Na Vakamamasu Momona Nei Jiuta (Stirring Appeal By Y’hudah)

Thought: When Our Lives Become Difficult; Remain Cool and Decide Well

 ......................

Serving For Yom Rishon Tevet 27, 5772

MAI NA TORAA (FROM THE TORAH)

Sa qai toso volekati koya o Ya'huda qai kaya, Au vakamamasu vei kemuni, isa noqu turaga, laiva na nomuni dauniveiqaravi me cavuta mada e vica na mala ni vosa e matamuni, noqu turaga, laiva na nomuni leva waromisa me kakua ni tau vua na nomuni dauniveiqaravi;  baleta o kemuni oni tautauvata kei Fero. 19 O kemuni na noqu turaga oni a tarogi ratou na nomuni dauniveiqaravi ni oni kaya, E tiko beka na tamamudou se tacimudou?. 20 Keitou a qai kaya vua na noqu turaga, E tiko na tama i keitou, sa kena qase sara, ka dua tiko na luvena gone, na luvena e na gauna sa qai qase tu kina; o tuakana sa mate, o koya duadua ga na luve i tinadrau sa vo tiko, o tamana e dau lomani koya vakalevu. 21 Oti oni qai kaya vei iratou na nomuni dauniveiqaravi, Kauti koya sobu mai vei au, meu mai raici koya e mataqu. 22 Keitou a kaya vua na noqu turaga, Na gonetagane e na sega ni rawa ni biuti tamana; baleta ke biuti tamana, o tamana sa na mate. 23 O kemuni oni a qai kaya vei iratou na nomuni dauniveiqaravi, Vakavo ga ke lako mai vata kei kemudou o tacimudou gone duadua, o kemudou mo dou kakua ni raica tale na mataqu. 24 Ni keitou sa lesu vua na nomuni dauniveiqaravi na tama i keitou, keitou a vakasavuya vua na nomuni itukutuku na noqu turaga. 25 Na nomuni dauniveiqaravi na tama i keitou, a qai kaya vei keitou, Dou lesu tale, dou lai volia tale mai vakalailai na witi. 26 Keitou kaya vua na tama i keitou, Keitou sa na sega ni rawa ni lako sobu; kevaka ga e lako vata kei keitou na taci i keitou gone duadua, keitou na qai rawa ni lako sobu; baleta keitou na sega ni raica rawa tale na mata ni tamata oya vakavo ga ke lako vata kei keitou na taci i keitou gone duadua. 27 Qori sa qai kaya kina vei keitou na nomuni dauniveiqaravi na tama i keitou, Dou kila vinaka ni o watiqu a vakasucuma e rua na luvequtagane. 28 E dua vei rau sa biuti au oti, au a qai kaya, Sa dina beka ga ni a vakamatei; baleta au sega tale ni bau raici koya mai na gauna sara oya. 29 Ia qo, dou sa via kauti koya tale oqo mai vei au, ia ke mani yaco vua e dua na vakacalaka,  o kemudou dou sa na dreta sobu na uluqu sikoa, i She’ola, e na vutugu. 30 Ia qo, kevaka me keitou lesu vua na nomuni dauniveiqaravi na tama i keitou, qai raica o koya ni sa sega ni tiko vata kei keitou na gonetagane; vakasamataka, baleta na nona dau vakamareqeta na nona bula, me vaka sara ga e nona bula ga o koya vakataki koya;  31 Sa na yaco dina ga, ni raica ga o koya ni sa sega ni lesu yani vata kei keitou na gone, sa na mate dina ga; o keitou na nomuni dauniveiqaravi, keitou sa na dreta sobu na ulu sikoa i nomuni dauniveiqaravi, na tama i keitou i She’ola e na vutugu. 32 O au na nomuni dauniveiqaravi au ivakadei ni gonetagane oqo vua na tama i keitou, niu a kaya, Kevaka au sega ni kauti koya lesu mai vei kemuni, ia au sa na cala tiko e mata i tamaqu me tawamudu. 33 Baleta na ituvatuva qo, laiva na nomuni dauniveiqaravi me tiko mai eke, meu sosomitaka na Gonetagane, meu nomuni dauniveiqaravi, laiva na gonetagane me lesu cake tale vata kei iratou na tuakana. 34 Se meu lako cake rawa li vakacava vei tamaqu, ni sa sega ni tiko vata kei au na gonetagane? De na qai lakolako au qai raica na leqa levu e na yaco vei tamaqu.

Na iVakatekivu (B’resheet) 44:18-34

NA IVAQA NI BULA (FOOD FOR THE SOUL)

Au sa vakavulica tiko vei iko na ivukivuki ni vuku; Au sa tuberi iko tiko e na sala dodonu. 12 Ni o sa lako, na nomu ikakalawa e na sega ni tataivatia; ia ni o sa cici, o na sega ni tacaqe. 13 Qumia matua tiko na noqu ivakavuvuli, kakua ni vakanadakui koya; taqomaki koya baleta o koya e nomu bula.

