Vesuki Ira Na Ya’huda O Ira na Ashuru (Y’hudah Taken Captive By The Ashur).

Thought: YHWH Was Determined To Punish Y’hudah For Forgetting Him

.................... 

Serving For Yom Chamishi, Shevat 6, 5773

MAI NA NEVI’IMI AKARONIMI (FROM THE NEVI’IM ACHARONIM)

Kaya vei au o Yahuwe (YHWH), Taura e dua na ivivivi pepa levu qai vola kina vakamatata, me rawarawa na kena wiliki, Mahe Shalala Haha Bazi (na itoki e vakatotolotaki, na manumanu ni vakasasa e vakatotolo vata kaya) 2 Au a cakava me vakadinadinataki mai vei ira na ivakadinadina nuitaki, o Uraiya na kohena kei Za'karaya na luvetagane i Ye'verekayahu. 3 Oti au qai veiyacovi kei na watiqu; qai kunekune o koya qai vakasucuma e dua na luvenatagane; o Yahuwe qai kaya vei au, Vakayacani koya me yacana o Mahe Shalala Haha Bazi; 4 Baleta ni sebera ni kila na gone me kaci, i tamaqu (Abba) se i tinaqu (Eema), na iyau mai Dameseka  kei na itoki mai Shomorono, era sa na kau laivi me ra lai soli vua na tui Ashuru. 5 E baci vosa tale vei au o Yahuwe (YHWH) me kaya vei au eso tale na ka: 6 Baleta ni sa cata o ira na tamata oqo na wai drodro malumu mai Shailo'aka, era qai marautaki Rezina vata kei luvetagane i Remalaya;  7 Qo, raica, o Yahuwe (YHWH) e na kauta cake mai vei ira na wai ni dobui mai na Uciwai (na Iuferetisi) oya na tui Ashuru vata kei na nona kaukaua. E na tubu cake mai e na drekeniwai kecekece, me qai vuabale yani e batibatidra; 8 E na qai dave e Ya'huda taucoko; me luvuca na veika kece ni drodro tiko yani. E na yala sara i domodra; ia ni sa vakatetaba, o koya e na ubia kece vakadua na nomuni vanua i Imanuyili. 9 E rawa vei kemuni moni cakava e dua na maue; kemuni na tamata; ia oni na vorolaki. Rogoca o kemuni kece mai na veivanua yawa, Vakaiyaragitaki kemuni vakataki kemuni, ia oni na vorolaki; io vakaiyaragitaki kemuni vakataki kemuni, ia oni na vorolaki; 10 Navuca e dua na inakinaki, ia e na tini sega ga ni yaco mai kina e dua na ka; kaya na cava ga oni via kaya, ia e na sega ni yaco; baleta na Kalou (Mighty One) e tiko vata kei keda.11 Baleta qo na ka e kaya vei au o Yahuwe (YHWH), e vosa tiko e na liga kaukaua, e na nona tuvakarautaki au me vakasalataki au meu kakua ni muria na nodra sala, meu kakua ni bula vakataki ira na tamata oqo: 12 Kakua ni okata ni tovata, na ka era vakatoka na tamata oqo ni tovata, kakua talega ni rerevaka na veika era  rerevaka se vakidroataki kina; 13 Ia vei Yahuwe ni lewevuqa (YHWH-Tzva'ot), vakarokorokotaki koya! Laivi koya me rerevaki vei kemuni, ka me veivakakidrotaki; 14 O koya e tiko qori me itataqomaki. Ia vei rau ruarua na vale i Yisira'yili, o koya e dua na vatu me vakatacaqetaki ira, e dua na uluvatu e vakaosota tiko na nodra sala; e dua na tudai, e dua na itatacaqe vei ira na ivakatawa kei Yerushalayimi. 15 E levu vei ira era na vakatacaqetaki  era qai bale, era qai kavuru, era coriti, era na qai vesu.

