Tauvimate Bibi o Jope. (Job Got Very Sick)

Serving For The 31st January, 2008

A qai yaco e na dua tale na siga, ni ra baci mai vakaraitaki ira e mata ni TURAGA (Elohim) o ira na Agilosi, ni baci lako tale tu ga mai kei ira o Setani me mai vakaraitaki koya e na mata ni TURAGA (Yahweh). 02 E tarogi Setani sara na TURAGA (Yahweh), “O baci lako tu mai vei? Sauma o Setani, “Au a veilakoyaki voli e delai vuravura kau a gade voli kina.” 03 E tarogi Setani tale na TURAGA (Yahweh), “Na cava beka sa qai nomu vakasama qo me baleta na noqu dauniveiqaravi o Jope? E se sega tikoga ni dua me tautauvata kei koya e vuravura; e sega ni vakamelei rawa, e tamata yalododonu, e dau rerevaka na Kalou (Elohim) ka dau sesevaka na i valavala ca? E se taura matua tu ga na nona yalododonu, e dina ga ni o a mai vakatalatalataki au meu vakarusai koya wale tu.” 04 “Kuli ki na kuli” e kaya Vua na TURAGA (Yahweh) o Setani. “E dua na tamata e na solia na ka kece e taukena, e na vuku ni nona bula. 05 Ia ni dodoka mada na ligamuni, moni samuta na sui kei na lewe ni yagona, e na qai rukaki kemuni e matamuni.” 06 E kaya sara vei Setani na TURAGA (Yahweh), “Sa vinaka, sa tu i ligamu o koya; ia na nona bula me taqomaki.” 07 Sa biuta sara mai na mata ni TURAGA (Yahweh) o Setani, qai lai vakararawataki Jope, e na nona vakavuna me tauvi koya na vidikoso, me tekivu mai na qeteqete ni yavana, me yaco sara i na doka ni nona qavokavoka. 08 E kauta sara mai e dua na i vorovoro ni kuro-qele, qai lai karilaki koya vakataki koya, ni dabe toka e na dela ni dua na ibinibini dravusa. 09 E kaya sara mai vua o watina, “O se taura matua tikoga na nomu yalododonu? Rukaka yani na Kalou (Elohim) mo mate.” 10 Sauma vua o koya, “O sa vosa dina tiko me vaka e dua na yalewa lialia. E vakaevei, meda sa ciqoma tiko ga mai Vua na Kalou (Elohim) na veika vivinaka, ka da sega ni ciqoma na veika ca? E na veika kece sa mai yaco qo, e a sega vakadua ga ni vakayacora e dua na ivalavala ca o Jope, mai na veika e cavuta mai gusuna.
- Jope 2:1-10



Read These Text If Possible
Job 19:25-27, Proverb 11:2-6
Phillipians 3:7-11.

Yali na i Yau nei Jope (Job Losses All)

Serving For The 29th January, 2008

E na dua na siga ni ratou vakatakakana ka gunu waini tiko o ratou na luvei Jope tagane kei na luvena yalewa, e na vale nei tuakadratou, 14 e a lai raici Jope yani e dua na dau ni vakau itukutuku, qai kaya “Era a siviyara tiko na bulumakau, ka ra kana voleka tu na asa, 15 ni ra sa kabavanua mai na kai Sipa, era qai mai yauta vakadua na manumanu kecekece, ka sualaki ira me ra mate na dauniveiqaravi e na iseleiwau, ia o au duadua ga au qai drobula mai, meu mai tukutuku vei kemuni.” 16 Ni se vosa tikoga o koya, sa curu tale yani e dua tale na dau ni vakau itukutuku qai kaya, “E lutu mai lomalagi na bukawaqa ni Kalou (Elohim), qai vakamai ira kece na qele ni sipi kei ira na dauniveiqaravi ka ra sa qeyavu vakadua. O au duadua ga au qai drobula mai, meu mai tukutuku vei kemuni.” 17 Ia ni se vosa tikoga sa baci curu tale yani e dua tale na dau ni vakau i tukutuku qai kaya, “E tolu vakadua na i lala vakaivalu mai Papiloni (Kalitia), era a kabavanua mai era qai mai yauta vakadua na qeleni nomuni kameli, era qai sualaki ira me ra mate na dauniveiqaravi e na iseleiwau, ia o au duadua ga au qai drobula rawa mai meu mai tukutuku vei kemuni.” 18 Ni se vosa tikoga o koya sa baci curu tale yani e dua tale na dau ni vakau i tukutuku qai kaya, “Eratou a vakatakakana ka gunu waini tiko o ratou na luvemu tagane kei ratou na luvemu yalewa, e na vale nei tuakadratou ulumatua, 19 ni sa liwa vakasauri mai na vanua dravuisiga e dua na cagilaba kaukaua ka waromisa, qai robalaka vakaukaua na tutu ni vale va va. A mani baleti ratou taucoko na vale, ka vakamatei ratou kecekece, ia o au duadua ga au qai drobula rawa mai meu tukutuku vei kemuni. 20 E keri sa qai tucake kina vakamalua o Jope, dresudresulaka na nona i sulu, qai toroya laivi vakadua na drauniuluna. Oti sa qai lai tekicuva sobu tu e na dela ni qele me vakatamamasu, qai kaya, 21 “Au a lako luvawale mai na kete i tinaqu, au na lesu luvawale talega. E a solia na TURAGA (Yahweh), ia sa mai kauta laivi talega na TURAGA (Yahweh), ia me vakacaucautaki tiko ga na yaca ni TURAGA (Yahweh).” 22 E na veika kece sa mai yaco oqo, e a sega vakadua ni bau valavala ca o Jope, se me beitaka na Kalou, ni caka cala.
- Jope 1:13-22


Read Also If Possible

Habakuk 3:17-19, I Thessalonians 5:16-18,
Revelation 7:13-17

Jope: Vinaka ka Kalougata(Job: Good and Blessed)

Serving for the 29th January, 2008

E dua na tamata e a bula voli mai na vanua o Usi, na yacana o Jope. Ia na tamata oya e a dau yalododonu, dau cakacaka vakadodonu, ka dua e dau rerevaka na Kalou, ka dau vakanadakuya na i valavala ca.
- Jope 1:1

Ia na tamata oqo e a uasivi duadua vei ira kece na lewe ni vanua mai na yasayasa vakanatuicake.
- Jope 1:3b

E na dua na siga era a lako mai kina na luve ni Kalou (Elohim) me ra mai vakaraitaki ira e mata ni TURAGA (Yahweh), ia qai bau lako tale tu ga mai kei ira o Setani. 07 E tarogi Setani sara na TURAGA (Yahweh), “O lako tu mai vei?” Sauma Vua na TURAGA (Yahweh) o Setani ni kaya, “Au veilakoyaki voli e delai vuravura ka veigadeyaki voli kina.” 08 Vosa tale vei Setani na TURAGA (Yahweh), “Sa bau dua beka na nomu vakasama me baleta na noqu dauniveiqaravi o Jope? E sega sara ga ni dua e tautauvata kei koya e vuravura; e sega ni vakamelei rawa, e tamata yalododonu, e dau rerevaka na Kalou (Elohim) ka dau sesevaka na i valavala ca?” 09 Sauma Vua na Kalou (Yahweh) o Setani, “E ka wale beka na nona rerevaka na Kalou (Elohim) o Jope? 10 Oni sega beka ni viribaiti koya vinaka tu, o koya kei na nona matavuvale kei na veika kece e taukena? Oni dau vakalougatataka na cakacaka ni ligana, ka sa vakaitamera tu kina qori na nona iyau. 11 Ia dodoka mada na ligamuni e na gauna qo, mo samuta na ka kece e tu vua, e na qai rukaki kemuni dina, e matamuni.” 12 E kaya sara vei Setani o Jiova (Yahweh), “Raica, na ka kece e taukena au sa na solia i nomu kaukaua, ia mo kakua ga ni dodoka na ligamu mo tarai koya vakataki koya.” Oti sa biuta sara mai na mata ni TURAGA (Yahweh) o Setani.
- Jope 1:6-12



If Possible Read These Texts
Job 28, Proverbs 1:7, 8:13, 9:10,

Phillipians 1:14-15, I Peter 5:8-11.

Note: Cyclone Gene Hit the Fiji Islands during the night of the 28th January through to the 29th January. Electricity (6.15pm) and Piped Water (6.35pm) has just come back on. I seek prayers from around the world for the people of Fiji who have been affected by the Cyclone, and thanksgiving for the protection afforded to the majority.

