Na Qaravi Kalou Matakau (Idol Worship).

Thought: Seriously Turn Away From Idolatry And Return To YHWH!

Serving For Yom HaShishi, [Seventh Month] Tishri 23, 5774

(Shemini Atzeret/Simchat Torah, 5774).

MAI NA NEVI’IMI AKARONIMI (FROM THE NEVI’IM ACHRONIM)

E na gauna oya, e vica na iliuliu e  Yisira'yili era a lako mai vei au; ia e  na gauna era dabe tiko kina vata kei au,  2 Na vosa i Yahuwe (YHWH) a qai yaco  mai vei au: 3 Tamata, o ira na tamata qo era sa taura vakabibi e vuniyalodra na nodra [kalou] qori era sa biuta kina e matadra o ira vakataki ira, na itatacaqe sa tuberi ira i na ivalavala ca. 4 O koya oya mo vosa kina vei ira, mo tukuna vei ira, ni kaya vakaoqo o Yahuwe na Sau (Sovereign YHWH); O ira yadua e na loma ni matavuvale i Yisira'yili, e katona e vuniyalona na nona [kalou] matakau i vuniyalona, oya me biuta e matana o koya vakataki koya na itatacaqe e veituberi i na ivalavala ca; oti qai lako mai vua na parofita; o au vakataki au, o Yahuwe (YHWH), au na sausaumi lesu e na kena ivalavala e veiraurau kei na iwiliwili ni nona [kalou] matakau,  5 Meu rawa ni taura na matavuvale i Yisira'yili e vuniyalodra; baleta e na vuku ni nodra [kalou] matakau, era sa   lulutu laivi tiko kina mai vei au. 6 O koya oqori mo kaya kina vei ira na lewe ni matavuvale i Yisira'yili, ni kaya o Yahuwe na Sau (Sovereign YHWH); Veivutuni! Vuki laivi mai vei ira na nomuni dui kaloumatakau; vukica laivi na matamuni mai na nomuni ivalavala vakasisila kece sara! 7 Baleta o kemuni yadua, se mai na matavuvale i Yisira'yili, se dua na vulagi [tavuki] e vakaitikotiko e Yisira'yili, e wasei koya tani mai vei au, e na nona  katona e vuniyalona o koya vakataki koya; oya me viria e matana na itatacaqe e tuberi koya tiko i na ivalavala ca,  oti qai lako vua e dua na parofita me lai vaqaqara ivakasala vua, e na nona kerea me vakatarogi au e na vukuna, o au vakataki au, o Yahuwe (YHWH) au sauma vua. 8 Au na tekia na mataqu meu saqata na tamata oya, au na cakava me dua na ivakatakilakila ni tuveivakarautaki, ka dua na ivakaraitaki, ka muduki koya laivi mai vei ira na noqu tamata. Qori oni na qai kila kila kina ni o au o Yahuwe (YHWH). 9 Ia qo, e na veigauna kece e vakauqeti kina e dua na parofita me kaya e dua na vosa, [me kilai tiko] ni o au, o Yahuwe (YHWH) e na vakauqeta na parofita oya. Au na qai dodoka yani na ligaqu, meu vakacacani (destroy) koya, mai na kedra maliwa na noqu tamata o Yisira'yili.10 Ni o ira na parofita era na colata na cala ni nodra ivalavala ca; na nona ivalacala ca na parofita e na tautauvata vinaka kei na nona ivalavala ca o koya e mai vakatataro.11 Me kakua kina ni lako sese tale mai vei au, o ira na lewe ni matavuvale i Yisira'yili, me ra vakadukadukalitaki ira vakataki ira, e na nodra caka cala kecekece; ia me ra yaco ga me ra noqu tamata, ia o au meu qai nodra Kalou (Mighty One) e kaya o Yahuwe na Sau  (Sovereign YHWH).

Yekezeki’yili (Isikeli) 14:1-11

NA IVAQA NI BULA (FOOD FOR THE SOUL)

Na vuku e rui cecere vua e dua na lialia; o koya e na sogota tikoga na gusuna e na matamata ni korolevu.

Mishlei (Vosa Vakaibalebale) 24:7

LOMANI YAHUWE NA NOMU KALOU (LOVE YHWH YOUR MIGHTY ONE)

Na same i Dawide e na gauna a tiko kina e na vanua dravuisiga mai Ye'huda. 2(1) Kemuni na Kalou (Mighty One), o kemuni oni noqu Kalou (Mighty One); Au na vaqarai kemuni vagumatua. Na vuniyaloqu e via gunu [mai vei kemuni] na yagoqu e gadrevi kemuni, me vaka e dua na vanua mamaca ka mate, e sega ni kune kina na wai: 3(2) Au dau vakasamataki kemuni e na loma ni valetabu, niu raica na nomuni kaukaua kei na nomuni dokai;

4(3) ¶ Baleta na nomuni loloma e uasivita na bula. Na tebenigusuqu e na vakacaucautaki kemuni, 5(4) Io au na vakavinavinaka tiko vei kemuni, e na veigauna kece au na bula tiko kina; e na yacamuni au na laveta cake na ligaqu. 6(5) Au sa vakacegui e na kakana bulabula; na gusuqu e vakacaucautaki kemuni, ni toka na mamarau e   tebenigusu, 7(6) Niu nanumi kemuni e na noqu imocemoce, ka vakanananu me baleti kemuni e na veigauna ni matayadra e na lomaloma ni bogi. 8(7) Baleta o kemuni oni dau noqu dauniveivuke, e na [ruku ni] iyaloyalo (shadow) ni tabamuni au na mamarau; 9(8) Na vuniyaloqu e kabiti kemuni [vakaukaua]; na ligamuni imatai e tokoni au. 10(9) Ia o ira era vaqara tiko me ra vakarusa na noqu bula; me ra sobu mada ga [o ira] e na tikina lolovira duadua  kei vuravura. 11(10) Me ra soli laivi mada ga i na kaukaua ni se!eiwau; me ra dau vakasasataki mada ga vei ira na jakele. 12(11) Ia na tui e na mamarau ga vei Yahuwe (YHWH). O ira kece era bubului vua era na lagilagi; na gusudra o ira era dau lasulasu e na vagalui.

