e tiko beka evei na noqu inuinui, vakavo ga vei kemuni i Yahuwe (YHWH). 9(8) Vueti au mai na noqu talatalaidredre taucoko sara; kakua ni vakatara meu vakasewasewani mai vei ira era tawadodonu. 10(9) Au a galu, kau sega ni dolava na gusuqu; baleta o kemuni oni vakavuna. 11(10) Kauta laivi na kequ kuita mai vei au; Au sa vakila na waromisa ni ligamuni: 12(11) Au sa tilomi e na kequ itotogi e na vuku ni noqu ivalavala ca;  oni dau totogitaka na tamata, oni qai kauta laivi na nona gagadre me vaka na qanisila. E ka dina taucoko ga ni tamata kece era vaka ga ni liwa na cagi. 13(12) Rogoca na noqu masu, i Yahuwe (YHWH), vakatudaliga i na noqu tagi; kakua ni galuvaka na wainimataqu; baleta o au, au vakaitikotiko vata kei kemuni, ia au vulagi ga me vakataki ira na neimami qase. 14(13) Isa, vakabulai au, meu rawa ni vakacegu toka e na sautu, niu se bera ni biubiu meu lako yani, meu sa oti vakadua.

Same (Tehellim) 39:1(0)-14(13)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
053 Blog No. 1513	February 22, 2012.
Reading	Hebrew Date
Tiko Mai Lekutu (B’midbar) 7	Sh’vat 29, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Avarahama kei Avimeleki (Avraham and Avmelekh)

Thought: YHWH Gives Us Understanding To Keep Us Away From Sinning

 .......................

Serving For Yom Sheini Tevet 14, 5772

MAI NA TORAA (FROM THE TORAH)

O Avarahama a qai lako mai keya, vaka i na veivanua e na ceva, qai lai tiko e na kedrau tadrua o Kadesha kei Qa'raa; ia a lai tiko ga vakavulagi mai Qa'raa. 2 Oti qai kaya o Avarahama me baleti Sera na watina, O koya na ganequ. A mani talatala mai o Avimeleki na tui mai Qa'raa, qai kauti Sera.

3 ¶ Ia o Yahuwe (YHWH) a qai lako vei Avimeleki e na dua na tadra e na bogi, qai kaya vua, Raica, o sa na mate e na vuku ni yalewa o sa lai kauta mai qo; baleta o koya e watina e dua tale na tamata. 4 Ia o Avimeleki a sega ni tarai koya; qai kaya, I Yahuwe (YHWH), o kemuni beka oni na vakamatea e dua na kawatamata tabucala?  5 Raica, o koya sara ga a kaya, Qo na ganequ; ia na yalewa talega a kaya, O koya na taciqu; e na dodonu ga ni yaloqu kei na savasava ni ligaqu au a cakava kina na ka qo. 6 Kaya o Yahuwe (YHWH) vua e na dua na tadra, lo, au kila ni o a cakava na ka oqo e na dodonu (innocence) ni vuniyalomu; baleta o au talega au a tarovi iko mo kakua ni valavala ca vei au: qori au a sega kina ni vakadonuya mo tarai koya. 7 Vakasuka na watina na tamata oya; baleta o koya e dua na parofita, o koya e na qai masulaki iko, mo na qai bula; ia kevaka o sega ni vakasukai koya, ia mo kila qo, ni o iko o na mate dina, oya o iko vata kei ira kece na lewe ni nomu matavuvale.

8  ¶ E a sou vakamataka o Avimeleki, kacivi ira vata na nona matavuvale, kei ira na nona tamata, qai tukuna vei ira na itukutuku kece oqo, a mani curumi ira na tagane na domobula vakaitamera.  9 Sa qai kacivi Avarahama o Avimeleki, qai kaya vua, Na cava mada au a cakava vei iko? Na cala cava au a vakayacora vei iko; o kauta mai kina vei au kei na noqu matanitu e dua na ivalavala ca vakaitamera? O sa vakayacora vei au e dua na ka e sega ni dodonu me yaco.  10 Tarogi Avarahama o Avimeleki, Na cava sara mada a vakavuna na nomu cakava na ka oqo?  11 Kaya o Avarahama, Baleta au a nanuma ga ni sega ni rerevaki o Yahuwe (YHWH) e na vanua oqo; au na qai vakamatei kina e na vuku i watiqu   12 Ia e dina ga ni ganequ o koya.  O koya na luvei tamaqu; ia a sega ni luvei tinaqu; a qai yaco kina me watiqu: 13 A qai yaco ni kauti au laivi mai na vale nei tamaqu o Yahuwe (YHWH), niu a kaya vua, Na ka oqo mo na dau cakava baleta ni o lomani au; e na vanua kece daru lako kina, mo na dau kaya, O koya na ganequ.

