Na iVakatawa Ni Sipi. (The Shepherds)

Thought: Be Warned Not To Lead YHWH’s Flocks Astray From YHWH’s Pastures

 ........................

Serving For Yom Sheini, [Fourth Month] Tammuz 9, 5773

 MAI NA NEVI’IMI AKARONIMI FROM THE NEVI’IM ACHARONIM)

Vakarorogo ka vakatudaliga; kakua ni viavialevu! Baleta o Yahuwe (YHWH) sa vosa oti.16 Solia na vakarokoroko vei Yahuwe (YHWH) na nomuni Kalou (Mighty One), ni se bera ni vakacerebuto, ni se bera talega ni tacaqe na yavamuni e na veiulunivanua ni sa yakavi bogi, ia e na gauna oni vaqara tiko kina na rarama, o koya e na vukica me dua na iyaloyalo ni mate, qai cakava me butobuto sara yani vakadua. 17 Ia kevaka oni na sega ni via rogoca na veivakatuvakarautaki oqo; au na tagi lo e na vuku ni nomuni viavialevu; na mataqu e na tagi vakavutugu, me drodro vakayauyau na wai ni mataqu, baleta na qelenisipi i Yahuwe (YHWH), era sa colati laivi vakabobula.18 Kaya vua na tui kei na tina ni ranadi, Kevu sobu mai na nomudrau idabedabe vakatui, baleta na nomudrau isala vakatui totoka vakaoti sa lutu laivi tiko mai ulumudrau. 19 Na veikorolevu mai na ceva (Negev) era sa tuvaivalutaki tiko, ka sega ni dua me vakacegui ira; o Ya'huda taucoko sa colati me ra cemuri laivi, me ra cemuri laivi vakadua. 20 Matacake, o na qai raici ira ni ra sa siro sobu tiko mai na vualiku. Evei na qelenisipi era a nuitaki tu vei iko, o ira na sipi era a dau nomu isakisaki? 21 Ni sa vakadeitaki e delamu me ranomuni daunivakavulewa, oya o ira o a vakatavulici ira me ra tovata kei iko, na cava beka o na qai kaya? E na sega beka ni kovuti iko na vutugu, me vaka e dau yacovi ira na yalewa e na gauna ni nodra taratara? 22 Ia kevaka mo tarogi iko vakataki iko, Na cava na vuna e yaco tiko kina vei keimami na veika oqo? Qo baleta ga na vakaitamera ni iwiliwili ni nomuni ivalavala ca, e na kena sa cegai cake na nomuni liku, [baleta talega] ni o sa vakacacani. 23 E rawa beka vua e dua na kai Iciopea me veisautaka na roka ni kulina? Se na leopadi na tavutonotono (e yagona)?  Kevaka era rawa ni cakava [o ira qori] e kena ibalebale ni o kemuni oni rawa talega ni caka vinaka, o kemuni e sa matau tu vei kemuni na caka ca. 24 Qori au na ceburaki ira laivi kina me ra vaka na qa ni witi era cacaginagina laivi e na cagi mai na vanua dravuisiga. 25 Qo na veika e na yaco vei kemuni, e kaya o Yahuwe (YHWH), na iwasewase au na vakarautaka yani vei kemuni, baleta ni oni sa guilecavi au, moni vakabauta na veika lasutaki. 26 O au sara ga, au na cega cake na nomuni liku, me lai kovuta na matamuni, me kune votu na nomuni iyaya vuni. 27 E na veidelana kei na veibucabuca, au sa dau dikeva na nomuni ivalavala vakasisila, na nomuni dauveidauci, na nomuni dautagi e na nomuni ganova na nomuni saqamua vakamadua. Na leqa levu e na yaco vei iko i Yerushalayimi! O cata mo vakasavasavataki! O iko beka o na sega tu ga ni vakadonuya?

Yiremeyahu (Jeremaia) 13:15-27

NA IVAQA NI BULA (FOOD FOR THE SOUL)

E vinaka cake na sota kei na dua na beya e butakoci o ira na luvena, mai na dua na sesewa kei na nona lialia. 13 ¶ Na leqa lelevu e na sega vakadua ni yali mai nona vale o koya e [dau] veisausaumitaka na vinaka, e na ca.

Mishlei (Vosa Vakaibalebale) 17:12-13

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere ni cabecabe. Maivei Dawide. I Yahuwe (YHWH) au kacivi kemuni mai na [tikina] titobu; 2 Rogoca mai na noqu tagi, i Yahuwe (YHWH)! Laiva na daligamuni me vakatudaliga i na qaqani noqu vakamamasu. 3 I Ya (Yah), kevaka oni maroroya tiko na [ivola] tukutuku ni neimami ivalavala ca, o cei i Yahuwe (YHWH), e na rawa ni se tucake tale tu. 4 Ia vei kemuni e tiko na veivosoti, me rawa kina ni oni na rerevaki.

5 ¶ O Yahuwe (YHWH) au waraka tiko e na yalo ni nanamaki; au sa biuta tu na noqu inuinui i na nona vosa. 6 Na veika kece e lomaqu, e waraki Yahuwe (YHWH) tiko, vakalevu cake maivei ira na matayadra e na mataka ca ca, vakalevu cake talega mai vei ira na matayadra era waraka tiko me mataka na vanua. 7 Yisira'yili, biuta na nomu vakanuinui vei Yahuwe (YHWH)! Baleta na loloma e kune vei Yahuwe (YHWH) ka ni vakaitamera vua na yalo ni veivueti e sega ni vakaiyalayala. 8 O koya ga e na vueti Yisira’yili, mai na nona caka ca kecekece sara.

Tehillim (Same) 130:1-8

 E dua na sere ni cabecabe. Maivei Dawide. (1) I Yahuwe (YHWH) na vuniyaloqu e sega ni dau dokadoka;  Au sega talega ni taqara na noqu rai me rui yawa tale i cake, au sega ni dau vakaitavi e na veika era lelevu, se e na veika e rui cecere cake tale vei au. 2 Sega, au dau raica meu maloku tu ga, meu qai toka vagagalu tikoga, me vaka e dua na gone lailai e tene toka vei tinana, au dau qarauni au meu vaka tikoga na gone lailai.3 I Yisira'yili, biuta na nomuni inuinui vei Yahuwe (YHWH), mai na gauna oqo ka me tawamudu!

Tehillim (Same) 131:1-3

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 268 in 5773 (Total 1995)	June 17, 2013
Reading	Hebrew Date
M’lakhim Alef (1 Kings) 7-8	M #4: Tammuz 9, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.