Tehillim (Same) 63:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 23 in 5774 (Total 2098)	September 27 2013
Reading	Hebrew Date
Yechezk’yl (Ezekiel) 47-48	M #7: Tishri 23, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

SoKaloutaki Matanisiga (Sun Worship).

Thought: YHWH Hated Sun Worship, And Sun Worship Is Still Prevalent Today!

 ...............

Serving For Yom Shlishi, [Seventh Month] Tishri 13, 5774

MAI NA NEVI’IMI AKARONIMI (FROM THE NEVI’IM ACHRONIM)

E kaya talega vei au o koya, O na qai raica e vuqa sara na veika vakasisila era lelevu cake ni ra cakava tiko. 14 E kauti au mai o koya i na katuba ni matamata ni vale i Yahuwe (YHWH) e toka vaka e na vualiku; e keya e mataqu era tu kina na o ira na marama era  tagitagi tiko vei Tamuza. 15 Tamata, e tarogi au o koya, O raica beka oqori? O na raica na ivalavala e vakasisila cake tale mai na kena oqo. 16 E kauti au mai o koya i na lomanibai-e-loma ni vale i Yahuwe (YHWH), e keya, e na kedrau tadrua na varada kei na icabocabo ni soro ni valenisoro i Yahuwe (YHWH); e rauta e ruasagavulu ka lima na tagane, era dui vakanadakuya tu na valenisoro i Yahuwe (YHWH), me ra vakanamata tu vaka i na tokalau; qo era qai sokaloutaka tiko na matanisiga mai na tokalau. 17 E tarogi au o koya, Tamata o raica beka qo? E ka wale beka vei ira na  lewe ni yavusa Ya'huda, na nodra vakayacora tiko na veika vakasisila era vakayacora tiko eke, me ra vakasinaita na vanua e na ivalavala kaukaua, era qai vakacudrui au sara vakalevu? Raica! Era sa biuta tiko na tabana i loma ni qara ni ucudra! 18 O koya oqori  au na cakacaka kina e na dela ni noqu leva cecekia; na mataqu e na sega ni veivosoti, au na sega talega ni yalololoma. Kevaka mada ga me ra mai tagi vakadomolevu sara e daligaqu, au na sega ga ni vakarorogo  vei ira.

Yekezeki’yili (Isikeli) 8:13-18

NA IVAQA NI BULA (FOOD FOR THE SOUL)

Kakua ni didivaki ira era dau valavala ca; ia bula muri i ira ga o ira era rerevaki Yahuwe (YHWH) e veigauna kece. 18 Baleta qori e na vakadeitaka ni na dua na nomu itabagauna mai muri; na veika o nuitaka tu e na sega ni muduki koso.

Mishlei (Vosa Vakaibalebale) 23:17-18

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Vata kei na ivakatagi wa. E dua na vucu ni vuli (maskil) nei Dawide.  2(1) Kemuni na Kalou (Mighty One) vakatudaliga i na noqu masu! Kakua ni vakanadakuya na noqu kerekere! 3(2) Rogoci au ka tama mai vei au! Sa tarai i au na nuiqawaqawa, niu tauca tiko yani na noqu kudru, au sautaninini; 4(3)  E na ivalavala ni nodra kaikaila o ira na kequ meca, kei na ivalavala ni nodra veivakararawataki; baleta era binia tikoga mai vei au na leqa, ka ra vakararawataki au tiko e na dela ni nodra cudru. 5(4) Na vuniyaloqu e lomaqu sa vavadugudugu tiko e na vutugu, na domobulataki ni mate e bikai au sobu tiko,  6(5) Na nuiqawaqawa kei na sautaninini sa rawai au mai, na iyaloyalo ni mate sa kovuti au tu. 7(6) Au kaya, Au diva me a tiko na tabaqu [ni vuka] me vaka e dua na ruve!  Ke vakaoqori, au na vuka laivi sara yani meu lai vakacegu. 8(7) Io, ke vaka oqori, keu a vuka sara vakayawa, meu lai vakaitikotiko e na loma ni vanua liwa. (Selaa) 9(8) Au na vaqara sara vakatotolo e dua na noqu ivakaruru mai na cagilaba kei na cavaa.

Tehillim (Same) 55:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 13 in 5774 (Total 2088)	September 17, 2013
Reading	Hebrew Date
Yechezk’yl (Ezekiel) 27-28	M #7: Tishri 13, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Ka E Cata O Yahuwe (What YHWH Hates).

Thought: People Think YHWH Does Not See Their Idolatrous Behaviors!

........................ 

Serving For Yom Sheini, [Seventh Month] Tishri 12, 5774

MAI NA NEVI’IMI AKARONIMI (FROM THE NEVI’IM ACHRONIM)

E na ikalima ni siga ni ikaono vula ni ikaono ni yabaki, niu a dabe tiko e noqu vale, ka ra dabe tiko vata kei au o ira na iliuliu ni [yavusa] Ya'huda, e a qai [tarai] au mai na liga i Yahuwe na Sau (Sovereign YHWH). 2 Au rai cake au qai raica e dua na ka e tautauvata kei na dua na tamata e buli mai na yameyame ni bukawaqa. Mai na [tiki ni yagona] e rairai vaka na tolona kauta sobu e bukawaqa, ia mai tolona kauta cake e vaka na rarama remoremo me vaka na rarama ni qilaiso waqawaqa. 3 E [dua na ka] vaka na ibulibuli ni liga a dodo mai, qai tauri au  e na dua na tobe ni uluqu; ia e dua na yalo a qai laveti au cake i na tadrua ni vuravura  kei lomalagi, qai kauti au, e na raivotu oqo mai vua na Kalou (Mighty One) i Yerushalayimi, i na katuba ni matamata  e loma, e vakanamata tu vaka i na vualiku. E keya e duri tu kina na kalou matakau e dau vakavurea na nona didi na Kalou (Mighty One) ka vakauqeta na nona yalokatakata e na nona yalododonu. 4 E keya, me vaka e  na dua na raivotu,  e laurai tu mai e mataqu na lagilagi ni Kalou (Mighty One) i Yisira'yili, na kena vata au a raica mai na buca. 5 Oti qai kaya vei au o koya, Tamata, matacake mo rai vaka i na vualiku. Au mani matacake meu rai vaka i na vualiku, au qai raica, e na yasana vaka i na vualiku ni Matamata ni iCabocabo ni Soro [ni duri tu mai kina] e dua na ivakatakarakara e dau [vakatubu didi vua na Kalou (Mighty One)] e na yasa ni kena icurucuru. 6 Oti qai tarogi au o koya, Tamata, o raica beka na ka era cakava tiko, na veika vakasisila lelevu  era cakava tiko eke o ira na lewe ni yavusa Yisira'yili, na veika sa vakavuna na noqu toso yawa kalia mai na noqu valetabu? Ia o  na raica e levu cake tale na veika vakasisila lelevu.

