Taniela E Na Qara Ni Laione (Dani’yl In the Lion’s Den)

Thought: Working With YHWH Has Its Dangers And Protection

Serving For Yom Shlee-shee, Kishlev 3, 5772

Era qai lako mai vakavoleka, era qai mai tukutuku e na mata ni tui ni ra kaya, Kemuni na Tui, moni bula tawamudu! Oni a sega beka ni tauca  e dua na lawa vakaturi ka sainitaka talega, kemuni na tui, ni o koya ga e vakatakekere vua e dua tale, na kalou (elohim) se tamata, e na loma ni tolusagavulu na siga, vakavo ga vei kemuni, kemuni na tui e na bala i loma ni qara ni laione? Sauma na tui ni kaya, Na lawa vakaturi e dina, ka tautauvata kei na veilawa vaka Midi kei na Perisia, e na sega ni boko rawa.13 Era qai sauma ka kaya e na mata ni tui, O Dani'yili e dua vei ira na kau mai vakabobula mai Ya'huda e a sega ni vakarorogo vei kemuni, kemuni na tui, ka sega ni kauwaitaka na nomuni lawa vakaturi oni a vakaduria; e koya e dau vakatakekere vakatolu e na dua na siga. 14 Ia na tui ni rogoca na vosa oqori, e a curumi koya vakabibi na rarawa, qai nakita me na sereki Dani'yili; oti qai cakacakataka tiko vakaukaua me yacova ni dromu na siga me sereki koya. 15 Ia o ira na tamata oqo era veretaka na tui ni ra kaya vua, Moni kila kemuni na tui, ni tiko na lawa vaka Midi, ka vaka Perisia talega e kaya ni lawa kece kei na lewa kece e vakaduria na tui e tabu dredre me veisautaki. 16 Sa mani tauca na lewa na tui, era qai lai kauti Dani'yili mai era qai mai biuti koya e loma ni qara ni laione. A qai vosa na tui qai kaya vei Dani'yili, Na nomu Kalou (Mighty One) o dau qarava e veiveigauna kece e na vakabulai iko. 17 Era kauta mai e dua na vatu levu, era qai mai vakaravita e na katuba ni qara, sa qai tabaka kina o koya na tui, na nona mama na kena itotogi o Dani'yili.

18 ¶ A lesu na tui i na nona vale vakatui, qai lai lolo tiko e na bogi taucoko oya; a sega ni kau mai i matana na kakana; na via moce a biuti koya talega vakadua. 19 E a sou e na mataka ca ca na tui, qai  lako vaqunaquna i na qara ni laione. 20 Ia ni yaco yani  i na qara, a qai kaci yani e na domolevu vei Dani'yili, ni vosa na tui me kaya vei Dani'yili; I Dani'yili, na dauveiqaravi vua na Kalou (Mighty One) bula, na nomu Kalou (Mighty One), o koya o dau qarava e veigauna kece; e a vakabulai iko beka mai na laione?  21 Sauma mai o Dani'yili vua na tui ni kaya, Kemuni na tui, moni bula tawamudu! 22 Na noqu Kalou (Mighty One) e a tala mai na nona agilosi, era qai mai sogota na gusu ni laione, e mani sega kina ni vakamavoataki au rawa: baleta a sega ga na noqu cala e matana, ka vaka kina e matamuni, kemuni na tui, Au a sega ni vakayacora e dua na ivalavala ca. 23 E a duatani na nona marau na tui e na vukuna, qai vakarota me ra sereki Dani'yili laivi mai loma ni qara. A qai laveti cake mai na qara o Dani'yili, e a sega mada ga ni bau kune vua e dua na drakusi lailai, baleta na nona vakabauta na nona Kalou (Mighty One) 24 Sa qai vakarota tale na tui, era qai lai kau mai o ira na tagane era a beitaki Dani'yili, era qai bala kece i na qara ni laione, o ira, o ira na watidra kei ira na luvedra; ni ra se bera ni tau e na buturara ni qara, era sa toqovi ira mai na laione, qai basuraki vakamatailalai na nodra sui.