Vosa Vakaibalebale (Mishlei) 4:11-13

LOMANI YAHUWE NA NOMU KALOU (LOVE YHWH YOUR MIGHTY ONE)

Au na cemuri ira na kequ meca, kau na toboki ira; au na sega ni vuki tale me yacova niu sa vakawabokotaki ira. 38 Au na mokuti ira me ra kakua ni tucake rawa tale; era na bale sobu i ruku ni yavaqu.  39 Baleta oni sa vauca na toloqu e na kaukaua, e na vukuni ivalu: oni sa vakamalumalumutaki ira e rukuqu, o ira era a tu mai me ra saqati au. 40 Oni vakadrukai ira na kequ meca e mataqu, me ra vagalui kina o ira era cati au; 41 Era na tagi, ia e na sega ni dua me vueti ira; era qai vakamamasu vei Yahuwe (YHWH, ia qai sega ga ni vosa vei ira o koya. 42 Au na qai vurumemeataki ira me ra matailalai me vaka na kuvunisoso e na matanicagi: Au na kalawaci ira me vaka na dabibi e na veisaqata ni gaunisala 43 Oni vueti au mai na nodra vakatulewa na tamata; oni na cakava meu iliuliu vei ira na tamata; e dua na kawatamata au se sega ni bau kilai ira era na mai veiqaravi vei au. 44 E na gauna ga era rogoci au kina, era na talairawarawa vei au: o ira mada ga na kaitani era na vakarorogo vei au. 45 O ira na kaitani era na tu vakadua, ka vakataotaki na nodra itosotoso e nodra gaunisala. 46 O Yahuwe (YHWH) e bula; me vakacaucautaki o koya e solia vei au na noqu kaukaua; laiva na noqu Kalou (Mighty One) na noqu ivakabula me vakacerecerei. 47 O Yahuwe (YHWH) ga e veisausaumi e na vukuqu ka vakamalumalumutaki ira na tamata era vakarorogo e rukuqu. 48 E vakabulai au o koya maivei ira na kequ meca; lo, oni laveti au cake e deladra era tu mai me ra valuti au; oni qai vueti au maivua na tamata dau vorolawa: 49 O koya oya au na vakavinavinaka kina vei kemuni, i Yahuwe (YHWH) e na kedra maliwa na veivanua, au na vakamolimoli e na vukuni yacamuni. 50 Na veivueti vakavakaitamera e dau solia o koya vei ira na nona tui; ka vakaraitaka na yalololoma vei ira na nona lumuti; vei Dawide kei ira na nona kawa me tawamudu.

Same (Tehellim) 18:37-50

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
022 Blog No. 1482	January 22, 2012.
Reading	Hebrew Date
Na iLakolako (Sh’mot) 1-3	Tevet 27, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Voli Witi Mai Ijipita (Buying Wheat In Egypt)

Thought:  Our Past Often Inexplicably Catch Up With Us.

 .......................

Serving For Shabbat Tevet 26, 5772

MAI NA TORAA (FROM THE TORAH)

E na ikatolu ni siga, sa qai kaya vei iratou o Yosefa, Dou cakava qo mo dou bula; o au, au dau sokalou vei Yahuwe; 19 Ke dou tamata vakarokoroko, ia laiva me dua vei kemudou na veitacini me vesu tiko mai e valenivesu; o kemudou na kena vo, mo dou lako ka kauta na witi me kedra na walokai e na nomudou matavuvale. 20 Ia me kau lesu mai vei au na tacimudou gone duadua; me rawa ni vakadinadinataka na nomudou vosa, dou na qai sega ni vakamatei. E ratou sa mani cakava vaka kina. 21 Eratou veivosaki vakataki ratou ni ratou kaya, Sa dina ga ni tou a cala e na ka tou a cakava vua na tacidatou, baleta tou a raica vinaka sara tu ga na vutugu ni nona bula (soul) e na gauna a vakamamasu tiko kina vei kedatou, ia tou qai sega sara ga ni via rogoci koya; qo sa qai mai sauti kedatou tu kina na kena leqa. 22 Vosa cake o Ru'veni, me kaya vei iratou, Au a sega beka ni kaya vei kemudou, Kakua ni caka cala vua na gonetagane; ia dou a sega ni via vakarorogo! Ia qo sa tarogi mai na nona dra. 23 Eratou a sega tiko ni kila ni o Yosefa a kila vinaka tiko na ka eratou kaya tiko; baleta a vakayagataka tiko o koya e dua na dau ni vakadewa vosa e na gauna e vosa tiko kina vei iratou. 24 A vuki o koya ka lako vakatikitiki mai vei iratou, me lai tagi; oti qai lesu tale mai vei iratou me ratou mai veivosaki; oti sa qai kauti Shimi'oni mai vei iratou, qai lai biuti koya e vale ni veivesu ni ratou rai kece tu.  25 Oti sa qai vakarota o Yosefa me vakasinaiti na nodratou dui taga e na witi, ka me vakasukai na nodratou dui ilavo, na tamata yadua, e na nodratou dui taga, ka me soli talega na kedratou ivaqa e na nodratou ilakolako lesu; era a qai cakava vaka kina vei iratou. 26 Eratou sa qai vakavodoka na kedratou dui taga witi e na nodratou dui asa, ratou sa qai biubiu. 27 Ia e dua vei iratou a sereka na nona taga me vakania na nona asa, e na nodratou icili, qai raica na nona ilavo e na gusu ni nona taga. 28 E kaya vei iratou na mataveitacini, Na noqu ilavo sa vakasukai tale tu mai; e toka ga e na gusu ni noqu taga. A tubu na vuka ni vuniyalodratou; eratou a kidroa, eratou sa qai veiraici tu mada; eratou qai kaya, Na cava tale qo sa cakava vei kedatou o Yahuwe (YHWH).

