Thought : It Is Yahweh and None Other That Reigns Supreme.
Serving For Yom Khah Mee-shee, Tammuz 5, 5771
Ni sosoqoni vata moni lako mai; ni toro mai vakaveivolekati, o kemuni oni a vueti ka drobula mai na veimatanitu; e sega na nodra kilaka o ira era colata na matakau ceuceu kauvaro, ka dau masu i na dua na kalou e na sega ni veivakabulai rawa. 21 Ni veivosaki, ni toso vakaveivolekati ka veitarotarogi; se o cei a tusanaka oqo mai na ivakatekivu? E sega beka ni o au ga o Yahuwe (YHWH) mai na ivakatekivu sara? E sega tale ni dua na kalou (elohim) keirau lerua vata; au na Kalou (Mighty One) yalododonu kau iVakabula; e sega ni tiko e dua tale, me kequ ikarua. 22 Toro volekati au mai moni vakabulai, o kemuni mai na iyalayala kei vuravura; baleta o au o Yahuwe (YHWH) e sega ni dua tale me keirau lerua kaya; 23 Au sa bubuluitaka oti o au vakataki au, na kena vosa sa lako oti mai gusuqu e na yalododonu ka sa na sega ni suka tale mai; baleta vei au na duru taucoko era na tekiduru ka vakatusai au na yame taucoko. 24 Era na qai kaya, Vei Yahuwe (YHWH) e kune na yalododonu; vua era na lako mai na tamata qaqa; ia o ira kece era vakasewasewani kemuni era na madua. 25 Vei Yahuwe (YHWH) o ira kece na kawa Isira'yili era na vakadonui me ra rokovi.
Au na vakavinavinakataki kemuni i Yahuwe (YHWH) e na vuniyaloqu taucoko; Au na vakaraitaka wavoki na nomuni cakacaka cecekia taucoko. 2 Au na dau reki ka mamarau e na vukumuni, kau na dau lagata na sere meu vakacaucautaka na yacamuni, O kemuni oni cecere duadua. 3 Ni ra sa moku me ra tu vakasuka na kequ meca, era na qai tacaqe ka vakarusai e matamuni. 4 Baleta ni oni tokona na noqu dodonu kei na noqu inakinaki; ni oni dabeca toka na idabedabe vakatui, o kemuni oni daunilewa yalododonu; 5 Oni vosataki ira na veimatanitu, oni vakarusai ira na daunicakaca; Oni qai bokoca laivi vakadua na yacadra me tawamudu ka sega ni mudu. 6 Na kequ meca era sa vakawabokotaki e na iseleiwau me tawamudu; oni qai vakarusa na veikorokoro, na kedra ivakananuni mada ga sa takali vakadua. 7 Ia o Yahuwe (YHWH), e na tudei tu me tawamudu; e sa vakarautaka o koya na nona idabedabe vakatui e na vukuna me baleta na vakataulewa. 8 O koya e na qai vakatulewataka na vuravura e na lewadodonu vata kei ira na tamata lewadina. 9 O Yahuwe (YHWH) e na yaco talega me nodra i tataqomaki na dravudravua, na itataqomaki e na gauna ni leqaleqa. 10 O ira era kila na yacamuni, era na vakataqara na nodra inuinui vei kemuni, baleta oni sega vakadua ni vakanadakui ira era vaqarai kemuni i Yahuwe (YHWH).
| Read The Scriptures (Tanakh) in a Year | |
| Siga (Day)/Blog | Tikinisiga (Date) |
| 188/Blog No. 1328 | July 7, 2011. |
| Reading | Hebrew Date |
| Tammuz 5, 5771 | |
| Click The Bible Text To Read It In Gateway In Another Language Or Version | |
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