Josefa: Na iNakinaki Vinaka ni Kalou (The Will of Elohim)

Serving for 28th January, 2008

Ni ra raica na tuakai Josefa ni sa mate o tamadratou, eratou a qai lomaleqaleqa vakalevu ka kaya, “Vakacava ke qai lomaca o Josefa, koya e na vinakata me sauma lesu vei kedatou, na veika ca tou a dau cakava vua.” 16 Ratou sa mani tala e dua na daunivakauitukutuku vei Josefa ka kaya, “O Tamamu a vakarota tu mai, ni se bera ni mate, me tukuni vei iko, 17 ‘Mo dou qai tukuna vei Josefa, ‘Au masuti iko mo vosota na nodratou i valavala ca na tuakamu, vata kei na veika ca ratou a dau vakarautaka vei iko.’ Keitou sa vakamamasu yani kina oqo vei iko, mo dou vosota na neitou i valavala ca, o keitou na tamata dauniveiqaravi ni nona Kalou (Elohim) o tamadatou.” E a luluvu vakalevu, o Josefa ni sa taura na nodratou itukutuku. 18 Eratou a mai sikovi koya na tuakana, ratou qai cuva vua, ratou qai kaya, “O keitou qo me keitou nomu tamata bobula.” 19 Sa qai vosa vei iratou o Josefa, “Dou kakua ni rere. O au beka au isosomi ni Kalou (Elohim)? 20 O kemudou dou a nakita beka mo dou vakamavoataki au, ia na Kalou (Elohim) a nakita me na qai tini vinaka, me rawa ni qai yaco na veika sa vakayacori tiko oqo, na nodra vakabulai na le vuqa. 21 O koya oya mo dou kakua kina ni rere, baleta au na vakani kemudou vata kei ira na nomudou lalai. E a vakacegui ratou ka vosa vakayalovinaka sara vei iratou.
- Vakatekivu 50:15-21.

A qai vosa vei iratou na tacina o Josefa, “O au, au sa mate, ia na Kalou (Elohim) e na qai talevi kemudou mai, me mai vukei kemudou, me kauti kemudou laivi mai na vanua qo, i na vanua a yalataka ka bubuluitaka vei Eparayama vata kei Aisake vata kei Jekope.”
- Vakatekivu 50:24.

Eda kila talega, ni veika kece sara era dau cakacaka vata, me ra vinaka kina o ira era dau lomana na Kalou (Elohim), oya o ira era sa kacivi me vaka na Nona inaki.
- Roma 8:28.


Also Read If Posible

Genesis 37-50, Exodus 1, 13:17-19, Joshua 24:32
Psalm105:7-25, Hebrews 11: 21-22.

Toki i Ijipita na Nona Matavuvale Nei Jekope (Jacob’s Family moved to Egypt)

Serving For The 27th January, 2008

E qai solia talega vei Eparayama na vei­yalayalati ni veiteve; a qai yaco me tamai Aisake o Eparayama, ka tevei koya e na ikawalu ni siga; o Aisake a qai tama i Jekope, ia o Jekope a qai tamadra na noda qase le tinikarua. 09 Ia o ira na noda qase, ni curumi ira na yalovuvu, era a qai volitaki Josefa i Ijipita. Ia na Kalou (Elohim) a tiko vata kei koya 10 qai vueti koya mai na nona leqa kece sara, solia vua me vinaka ka vuku e na mata i Fero na Tui Ijipita; a qai lesi i koya kina o koya me kovana levu mai Ijipita raraba, ka vaka kina e na loma ni nona vale. 11 “A qai yaco e dua na dausiga, ka yaco kina na leqa levu e lomai Ijipita vata kei Kenani taucoko, sa mani sega na ka era na rawa ni bula kina o ira na noda qase.

12 “Ia, ni rogoca o Jekope ni tiko na kakana mai Ijipita, e a qai talai ira kina na tamada, e na imatai ni gauna. 13 “Ia e na ikarua ni gauna, sa qai vakatakilai koya kina vakataki koya o Josefa vei iratou na tuakana, qori a qai kilai ira kina na weka i Josefa o Fero. 14 “Sa qai talatala o Josefa, me lai lako mai vua o Jekope na tamana, vata kei ira kece na wekana; e vitusagavulu ka lima taucoko na tamata. 15 “Sa mani toki sobu i Ijipita o Jekope; oti era qai takali yani, o koya vata kei ira na tamada.
Cakacaka 7:8-15.

O Jekope a bula tiko mai Ijipita me tinikavitu na yabaki; E a dua na drau vasagavulu ka vitu taucoko na yabaki ni nona bula.
Vakatekivu 47:28.


Also Read These If Possible

Genesis 37-50, Psalm 46, Matthew 8:5-13
Marika 12:24-27

O Josefa na Dautadra (Joseph The Dreamer)

Serving For The 26th January, 2008

A sa cauravou yabaki tinikavitu voli o Josefa, ka ratou dau qarava tiko na nodratou qele ni sipi, o koya vata kei iratou na tuakana vakacabecabe, bau kina o ratou na luvei Piliha kei rau na luvei Silipa, e rua vei ratou na loga wati i tamana; ka dau mai tukuna vei tamadratou, na kedratou i tukutuku ca kece sara na tuakana. 03 Ia o Isireli a dau lomani Josefa vakalevu cake mai vei ira kece na luvena tale eso, baleta ni a qai sucu ni sa qase sara o koya; a mani cula vua e dua na kote veivolavolai duirokaroka totoka vakaoti. 04 Ia ni ratou sa raica na tuakana, ni dau lomani koya vakalevu cake mai vei iratou o tamadratou, sa dua na ka na nodratou dau sesevaki koya, ka sa sega wale ni dua na vosa vinaka eratou rawa ni cavuta me baleta koya. 05 E dau tadra o Josefa qai talanoataka vei ira na tuakana; sa qai kaukaua ga na nodra sevaki koya. 06 E kaya vei ira o koya, “Dou rogoca mada na noqu tadra qo. Tou a vau sila tiko e na loma ni were, qai vakasauri sa matacake na noqu i vau ka mai duri tu yani vakadodonu, ia era qai toso vakavolivolita na noqu i vau, o ira kece na nomudou i vau, era qai cuva e na vakarokoroko vua na noqu i vau.”
- Vakatekivu 37:2b-7.

Oti se baci tadra tale o koya, qai talanoataka vei iratou na tuakana, “Dou rogoca qo”, e kaya “E baci dua tale na noqu tadra, ia qo ga era a mai cuva vei au e na vakarokoroko na matanisiga, na vula vata kei a tinikadua na kalokalo.” 10 Ni lai talanoataka vei tamana, na veika a talanoataka vei ratou na tuakana, e qai vosataki koya o tamana ni kaya vua, “Na mataqali tadra vakacava qo? Keitou na lako dina beka mai, me keitou mai cuva sobu i na qele vei iko e na vakarokoroko, o tinamu, o au vata kei iratou na tuakamu? 11 Eratou sa qai vuvutaki koya ga vakalevu o ratou na tuakana, ia o tamadratou e a dau vakasamataka voli ga na veika oqo.
- Vakatekivu 37:9-11.



Also Read These If Possible

Genesis 28:10-19, 41:1-45, Joel 2:28:32
Matthew 1:18 – 2:22

Volia na iTutu Vakaulumatua o Jekope (Jacob Purchased Birthright)

Serving for the 25th January, 2008

E na dua na gauna e a vakasaqa rourou o Jekope, ni lesu mai veikau o Isoa ka sa walokai dina tu mai. 30 E kaya sara vei Jekope, “Totolo, solia mada mai vei au, meu kania na rourou damu qori, au sa viakana sara ga vakalevu!”; Qo sa dau vakatokai tu kina me yacana o Itomi . 31 Sauma o Jekope, “Volitaka vei au e na siga nikua na nomu i tutu vakaulumatua.” 32 Vosa tale o Isoa, “Raica, au sa voleka tu ni mate qo, na cava na betena vei au na noqu i tutu vakaulumatua.” 33 Ia e cike ga o Jekope “Vosa bubuluitaka vei au nikua.” Sa mani vosa bubuluitaka vua, ka volitaka kina na nona i tutu vakaulumatua vei Jekope. 34 Sa qai solia vei Isoa o Jekope na madrai vata kei na rourou. E kana sara ka gunu, oti qai tucake me lako yani; qori a beca kina na nona i tutu vakaulumatua o Isoa.
- Vakatekivu 25:29-34,

“Au a dau lomani kemuni” e kaya na TURAGA (Yahweh). “Ia oni qai vakataroga, ‘Oni dau lomani keimami vakacava ?’ A sega beka ni tuakai Jekope o Isoa?” e taro lesu na TURAGA (Yahweh). “Ia Au a lomani Jekope. 03 Au a sega ni taleitaki Isoa, kau mani vukica kina na nona ulunivanua kei na kena iwasewase me tawayaga, ka solia vei ira na koli kila ni veivanua dravuisiga.
- Malakai 1:2-3,

… qai basika mai e dua e dauveidauci se dua e tamata tabutabu lotu me vakataki Isoa, ni a volitaka na nona itutu vakaulumatua, me rawata dua na tiki ni kakana lailai. 17 Ia oni kila vinaka, ni a qai yaco e muri, e na gauna sa vinakata kina na nona ivotavota ni veivakalougatataki o koya, ni a qai bureitaki vua, baleta ni a sega ni bau yaco vua na veivutuni, e dina ga ni a segata sara ga vakavuku me rawata lesu, e na nona a tagica .
- Iperiu 12:16-17



Also Read These If Possible
Genesis 27-36, Psalm 60, Obadiah

O Isoa kei Jekope; Na Luvei Aisake (Isau and Jacob the Sons of Isaac)

