Thought: Ya’akov And Yisra’yl Are YHWH-Tzva’ot’s Portion And Heritage!

.................... 

Serving For Yom Shlishi, [Fourth Month] Tammuz 3, 5773

 MAI NA NEVI’IMI AKARONIMI FROM THE NEVI’IM ACHARONIM)

Na iwasewase i Ya'akove e sega ni tautauvata kei ira oqo; baleta o koya e a bulia [sara ga] na veika kece. O Yisira'yili, [qori] na mataqali e kaya o koya ni ra nona ivotavota; O Yahuwe ni lewevuqa (YHWH Tzva'ot) na yacana. 17 O kemuni oni bula tiko e na ruku ni tuvaivalu (siege), kumuna vata na nomuni iyau  mai  na dela ni vanua.18 Baleta oqo na ka e kaya o Yahuwe (YHWH): E na gauna oqo, au sa na rabotaki ira laivi kina na lewenivanua; au na vakaleqai ira me rawa ni ra vakila [sara]. 19 Na leqa levu e na yaco vei au baleta na noqu mavoa! Na noqu mavoa e na sega ni mavo rawa! Au a dau kaya, Qo e dua ga na matadewa, au na rawa ni vosota. 20 Ia oqo na noqu valelaca sa vakacacani, na kena dali kecekece era sa cagutu; o ira na luvequ era sa biuti au, ka ra sa oti vakadua; sa sega ni dua me birika tale vei au noqu valelaca, ka sega ni dua me rubeca cake na kena ilatilati. 21 O ira na dau ni vakatawasipi era sa sesewa, era sega ni bau taro ivakasala vei Yahuwe (YHWH). Qo ga na vuna era sa sega kina ni tiko vinaka (prospered) kina, o ira kece na nodra qelenisipi era sa taseu ka veiseseyaki. 22 Rogoca! E dua na rorogo! Sa toso voleka tiko mai! E dua na maue mai na vanua e na vualiku, me mai cakava me laladidi na veikorolelevu ni Ya'huda, me dua na vanua me ra na dau mai tiko kina na koli kila (jackal). 23 I Yahuwe (YHWH), au kila ni ra sega ni lewa rawa na nodra sala o ira na tamata, o ira na tamata era sega ni lewa rawa na icavucavu ni yavadra ni ra taubale. 24 I Yahuwe (YHWH), vakadodonutaki au, ia me vakarauta ga, me kakua ni yaco e na dela ni nomuni leva cecekia,  de oni qai vakaoti i au vakadua. 25 Sovaraka yani na nomuni leva vei ira na veimatanitu era sega ni kilai kemuni, kei na veimatavuvale era sega ni kaciva na yacamuni. Baleta era sa tilomi Ya'akove, era tilomi koya ka muduki koya laivi, era qai biuta laladidi tu na nona itikotiko.

Yiremeyahu (Jeremaia) 10:16-25

NA IVAQA NI BULA (FOOD FOR THE SOUL)

E vinaka cake e dua na tiki ni madrai mamaca kei na vakacegu, mai na dua na vale e sinai kina na kakana ia e levu talega kina na veisei.

Mishlei (Vosa Vakaibalebale) 17:1

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere ni cabecabe, Kevaka meu laveta cake na mataqu i na veidelana, maivei beka e na lako mai kina vei au na veivuke? 2 Na noqu veivuke e lako [ga] maivei Yahuwe (YHWH), o koya e a buli i lomalagi kei vuravura. 3 O koya e na sega ni vakatara na yavamu me sikidara; na nomu ivakatawa e sega ni [dau] moce tu. 4 E sega, na ivakatawa kei Yisira'yili e sega ni dau sosovu se moce. 5 O Yahuwe (YHWH) e nomu ivakatawa; e na yasamu imatau o Yahuwe (YHWH) e vakarautaka vei iko na [tikina] rurugu, 6 Na matanisiga e na sega ni samuti iko e na lomaloma ni siga, se na vula e na bogi. 7 O Yahuwe (YHWH) e na taqomaki iko mai na veika ca; o koya e na taqomaka na nomu bula. 8 O Yahuwe (YHWH) e na taqomaka na nomu veicuruyaki, mai na gauna oqo lako yani, me sega ni mudu.

