O Yahuwe E Na Sega Ni Veibiu (YHWH Will Not Desert)

Thought: Follow Where YHWH Guides Us

......................... 

Serving For Ha Shee-shee, Tishrei 2, 5772

E NA vuku i Saiyoni au sa na sega ni galuvaka tiko; e na vuku i Yerushalayimi au sa na sega ni cegu me yacova ni sa toso yani na nona yalododonu me vaka na rarama kei na nona vueti me vaka na icina e caudre tiko. 2 O ira na kai Veimatanitu tani, era na raica na nomu yalododonu; kei ira kece na tui, na nomu dokai: o na qai kacivi e na dua na yaca vou, e na vakatokara vei iko na gusu i Yahuwe (YHWH). 3 O na yaco talega mo dua na isala vakatui lagilagi e na liga i Yahuwe (YHWH) ka dua na dayademi (diadem) e na liga ni nomu Kalou (Mighty One). 4 O na sega tale ni vakatokai o Biutaudua; na kemu vanua sa na sega tale ni vakatokai o Biulala; ia o sa na vakatokai o Dautaleitaki kei na kemu vanua sa na teivaki, baleta o Yahuwe (YHWH) e taleitaki iko kei na kemu vanua sa na tu o ira me ra kena dauniqaravi. 5 Me vaka e dua na cauravou ni vakamautaka e dua na goneyalewa tabutagane, e na vakakina o ira na luvemutagane ni ra na vakamautaki iko; ia me vaka ni marau na taganevou e na vuku ni  yalewavou, e na marau vakakina na nomu Kalou (Mighty One) e na vukumu.

Aisea (Yeshayahu) 62:1-5.

Luvequtagane, kania na hani, baleta ni vinaka; kei na qanihani, baleta ni kamikamica e gusumu. 14 E vakakina ni na kunea na vuku na nomu bula (soul); qori o na raica kina na veika vivinaka, kei na nomu gagadre e na sega ni muduki laivi.

Vosa Vakaibalebale (Mishlei) 24:13-14.

O koya oya a luluvu kina na vuniyaloqu, na noqu vakasama a vakaleqai au. 22 Au sa rui lialia dina ka lecaika, au a vaka na manumanu kila e matamuni. 23 Oni na vakacegui i au e na nomuni ivakasala, ka liutaki au e na nomuni dokai. 24 O cei tale au kila mai lomalagi, o kemuni duadua ga?  O cei tale au gadreva e vuravura me kemuni ikarua? 25 Ia veitalia, au sa dau tiko tudei voli ga vata kei kemuni; oni sa tuberi au tiko e na ligamuni imatau. 26 Na lewequ kei na utoqu rau malumalumu wale, ia o Yahuwe (YHWH) e kaukaua ni utoqu ka noqu ivotavota me tawamudu. 27 Baleta raica, o ira era yawa kalia mai vei kemuni era na rusa; oni na vakarusai ira kece era lako sese tu mai vei kemuni. 28 Au a marau niu toso voleka vei Yahuwe (YHWH), Au qai biuta na noqu inuinui vei Yahuwe (YHWH) na Kalou (Mighty One), meu rawa ni vakatusa na nomuni cakacaka kece sara.

Same (Tehellim) 73:21-28

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
272/Blog No. 1412	September 30, 2011.
Reading	Hebrew Date
Isaiah (Yesha’yahu) 19-21	Tishrei 2, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Tara ni Vale Tabu. (The Construction of the Temple)

Thought: YHWH Is Loving Like A Good Dad.

...........................

Serving For Yom Khah Mee-shee, Elul 16, 5771

Oti qai yaco maivei au na vosa i Yahuwe (YHWH) ni kaya, 10 Ciqoma mai vei ira era a bobula, oya mai vei Heledai vata kei Tovaiya vata kei Yedaiya, oti qai lako mai e na siga vata oya, mo lako i na vale nei Yosaiyahu na luve i Sefana’ya tagane a se qai lako ga mai qo i Bavela. 11 Taura na nona siliva kei na nona koula, qai bulia e dua na isala ni tui, mo tokara e na ulu i Yahoshua na luve i Yiosadeki tagane na Kohena HaQadolo; 12 Oti qai kaya vua, Oqo na ka a kaya o Yahuwe ni lewevuqa (Yahweh Tzva’ot): Raica na tamata, e yacana o Tesemaka  e na mata cake mai na Nona vanua, o koya e na qai mai tara na valenisoro i Yahuwe (YHWH): 13 Io, o koya e na tara na valenisoro i Yahuwe (YHWH); e na qai nona na kena lagilagi; e na qai dabe me vakavulewa e na nona idabedabe vakatui, o koya e na qai kohena talega e na Nona idabedabe vakatui; na ivakasala ni veisaututaki e na tiko e na kedrau maliwa ruarua. 14 Ia na isala vakatui e  na ivakananumi vei iratou o Heledai, Tovaiya, Yedaiya vata kei Yosiyahu na luve i Sefanaya tagane, e na loma ni valenisoro i Yahuwe (YHWH).  15 O ira era tu mai vakayawa, era na  lako mai me ra mai tara na valenisoro i Yahuwe (YHWH), moni qai kila kina ni o Yahuwe ni  lewevuqa (Yahweh Tzva’ot) a talai au mai vei kemuni. Qo e na yaco dina, kevaka moni yalomatuataka na nomuni talairawarawa i na domo i Yahuwe (YHWH) na nomuni Kalou (Mighty One).
Sakaraia (Z’kharyah) 6:9-15

Me vaka e dua na tama e dau lomani ira na luvena, o Yahuwe (YHWH) talega e na lomani ira era qaravi koya. 14 Baleta e kila o koya na noda a buli, ka nanuma vinaka tu o koya ni da kuvu ni soso. 15 Ia na tamata, na nona gauna e vaka na co; e vaka na senikau ni vanua, e dau se vakakina o koya. 16 Ia ni liwava ga na cagi e na takali; Na tikina a toka kina e na sega ni kilai tale vakadua. 17 Ia na yalololoma i Yahuwe (YHWH) e vu mai na tawamudu i na tawamudu vei ira era dokai koya kei na Nona yalododonu vei ira na luvedra na luvedra,
Same (Tehellim) 103:13-17

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
257/Blog No. 1397	September 15, 2011.
Reading	Hebrew Date
Vakaibalebale (Mishlei) 28-29	Elul 16, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.