Thought: Yahweh is the Creator, He Is Different
Serving For Yom Reeshone, Adar-Alef 9, 5771
O Aharoni a qai laveta cake na ligana vei ira na tamata, qai vakalougatataki ira, oti qai sobu mai ni sa cabora oti na isoro ni valavala ca, na isoro kama, kei na imadrali ni tiko veisaututaki.
23 ¶ O Moshe kei Aharoni, rau qai curu ruarua i na nodra valetabu na isoqosoqo, ia ni rau sa curu lesu mai, rau qai vakalougatataki ira na tamata: na lagilagi nei Jiova (Yahweh) a qai rairai e na kedra maliwa vei ira na tamata. 24 A qai caudre mai, e na mata i Jiova (Yahweh) e dua na yame ni bukawaqa ka yameca na isoro kama kei na uro e na dela ni cabocabo ni soro, era qai raica na tamata, era qai cavuta na nodra vakamolimoli, ka lutu sobu me ra cuva tu vakatoboicu.
Neidava kei Avaihu, o rau na luve i Aharoni, rau qai dui taura na nodrau miqa, biuta e loma na bukawaqa, ka vakotora e loma na sede boi vinaka, rau qai cabora na bukawaqa duatani e na mata i Jiova (Yahweh), ni se sega ni kena gauna, e na dua na kena ivalavala a sega ni vakaroti vei ira. 2 Oti qai lako mai vei Jiova (Yahweh) e dua na bukawaqa, yameci rau, rau qai mate e na mata i Jiova (Yahweh). 3 Kaya sara vei Aharoni o Moshe, Qo na ka a vosataka o Jiova, ni kaya, Au na vakatabui mai vei ira era toro voleka mai vei au, kau na vakarokorokotaki e matadra kece na tamata. O Aharoni a galu tu ga. 4 Kaci o Moshe vei Misha'yili kei Yilisafana, na luve i 'Usi'yili na tama i Aharoni lailai, qai kaya vei rau, Toro mai, drau mai kauta tani na wekamudrau mai na mata ni vale tabu, ki na ibili ni itikotiko. 5 Rau mani toro voleka, rau qai kauti rau e na nodrau isulu balavu i na ibili ni itikotiko; me vaka e vakarota o Moshe. 6 Kaya vei Aharoni o Moshe, vei rau talega na luvena, o Yili'asa kei Itama, Dou kakua ni toroya na ulumudou, kakua talega ni dresulaka na nomudou isulu; de dou qai mate, qai sobuti ira kece na tamata na leva; ia laivi ira na mataveitacini oya na vale kece o Isira'yili, me ra tagicaki ira na mate, ni vakamai ira o Jiova (Yahweh). 7 Dou kakua ni curu i tubu mai na katuba ni vale ni veitavaki, de dou qai mate: baleta na waiwai ni veilumuti i Jiova, sovaraki oti vei kemudou. E ratou qai muria na vosa i Moshe.
| Read The Scriptures (Tanakh) in a Year | |
| Siga (Day)/Blog | Tikinisiga (Date) |
| 044/Blog No. 1184 | February 13, 2011. |
| Reading | Hebrew Date |
| Adar Alef 9, 5771. | |
| Click The Bible Text To Read It In Gateway In Another Language Or Version | |
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