Taniela (Dani’yl) 6:1-28

Na tamata e vakaraitaka na veitovaki e sega ni vinaka, e na vukuni dua na tikini madrai e dua na tamata e rawa ni liumuri (traitor). 22 ¶ O koya e vinakata me vutuniyau vakatotolo, e na ca ga na nona rai, ka na sega ni raica rawa ni na yaco mai vua na dravudravua.

Vosa Vakaibalebale 28:21-22

PEI

129 ¶ Na nomuni vosa era veivakurabuitaki; o koya oya e bula muria tiko kina na noqu bula (soul). 130 ¶ Vakarawarawataka me matata na nomuni vosa qai vakararamataki ira ka solia na kilaka vei ira era yalorawarawa. 131 ¶ Au dalaga, au qai ceguoca; baleta niu gadreva vakalevu na nomuni ivakaro. 132 ¶ Raici au mai ka lomani au mai baleta niu taleitaka na yacamuni. 133 ¶ Tubera na noqu ikalawa me muria na nomuni sala; kakua ni vakalaivi ira na vakasisila me ra mai vakatulewa vei au. 134 ¶ Vueti au mai na nona ivalavala kaukaua na tamata: meu rawa ni bula muria na nomuni ivunau. 135 ¶ Cakava na matamuni me ramase vua na nomuni dauniveiqaravi; vakatavulica vei au na nomuni lawa. 136 ¶ Na wai ni veiuciwai era dave sobu mai mataqu, baleta ni ra sega ni bula muria na nomuni Toraa.

TZADE

137 ¶ O kemuni oni yalododonu i Yahuwe (YHWH), ka dodonu vakaoti na nomuni lewa. 138 Oni vakarota na nomuni vosa e na yalododonu kei na yalodina. 139 ¶ Na lomakatakata sa curumi au, baleta o ira na kemu meca era guilecava na nomuni vosa. 140 ¶ Na nomuni vosa e savasava vakaoti; oqori e taleitaka kina vakalevu na nomuni dauniveiqaravi. 141 ¶ O au, au lailai wale ka dau beci: ia au segasega ga ni guilecava na nomuni ivunau.142 ¶ Na nomuni yalododonu, e yalododonu tawamudu, baleta na nomuni Toraa e dina taucoko. 143 ¶ Na leqa kei na yaluma sa mai tarai au; ia au vakananuya tiko ga na nomuni ivakaro.144 Na kena dodonu na nomuni vosa e na sega ni mudu rawa: Solia vei au na kilaka au na qai bula.

QOF

145 ¶ Au tagitagi e na vuniyaloqu taucoko; rogoci au i Yahuwe (YHWH); au na bula muria na nomuni ilesilesi. 146 Au tagi yani vei kemuni, au tagi vei kemuni; vakabulai au, au na bula muria na nomuni vosa.147 ¶ Au matacake ni kida na mataka au qai tagi; Au vakanuinui tiko e na nomuni vosa.148 Na mataqu sa tadola ni se bera na gauna ni matayadra ni bogi, meu rawa ni vakananuya na nomuni vosa.149 ¶ Rogoca na domoqu, e na nomuni loloma kei na veikauwaitaki i Yahuwe (YHWH), vakaukauataki au me vaka na nomuni lewa.150 ¶ Era toro voleka mai o ira era bula vakalawaki ca: o ira era yawa kalia mai na nomuni Toraa. 151 Oni voleka, i Yahuwe (YHWH); na nomuni lawa (mitzvot) kecekece era dina. Na mataqu e tadola ni sebera na gauna ni matayadra ni bogi, meu vakananuya na nomuni vosa. 152 ¶ Me baleta na nomuni ilesilesi, au se kila makawa mai ni oni a vakataudeitaka me ra tawamudu.

