Sega Ni Vakamatei O Yiremeyahu (Yirmeyahu Not Killed)

Thought: All Life And Death Are The Prerogative Of YHWH!

........................... 

Serving For Yom R’vi’ii [Fifth Month] Av 3, 5773.

 MAI NA NEVI’IMI AKARONIMI (FROM THE NEVI’IM ACHRONIM)

E na tikinigauna oqo, eso vei ira na iliuliu ni vanua era a qai tucake, era qai vosa vei ira kece na tamata era sa soqo tu: 18 Mailiu e na gauna i Hizikiyahu na tui Ya'huda, o Mika mai Moresheta e a dua [vei ira] na parofita. O koya a tukuna vei ira na tamata kece mai Ya'huda, O Yahuwe ni lewevuqa (YHWH-Tzva'ot) e kaya; O Zaiyoni, e na siviyarataki sobu me vaka e dua na were; o Yerushalayimi e na yaco me bukebuke vakarusai; kei na ulunivanua ni valetabu, e na vaka na veikau e na veitikina cecere. 19 O Hizikiyahu beka, na tui Ya'huda vata kei Ya'huda taucoko, era a qai vakamatei koya? E sega vakadua. Ia o koya, [baleta ni] rerevaki Yahuwe (YHWH) a qai masuti Yahuwe (YHWH) me yalovinaka vua; o Yahuwe (YHWH) a qai vakasukaa na leqalevu a sa vakatauca oti me saqati ira. 20 E na tabana kadua, e dua tale na tamata a parofisai e na yaca i Yahuwe (YHWH), oya o Uraiyahu na luvetagane i She'ma'yahu mai Kiriyate-Ye'arimi, ni a parofisai saqata na korolevu oqo, kei na vanua oqo me tautauvata sara ga na ka e kaya tiko oqo o Yiremeyahu: 21 Ia o Yo'hoyakimi na tui vata kei ira na lewe ni nona mataivalu kei ira kece na vo nona vakailesilesi, era a rogoca na veika a kaya tiko o koya, a qai vakamatei koya kina na tui. Ia o Uraiyahu ni rogoca oqori a tuburi koya na domobula a qai dro me lako sara i Ijipita. 22 O Yo'hoyakimi na tui a qai tala eso na tamata i Ijipita; o Yilinatani na luvetagane i 'Akaboo, kei na so tale. 23 Era a lai kauti Uraiyahu mai Ijipita era qai kauti koya vei Yo'hoyakimi na tui; o koya a qai  vakamatei koya e na seleiwau, qai kolotaka na yagona i na na nodra ibulubulu na tamata tawavanua. 24 Ia na veika me baleti Yiremeyahu, o  Akikami na luvetagane i Shafani a qai vakayagata na nona kilai me vukei koya, qori a qai sega kina ni soli vei ira na tamata me ra vakamatei koya.

Yiremeyahu (Jeremaia) 26:16-24

NA IVAQA NI BULA (FOOD FOR THE SOUL)

Na dravudravua e na dau vosa vaka malumu; ia na vutuniyau e na dau vosa vakaukaua. 24 Eso na icaba era dau vakalecalecava ni ra icaba; ia na icaba dina e na kabi vakavoleka sara mai vua e dua [rau] veitacini [dina].

Mishlei (Vosa Vakaibalebale) 18:23-24

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E na ivakatagi wa ni qiriqiri. E dua na same i Dawide. 2(1) Kemuni na Kalou (Mighty One) na  noqu dauniveitokoni! Tama mai vei au niu kaci! E na gauna au a rarawa kina oni a qai vagalalataki au; ia qo, ni lomoni au mai, ka rogoca na noqu masu. 3(2) Kemuni na tamata vakaitutu, e na vakacava na dede ni nomuni latia tiko na noqu dokai, taleitaka na veika tawayaga, ka muria tiko na veika lasu?  (Selaa) 4(3) Moni kila tiko ni o Yahuwe (YHWH) e na wasei ira na tamata yalododonu e na vukuna o koya vakataki koya; o  Yahuwe (YHWH) e na rogo niu kacivi koya. 5(4) E rawa vei iko mo cudru ia kakua ga ni valavala ca! Vakasamataka oqo ni o koto no e na dela ni nomu idavodavo, oti mo qai cegu. (Selaa) 6(5)Vakacabora vakadodonu na isoro, ka biuta na nomu inuinui vei Yahuwe (YHWH).