7 ¶ Oti  sa qai kauti au mai o koya i na katuba i na lomanibai; ia niu rai, au qai raica e dua na qara e na bailalaga vatu. 8 Sa qai kaya [sara] vei au o koya, Tamata, kelikeli mada yani e na bailalaga; ia niu sa kelia yani na bailalaga, au raica e dua na katuba. 9 Curu i loma,  e kaya o koya, mo raica na veika ivalavala vakasisila era vakayacora tiko eke. 10 Au mani curu i loma au qai vakararai; e keya, e ceu tu wavokita na lalaga kece, na veimataqali manumanu daudolo, na manumanu vakasisila vata kei na nodra kalou matakau na matavuvale i Yisira'yili. 11 E keya era duri tu mai kina e  vitusagavulu na tagane rogo e na kedra maliwa na qase ni veimataqali i Yisira'yili; ia e loma donu e duri tu o   Ya'azanayahu na luvetagane i Shafani. O ira na tagane [qori] era taura tu e na dui ligadra na nodra dui miqa; qai kuvu cake tiko mai kina na kubou ni o ni ka boi kamica. 12 Oti qai kaya vei au o koya, Tamata, o sa raica beka na ka era cakava tiko e na butobuto o ira na iliuliu ni veimataqali Yisira'yili, na tamata yadudua e na loma ni nodra dui loqi matakau ceuceu, baleta qori era kaya tiko, O Yahuwe (YHWH) e sega ni raici keda rawa; baleta o Yahuwe (YHWH) sa biuta na vanua.

Yekezeki’yili (Isikeli) 8:1-12

NA IVAQA NI BULA (FOOD FOR THE SOUL)

I luvequ tagane, kevaka e matua na vuniyalomu, ia na vuniyaloqu talega e na marau.16 Na vuniyaloqu sara mai loma e na mamarau ni kaya na veika dodonu na tebenigusumu.

Mishlei (Vosa Vakaibalebale) 23:15-16

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Vata kei na ivakatagi wa. E dua na vucu ni vuli (maskil) i Dawide. 2 E na gauna era lako mai kina na Zifimi era qai tukuna vei Sha'ula, O Dawide e vuni tiko vata kei keimami. 3(1) Vueti au kemuni na noqu Kalou (Mighty One) e na vukuni yacamuni: e na nomuni kaukaua, tokoni au.  4(2) Kemuni na  Kalou (Mighty One) rogoca na noqu masu; vakatudaliga i na vosa ni gusuqu. 5(3) Baleta o ira na vulagi era sa mata cake tiko me ra saqati au, o ira na tamata ivalavala kaukaua era sa vaqara tiko mai na noqu bula; era sega ni bau solia e dua na vakasama vua na Kalou (Mighty One). (Selaa) 6(4) Ia na Kalou (Mighty One) sa vukei au tiko; o Yahuwe (YHWH) e noqu ivakadei. 7(5) Kauta mai na leqa vei ira na kequ meca; vagalui ira e na nomuni dina: 8(6) Au na vakacabora vei kemuni na isoro e na yalo galala: Au na vakamuduotaka na yacamuni, i Yahuwe (YHWH); baleta ni vinaka. 9(7) Baleta oni a vakabulai i au mai na veileqaleqa taucoko; na mataqu a qai raici ira na kequ meca ni ra sa vakadrukai.

Tehillim (Same) 54:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 12 in 5774 (Total 2087)	September 16, 2013
Reading	Hebrew Date
Yechezk’yl (Ezekiel) 25-26	M #7: Tishri 12, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na SoKaloutaki Matakau (Idolatry)

Thought: To Know YHWH, The Source Of Life, First Discard Idolatry!

 .....................

Serving For Yom HaShishi, [Seventh Month] Tishri 9, 5774

MAI NA NEVI’IMI AKARONIMI (FROM THE NEVI’IM ACHRONIM)

Na vosa i Yahuwe (YHWH) a qai lako mai vei au: 2 Tamata, vakanamata i na ulunivanua eso e Yisira'yili, qai parofisai saqati ira: 3 Kemuni na veiulunivanua i Yisira'yili; rogoca na nona vosa na Sau o Yahuwe (Sovereign YHWH); oqo na ka e kaya na Sau o Yahuwe (Sovereign YHWH) me baleti ira na veiulunivanua, na veidelana, kei na veibuca; O au sara ga au na kauta yani e dua na seleiwau, meu vakarusa na nomuni veitikina cecere; 4 Na nomuni icabocabo ni soro e na  basuraki kei na nomuni duru ni lotutaki matakau e na musulaki; au na qai kolotaki ira na nomuni tagane vuetaki e na mata ni nomuni kalou matakau. 5 Au na qai vakotora na yagonimate  ni vale i Yisira'yili e na mata ni nomuni kaloumatakau; au na qai ceburaka na nomuni sui wavolivolita na nomuni icabocabo ni soro. 6 E na veivanua kece oni vakaitikotiko kina, na korolevu e na vakarusai kei na vei tikina cecere era samulaki; me rawa ni vakarusai ka vakalalai na nomuni icabocabo ni soro, na nomuni kalou matakau me ra vorolaki ka boko laivi Na nomuni duru ni lotutaki matanisiga me ra musu sobu, kei na veika kece oni a bulia me ra vakawabokotaki. 7 O ira era vakamatei me ra na bale e na kemuni maliwa; oni na qai kila ni o au o Yahuwe (YHWH).