Serving For The 24th January, 2008

Oqo na i tukutuku ni kawa i Aisake na luvei i Eparayama. O Eparayama e tamai Aisake, 20 Ia o Aisake a sa yabaki vasagavulu e na gauna a tauri Repeka kina me watina, na luve i Pecueli na kai Siria mai Patani Erami, na ganei Lepani na kai Siria. 21 A qai vakamamasu vua na TURAGA (Yahweh) o Aisake, e na vuku i watina, baleta ni a sega tu ni vakaluveni rawa. A mani rogoca na nona masu na TURAGA (Yahweh), sa qai kunekune o Repeka na watina. 22 Ia rau a dau veidrigidrigi tiko na gone e ketena, a mani vakatataro voli o koya, “Na cava beka e yaco tiko kina vei au na ka oqo?” Sa mani lai vakatataro Vua na TURAGA (Yahweh). 23. A qai kaya mai vua na TURAGA (Yahweh), “E rua na matanitu e tiko qori e ketemu, o rau na kawatamata mai na ketemu, rau na qai wase ruae dua e kaukaua cake mai na kena kadua, o koya e qase e na qaravi koya e gone. 24 Ia ni sa yaco na siga me vakasucu kina, a qai kune ni a buketetaka tiko e dua na drua tagane, o koya. 25 Na i matai me sucu mai e a yago damudamu vakadua, ka vaka e dua na isulu vutivutia na yagona taucoko; era sa mani vakatokai koya me yacana o Isoa. 26 Ni oti oqori sa qai muri i koya mai na tacina, ka qumia tiko mai ligana na bukubuku ni yava i Isoa, sa mani vakatokai me yacana o Jekope. Ia o Aisake a sa yabaki onosagavulu tiko e na gauna a vakasucumi rau kina na gonetagane o Repeka.
27 Rau qai tubu na gone, a qai yaco me daunivakasasa lawaki levu o Isoa, e a tamata daulasamaka na bula e loma ni vanua, ia o Jekope e a tamata daututu malua tu ga, ka daulasamaka cake na bula e loma ni nodratou valelaca. 28 O Aisake a dau taleitaki Isoa, baleta ni dau malekata na kena lewenidia; ia o Repeka a dau taleitaki Jekope.
- Vakatekivu 25: 19-28



Also Read These If Possible
I Samuel 1; Malachi 1:1-5, Romans 9

Soli Aisake Me i Soro Kama.(Issac Given To Be Sacrificed)

Serving for the 23rd January, 2008

A qai yaco e na dua na gauna ni oti na veika oqo, ni a vakatovolei Eparayama na Kalou (Elohim). E a kacivi koya, “Eparayama.” Tama mai o koya, “O au saka qo.” 02 Kaya mai o Koya, “Kauti luvemutagane, na luvemutagane e duabulu o Aisake o daulomana, lako i na yasayasa vaka Moraia, mo lai vakacabori koya kina vaka isorokama, e na dua vei ira na ulunivanua Au na vakaraitaka vei iko.”
- Vakatekivu 22:1-2

Ni rau sa yaco i na vanua a vakaraitaka vua na Kalou (Elohim); sa tara sara e keya e dua na i cabocabo ni i soro, o Eparayama; ka tuvana e delana na buka. Oti sa vesuki Aisake sara, na luvena, ka vakotori koya e na icabocabo ni isoro e na dela ni buka. 10 Sa dodoka sara na ligana o Eparayama me tara na i sele, me vakamatei luvenatagane. 11 Ia qai kaci mai lomalagi e dua na Agilosi ni TURAGA (Yahweh), “Eparayama! Eparayama!” Tama o koya, “O au saka qo”. 12 “Kua ni tara na gone,” e kaya mai na agilosi. “Kua ni cakava vua e dua na ka. Qo au sa qai kila ni o rerevaka na Kalou (Elohim), baleta o a sega ni bureitaka na luvemu tagane, na luvemu e duabulu.” 13 Ni tacake mai o Eparayama, qai raica ni tacori tu e veikau e na kena ileu, e dua na sipi tagane. E lako sara me lai vesuka mai na sipi tagane o Eparayama qai vakacabora me nona i soro kama, me isosomi kei luvena. 14 Qai vakatoka sara na vanua oya o Eparayama, me yacana “na TURAGA e na Vakarautaka (Yahweh-yireh)” Me yacova mai na siga nikua sa dau tukuni tu, “Na ka kece e na dau vakarautaki vei keda e na ulunivanua ni TURAGA (Yahweh).
- Vakatekivu 22: 9-14


E kune eke na loloma, sega baleta ni da a lomana taumada na Kalou (Elohim), ia baleta ga ni a lomani keda na Kalou (Elohim), qai tala mai na luvenatagane, me mai imadrali ni noda ivalavala ca.
- I Joni 4:10


Also Read These If Possible
Genesis 22:15-19, John 3:16, Romans 8:31-48,
Hebrews 11:17-19

Isimeli kei Aisake: Na Luve i Eparahama (Ishmael and Isaac- Sons of Abraham)

Serving for the 22nd January, 2008

Ia o Sarai, a sega ni vakaluvea vei Eparama na watina. Ia a dua voli na nona vada, o Eka na yalewa ni Ijipita;02 sa mani kaya vei Eparama o koya “Na TURAGA (Yahweh) sa tarova tu na noqu vakaluveni. Lako, lai veiyacovi vata kei na noqu vada, de qai rawa niu va kawa mai vua.” E a rogoca na vosa nei Sarai o Eparama. 03 A qai mani yaco e na ikatini ni yabaki nei Eparama e na vanua vaka Kenani, ni a kauta mai na nona vada o Eka -- na yalewa ni Ijipita -- o Sarai na wati i Eparama, qai solia i koya vei watina me sa watina. 04 Rau a mani veiyacovi kei Eka, a qai kunekune o koya.
- Vakatekivu 16:1-4a.

A mani vakasucuma vei Eparama o Eka, e dua na luvedrau tagane; a qai vakatoka na luvedrau oqo o Eparama, me yacana o Isimeli. 16 A sa yabaki walusagavulukaono tiko o Eparama, e na gauna a vakasucumi Isimeli kina o Eka.
- Vakatekivu 16:15-16


E a talevi Sera na TURAGA (Yahweh), me vaka na Nona vosa, oti a qai vakayacora vei Sera, na TURAGA (Yahweh), na nona yalayala vua. 02 A mani kunekune o Sera, qai vakasucuma vei Eparayama, e na gauna sa qase tu kina, e dua na luvedrau tagane, e na gauna sara ga a lokuca vua na Kalou (Elohim). 03 A qai vakatoka na luvedrau oqo mai vei Sera, o Eparayama, me yacana o Aisake. 04 Ena gauna sa bogi walu kina na luvena tagane o Aisake, e a cilivi (tevei) koya o Eparayama na tamana, me vaka a vakarota vua na Kalou (Elohim). 05 A sa yabaki duanadrau tu o Eparayama e na gauna a sucu kina na luvena o Aisake.
- Vakatekivu 21:1-5.


E na vakabauta talega, a ciqoma kina o Sera na kaukaua me kunekune tale, me qai vakasucuma e dua na gone, ni sa sivi makawa na Nona yabaki ni vakaluveni, baleta ni a sega ni vakatitiqa­taka na Nona yalodina o Koya a cavuta na vosa ni yalayala.
- Iperiu 11:11.



Read These If Possible
Genesis 21:6-21, Acts 7: 1-8, Romans 4,
Galatians 4:22-31

Yalayala ni Kalou vei Eparama (Yahweh’s Promise to Abram)

Serving for the 21st January, 2008

Ni oti oqori, sa qai rogo na vosa ni TURAGA (Yahweh) vei Eparama, e na dua na raivotu: “Kakua ni rere Eparayama. O Au na nomu i sasabai, ka nomu icovi levu duadua.” 02 Vosa o Eparayama ni kaya, “Kemuni na TURAGA (Sovereign) na Kalou (Yahweh) cecere, na cava beka oni na solia vei au, ni sega tu mada ga na luvequ, ka sa na taukena na noqu i yau o Eliesa na kai Tamasiko?” 03 Oti qai kuria o Eparayama, “Vei au oni sega ni solia na luvequ; ia raica ni dua ga e sucu e loma ni vale sa na itaukei vakaivotavota ni noqu vale.” 04 Raica ni a baci rogo tale vua na vosa ni TURAGA (Yahweh), “Na o koya oqori e na sega ni itaukei vakaivotavota ni nomu i yau; ia o koya ga e na vakatuburi sara ga mai yagomu, e na itaukei vakaivotavota ni nomu i yau”. 05 E kauti koya sara i tuba, qai kaya vua, “Raica cake mada na lomalagi, qai wilika na i levu ni kalokalo - kevaka o wilika rawa.” Sa qai kaya tale vua, “Qori tale ga na i levu ni nomu kawa.” 06 E a qai vakabauta na TURAGA (Yahweh), o koya qai wilika vua O Koya, me nona i valavaladodonu.
- Vakatekivu 15:1-6


Ia, na veika e volai tu ni sa okati vua, a sega ni volai e na vukuna duadua ga, 24 ia a volai talega e na vukuda. E sa na okati talega vei keda, eda vakabauti Koya e a vakaturi Jisu (Yahshua) na noda Turaga (Master) mai na mate, 25 ni a soli cake e na vuku ni noda ivalavala ca, ia qai vakaturi me rawa na noda vakadonui.
- Roma 4:23-25



