Lumuti O Yilaisha (Ylisha Annointed)

Thought: Ylisha Became A Mighty Prophet, Mightier Then Yliyahu

 ......................

Serving For Yom R’vi’ii, Cheshvan 15, 5773

MAI NA NEVI’IMI RISHONIMI (FROM THE NEVI’IM RESHONIM)

E na qai yaco ni o koya e dro bula mai na seleiwau i Haza'yili, e na vakamatea o Yehu; ia o koya e dro bula mai na seleiwau i Yehu, e na vakamatea o Yilaisha. 18 Ia au se taqomaka tiko e na vukuqu e le vitunaudolu vei ira na Yisira'yili, o ira kece na duru era se bera ni tekiduru vei Ba'ala kei na gusu kece era se bera ni reguci koya.

19 ¶ Sa mani biubiu sara ga e na gauna oya o koya, qai kunei i Yilaisha na luvetagane i Shafata, ni siviyara tiko, ka vakayagata tiko e tinikarua na isaa na bulumakau era dreta tiko na siviyara, qai muria tiko o koya na ikatinikarua ni isaa; ia o Yilaiyahu a lako ga yani vua qai ubi i koya e na nona itutuvi. 20 E biuta sara ga o koya na isiviyara kei na okisi qai cicimuri i Yilaiyahu, qai kaya yani vua, Laivi au, au kerea meu lai reguci  tamaqu kei tinaqu mada, oti au na qai mai muri iko. Kaya yani vua o koya, Lesu sara ga, se cava beka au sa bau cakava vei iko?  21 Ia ni biubiu mai vua, a qai taura e dua na isaa na okisi, vakamatei rau, qai vakasaqara na lewena e na kau mai na nodrau ivua na okisi, qai solia vei ira na tamata, era qai kania. Sa qai cavutu o koya me lako muri i Yilaiyahu, me lai veiqaravi vua.

M’lakhim Alef (1 Tui) 19:17-21

NA IVAQA NI BULA (FOOD FOR THE SOUL)

Me vaka na duka ni siliva e kabita mai na kuro qele, e vakakina na tebenigusu yalokatakata kei na vuniyalo dukadukali.

Mishlei (Vosa Vakaibalebale) 26:23

LOMANI YAHUWE NA NOMU KALOU (LOVE YHWH YOUR MIGHTY ONE

MAIVEI Davide. Vakavinavinaka vei Yahuwe (YHWH), noqu bula (soul); vakavinavinakataka na yacana tabu. 2 Vakavinavinakataki Yahuwe (YHWH) noqu bula, kakua ni guilecava na veika vivinaka mai vua, 3 O koya sa vosota na nomu ivalavala ca, ka vakabulai iko mai na kemu mate veitauvi kecekece; 4 O koya e vueta na nomu bula mai na rusa; o koya e vakaisalataki iko e na nona yalovinaka kei na yalololoma tau malumu, 5 O koya e vakamamautaka na gusumu e na veika vinaka, me vakavoutaki kina na nomu itabagone me vaka na ikeli.

6 ¶ O Yahuwe (YHWH) e vakayacora na veika dodonu, kei na lewa dodonu vei ira kece era dau vakasaurarataki. 7 E vakatakila na nona ivalavala o koya vakataki koya vei Moshe, kei na nona cakacaka vei ira na Yisira'yili. 8 O Yahuwe (YHWH) e vakaitamera na nona yalololoma ka dauyaloyalo vinaka, e berabera na nona vakacudrui ia e vakaitamera ga vua na loloma. 9 E sega ni dau veivunauci e veigauna; ka sega talega ni dau katona na nona leva me tawa mudu. 10 E se sega vakadua ni vakarautaka vei keda na veika me veiraurau kei na noda caka ca se sauma vei keda na noda ivalavala ca; 11 Ia me vaka na kena cere mai dela i vuravura na lomalagi, e vakakina na vakaitamera ni nona yalololoma vei keda eda rerevaki koya. 12 Me vaka na kena yawa na vuaicake mai na vuaira, qori na kena yawa e kauta vakayawa kina mai vei keda o koya na noda ivalavala ca. 13 Me vaka e dua na tama e dau lomani ira na luvena, o Yahuwe (YHWH) talega e na lomani ira era qaravi koya. 14 Baleta e kila o koya na noda a buli, ka nanuma vinaka tu o koya ni da kuvu ni soso. 15 Ia na tamata, na nona gauna e vaka na co; e vaka na senikau ni vanua, e dau se vakakina o koya. 16 Ia ni liwava ga na cagi e na takali; na tikina a toka kina e na sega ni kilai tale vakadua. 17 Ia na yalololoma i Yahuwe (YHWH) e vu mai na tawamudu i na tawamudu vei ira era dokai koya kei na nona yalododonu vei ira na luvedra na luvedra, 18 Vei ira era bula muria na nona veiyalayalati vata kei ira era nanuma na nona ivakaro me ra dau vakayacora.

19 ¶ O Yahuwe (YHWH) sa vakarautaka tu na nona idabedabe vakatui mai lomalagi; na nona matanitu e na lewa na veika kece. 20 Vakavinavinaka vei Yahuwe (YHWH) kemuni na nona mala’akimi; oni uasivi e na kaukaua, ka dau vakayacora na nona ivakaro, ka galeleta vakavinaka na domo ni nona vosa. 21 Vakavinavinaka o kemuni vei Yahuwe (YHWH), o kemuni kece na nona lewe vuqa; O kemuni na nona italatala oni dau vakayacora na nona gagadre. 22 Vakavinavinaka vei Yahuwe (YHWH), na nona cakacaka e na veiyasana kece e na ruku ni nona lewa: Vakavinavinaka vei Yahuwe (YHWH), noqu bula (soul).

Tehellim (Same) 103:1-22

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 304 o/o 1764	October 31, 2012
Reading	Hebrew Date
Iyov (Jope) 15-16	M #8: Cheshvan 15, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Dro o Yilaiyahu (Yli'yahu Runs)

Thought: While On The Run, Yli'yahu Anointed Two Kings And One Prophet

 ...................