8 ¶ Ia au na biuta tiko e dua na kemuni vo vo,  eso era na drobula mai na seleiwau e na kedra maliwa na veimatanitu, ni oni sa tayana oti yani i na loma ni veivanua. 9 O ira vei kemuni era drobula era na   lai nanumi au mai, e na kedra maliwa na veimatanitu oni sa kau kina vakavesu. E wacava na noqu rarawa baleta na vuniyalodra [dau saqamua] ni a biuti au, kei na matadra ni a saqamua yarayara me muria na nodra kalomatakau!  Era na qai vakasisilataki ira vakataki ira, e na vuku ni veika ca ca era a dui vakayacora e na nodra ivukivuki vakasisila. 10 E na gauna oqori, era na qai kila ni o au o Yahuwe (YHWH); ka ni a sega ni cavuti wale na noqu a tukuna niu na kauta mai na vei leqa oqo vei ira.

11 ¶ O koya oqo na veika a kaya na Sau o Yahuwe (Sovereign YHWH), Samusamu e na  ligamu ka butubutu e na yavamu, qai kudruvaka na veika ca kece ka vakasisila era dau vakayacora na lewe ni matavuvale i Yisira'yili.  Baleta o ira era na bale e na seleiwau, na lauqa kei na mate veidewavi.  12 O ira era tu mai vakayawa era na mate e na mate veidewavi, ia o ira era tu voleka era na bale e na seleiwau; ia o ira era drobula, era qai tu mai era na mate e na lauqa. Oqori na kena ivalavala au na vakayacora kina vei ira na noqu yalokatakatataki ira. 13 Oni na qai kila ni o au o Yahuwe (YHWH), e na gauna era sa veikotori  matemate no kina e na kedra maliwa na nodra kaloumatakau, o ira na nodra tamata vuetaki, wavolivolita na nodra icabocabo ni soro, e na veidelena cecere ka vaka kina e na dela ni veiulunivanua, e na ruku ni veikau drokadroka, e na ruku ni veioki rugurugua, e na veiyasana kece era dau vakacabora kina na sede boi totoka vei ira na nodra kalou matakau.  14 Au na dodoka yani na ligaqu e deladra au na qai cakava na vanua, e na veivanua era vakaitikotiko kina, me ra biu laladidi tu, me vakalevu cake mai na vanua Dravuisiga o  Divilaa. Qori era na qai kila kina ni o au o Yahuwe (YHWH).

Yekezeki’yili (Isikeli) 6:1-14

NA IVAQA NI BULA (FOOD FOR THE SOUL)

Kakua ni vosa i daligana na lialia: baleta o koya e na cata na vuku e kune e na nomu vosa. 10 ¶ Kakua ni tosoya na iyalayala makawa ni vanua; se lai suguta na kedra vanua na luveniyali, 11 Baleta na nodra ivakabula e kaukaua; o koya e na tokona na nodra ile me saqati iko.

Mishlei (Vosa Vakaibalebale) 23:9-11

LOMANI YAHUWE NA NOMU KALOU (LOVE YHWH YOUR MIGHTY ONE

Vakamiraci au e na hisopi, au na qai savasava; savati au, au na qai vulavula cake mai na uca vulavula cevata. 10(8) Laivi au meu rogoca na rorogo ni  reki kei na mamarau; me rawa ni marau tale na sui o a bika (crush). 11(9) Vukica tani na matamuni mai na noqu ivalavala ca, bokoca laivi vakadua na noqu caka cala kece sara. 12(10) Bulia e lomaqu e dua na vuniyalo savasava kemuni na Kalou (Mighty One); vakavoutaka na yalodina e  vuniyaloqu. 13(11) Kakua ni botolaki au laivi mai  matamuni; kakua ni kauta laivi na  yalomuni tabu (ruach qodesh) mai vei au. 14(12) Solia lesu mai vei au na marautaki ni nomuni veivueti; ka laiva e dua na yalo talatalai rawarawa me tabei i au cake tiko. 15(13) Oti au na qai vakatavulici ira era dau vorata na nomuni sala;  era na qai saumaki lesu mai vei kemuni o ira era dau valavala ca; 16(14) Vakabulai au mai na cala ni noqu vakadave dra, kemuni na Kalou (Mighty One), na Kalou (Mighty One) na noqu vakabulai! Qori e na qai seretaka kina  na yamequ na nomuni yalododonu. 17(15) I Yahuwe (YHWH), dolava na tebenigusuqu; e na qai vakacaucautaki kemuni na gusuqu. 18(16) Baleta oni sega ni gadreva na imadrali, keu a cabora vei kemuni; oni sega ni taleitaka na isorokama. 19(17) Na noqu isoro vei Yahuwe (YHWH) e dua na vuniyalo ramusu;  kemuni na Kalou (Mighty One) oni na sega ni cata e dua na vuniyalo ramusu ka bibivoro. 20(18) E na nomuni yalololoma cakava me vutuniyau o Zaiyoni; tara tale na bailalaga mai Yerushalayimi. 21(19) Oqori oni na qai taleitaka kina  na isoro ni yalododonu, e na isorokama; na isoro e kama sara vakaoti; oqori era na qai cabora kina na bulumakau tagane e na nomuni icabocabo ni soro.

Tehillim (Same) 51:9-21

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 9 in 5774 (Total 2084)	September 13, 2013
Reading	Hebrew Date
Yechezk’yl (Ezekiel) 19-20	M #7: Tishri 9, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakanadakui O Yahuwe (YHWH Ignored)

Thought: YHWH Prohibited The Use Of His Names To The Y’hudim In Egypt!