14 ¶ Sa qai kauta mai o Avimeleki na sipi kei na bulumakau, na dauniveqaravi tagane kei na yalewa, qai soli i ira vei Avarahama, e na gauna a vakasukai Sera kina, na watina, vua. 15 Sa qai kaya o Avirneleki vei Avarahama, Raica, sa tu qori na noqu qele; lewa ga na vanua o via vakaitikotiko kina.  16 Ia vei Sera e a kaya o koya, Au a solia e dua na udolu na tikini siliva vei ganemu; raica qori e soli e na vukumu baleta o a yalomalumu e matadra na noqu tamata, vata kei na veika kece tale eso au a vunauci iko kina. 17 Sa qai masu vei Yahuwe (YHWH)   o Avarahama; o Yahuwe (YHWH) a qai  vakabulai Avimeleki vata kei watina, kei ira na nona vada, era sa qai tekivu vakaluvea tale me ra vakasucugone;  18 Baleta o Yahuwe (YHWH) a sogota vakadua tu na nodra dui katonigone na yalewa e na matavuvale nei  Avimeleki, e na vuku i Sera, na wati i Avarahama

Na iVakatekivu (B’resheet) 20:1-18

NA IVAQA NI BULA (FOOD FOR THE SOUL)

Na vuku e na vueti iko mai vua na yalewa tawamacala dau veivakacacani e na vosa ni veicavilaki. 17 O koya e sa vakanadakuya na tina a dau tuberi koya e na nona gauna ni goneyalewa ka guilecava na veiyalayalati ni nona Kalou (Mighty One).18 Baleta o koya e sa guilecava na mata ni nona vale, kei na gaunisala e dodonu me muria.19 E sega ni dua e lako vua e na lesu tale mai, era na sega talega ni nanuma na gaunisala ni bula. 20 O koya oya moni muria kina na nodra sala na tamata vinaka, ka vakabauta na nodra sala na yalododonu. 21 Baleta o ira na yalododonu era vakaitikotiko e na vanua, kei ira era tawacala era na dau tiko voli ga kina. 22 Ia o ira na tamata ca era na muduki tani mai vuravura kei ira na tawadodonu era na cavuivuvutaki mai kina.

Vosa Vakaibalebale 2:16-22

LOMANI YAHUWE NA NOMU KALOU (LOVE YHWH YOUR MIGHTY ONE)

Au na vakavinavinakataki kemuni i Yahuwe (YHWH) e na vuniyaloqu taucoko; Au na vakaraitaka wavoki na nomuni cakacaka cecekia taucoko. 2 Au na dau reki ka mamarau e na vukumuni, kau na dau lagata na sere meu vakacaucautaka na yacamuni, o kemuni oni cecere duadua. 3 Ni ra sa moku me ra tu vakasuka na kequ meca, era na qai tacaqe ka vakarusai e matamuni. 4 Baleta ni oni tokona na noqu dodonu kei na noqu inakinaki; ni oni dabeca toka na idabedabe vakatui, o kemuni oni daunivakavulewa yalododonu; 5 Oni vosataki ira na veimatanitu, oni vakarusai ira na dau ni caka ca; Oni qai bokoca laivi vakadua na yacadra me tawamudu ka sega ni mudu. 6 Na kequ meca era sa vakawabokotaki e na iseleiwau me tawamudu; oni qai vakarusa na veikorokoro, na kedra ivakananuni mada ga sa na takali vakadua. 7 Ia o Yahuwe (YHWH), e na tudei tu me tawamudu; e sa vakarautaka o koya na nona idabedabe vakatui e na vukuna  me baleta na vakataulewa. 8 O koya e na qai vakatulewataka na vuravura e na lewa dodonu vata kei ira na tamata e na lewa dina. 9 O Yahuwe (YHWH) e na yaco talega me nodra i tataqomaki na dravudravua, na itataqomaki e na gauna ni leqaleqa. 10 O ira era kila na yacamuni, era na vakataqara na nodra inuinui vei kemuni, baleta oni sega vakadua ni vakanadakui ira era vaqarai kemuni i Yahuwe (YHWH). 