Na iVakatekivu (B’resheet) 42:18-28

NA IVAQA NI BULA (FOOD FOR THE SOUL)

Na vuku e imadamada; o koya oya mo rawata mai kina na vuku; qai vakayagataka na kece e tu vei iko mo rawata mai kina na yalomatua. 8 Taleitaki koya, o koya e na qai vakacerecerei iko; mokoti koya toka, o koya e na vakarokorokotaki iko. 9 O koya e na biuta e ulumu e dua na iukuuku mo na dau tovaki; e dua na isalavakatui ni dokai, e na tokara vei iko.10 Rogoca, i luvequtagane, ka ciqoma  na noqu vosa; na yabaki ni nomu bula e na qai balavu.

Vosa Vakaibalebale (Mishlei) 4:7-10

LOMANI YAHUWE NA NOMU KALOU (LOVE YHWH YOUR MIGHTY ONE)

E a talatala mai cake o koya, tauri au ka vueti au mai wai levu. 17 A vakabulai au mai na kequ meca kaukaua, ka vaka kina mai vei ira era cati au baleta era rui kaukaua vei au.18 Era a liu vei au e na siga ni noqu rarawa; ia o Yahuwe (YHWH) a vueti au. 19 Qai kauti au i na vakacegu; e a vueti au baleta ni taleitaki au.

20 ¶ E vakaicovitaki au o Yahuwe (YHWH) e na vuku ni noqu yalododonu; baleta ni savasava na ligaqu, qori qai sauma lesu vei au. 21 Ka niu dau bulamuria na sala i Yahuwe (YHWH), au sega ni bau vakavunene meu saqata na noqu Kalou (Mighty One). 22 Baleta na nona lewa kecekece era tu e mataqu, na nona lawa au sega ni bau kauta laivi mai vei au. 23 Au tawacala e matana, au qaqarauni meu taqomaki au mai na ivalavala ca. 24 Qori a qai vakaicovitaki au kina o Yahuwe (YHWH) me veiraurau kei na noqu ivalavala dodonu vata kei na savasava ni ligaqu e matana. 25 E na kedra maliwa na savasava vakaoti, o iko o na savasava vakaoti; ni o tiko kei na tamata vinaka o na tini vinaka talega; 26 Vata kei ira era savasava o na savasava; o na dau vuki laivi mai vei ira era yaloveve. 27 Baleta oni na vakabulai ira na tamata era vakararawataki tu; ia o na vakamalumalutaki ira na viavialevu. 28 Baleta oni na vakawaqaca na noqu icina; o Yahuwe (YHWH) na noqu Kalou (Mighty One) e na vakararamataka na noqu butobuto. 29 Baleti kemuni, au a cemuri ira rawa kina e dua na ilala daukovekove; e na vukuni Kalou (Mighty One) au a ladeva rawa kina na bai. 30 Ia na Kalou (Mighty One), na nona sala e daumaka vakaoti, na vosa i Yahuwe (YHWH) e savasava vakaoti, o koya e dau vukei ira kece era vakanuinui yani vua. 31 Se o cei tale na Kalou (Mighty One) vakavo ga o Yahuwe (YHWH); e sega tale ni dua e cecere cake mai vua na Kalou (Mighty One). 32 O Yahuwe (Yah) ga a vauca na toloqu e na kaukaua, ka cakava me daumaka vakaoti na noqu sala. 33 E cakava na yavaqu me vaka na yava ni me kila, qai vakaturi i au e na vei vanua cecere. 34 E vakavulica na ligaqu me rawa ni vala; qai vakaukauataka na ligaqu me vaka na dakaititi barasa. 35 Oni sa solia talega vei au na isasabai ni veivueti; na ligamuni imatau sa tabei i au cake tu, na nomuni yalomatua sa vakavuna meu vakaitamera. 36 Oni vakataudeitaka na yavaqu e rukuqu, me kakua ni gogo na noqu qurulasawa.

Same (Tehellim) 18:16-36

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
021 Blog No. 1481	January 21, 2012.
Reading	Hebrew Date
Na iVakatekivu (B’resheet) 49-50	Tevet 26, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Yosefa Kei Na Tadra Nei Fero (Yosef and The Dream By Pharoah)

Thought: Notice That YHWH Made The Difference All The Time.

 .........................

Serving For Yom Shishi Tevet 25, 5772

MAI NA TORAA (FROM THE TORAH)

Kaya o Fero vei Yosefa, E na noqu tadra au a duri tu e na yasa ni uciwai.18 Ia raica, ni a qai cabe cake mai uciwai e vitu na bulumakau, yago vinaka ka levulevu; era qai mai kana voli e veico; 19 Au qai raica, e vitu tale na bulumakau carukaica ka lilawaso. Au sebera ni bau raica vakadua eso na bulumakau carukaica me vakataki ira qo e Ijipita. 20 Na bulumakau carukaica, lilawaso qo era qai kania na bulumakau levulevu e vitu era a liu mai.