7(6) ¶ E le levu era taroga, O cei e rawa ni vakaraitaka vei keda eso na veika vivinaka? I Yahuwe (YHWH) laveta cake na rarama ni matamuni me cila  e delai i keimami! 8(7) Oni sa vakatawana e levu na reki e vuniyaloqu, me levu cake mai na witi kei na wainivou. 9(8) Au na davo sobu meu moce e na vakacegu; baleta i Yahuwe (YHWH) o kemuni duadua ga oni cakava meu bula e na yalodei.

Tehillim (Same) 4:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 291 in 5773 (Total 2018)	July 10, 2013
Reading	Hebrew Date
Yesha’yahu (Isaiah) 7-8	M #5: Av 3, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Me Vakamatei O Yiremeyahu Na Parofita (Kill Yirmeyahu The Prophet)

Thought: The Messages Of YHWH Are Normally Unpalatable To Ordinary Minds!

 ..........................

Serving For Yom Shlishi [Fifth Month] Av 2, 5773.

 MAI NA NEVI’IMI AKARONIMI (FROM THE NEVI’IM ACHRONIM)

E na ivakatekivu ni veiliutaki vakatui i Yo'hoyakimi, na tui Ya'huda, na luvetagane i Yoshaiyahu; na vosa oqo a rogo mai vei Yahuwe (YHWH): 2 E kaya o Yahuwe (YHWH); Tucake tu e na lomanibai ni vale i Yahuwe (YHWH), qai vosa vei ira na tamata kece mai na veikorolevu e Ya'huda, era lako mai me ra mai sokalou e na vale i Yahuwe (YHWH); kaya vei ira na vosa kece au a vakarota mo kaya vei ira, kakua ni calata e dua na vosa; 3 De dua era na qai vakarorogo, era qai saumaki na tamata yadua mai na nona itovo ca, me rawa kina niu tarova na leqa levu au sa nakita tiko meu na cakava vei ira, baleta na vakasisila ni nodra  ivalavala. 4 Qori mo kaya kina vei ira, ni oqo na veika e kaya o Yahuwe (YHWH): Kevaka oni sega ni via vakarorogo vei au, moni bula muria na noqu Toraa, au sa solia oti vei kemuni,  5 Moni qai galele i na nodra vosa na noqu dauniveiqaravi era parofita, o ira au talai ira tiko yani vei kemuni, ia mo qai kaya Au sa talai ira tiko yani vakawasoma ia oni sega tikoga ni vakarorogo; 6 Ia au na cakava na vale qo me vakataki Shailo, au na qai cakava na korolevu oqo me dua na ka me vatonaki (cursed) vei ira kece na veimatanitu e vuravura.