........................ 

Serving For Yom Chamishi, [Sixth Month] Elul 9, 5773

 MAI NA NEVI’IMI AKARONIMI (FROM THE NEVI’IM ACHRONIM)

Oti era qai sauma  vei Yiremeyahu, o ira kece na tagane era kila ni ra dau vakama imadrali boi kamica vei ira na kalou (elohim) o ira na dui watidra, o ira na vo ni yalewa era dau tu vakarau tu kei ira kece na tamata era bula tiko mai na vanua o Patarosa, e loma ni vanua o Ijipita, ni ra kaya; 16 E na vosa kece o kaya tiko mai qori vei keimami e na yaca i Yahuwe (YHWH), keimami na sega ni via vakarogoci iko.17 Ia, keimami na cakava sara ga na vosa kece sa cavuta oti na gusu i keimami; keimami na vakama imadrali boi kamica vua na ranadi ni lomalagi, ka na livia vua na imadrali gunuvi, me vaka keimami sa cakava tiko, o keimami kei ira na neimami itubutubu, o ira na neimami tui, kei na ira na neimami iliuliu e loma ni veikorolelevu vaka Ye'huda, ka vakakina e na veisaqata mai Yerushalayimi. Baleta e na gauna oqori, a dau levu tu ga na keimami kakana; na veika kece era a vinaka tu, keimami a sega ni  bau vakila e dua na ka e sega ni vinaka. 18 Ia mai na gauna keimami sa sega kina ni dau vakacabo isoro vua na ranadi mai lomalagi, me keimami sovara e na vukuna na imadrali gunuvi; sa dau lailai wale tu ga vei keimami na veika kece, ka keimami a vakarusai e na iseleiwau kei na dausiga. 19 [Oti era qai kuria na yalewa vakawati], E sega beka ni o keimami, keimami dau cabora na imadrali boi kamica vua na ranadi ni lomalagi? O keimami beka keimami dau livia na isoro gunuvi vua? O keimami beka keimami dau vavia na keke e makataki tu e na kena iyaloyalo, ka livia na isoro gunuvi vua, ni sega mada ga na  veivakadonui mai vei ira na dui wati i keimami?

20 ¶ Oti qai kaya o Yiremeyahu vei ira kece na tamata, vei ira na tagane kei ira na yalewa kei ira kece na tamata era sauma lesu mai [na nona vosa]: 21 Na imadrali boi kamica oni a cabora e na loma ni veikorolevu vaka Ye'huda, kei na veisaqata mai Yerushalayimi, o kemuni, o ira na nomuni itubutubu, o ira na nomuni tui, o ira na nomuni iliuliu kei ira na tamata ni vanua, o Yahuwe (YHWH) e se nanuma tiko, ka sa dikeva matua tiko na [veivakalialia] oqo, 22 Me yacova ga ni sa na sega ni vosota rawa o Yahuwe (YHWH) na kena tubu me vakasisila vakaoti, ka vakasevaki na nomuni ivalavala. Qo na vuna sa yaco kina me laladidi na nomuni vanua, ka sa ka ni veivakurabuitaki kei na veivatonaki, ka sa sega tu ni tawani me vaka sa yaco tu e na siga oqo. 23 Na vuna levu sara ga, na nomuni a cabora na imadrali boi kamica moni valavala ca saqati i Yahuwe (YHWH) kina, sega ni vakarogoca na vosa e kaya [tiko] o Yahuwe (YHWH) ka sega ni bula muria na nona Toraa, na nona ilesilesi kei na nona ivakavuvuli; qori sa yaco tu kina na leqalevu e lutuki kemuni tu, me vaka sa yaco tu oqo. 24 Kena ikuri, e kaya o Yiremeyahu vei ira kece na tamata, ia vakabibi vei ira na yalewa; Rogoca na vosa i Yahuwe (YHWH), o kemuni kece na tamata ni Ye'huda oni sa vakaitikotiko qo e na vanua o Ijipita; 25 Oqo na veika e kaya o Yahuwe ni lewevuqa (YHWH-Tzva'ot) na Kalou (Mighty One) i Yisira'yili; O kemuni kei ira na watimuni, oni sa cavuta mai gusumuni ka sa vakayacora e na ligamuni, na ka oni sa kaya, Keimami na vakayacora dina ga na yalayala keimami sa yalataka oti, me keimami na vakacabo isoro boi kamica vua na ranadi ni lomalagi, ka livia na imadrali gunuvi vua. E sega tale ni vakataraitutu ni oni na vakayacora na veitikini yalayala oni sa bubuluitaka oti. 26 O koya oya moni rogoca matua kina na vosa i Yahuwe (YHWH), kemuni kece na tamata ni Ye'huda oni vakaitikotiko e na vanua o Ijipita; Au bubuluitaka qo e na yacaqu vakaitamera o au vakataki au, e kaya o Yahuwe (YHWH), ni na sega vakadua tale ni dua na  Ye'hudimi e na cavuta na yacaqu e na loma ni vanua taucoko o Ijipita, e na nodra bubului me ra kaya, Me vaka ni bula tiko o Yahuwe (YHWH) na Kalou (Mighty One). 27 Au sa na dikevi ira tiko meu kauta mai vei ira, na leqaleqa, sega [baleta na] vinaka. O ira kece na tagane ni Ye'huda era tiko e na vanua o Ijipita, era na vakarusai e na seleiwau kei na dausiga, me yacova ni sa sega tale ni dua vei ira e vo. 28 O ira era drobula mai na seleiwau, era na biubiu mai na vanua o Ijipita me ra lesu i na vanua o Ye'huda, ia e na le lailai ga na kedra iwiliwili; o ira kece na vo vo kei Ye'huda era lako qo i na vanua o Ijipita me ra lai vakaitikotiko e keya, era na qai kila se vosa nei cei e na yaco; na noqu se na nodra! 29 Kena ikuri, oqo e na kena  ivakatakilakila vei kemuni, e kaya o Yahuwe (YHWH), niu na totogitaki kemuni e na loma ni vanua oqo, me rawa ni oni kila, ni na yaco dina na veileqaleqa au sa tuvakarautaki kemuni tiko kina oqo. 30 O Yahuwe (YHWH) e kaya, Au na soli i Fero Hofara, na tui Ijipita, i ligadra na kena meca, vei ira era vaqara tiko mai na nona bula, me vaka ga na noqu a soli i Zidikiyahu na tui Ye'huda i na liga i Ne'vukadreza na tui Bavela, na kena meca, o koya e a vaqara mai na nona bula.