Also Read These If Possible
Vakatekivu 21:1-5, Roma 4, Kalatia 3:1-9

Kacivi o Eparahama (Abraham’s Calling)

Serving For The 20th January, 2008

A kaya vei Eparama na TURAGA (Yahweh), “Cavutu mai na nomu vanua, biuti ira na wekamu vata kei ratou na lewe ni matavuvale nei tamamu, ka lako yani i na vanua Au na vakatakila vei iko. 02 “Au na cakavi iko mo dua na matanitu levu, kau na vakalougataki iko; Au na vakavuna me rogo ka kilai levu na yacamu, o na yaco mo vu ni veivakalougataki. 03 Au na vakalougataki ira era vakalougataki iko, ia o koya e vakaloucataki iko, au na vakaloucataka, ia na tamata kecekece e vuravura era na vakalougatataki ena vukumu.”
04 Sa mani biubiu o Eparama, me vaka e kaya vua na TURAGA (Yahweh); rau a salavata kei koya o Lote. A sa yabaki vitusagavulukalima tiko o Eparama e na gauna a biuti Harana mai kina. 05 E a kauti Sarai tiko, na watina, vata kei na vugona o Lote na luvei tuakana, ka kauta tale tikoga na i yau kece e taukena, vata kei na tamata kece era a dau cakacaka tu vua mai Harana, ka ra mua kece vakadua i na vanua o Kenani, era a qai yaco bula kece i na vanua o Kenani.
06 E a takosova na vanua o Eparama me yaco sara i na koro e toka kina na vunikau levu o Morea, mai Sekema. E na gauna oya era a se dau tiko voli kina mai keya o ira na yavusa Kenanaiti. 07 A rairai tale vei Eparama na TURAGA (Yahweh), qai kaya vua, “Au na solia vei ira na nomu kawa, na vanua oqo.” A mani tara e dua na i cabocabo ni soro o koya, e na vuku ni TURAGA (Yahweh), o Koya e a rairai vua.
- Vakatekivu 12:1-7.



Also Read These If Possible

Genesis 9:2, 2 Peter 3:1-14, Revelation 21:1-4.

Oti na Waluvu (End of the Flood)

Servings for the 19th January, 2008

E a qai nanumi Noa na Kalou (Elohim), vata kei na veika bula, vata kei na bulumakau era tiko kei koya e na waqa ni usa manumanu; sa mani vakaliwava na cagi e dela i vuravura na Kalou (Elohim), sa qai lutu na wai.
- Vakatekivu 8: 1.

A qai yaco e na itinitini ni ikavasagavulu ni siga, ni a qai dolava na katuba leka ni waqa a taya, o Noa, 07 qai vakatala e dua na reveni, a qai lai veivukayaki voli, me yacova ni sa maca na wai mai na dela i vuravura. 08 E a vakatala tale ga e dua na ruve me lai raica mai se sa lutu vakadua na wai mai na vanua se sega. 09 Ia a sega ni kunea e dua na vanua me vakaceguya kina na yavana na ruve, baleta a se roboti vuravura raraba tu ga na wai, sa mani vuka lesu kina vei Noa i waqa. A qai dodoka yani na ligana o Noa, me ciqomi koya, qai dreti koya lesu mai i loma ni waqa. 10 A qai waraka o koya me oti tale e vitu na siga, sa qai vakatala tale na ruve mai waqa. 11 Ni lesu mai vua na ruve e na kena yakavi, sa katia tiko mai gusuna e dua na drau ni olive se qai vitiki vou ga. Qori qai kila kina o Noa ni sa lutu vakadua na wai mai na dela ni vuravura.
- Vakatekivu 8: 6-11.

E keri sa qai sobu kina o Noa, vata kei ratou na luvena tagane, na watina, vata kei ratou na dui watidratou na luvena tagane.
- Vakatekivu 8:18.

Sa tara sara e dua na i cabocabo ni soro vua na Kalou (Yahweh) o Noa, qai kauta mai eso na manumanu yavaiva savasava, vata kei na so na manumanu vuka savasava, ka vakacabora kina e dua na i soro kama. 21 E a boica na TURAGA (Yahweh) na kena i boi kamica, qai kaya lo e lomana, “Au na sega vakadua ni vosa vakaloucataka tale na vanua e na vuku ni tamata, e dina ga ni sa dau vakanamata tu ga i na itovo ca na nodra vakasama, mai na gauna sara era se gone kina. Au na sega talega ni vakarusa tale vakadua na veikabula, me vaka au sa kitaka.
- Vakatekivu 8:20-21.




Also Read These If Possible
Genesis 9:2, 2 Peter 3:1-14, Revelation 21:1-4.

Na Waluvu Levu (The Big Flood)

Serving for the 18th January 2008

O Noa a sa yabaki ononadrau, e na gauna a luvuci vuravura tu kina vakadua na wai. 07 Eratou a mani vodoka na waqa ni usa manumanu o Noa, o ratou na luvena tagane, o watina, kei ratou na dui watidratou na luvena tagane, me ratou drobula mai na wai ni waluvu. 08 vata kei na manumanu savasava kei na kena tawa savasava, na manumanu vuka, kei na manumanu dauqasi e vuravura, e na kena veimataqali kece, 09 era a curu tauyarua e na waqa ni usa manumanu nei Noa me dua e katagane ka dua na kayalewa, me vaka na ivakaro ni Kalou (Elohim) vei Noa. 10 A qai yaco ni oti e vitu na siga, ni a qai tekivu luvuci na vuravura e na wai ni waluvu. 11 E na ikaononadrau ni yabaki ni bula nei Noa, e na ikatinikavitu ni siga ni ikarua ni vula – e na siga dina oya, e a kakabasubasu kina na i vurevure kece ni wai titobu, ka tatadoladola na i sogo ni waluvu mai lomalagi.
- Vakatekivu 7:6-11


Ia na waluvu e tacoka tiko e vuravura me vasagavulu na siga e dela ni vuravura. E a toso cake tikoga na wai, me yacova ni sa vude na waqa me sa ciri koto e delai ni vuravura. 18 Ia e a tubu tiko ga vakaukaua na wai, ka tacoka tiko vakayauyau e dela ni vuravura, sa qai ciri voli e dela no vuravura na wai ni waqa ni usa manumanu. 19 Ia na wai e a tubu tiko ga e dela ni vuravura, me yacova ni sa lai dromu vakadua na veiulunivanua kecekece e ruku i lomalagi.
- Vakatekivu 7: 17-19

Era sa mani kawaboko vakadua na veika bula kece e na dela i vuravura, ruarua na tamata kei na manumanu yavaiva, na manumanu dauqasi, na manumanu vuka ni macawaala, io, era a kawaboko vakadua mai na dela i vuravura. Sa qai vo toka ga o Noa, vata kei ira kece era a vodo tiko vata kei koya e na waqa ni usa manumanu.
- Vakatekivu 7: 23


E na vakabauta, o Noa, ni sa vakarogoya oti vua na Kalou (Yahweh) na itukutuku ni ka e se bera ni yaco, e a qai yavala e na rere vakalou, ka taya e dua na waqa ni usa manumanu, me ratou vakabulai kina na nona matavuvale, qai vakarusai vuravura kina o koya, me rawata na Nona iwasewase vakaitaukei ni yalododonu e vakayavutaki e na vaka­bauta.
Iperiu 11:7



Read These If Possible
Psalm 93, Nehemiah 1:1-8, Matthew 24:36-42,
Luke 17:26-36; 2 Peter 2:4-9.

Noa, na Tamata Yalododonu (Noah The Righteous Man)

Serving for the 17th January, 2008

Oqo na i tukutuku kei Noa. O Noa e dua na tamata yalododonu, ka savasava vakaoti e na kedra maliwa na tamata e na nona itabagauna, ia o Noa a dau lako vata voli ga kei na Kalou (Elohim). 10 O Noa a tolu na luvena tagane, o Semi, o Ame kei Jafeca. 11 E na mata ni Kalou (Elohim), a sa bau vakasisila sara ga na vuravura e na gauna oya, ka sinai vutuvutu e na i vakarau kaukaua. 12 A raica na vakasisila ni vuravura na Kalou (Elohim), e na kena sa toso cake tikoga na vakasisila ni nodra i valavala na tamata kecekece e vuravura raraba. 13 Sa mani vosa vei Noa na Kalou (Elohim), “Au sa na tinia dole na bula ni tamata kecega, baleta era sa vakasinaita na vuravura e na i valavala kaukaua. Qo au sa lewa meu sa na vakarusai ira, vata kei na vuravura. 14 O iko, mo sa na taya e dua na nomu waqa ni usa manumanu e na kau kofera; taya me vakaloqi, ka boroya na lomana, kei na taudaku e na drega (kuluta).
- Vakatekivu 6:9-14

Ia raica, o Au, io Au sa na vakadromuca na vuravura e na dua na waluvu, me kawaboko kina vakadua na veika bula kece e kune vei ira na cegu ni bula, e ruku ni lomalagi, kei na veika kece e tiko e vuravura era sa na mate. 18 Ia, au na vakataudeitaka kei iko na noqu veiyalayalati, mo na vodo tiko e na waqa ni usa manumanu-- o iko, o ratou na luvemu tagane, o watimu kei ratou na dui watidratou na luvemu, me ratou na tiko vata kei iko. 19 Mo na vakavodoka tiko e waqa e tau yarua na veimataqali kabula kecekece ni vuravura, me dua na katagane ka dua na kayalewa, me ra na cabe bula vata kei iko.
- Vakatekivu 6: 17-19

Mo na vakavodoka talega na veimataqali kakana kece me na laukana tiko, qo me ra na maroroi tu vakavinaka me kemu kakana ka kedra talega.” 22 A qai vakayacora o Noa na veika kecekece, me vaka e vakarota vua na Kalou (Elohim), a qai cakava vakakina.
- Vakatekivu 6: 21-22







Read Also If Possible

Psalm 29, 36, Hebrews 11:1-7, I Peter 3:18-22.