11 ¶ Lagata na sere ni vakamolimoli vei Yahuwe (YHWH), o koya e tiko mai Saiyoni: tusanaka e na kedra maliwa na tamata na maqosa ni veika e dau cakava. 12 Baleta a nanuma o koya me veisausaumitaka na nodra dra; o koya e se sega ni bau guilecava na nodra tagi na dravudravua.

Same (Tehellim) 9:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
009 Blog No. 1469	January 9, 2012.
Reading	Hebrew Date
Na iVakatekivu (B’resheet) 23-24	Tevet 14, 5772
Click The Bible Text To Read It In Gateway In Another Language Or Version

 YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E Saqata Na iValavala Ca (YHWH will Not Tolerate Sins)

Thought: National and Personal Greed Do Not Pay

 ............................

Serving For Yom Shaynee, Kishlev 30, 5772

Na vosa nei Yahuwe (YHWH) e tau saqata na vanua o Hadraka ka tau saqati Dameseke; qo me tauca vakailoloma soliwale vua; baleta vei Yahuwe (YHWH) sa vakatakilai na nodra ivalavala na tamata kei na nodra o ira kece na vei mataqali i Isira'yili; 2 E tau saqati Hamata talega, e no veitikivi kei Dameseke; vakakina vei Ta'zo vata kei Saidoni, e dina ga ni ra sa yaco me ra vuku vakaoti. 3 O Ta'zo sa tara e dua na nona valecere ni veitaqomaki, ka binia cake na siliva me vaka na kuvu ni soso, kei na koula qaqa me vaka na soqosoqo e veisaqata. 4 Qori e na qai vakarusai koya kina o Yahuwe (YHWH) ka talaca na nona iyau i waitui; oti e na qai tilomi o koya e na bukawaqa. 5 O Ashikeloni e na raica oqori qai domobula:  O 'Azaa talega e na rarawa vakalevu vata kei Ekironi; baleta sa veilecayaki na nona inuinui; na tui e na rusa mai 'Azaa, vata kei Ashikeloni sa na sega ni tawani;  6 Na vulagi era sa na tawani Ashadodo, Au na qai muduka laivi na nodra viavialevu na Pilishitimi. 7 Au na kauta laivi na nodra dra mai gusudra kei na nodra ivalavala vakasisila mai na maliwa ni batidra; o ira talega era kena vo vo era nona na Kalou (Mighty One), era na tautauvata kei ira na ravouvou ni Ya'huda; kei Ekironi e na vakataki ira na Yu'vusii. 8 Au na vakavuna me mai tiko e na noqu vale e dua na kovana, baleti koya e na tavali mai, baleti koya talega e na lesu mai; e sega tale vakadua ni dua e dau veivakasaurarataki e na lako mai, me mai saqati koya; baleta qo au sa qai raica e  mataqu.

9 ¶ Marau sara vakalevu, o iko na luveyalewa i Saiyoni, Kaila o iko na luveyalewa I Yerushalayimi: Raica, na nomu tui, sa lako tiko mai vei kemuni, O koya e yalododonu ka dua na ivakabula, e lolovira ka vodoka tiko e dua na asa, e dua na asa gone, na luve ni dua na asa. 10 O koya e na muduka laivi na qiqi ni valu mai Ifirayimi kei na ose mai Yerushalayimi, na dakaititi e na ramusu e na ivalu; o koya e na vosa me baleta na sautu vei ira na veimatanitu, na nona lewa e tekivu mai na waitui ki na waitui ka tekivu mai na uciwai ki na iyalayala kei vuravura. 11 Ia o iko vakataki iko talega, e na vuku ni dra ni nomu veiyalayalati Au na sereki ira kina na nomu kaivesu me ra galala, mai na ikeli e sega kina na wai.

12 ¶ Vakaitikotiko e na valecere isasabai; o kemuni na kaivesu ni isoqosoqo; au na vakaruataka na kemuni isau ni dua na siga. 13 Baleta au sa lovea na noqu dakaititi  e na vuku i Ya’huda, ka tawana na noqu dakaititi e na vuku i Ifirayimi, au  na vakaduri i ira na luvemuni i Saiyoni, me saqati ira na luvemuni tagane i Keriti, ka cakavi Yerushalayimi me vaka na seleiwau ni dua na tamata qaqa. 14 Ia o Yahuwe (YHWH) e na laurai e deladra na meca, na nona gasau ni dakaititi e na vanataki me vaka na yaseyase; o Yahuwe (YHWH) na Kalou (Mighty One) e na uvuca na biukila ka na lako e na covulaca i na ceva. 15 O Yahuwe ni lewevuqa (YHWH Tzva'ot) e na taqomaki ira; e na veitilomi ka na veivakamalumalumutaki e na vatu ni irabo, ia o ira era na gunuva na leqa me vaka na waini; era na qai vakasinaiti me vaka na viala ka vaka na tutu ni icabocabo ni soro. 16 O Yahuwe (YHWH) na nodra Kalou (Mighty One), e na vueti ira e na siga oya me vaka ni ra qeleni nona tamata;  baleta era a vatu tabu, era sa kolotaki laivi tu e na nona qele. 17 E vinaka ka daumaka vakaoti na witi vei ira na cauravou, ia na waini e cakava me ra mamarau na vada.

