Paul In Phillipi (Paula Vei Ira Na Kai Filipai.

Thoughts: Always Overcome, No Matter Your Circumstances

......................................

Serving For The 14^th December, 2009

Au solia na vakavinavinaka Vua na noqu Kalou (Elohim), baleta na tudei ni nomuni dau nanumi au. 04 E na noqu masu kece e na vukumuni, au dau vakatakekere e na yalomamarau, 05 baleta na nomuni veitokani e na qaravi ni ituku­tuku vinaka mai na imatai sara ni siga me yacova mai oqo, 06 kau dau nuidei tu e na ka sara ga oqo, ni o Koya e a tekivuna na cakacaka vinaka oqo e na kemuni maliwa, o koya talega e na tosoya tiko me yacova na siga ni noda Turaga o Jisu (Yahshua) na Mesaia.

07 ¶ Qo na sala e dodonu vei au meu dau nanumi kemuni kina, baleta e na gauna kece au vesu tu kina, e na noqu sabaya ka vakadeitaka tiko na dina ni itukutuku vinaka; o kemuni oni dau duavata tiko vata kei au e na cakacaka ni loloma oqo. 08 Na Kalou (Elohim) e noqu ivakadinadina, e na ilevu ni noqu dau taleitaki kemuni, e na yalololoma taucoko nei Jisu (Yahshua) na Mesaia.

09 ¶ Ia na ka oqo, au dau masulaka, me tubu bulabula tiko ga na nomuni loloma, e na nomuni kilaka kei na yalomatua vakayalo, 10 moni rawa ni dau digitaka na veika e daumaka vakaoti, moni savasava vakaoti ka me sega na nomuni cala e na Nona siga na Mesaia, 11 e na nomuni vakasinaiti e na vua ni yalo­dodonu, e vu maivei Jisu (Yahshua) na Mesaia, me vakalagilagitaki kina ka vakavinavinakataki na Kalou (Yahweh).

Filipai 1:3-11

Au sega ni kaya tiko qo baleta au gadreva e dua na ka; e sega, baleta au sa vulica meu dau cakava na veika e tu vei au, me veiraurau kei na veika au gadreva.

Filipai 4:11

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
349	December 14	Amos 1-3	Revelation 5

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).