Keni Kei Epeli: Na i Matai ni Laba (The First Murder)

Serving for the 16th January, 2008

Rau a veiyacovi o Atama kei Ivi na watina; a qai mani kunekune o koya, ka vakasucumi Keni. E qai kaya o koya, “Au sa rawata e dua na tagane mai Vua na TURAGA (Yahweh). 02 A vakasucuma tale na tacina o Epeli. O Epeli e a daunisusu manumanu, ia o Keni a dauniteivaki qele. 03 Ia ni toso tiko na gauna, a qai kauta o Keni eso na vuata ni vanua me nona i solisoli Vua na TURAGA (Yahweh). 04 Ia o Epeli, a kauta talega na nona sipi levulevu vivinaka mai vei ira na ulumatua ni nona qeleni manumanu. E a vakadonui Epeli kei na nona i solisoli na TURAGA (Yahweh), 05 ia a sega ni vakadonui Keni kei na nona i solisoli o Koya. Qo a vakavuna me cudru kina vakalevu o Keni, qai kune votu nona leva ni sa lutu na irairai ni matana. 06 Sa mani vosa vei Keni na TURAGA (Yahweh), “Na cava beka o levataka? Na cava o vakamatavevekutaka tiko? 07 O na sega beka ni taleitaki kevaka mo a cakacaka ga vakadodonu? Ia ni o sega ni cakacaka vakadodonu, sa na waraki iko koto mai katuba na i valavala ca; e vinakata me rawai iko o koya, ia o iko o na vinakata mo rawai koya. 08 Oti qai sureti Epeli na tacina, o Keni, a qai yaco ni rau tiko mai na were, ni a tu me mokuti Epeli o Keni, qai labati koya. 09 E a tarogi Keni na TURAGA (Yahweh), “Evei beka na tacimu o Epeli?” Sauma o koya, “Au sega ni kila; O au beka na i vakatawa nei taciqu?” 10 Kaya tale o Koya, “ Na cava o sa cakava? Na dra nei tacimu sa tagici Au tiko mai na loma ni qele. 11 Qo o sa na vakaloucataki, ka cemuri mai na qele ni vanua qo, baleta a dolava na gusuna me gunuva na dra i tacimu, o a vakadavea e ligamu. Ni o teivaka na qele, sa na sega vakadua ni vuataka e dua na ka me kemu. O sa na dau veitosoyaki tu ga e vuravura, ka sega ni kunea na vakacegu.
- Vakatekivu 4:1-12



Read These If Possible

Exodus 20:13, Matthew 5:21-26, Hebrews 11:4,
I John 3:11-12

Mate Vei Atama, Bula Vei Karisito (Dead in Adam, Live in the Messiah)

Serving For the 15th January, 2007

Sa qai vaka kina oqo na kena inono; me vaka ni a curumi vuravura na ivalavala ca e na vuku ni dua na tamata, vata kei na mate e na vuku ni ivalavala ca, qori sa qai tete kina na mate vei ira na tamata kecekece, baleta o keda kece eda vakayacora tiko na ivalavala ca. 13 (Me yacova ni tau mai na lawa, na ivalavala ca a sa tu oti tu e vuravura, ia na ivalavala ca a sega tiko ni wili, ni sega tu na lawa. 14 Ia ke veitalia mada oqori, na mate a sa dau yaco tiko e na tadrua ni gauna nei Atama vata kei Mosese; vei ira mada ga era a sega ni valavala ca me tautauvata kei na talatalaidredre nei Atama, o koya e mataqali vata kei Koya e muri tiko mai. 15 Ia na iloloma soliwale, e sega ni tautauvata kei na ivalavala ca. Baleta ke le levu era mate e na vuku ni ivalavala ca ni dua na tamata, sa na qai levu cake sara na loloma ni Kalou (Elohim), kei na isolisoli ni loloma ni dua na tamata, o Jisu Karisito (Yahshua the Messiah), e yaco yani vei ira na le vuqa. 16 Na iloloma soliwale e sega ni tautauvata kei na dua na ivalavala ca. Na itotogi e tubu mai na dua na ivalavala ca, e kauta mai na veivakarusai, ia na ka ni loloma e tubu me ubia e vuqa na ivalavala ca, e qai yaco kina na veivakadonui. 17 Ia ke vakavuna na ivalavala ca ni dua na tamata, me sa mai yaco me tui ni noda bula o mate e na vuku ga ni dua, e sa na qai le levu cake era na ciqoma na iloloma sa bini tu, vata kei na iloloma ni yalododonu, me mai tui ni noda bula e na vuku ni ledua, o Jisu Karisito (Yahshua Messiah)
- Roma 5:12-17


E sega vakadua! E rawa vakacava vei keda eda sa mate oti mai na ivalavala ca, meda bula tale tiko kina?
-Roma 6:2


Read Also If Possible
Genesis 3; Romans 5:18 6:23; Ephesians 2: 1-10;
Colossians 3:1-17

Sivo mai Iteni (Removed from Eden)

Serving for the 14th January, 2008

Sa qai vosa vei Atama na TURAGA na Kalou (Yahweh Elohim), “Baleta na nomu rogoca na vosa nei watimu, o qai kana kina mai na vunikau, Au a soli ivakaro kina vei iko, ‘mo kakua vakadua ni kana mai kina “Sa na vakaloucataki kina qo na qele ena vukumu; e na vua ga ni cakacaka dredre ka kaukaua o na qai kana kina e na veisiga taucoko sara ni nomu bula, 18 e na vakatubura talega na kau vakavotona kei na soni e na vukumu, ia o iko o na qai kana ga mai na kau ni vanua. 19 E na buno ga ni yadremu (matamu) o na kania kina na kemu kakana me yacova na siga o na suka tale kina ki na qele, baleta o a buli dina ga mai kina; o kuvu ni qele ga o iko, ia o na suka tale mo kuvu ni qele.
20 O Atama a qai vakatoka na watina, me yacana o Ivi (sa bula), baleta e na qai yaco me tinadra na kawa bula kece sara ni tamata o koya. 21 Ia na TURAGA na Kalou (Yahweh Elohim), a qai cakava vei Atama kei na watina na isulu kuli ni manumanu , ka vakaisulutaki rau kina. 22 Oti sa qai kaya na TURAGA na Kalou (Yahweh Elohim), “Raica sa yaco na tamata me vaka e dua vei keda, e na nona sa rawa ni kila na veika vinaka mai na veika ca. Me kua sara ga ni vakatarai vua me dodoka rawa na ligana, me taura talega na vua ni vunikau ni bula, me kania qai rawata talega na bula tawa mudu.” 23 Sa mani vakasivoi koya mai na were o Iteni, na TURAGA na Kalou (Yahweh Elohim), me lai cakacakataka na qele a buli mai kina. 24 Ni sa cemuria oti na tamata o Koya; sa qai vakatikora e na yasana ki natuicake (east), na Agilosi (Kerupimi), kei na seleiwau vaka na yameyame ni bukawaqa dau veigoleyaki e na veiyasana kecega, me yadrava tiko na sala ki na vunikau ni bula.
-Vakatekivu 3: 17-24

Me vaka ni na mate na tamata kecekece e na vuku i Atama, na tamata kecekece era na vakabulai e na vuku i Karisito (Messiah)
I Korinica 15:22


Read Also If Possible

Vakatekivu 18:16-33, Same 50, Roma 8:18-25,
Vakatakila 22

Totogi e na i matai ni i valavala ca (Sentence After the First Sin)

Serving For The 13th January, 2008

Ia a qai kacivi Atama na TURAGA na Kalou (Yahweh Elohim), “O tiko evei? 10 Sauma o koya, “Au rogoca na Domomuni e na loma ni were, au qai rere baleta au sa luvawale tu; au mani vuni.” 11 Kaya tale o Koya, “O cei a kaya vei iko ni o luvawale tu? O sa kana beka mai na vunikau, au a vakarota vei iko mo kakua ni kania mai kina? 12 Sauma na tagane, “Na yalewa oni a solia mai me mai tiko vata kei au, o koya e a solia vei au mai na vuanikau, au qai kania.” 13 Vuki vua na yalewa na TURAGA na Kalou (Yahweh Elohim) qai kaya, “Na cava qo o sa cakava?” E vosa sara na yalewa, “E a vosa vaqaseqase vei au na gata, au mani kania.” 14 E vosa sara vua na gata, na TURAGA na Kalou (Yahweh Elohim), “Baleta ni o a vakavuna na ka oqo, “e na levu duadua na nomu kalouca, mai vei ira na manumanu yava i va, kei ira talega na manumanu kila kece ni vanua, e na ketemu o na dau dolo, ka dau kania na kuvu ni soso e na veisiga kece ni nomu bula. 15 Au na vakavuna na nomudrau veimecaki o iko vata kei na yalewa, ka vaka kina vei ira na nomu kawa kei ira na nona kawa; E na butuqaqia na ulumu o koya, ia o iko o na katia na bukubuku ni yavana.” 16 Vua na yalewa e a kaya, “Au na vakabibitaka na nomu rarawa e na gauna ni nomu kunekune, o na sotava na rarawa, e na gauna o dau vakasucu gone kina. Ia na nomu gagadre e na dau vakanamata tu ga vua na tagane na watimu, e na dau lewai iko o koya.”
Vakatekivu 3: 9-16



Qo sa na sega kina ni vakarusai o ira, e na vuku i Jisu Karisito (Yahshua Messiah), era sa sega ni muria na gagadre vakayago.
- Roma 8:1



Read These If Possible

Deuteronomy 32:1-6, Romans 3: 9-18;
Genesis 12:9, 20:1-3, 7-15, 22:1-3

Atama kei Ivi: Vakacalai na Tamata (First Humans Mislead)

Serving for the 12th January, 2008.