Same (Tehellim) 119:129-152

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
332 Blog No. 1472	November 29, 2011.
Reading	Hebrew Date
Isikeli (Yechezk’yi) 41-42	Kishlev 3, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Vuni Sida ni Le'vanoni (The Cedar of L’vanon)

Thought: No One Exceeds YHWH In Status And Name

 ....................

Serving For Yom Shlee-shee, Chesvan 18, 5772.

A qai yaco e na ikatinikadua ni yabaki, e na ikatolu ni vula, e na imatai ni siga ni vula, ni a yaco mai kina vei au na vosa i Yahuwe (YHWH) ni kaya, 2 Luve ni tamata, vosa vei Fero na tui Ijipita, vata kei ira na lewe ni nona mataivalu; Vei cei beka oni vakatauvatani kemuni tiko vua e na nomuni cecekia?  3 Raica, o ira na Ashuru era tautavata kei na sida ni Le'vanoni, e na veitabana totoka, e dausolia na veivakarurugi kei na kena irairai cecekia; ia na vusona e tabana tolotolo lelevu. 4 Na wai e dau  vakavuna me tubu, na kena titobu e vakavuna me tubu balavu, na uciwai e drodro wavokita na vunikau, qai tala yani na kena soniwai i na veikau kecekece ni veibuca. 5 O koya oya e dau babalavu cake kina mai na veivunikau tale eso, ka dau levu na iwiliwili ni tabana, qai babalavu talega na vei tabana,  baleta na wai e vuqa e dau vakavuna me bula. 6 Na manumanu vakatabana ni macawa lala era bulia na nodra sova e na veitabana, ia na ruku ni veitabana era dau mai susuga kina na luvedra o ira na manumanu ni vanua, ia e na ruku ni kena iyaloyalo era vakaitikotiko kina na veimatanitu. 7 Qori e vu ni kena totoka e na kena cecere kei na vakaitamera ni veitabana; baleta na wakana era koto no e bati ni wailevu. 8 Na sida e na iteitei ni Kalou (Mighty One) e sega ni rawa ni sivia; na vuni firi e sega ni tautauvata kei na veitolona, na vuniivi (chestnut) e sega ni tautauvata na veitabana; e sega ni bau dua tale na vunikau e na iteitei ni Kalou (Mighty One) e tautauvata kaya na kena totoka. 9 Au a cakava me totoka e na ilevu ni veitabana; me rawa kina vei ira kece na veivunikau mai 'Ideni, era tubu tu e na iteitei ni Kalou (Mighty One) me ra vuvutaka.

10 ¶ O koya oqo e kaya kina na Sau o Yahuwe (Sovereign YHWH); Baleta ni  vakalevulevui koya vakataki koya, qai   cokataka cake na vusona e na maliwa ni veitabana tolotolo lelevu, ka dokadoka na vuniyalona baleta na kena ibalavu, 11 O koya oya au sa soli i koya kina vei ira na nodra qaqa na veimatanitu; o koya e na qai walia me veiraurau kei na nona ivalavala ca; ia o koya e na qai vakarusa. 12 Ia o ira na kaitani, oya na matanitu kaukaua duadua e na qai vakarusa, ka biuta tu e na veiulunivanua, ia na veitabana era na lulutu e na veibuca; ia o ira na tamata kece e vuravura era na lako sobu mai na kena iyaloyalo me ra biuti koya me biu duadua tu yani.  13 Ia ni sa lutu, o ira kece na veimanumanu vakatabana era na ro kina, kei ira kece na manumanu ni vanua era toka e ruku ni veitabana, 14 Me qai kena itinitini ni na sega tale ni dua na vunikau e na batiniwai me vakacerecerei koya vakataki koya e na vuku kena ibalavu, se cokataka cake na vusona e kedra maliwa na veitolona lelevu, se me dua vei ira e tu me tautauvata na kena ibalevu; baleta o ira kece era tei toka e na bati ni wai, era sa soli kece yani mera mate, i na ruku ni vuravura e botona e na kedra maliwa na luve ni tamata, era sa lako sobu tiko i na loma ni qara.

