Thought: When Faith In Yahweh Wavers, Faith In Inanimate Things Soars.
Serving For The 4th April, 2009
O ira na kai Filisitia era a qai taura na kato ni Kalou (Elohim), era qai kauta mai na Vatu ni Veivuke i Asidodo. 02 Oti era qai taura tale na kato i Jiova (Yahweh) na kai Filisitia, era qai kauta mai i na burekalou nei Deiqona, era qai vakatikora e na yasa i Deiqona. 03 Ni ra yadra e na mataka o ira na itaukei kei Asidodo, era qai kunei Deiqona ni sa bale vakatoboicu tu e na buturara e na mata ni kato i Jiova (Yahweh). Era mani laveti Deiqona, ka vakaduria tale e na kena itutu. 04 Ia ni ra yadra tale mai e na mataka caca ni siga tarava, era baci raica, ni sa bale tale tu vakatoboicu e na buturara o Deiqona e na mata ni Kato i Jiova (Yahweh); na ulu i Deiqona kei na ligana ruarua rau sa kamusu laivi tu e na ilago, na toloi Deiqona ga sa vo toka. 05 O koya qo, e sega kina ni dua vei ira na bete nei Deiqona se o ira era dau curuma na burekalou nei Deiqona, e na butu kosova tale na ilago ni burekalou nei Deiqona mai Asidodo me yacova na siga nikua.
06 ¶ Ia na liga i Jiova (Yahweh) e a tau bi vei ira na itaukei kei Asitoti, ni a vakarusai ira, ka vakaleqai ira e na bo, ruarua o ira mai Asidodo kei na veiyasana wavolivolita. 07 Ni ra sa raica na tagane mai Asidodo na ka e yaco tiko, era qai kaya, Na Kato ni Kalou (Elohim) nei Isireli me sa kakua ni tiko vata kei keda; baleta na Ligana sa rui tau bi sara tiko ga vei keda vata kei Deiqona na noda kalou (elohim).
E na vakabauta, eda kila kina ni a buli na vuravura e na vosa ni Kalou (Yahweh), me qai rawa kina vei ira na veika era laurai votu, me ra a buli mai na veika e sega ni laurai.