Yeshayahu (Aisea) 8:1-15

NA IVAQA NI BULA (FOOD FOR THE SOUL)

I luvequtagane, kakua ni vakalaiva me siri na veika oqo mai na nomu rai; taura matua tiko na vakasama maqosa kei na lewa matau; 22 O ira era na ka ni bula (life) e na nomu bula (soul) ka iukuuku toka ni domomu. 23 Qori o na qai lako tiko kina e na nomu ilakolako e na dei, mo kakua ni vakamosia na yavamu. 24 E na gauna o davo sobu kina, o na sega ni taqaya; io, ni o koto sobu, na nomu moce e na kamikamica; 25 Kakua ni taqayataka na leqa vakasauri se na nodra domobula na ca, ni ra sa yaco mai: 26 Baleta e rawa ni o vakanuinui vei Yahuwe (YHWH); o koya e na taqomaka na yavamu me kakua ni tacori e na dai.

Mishlei (Vosa Vakaibalebale) 3:21-26

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same i Dawide: I Yahuwe (YHWH) o cei e na lai vakacegu e na loma ni nomuni valelaca? O cei e rawa ni lai vakaitikotiko e na nomuni ulunivanua tabu? 2 O ira ga era bulataka na bula e tawacala, o ira era vakaitovotaki e na itovo dodonu, ka cavuta na dina mai vuniyalodra, 3 Era taqomaka na yamedra mai na veivakacacani; o ira era sega vakadua ni vakamavoataki ira na tani se vaqara me vakarogorogocataki ira na wekadra vakaitikotiko; 4 E na raici ira ka sevaki ira na tamata dau itovo kaukaua; ia e na dokai ira era rerevaki Yahuwe (YHWH); o koya e taura matua na nona vosa ni bubului veitalia se cava na kena isau; 5 O koya e sega ni via ciqoma na tubu e na gauna e dinautaka kina na ilavo, ka sega ni ciqoma e dua na veivaqumi (bribe) me vakarusa na tawacala. O ira era vakayacora na veika oqori, era na sega ni yavalati.

Tehillim (Same) 15:1-5

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 123 in 5773 (Total 1859)	January 17, 2013
Reading	Hebrew Date
Divrei HaYamim Bet ( 2 Chronicles) 31-32	M #11: Shevat 6, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakalalai O Ya’huda (Y’hudah Desolate)

Thought: YHWH Removes Y’hudah From Their Promised Land Due To Disobedience

...................... 

Serving For Yom R’vi’ii, Shevat 5, 5773

MAI NA NEVI’IMI AKARONIMI (FROM THE NEVI’IM ACHARONIM)

O Yahuwe (YHWH) e na kauta mai vei iko vata kei ira na nomu tamata na tui Ashuru, ka vaka kina vei ira e na loma ni vale i tamamu. Qo e na iwiliwili ni veisiga e cacalaivi vakalevu cake sara mai na dua tale o kila me tekivu mai na gauna a biuti Ya'huda mai kina o Ifirayimi; ia qo ga mai vua na tui Ashuru. 18 Io ni sa yaco mai na siga oya, o Yahuwe (YHWH) e na kaluvi ira na lago era tiko e na colo sara ni uciwai na Naile mai Ijipita, kei ira na pi mai na vanua o Ashuru. 19 Era na lako mai era na qai mai cegu toka, o ira kece vakadua, e na veibuca sukusukura o Yatota, ka vaka kina e na  veiqakilo ni veivatu, kei na dela ni kau vakavotona kei na veisoni. 20 E na siga oya o Yahuwe (YHWH) e na toroya e na dua na itoro kerei mai na yasayasa e na tai kadua ni uciwai, oya mai vua na tui Ashuru, na uluna kei na vuti ni yavana [o Ya'huda]; ka na toroya laivi talega na kumina. 21 E na yaco e na siga oya, ni dua na tamata e na susuga e dua na bulumakau yalewa gone, kei na rua na sipi; 22 E na qai yaco, baleta na vakaitamera ni sucu era na solia, ka kania na bata; baleta na bata kei na hani era na dau kania o ira kece era se vo tiko mai na vanua. 23 E na qai yaco e na siga oya, ni veivanua kece e tiko kina e duanaudolu na vaini, na kena isau e duanaudolu na tikini siliva, era na yaco me robota vakadua na veikau vakavotona kei na veisoni. 24 E dua e na lako i keya (me lai vakasasa) e na gasau ni dakaititi kei na dakaititi, baleta na vanua taucoko sa na robota tu na veikau vakavotona kei na veisoni. 25 O na sega ni rawa ni lako i na veidelana a dau cakacakataki e na kutari, baleta na kena taqayataki na kau vakavotona kei na veisoni; sa na vinaka ga me vanua ni vakana bulumakau ka me ra dau buturaka sobu o ira na sipi.

