Toso Cake Nei Tevita. (David’s Rise)

Thought: Yahweh Looks At The Heart, Not The Exterior.

..........................

Serving For the 9^th April, 2010

Ia qai kaya o Jiova (Yahweh) vei Samuela, Kakua ni raica na kena irairai, se na ibalavu ni yagona; baleta au sa besetaki koya oti; au sega ni rai me vaka na rai ni tamata; baleta na tamata e raica na irairai e taudaku, ia o Jiova (Yahweh) e raica na vuniyalo.

1 Samuel 16: 7

O Jese a qai cakava me ratou lako mai i na mata i Samuela e vitu na luvena tagane. Kaya o Samuela vei Jese, E sega ni digitaka e dua vei ira qo o Jiova (Yahweh).11 Tarogi Jese tale o Samuela, O ira kece ga qo na luvemu tagane? Kaya vua o koya, E vo tiko o koya e gone duadua, ia raica, o koya e vakatawa sipi tiko. Kaya o Samuela vei Jese, Talatala me lai kau mai i ke o koya, baleta au na sega ni biubiu, me yacova ni sa lako mai i ke o koya. 12 A qai talatala o koya, qai lai kau mai o koya. O koya e yago damudamu ka kaukaua, e totoka vakaoti na yaloka ni matana, ka rairai vinaka vakaoti na kena irairai. Kaya o Jiova (Yahweh) vei Samuela, Tucake, lumuti koya, baleta qo sara ga o koya. 13 Sa qai taura o Samuela na ileu waiwai, qai lumuti koya e na kedratou maliwa na tuakana. Na Yalo i Jiova (Yahweh) a qai sobuti Tevita me tekivu mai na siga oya lako yani. Sa qai tu o Samuela, me lako i Ramaca, i na nona vale.

14 ¶ Na Yalo i Jiova (Yahweh) a qai biuti Saula; ia e dua na yalo velavela mai na mata i Jiova (Yahweh) a qai dau mai vakaleqai koya. 15 Era kaya vei Saula o ira na nona dauniveiqaravi, Raica, o ira na nomu dauniveiqaravi era tu qo e matamu. 16 Laivi ira me ra vaqara mai e dua na tamata dauqiri api; e na gauna kece e vakaleqai iko tiko kina na yalo velavela, o koya me na qiriqiri e ligana, me rawa ni vinaka tale vei kemuni. 17 Kaya o Saula vei ira na nona dauniveiqaravi, Vaqara mai e dua na tamata e rawa ni qiriqiri vinaka, kauti koya mai vei au. 18 Sauma mai e dua vei ira na cauravou ni kaya, Raica, au a raica e dua na luvei Jese na kai Becelihema, ni matai e na qiriqiri, e tamata levu ka qaqa, e tamata ni ivalu, e cameme e na vosa, tamata rairai vinaka, ka tiko kei koya o Jiova (Yahweh).

1 Samuel 16:10-18

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
99	April 9	1 Samuel 1-3	..

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).