21 Ia ni ra sa kania oti, e a sega ga ni vakatakilaga ni ra se qai kani i ira oti ga; baleta era se carukaica tu ga me vaka e na kena ivakatekivu. Au qai yadra.

22 Oti au qai raica tale e na noqu tadra, niu raica ni tubu tu e vitu na soIa ni sila e na dua na tabana, qo e lelevu ka maleka. 23 Au qai raica, e vitu tale na sola lila ka tauvi mate tu mai na cagi katakata ni vuaicake ni tubu mai vakasauri:  24 Na sola lila a qai tiloma na sola maleka e vitu: Au a tukuna qo vei ira na daucakamana; ia e sega ni dua e vakadewataka rawa vei au. 25 Kaya o Yosefa vei Fero, Na tadra nei Fero e dua ga; o Yahuwe (YHWH) e vakaraitaka tiko vei Fero na veika sa na vakarau vakayacora o koya. 26 Na bulumakau levulevu e vitu, qori e vitu na yabaki, kei na sola vinaka e vitu qori talega e vitu na yabaki: na tadra e dua ga. 27 Na bulumakau lilawaso ka carukaica e vitu era a muri cake mai, qori e vitu talega na yabaki; kei na sola e vitu, lila ka tauvi mate mai na cagi katakata ni vuaicake, qori e vitu na yabaki ni dausiga. 28 Na veika au kaya tiko qo vei Fero; qori sara ga na veika sa vakarau cakava o Yahuwe (YHWH), ka sa mai vakatakila rawa qo vei Fero. 29 Raica, sa toso tiko mai qo e vitu na yabaki ni sautu vakaitamera e na loma ni vanua kece o Ijipita; 30 Ia e na qai muria mai e vitu na yabaki ni lauqa; na sautu sa na guilecavi e na vanua o Ijipita; na dausiga e na kania vakadua na vanua; 31 Na sautu sa na sega ni nanumi e na vanua baleta na waromisa ni dausiga e muria tiko mai; baleta sa na waromisa dina sara ga. 32 Na vuna a tokoruataki kina na tadra vei Fero, baleta ni sa vakarautaka oti tu o Yahuwe (YHWH), ka na totolo ga na nona cakava me yaco, o Yahuwe (YHWH).

33 ¶ O koya oya, laivi Fero me vaqara e dua na tamata dau lewa matau ka vuku, qai lesi i koya me mai veiliutaki e na vanua o Ijipita.  34 Laivi Fero me cakava oqori, qai laivi koya me lesi i ira na vakailesilesi e Ijipita raraba me ra dau kumuna na ikalima (20%) ni tatamusuki mai Ijipita raraba e na loma ni vitu na yabaki ni sautu. 35 Laiva me ra kumuna vata na witi (grain) e na loma ni vitu na yabaki vinaka sa roro tiko mai, me mai soqoni vata na vuata e na ruku ni nona lewa o Fero, ia me ra maroroi tiko e na loma ni veitauni. 36 Laiva na kakana me maroroi tu e na vuku ni vanua, ni namaki tiko na vitu na yabaki ni dausiga e na vakarau tarai Ijipita; me kakua ni leqa na vanua e na gauna ni dausiga.37 Qo a rairai totoka e na mata i  Fero, ka vaka kina vei ira kece na nona dauniveiqaravi. 38 Kaya o Fero vei ira na nona tamata,  Eda na kunea rawa beka mai vei e dua na tamata vakaoqo, e tiko vua na icegu i Yahuwe (YHWH)? 39 Oti qai kaya o Fero vei Yosefa, Baleta ni sa vakatakila vei iko na veika kece oqo o Yahuwe (YHWH), sa na sega ga ni dua  e yalomatua ka vuku cake me vakataki iko:

Na iVakatekivu (B’resheet) 41:17-39

NA IVAQA NI BULA (FOOD FOR THE SOUL)

ROGOCA, kemuni na noqu lalai, na ivakasala ni dua na tama, ka vakatudaliga i na kilaka kei na yalomatua. 2 Baleta niu solia vei kemuni na ivakavuvuli vivinaka, kakua ni vakanadakuya na noqu ivakavuvuli. 3 Baleta o au talega au a luvetagane i tamaqu, vakamareqeti ka vakatuburi ledua e na rai nei tinaqu. 4 O koya talega e a vakavulici au, qai  kaya vei au, Laiva na vuniyalomu me taura matua na noqu vosa; bulamuria na noqu ivakaro mo bula; ka laiva na noqu lawa me vaka era yaloka ni matamu 5 Rawata na vuku, rawata na yalomatua; kakua ni saumaki tani mai na veivosa ni gusuqu. 6 Kakua ni vakanadakui koya, o koya e na qai maroroi iko; lomani koya, o koya e na qai vueti iko.