Tehillim (Same) 121:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 262 in 5773 (Total 1989)	June 11, 2013
Reading	Hebrew Date
Sh’mu’yl Bet (2 Samuel) 19-20	M #4: Tammuz 3, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E Na Vakabulai Yisira’yili (YHWH Will Save Yisra’yl)

Thought: YHWH Will Give A New Name and Identity

....................... 

Serving For Yom Sheini, Sivan 4, 5773

(Count The Days Towards Shavu’ot: Today Is Day 45 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

E NA vuku i Zaiyoni au sa na sega ni  galuvaka kina; e na vuku i Yerushalayimi au na sega ni cegu me yacova ni sa toso yani na nona yalododonu me vaka na rarama, kei na nona vueti me vaka na icina e caudre. 2 O ira na veimatanitu, era na raica na nomuni ivakadinadina; kei ira kece na tui, na nomu lagilagi. O sa na qai kacivi e na dua na yaca vou, e na vakatokara vei iko na gusu i Yahuwe (YHWH). 3 O na yaco talega mo dua na isala vakatui lagilagi e na liga i Yahuwe (YHWH) e dua na daiademi (diadem)  e qumia tiko na liga ni nomu Kalou (Mighty One). 4 O na sega tale ni o  kainaki ni o Biulaivi ('Azuvah); se veivosakitaki na kemu vanua ni  Laladidi ('Shama'mah); ia o sa na vakatokai o Na-Marau-E-Tiko-Vua (Hefti-vah) kei na kemu vanua e na vakatokai o Vakawatitaki (Be'ulah). Baleta o Yahuwe (YHWH) e taleitaki iko; na kemu vanua sa na vakawatitaki; 5 Me vaka e dua na cauravou e  vakamautaka e dua na goneyalewa, o ira na luvemuni tagane era na vakamautaki iko; ia me vaka ni marau na taganevou e na vuku ni  yalewavou, e na marau vakakina na nomu Kalou (Mighty One) e na vukumu.

6 ¶ Au sa lesia na ivakatawa me ra yadrava na dela ni nomu bailalaga i Yerushalayimi; era na sega ni toka vakanomodi, sega e na siga se e na bogi. O iko o dau kacivi Yahuwe (YHWH), kakua ni solia vei iko mo cegu; 7 Kakua talega ni laivi koya me cegu, me yacova ni sa vakavoutaki Yerushalayimi, qai cakava me vakacaucautaki e vuravura. 8 O Yahuwe (YHWH) sa bubului oti e na ligana imatau ka vaka kina e na gauniligana kaukaua, Au na sega vakadua tale ni solia na kemuni witi (grain) vei ira na kemuni meca me kedra kakana, era na sega talega ni gunuva na memuni waini o ira na vulagi, na kena oni a cakacakataka vakaukaua;  9 Ia o ira ga era tamusuka na witi (grain) era na kania ka vakamuduotaka vei Yahuwe (YHWH); o ira era tamusuka na waini era na gunuva, e na lomanibai ni noqu tikina ni veitaqomaki. 10 Curu sara, curu sara i na matamata, caramaka na nodra sala na tamata! Taraa cake na salatu!  Taraa cake! caramaka laivi na veivatu!   Vakarewataka e dua na drotini e vukudra na tamata! 11 O Yahuwe (YHWH) sa vakarogoya i na iyalayala kei vuravura, Kaya vua na  luveyalewa i Zaiyoni, Raica eke, na nomuni vakabulai sa lako tiko mai! Raica mai eke, na nona icovi sa tiko qori vata kei koya, kei na veisausaumi lesu sa  tu oqori e matana. 12 Era na vakatokai ira, Na Kawatamata Yalosavasava, o ira na Vueti nei Yahuwe (YHWH). O kemuni oni na vakatokai Daudomoni (D'rushah), na Korolevu sa sega ni Biuvakaloloma ('Ir Lo Ne'ezvah).