Yiremeyahu (Jeremaia) 44:1-14

NA IVAQA NI BULA (FOOD FOR THE SOUL)

O koya e sogota na qara ni daligana mai na nodra tagi na dravudravua, o koya talega vakataki koya e na qai tagi ia e na qai sega ni dua e rogoci koya.

Mishlei (Vosa Vakaibalebale) 21:13

LOMANI YAHUWE NA NOMU KALOU (LOVE YHWH YOUR MIGHTY ONE

NA same i Dawide; E dua na vucu ni veivakatavulici (maskil). E wacava na nodra kalougata o ira sa vosoti na nodra talatalai dredre kei ira sa bokoci na nodra ivalavala ca. 2 E wacava na nodra kalougata o ira e sega ni wilika ni ra cala o Yahuwe (YHWH); baleta ni sega na veivakacalai e vuniyalona. 3 E na gauna au toka vagagalu tu kina na suiqu e vuca tiko yani, baleta na noqu vutugu e na loma ni siga taucoko; 4 E na siga kei na bogi, na ligamuni e tau bi no vei au; na noqu dra (sap) e qai mamaca me vaka na dravuisiga e na vula ikatakata. (Selaa) 5 E na gauna au vakadinadinataka kina na noqu ivalavala ca vei kemuni, niu  tarova na noqu vunitaka voli na noqu cala, au qai kaya, Au na vakatusa na noqu cala vei Yahuwe (YHWH); oni qai vosota na cala ni noqu ivalavala ca. (Selaa) 6 Oqo na veika era dodonu me ra masulaka o ira era yalodina, e na gauna oni rawa ni kune kina. Qori, e na gauna  e coka tiko kina waluvu, era na sega ni toso volekati koya.

7 ¶ O kemuni oni noqu ivunivuni, baleta oni na taqomaki au tiko mai vei na veileqaleqa; oni na vakavolivoliti au e na sere ni veivueti. (Selaa) 8 Au na vakasalataki kemuni ka vakatavulici kemuni e na sala oqo e dodonu moni na muria; Au na solia vei kemuni na ivakasala; na mataqu e na wanonovi kemuni tiko. 9 Kakua ni vaka e dua na ose se na meule e sega ni yalomatua; ka dodonu me tuiraki mai gusudra e na kaukamea (bit) kei na baraidaile; [ke sega] e na sega ni tosovi kemuni rawa mai. 10 E vakaitamera na nodra  nuiqawaqawa o ira na ca, ia na yalololoma e tu vakavolivoliti koya e vakabauti Yahuwe (YHWH); 11 Reki tiko vei Yahuwe (YHWH); dau mamarau tiko kemuni na yalododonu! Kaikaila e na mamarau, o kemuni kece e tudodonu na vuniyalomuni.

Tehillim (Same) 32:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.327 in 5773 (Total 2054)	August 15, 2013
Reading	Hebrew Date
Yirmeyahu (Jeremiah) 13-14	M #6: Elul 9, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Qaravi Matakau Na iValavala Ca Levu (Idolatry Is A Major Sin)

Thought: Can A Human Being Create His Own Mighty One? Billions Think They Can!

........................ 

Serving For Shabbat, [Fourth Month] Tammuz 14, 5773

 MAI NA NEVI’IMI AKARONIMI FROM THE NEVI’IM ACHARONIM)

Oqo na vosa i Yahuwe (YHWH) e a lako mai vei au: 2 O iko mo kakua ni vakawati se vakaluveni tagane se yalewa e na vanua oqo. 3 Baleta oqo na ka e kaya o Yahuwe (YHWH) me baleti ira na luvetagane kei na luveyalewa era sucu e na vanua oqo, ka vaka kina vei ira na tina era  vakasucumi ira kei ira talega na tama era vakatuburi ira e na vanua oqo:  4 Era na mate e na mate vakadomobula ia era na sega ni vakalolokutaki se bulu; era na biu tu ga e dela ni qele me vaka na da. Era na mate e na seleiwau kei na dausiga; ia na yagodra e na kedrakakana na manumanu vakatabana ni macawa lala, kei na manumanu kila. 5 Baleta oqo na ka e kaya o Yahuwe (YHWH), Kakua ni curu i na dua na vale e yaco tiko kina na somate, kakua ni lai tagilagalagataki ira se lolosi e na vukudra; baleta au sa kauta laivi na noqu vakacegu (shalom) mai vei ira na tamata oqo, bau kina na noqu dokai kei na noqu yalovinaka, e kaya o Yahuwe (YHWH).  6 Ruarua na cecere kei na lolovira era na mate e na vanua oqo; era na sega ni bulu, o ira na tamata era na sega ni lolositaki ira; era na sega talega ni  cebeta na lewe ni yagodra se tasia laivi na drau ni uludra e na vukudra. 7 E sega ni dua e na vakarautaka na kedra kakana o ira era vakaloloku, me vakacegui ira e vukudra na mate; e sega talega ni dua e na solia vei ira e dua na bilo me ra gunu, me vakamaravutaki ira e na vukudra na tamadra kei na tinadra. 8 Ia o iko mo kakua ni curu i na dua na vale e yaco tiko kina na soqo ni marau, mo lai dabe vata kei ira, mo qai kana ka gunu. 9 Baleta oqo na veika e kaya o Yahuwe ni lewevuqa (YHWH-Tzva'ot), na Kalou (Mighty One) i Yisira'yili, E na vanua oqo, e na gauna o se bula tiko kina, e matamu sara ga, au na muduka laivi na rorogo ni mamarau kei na reki kei na domodra na taganevou kei na yalewavou. 10 E na gauna o sa tukuna kina vei ira na tamata na ka kece au kaya tiko qo, era na qai tarogi iko, Na cava na vuna e vakatulewataka kina o Yahuwe (YHWH) na veileqa lelevu me saqati keda? Na cava na noda cala, na cava na noda ivalavala ca eda a vakayacora meda saqati  Yahuwe (YHWH) kina, na noda Kalou (Mighty One)? 11 O iko mo na qai sauma vei ira, Baleta ga ni o ira na nomuni itubutubu era a vakanadakui au, e kaya o Yahuwe (YHWH), me ra muri i ira na veikalou (elohim) mai liu, me ra qaravi ira ka vakarokorokotaki ira, ia era a vakanadakui au ka sega ni bula muria na noqu Toraa; 12 Ia o kemuni e cacalaivi cake sara vakaoti na veika oni cakava mai vei ira  na nomuni itubutubu; baleta, raica! O kemuni yadua oni bula tikoga e na babamatua ni vuniyalomuni dukadukali, moni kakua kina ni vakatudaliga maivei au. 13  O koya oqo au na ceburaki kemuni laivi kina  mai na vanua oqo, i na dua na vanua oni se sega ni bau kila, oya oni sega ni kila o kemuni se o ira na nomuni itubutubu; e keya oni na qai qarava kina na  kalou (elohim) mai na gauna e liu, e na siga kei na bogi; baleta au sa na sega ni veitokoni tale vei kemuni.