Vosa Vakaibalebale (Mishlei) 4:1-6

LOMANI YAHUWE NA NOMU KALOU (LOVE YHWH YOUR MIGHTY ONE)

Au na lomani kemuni i Yahuwe (YHWH), na noqu kaukaua ka noqu inuinui. 2 E noqu itataqomaki ka noqu idrodro o Yahuwe (YHWH), o koya au dau nuitaka; o koya e noqu dauniveivukei, na noqu isasabai ka noqu i vunivuni cecere  3 Au na dau kacivi Yahuwe (YHWH), qori au na vueti kina mai vei ira na kequ meca. 4 Baleta na vutugu ni mate sa wavolivoliti au, na nodra toso totolo na tamata ca sa vakasesei au. 5 Na kena domobula o She'ola sa tarai au; na tudai ni mate sa mai liu vei au. 6 E na noqu veilecayaki, au qai kaci kina vei Yahuwe (YHWH) meu tagi vua na noqu Kalou (Mighty One); e rogoca na domoqu mai na nona Valetabu, na noqu tagi a basika cake e matana, me rogoca e daligana. 7 Oti qai sakure na vuravura ka sautaninini; na yavu talega ni veiulunivanua era qai yavavala ka sasakurekure baleta ni sa cudru.  8 A qai tubu cake na kubou ni nona cudru, ka caudre na yamenibuka mai matana qai lai kama kina na koala. 9 E lovea na lomalagi qai sobu mai; na buto loaloa a no e ruku ni yavana. 10 E vodoka mai e dua na ke’ruvi qai vuka; io e a vakatubutubu o koya e na taba ni cagi. 11 E a cakava o koya na butobuto me nona ivunivuni; ka cakava me nona valelaca na butobuto ni wai kei na o vavaku mai lomalagi era vakavolivoliti koya 12 Mai na ramase ni nona iyaloyalo, na nona o e a tauca na uca qereqere kei na qilaiso waqawaqa.13 O Yahuwe (YHWH) e vakavuna me lutu na kurukuru mai lomalagi, o koya e cecere sara a solia na domo ni uca qereqere kei na qilaiso waqawaqa. 14 Io e a tala yani na nona gasau ni dakaititi o koya, qai vakatubutaki ira; e vakalevutaka na tibi ni yaseyase ka vakidroataki ira. 15 Qai la la na drekeniwai, na yavu kei vuravura era a votu ni oni vunauca i Yahuwe (YHWH), ni liwa na icegu ni nomuni cudru.

Same (Tehellim) 18:1-15

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
020 Blog No. 1480	January 20, 2012.
Reading	Hebrew Date
Na iVakatekivu (B’resheet) 46-48	Tevet 25, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Wedevi Yosefa Na Wati I Potifa (Potifar’s Wife Seduces Yosef)

Thought: Resisting, For The Sake Of Righteousness Has Its Price And Prize

............................. 

Serving For Yom Chamishi Tevet 24, 5772

MAI NA TORAA (FROM THE TORAH)

O Yosefa a kau sobu i Ijipita; o Potifa, e dua na vakailesilesi nei Fero, na nodra iliuliu na matayadra, e dua na kai Ijipita, a voli i koya mai vei ira na kai Arabea era a kauti koya sobu mai i keya. 2 O Yahuwe (YHWH), a tiko vata kei Yosefa, a qai yaco me tamata vutuniyau e na loma ni nona vale na nona turaga (master) na kai Ijipita. 3 Na nona turaga a raica ni tiko vata kei koya o Yahuwe (YHWH), ka dau cakava o Yahuwe (YHWH) me kalougata na veika kece e dau vakayacori e na ruku ni ligana. 4 O Yosefa a kune loloma e matana ka dau qaravi koya; qai lesi i koya me dau vakatulewa e loma ni nona vale; na ka kece e taukena o koya, e biuta o koya e ruku ni ligana. 5 A qai yaco mai na siga a lesi i koya kina me daunivakatulewa e loma ni nona vale, vata kei na ka kecekece e taukena, ni a vakalougatataka na nona vale na kai Ijipita, e na vuku i Yosefa; na veivakalougatataki i Yahuwe (YHWH) a tau e na veika kece e taukena, ruarua e loma ni vale ka vaka kina e loma ni iteitei. 6 E a biuta sara tu ga vakatabakidua na veika kece me lewa o Yosefa; a sega tale ni kila o koya na veika e taukena, vakavo ga na kakana e dau kania. O Yosefa e rairai totoka vakaoti ka saweka ni laurai. 7 A qai yaco ni oti na veika oqo, ni a wedevi Yosefa vakalevu na watiyalewa i nona turaga; qai kaya kina vua, Mai moce vata kei au! 8 A sega ni vakadonuya o koya, oti qai kaya vua na watiyalewa i nona turaga, Raica, na noqu turaga e sega ni kila na veika e nona e loma ni vale oqo, baleta ni sa biuta tu o koya na veika kecekece i na noqu lewa.9 E sega tale ni dua e cecere cake vei au e loma ni vale qo, ka sega talega ni bureitaka mai vei au e dua na ka, vakavo ga o iko, baleta o iko na watina; e na rawa vakacava vei au meu kitaka na ivukivuki vakasisila oqo; meu valavala ca kina e na mata i Yahuwe (YHWH)? 10 Ia na ka a qai yaco, ni o koya a sega ni cegu na nona vosaki Yosefa tiko e veiveisiga, ia o koya a sega ga ni vakarorogo vua, a bese vakadua ni via moce vata kei koya ka sega mada ga ni via tu vakavolivoliti koya. 11 Ia qai yaco e na dua na siga ni curu i loma ni vale o Yosefa me lai cakava na nona itavi cakacaka; ni sega tale ni dua vei ira na tagane ni lomanivale, e tiko e loma ni vale. 12 A qai vesuki koya na yalewa, ni dreta na nona isulu, qai kaya vua, mai moce vata kei au, ia qai luvata laivi yani na nona isulu, me biuta tu yani i ligana o Yosefa, me dro, ka cici sara i gaunisala levu.