Serving For Yom Shlishi, Cheshvan 14, 5773

MAI NA NEVI’IMI RISHONIMI (FROM THE NEVI’IM RESHONIM)

O 'Aka'ava a qai tukuna vei Izevela na ka kece a cakava o Yilaiyahu, ni a vakamatei ira kece na parofita nei Ba'ala kei ira na parofita e na itikotiko ni sokalou, e na seleiwau. 2 A qai tala o Izevela e dua na dau ni kauitukutuku vei Yilaiyahu, me lai kaya, Laiva me ra cakava vei au na kalou (elohim) ka vakaikuritaka tale, kevaka au sega ni cakava na nomu bula me  tautauvata kei na dua vei ira, e na gauna vata oqo e na siga ni mataka. 3 E a curumi Yilaiyahu na domobula qai cavutu me drovaka na nona bula, ka lako sara i Bia-Shi'va, e dua na korolevu mai Ya'huda, qai lai biuti ira tu na nona tisaipeli mai keya. 4 O koya vakataki koya a qai toso tale tiko me dua tale na siga, vakadua i loma ni veikauloa, oti qai toka sobu e na ruku ni dua na vunioki; qai kerea e na vukuna o koya vakataki koya me mate, ni kaya, Sa rauti au qo; I Yahuwe (YHWH), kauta laivi na noqu bula; baleta au sega ni vinaka cake vei ira na tamaqu. 5 Oti sa qai davo qai mani mocelutu no e ruku ni vunioki; ia raica, ni a tarai koya e dua na mala’aka qai kaya vua, Matacake, kana. 6 Ni rai cake o koya qai raica ni toka no mai uluna e dua na keke tavu e na koala kei na dua na saqaa wai. A mani kana o koya ka gunu, oti qai davo sobu tale. 7 E baci lako tale mai na mala’aka i Yahuwe (YHWH), e na ikarua ni gauna, tarai koya qai kaya, Matacake mo kana ka gunu; baleta ni na rui balavu na nomu ilakolako. 8 Matacake tale o koya qai kana ka gunu, oti qai toso tale e na kaukaua ni kakana oya me siga vasagavulu, bogi vasagavulu, me yaco sara i Horeva na ulunivanua ni Kalou (Mighty One).

9 ¶ Oti qai curu o koya i na dua na qara vatu me sa vakaitikotiko kina; ia raica na vosa i Yahuwe (YHWH) a qai lako mai vua, me taroga vua, Na cava o cakava tiko eke, Yilaiyahu? 10 Kaya o koya, Au a yalokatakata vakalevu e na vuku i Yahuwe ni lewevuqa (YHWH Tzva'ot) na Kalou (Mighty One); baleta o ira na luve i Yisira'yili era sa vakanadakuya na nomuni veiyalayalati, era qai talaraka sobu na nomuni icabocabo ni soro, era vakamatei ira na nomuni parofita e na seleiwau; ia qo, o au duadua au sa qai vo tiko; era qai vaqara na noqu bula, me ra kauta laivi. 11 Kaya o koya, Lako mo lai duri tu e na ulunivanua e na mata i Yahuwe (YHWH).  Ia raica ni a tavali o Yahuwe (YHWH), oti qai dua na cagi kaukaua ka waromisa a qai sea na veiulunivanua, qai vorolaka vakamatailalai na  veivatu e na mata i Yahuwe (YHWH); ia o Yahuwe (YHWH a sega ni tiko e na cagi; ni oti na cagi a qai dua na uneune; ia o Yahuwe (YHWH) a sega ni tiko e na uneune; 12 Ni oti na uneune a qai caudre e dua na bukawaqa, ia o Yahuwe (YHWH) a sega ni tiko e na caudre ni bukawaqa; ia ni oti na caudre ni bukawaqa, qai rogo e dua na domo ni vakasolokakana tiko. 13 E na gauna sa rogoca kina o Yilaiyahu, a qai ubiu na matana e na nona i tutuvi, oti qai curu ituba, me lai duri tu e na mata ni qara vatu; qai raica, ni rogo tale mai vua na domo, ni kaya mai vua, Na cava o cakava tiko eke i Yilaiyahu? 14 Kaya o koya, Au a yalokatakata vakalevu e na vuku i Yahuwe ni lewevuqa (YHWH Tzva’ot) na Kalou (Mighty One); baleta o ira na luve i Yisira'yili era sa vakanadakuya na nomuni veiyalayalati, ka ra sa talaraka sobu na nomuni icabocabo ni soro, ka vakamatei ira na nomuni parofita e na seleiwau; ia o au ga, au sa vo duadua tiko; era sa qai vaqara tiko na noqu bula me ra kauta laivi. 15 Kaya vua o Yahuwe (YHWH), Lako; lesu i na nomu ilakolako i loma ni vanua liwa mai Dameseke; qai lako sara mo lai lumuti  Haza'yili me tui Arama; 16 O Yehu na luvetagane i Nimishai  mo na lumuta me tui Yisira'yili; o Ilaisha na luvetagane i Shafata, mai Avela-Me'kolaa, mo qai lumuta me parofita, me kemu isosomi.

M’lakhim Alef (1 Tui) 19:1-16

NA IVAQA NI BULA (FOOD FOR THE SOUL)

Me vaka na koala i na yameyame ni buka waqa, kei na buka e na yameyame ni bukawaqa; e vakakina na tamata dau veivakasagai ni bukana na tiko veisei. 22 Na nona vosa na dau veivakasagai ni vakatubura na veiba; e na curuma na vuniyaloni tamata.