14 ¶ O koya oya, e kaya o Yahuwe (YHWH), na siga e na yaco mai, o ira na tamata era sa na sega ni bubului, Me vaka ni bula tiko o  Yahuwe (YHWH), o koya e a kauti ira cake mai na Yisira'yili, mai na vanua o Ijipita. 15 Ia [e na kainaki ga], Me vaka ni bula tiko o Yahuwe (YHWH), o koya e a kauti ira na Yisira'yili mai na veivanua mai na vualiku vata kei na veivanua au a talaci ira laivi kina; baleta au na kauti ira lesu tale mai i na nodra vanua au a solia vei ira na nodra itubutubu. 16 Raica, e kaya o Yahuwe (YHWH), Au na talatala vei ira e le levu na gonedau,  o ira era na qai siwati ira mai. E muri  au na qai talatala vei ira e le levu na dauvakasasa; o ira era na qai lai vakasasataki ira mai na veiulunivanua, kei na veidelana, ka vaka kina mai na loma ni veiqaravatu. 17 Baleta sa raica tiko na nodra ivalavala taucoko; era sega ni vunitaki tu mai vei au, na nodra caka cala era sega ni tabonaki tu mai mataqu. 18 Matai, au na vakaruataka na kedra itotogi e na vukuni nodra caka cala kei na nodra ivalavala ca; baleta era sa vakadukadukalitaka na vanua au taukena; era sa vakasinaita na noqu ivotavota e na yagomate ni nodra ivalavala vakadomobula kei na nodra ivalavala vakasisila. 19 I Yahuwe (YHWH), noqu kaukaua,  noqu isasabai, na noqu ivakaruru e na gauna ni tu leqaleqa; na veivanua era na lako mai vei kemuni mai na iyalayala kei vuravura, ni ra kaya, O ira na neimami itubutubu era a sega ni votai e na dua na ka, vakavo ga na ka lasutaki, na kalou matakau tawayaga, era tawayaga vakaoti. 20 E rawa beka vua e dua na tamata me bulia e na vukuna o koya vakataki koya na kalou (elohim)?  [Na kena dina ga ni o ira qori era sega mada ga ni Kalou (Might One)]. 21 O koya oya, au na cakava kina me ra kila, vakadua ga, au na cakava me ra kila na noqu kauakua kei na noqu qaqa. Era sa na qai kila ni yacaqu o Yahuwe (YHWH).

Yiremeyahu (Jeremaia) 16:1-21

NA IVAQA NI BULA (FOOD FOR THE SOUL)

Na vuniyalo mamarau e wainimate vinaka, ia na yalo ni veivakalolovirataki e kauta laivi na nona kaukaua e dua.

Mishlei (Vosa Vakaibalebale) 17:22

LOMANI YAHUWE NA NOMU KALOU (LOVE YHWH YOUR MIGHTY ONE

Oti qai cakavi Yisira'yili me takoso e na kena maliwa; baleta na nona loloma e na tu dei me tawamudu.15 Ia a kuitaki Fero kei na nona  mataivalu i na maliwa ni Wasa Sufa; baleta na nona loloma e na tu dei me tawamudu. 16 Vei koya e a tuberi ira na nona tamata e na maliwa ni vanua liwa; baleta na nona loloma e na tu dei me tawamudu. 17 Vei koya e a samuti ira na tui lelevu; baleta na nona loloma e na tu dei me tawamudu. 18 Io, e a vakamatei ira na tui qaqa; baleta na nona loloma e na tu dei me tawamudu: 19 O Sikoni na nodra tui na Emori; baleta na nona loloma e na tu dei me tawamudu; 20 Kei 'Oqa na tui Bashani; baleta na nona loloma e na tudei me tawamudu; 21 Oti qai solia na kedra vanua me dua na ivotavota; baleta na nona loloma e na tu dei me tawamudu; 22 Me na taukena o Yisira'yili na nona dauniveiqaravi; baleta na nona loloma e na tu dei me tawamudu.

23 ¶ O koya e dau nanumi keda e na veigauna ga eda vakalolomataki kina; baleta na nona loloma e na tu dei me tawamudu, 24 Qai vueti keda mai vei ira na keda meca; baleta na nona loloma e na tu dei me tawamudu 25 O koya e vakarautaka na kakana vei ira kece [na kabula] era vakalewe; baleta na nona loloma e na tu dei me tawamudu. 26 Solia na vakavinavinaka vua na Kalou (Mighty One) o koya e vakaitikotiko mai lomalagi; baleta na nona loloma e na tu dei me tawamudu.