13 ¶ E na gauna e raica kina o koya ni  biuta tu mai ligana na nona isulu, me dro i gaunisala levu; 14 A qai kacivi ira na tagane ni lomanivale qai kaya vei ira, Raica a kauta mai vei keda o koya e dua na dauniveiqaravi Hiberiu me mai vakarogorogocataki keda; a curumi au yani me lai moce vata kei au, au qai kaikaila e na domolevu; 15 Ni rogoca o koya niu sa laveta na domoqu meu tabalaka na kaikaila, a qai biuta tu mai vei au na nona isulu, qai dro, me cici sara i gaunisala levu. 16 A maroroya tiko ga na nona isulu e yasana me yacova ni yaco yani i vale na nona turaga. 17 A qai tukutuku vua o koya vakaoqo, ni kaya, Na dauniveiqaravi Hiberiu o a kauta mai vei kedatou, a lako mai me mai vakarogorogocataki au. 18 Ia niu sa laveta na domoqu meu tabalaka na kaikaila, a qai biuta tu mai na nona isulu e ligaqu, qai dro, vakadua sara i gaunisalalevu.

Na iVakatekivu (B’resheet) 39:1-20

NA IVAQA NI BULA (FOOD FOR THE SOUL)

Na vatovato (curses) i Yahuwe (YHWH) e tiko e na nodra vale na vakasisili; ia e vakalougatataka na nodra itikotiko na  yalododonu 34 E ka dina ni sevaki ira na dau veivakalialiai; ia e dau valovinaka vei ira na vuku. 35 Na tamata vuku era na taukena na vakarokoroko; ia o ira na lialia era na ciqoma na veivakamaduataki.

Vosa Vakaibalebale (Mishlei) 3:33-35

LOMANI YAHUWE NA NOMU KALOU (LOVE YHWH YOUR MIGHTY ONE)

Rogoca i Yahuwe (YHWH) tabu ka vakananuya na noqu vakatakekere; vakatudaliga i na noqu masu, baleta e sega ni rogo tiko yani mai na dua na tebenigusu dauveidabui. 2 Laiva na noqu vakatulewa me lako ga mai matamuni; laiva na matamuni me raica na veika era dodonu. 3 Oni sa vakatovolea oti na vuniyaloqu; oni sa mai sikovi au oti e na bogi; oni sa vakatovolei au, oni qai sega ni kunea na ivalavala ca vei au; e sega ni dua na ka e curu tani tiko mai gusuqu, e kune kina na cakacaka ni veidabui vakatamata. 4 Mai na veivosaki ni tebenigusuqu, oni  dau taqomaki au kina mai na sala ni valavala ca. 5 Oni vakaukauataka na noqu muria tiko na nomuni ilakolako, me kakua ni tarabe na noqu ikalawa. 6 Au kacivi kemuni, baleta oni a rogoci au; kemuni na Kalou (Mighty One), ni vakala mai na daligamuni vei au ka rogoca na noqu vosa. 7 Cakava kemuni na Ledua tabu me veivakurabuitaki ka me ivakabula vei ira era vakararavi vei kemuni; ka laivi koya me rawai ira era tu me ra saqata na ligamuni imatau.

8 ¶ Maroroi au me vaka na yapolo ni yalokanimata; taqomaki au e na iyaloyalo ni tabamuni; 9 Mai vei ira na dau valavala ca era mai valuti au kei ira na meca ni noqu bula era tu vakavolivoliti au.10 Vagaluya na gusudra, baleta era cavuta tiko na vosa ni qaciqacia. 11 Era a vakacaucautaki au ia qo era sa tu vakavolivoliti au; era sa nakita mai me ra mai biuti au sobu i loma ni qele.12 Era vaka na laione e via vakasasa, se vaka na luve ni laione sa vakasasa tiko e na veiyasana vuni. 13 Mata cake mai i Yahuwe (YHWH), vakamalumalumutaki ira; kolotaki ira sobu, vueta na noqu bula mai vei ira na ca, ka vaka kina mai na seleiwau. 14 Mai vei ira na mate, era a mate e na ligamuni i Yahuwe (YHWH); mai vei ira na mate tu e loma ni ibulubulu, wasea na nodra iyau e kedra maliwa na bula; vakasinaita na ketedra e na nomuni iyau, me rawa ni ra vakacegui o ira na luvedra, oti qai tiko tale na kena vo, e na vukudra na nodra dui lalai. 15 Ia o au, au na raica na matamuni e na yalododonu; meu na qai vakacegui kina, niu sa raici kemuni e na matanavotu.