Mishlei (Vosa Vakaibalebale) 26:21-22

LOMANI YAHUWE NA NOMU KALOU (LOVE YHWH YOUR MIGHTY ONE

NA nona masu e dua e bikai tu e na rarawa, e na vuku ni nona malumalumu, ni sovara tiko na nona vutugu vei Yahuwe (YHWH). 2(1) Rogoca na noqu masu i Yahuwe (YHWH), laiva na noqu tagi me rogo yani vei kemuni. 3(2) Kakua ni vukica laiva mai vei au na matamuni, e na siga au leqa tu kina; Vakatudaliga mai vei au e na siga au kaci yani kina, sauma mai vei au vaqunaquna. 4(3) Baleta na noqu veisiga sa tilomi me vaka na kubou, kei na suiqi sa vulavula me vaka era vakamai. 5(4) Na vuniyaloqu sa moku ka sa malai me vaka na co; au sa guilecava kina meu kania na qau madrai. 6(5) Baleta na domo ni noqu vutugu, na suiqu sa kabita na kuliqu. 7(6) Au sa tautauvata kei na pelikani ni veikau; Au sa vaka na lulu ni vanua dravuisiga. 8(7) Au sa kureitaki me vaka na separo ni toka duadua e na delavuvu ni vale. 9(8) Na kequ meca era vakasewasewani au e na siga taucoko; o ira era a dau vakasakititaki au, era sa bubului me ra saqati au. 10(9) Au sa kania na dravusa me vaka na madrai, ka veiwakitaka na mequ gunu e na tagitagi, 11(10) Baleta na nomuni rarawa kei na nomuni leva; ka ni oni a laveti au cake, oni qai kolotaki au sobu. 12(11) Na noqu veisiga e vaka na iyaloyalo e vakatatiki; au sa malai me vaka na co.

13(12) ¶ Ia o kemuni, i Yahuwe (YHWH) oni na bula tiko me tawamudu; oni na nanumi vei ira na veitabatamata kece. 14(13) Matacake moni lomani Saiyoni: ka ni sa kena gauna me lomani kina o koya. 15(14) O ira na nomu italai era rekitaka na kena veivatu, ka ra taleitaka na kena kuvu ni soso. 16(15) O ira na tabulotu era na qarava na yaca i Yahuwe (YHWH) kei ira na tui kei vuravua na nomuni lagilagi. 17(16) O Yahuwe (YHWH) ni sa tarai Saiyoni cake, e na qai rairai mai e na nona lagilagi;18(17) E na  galeleta na nodra masu na vakaloloma, e na sega ni beca na nodra masu. 19(18) Qo e na volai e na vukudra na itabatamata maimuri; o ira na tamata era na buli era vakamuduo vei Yahuwe (YHWH). 20(19) Baleta sa rai sobu mai o koya, mai na dela ni Nona yasana tabu; mai lomalagi, o Yahuwe (YHWH) e na raici vuravura; 21(20) Me rogoca na nodra kudru na kaivesu, ka sereki ira era lewai me ra totogimate; 22(21) Me tusanaki na yaca i Yahuwe (YHWH) ka vakacerecerei mai Yerushalayimi; 23(22) Ni ra sa soqo vata o ira na tamata kei na veimatanitu, me ra sa qaravi Yahuwe (YHWH)

24(23) ¶ Baleta era vakamalumalumutaka na noqu kaukaua e vuravura; ka ra sa kaya vei au na lekaleka ni noqu veisiga. 25(24) Isa noqu Kalou (Mighty One), kakua ni kauti au laivi e na veimama ni noqu bula; na nomuni veiyabaki sa yacova na itabatamata kecega. 16(25) Mai liu oni a vakotora na yavu kei vuravura: na lomalagi e cakacaka ni ligamuni 27(26) Era na rusa, ia o kemuni oni na bula tiko ga; io o ira kece era na madra yani me vaka na isulu, me vaka na sote era na yavu yani; 28(27) O kemuni oni tautavata tu ga, na nomuni veiyabaki e sega na kena itinitini. 29(28) Na luvedra o ira na Nomuni dauniveiqaravi e na toso tikoga, kei ira na nodra kawa era na vakadeitaki  e matamuni.

Tehellim (Same) 102:1-28

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 303 o/o 1763	October 30, 2012
Reading	Hebrew Date
Iyov (Jope) 13-14	M #8: Cheshvan 14, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tau Na Uca, Tini Na Dravuisiga (Rain Fell, Drought Ends)

Thought: YHWH Was No Doubt, With Yli’yahu

..................................... 

Serving For Yom Sheini, Cheshvan 13, 5773

MAI NA NEVI’IMI RISHONIMI (FROM THE NEVI’IM RESHONIM)

Kaya vei ira o Yilaiyahu, Vesuki ira na paraofita i Ba'ala; laiva me kakua ni dua vei ira e dro. Era qai vesuki ira; o Yilaiyahu a qai kauti ira sobu mai i na waidrodro o Kishoni, qai vakamatei ira e keya.

41 ¶ Kaya o Yilaiyahu vei 'Aka'ava, Lako cake; kana ka gunu; baleta sa vakere mai qo e dua na uca levu. 42 A mani lako cake o 'Aka'ava me lai kana ka gunu; o Yilaiyahu a qai lako cake i na dela i Karameli; sa qai roso sobu e na dela ni qele qai cuva sobu me vakataqara na matana e na maliwa ni duruna. 43 Oti qai kaya o koya, vua na nona dauniveiqaravi, Lako cake mada, mo rai vaka i wasawasa. A lako cake o koya, vakararai wavoki qai kaya, E sega ni dua na ka e kune. Kaya yani vua o Yilaiyahu, Lako tale vakavitu. 44 E na ikavitu ni gauna sa qai kaya, Raica e dua na o lailai me vaka e dua na liga ni tamata e vura tiko mai wasawasa. Kaya vua o koya, Lako cake, lai kaya vei 'Aka'ava, Vakarautaka na nomu qiqi ni ivalu, mo se tei lako sobu rawa de qai tarovi iko na uca. 45 A qai yaco e na dua ga na gauna lekaleka ni a qai vakacerebuto mai na lomalagi e na o, liwa na cagi, qai tau e dua na uca vakaitamera. A qai vodo o 'Aka'ava, qai lako i Yizire'eli. 46 Na liga i Yahuwe (YHWH) a tiko vata kei Yilaiyahu; sa qai vauca o koya na tolona, qai cici me lai liu tiko vei 'Aka'ava me yacova ni sa lai curu sara i  Yizire'eli;

M’lakhim Alef (1 Tui) 18:40-46

NA IVAQA NI BULA (FOOD FOR THE SOUL)

Ni sa sega na buka, na bukawaqa sa na boko; e na vanua e sega kina na tamata dau vakatubu ca, na tiko veisei sa na tini.