Yeshayahu (Aisea) 7:17-25

NA IVAQA NI BULA (FOOD FOR THE SOUL)

O Yahuwe (YHWH) e na nona vuku, a tauyavutaki vuravura; ia e na nona yalomatua e a tauyavutaka kina na vei lomalagi. 20 E na nona kilaka na veitikina titobu (toevu) era kacabote mai me ra tadola kei na  tegu era mimira mai lomalagi (sky).

Mishlei (Vosa Vakaibalebale) 3:19-20

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. Maivei Dawide. Na lialia e kaya e vuniyalona, E sega ni dua na Kalou (the Mighty One). Era dauveidabui, na nodra ivalavala e kaukaua, e sega ni dua vei ira e cakava na ka donu. 2 Mai Lomalagi o Yahuwe (YHWH) e dikevi ira tu mai na kawatamata me raica se dua vei ira e yalomatua, se dua e dau vaqarai Yahuwe (YHWH). 3 Ia o ira kece era vuki tani tu, o ira kece era veidabui vata kece; e sega ni dua e cakava na ka e donu, e sega sara ni dua.

4 ¶ Era na sega beka ni vuli, o ira kece era dau caka ca, era sa dau kani i ira tiko na noqu tamata me vaka era kana madrai tiko, era qai sega ni bau kacivi Yahuwe (YHWH)? 5 Qori o ira, era sa domobula tu vakaoti; baleta o Yahuwe (YHWH) e tiko vata kei ira era yalododonu. 6 O kemuni oni rawa ni beca na nodra vakananavu na dravudravua, ia e nodra ivunivuni o Yahuwe (YHWH).7 Au nuitaka sara tu ga ni nodra vueti na Yisira'yili e na vu mai Zaiyoni! Ni sa vakasukaa o Yahuwe (YHWH) na nodra iyau (fortune) na tamata, o Ya’akove e na marau vata kei Yisira'yili e na reki.

Tehillim (Same) 14:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 122 in 5773 (Total 1858)	January 16, 2013
Reading	Hebrew Date
Divrei HaYamim Bet ( 2 Chronicles) 29-30	M #11: Shevat 5, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Leqa Nei Ya’huda (Deterioration of Y’hudah)

Thought: Change Direction, Return to YHWH And Be Saved)

 ....................

Serving For Yom R’vi’ii, Tevet 20, 5773

MAI NA NEVI’IMI AKARONIMI (FROM THE NEVI’IM ACHARONIM)

E rawa vakacava me vuki na korolevu yalodina me sa saqamua-saumi? Baleta e na dua na gauna e a sinai vutuvutu tu kina na ivalavala ni yalodina, ka vakaitikotiko kina na yalododonu, ia qo, o ira era daulaba. 22 Na nomuni siliva sa vuki me de ni kaukamea, na memuni waini sa waki kei na wai. 23 O ira na nomuni daunivakavulewa era sa vakabebe ka ra sa nodra itokani na daubutako; o ira kece vakadua era sa taleitaka na veivaqumi (bribe) ka  guta na icovi; era sa sega ni valataka na nodra ile na luveniyali, ka sega ni basika e matadra na nodra ile na yada. 24 Qori a vosa kina vakaoqo na Sau o Yahuwe ni lewevuqa (YHWH-Tzva'ot) na Kalou (Mighty One) i  Yisira'yili, ni kaya; Au sa na vakacegui i au mai vei ira era veisaqasaqa vata tiko kei i au, au na sausaumilesu vei ira era kequ meca; 25 Au na vukica na ligaqu meu saqati kemuni, ka  savata laivi na nomuni kosa (dross) me vaka mai na tini (tin) 26 Au na vakalesui ira lesu mai na nomuni daunilewa me vaka e na imatai, kei na dauniveivakasalataki me vaka mai na ivakatekivu; oti qori oni na qai vakatokai na korolevu ni yalododonu, na korolevu yalodina. 27 O Zaiyoni e na vueti e na lewa dodonu, kei ira na nona bobula e na ivalavala dodonu. 28 Na nodra vakarusai o ira era dau talatalaidredre kei ira era dau valavala ca e na yaco vata, ia o ira era vakanadakui Yahuwe (YHWH) era na rusa. 29 Baleta era na madualaka na vunioki era daudomona, era na qai veilecayaki baleta na iteitei oni digitaka. 30 Baleta oni na tautauvata kei na vuni oki sa malai na drauna, kei na iteitei  e sega na kena wai (me vakasuasuataka). 31 Na nodra kaukaua e na vaka na vauvau (cotton) kei na nona cakacaka e na vaka na caudre ni bukawaqa; rau na qai kama vata ruarua, ka na sega ni dua me mai bokoca vei rau.

