Na Mate Nei Jisu. (Yahshua’s Death)

Thought: Jesus the Man Was Murdered.

.....................................

Serving For The 10^th November, 2009

Ia, baleta ni siga ni vakavakarau, era qai kaya na Jiu, Laiva me kakua ni dua vei ira na yago qo me rube tiko e na kauveilatai baleta sa roro mai na siga ni vakacecegu. Na siga ni vakacecegu qo e siga ni vakacecegu cecere. Era mani kerei Pailato, me musu laivi na yavadratou o ratou na rube, me rawa ni tukuci sobu na yagodratou me kau laivi. 32 Era mani lako mai na sotia, era qai mai musuka laivi na yavana o koya na imatai vata kei koya kadua, o rau, rau a rube vata tu kei Koya. 33 Ia ni ratou vuki yani vei Jisu (Yahshua), ratou qai raica ni sa mate oti o Koya, eratou mani sega ni musuka na yavana. 34 Ia e dua vei iratou na sotia, a qai coka na Serena e na dua na moto, qai dave mai kina e na gauna vata oya na dra vata kei na wai. 35 O koya e a raica e matana, e vakadinadinataka na ka qo, ia na nona ivakadinadina e dina taucoko; ka kila talega o koya ni kaya tiko na ka dina, me rawa kina ni oni vakabauta. 36 Na veika oqo a caka me yaco kina na vosa ni ivola tabu, e sega mada ga ni dua na sui ni yagona e na ramusu. 37 E dua tale na tikini ivola tabu e kaya, Era na qai rai vei Koya era a coka.

Joni 19:31-37.

Me vaka ni a vu mai vua e dua na tamata na mate, e na vu talega mai vua e dua tale na tamata na veivakaturi mai na mate. 22 Me vaka ni na mate na tamata kece e na vuku i Atama, e na vuku ni Mesaia na tamata kece era na vakabulai

1 Korinica 15:21-22

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
314	November 10	Lele I Jeremiah 1-2	Hebrews 7

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Veilewai E Mata I Pailato. (Trial Before Pilot)

Thought: Like Yahshua We Should Act Rather Than React To Life

.....................................

Serving for the 9^th November, 2009

O Jisu (Yahshua) sa lai duri tu e na mata ni Kovana. Tarogi Koya na Kovana ni kaya, O iko o nodra Tui na Jiu? Sauma o Jisu (Yahshua) Qori oni kaya! 12 Ia ni ra beitaki Koya tiko na bete levu kei ira na qase, e a sega ni sauma o Koya. 13 Kaya Vua o Pailato, O sega beka ni rogoca na ilevu ni ka era beitaki iko tiko kina o ira qo? 14 E sega ga ni kaya vua e dua na vosa, o Koya, e sega mada ga ni bau dua na vosa; qori a kurabui kina vakalevu na Kovana.

Maciu 27:11-14.

Ni rogoca na vosa oqori o Pailato, a qai kauti Jisu (Yahshua) i tuba, lai dabe sobu e na idabedabe ni vakataulewa, e toka e na tikina e vakatokai na Salavatu se e na vosa vaka Iperiu na Kapaca. 14 Qo na siga ni Vakavakarau ni lakosivia ka sa rauta tiko na ikaono ni aua. Kaya vei ira na Jiu o koya, Raica, na nomuni Tui! 15 Era baci qolou cake tale, Kauti Koya laivi! Kauti Koya laivi! Rubeci Koya! Kaya vei ira o Pailato, E vakaevei, meu sa rubeca beka na nomuni Tui? Era qai sauma na bete levu, E sega na neimami Tui, o Sisa duadua.

Joni 19:13-16

O koya e tusanaki Au e matadra na tamata, o Au talega Au na tusanaki koya e mata i Tamaqu e tiko mai lomalagi.

Maciu 10:32

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
313	November 9	Jeremiah 51-52	Hebrews 6

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Veilewai Nei Jisu (Yahshua's Trial.)

Thoughts: How Can A Man Endure Pain For No Fault Of His

.....................................