Mishlei (Vosa Vakaibalebale) 26:20

LOMANI YAHUWE NA NOMU KALOU (LOVE YHWH YOUR MIGHTY ONE

Na Same ni Vakavinavinaka. Cakava na rorogo ni marau vei Yahuwe (YHWH) kemuni na veivanua. 2 Qaravi Yahuwe (YHWH) e na marau; toro mai vua ni tiko o koya, e na lagalaga sere. 3 Kila tiko ni o koya o Yahuwe (YHWH) na noda Kalou (Mighty One); ni o Koya e a buli i keda; e sega ni o keda ga vakataki keda; o keda eda nona tamata, eda sipi ni nona lomanibai ni veiqaravi. 4 Curu i na nona matamata e na vakamolimoli; kei na nona lomanibai e na vakavinavinaka: vakamuduo vua, ka vakacaucautaka na yacana. 5 Baleta o Yahuwe (YHWH) e vinaka; na nona yalololoma e tawamudu; na nona dina e na tudei tu ga vei ira na  veitabatamata kece sara.

Tehellim (Same) 100:1-5

E dua na Same i Dawide. Au na seretaka na loloma kei na lewa dodonu; vei kemuni i Yahuwe (YHWH) au na laga sere. 2 Au na vakaitovotaki au vakavuku e na ivalavala e daumaka vakaoti. Isa e na gauna cava beka oni na lako mai kina vei au? Au na muria e loma ni noqu vale, na yalo e vinaka vakaoti. 3 Au na sega ni viritura e mataqu e dua na ka e vakasisila: Au cati ira era dau itovo vakasisila, era na sega ni toro volekati au mai. 4 Na yalotakelo e na vagolei tani mai vei au; au na sega ni via kila na ivakarau vakasisila. 5 O koya e beitaka vakailasu na wekana, au na muduki koya laivi; kei koya e viavialevu se yalodokadoka, au na sega ni via kana vata kaya. 6 Na mataqu e na mau toka ga vei ira era yalodina e loma ni vanua, me ra rawa ni na mai vakaitikotiko vata kei au; o koya e muria na ivalavala dodonu e na qaravi au. 7 O koya e cakacaka vakaveivakaisini, e na sega ni mai tiko e loma ni noqu vale; o koya e dau lasulasu, e na sega ni mai toka vakadede e mataqu. 8 E na mataka lailai au na vagalui ira na dukadukali e vuravura; au na  vakarusai ira era dau vakayacora na itovo vakasisila mai na korolevu i Yahuwe (YHWH).

Tehellim (Same) 101:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 302 o/o 1762	October 29, 2012
Reading	Hebrew Date
Iyov (Jope) 11-12	M #8: Cheshvan 13, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Cabori Na iSorokama (Burnt Offering Offered)

Thought: YHWH Is The Only Mighty One, No One Else

.......................... 

Serving For Yom Rishon, Cheshvan 12, 5773

MAI NA NEVI’IMI RISHONIMI (FROM THE NEVI’IM RESHONIM)

Ni sa sivi na siga levu, era sa parofisai tiko me yacova na gauna e dau cabori kina na isoro ni yakavi bogi; ia a sega tiko ga ni dua na domo, se dua na tama se me dua e rogoci.( Oti sa qai kaya o Yilaiyahu vei ira na parofita ni kalou matakau, ni toso vakatikitiki meu vakarautaka na noqu isorokama. Era sa qai toso.) 30 Kaya o Yilaiyahu, vei ira na tamata, Toso voleka mai vei au. O ira kece na tamata era qai toso voleka mai vua, ni vakavinakata tale tiko na icabocabo ni soro nei Yahuwe (YHWH), a sa kabasu tu. 31 A taura cake e tinikarua na vatu o Yilaiyah, me veidutai kei na iwiliwili ni nodra mataqali na luve i Ya'akove, o koya a yaco vua na vosa i Yahuwe (YHWH), ni kaya, O iko o sa na vakatokai me yacamu o Yisira'yili; 32 A qai vakayagataka na vatu oya o koya me tara cake tale kina na icabocabo ni soro, e na yaca i Yahuwe (YHWH); oti qai kelia e dua na ikeli wavokita na icabocabo ni soro, na kena i levu me taura rawa e rua na ivakarau na sore ni sila; 33 E tuvana vakavinaka kina na buka, oti qai cebecebeta na lewe ni bulumakau tagane, qai tuvana yani e na dela ni buka, oti qai kaya, Tawana mai e va na saqa e na wai, qai sovara yani e dela ni isorokama, vata kei na buka. 34 Kaya tale o koya, Vakaruataka! Era vakarautaka. Kaya take o koya, Vakatolutaka. Era vakatolutaka. 35 Na wai ni sa vuabale, a qai talivi wavokita na icabocabo ni isoro; oti era qai vakasinaita tale ga na ikeli e na wai. 36 E na gauna e dau cabori kina na isoro ni yakavibogi, o Yilaiyahu na parofita a qai toso voleka, oti qai kaya o koya, I Yahuwe (YHWH) na Kalou (Mighty One) i Avarahama, Yisake kei Yisira'yili, laiva me kilai edaidai ni o kemuni na Kalou e Yisira'yili, ia o au, au nomuni dauniveiqaravi, kau sa mai cakava tiko na veika oqo e na nomuni ivakaro (se vosa). 37 Rogoci au, i Yahuwe (YHWH), rogoci au; me ra kila kina o ira na tamata kece oqo ni o kemuni i Yahuwe (YHWH) na Kalou (Mighty One), oni sa saumaka lesu tale tiko na yalodra vei kemuni. 38 A qai lutu sobu mai na bukawaqa i Yahuwe (YHWH), ka yameca vakadua na isorokama, na buka, na vatu, kei na kuvu ni qele, qai domica vakadua na wai era a to tiko e loma ni ikeli. 39 Ni ra raica oqori o ira na tamata kecekece, era qai lutu cuvacuva e matadra era qai kaya, O Yahuwe (YHWH) o koya dina ga na Kalou (Mighty One), O Yahuwe (YHWH, o koya na Kalou (Mighty One).

