Thought: Despite Rebellion, Yahweh Promises Not To Forsake Them For The Sake OF His Name
.........................................................................................
Serving For
Ni sa oti e yabaki rua na nona veiliutaki tiko e Isireli o Saula. 02 a qai digitaka vakataki koya e tolunaudolu na tagane ni Isireli; e rua na udolu era a tiko vata kei koya mai Mikimasi e na ulunivanua mai Peceli, ka duanaudolu era a tiko vata kei Jonacani na luvena tagane mai Kipea e Penijamini; o ira na vo ni tamata a qai vakasukai ira lesu i na nodra dui vale. 03 O Jonacani e a mokuta na nodra keba vakaivalu na kai Filisitia e a tiko mai Qeba; ia era qai rogoca na kai Filisitia. A qai uvuca na davui e na vanua taucoko o Saula, qai kaya, Laivi ira na Iperiu vata kei Isireli taucoko me ra rogoca na itukutuku, 04 ni sa mokuta na nodra keba vakaivalu na kai Filisitia o Saula, ka sa rawai ira na kai Filisitia, o ira na Isireli. Era qai kacivi vata kece na tamata me ra muri i Saula i Kilikali. 05 Ia era a soqoni vata na kai Filisitia me ra valuti ira na Isireli; e tolusagavulunaudolu na qiqinivala, e ononaudolu na sotia vodo ose, kei ira na tamata e vaka na mataninuku e matasawa na kedra iwiliwili; era qai toso mai me ra mai keba toka mai Mikimasi, vaka i na tokalau kei Peceli. 06 Ni ra sa raici ira o ira na Isireli, e a qai curumi ira na domobula; era qai dui vuni e na veiqaravatu, i loma ni qara, i daku ni veivatu, i na veiqakilo kei na ikeli ta.
Kakua ni galele i na domoni ni ilavo; ia moni lomavakacegu ga e na veika e tu vei kemuni. Baleta na Kalou (Elohim) vakataki Koya e a kaya,“Au na sega ni biuti kemuni se vakawaletaki kemuni.”
May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh(YHWH).