Yeshayahu (Aisea) 1:21-31

NA IVAQA NI BULA (FOOD FOR THE SOUL)

I luvequ tagane, bula muria na vakataulewa matau nei tamamu, ia  kakua ni vakanadakuya na ivakavuvuli nei tinamu; 9 Baleta era na salusalu tiko me dau ukutaki kina na ulumu, ka metali dokai me lili toka mai domomu.

Mishlei (Vosa Vakaibalebale) 1:8-9

LOMANI YAHUWE NA NOMU KALOU (LOVE YHWH YOUR MIGHTY ONE

NA cava era cudrucudru tiko kina na Veimatanitu, era qai kudruvaka tiko na veika tawayaga? 2 O ira na tui kei vuravura era tutaka tiko mai na nodra itutu, ia o ira na iliuliu era veibuku me ra sa saqati Yahuwe (YHWH) kei na nona lumuti. 3 Era kaya tiko, Laiva meda drutia na kedra ivau, laiva meda kolo laivi na nodra senidodo, 4 Ia o koya e dabe tiko mai lomalagi e qai dredre; o Yahuwe (YHWH) e raici ira tu mai ni ra lialia; 5 E na dela ni nona leva e qai cudruvi ira, ka vakadomobulataki ira e na nona cudru cecekia. 6 O au vakataki au, au sa lesia na noqu tui, mai Zaiyoni, na noqu ulunivanua tabu;

7 ¶ Au na vakatusa na noqu lawa; e kaya vei au o Yahuwe (YHWH), O iko o na luvequ tagane, nikua au sa yaco meu tamamu. 8 Kerea maivei au, au na solia vei iko na veimatanitu me ra nomu ivotavota, o vuravura taucoko o na taukena. 9 O na voroki ira e na dua na ititoko kaukamea; ka vurulaki ira me vaka e dua na kuro qele.

10 ¶ O koya oya moni yalomatua kina o kemuni na tui, ni tuvakarautaki kemuni, kemuni na daunilewa kei vuravura. 11 Qaravi Yahuwe (YHWH) e na vakarokoroko, mamarau tiko, ia e na sautaninini; 12 Vakarokoroko vua e na yalo savasava de qai cudru, oni qai vakarusai e dela ni gaunisala, ni caudre mai vakasauri na nona leva. Era na vakacegui dina ga o ira kece era vakararavi yani vua.

Tehellim (Same) 2:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 108 in 5773 (Total 1827)	January 2, 2013
Reading	Hebrew Date
Divrei HaYamim Bet ( 2 Chronicles) 1-2	M #9: Tevet 20, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Levataki Ya’huda O YHWH. (YHWH Angry With Y’hudah)

Thought: YHWH Will Not Tolerate Sinners, And They Must Repent!

 ......................

Serving For Yom Sheini, Tevet 18, 5773

MAI NA NEVI’IMI AKARONIMI (FROM THE NEVI’IM ACHARONIM)