Servings for the 8^th November, 2009

O ira na bete levu, o ira na qase kei ira na lewe ni matabose, era vaqara ivakadinadina tiko, me ra beitaki Jisu (Yahshua) kina, me rawa ni totogimate, 60 ia era qai sega ni kunea e dua; e dina ga ni levu na ivakadinadina lasulasu era a lako yani, ia e muri sa qai kune e rua, 61 ni rau kaya, Na tamata qo a kaya, Au rawa ni vakarusa na valenisoro ni Kalou (Elohim) Meu tara tale e na tolu na siga. 62 E tucake na bete levu liu qai kaya Vua, E vakacava, o sega beka ni sauma rawa? Na cava mada na ibalebale ni ka rau beitaki iko tiko kina o rau qo? 63 Ia a galu tu ga o Jisu (Yahshua). Kuria na nona vosa na bete levu liu, ni kaya Vua, Au vakaroti iko e na yaca ni Kalou (Elohim) bula, mo kaya mai vei keimami se o iko na Mesaia, na Luve ni Kalou (Elohim)? 64 Sauma vua o Jisu (Yahshua), E dina, me vaka na nomu vosa. Ia Au na kaya talega vei kemuni, mai muri oni na raica na Luve ni Tamata ni lai dabe e na ligana imatau na vu ni kaukaua, kei na Nona lako mai e na dela ni o kei loma­lagi!” 65 Na bete levu liu a qai basuraka na nona isulu qai kaya, Raica o Koya e sa vosa veivakacacani tiko! Na cava tale me vinakati kina na ivakadinadina? Oni sa rogoca kece na Nona veivakacacani!

Maciu 26:59-65

Oti qai kaya vei ratou na Nona tisaipeli o Jisu (Yahshua), O koya e via muri i Au, laivi koya me vakanadakuya na nona gagadre, taura cake na nona kauveilatai qai muri i Au. 25 Baleta, o koya e via vueta na nona bula e na vakayalia, ia o koya e vakayalia na nona bula e na Vukuqu, e na kunea.

Maciu 16:24-25

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
312	November 8	Jeremiah 49-50	Hebrews 5

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Gauna ni Rarawa (Painful Times).

Thought: Yahshua Reassuring Prayer To Yahweh Our Heavenly Father

.............................................

Serving For The 7^th November, 2009

Au sega ni masulaki iratou ga oqo, Au masulaki ira talega era na vaka­bauti Au mai muri, e na vuku ni nodratou itukutuku; 21 me ratou na duavata kece tiko; me vaka ni o Kemuni Tamaqu, Oni tiko kei Au, o Au, Au tiko kei Kemuni, ia o ratou talega qo, me ratou dau duavata kei Kedaru; me rawa ni vakabauta o vuravura, ni Oni a talai Au mai. 22 Na lagilagi Oni a solia vei Au, Au sa solia vei iratou, me rawa ni ratou duavata, me vaka ni Daru duavata: 23 O Au kei iratou, o Kemuni kei Au; me qai rawa ni yaco me ratou vinaka vakaoti e na duavata; me na qai yaco me kila o vuravura ni Oni a talai Au mai, ka dau lomani iratou me vaka ni Oni dau lomani Au. 24 I Tamaqu, Au gadreva talega me ratou na lai tiko vata kei Au, e na vanua Au lako tiko kina, o iratou kece Oni a soli i iratou vei Au, me rawa ni ratou raica na Noqu lagilagi Oni a solia vei Au; baleta Oni a dau lomani Au, ni sebera ni tauyavu na vuravura. 25 I Tamaqu yalododonu! Na vuravura e se sega ni kilai Kemuni, ia o Au, Au kilai Kemuni, kei iratou qo eratou kila ni Oni a talai Au mai. 26 Au sa mai vakatakila vei ira na Yaca­muni, kau se tusanaka tikoga na loloma Oni a dau lomani Au kina, me tiko talega e na kedratou maliwa, Meu qai tiko talega kei iratou o Au vakataki Au.

Joni 17:20-26

O koya oya, e rawa kina Vua me veivakabulai tiko me tawamudu, vei ira era lako yani Vua na Kalou (Elohim) mai vua, baleta ni bula tawamudu o Koya, ka rawa kina ni matataki ira tikotikoga.

Iperiu 7:25

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
311	November 7	Jeremiah 46-48	Hebrews 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Curu I Jerusalemi O Jisu (Yahshua’s Entry to Jerusalem)

Thought: Who Or What Exactly Is Yahshua To You?

...........................................

