Thought: True Joy Is Not Found Under The Sun, But With Yahweh In His Dwelling.
Serving For Yom Reeshone, 17th Sivan 5770
Nanumi koya e a buli i iko, e na gauna o se gone tiko kina, ni sebera ni yaco mai na veisiga ca, ka ni sa toso voleka tiko mai na veiyabaki o na kaya kina, Sa oti vei au na noqu taleitaka na veika oqori; 02 Ni sebera ni malumu sobu na bula, na veika totoka e na seyavu, na iyau e na leqa, na dravudravua e na muria mai na vutuniyau. 03 E na veisiga sa sautaninini kina na yava kei na liga ni sa malumalumu, na bati sa na sega ni mama rawa e dua na ka baleta ni sa vo ga e vica, kei na mata sa na buwawa sara yani. 04 Na daliga sa na malumu, na rorogo mada ga ni marama era qaqaqi tiko e na iqaqi sa na rogo lailai sobu, na tagane era na matacake e na tagi ni manumanu vuka; ia na domodra na yalewa era laga sere tiko sa na rogo lailai talega. 05 Sa na rerevaka na veika cere o koya, ka na sautaninini ni kaba cake tiko e na kena sala, kei na tawatawamoce sa na yacovi koya; na vunialamodi e na se, ka na tubu na kedra iwiliwili na vodre, na iboi totoka sa na kaburaki ka sa na mudu na veileqaleqa; baleta na tamata sa na lako i na vale ni nona icovi, ia o ira era vakaloloku era na veilakoyaki ga e gaunisala. 06 Nanumi koya ni sebera ni muduki laivi na dali siliva, kavoro na viala koula, kabete na saqa mai na ivurevure, se ramusu na qiqi e na toevu. 07 Sa na lesu na kuvu ni qeie i na qele ga a kau taumada mai kina; kei na icegu e na kau lesu vei Jiova (Yahweh) o koya ga e a solia taumada mai.
Oni na vakatakila vei au na sala ni bula, kau na vakasinaiti vakaidina e na marau e tu e matamuni; kei na reki ni qaqa e toka e ligamuni matau.