Sakaraia (Z’kharyah) 9:1-17

Kakua ni kocokoco mo kakua ni vakalialiani; kakua ni vakani iko vakataki iko e na veika e rawa mai vakalawaki ca.

Vosa Vakaibalebale 30:32

Au na vakacerecerei kemuni, kemuni na noqu Kalou (Mighty One), na tui; Au na vakavinavinakataka na yacamuni me tawamudu ka sega ni mudu. 2 E veisiga kece au na vakavinavinaka tiko vei kemuni; Au na vakalagilagia na yacamuni me tawamudu ka sega ni mudu. 3 O Yahuwe (YHWH) e vakaitamera, ka dodonu me vakaitamera talega na nona vakavinavinakataki; Na nona vakaitamera e sega ni vakadeuci rawa.  4 E dua na itabatamata e na tukuna na nomuni cakacaka vei ira e dua tale; me vakalagilagia na vakaitamera ni nomuni cakacaka.  5 Au na tukuna na dokai kei na lagilagi ni nomuni Sau (majesty), kei na nomuni cakacaka veivakurabuitaki. 6 O ira na tagane era na tukuna na vakaitamera ni nomuni cakacaka veivakurabuitaki, ia o au, au na tusanaka wavoki na nomuni vakaitamera. 7 Era na dau veitalanoataka vakalevu me ra vakananuma na ilevu ni nomuni loloma, o ira na nomuni yalododonu, era na vaqara era qai kunea. 8 O Yahuwe (YHWH) e dauloloma ka dauyalovinaka; e dau berabera me vakacudrui ka vakaitamera vua na loloma. 9 O Yahuwe (YHWH) e vinaka vei keda kece, na nona yalololoma tau malumu, e kovuti ira na dauniveiqaravi kece sara:

10 ¶ Na nomuni cakacaka kecekece e vakacaucautaki kemuni Yahuwe (YHWH); o ira na nomuni digitaki era na vakacaucautaki kemuni. 11 Era na vosa vakacaucautaka na dokai ni nomuni matanitu, ka veivosakitaka na nomuni kaukaua; 12 Me ra vakarogoya vei ira na luve ni tamata na nomuni kaukaua kei na dokai ni Sau ni nomuni matanitu. 13 Na nomuni matanitu e matanitu tawamudu, na nomuni lewa e na tudei tu e veitabatamata kece sara. O Yahuwe (YHWH) e yalodina e na nona vosa ka yalododonu e na nona cakacaka kece sara. 14 O Yahuwe (YHWH) e tabei ira kece sara era lutu, ka vakamatari ira cake o ira era sa cuva sobu tu. 15 Na mata kece sara era waraki kemuni; oni na solia na kedra kakana e na kena gauna dodonu. 16 Oni dedeka na ligamuni, oni qai vakaceguya na gagadre ni veika bula kece sara. 17 O Yahuwe (YHWH) e yalododonu e na nona ivalavala kece sara ka yalololoma e na nona cakacaka kece sara. 18 O Yahuwe (YHWH) e tu voleka vei ira kece, era dau kacivi koya e na dina. 19 O koya e na vakayacora na nodra gagadre o ira era dau sokalou vua; o koya talega e na rogoca na nodra tagi qai vueti ira. 20 O Yahuwe (YHWH) e maroroi ira kece era lomani koya, ia o ira era dau valavala ca e na vakawabokotaki ira. 21 Na gusuqu e na cavuta na vakavinavinaka vei Yahuwe (YHWH); laivi ira na lewe (flesh) kece me ra vakavinavinakataka na yacana tabu, me tawamudu ka sega ni mudu.