Serving for the 30^th October, 2009

E na siga tarava, na ibinibini tamata levu era a lako tiko mai me ra mai tiko e na solevu, ni ra rogoca ni sa lako tiko mai o Jisu (Yahshua) i Jerusalemi, 13 era qai yauta mai na taba draudrau ni niuniu, era qai lako me ra lai tavaki Koya, era qai kailavaka tiko, Osana! E kalougata na Tui Isireli o Koya e lako mai, e na yaca ni Kalou (Yahweh)! 14 Ia o Jisu (Yahshua), ni kunea e dua na luve ni asa, a qai vodo kina me vaka e volai tu, 15 Kakua ni taqaya, kemuni na luvei Saioni yalewa; Raica, na nomuni Tui sa lako tiko mai, ka vodoka tiko mai e dua na luve ni Asa tagane. 16 E na gauna oya, o ratou na tisaipeli eratou a sega ni kila na ibalebale ni veika oqo; ia e na siga a qai vakalagilagitaki kina o Jisu (Yahshua), eratou qai nanuma lesu kina ni veika oqo e a volai tu me baleti Koya, ia o ratou ga, e ratou a cakava na veika oqo Vua. 17 Ia o ira na tamata era a tiko kei Koya era vakadinadinataka ni a kacivi Lasa (Lazar) mai na ibulubulu o Koya me vakaturi koya mai na mate. 18 Qori na vuna era a lako tiko kina Vua na ibinibini tamata, me ra lai sotavi Koya, baleta era rogoca ni a cakava na ivakatakilakila qo o Koya.

Joni 12:12-18

Kemuni na noqu lalai, laiva meda kakua ni vakaraitaka na noda loloma e na vosa kei na yameda ia e na cakacaka kei na dina.

1 Joni 3:18

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
303	October 30	Jeremiah 27-28	2 Timothy 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Cakacaka Mana ( Miracles)

Thought: Miracles happen all the time; most of them are done by Yahweh.

.......................................

Serving For The 16^th October, 2009

13 ¶ Ia ni rogoca qori o Jisu (Yahshua), e a qai soko duadua mai keya e na dua na waqa, me lai tu taudua tu e na dua na vanua tu vagalala; ia ni ra rogoca na tamata, era qai muri i Koya ni ra taubale yani Vua mai na vei korolelevu. 14 Ni lako yani o Jisu (Yahshua), qai raica ni ra sa osodrigi tu na tamata; a qai tuburi Koya na nona lomani ira, a mani vakabulai ira na nodra era tauvi mate.

15 ¶ Ia ni sa yakavi mai, eratou qai lako Vua o ratou na Nona tisaipeli, eratou qai kaya, “Na vanua qo e tu vagalala, ka sa toso totolo tiko mai na bogi; vakasukai ira na tamata, me rawa ni ra lako na tagane i na veikoro me ra lai voli kedra kakana kina.” 16 Ia qai kaya vei ratou o Jisu (Yahshua), “E sega ni vinakati me ra dui lesu; o kemudou mo dou solia vei ira e dua na ka me ra kania.” 17 Eratou kaya Vua, “E sega ni dua na ka e tiko vei keitou eke vakavo ga e lima na ibuli madrai kei na rua na ika.” 18 Kaya vei iratou o Jisu (Yahshua), “Kauta mai i ke vei Au!” 19 Sa qai kaya vei ira na lewe vuqa me ra dabe sobu e na buturara, e taura na ibuli madrai e lima kei na ika ruarua, tacake i lomalagi, vakavinavinakataka o Koya, dovi­dovia qai solia vei iratou na tisaipeli; o ratou na tisaipeli eratou qai veivotayaka vei ira na tamata.

Maciu 14:13-19

26 E raici ratou tu mada o Jisu (Yahshua), qai kaya, Vei ira na tamata, qori e na sega ni yaco rawa vakadua, ia Vua na Kalou (Yahweh) na ka kece e yaco rawa.

Maciu 19:26

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
289	October 16	Isaiah 59-61	1 Thessalonians 3

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Nodratou Veikacivi Na Le Tinikarua (The Mission of The Twelve)

Thought: It Is A Challenge To Work For Yahweh, First We Need To Believe

...................................................