Same (Tehellim) 17:1-15

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
019 Blog No. 1479	January 19, 2012.
Reading	Hebrew Date
Na iVakatekivu (B’resheet) 44-45	Tevet 24, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Dua Tale Na Qase Yalodina (Anohter Faithful Patriarch)

Thought: It Is A Trial, When We Move Contrary To Yahweh’s Will

 ....................

Serving For Yom Shlee-shee, Shevat 19, 5771

Sa qai lesu i Ijipita o Yosefa, o koya, kei ira na tacina, kei ira kece era a lako vata cake kei koya me ra lai buluti tamana, ni yaco oti na veibulu vei tamana.

15 ¶ Ia ni ratou sa kilakasamata na tuakai Yosefa ni sa mate o tamadratou, eratou qai taqaya ni ratou kaya, E na rawa vei Yosefa me vakamavoataki kedatou; de dua e na vinakata o koya me tou sauma na ka ca kecekece tou a vakayacora vua. 16 Eratou mani lako vei Yosefa, ratou qai kaya vua, O tamamuni, e a vakarota ni se bula tiko, ni kaya, 17 Qo na ka mo dou na kaya vei Yosefa, Vosoti keitou, keitou masuti iko, e na vuku ni nodratou cala na tuakamu vata kei na nodratou ivalavala ca; baleta ratou a vakayacora na ivakarau veibeci vei iko; ia qo vosota na nodratou ivalavala ca na Nona dauniveiqaravi na Kalou (Mighty One) nei tamamu. A qai tagi o Yosefa ni ratou vosa vakaoqori vua.  18 Eratou qai torovi koya na tuakana, ratou qai lutu sobu vua; ratou qai kaya, Raica o keitou na nomu dauniveiqaravi. 19 Kaya vei iratou o Yosefa, Dou kakua ni taqaya: baleta o au talega e dua na dauniveiqaravi ni Kalou (Mighty One)? 20 O kemudou dou a vakasamacataki au; ia na Kalou (Mighty One) e a nakita me mai tini vinaka, me cakava na veika sa cakava tu edai, oya  me vueta e levu na bula.

Vakatekivu (B’resheet) 50:14-20

Au na vakavinavinakataki kemuni i iova (Yahweh) e na vuniyaloqu taucoko; Au na vakaraitaka wavoki na nomuni cakacaka cecekia taucoko.2 Au na dau reki ka mamarau e na vukumuni, kau na dau lagata na sere meu vakacaucautaka na yacamuni, O  kemuni oni cecere duadua. 3 Ni ra sa moku me ra tu vakasuka na kequ meca, era na qai tacaqe ka vakarusai e matamuni. 4 Baleta ni oni tokona na noqu dodonu kei na noqu inakinaki; ni oni dabeca toka na idabedabe vakatui, o kemuni oni daunilewa yalododonu;

Same (Tehellim 9:1-4

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
025/Blog No. 1165	January 25, 2011.
Reading	Hebrew Date
Exodus (Sh’mot) 9-10	Shevat 19,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Volitaki Nei Yosefa (The Selling of Josef)

Thought: Take Responsibility of our Brothers and Sisters.

Serving For Yom Hah Shee-shee, Shevat 15, 5771

A qai yaco, ni lako yani o Yosefa vei iratou na tuakana, ni ratou a luvata laivi mai vua na kote saulevu a dara tiko;  24 Eratou qai kauti koya, eratou qai kolotaki koya e loma ni dua na qara, ia na qara a lala tu, a sega ni tawa tu  na wai e loma.  25 Oti ratou qai toka sobu me ratou kana madrai; ia ni ratou tacake me ratou veiraiyaki, ratou qai raica  e dua na ilakolako ni kai Arava (Arabs) ni ra lako tiko mai Qili’ ade; a iusana tiko mai ni nodra kameli na drega, na imasi kei na mura, ka toso sobu tiko na ilakolako i Ijipita.  26 Kaya o Yahuda vei iratou na mata veitacini, Na cava na kena yaga, kevaka tou vakamatea na tacidatou, tou qai vunitaka na nona dra?  27 Mai, tou volitaki koya vei ira na kai Arava, tou kakua ni vakamavoataki koya; baleta o koya e tacidatou ka nodatou kawa. Eratou a vakarogoci koya na mataveitacini. 28 Oti era qai wavoki mai eso na dauniveivoli ni Midiyani; era lai vakarewataki Yosefa cake mai loma ni qara, ka volitaki Yosefa e na isau e ruasagavulu na tikini siliva; o ira era qai kauti koya i Ijipita.  29 Ia ni lai iro e loma ni qara o Ru’veni, qai raica ni sa sega ni tiko e loma ni qara o Yosefa; qai mani dresulaka kina na nona isulu,  30 Oti qai lesu vei ratou na tacina, qai tarogi i iratou, Evei na gonetagane?  O au, meu sa qai lako i vei qo?

Vakatekivu (B’resheet) 37:23-30

Kaya o Jiova (Yahweh) vei Kayini, Na cava o cudrutaka tiko? Na cava e rarawa tu kina na kemu irairai? 7 Raica, kevaka o caka vinaka tiko, o na sega beka ni ciqomi? Kevaka o sega ni caka vinaka, na ivalavala ca sa davo sara tu ga e mata ni katuba. O iko mo lesu vei tacimu, o koya e na vakarorogo vei iko.