Isikeli (Yechezk’yl) 31:1-14

O koya e vakatawa na nona vunilolo e na kania na vuana; o koya e dau qarauna na nona turaga e na dokai. 19 ¶ Me vaka ni sega ni tautauvata na mata mai na dua tale na mata,  e vaka kina na vuniyalo e sega ni tautauvata kei na dua tale na vuniyalo. 20 ¶ Na ibulubulu kei na rusa e na sega ni sinai rawa, e vaka kina na mata ni tamata ni na sega ni vakacegui rawa.

Vosa Vakaibalebale (Mishlei) 27:18-20

Vakamuduo vei Yahuwe (YHWH). Ni vakamuduo, kemuni na dau ni veiqaravi i Yahuwe (YHWH), vakalagilagitaka na yaca i Yahuwe (YHWH). 2 Laiva na yaca i Yahuwe (YHWH) me vakarokorokotaki, e na gauna oqo kei na veigauna kece mai muri. 3 Mai na cadra ni  siga,  i na vanua e na dromu kina, na yaca i Yahuwe (YHWH) e vakaitamera. 4 O Yahuwe (YHWH) e cecere cake vei ira na veimatanitu, na nona dokai e cecere cake tale i dela ni lomalagi. 5 O cei e tautauvata kei Yahuwe (YHWH) na noda Kalou (Mighty One), o Koya e vakaitikotiko mai cake,  6 Ia o cei e raica na veika era tu mai na  soqulu titobu, mai lomalagi ka vaka kina mai e vuravura! 7 O koya e vueti ira na dravudravua mai na kuvu ni soso, ka laveti ira era gadreva na veivuke mai na isovasova ni benu; 8 Me vakatikori ira e na kedra maliwa na turaga, Io, vata kei ira na nodra ravouvou na Nona tamata. 9 E vakatikora na yalewa yava, o koya, me ra veiqaravi e vale, me ra qai yaco me ra tina mamarau vei ira na luvena. Vakavinavinaka vei Yahuwe (YHWH).

Same (Tehellim) 113:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
319 Blog No. 1459	November 15, 2011.
Reading	Hebrew Date
Isikeli (Yechezk’yi) 10-12	Cheshvan 18, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E Noda iVakabula (YHWH Is Our Salvation)

Thoughts: Yahweh Is Our Great Creator, There Is No Other

 ...........

Serving For Yom Revee-ee, Tishrei 21, 5772

Vakararai tiko, baleta na siga sa tadu mai, e kaya o Yahuwe (YHWH) au na cakava kina na veika vivinaka au dau kaya tiko me baleta na matavuvale i Isira'yili kei na matavuvale nei Ya'huda.15 E na veisiga oya, e na gauna oya, au na vakatubura kina vei Dawide e dua na kena isosomi yalododonu; e na qai vakavulewa tiko e na loma ni matanitu ka na kune vua na kilaka, e na dau vakayacora na lewadodonu kei na cakacaka dodonu e loma ni vanua.  16 E na veisiga oya, o Ya'huda e na vueti kina, vata kei Yerushalayimi e na tiko vinaka: ia qo na yaca era na kacivi koya kina, o Yahuwe (YHWH) na noda yalododonu.