Yeshayahu (Aisea) 62:1-12

NA IVAQA NI BULA (FOOD FOR THE SOUL)

Na lialia e beca na ivakavuvuli nei tamana: ia o koya e galeleta na veivakatuvakarautaki (warning) e yalomatua. 6 ¶ Na nodra loma ni vale na yalododonu e dua na vale ni maroroi iyau; ia  na veika e rawata mai o ira na ca e kauta mai na leqa. 7 ¶ Na tebenigusudra na vuku e vakatetea na kilaka; e sega ni vaka kina na vuniyalodra na lialia.

Mishlei (Vosa Vakaibalebale) 15:5-7

LOMANI YAHUWE NA NOMU KALOU (LOVE YHWH YOUR MIGHTY ONE

Ia a totolo wale na nodra guilecava na nona cakacaka era qai sega ni via waraka na nona veituberi. 14 E loma ni vanua dravuisiga era a qai lutu i na nodra kocokoco e sega ni vakacegui rawa; e na vanua liwa era qai vakatovolea na Kalou (Mighty One). 15 E solia vei ira na ka era vinakata, ia qai vakauta yani na rarawa i loma ni nodra bula (soul). 16 E na  loma ni keba era lomacataki  rau o Moshe kei Aharoni, o rau na digitaki tabu i Yahuwe (YHWH). 17 E a dalaga na vuravura qai tilomi Daitana ka tasogo tale vei ira na ilawalawa nei Avirami. 18 E a uturi mai e dua na bukawaqa e na nodra isoqosoqo, na yame ni bukawaqa a qai vakamai ira na vakasisila. 19 Mai Horeva era a bulia e dua na luve ni bulumakau, era a sokalou vua e dua na ivakatakarakara buliwaicala. 20 Qori era qai vukica [tani] kina na nodra dokai vata kei na ivakatakarakara ni  dua na okisi e dau kana co. 21 Era guilecava na Kalou (Mighty One) o koya e a vakabulai ira, o koya e a cakava e levu na veika lelevu mai Ijipita, 22 Na veika talei e na vanua kei Hame, kei na veika vakadomobula e na baravi  ni Wasawasa na Sufa 23 Qori a qai kaya kina ni na vakarusai ira vakadua, [ia ke a yaco dina], ke a sega mada ni vakatakekere e matana e na vukuni leqa oya o Moshe, me vukica laivi na nona leva cecekia. 24 Tarava, era a cata na vanua talei, era a sega ni vakabauta na nona yalayala, 25 Era qai vosa kudrukudru e loma ni nodra valelaca, era sega ni muria na domo i Yahuwe (YHWH). 26 O koya oya, a qai bubuluitaka kina, ni laveta cake tu na ligana, ni na samuti ira sobu e na loma ni vanua dravuisiga, 27 Ka samuti ira na nodra kawa e na kedra maliva na veimatanitu, qai  ceburaki ira laivi i na kedra maliwa na veimatanitu. 28 Qo era sa qai duavata kina o ira vakataki ira vata kei Ba’ala-Pe’ora, era qai kania na lewenimanumanu e a cabo vei ira na ka mate.

Tehillim (Same) 106:13-28

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 234 in 5773 (Total 1961)	May 13, 2013
Reading	Hebrew Date
Shof’tim (Judges) 13-14	M #3:Sivan 4, 5773
Click The Bible Text To Read It In Gateway In Another Language Or Version

 YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Ya 'akove kei Yisira 'yili (Ya 'akov and Yisra 'yl)

Thought: YHWH Assures That He Continues To Hold Ya’akov And Yisra’yl 

…………………

Serving For Shabbat, Nisan 19, 5773 (Chag HaMatzoh – Day Five)

MAI NA NEVI’IMI AKARONIMI FROM THE NEVI’IM ACHARONIM)