Ia na gata, e levu duadua na nona i lawaki mai vei ira kece na manumanu e a bulia na TURAGA na Kalou (Yahweh Elohim). A qai vosa vua na yalewa o koya ni kaya, “E a kaya dina beka vei kemudrau na Kalou (Elohim), ‘Mo drau kakua vakadua ni kana mai na kau kecekece e na loma ni were?’” 02 E kaya sara na yalewa, vua na gata, “E vakatarai vei keirau me keirau kana mai vunikau kece e kune e loma ni were, 03 ia a kaya dina ga na Kalou (Elohim), ‘Mo drau kuakua sara ni kania na vua ni vunikau e tubu tiko e na lomadonu ni were, mo drau kua mada ga ni tara, de drau qai mate dina.’” 04 E kaya sara na gata vua na yalewa. “Drau na sega vakadua ni mate,” 05 “Baleta na Kalou (Elohim) e kila vinaka sara tu ga ni sa na qai yadra na matamudrau, e na siga drau kania kina, baleta drau sa na qai tautauvata kei na Kalou (Elohim), drau sa na kila na vinaka mai na ca.” 06 Ia ni sa raica na yalewa ni rawa ka vinaka me laukana na vua ni vunikau, ni rairai totoka e matada, ka gadrevi kevaka eda vinakata meda rawata na vuku, a mani tauca eso qai kania, oti qai solia talega eso vei watina, rau sa tiko vata, ka kania talega o koya. 07 Sa qai yadra na dui matadrau, rau sa qai kilakasamataka ni rau luvawale tu; rau mani cula vata na drau ni lolo, me rawa ni rau dui ubi i rau kina. 08 Rau qai rogoca, na tagane kei na yalewa na watina, na tatavasavasa ni TURAGA (Yahweh) na Kalou (Elohim), e na Nona veitosoyaki voli e loma ni were e na mudremudre ni siga; rau sa mani vunitaki rau vakataki rau mai Vua na TURAGA (Yahweh) na Kalou (Elohim), e na maliwa ni veikau e loma ni were.
- Vakatekivu 3: 1-8

Read Also If You Can

Isikeli 28:13-19, Roma 5: 12-19; I Timoci 2: 11-15;
Jemesa 1:12-15

Atama kei Ivi: Na Lewai ni Veika a Bulia na Kalou (Jurisdiction over Creation)

Serving for the 11th January, 2008

Kemuni na TURAGA (Yahweh), na neimami Turaga (Sovereign), e cecere ka cecekia dina na Yacamuni e vuravura raraba! Oni sa vakaraitaka tiko na nomuni lagilagi e lomalagi e na dela ni maliwalala. 02 Mai na tebe ni gusudra na gone lailai, kei na gone domidomi o ni sa vakataudeitaka na vakavinavinaka, baleti ira era kemuni meca moni vagului ira era dau saqati kemuni kei ira era dau veisausaumitaka na ca. 03 Niu vakasamataka na nomuni lomalagi, na cakacaka ni qaqalo ni ligamuni, na vula kei na kalokalo oni sa lesia oti tu na nodra dui i tokatoka, 04 na cava beka na tamata, oni sa rui dau nanumi koya kina vakalevu, kei na luve ni tamata oni dau qarauni koya kina? 05 Oni a buli koya me lailai sobu na nona ivakatagedegede mai vei ira na kabula (agilosi) mai lomalagi, ia oni qai vakaisalataki koya e na lagilagi kei na i tutu dokai. 06 Oni qai lesi i koya me lewa na cakacaka kece ni ligamuni, oni sa biuta mai e na ruku ni yavana na veika kecega: 07 na qele ni sipi, kei na bulumakau, 08 kei na veimataqali manumanu kecekece e delai vuravura, na manumanu vuka ni macawalala, kei na ika ni veiwasawasa, kei ira kece era qalova (sokota) voli na salatu ni wasaliwa. 09 Kemuni na TURAGA (Yahweh), na neimami Turaga (Sovereign), e cecere ka cecekia dina ga na Yacamuni e vuravura raraba!
Same 8: 1-9



Read Also If Posible

Genesis 1-2, Matthew 21: 16, Hebrew 2: 5-9

Atama kei Ivi: Na i matai ni Tagane kei na Yalewa (The First Man And Woman)

Serving for the 10th January 2008

Na TURAGA na Kalou (Yahweh Elohim) a bulia na tamata mai na kuvu ni soso e na qele, qai ceguva e ucuna na i cegu ni bula, sa qai yaco na tamata me tamata (soul) bula.
- Vakatekivu 2:7

Sa qai kauta na tamata, na TURAGA na Kalou (Yahweh Elohim), qai lai vakatikori koya e na Were o Iteni, me cakacakataka ka dau qarava. 16 Oti sa qai vakarota na tamata, na TURAGA na Kalou (Yahweh Elohim) ni kaya, “E tara mo kana mai na kau kecega era tu e na loma ni were, 17. ia mai na kau e kilai kina na vinaka kei na ca, oqori mo kakua ni kania baleta e na siga o kania kina, o sa na mate dina kina.” 18 A qai kaya na TURAGA na Kalou (Yahweh Elohim) “E sega ni vinaka ke tiko duadua voli ga na tamata (tagane); au na bulia e dua na dauveivuke e veiganiti kei koya.”
- Vakatekivu 2:15-18

“… ia o Atama a sega ni kune e dua na dauveivuke e rawa ni yaga vua. 21 Sa mani vakavuna na TURAGA na Kalou (Yahweh Elohim) me moce lutu o Atama; ia ni sa moce lutu no; sa qai ucuna mai yagona e dua na sui ni sarisarina, ka bonata lesu e na lewena. 22 Mai na sui ni sarisari a ucuna mai vua na tagane, a qai bulia e dua na yalewa na TURAGA na Kalou (Yahweh Elohim); qai kauti koya yani vua na tagane. 23 A qai kaya na tagane, “Oqo dina na sui mai na suiqu, na lewe mai na lewequ, sa na vakatokai o koya me yalewa, baleta a buli mai na yago ni tagane.” 24 E na vuku ni veika a yaco oqo, sa na dau biuti tamana kei tinana na tagane, me lai duavata kei watina, me rawa ni rau cokovata vakayago, me rau le dua ga. 25 Rau a luvawale tu, o tagane kei watina, ia rau a sega ni bau madua.
- Vakatekivu 2: 20b-25


Read Also If You Possible
Genesis 1:26-29, Matthew 19:1-12, Mark 10:1-12;
I Corinthians 6:15 – 7:40.

Na Veibuli: E Vakacegu na Kalou (Yahweh’s Rest)

Serving of the 9th January, 2008

Oqori sa qai buli oti kina na lomalagi kei na vuravura, vata kei na veika era sinai vutuvutu tu kina. 02. Ia e na ikavitu ni siga sa qai vakaotia kina na Kalou (Elohim) na veika a vakayacora tiko; ni a vakacegu mai na nona cakacaka o Koya, e na ikavitu ni siga. 03 A qai vakalougatataka na ikavitu ni siga na Kalou (Elohim), ka vakatabuya; baleta e a vakacegu o Koya vakataki Koya mai na cakacaka kece ni veibuli a se qai bulia ka vakayacora.
- Vakatekivu 2:1-3

Mo dau nanuma na siga ni vakacecegu, e na nomu dau vakatatabutaka. 09 E ono na siga mo dau cakacaka kina ka kitaka na nomu cakacaka kecekece.
- Lako Yani 20:8-9

Baleta e na loma ni ono na siga, e a bulia kina na lomalagi, na vuravura, na wasawasa kei na veika era sinai tu kina na TURUGA (Yahweh), qai vakacecegu e na ikavitu ni siga. Qori a qai vakalougatataka kina na siga ni vakacecegu na TURAGA (Yahweh) qai vakatabuya.
- Lako Yani 20:11;

A qai yaco ni a takosova tiko e dua na loga ni sila o Koya, e na dua na Siga ni Vakacecegu; ia ni ratou sa toso tiko, eratou qai tekivu doloka na sola ni sila o ratou na Nona tisaipeli. 24 Era kaya sara Vua, o ira na Farisi, “Raica, na cava me ratou vaka­yacora kina na ka e sega ni tara vakalawa e na Siga ni Vakacecegu?” 25 Ia qai kaya vei ira o Koya, “Oni se bera beka ni wilika na ka a cakava o Tevita, e na gauna a tu leqa kina, qai viakana, o koya vata kei iratou na nona ilala; 26 “ni a curuma o koya na vale ni Kalou (Elohim), e na gauna nei Apiuta na bete levu, qai kania na madrai-dikevi, e sega ni tara vakalawa me laukana, vakavo ga vei ira na bete, oti qai solia talega vei ira era a tiko vata kei koya?” 27 Oti sa qai kaya vei ira, “Na Siga ni Vakacecegu a buli me baleta na tamata; a sega ni buli na tamata me baleta na Siga ni Vakacecegu. 28 O koya oya, na Luve ni Tamata e Turaga (Master) talega kina ni Siga ni Vakacecegu.”
- Marika 2:23-28


Read These If Possible

Lako Yani 16:11-30, Same 62:1-5, Maciu 11:25-30;

Marika 5:30-32; Iperiu 4:1-4.