17 ¶ Baleta qo na ka e kaya o Yahuwe (YHWH),  O Dawide e na sega vakadua ni sega na kena isosomi me dabe e na idabedabe vakatui e na matavuvale nei Isira'yili; 18 E na sega talega ni lailai na kohanimi kei ira kawa Livai e na sega vakadua ni sega na nona tamata me tu e mataqu, me dau cabora na isoro kama, vakama na imadrali laukana, ka dau vakacabo isoro tiko ka vakama isoro boi kamica tiko e veiveigauna kece.19 Na vosa i Yahuwe (YHWH) a yaco mai vei Yiremeyahu ni kaya, 20 Oqo na ka e kaya o Yahuwe (YHWH); Kevaka oni voroka na noqu ilesilesi me baleta na siga, kei na noqu ileilesi me baleta na bogi, me sa sega kina na siga se na bogi e na nodrau dui  gauna lokuci; 21 Qori ga sa na qai rawa kina ni voroki na noqu veiyalayalati au a cakava vata kei Dawide na noqu dauniveiqaravi; oya me sa qai sega ni dua na nona kawa me mai veiliutaki vakatui e na nona idabedabe vakatui; ka vaka kina na noqu veiyalayalati kei ira na kohanimi kei ira na Li’vi’yimi, na noqu italatala. 22 Me vaka ni ra sega ni wili rawa na dauniveiqaravi (hosts) mai lomalagi, se vakarautaki (measured) na nuku ni wasawasa: au na vakalewelevutaki ira vakakina na kawa i Dawide na noqu dauniveiqaravi kei ira na kawa ni Li’vi’yimi me ra veiqaravi vei au.

Jeremaia (Yirmeyahu) 33:14-22

Me vaka na cagi mai na Vuaicake e dau kauta mai na uca, e vaka kina na mata cudrucudru kei na yame daukakase.

24 ¶ E vinaka cake mo vakaitikotiko e na dua na soqula e na tutu ni delavuvu, mai na tiko kei na dua na yalewa vakawati dau vakatubu veiba se e na vale era tatawasewase na lewena.

Vosa Vakaibalebale (Mishlei) 25:23-2

Na vei lomalagi e na vakalagilagia na nomuni cakacaka mana, i Yahuwe (YHWH) na nomuni yalodina talega e na nodra isoqosoqo na digitaki. 6 O cei mai lomalagi e rawa ni tautauvata kei Yahuwe (YHWH)?  O  cei vei ira na mala’akimi e rawa ni   vakatauvatani kei Yahuwe (YHWH)? 7 Na Kalou (Mighty One) e rerevaki vakaoti e na nodra isoqosoqo na digitaki; e vakaitamera ka dokai vei ira kece era tiko vakavolivoliti koya 8 O Yahuwe (YHWH) na Kalou ni lewevuqa (Mighty One Tzva’ot) o cei e kaukaua vakataki kemuni? Na nomuni yalodina era tu vakavolivoliti kemuni? 9 Oni lewa na ivukivuki ni wasawasa; oni vakamaravutaka na kena veibiau. 10 Oni vakayalomalumutaki ira na qaciqacia me vakataki ira era sa vakamatei; oni a cemuri ira na kemuni meca e na ligamuni (arm) kaukaua. 11 Na veilomalagi era nomuni, na vuravura talega e nomuni; ia na vuravura kei na ka kecega era tiko kina, oni a tauyavutaka. 12 Na vualiku kei na ceva, oni a bulia, o Tavo kei Heremoni e na mamarau e na vuku ni yacamuni. 13 E nomuni na liga (arm) e nomuni na lewa (might); na ligamuni (hands) e kaukaua, na ligamuni imatau e na vakacerecerei 14 Na nomuni idabedabe vakatui e na tara e na yalododonu kei na lewa; na loloma kei na dina e na vakaliuci e matamuni.

Same (Tehellim) 89:5-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
292/Blog No. 1432	October 19, 2011.
Reading	Hebrew Date
Jeremaia (Yiremeyahu) 1-2	Tishrei 21, 5772
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Isira’ylli Kei Ya’huda Rau Na Vueti (Isra’yl And Y’hudah Will Be Saved)

Thought: Yahweh Promises A Salvation To Isra’yl and Y’hudah

....................... 