Toka vakadirorogo e mataqu kemuni mai na veibaravi!  Laivi ira na tamata me ra vakavoutaka na nodra igu! Laivi ira me ra toro voleka mai; oti qai laivi ira me ra vosa. Laiva meda soqoni vata [me yaco] na vakataulewa.  2 O cei a vakatura mai na vuaicake e dua e yalododonu, qai kacivi koya i na nona veiqaravi? O koya e mai soli i ira na veimatanitu i ligana, ka lesi i koya me lewai ira na tui; na nona seleiwau  qai cakavi ira me ra kuvu ni soso, kei na nona dakaititi me ra vaka na vunisila cacaginagina? 3 O koya e cemuri ira, qai lako yani ka sega ni vakaleqai; na gaunisala ni yavana a voleka ni sega ni butuka. 4 Na cakacaka nei cei qo? O cei a kauta mai me vakayacora?  O koya e a kacivi ira na veitabatamata sara mai liu. O au, o Yahuwe (YHWH), o au na imatai, o au, au tautauvata kei ira era imurimuri. 5 O ira na veivanua e na veibaravi, era a raica era qai taqaya. O ira mai na iyalayala kei vuravura era sautaninini. Era a toro voleka mai, ia qo era sa yaco mai. 6 O ira kece era vukei ira era cakacaka vata, o ira kece era kaya vei ira na tacidra; Yaloqaqa tiko! 7 Na matai ni kauvaro era vakayaloqaqataki ira na matai ni koula, o koya na dauvakayagovinakataka e vakayaloqaqataki koya e dau ni itukituki; o  koya e kaya vua e dausemakaukamea, Io qori e daumaka, oti qai vakota e na ivako (na kalou matakau) me tarova na kena yavala. 8 Ia o iko, i Yisira'yili, na noqu dauniveiqaravi; o iko i Ya'akove o iko au a digitaka, na kawa i Avarahama na noqu icaba. 9 Au a kauti iko mai na iyalayala kei vuravura, ka kacivi iko mai na kena ibili yawa duadua, au qai kaya vei iko, O iko o noqu dauniveiqaravi, o au, au sa digitaki iko, au sega ni ceburaki iko; 10 Kakua ni taqaya, baleta o au, au tiko vata kei iko, kakua ni yalolailai, baleta o au, au nomu Kalou (Mighty One). Au solia vei iko na kaukaua, au solia vei iko na veivuke, au tabei iko cake tiko, e na ligaqu imatau qaqa. 11 Raica, o ira kece era a levaci iko era na vakarogorogocataki, ka biu me ra madua; o ira era valuti iko era na vakarusai, me ra yaco me ra sega ni dua ni ka. 12 O na vaqarai ira, ia o na sega ni kunei ira, o ira mada ga era a dau veileti kei iko, o ira era a dau valuti iko, era sa na caka me ra sega ni dua na ka, me ra sega sara ga ni dua na ka. 13 Baleta o au, o Yahuwe (YHWH), na nomu Kalou (Mighty One), e kaya tiko yani vei iko, baleta niu tuberi iko tiko e na ligamu i matau, Kakua ni taqaya; o au, au na vukei iko.

Yeshayahu (Aisea) 41:1-13

NA IVAQA NI BULA (FOOD FOR THE SOUL)

Na nodra vakasama na yalododonu e dau donu; ia na nodra vakananavu na  na ca, e levu kina na veivakacalai. 6 ¶ Na nodra ivakasala na ca era na kauta ga mai na vakadave dra; ia na vosa mai gusudra na yalododonu e na vueti ira. 7 ¶ E na gauna ga era bale kina na ca, oya sa na kedra itinitini; ia na nona vale na dodonu e na toka dei.