NA raivotu i Yesha'yahu na luvetagane (son) i Amozi, e a raica o koya me baleti Ya'huda kei Yerushalayimi e na veisiga i Uzaiyahu, Yotame, Akaza vata kei Hizikiyahu, o iratou na tui Ya'huda. 2 Rogoca, i lomalagi, ka vakatudaliga i vuravura, baleta o Yahuwe (YHWH) e kaya, Au a susugi ira cake mai na lalai, ia era sa vakabebe saqati au. 3 Na okisi e kila na kena itaukei, kei na asa na nona lomanibai na nona turaga; ia o Yisira'yili, era sega ni kila; o ira na noqu tamata, era sega ni vakasama. 4 A dua na matanitu dau valavala ca, e dua na kawatamata era bikai tu e na ivalavala tawakilikili, e dua na luvedra na daucakacala, o ira na gone era vakacacani tu; baleta oni sa vakanadakui Yahuwe (YHWH), oni sa vakacudrui koya na Yalosavasava Ledua i Yisira'yili, qo oni sa lesu tale tiko vakanadaku. 5 Na cava moni samuti tale kina se moni totogitakitaki kina? Na ulu sa tauvimate vakadua kei na vuniyalo sa gogo vakaoti. 6 Mai na qeteqete ni yava me yaco sara i na iqavokavoka sa sega ni kune me yaga; vakavo ga na mavoa, na drakusi kei na bo bobota; e se bera ni kasabura se vadretitaki ka sega ni vakamalumutaki e na ilumu. 7 Na nomuni vanua sa laladidi, na nomuni korolevu era sa vakamai e na bukawaqa; na nomuni vanua; o ira na vulagi era sa tiloma, ni oni rai tu, ka sa laladidi, sa vakatoboicutaki me vaka e na waluvu. 8 Na luveyalewa (daughter) i Zaiyoni sa biu me vaka na vale bolabola ni loganivaini, ka vaka e dua na bure ni icili e na loga ni veikiukaba, ka vaka e dua na koro sa kabai. 9 Ka levu ga ni a vakavotaka tiko mai eso vei keda o Yahuwe ni lewevuqa (YHWH-Tzva'ot), a sa dodonu sara ga meda sa tautauvata kei So'doma, ka dodonu talega meda vakataki 'Amora. 10 Rogoca na vosa i Yahuwe (YHWH),  kemuni na dauvakavulewa ni So'doma; vakatudaliga i na Toraa ni noda Kalou, kemuni na lewenivanua o 'Amora. 11 Na cava na kena yaga vei au na nomuni isoro e vuqa? e kaya o Yahuwe (YHWH); Au sa sinai e na sipitagane e isorokama, kei na uro ni manumanu vakani; o au talega au sega ni taleitaka na dra ni bulumakau tagane se na lami se na metagane. 12 Ni oni lako mai moni mai basika e mataqu, o cei e lavaka vei kemuni na veika oqo me ligaligamuni mai, moni qai mai vakabutuka na noqu lomanibai? 13 Kakua ni kauta tale mai e dua na isolisoli ni vakarairai (vain) vei au; qori e isolisoli vakasisila vei au; e na Vula Vou (Rosh Chodesh) kei na Veisiga ni Vakacegu (Shabbat) e yaco na sosoqoni tabu; Au sega ni rawa ni vosota na ivalavala ca ni yaco vata tiko kei na sosoqoni tabu. 14 Na nomuni Vula Vou (Rosh Chodesh) kei na nomuni solevu tabu, na noqu bula sa cata, era icolacola bibi vei au; sa vakaocaoca vei au meu tabei ira.

15  Ni oni dodoka mai na ligamuni, au na tabonaka na mataqu mai vei kemuni;  veitalia ga na ilevu ni nomuni vakatamamasu, au na sega ni rogoca;   na ligamuni sa sinai tu e na dra. 16 Savui kemuni vakataki kemuni, vakasavasavataki kemuni; kauta tani na ivalavala tawakilikili mai mataqu; tarova vakadua na cakaca; 17 Vulica mo cakavinaka; vaqara na dodonu, caka vinaka vei ira era vakalolomataki, vukei ira e sega na tamadra, vukei ira na yada. 18 Lako mai qo, laiva meda mai veivosaki vakayalomatua, e kaya o Yahuwe (YHWH); e dina ni sa vaka e  kulakula  tu mai na nomu ivalavala ca, era na yaco me ra vulavula me vaka na uca cevata vulavula; e dina ni rawa ni  damudamu me vaka na keremesa (crimson), era na yaco me vaka na vutinisipi. 19 Kevaka o gadreva o qai talatalai rawarawa, o na kania dina na vuata ni vanua. 20 Ia kevaka oni bese oni qai vakabebe, oni na tilomi (dina) e na seleiwau; baleta qo sa cavuta na gusu i Yahuwe (YHWH).