Na Veibuli: Na Tamata – E Veiucui kei na Kalou (Human Being- Image of Elohim)

Serving for the 8th January, 2008

Oti sa qai kaya na Kalou (Elohim) , “Laiva meda bulia na tamata me itovo vata kei keda, ka ucui keda; ka laiva me soli vua, me lewa na ika ni veiwasawasa, na manumanu vuka ni maliwalala, na manumanu yavaiva kece e vuravura raraba, kei na manumanu kece era dauveiqasiyaki e dela i vuravura,” 27 A qai bulia na tamata na Kalou (Elohim) me itovo vata kei Koya; e na ibulibuli ni Kalou (Elohim) e a buli koya kina o Koya; na tagane kei na yalewa e a buli rau o Koya. 28 A vosa vakalougatataki rau na Kalou (Elohim), sa qai kaya vei rau na Kalou (Elohim), “Drau vakaluvea vakalevu, me tubu na kemuni i wiliwili, moni qai vakatawana na veiyasa i vuravura taucoko, ka vakayagataka vinaka. Mo ni lewa na ika ni waitui, na manumanu vuka ni macawa, kei na veika bula kece era dauveiqasiyaki tu e dela i vuravura. 29 Oti sa qai kaya tale na Kalou (Elohim), “Raica, Au sa solia qo vei kemudrau na veimataqali kau (co) vakasorena era sa roboti vuravura raraba tu, kei na kau vuata kece e dau kune na soredra e na dui vuadra. Qo me kemudrau kakana. 30 Ia, vei ira na veimataqali manumanu kece e dela i vuravura kei ira na manumanu vuka kece sara ni maliwalala, kei ira kece na manumanu dauveiqasiyaki e delai vuravura – oya na ka kece era dau ceguva na cagi me ra bula kina - Au solia vei ira na kau (co) drokadroka kece sara me kedra kakana. A qai vaka kina. 31 A qai vakaraica na Kalou na veika kece sa bulia o Koya, ni vinaka vakaoti. Ia ni oti na yakavi sa qai mataka, na ikaono ni siga.
- Vakatekivu 1:26-31




Read Also If Possible
Genesis 2:4-25, Psalm 8, 1 Corinthians 6:1-6;
2 Corinthians 4:4-6; Colossians 1:9-20, 3:5-10.

Na Veibuli: Na Manumanu Yava i Va. (Four-Legged Creatures)

Serving for the 7th January 2008

Sa qai kaya na Kalou (Elohim), “Laiva me tubu mai na qele na veika bula e na kedra dui veimataqali, na manumanu yava i va, na manumanu dauveiqasiyaki kei na manumanu kila e na kedra dui mataqali.” A mani yaco vaka kina. 25 E a bulia na manumanu kila na Kalou (Elohim), e na kedra dui veimataqali, na manumanu yava i va e na kedra dui veimataqali, kei na manumanu dauveiqasiyaki e dela ni qele e na kedra dui veimataqali. E a raica na Kalou (Elohim) ni vinaka.
- Vakatekivu 1:24-25


Au na sega ni vunauci iko e na vuku ni nomu i soro se na nomu isorokama, sa dau tu ga qo e mataqu e na veiveigauna. 09 Au sega ni gadreva, e dua na bulumakau tagane mai na loma ni nomu belavu se na me, mai na nomu bai ni me, 10 baleta Au taukena na manumanu kecekece e loma ni veikau, kei na bulumakau e na veitokaitua e udolu,
11 Au kilai ira yaduadua na manumanu vuka e na veiulunivanua na manumanu kece ni loma ni vanua, era Noqu. 12 Kevaka Au mani walokai, Au na sega ni lai tukuna yani vei iko, baleta au taukena na vuravura kei na veika kece sara era sinai tu kina 13 Au dau kania beka na lewe ni bulumakau tagane se gunuva na dra ni me? 14 Mo vakacabora ga Vua na Kalou (Elohim) na vakamolimoli, dau vakayacora vua sa Cecere sara, na veika e dodonu mo cakava, 15 dau kacivi Au mai, e na veiveisiga kece o dau leqa kina; baleta Au na vukei iko, o na qai vakacaucautaki Au.
- Same 50:8-15



Read Also If Possible
Genesis 9:1-3, Psalm 8, Proverbs 12:10,
Isaiah 11:1-10, 65:17-25.

Na Veibuli: Na Veika Bula Lelevu Se Lalai (Living Things Great and Small)

Serving for the 6th of January, 2008

Sa qai kaya na Kalou (Elohim), “Laiva me sinai vakayauyau na veika bula e loma ni wai, ka ra veivukayaki na manumanu vuka e dela i vuravura, e na kedrau tadrua na vuravura kei na lomalagi.” 21 Na Kalou (Elohim) sa qai bulia na tovuto lelevu kei na veika bula kece era yavavala me ra vakasinaita na loma ni wai, e na kedra dui mataqali, kei na manumanu vuka e na kena veimataqali. A qai raica na Kalou (Elohim) ni vinaka. 22 A qai vosa vakalougatataki ira na Kalou (Elohim), ni kaya, “Dou vakaluvea sara vakalevu mo ni tubu vakavuqa, qai vakasinaita na wai ni veiwasawasa, ka laiva talega me ra tubu me ra vuqa mai na manumanu vuka e vuravura. 23 Ia ni oti na yakavi sa qai mataka na ikalima ni siga.
- Vakatekivu 1:20-23


TURAGA (Yahweh) sa ka levu dina na nomuni cakacaka E na nomuni vakasama vuku, Oni a buli ira kece Ka sa roboti vuravura raraba na nomuni i yau 25 E vakakina na wasawasa e vakaitamera ka rabailevu, ka sa vakasinaiti tu e na veika bula era sega ni wili rawa. Na veika bula lelevu se lalai. 26 Era veisokoyaki voli kina na waqa kei na Liviacani talega, o koya oni a bulia me dauqito voli kina. 27 Era dau vakanamata kece vei kemuni Moni solia na kedra kakana e na kena gauna dodonu. 28 E na gauna oni sa solia kina vei ira, era na soqona vata kece sara; Ni oni dedeka na ligamuni, e sa vakasinaiti tu e na veika vivinaka.
- Same 104:24-28

Read Also If Possible

Psalms 104:104:11-18; Matthew 6:25-33;
Revelation 5:11-13

Serving for the 5th of January, 2008

A qai kaya na Kalou (Elohim) “Laiva me tu na vu-ni-rarama e na maliwa lala kei lomalagi, me wasea na siga mai na bogi; me qai i iVakatakilakila tiko ni veitabagauna, kei na siga kei na yabaki: 15 Ia me rau vu-ni-rarama mai na maliwa lala kei lomalagi, me vakararamataka na vuravura.” A qai mani vaka kina. 16 A qai bulia e rua na ivurevure lelevu ni rarama na Kalou (Elohim); na vu-ni-rarama levu me lewa na siga, kei na vu-ni-rarama lailai me lewa na bogi. E a bulia talega na kalokalo o Koya. 17 A qai vakatikori rau na Kalou (Elohim), me rau ciri toka mai na maliwa lala kei lomalagi, me rau vakararamataki vuravura no mai kina, 18 ka me rau lewa na siga kei na bogi, ka dau wasea tiko na rarama mai na butobuto. A qai raica na Kalou ni vinaka. 19 Ia ni oti na yakavi, sa qai mataka na ikava ni siga.
- Vakatekivu 1:14-19

Ia au sega ni raica e dua na valenisoro e loma, baleta na Turaga (Yahweh) na Kalou Qaqa (El Shaddai) vata kei na Lami e rau kena valenisoro. 23 Na korolevu sa sega ni vinakati kina na matanisiga se na vula me cila tiko kina, baleta na lagilagi ga ni Kalou (Elohim) e serauna, ia na Lami e kena icina. 24 Ia na nodra matanitu o ira era a vakabulai, era na qai vakararamataki kina ia o ira na tui kei vuravura era na mai vakacabora e keya na nodra vakamuduo kei na nodra vakarokoroko. 25 Na kena matamata era na sega vakadua ni sogo e vei siga, (sa na sega tale na bogi mai keya.) 26 Era na qai kauta yani na nodra vakamuduo kei na vakarokoroko o ira na veimatanitu. 27 Era na sega vakadua ni curu rawa kina, na veika kece e rawa ni veivakacacani, se rawa ni vakavuna na dukadukali se na lasulasu, ia o ira ga era volai tu e na Nona ivola ni bula na Lami.
- Vakatakila 21:22-27


Read Also If Possible
Psalms 104:104:11-18, Matthew 6:25-33
Revelations 5:11-13

Na Veibuli: Na Vanua, na Wasawasa, kei na Veikau (Land, Sea and Forests.)