Mishlei (Vosa Vakaibalebale) 12:5-7

LOMANI YAHUWE NA NOMU KALOU (LOVE YHWH YOUR MIGHTY ONE

VEI kemuni i Yahuwe (YHWH), au sa biuta tu yani na noqu inuinui; laiva meu kakua ni biuti au meu vakamaduataki. 2 E na nomuni yalododonu, vueti au; ka vukei au meu dro. Vakala mai vei au na daligamuni, qai vakabulai au. 3 O kemuni moni mai noqu vatu ni sasabai, na tikina au rawa ni dau dro kina e veiveigauna. Oni sa nakita moni na vakabulai au; baleta o kemuni oni noqu uluvatu ka noqu valecere vakabai. 4 Kemuni na noqu Kalou (Mighty One), vukei au meu dro laivi mai na nodra kaukaua na tawadodonu, mai na nodra iqumi o ira na tawadodonu kei [ira era]  dau ivakarau kaukaua. 5 Baleta o kemuni oni noqu inuinui, i Yahuwe (YHWH) na Kalou (Mighty One); o kemuni au se dau nuitaka tu mai na gauna sara au se gone kina. 6 Mai na gauna au a sucu kina, au sa dau vakanuinui tu vei kemuni, o kemuni sara ga oni a tauri au mai na katonigone i tinaqu. 7 Vei ira era le vuqa, o au, au dua na ivakaraitaki ni veivakidacalataki. Ia o kemuni oni noqu isasabai kaukaua. 8 Na gusuqu sa vakasinaiti tu e na vakavinavinaka vei kemuni, ka vakasinaiti e na nomuni lagilagi, e loma ni veiveisiga taucoko. 9 Kakua ni vakanadakui au e na gauna au sa qase cake tu kina [oqo]; ke sa leqa na noqu kaukaua, kakua ni vakanadakui au. 10 Baleta o ira na kequ meca era sa talanoataki au tiko; ia o ira era vaqara tiko na noqu bula, era sa bosebose vata tiko; 11 Era qai kaya tiko, Na Kalou (Mighty One) sa vakanadakui koya; cemuri i koya ka vesuki koya; baleta e sega ni dua e na vueti koya. 12 Kemuni na Kalou (Mighty One) kakua ni yawaki kemuni mai vei au! Kemuni na noqu Kalou (Mighty One) vakatotolo moni [mai] vukei au! 13 Me ra biu mada ga o ira era saqati au tiko me ra vakamaduataki ka vakarusai; me yaco mada ga vei ira era segata tiko me ra vakamavoataki au, me ra kovuti e na beci kei na rogo ca.

14 ¶ Ia o au, au dau vakanuinui tiko ga [vei kemuni] ka vakavinavinaka vakalevu tikoga e veigauna vei kemuni. 15 E na loma ni siga taucoko, na gusuqu e na vakaraitaka wavoki tikoga na nomuni cakacaka dodonu, kei na nomuni cakacaka ni veivakabulai, e dina ga ni kedra iwiliwili sa sega ni yacova [yani] na noqu kilaka. 16 Au na lako yani e na kaukaua i Yahuwe na Kalou (YHWH Mighty One); au na qai dau  vakananuma na nomuni yalododonu; na nomuni duaduaga. 17 Kemuni na Kalou (Mighty One), oni a dau vakatavulici au mai na gauna au se gone lailai sara kina; kau se tusanaka tikoga na nomuni cakacaka veivakurabuitaki. 18 Ia oqo niu sa qase, ka sa sikoa na drauniuluqu, kemuni na Kalou (Mighty One), ni kakua ni vakanadakui au; me yacova niu sa vakaraitaka na nomuni kaukaua kei na nomuni cecekia vei ira e na itabatamata era na tu maimuri. 19 Kei na nomuni yalododonu talega; kemuni na Kalou (Mighty One), e dau yaco i na tikina cecere sara. Kemuni na Kalou (Mighty One), oni a dau vakayacora na veika lelevu; kemuni na Kalou (Mighty One), o cei e tiko me tautauvata kei kemuni!  20 O kemuni oni cakava me ra raica e le vuqa na veileqa lelevu kei na dredre, ia oni na vakabulai au tale, ka vakaturi au mai na boto i vuravura. 21 Oni na vakalevutaka na noqu dokai; vuki mai ka vakacegui i au. 22 Ia o au, au na vakamuduotaki kemuni  niu seresere vata kei na hapi, e na vukuni nomuni yalodina, kemuni na Kalou (Mighty One). Au na lagasere ni vakavinavinaka yani vei kemuni vata kei na hapi, kemuni na Yalosavasava Ledua e Yisira'yili. 23 Na tebenigusuqu e na kaikaila e na reki; au na lagata na nomuni vakavinavinakataki, baleta o kemuni oni sa voli i au lesu. 24 E na loma ni siga taucoko na yamequ e na tukuna tikoga na nomuni yalododonu.  Baleta o ira era vaqara tiko meu vakamavoataki era na    vakamadualaki ka vakarogorogocataki.

Tehillim (Same) 71:1-24

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 190 in 5773 (Total 1919)	March 30, 2013
Reading	Hebrew Date
B’midbar (Mai Lekutu) 21-22	M #1: Nisan 19, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.