8 ¶ Kaya o Kayini vei Heveli na tacina, Mai me daru mai lako sobu mada i na bucabuca; a qai yaco ni rau se tu mai na iteitei, ni a vuki o Kayini me ravuti Heveli na tacina, qai vakamatei koya.

9 ¶ Kaya o Jiova (Yahweh) vei Kayini, E evei beka na tacimu o Heveli? Kaya Vua o koya, Au sega ni kila, o au beka na ivakatawa nei taciqu?

Vakatekivu (B’resheet) 4:6-9

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
021/Blog No. 1160	January 21, 2011.
Reading	Hebrew Date
Genesis (B’resheet) 49-50	Shevat 16,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Toso na iLakolako I Ijipita (The Move to Egypt)

Thought: Love Accepts Those Who Vilify, Slander And Insult You, Without Hesitation?

..........................................

Serving For The 24^th January, 2010

Sa qai toso o Isireli vata kei na veika kece e taukena, ia ni sa yaco i Biashiba, e qai vakacabora e dua na isoro vua na Kalou (Elohim) i Aisake na tamana. 02 Oti qai vosa vei Isireli na Kalou (Elohim) e na dua na raivotu e na bogi, ni kaya, I Yakove, Yakove! Sauma o koya, O au saka qo. 03 Kaya vua o Koya, O au o Jiova (El), na Kalou (Elohim) nei tamamu: kakua ni rivarivabitaka mo lako sobu i Ijipita; baleta e keya au na cakava mo dua na kawatamata vakaitamera. 04 Au na lako sobu vata kei iko i Ijipita; kau na kauti iko cake tale vakaidina mai keya; o Yosefa ga e na sogota na na matamu e na gauna o mate kina.

05 ¶ A qai cavutu mai Biashiba o Yakove: ia o ira na luve i Isireli, era qai colati Yakove na tamadra, kei ira na nodra lalai, vata kei na dui watidra, e na kareti ni usa tamata, a vakatala sobu mai o Fero me lai kauti ira mai. 06 Era kauta na nodra manumanu, kei na nodra iyau, era a rawata mai na vanua o Kenani, era qai curu i Ijipita, o Yakove kei ira kece na luvena vata kei koya. 07 O ira na luvena tagane kei na makubuna tagane, na luvena yalewa kei na makubuna yalewa; kei ira kece na nona kawa e a kauti ira mai vata kei koya i Ijipita.

Vakatekivu 46: 1-7

Kevaka oni vosoti ira na tamata e na nodra cala, o Tamamuni e tiko mai lomalagi e na vosoti kemuni talega.

Maciu 6:14

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
24.	January 24	Exodus 7-8	Matthew 17

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Tekivu Na Dausiga (The Famine Begins)

Thought: Search For Yahweh, During Your Times Of Trials, You’ll Find Him

............................................

Serving For The 23^rd January, 2010

Vei Yosefa a qai sucu e rua na luvena tagane, ni sebera ni tekivu na veiyabaki ni dausiga; a vakasucuma vua o Asenaca, na luve i Potifera na bete mai Ono. 51 O Yosefa a vakatoka me yaca ni nona ulumatua o Manasa, baleta na Kalou (Elohim) a kaya o koya, Sa vakavuna meu guilecava na noqu leqaleqa kei na vale nei tamaqu.52 Na yacana o kena ikarua e a vakayacana o koya me o Ifereimi; baleta na Kalou (Elohim) sa cakava meu vuavuai vinaka e na vanua ni noqu vakararawataki. 53 Oti sa qai cava na veiyabaki ni sautu e vitu, e na vanua o Ijipita. 54 Sa qai tekivu me yaco mai na veiyabaki ni dausiga, me vaka a kaya o Yosefa: a qai yaco na dausiga e veivanua kece sara; ia e na vanua o Ijipita, e a oti vakadua na madrai. 55 Ia ni sa walokai na vanua taucoko o Ijipita, era qai lai vosavoa na tamata vei Fero baleta na lailai ni madrai; a qai kaya vei ira na kai Ijipita kece sara o Fero, Lako vei Yosefa; na ka ga e kaya vei kemuni o koya, ni cakava, 56 ni sa kovuta sara na vanua taucoko na dausiga, sa qai dolava na lololo kece o Yosefa, me yaco na volivolitaki vei ira na kai Ijipita, 57 E a waromisa na dausiga e na veiyasa i Ijipita. Na tamata mai na veivanua era a lako mai i Ijipita vei Yosefa me ra voli witi; baleta na dausiga a waromisa e veivanua kece.

Vakatekivu 41:50-57

Au dau vakavinavinakataka na noqu Kalou (Elohim) e veigauna kece, kau dau nanumi iko e na noqu masu, 05 mai na gauna au a rogoca kina na nomu vakabauta kei na nomu lomana na Turaga o Jisu (Master Yahshua) vata kei ira kece na digitaki, 06 me rawa ni vakavatukana na nomu vakabauta e na kena cakacakataki, me qai kilai raraba na veika vinaka e tiko vei iko e na vuku i Jisu (Yahshua) na Mesaia.

Filimoni 1:4-6

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
23.	January 23	Exodus 4-6	Matthew 16

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).