M’lakhim Alef (1 Tui) 18:29-39

NA IVAQA NI BULA (FOOD FOR THE SOUL)

Me vakataki ira na tamata qaciqacia era dau kaya na vosa gaga ka rawa ni veivakamatei, me vaka na gasau ni dakaititi, 19 E vaka kina na tamata e veivakacalai vua na wekana vakaitikotiko; ia ni sa tobo, e qai kaya tale o koya, Au a veiwali tiko ga.

Mishlei (Vosa Vakaibalebale) 26:18-19

LOMANI YAHUWE NA NOMU KALOU (LOVE YHWH YOUR MIGHTY ONE

E dua na Same. Lagata vei Yahuwe (YHWH) e dua na sere vou; baleta e sa cakava na veika totoka vakaoti o koya; Na ligana (hand) imatau kei na gauniligana (arm) savasava e kauta mai vua na qaqa. 2 O Yahuwe (YHWH) sa vakatakila na nona veivueti; na nona yalododonu sa vakaraitaka i matadra o ira era dau lotutaki matakau. 3 E vakananuma lesu o koya na nona yalololoma kei na nona dina vei ira na yavusa Yisira'yili; o ira kece e na iyalayala kei vuravura era sa raica na veivueti ni noda Kalou (Mighty One).

4 ¶ Vakamolimoli vei Yahuwe (YHWH), I vuravura taucoko; vakayaco marau, lagasere ka cabora na vakavinavinaka. 5 Lagasere vei Yahuwe (YHWH) vata kei  na hapi; io vata kei na hapi na domo ni matasere. 6 E na domo ni biukila, cabora na vakamolimoli e na mata i Yahuwe (YHWH) na Tui. 7 Laiva na wasawasa me vadugu, vata kei ira era vakasinaita tu na vuravura kei ira era kece era vakaitikotiko kina. 8 Laivi ira na veiuciwai me ra vakacobocobo; laiva ira na veidelana me ra cokovata e na mamarau. 9 E na mata i Yahuwe (YHWH); baleta e lako tiko mai me mai vakatulewataki vuravura e na yalododonu, ka vakatautauvata vei ira na tamata.

Tehellim (Same) 98:1-9

O YAHUWE (YHWH) e vakavulewa; laiva na tamata me ra sautaninini; e dabe toka e kedrau maliwa na ke’ruvimi; laiva na vuravura me yavalati. 2 O Yahuwe (YHWH) e cecere sara mai Zaiyoni; O koya e cecere mai vei ira na tamata kecekece. 3 Laivi ira me ra vakavinavinakataka na yacamuni vakaitamera dau dokai; baleta ni savasava vakaoti. 4 Na nona kaukaua na tui e veimanati kei na lewa dodonu; oni vakataudeitaka na dodonu, oni vakatauca na lewa kei na cakacaka dodonu vei Ya'akove. 5 Vakacerecerei Yahuwe (YHWH) na noda Kalou (Mighty One), vakarokoroko vua e na itutu ni yavana; baleta o koya e savasava vakaoti.  6 O Moshe kei Aharoni rau duavata kei ira na nona kohanimi kei She’mu’yili  e na kedra maliwa era dau kaciva na yacana; era dau kaciva na  yacana; era kacivi Yahuwe (YHWH), qai tama mai vei ira o koya. 7 A vosa vei ira o koya e na duru o: era qai vakamuria na nona ivakaro, kei na veiyalayalati a solia vei ira o koya. 8 Oni a tama vei ira, i Yahuwe (YHWH), neimami Kalou (Mighty One) vakaicovitaki ira me veiraurau kei na nodra cakacaka. 9 Vakacerecerei Yahuwe (YHWH) na noda Kalou (Mighty One), sokalou e na nona ulunivanua tabu; baleta o Yahuwe (YHWH) na noda Kalou e savasava vakaoti.

Tehellim (Same) 99:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 301 o/o 1761	October 28, 2012
Reading	Hebrew Date
Iyov (Jope) 9-10	M #8: Cheshvan 12, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Kei Ba’ala (YHWH And Ba’al)

Thought: Yli’yahu Challenges The Priest Of Ba’al And Asherah

 ..................

Serving For Shabbat, Cheshvan 11, 5773

MAI NA NEVI’IMI RISHONIMI (FROM THE NEVI’IM RESHONIM)

Ia o 'Aka'ava, e na gauna ga e raici Yilaiyahu kina, a qai kaya yani vua, O iko beka o koya e vakaleqai Yisira'yili tiko? 18 Sauma o Yilaiyahu vua, O au, au sega ni vakaleqai Yisira'yili tiko; ia o  kemuni sara ga, kei ira na mataqali i tamamuni,  baleta oni sa vakanadakuya tiko na ivakaro i Yahuwe (YHWH), oni qai muri i Ba'ala. 19 Ia qo, talatala mo vakasoqoni  Yisira'yili taucoko mai vei au, mai na ulunivanua o Karameli, vata kei ira na parofita le vanadrau limasagavulu, na parofita i Ba'ala era le vanadrau limasagavulu, kei ira na parofita i Asheraa era le vanadrau, era dau kana e na teveli i Izevela. 20 A mani talatala o 'Aka'ava vei ira kece na Yisira'yili, qai vakasoqoni ira vata na parofita me ra lai sota i na ulunivanua o Karameli.