Yeshayahu (Aisea) 1:1-20

NA IVAQA NI BULA (FOOD FOR THE SOUL)

NA vosa vakaibalebale i Sholomo na luvetagane i Dawide, na tui Yisira’yili; 2 Me vulici kina na vuku kei na yalomatua; ka me kilakasamataki kina na vosa ni yalomatua; 3 Me ciqomi kina na itovo kilikili, na veidokai, na yalododonu kei na lewadodonu kei na vakataulewa vakatautauvata; 4 Me solia na vakasama momona vei ira era se yalowai kei ira na itabagone na kilaka kei na lewavakavuku. 5 Na tamata vuku e na vakarorogo,  ka na vakatubura na veika sa vulica; na tamata dau yalomatua, e na rawata na veiliutaki. 6 Me kilai na vosa vakaibalebale kei na ivosavosa vakatautauvata; na nodra vosa o ira na vuku kei na nodra ivakamacala na butobuto;

Mishlei (Vosa Vakaibalebale) 1:1-6

LOMANI YAHUWE NA NOMU KALOU (LOVE YHWH YOUR MIGHTY ONE

E KALOUGATA na tamata e sega ni dau muria na nodra ivakavuvuli na ca se bulamuria na nodra ivakasala na valavala ca se dau dabe vata kei na nodra ilala o ira era dau veivakasewasewani. 2 Na nona reki e teki toka ga e na Toraa i Yahuwe (YHWH), ia e na nona Toraa  oya, na vuniyalona e na dau vakasamataka e na siga kei na bogi. 3 E na tautauvata kei na vunikau e tei toka e na bati ni wai drodro, e na dau vuataka na vuana e na kena gauna,  na drauna e na sega ni malai; ia na ka cava ga e tekivu me vakayacora, e na rawata vinaka vakaoti.

4 ¶ O ira era valavala ca era sega ni vakakina, baleta ni ra vaka na qaniwiti, e dau vukataka laivi na cagi ni liwava. 5 O koya oqo era na sega ni vakadonui kina o ira na tamata itovo vakasisila ni sa tau na lewa se o ira na tamata ivalavala ca e na nodra isoqosoqo na yalododonu; 6 Baleta o Yahuwe (YHWH) e dau wanonova na nona sala na yalododonu ia na nona ivalavala na vakasisila e na vakarusai.

Tehellim (Same) 1:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 107 in 5773 (Total 1826)	January 1, 2013
Reading	Hebrew Date
Divrei HaYamim Alef ( I Chronicles) 27-29	M #9: Tevet 19, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakacacani O Yerushalayimi (Yerushalayim Destroyed)

Thought: Y’hudah Taken Captive By King N’vukhadnetzer And His Army

 .................

Serving For Yom Sheini, Tevet 18, 5773

MAI NA NEVI’IMI RISHONIMI (FROM THE NEVI’IM RESHONIM)

E a qai yaco e na ikaciwa ni yabaki ni nona veiliutaki vakatui, e na ikatini ni vula, e na ikatini ni siga ni vula, ni a lako cake mai o Ne'vukadaneza, na tui Bavela, o koya kei ira na lewe ni nona mataivalu me ra mai kabai Yerushalayimi, era qai mai keba vakaivalutaka ka tara na suva ni ivalu wavolivolita. 2 A mani tuvaivalutaki tiko na korolevu me yacova na ikatinikadua ni yabaki i Tui Zidikiyahu. 3 E na ikaciwa ni siga ni (ikava) ni vula, sa qai waromisa sara ga na dausiga e loma ni korolevu, ka sa sega na kakana me ra kania na lewe ni vanua. 4 Na korolevu a qai viribotei; o ira na tamata kece ni vala era qai veidroyaki e na kena bogi, vaka e na matamata e toka e na tadrua ni lalagabai, e toka mai na yasa ni nona iteitei na tui (ia o ira na Kasidimi era sa tu wavolivolita na korolevu) era sa mani taka ga vaka i na bucabuca o Arabaa. 5 Ia na nodra mataivalu na Kasidimi era qai cicimuria na tui, era qai lai toboki koya e na bucabuca mai Yeriko: o ira na lewe ni nona mataivalu era sa toso veisebayaki mai vua. 6 Era mani vesuka mai na tui, era qai kauti koya vua na tui Bavela mai Rivilaa; o koya a qai vakatulewataki koya. 7 Na tui Bavela a qai vakamatei iratou na luvetagane i Zidikiyahu ni rai tu o koya, oti era qai vakamatabokotaka na yaloka ni mata i Zidikiyahu, era  vesuki koya e na ivesu barasa, ka kauti koya i Bavela.