Serving For The 15^th October, 2009

07 ¶ Oti qai kacivi ratou na le tinikarua, qai tekivu me talai iratou yarurua, ka solia vei iratou na kaukaua me ratou lewai ira kina na yalo velavela, me ratou dau talaci ira laivi. 08 E a vakaroti ratou o Koya me ratou kakua ni kauta e dua na ka e na nodratou ilakolako, vakavo na nodratou ititoko, oya me kua na kato se na madrai, ka me kua talega na ilavo e na nodratou taga ni beleti; 09 me ratou dara ga na nodratou ivava, ia me kakua ni ratou dara tiko e rua na kote. 10 E kaya talega o Koya vei iratou, “Na vale cava ga dou curu kina, tiko e keya me yacova ni dou sa biuta na vanua oya. 11 “Ia o koya e sega ni ciqomi kemudou, se rogoci kemudou, ni dou sa biubiu mai na vanua oya, kureitaka laivi na kuvu ni soso mai na ruku ni yavamudou, me ivakatakilakila me baleti ira. Na ka dina Au kaya vei kemudou, ni na rawarawa cake vei Sotoma kei Komora na siga ni lewa, e na dredre vei ira mai na korolevu oya.

Marika 6:7-11

Ia qai kaya tale vei iratou, “Kakua ni kauta e dua na ka e na nomudou ilakolako, me kua na ititoko se na kato se na madrai se na ilavo; me kakua talega ni dou tauyarua na sote. 04 “Na vale cava ga dou curu kina, dou tiko kina me yacova ni dou sa biubiu mai keya. 05 “Ia o koya e sega ni via ciqomi kemudou, dou qai kureitaka na nuku mai yavamudou ni dou sa biubiu mai na korolevu oya, me ivakatakilakila ni nodra veisaqasaqa.

Luke 9:3-5

13 Au rawa ni cakava na veika kece, e na Nona kaukaua na Mesaia, o Koya e vakaukaua­taki au.

Filipai 4:13

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
288	October 15	Isaiah 56-58	1 Thessalonians 3

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Vosa Vakatautauvata Nei Jisu (Yahshua’s Parable)

Thoughts: Yahshua Instructs His Listeners For Their Betterment

..............................................

Serving For The 12^th October, 2009

26 ¶ Sa qai kaya vei ira o Koya, Na matanitu ni Kalou (Elohim), e vaka na tamata a tea na nona itei i na qele. 27 E na moce ka yadra e veisiga kei na veibogi, ia na soreni kau a tea e na kadre qai tubu sara; o koya e na sega ni kila na veika a yaco. 28 Baleta na qele ga, e na vakavuna me vua na kauvuata; e na buroro mada, qai tarava na sola, oti qai tawa na loma ni sola e na sorena. 29 Ia ni sa matua na vuana, sa na tamusuki e na iseletakelo, baleta na gauna ni tatamusuki sa yaco mai.

Marika 4:26-29

¶ E a tukuna vei ira e dua tale na vosa vakatautauvata ni kaya, Na matanitu vakalomalagi e tautauvata kei na tamata a kaburaka na soreni itei vinaka e na nona iteitei; 25 ia ni ra se moce tu na tamata, a qai lako yani o kena meca qai kaburaka na soreni sisanioni e na loga ni witi, ka toso laivi sara. 26 Ni sa tubu na witi me tekivu vua, a qai laurai talega mai na sisanioni. 27 Era mani lako na dauveiqaravi vua na itaukei ni iteitei, era qai kaya vua, Au saka, raica, oni a sega beka ni kaburaka na sore ni itei vinaka e na loma ni nomuni iteitei? Ia era qai tubu mai vakacava na na sisanioni? 28 Sauma vei ira o koya, Qo e cakava sara ga e dua na kequ meca. Era tarogi koya na dauveiqaravi, Oni vinakata beka me keimami cavuraki ira laivi? 29 Ia qai kaya o koya, Sega, kakua, de qai yaco ni oni cavuraka tiko na sisanioni, ni oni cavuraka talega na witi. 30 Laiva me ra tubu vata me yacova na gauna ni tatamusuki; ia e na gauna ni tatamusuki, Au na qai kaya vei ira na daunitatamusuki, Taumada, soqoni ira vata na sisanioni, vesuki ira vata vakaivau, me ra na vakamai, oti qai tamusuka na witi i na noqu lololo.

Maciu 13:24-30

Ia meda dau yalodina e na loloma, me rawa ni da tubu bulabula e na veika kece e na vukuna na Mesaia, o Koya e noda iliuliu,

Efeso 4:15

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
285	October 12	Isaiah 48-49	Colossians 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).