21 ¶ Oti qai torovi ira vakavoleka na tamata kecekece o Yilaiyahu, qai kaya, E na vakaevei na dede ni nomuni tao tu e na rua na yavu ni vakasama? Ke Kalou (Mighty One) o Yahuwe (YHWH) muri i koya: ia ke Kalou (Mighty One) o Ba’ala ia muri i koya! Era sega ni sauma vua e dua na mala ni vosa o ira na tamata. 22 Oti qai kuria o Yilaiyahu, O au io o au duadua, au se vo tiko vei ira na  parofita i Yahuwe (YHWH); ia o ira na  parofita i Ba'ala, era sa le vanadrau  limasagavulu. 23 Laiva vei ira me ra solia vei keda e rua na bulumakau tagane; oti me ra qai digitaka e dua vei rau na bulumakau me nodra, me ra cebelaka vakalalai me ra vakotora e dela ni buka, ia me ra kakua ni vakawaqaca na buka mai rukuna; o au talega, au na qai vakarautaka na kena ikarua meu cebelaka vakalalai meu qai vakotora e na dela ni buka, ia meu kakua (talega) ni vakawaqaca na buka mai rukuna. 24 O kemuni moni qai kaciva na yaca ni nomuni kalou (elohim), ia o au, au na  kaciva na yaca i Yahuwe (YHWH) na noqu Kalou (Mighty One); ia na Kalou (Mighty One) e sauma mai e na bukawaqa, o koya na Kalou (Mighty One). O ira kece na tamata era sauma ni ra kaya, Sa donu na nomu vosa. 25 Kaya o Yilaiyahu vei ira na parofita i Ba'ala, Ni digitaka e dua na nomuni bulumakau tagane, moni vakarautaka sara eliu; baleta o kemuni oni le levu; oti moni qai kaciva na nomuni kalou (elohim); ia moni kakua mada ni waqaca na buka. 26 Era mani taura na bulumakau a qai soli vei ira,  era qai vakarautaka, oti era qai kaciva na yaca i Ba'al mai na mataka lailai me yacova yani na sigalevu tu tu, e na nodra kaya tiko, I Ba'ala, tama mai vei keimami. Ia a sega ni dua na domo e rogo, se me dua e tama mai vei ira. Era qai meke tatao wavokita na icabocabo ni soro era a tara. 27 E na sigalevu tutu, o Yilaiyahu a qai vakalialiai ira ni kaya vei ira, Ni kaci vakadomo levu; baleta o koya na kalou (elohim); de dua e vakanananu tiko, se osooso tiko, se lako tu e na dua na ilakolako, de rairai moce tu ka dodomu me vakayadrati. 28 Era sa qai tagitagi e na domolevu, oti era qai tavatavai ira vakataki ira me vaka na kena ivalavala vei ira, e na iseleleka kei na moto, me yacova ni sa coka mai na nodra dra.

M’lakhim Alef (1 Tui) 18:17-28

NA IVAQA NI BULA (FOOD FOR THE SOUL)

O koya e lai siova na veileti e sega ni nona o koya vakataki koya, e vakataki koya e lai dre na daligani koli.

Mishlei (Vosa Vakaibalebale) 26:17

LOMANI YAHUWE NA NOMU KALOU (LOVE YHWH YOUR MIGHTY ONE

O YAHUWE (YHWH) e nona na lewa; laiva na vuravura me reki; Laiva na vei yanuyanu me ra marautaka. 2 Na o kei na butobuto e vakavolivoliti koya; na yalododonu kei na vakataulewa e yavu ni nona itikotiko vakatui. 3 Na bukawaqa e liu yani vua, ka vakamai ira vakaoti na kena meca era tu vakavolivoliti koya. 4 Na nona yaseyase e vakararamataki vuravura: o vuravura e raica qai sautaninini. 5 Na veidelana era waicala me vaka na kadrala, ni tiko o Yahuwe (YHWH) e matana, o koya na Sau kei vuravura taucoko. 6 Na lomalagi e vakatakila na nona yalododonu, o ira na tamata era raica na nona dokai. 7 Era veilecayaki o ira kece era qaravi matakau ceuceu, era dau dokadoka e na vuku ni matakau. Ni sokalou vua kemuni kece na nona ma’lakahimi.

8 ¶ O Saiyoni a rogoca qai mamarau; o ira na goneyalewa ni Ya’huda era reki baleta na nomuni lewa i Yahuwe (YHWH). 9 Baleta o kemuni i Yahuwe (YHWH), oni cecere cake mai vuravura raraba; oni cecere i cake sara mai vei ira na veikalou kecekece. 10 O kemuni oni lomani Yahuwe (YHWH), moni cata na ca; o koya e maroroya na nodra bula (soul) na nona tamata digitaki; e vakabulai ira mai ligadra na ca. 11 Na rarama e ramase e na vukudra na yalododonu, kei na reki vei ira e dodonu na vuniyalodra.12 Rekitaki Yahuwe (YHWH), kemuni na yalododonu; solia na  vakavinavinaka me ivakananumi ni nona yalosavasava.

Tehellim (Same) 97:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 300 o/o 1760	October 27, 2012
Reading	Hebrew Date
Iyov (Jope) 7-8	M #8: Cheshvan 11, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Yilai’Yahu Kei Tui Aka’ava (Yli’yahu And King Acha’av)

Thought: Ovadyah Saved Many Kohanim For His Fear Of YHWH

.................... 

Serving For Yom HaShishi, Cheshvan 10, 5773

MAI NA NEVI’IMI RISHONIMI (FROM THE NEVI’IM RESHONIM)