Tehillim (Same) 136:14-26

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 273 in 5773 (Total 2000)	June 22, 2013
Reading	Hebrew Date
M’lakhim Alef (1 Kings) 17-18	M #4: Tammuz 14, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Kalou Matakau Kei Yahuwe (Idols and YHWH)

Thought: Idols Are Dead Things, YHWH Is Living And Is The Sole Source Of Life

........................... 

Serving For Yom Sheini, Tammuz 2, 5773

 MAI NA NEVI’IMI AKARONIMI FROM THE NEVI’IM ACHARONIM)

Rogoca na vosa e kaya tiko [yani] vei kemuni o Yahuwe (YHWH), kemuni na lewe ni matavuvale i Yisira'yili: 2 Oqo na ka e kaya o Yahuwe (YHWH): Kakua ni vulica na nodra itovo na Qoyimi, kakua talega ni taqayataka na ivakatakilakila mai lomalagi; veitalia ga ke ra domobulataka o ira na Qoyimi.3 Baleta na nodra itovo na tamata e sega ni dua na ka. Era musuka sobu e dua na vunikau mai veikau; e dua na matai e na qai sivia e na nona imatau;  4 Era qai ukutaka e na siliva kei na koula. Era vakaduria e na ituki kei na ivako, me kakua ni yavala. 5 Me vaka e dua na matakau ni veivakarerei (scarecrow) e na loga ni veikiukaba, e sega ni vosa rawa. E na vinakati me colati baleta e sega ni taubale rawa.  Kakua ni domobulataka, baleta e na sega ni cakava rawa e dua na ka ca; e na sega talega ni cakava rawa e dua na ka vinaka! 6 E sega ni dua e tautauvata kei kemuni i Yahuwe (YHWH)! Oni vakatamera kei na yacamuni vakaitamera ka qaqa. 7 O cei e na sega ni rerevaki kemuni, ni o kemuni na tui ni veivanua? Qo e nomuni dodonu! Baleta e na kedra maliwa na vuku e na veimatanitu, kei na kedra maliwa na nodra kawa vakatui, e sega ni dua e tautauvata kei kemuni. 8 E dua vata kei ira kece, era sega ni [rawa ni] veikauwaitaki, ka ra ka lialia; na ivakavuvuli ni nodra veika tawayaga, e dua na tiki ni kau! 9 Na siliva e tuki me rabaraba, era qai kau sara mai Tashishi.  Na koula mai Ufazi e cakacakataka na matai ka buli e  na ligadra na matai ni koula.Era qai vakaisulutaki e na karakarawa kei na lokaloka, era cakacaka kece ga ni tamata era kenadau. 10 Ia o Yahuwe (YHWH) na Kalou (Mighty One), na Kalou (Mighty One) dina, na Kalou (Mighty One) bula, na tui tawamudu. Ni sa leva o koya, na vuravura e sautaninini; na veimatanitu era sega ni vorata rawa na nona leva cecekia. 11 Oqo na ka mo na kaya vei ira: Na veikalou (elohim) era a sega ni bulia na lomalagi kei vuravura era na rusa kece vakadua mai vuravura, [ka vaka kina] mai ruku ni lomalagi. 12 O Yahuwe (YHWH) a bulia na vuravura e na nona kaukaua: qai  tauyavutaka na vuravura e na nona vuku, ka dedeka na lomalagi e na nona yalomatua. 13 Ni [vakavuna me vakuru na] kurukuru, na wai mai lomalagi e vadugu, e vakatubura cake na o mai na iyalayala kei vuravura, e cakava me lidi na yaseyase e na uca ka vakavurea cake na cagi me liwa, mai na nona vale ni iyau.14 E na ka oqo, e vakaraitaka kina ni ra doce na tamata kece, ka lailai na ka era kila; o ira kece na matai ni koula era na madua e na vuku ni nodra kalou matakau! Na ivakatakarakara era bulia waicala, era ka lasutaki; e sega ni kune na icegu vei ira; 15 Era sega ni dua na ka, era cakacaka ni veivakalialiai; ni sa yaco mai na siga me ra na totogi kina, o ira kece era na rusa.

Yiremeyahu (Jeremaia) 10:1-15

NA IVAQA NI BULA (FOOD FOR THE SOUL)

Na ulu sikoa e isalavakatui ni dokai, e rawa mai na bula vakayalododonu. 32 ¶ O koya e lewa vinaka toka na nona yalokatakata e vinaka cake mai vei koya na qaqa mai na ivalu; ia o koya e lewa matua na vuniyalona e vinaka cake mai vei koya e kabaa mai e dua na korolevu. 33 ¶ E dua e rawa ni kolo na madigi me tau e na ilobi [ni isulu], ia na kena lewa e lako mai vei Yahuwe (YHWH).

Mishlei (Vosa Vakaibalebale) 16:31-33

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere ni cabecabe. Au kacivi Yahuwe (YHWH) e na noqu vutugu, o koya a qai tama mai vei au. 2 Vueti au, i Yahuwe (YHWH), mai na tebenigusu era dau tukuna na ka lasutaki, mai na yame e sinai [vutuvutu] e na veivakacalai. 3 Na cava e maroroya tiko me na soli vei iko, na yame dauveivakacalai? Na cava tale beka e na cakava vei iko? 4 Na nona gasau [ni dakaititi] gagata na tamata qaqa, vata kei na qilaiso katakata damudamu mai na vunioki.

5 ¶ Oilei na noqu vakaloloma, niu mai tiko vakavulagi e Mesheka, meu qai mai bula tiko e na kedra maliwa na vei valelaca nei Keidari. 6 Sa dede tale na noqu mai tiko  kei ira era cata na bula sautu. 7 O au, au tutaka na sautu; ia niu vosa, era qai veivala mai vei au.

Tehillim (Same) 120:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 261 in 5773 (Total 1988)	June 10, 2013
Reading	Hebrew Date
Sh’mu’yl Bet (2 Samuel) 18	M #4: Tammuz 2, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.