8 ¶ E na ikalima ni vula, e na ikavitu ni siga ni vula, oya na ikatinikaciwa ni yabaki i Ne'vukadaneza, na tui Bavela, a qai lako mai i Yerushalayimi o Ni'vuzana'adani, na nodra komada na matayadra, e dua na dauniveiqaravi vua na tui Bavela; 9 O koya a qai vakama na vale i Yahuwe (YHWH) vata kei na vale ni tui; na vale kecekece sara e Yerushalayimi kei na nodra vale kece sara na ravouvou e a vakama e na bukawaqa. 10 O ira na lewe ni nodra mataivalu na Kasidimi era ilala vata kei na nodra komada na matayadra, era a qai talaraka sobu na lalagabai wavolivoliti Yerushalayimi. 11 O ira na  vo ni tamata era a tiko voli ga e loma ni korolevu, vata kei ira era liumuri me ra sa lai to mai vata kei na tui Bavela, kei ira era vo vei ira na lewe vuqa, o Ni'vuzana'adani na komada ni matayadra, e a yauti ira kece vakadua i Bavela. 12 Ia na nodra komada na matayadra a biuti ira tu ga mai eso vei ira era  dravudravua sara e loma ni vanua me ra  qarava tu mai na loga ni veivaini ka ivakatawa talega ni veiwere. 13 Na duru barasa era (a dau) tu e na vale i Yahuwe (YHWH), kei na itutu ni taqi, kei na taqi barasa levu era tu e na vale i Yahuwe (YHWH), era a vorolaka na Kasidimi, era qai yauta na barasa i  Bavela.

M’lakhim Bet (2 Tui) 25:1-13

NA IVAQA NI BULA (FOOD FOR THE SOUL)

Na kaukaua kei na dokai e nona isulu; o koya e na sota kei na reki e na gauna maimuri. 26 E na dolava na gusuna e na vuku; e yamena e toka kina na lawa ni dauyalololoma. 27 Na itovo e na loma ni nona matavuvale e sega ni vakalewai rawa, ka sega ni kania na na kakana ni vucesa. 28 O ira na luvena era mata cake era qai vakatokai koya ni kalougata; o watina tagane e dau vakacaucautaki koya. 29 E levu na luveyalewa (daughters) era yaco me ra vutuniyau, ia o iko o siviti ira kece vakadua. 30 Na saweka e veivakacalai kei na dinamati e ka ga ni vakarairai; ia na yalewa e rerevaki Yahuwe (YHWH)  e na vakacaucautaki: 31 Solia vua na vua ni cakacaka ni ligana; ka laiva na nona cakacaka o koya vakataki koya, me vakacaucautaki o koya e na matamata.

Mishlei (Vosa Vakaibalebale) 31:25-31

LOMANI YAHUWE NA NOMU KALOU (LOVE YHWH YOUR MIGHTY ONE

HALELUYA. Vakavinavinakataka na Kalou (Mighty One) e na loma ni nona itikotiko tabu; Vakavinavinakataki koya e na macawa ni nona kaukaua. 2 Vakavinavinakataki koya e na vukuni cakacaka lelevu sa cakava oti; Vakavinavinakataki koya e na daumaka ni nona cecekia. 3 Vakavinavinakataki koya e na voqa ni domo ni biukila: vakavinavinakataki koya e na soliteri kei na hapi. 4 Vakavinavinakataki koya e na tibereli kei na ivakatagibitu vata kei na rogo kamica ni ivakatagi vakawa ni qiriqiri. 5 Vakavinavinakataki koya e na simibali rogo levu; vakavinavinakataki koya e na lagalagasere ni lewevuqa. 6  Laiva na veika kece vakaicegu me ra vakavinavinakataki Yahuwe (YHWH). Haleluya!

Tehellim (Same) 150:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 365 o/o 1825	December 31, 2012
Reading	Hebrew Date
Divrei HaYamim Alef ( I Chronicles) 25-26	M #9: Tevet 18, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.