A qai yaco ni oti e vica vata na siga, ni a yaco mai na vosa i  Yahuwe (YHWH) vei Yilaiyahu e na ikatolu ni yabaki, ni kaya, Lako, vakaraitaki iko vei  'Aka'ava; au sa na vakatauca na uca e vuravura. 2 A mani lako o Yilaiyahu, me lai vakaraitaki koya vei 'Aka'ava, baleta a sa waromisa sara tu ga na dausiga mai Shomorono. 3 O 'Aka'ava a qai kacivi 'Ovadayaa o koya e dauniveiqaravi (liu) ni nona loma ni vale. (Ia o 'Ovadayaa e dau rerevaki Yahuwe (YHWH) vakalevu sara; 4 Baleta e na gauna a vakamatei ira kina na parofita ni Kalou (Mighty One) o Izevela, o 'Ovadayaa, a qai kauta e le duanadrau na parofita, qai lai vunitaki ira vakayayalimasagavulu e na loma ni dua na qara vatu, oti qai vakani ira tiko e na madrai kei na wai). 5 Kaya o 'Aka'ava vei 'Ovadayaa, Lako i loma ni vanua, lai vakadikeva mada na ivurevure kece ni wai kei na waidrodro; de dua o na kunea eso na co me mai vakabulai ira na ose kei na meuli, me kakua ni da vakayali i ira na manumanu (ni cakacaka) kecekece. 6 Rau sa mani wasea rua na vanua e na kedrau maliwa, me rau na lai dui butuka mai; o 'Aka'ava, a lako vakataki koya e na dua na sala, ia o 'Ovadayaa a qai muria e dua tale na sala vakataki koya. 7 Ia ni lako tiko o 'Ovadayaa, e na nona ilakolako, raica o Yilaiyahu a qai sotavi koya; qai kilai koya; qai lutu sobu e matana, qai kaya, O kemuni beka oqori noqu turaga o Yilaiyahu?  8 Sauma vua o koya, O au qo; oti qai kaya vua, Lako lai tukuna vua na nomu turaga, Raica o Yilaiyahu e tiko qo. 9 Kaya o 'Ovadayaa, Na ivalavala ca cava beka au a vakayacora, o sa mai via soli i au kina i na liga i 'Aka'ava, me vakamatei au? 10 Me vaka ni bula tiko o Yahuwe (YHWH) na nomu Kalou (Mighty One), e sega tale ni dua na vanua se matanitu e sega ni talatala kina na noqu turaga me vaqarai iko, ia ni ra kaya, E sega ni tiko eke o koya, e cakava me ra bubului na veimatanitu kei na veivanua ia era sega ni bau kune i iko. 11 Ia qo oni qai kaya vei au, Lako lai tukuna vua na nomu turaga, o Yilaiyahu e tiko qo!

M’lakhim Alef (1 Tui) 18:1-11

NA IVAQA NI BULA (FOOD FOR THE SOUL)

Na vucesa e na kaya ni talai, E dua na laione e tiko e na yasana me taubaletaki, na laione e tiko e gaunisala. 14 ¶ Me vaka na isogo ni katuba e dau veivukiyaki e na kena irube, e vaka kina na vucesa ni veivukiyaki toka ga e na nona loga. 15 ¶ Na yaloberabera e vunitaka na ligana e lomaserena; ka ni ka vakacauoca vua me kauta cake tale i gusuna. 16 ¶ Na vucesa e vuku vakalevu cake e matana o koya vakataki koya, mai vei ira e le vitu e donu vinaka tu na nodra ile.

Mishlei (Vosa Vakaibalebale) 26:13-16

LOMANI YAHUWE NA NOMU KALOU (LOVE YHWH YOUR MIGHTY ONE

Toso mai, laiva meda mai lagasere vei Yahuwe (YHWH); laiva meda mai vakarogoya na domo ni reki vua na Kalou (Mighty One) na noda ivakabulai. 2 Toso mai meda mai rairai e matana e na vakavinavinaka, ka vakarogoya na rorogo ni reki vua e na same. 3 Baleta o Yahuwe (YHWH) e Kalou (Mighty One) vakaitamera, ka tui vakaitamera vei ira na kalou kece sara. 4 E ligana era toka kina na yavu kei vuravura; na kaukaua ni veidelana era nona; 5 Na wasawasa e nona, o koya e a bulia: na ligana a bulia na vanua mamaca. 6 Toso mai, laiva meda mai sokalou ka cuva sobu; laiva meda mai tekiduru e na mata i Yahuwe (YHWH) o koya e a buli i keda.

7 ¶ Baleta o koya na noda Kalou (Mighty One), o keda eda tamata ni nona bai ni vakanamanumanu, ka sipi e qeteqete ni ligana. Nikua kevaka oni via rogoca na domona, 8 Kakua ni vakaukauataka na vuniyalomuni, me vaka na gauna ni veivakacudrui kei na siga ni veitemaki  mai lekutu, 9 Ni ra vakatovolei au o ira na tamamuni, era qai vakadinadinataki au, ni ra raica na noqu cakacaka. 10 E vasagavulu na yabaki na noqu rarawataka tiko na itabatamata oya, au qai kaya, Qo e dua na matatamata era dau cala e vuniyalodra; era sega tiko ga ni kila na noqu ivalavala, 11 Baleti ira au bubuluitaka kina e na noqu leva ni ra na sega vakadua ni curu i na noqu vakacegu.

Tehellim (Same) 95:1-11

Lagata vei Yahuwe (YHWH) e dua na sere vou; laga sere vei Yahuwe (YHWH), i vuravura taucoko. 2 Laga sere vei Yahuwe (YHWH),  vakavinavinakataka na yacana; vakaraitaka wavoki na nona veivueti mai na dua na siga i na dua tale na siga. 3 Vakatusa na nona dokai e kedra maliwa na daulotutaki matakau, kei na nona mana e kedra maliwa na tamata. 4 Baleta o Yahuwe (YHWH) e vakaitamera ka dodonu me vakacereceri vakalevu: o koya e dodonu me dokai vakalevu cake mai vei ira na veikalou (elohim) kecekece. 5 Baleta na nodra kalou (elohim) na veimatanitu, era matakau; ia o Yahuwe (YHWH) a bulia na veilomalagi. 6 Na vakarokoroko kei na sau era tu e matana: na kaukaua kei na totoka era tu e loma ni nona itikotiko tabu. 7 Solia vei Yahuwe (YHWH), kemuni na nodra kawa na tamata, solia vei Yahuwe (YHWH) na dokai kei na kaukaua ni lewa. 8 Solia vei Yahuwe (YHWH) na vakarokoroko e veiganiti kei na yacana, kauta mai e dua na isoro, mai curu i na nona lomanibai. 9 Sokalou vei Yahuwe (YHWH) e na nona valetabu: sautaninini e matana i vuravura raraba.