7 ¶ O ira na kohanimi, na parofita kei ira kece na tamata era a rogoci Yiremeyahu ni kaya tiko na veivosa oqo e na loma ni vale i Yahuwe (YHWH). 8 E na gauna sa tinia kina o Yiremeyahu na vosa kece a vakarota vua o Yahuwe (YHWH) me mai vakasavuya vei ira na tamata kecekece, o ira na kohanimi na parofita kei ira kece na tamata era qai vesuki koya, ni ra kailavaka tiko, O na mate e na vuku ni ka oqo!  9 Na cava na vuna o mai parofisai tiko kina e na yaca i Yahuwe (YHWH), Ni vale oqo e na tautauvata kei Shailo, oti o qai kaya Na korolevu oqo e na laladidi, ka na yaco me rusa ka sega ni tawani? O ira na tamata kece era qai sosovi Yiremeyahu kece, e na loma ni vale i Yahuwe (YHWH). 10 Ni ra rogoca oqori o ira na vakailesilesi e Ya'huda era qai lako cake mai i na vale ni tui, i na vale i Yahuwe (YHWH), era qai lai toka sobu e na icurucuru i na Matamata Vou ni vale i Yahuwe (YHWH). 11 O ira na kohanimi kei ira na parofita era qai kaya vei ira na vakailesilesi kei ira kece na tamata, Na tamata oqo e dodonu me totogimate; baleta o koya  e sa mai parofisai saqata na korolevu oqo; o kemuni oni a rogoca [vinaka] e daligamuni. 12 A qai vosa o Yiremeyahu vei ira na vakailesilesi kei ira na tamata, O Yahuwe (YHWH) e a talai au dina mai, meu mai parofisai saqata na vale oqo vata kei na korolevu oqo, e na vosa kece oni sa rogoca oti. 13 O koya oya moni vakavinakataka cake  kina na nomuni itovo kei na nomuni ivukivuki; ka rogoca na domo i Yahuwe (YHWH) na nomuni  Kalou (Mighty One); qori ga e na qai tarova kina o Yahuwe (YHWH) na ca sa vakatulewataka oti me baleti kemuni. 14 Ia o au, raica, au sa tu qo e ligamuni; cakava sara vei au na ka oni nanuma ni dodonu ka kilikili vei kemuni. 15 Ia moni kila tiko, kevaka oni  biuti au meu vakamatei, qori oni na kauta mai kina vei kemuni moni colata na vakadavei ni dra tawacala ka vaka kina i na korolevu oqo, kei ira kece na kena ivakatawa; baleta e kena dina ga ni o Yahuwe (YHWH) a talai au mai vei kemuni, meu mai kaya vei kemuni na vosa oqo, moni rawa ni rogoca.

Yiremeyahu (Jeremaia) 26:1-15

NA IVAQA NI BULA (FOOD FOR THE SOUL)

O koya e kunea e dua me watina [yalewa], e kunea e dua na ka vinaka, o koya [qori] e sa rawata na loloma mai vei Yahuwe (YHWH).

Mishlei (Vosa Vakaibalebale) 18:22

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same i Dawide e na gauna a dro kina mai vei Avishalome na luvena tagane. 2(1) I Yahuwe (YHWH), era le vica tu mada ga o ira na kequ meca? Era sega ni wili rawa o ira era valuti i au tiko; 3(2) Era sega ni wili rawa o ira era kaya tiko me baleti au, E na sega ni dua na nona vakabulai mai vua na Kalou (Mighty One). (Selaa) 4(3) Ia o kemuni, i Yahuwe (YHWH) oni dua na isasabai vei au, oni noqu dokai, oni dau tabeya cake sara na uluqu. 5(4) E na domoqu, au kaci yani vei Yahuwe (YHWH) o koya e qai tama (maivei au) mai na nona delana  tabu. 6(5) Au davo sobu au qai moce; oti au qai yadra cake tale; baleta o Yahuwe (YHWH) e tabei au tiko. 7(6) Au sega ni domobulataki ira na tini na udolu vakaudolu era tuvaivalu vakavolivoliti au, mai na veiyasana. 8(7) Matacake, i Yahuwe (YHWH)! Vueti au, noqu Kalou (Mighty One)! Baleta o kemuni oni na sabalaki ira kece na kequ meca e matadra, oni qai vorolaka na batidra o ira na ca. 9(8) Na qaqa e vure mai vei Yahuwe (YHWH); laiva na nomuni kalougata me sobuti ira na nomu tamata. (Selaa)

Tehillim (Same) 3:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 290 in 5773 (Total 2018)	July 9, 2013
Reading	Hebrew Date
Yesha’yahu (Isaiah) 5-6	M #5: Av 2, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.  May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.