The Serving for the 4th January, 2008

Sa qai kaya na Kalou (Elohim), “Laiva, me soqoni vata na wai e ruku ni lomalagi ki na dua na yasana, ka me rairai mai na vanua mamaca.” A qai vaka kina. 10 Sa qai vakatoka na vanua mamaca na Kalou (Elohim) me vanua, ka vakatoka na wai sa soqoni vata tu me wasawasa. A raica na Kalou (Elohim) ni vinaka. 11 Sa qai kaya tale na Kalou (Elohim), “Laiva me tubu na veimataqali kau e vanua, na co kei na kau vakasorena kei na kauvuata ni vanua ka kune na soredra e na dui vuadra, e na kedra dui veimataqali.” A qai vaka kina. E vakatubura na veimataqali kau na qele, na kau vakasorena e na kena veimataqali; kei na kauvuata e kune na soredra e na vuadra e na kena veimataqali. A raica na Kalou (Elohim) ni vinaka. Ia ni oti na yakavi sa qai mataka na ikatolu ni siga.
- Vakatekivu 1:9-13


“Oni sega beka ni rerevaki Au?” e taroga na Kalou (Yahweh). “Oni na sega beka ni sautaninini e mataqu? O Au, Au a bulia na veinuku me yalana na wasawasa, e na Noqu lewa tawa mudu, ka sa na sega vakadua ni sivia rawa; E na seuseua beka na kena veibiau, ia e na sega ga ni rawata; E na vavadugudugu beka, ia e na sega ga ni takosova rawa.
- Jeremaia 5:22


E vakatubura o Koya na co me kedra na manumanu, kei na veimataqali kau eso me ra teivaka na tamata – me qai vuataka na kakana mai na qele; 15 kei na waini e na vakamarautaka na loma ni tamata, na waiwai me vakalumisataka na matana, kei na kakana e na kaukaua kina na loma ni tamata.
- Same 104:14-15



Read These Also if You Can

Job 12:7-12, 38:8-11, Psalms 104,
Revelation 20:11-21, 22:1-3

Na Veibuli: Na Lomalagi e cake (The Heavens above)

The Serving for the third of January, 2008

Sa qai kaya na Kalou (Elohim), “Me sa buli mada e dua na maliwa lala e na kedra maliwa na wai, me wasei kina na wai mai na wai.” 07 Sa mani bulia na maliwa lala na Kalou (Elohim), qai wasea kina na wai e ruku ni maliwa lala, mai na wai e dela ni maliwa lala; a qai vakakina. 08 A qai vakatoka na maliwa lala na Kalou (Elohim), me Lomalagi. Ia ni oti na yakavi sa qai mataka na ikarua ni siga.
- Vakatekivu 1:6-8


Na lomalagi (heavens) e kacivaka tiko na lagilagi ni Kalou (El) ia na maliwalala (firmament) e vakatakila na cakacaka ni ligana, 02. Na veisiga e na kena veitarataravi, e liviraka tiko mai na i tukutuku, na veibogi e na kena veitarataravi e vakaraitaka tiko na vuku. 03 E sega ni duabulu na itukutuku se matuavosa e na sega ni rogo kina na domodra.
- Same 19:1-3


Au na vakavinavinaka vei kemuni TURAGA (Yahweh) e na kedra maliwa na veimatanitu, au na seretaki kemuni e na kedra maliwa na veimatatamata, 10 Ka ni vakaitamera na nomuni loloma, sa yaco sara i na lomalagi, na nomuni yalodina e yacova na o. 11. Mo ni vakacecerei tikoga, TURAGA (Elohim), ka lolovira na lomalagi, laiva na nomuni lagilagi me kovuti vuravura raraba.
- Same 57:9-11


E a bulia na vuravura na Kalou (Elohim), e na Nona kaukaua, ka vakataudeitaki vuravura e na Nona vuku, ka tevuka yani na lomalagi e na Nona yalomatua 13 Ni sa tabalaka na domona, e vakuru na wai mai lomalagi, e na kuvuya cake o Koya, na kabukabu mai na vunilagi. E vakatala mai na yaseyase vata kei na uca, ka vakavurea na cagi, mai na nona lololo.
- Jeremaia 10:12-13



Read Also if Possible
I Chronicle 16:23-32; Job 38:22-38,

Psalms 102:25-28, Act 1:1-2

Na Veibuli: Buli na Rarama (Light is Created)

Serving for the 2nd of January 2008.

Sa qai kaya na Kalou (Elohim), “Me rarama mai,” a qai rarama mai. 04 E a kunea na Kalou (Elohim) ni vinaka na rarama; qai wasea na rarama mai na butobuto na Kalou (Elohim). 05 E a vakatoka na rarama na Kalou (Elohim) me SIGA, ka vakatoka na butobuto me Bogi. Ia ni oti na yakavi sa qai mataka, qori na imatai ni siga.
- Vakatekivu 1:3-5

O kemuni na noqu icina i TURAGA (Yahweh) ; na TURAGA (Yahweh) e na vakararamataka na noqu butobuto.
- II Samuela 22:29

Na TURAGA (Yahweh) e noqu rarama ka noqu i vakabula, o cei tale meu na rerevaka. Na TURAGA (Yahweh) na kaukaua ni noqu bula, o cei tale meu na ravataka
- Same 27:1

Oti sa qai vosa tale vei ira o Jisu (Yahshua) ni kaya, “O Au na rarama kei vuravura. O koya e muri i Au e na sega ni lako e na butobuto, baleta sa tu vua na rarama ni bula.”
- Joni 8:12

Sa na sega vakadua tale na kalouca, ia na idabedabe vakatui ni Kalou (Elohim) kei na Lami, e sa na tiko kina, ia o ira na Nona italai era na qaravi Koya. 04 Era sa na raica na matana, ia na Yacana e sa na volai toka e yadredra. 05 E sa na sega na bogi mai keya: e sa na sega ni vinakati na icina se na siga, baleta na TURAGA na Kalou (Yahweh Elohim) e na solia vei ira na rarama. Era sa na veiliutaki me tawa­mudu ka sega ni mudu.
-Vakatakila 22:3-5

Also Read If Possible

Leviticus 24:1-4, John 3: 19-21;
Job 24:13-17, 38: 8-20; 1 John 1: 5-8

Na Veibuli: E Na i Vakatekivu (The Creation In the Beginning)

Serving for the 1st January, 2008

E na ivakatekivu e a bulia na lomalagi kei na vuravura na Kalou (Elohim). 02 A qai sega tu mada ni vakacokotaki na vuravura, ka laladidi tu; e a toka na butobuto e na dela ni wasa titobu, a qai yavala na Yalo ni Kalou (Spirit of Elohim) e dela ni wai.
-Vakatekivu 1:1-2

E na ivakatekivu sara a sa tiko na vosa, a tiko kei na Kalou (Elohim) na vosa, baleta na vosa ga na Kalou (Elohim). 02 E vaka kina na ivakatekivu vua na Kalou (Elohim) 03 Na veika kece a bulia o Koya, ia ke sega o Koya, ke a sega ni buli e duabulu na kabuli. 04 Na bula e tiko Vua; ia na bula e vu ni rarama vei ira na tamata. 05 Na rarama a qai rama tiko e na butobuto, ia na butobuto a sega ni kinoca rawa.
- Joni 1: 1-5,


Aleluya, Vakavinavinaka Vua na TURAGA (Yahweh) mai Lomalagi: vakavinavinaka Vua e na veivanua cecere,
02 Vakavinavinakataki Koya, o kemuni na Nona Agilosi.
Vakavinavinakataki Koya o kemuni kece na Nona Dauniveiqaravi,
03 Vakavinavinaka Vua, na matanisiga kei na vula,
Vakavinavinaka Vua o kemuni na kalokalo serau,
04 Vakavinavinaka Vua o kemuni mai na dela ni Lomalagi cecere,
Ka vaka kina e na wai e ruku ni lomalagi,
05 Laivi ira me ra vakavinavinakataka na yaca ni TURAGA (Yahweh),
Baleta a tauca na lewa, era qai buli kina,
06 Sa vakataudeitaki ira o Koya, me tawa mudu ka tawa mudu,
Ka virikotora na Nona lewa e na sega ni kena itinitini
-Same 148: 1-6


Read Also If You Can
Psalm 102: 25-28, 139: 13-18, Proverbs 8;
Isaiah 40: 12-31, 45: 18-25, Hebrews 11: 1-3