Thought: Knowing Yahweh Is Hope For Us, Through the Messiah
Serving for the 12th December, 2009
O Koya e veiucui vakaoti kei na Kalou (Elohim) sa tabogo, ka ulumatua vei ira na veika buli kece.16 Baleta, e na vukuna o Koya, era a buli kina na veika kece e lomalagi kei na veika kece era tiko e vuravura, laurai se sega ni laurai; se ra itutu vakatui, se o ira era turaga, se lewa vaka agilosi se matanitu; a veika kece era a tiko e ligana ka ra buli e na vukuna. 17 O Koya, e liu duadua e na veika kece, o koya tale ga e taura vata kece tu na veika kece. 18 O Koya na ulu ni yago, na isoqosoqo; baleta o koya na ivakatekivu ka isevu vei ira na vakaturi mai na mate, me rawa ni liu tiko o Koya e na veika kece. 19 Baleta ni gagadre ni Kalou (Yahweh) me na mai tinia na veika kece Vua; 20 e na ligana o koya me na vakalesuya Vua na veivakaduavatataki; mai na nona dra a dave e na kauveilatai, qai yaco kina na veisaututaki e na Vukuna, ruarua vei ira e vuravura kei ira mai lomalagi.
21 ¶ Vei kemuni mada ga, oni a dau sogo laivi tu sevaki e na uto ni nomuni vakasama baleta na nomuni cakacaka ca, na veisaututaki sa soli mai, 22 e na imadrali ni lewe ni Yagona, kei na Nona mate, me rawa ni qai vakaturi kemuni, moni vakatabui, tawacala ka sega ni vakamelei rawa, 23 kevaka oni toso tikoga e na nomuni vakabauta, ka tudei vinaka tu na nomuni yavu, moni kakua ni toso laivi mai na inuinui ni itukutuku vinaka oni sa rogoca oti, ni a vunautaki vei ira na veika buli kece e ruku ni lomalagi, kau sa mai kena italatala tu oqo, o au, o Paula.
O ira, e sa nakita na Kalou (Elohim) me vakaraitaka vei ira na iyau levu e kune e na lagilagi ni dina vunitaki oqo, vei ira na kai Veimatanitu tani, oya na Mesaia e lomamuni, kei na inuinui ni noda lagilagi.
| Read The Bible in a Year (Wilika Na iVola Tabu E Na Dua na Yabaki). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 347 | December 12 | Hosea 12-14 | Revelation 3 |