Serving For Yom Shaynee, Tishrei 19, 5772

Na vosa a yaco mai vei Yiremeyahu mai vei Yahuwe (YHWH), e kaya, 2 Oqo na ka e kaya o Yahuwe (YHWH) na nodra Kalou (Mighty One) na Isira'yili, Vola na vosa kece sara au sa tukuna  oti  vei iko e na dua na ivola.  3 Baleta raica, sa roro mai na veisiga, e kaya o Yahuwe (YHWH), Au na kauti ira lesu mai kina o ira na bobula e na kedra maliwa na noqu tamata o Isira’yili kei Ya'huda, e kaya o Yahuwe (YHWH): Au na kauti ira lesu mai  i na vanua au a solia vei tamadra, o ira era na qai lai taukena. 4 Oqori na vosa a tukuna o Yahuwe (YHWH) me baleti ira na Isira'yili ka vaka kina me baleti ira na Ya'huda. 5 Oqo na ka e kaya o Yahuwe (YHWH); Eda sa rogoca na domo ni sautaninini kei na domobula; ka ni sa sega na sautu. 6 Vakataroga mada ka raica, e rawa beka vua e dua na tagane me vakasucuma e dua na gone? Na cava  na vuna au raici ira tiko kina na tagane kecekece ni ra tara cake tu na muledra me vaka na yalewa e taratara tiko, ka sa vulaci vakadua tu na matadra?  7 Oilei! Na siga oya e na vakaitamera, ka ni na sega tale ni dua me rau na tautauvata; oya na gauna ni leqa levu vei Ya’akove; ia o koya e na qai vueti mai kina. 8 E na yaco e na siga oya, e kaya o  Yahuwe ni lewevuqa (YHWH Tzva’ot), niu na  musuka tani na nona ivua na tui Bavela mai domomu, au na drutilaka talega na kemu ivesu; O ira na vulagi era sa na sega vakadua tale ni vakabobulataki ira. 9 Ia era sa na qaravi Yahuwe (YHWH) na nodra Kalou (Mighty One) kei Dawide na nodra tui, o koya, au na vakatura cake e na vukudra.

Jeremaia (Yirmeyahu) 30:1-10

E dua na tamata e vakadewataka na itukutuku lasu me baleta na wekana vakaitikotiko e tautauvata kei na dua na tolo ni kaukamea, e dua na seleiwau kei na dua na gasau gagata ni dakaititi.

19 ¶ Me vaka e dua na bati ni vutu tiko se na yava e siri tiko; e vaka kina na vakanuinui vua e dua na tamata e sega ni yalodina e na gauna ni leqaleqa.

Vosa Vakaibalebale (Mishlei) 25:18-19

 

NA nona yavu era toka e na nona ulunivanua tabu. 2 O Yahuwe (YHWH) e taleitaka vakalevu cake na matamata mai Saiyoni, mai vei ira kecekece na nona itikotiko o Ya'akove. 3 Na veika dokai e dau cavuti me baleti iko, o iko na korolevu ni Kalou (Mighty One). 4 Au na cavuti Rehava kei Bavela, baleta rau kila na noqu lewa (power); raici ira na Pe’lesete kei na Ta’sora kei ira na tamata mai Iciopia; e na tukuni ni tamata qo e na sucu mai keya. 5 Me baleti Saiyoni e na kainaki, Na tagane qaqa oqo e a sucu maivua; o koya vata oqori e na tauyavutaki koya. 6 O Yahuwe (YHWH) e na wiliki ira na tamata e na ivola, Na tagane qo a sucu maikeya. 7 O ira kece na ravouvou era vakaitikotiko vei iko era na mamarau, o ira era sa vakayalomalumalumutaki tu vei iko.

Same (Tehellim) 87:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
290/Blog No. 1430	October 17, 2011.
Reading	Hebrew Date
Isaiah (Yesha’yahu) 62-64	Tishrei 19, 5772
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.