Same (Tehellim) 145:1-21

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
359 Blog No. 1453	December 26, 2011.
Reading	Hebrew Date
Sakaraia (Z’kharyah) 1-3	Kishlev 30, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Laurai Votu Na iValavala Ca (Sins and Evil are Evident)

Thought: YHWH Desires Mercy Not Sacrifice; He Desires That We Know Him

 ..........................

Serving For Yom Revee-ee, Kishlev 11, 5772

Era na kaya, Lako mai, laiva meda lesu tale vei Yahuwe (YHWH) o Koya e a samuti keda, o koya e na lai vakabulai keda; o koya e a vakamavoataki keda, e koya talega e na qai lai vadretitaki keda. 2 Ni oti e rua na siga, o koya e na vakabulai keda tale; e na ikatolu ni siga o koya e na vakaturi keda, oti o keda eda na lai bula tiko vata kei koya. 3 Oti eda na qai kila meda vakamuria na kilaka i Yahuwe (YHWH), Na nona lako tiko yani sa vakarau tu me vaka na cadra ni mataka ca ca; ka na lako mai o koya me vaka na uca, me vaka ni tau na uca ni tubutubu e dau vakasuasua na vuravura.

4 ¶ I Ifira'yimi, na cava beka meu cakava vei iko? I Ya'huda, na cava beka meu cakava vei iko?  Na nomu yalodina e vaka tu ga na o ni mataka lailai, ka vaka na tegu ni mataka e dau yali laivi yani. 5 O koya oqori au sa gutuvi ira laivi  kina na parofita;  Au qai vakamatei  ira e na vosa ni gusuqu; ia na noqu lewa kecekece e na lako yani me vaka na rarama. 6 Baleta au gadreva na yalololoma, au sega ni gadreva na imadrali, au gadreva na kilai nei Yahuwe (YHWH) vakalevu cake mai na isorokama. 7 Ia o ira, me vakataki ira na tamata, era sa vorata na noqu veiyalayalati; e keri era na vakayacora kina na itovo veivakaisini vei au. 8 O Qili'adi e nodra korolevu o ira era dau vakayacora na itovo vakasisila, ka qiluci tu e na dra. Na nomuni kaukaua e tautauvata kei na nodra era dau butako. 9 O ira na kohanimi sa era duavata kei ira e gaunisala, era qai vakacacani She'keheme, baleta ni ra vakayacora tiko na itovo vakasisila.  10 Au sa raica tiko eso na ka velavela e lomanivale i Isira'yili: e keya e cakava tiko kina na saqamua o Ifira'yimi; qai   vakadukadukalitaki kina o Isira'yili. 11 O iko talega i Ya'huda, navuca e dua na siga ni tatamusuki e na vukumu, e na dua na gauna au na vakasukai ira mai kina o ira na bobula e kedra maliwa na noqu tamata.

Osea (Hoshea) 6:1-9

Ke dua na dauvakavulewa e vakarogoca na lasu, o ira na nona dauniveiqaravi era tamata ca ga. 13 ¶ Na tamata dravudravua kei na dau veivakasaurarataki ni rau sota; o Yahuwe (YHWH) e na vakararamataka na matadrau ruarua. 14 ¶ O koya na tui e vakataulewa e na yalodina vei ira na nona tamata; na nona idabedabe vakatui o koya, e na vakataudeitaki me sega ni mudu.

Vosa Vakaibalebale 29:12-14

E na gauna a vakalesui ira kina na tamata mai Saiyoni, mai na nodra tu vakavesu o Yahuwe (YHWH), o keda eda na tautauvata kei ira era na mamarau. 2 E na gauna oya na gusuda e na vakasinaiti e na malaude, kei na yameda e na lagalagasere; e na gauna oya era na kaya kina e na kedra maliwa na tawalotu, O Yahuwe (YHWH) sa cakava e levu na ka lelevu vei ira.  3 O Yahuwe (YHWH) sa cakava e levu na ka vei keda, eda qai mamarau kina. 4 Vukica lesu na neimami tu vakavesu i Yahuwe (YHWH), me vaka na uciwai mai na ceva. 5 O ira era teitei e na wainimata, era na tamusuka na reki. 6 O koya e toso i liu qai tagi, ni colata tiko na sorenikau vakamareqeti, e sega ni vakataraitutu ni na lako tale mai e na mamarau, ka kauta tiko mai na nona ivau sila.

Same (Tehellim) 126:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
341 Blog No. 1435	December 7, 2011.
Reading	Hebrew Date
Taniela (Dani’yl) 9-10	Kishlev 11, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.