10 ¶ Tusanaka e na kedra maliwa na  veimatanitu, ni o Yahuwe (YHWH) e dau vu ni lewa;  o vuravura talega e na  vakataudeitaki me sega ni yavalati rawa; E na lewai ira vakadodonu na tamata. 11 Laiva na lomalagi me mamarau, laiva na vuravura me reki; laiva na wasawasa me vavadugudugu vata kei na veika kece era tu kina. 12 Laiva na vanua me reki vata kei na veika kece era tu kina, qori era na qai mamarau kina na vunikau e loma ni veikau; 13 E na mata i Yahuwe (YHWH), baleta e na lako mai o koya me mai vakatulewa e vuravura; e na vakavulewa vakayalododonu e vuravura  ka vaka kina vei ira na tamata e na nona dina.

Tehellim (Same) 96:1-13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 290 o/o 1759	October 26, 2012
Reading	Hebrew Date
Iyov (Jope) 5-6	M #8: Cheshvan 10, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Caka Na Cakacaka I Yahuwe (The Work Of YHWH Is Carried Out)

Thought: YHWH Works Miracles Through Yliyahu

................... 

Serving For Yom Chamishi, Cheshvan 9, 5773

MAI NA NEVI’IMI RISHONIMI (FROM THE NEVI’IM RESHONIM)

A qai yaco vua na vosa i Yahuwe (YHWH), ni kaya, 9 Cavutu, lako i Zarafata, na vanua qali vaka Zaidoni, mo lai vakaitikotiko mai keya; raica au sa vakarota oti e dua na  yada mai keya me na dau vakani iko. 10 A mani cavutu o koya, qai lako sara i Zarafata. E na gauna e yaco yani kina i na matamata ni korolevu, raica e dua na yada a cabuka tiko; e kaci sara vua o koya, qai kaya, Kauta mada mai  vakalailai vei au eso na wai e na dua na bilo, meu  gunu mada.  11 Ia e na gauna e lako tiko kina me lai taloca mai, a kacivi koya tale o koya qai kaya, Kauta tale ga mai e dua na tiki ni madrai e ligamu. 12 Kaya mai o koya, Me vaka ni bula tiko o Yahuwe (YHWH) na nomu Kalou, e sega ni tu vei au e dua na tiki ni keke,  vakavo ga eso na falawa e na dua na kuro, ka vakalailai na waiwai e na dua na tavaya; ia raica qo au mai cabuka tiko, meu rawa ni lako yani meu lai vavia me rawa ni keirau kana oti keirau qai (wawa) mate.13 Kaya lesu vua o Yilaiyahu, Kakua ni taqaya; lako ga mo lai cakava  me vaka na nomu vosa; ia cakava mada e liu e dua na keke qai kauta mai vei au, oti qai cakava na kemudrau o iko vata kei na luvemu tagane. 14 Baleta qo na ka a kaya o Yahuwe (YHWH) na nodra Kalou na Yisira'yili, Na kuro falawa e na sega vakadua ni lala, kei na tavaya waiwai e na sega vakadua ni maca, me yacova sara na siga e na vakatauca mai kina i vuravura na uca o Yahuwe (YHWH). 15 A qai lako o koya me lai vakayacora na vosa i Yilaiyahu; na yada, o  koya kei na nona lewenivale, eratou a kana vata tiko me vica vata na siga. 16 Na kuro falawa a sega vakadua ni lala, kei na tavaya waiwai talega a sega vakadua ni maca, me vaka na vosa a cavuta o Yahuwe (YHWH) e na gusu i Yilaiyahu.

17 ¶ A qai yaco ni oti oqo, ni a tauvimate na luvena tagane na yalewa, na radi ni vale; ia na nona tauvimate a bibi sara ka sa lai sega kina ni vo vua na nona icegu. 18 Kaya o koya vei Yilaiyahu, Na cava beka au sa bau cakava vei iko, kemuni na parofita i Yahuwe (YHWH)? Oni lako beka mai vei au moni mai cakava meu nanuma lesu na noqu talatalaidredre,  oti mo qai vakamatea na luvequ tagane? 19 Kaya vua o Yilaiyahu, Solia vei au na luvemutagane. E keveti koya sara mai lomaserena, qai keveti koya cake i na loqi e na itabavale e cake, e tiko kina o koya, qai vakadavori koya e na nona loga. 20 Sa qai tagi o koya vei Yahuwe (YHWH) ni kaya, Kemuni Yahuwe (YHWH) na noqu Kalou (Mighty One), na cava na vuna oni kauta mai kina na leqa vua na yada oqo, au vakaicili tiko vua, e na  nomuni vakavakamatea na luvena tagane? 21 Oti sa qai davo vakadodo vakatolu e delana na gone o koya, qai tagi vei Yahuwe (YHWH) ni kaya, I Yahuwe (YHWH) noqu Kalou (Mighty One) laiva na yalo ni gone qo me lesu tale mai vua. 22 O Yahuwe (YHWH) a qai rogoca na domo i Yilaiyahu; sa qai lesu tale mai vua na gone na yalona, qai bula tale kina. 23 O Yilaiyahu, a qai keveta sobu na gonetagane mai na itaba vale e cake, i loma ni vale, qai soli i koya vei tinana; oti qai kaya o Yilaiyahu, Raica, na luvemutagane e se bula tiko. 24 Kaya na yalewa vei Yilaiyahu, Qo au sa qai kila ni o kemuni oni parofita i Yahuwe (YHWH), e dina taucoko na vosa i Yahuwe (YHWH) e tiko oqori e gusumuni.

M’lakhim Alef (1 Tui) 17:8-24

NA IVAQA NI BULA (FOOD FOR THE SOUL)

Na kauwavakavotono era tubu cake e ligana na daumateni, kei na veivakacalai mai gusuna na lialia. 10 ¶ Na yagona e dua na lialia e vakararawataki vakalevu, ia na daumateni e nanuma ni rawa ni takosova e dua na wasawasa. 11 ¶ Me vaka na koli e lesuva tale na nona lua, e vaka kina na lialia ni tarabe tale e na nona veivakacalai. 12 ¶ Kevaka o mani raica e dua na tamata e vuku e matana ga o koya vakataki koya; na lialia e vinaka cake vakalevu mai vua.

Mishlei (Vosa Vakaibalebale) 26:9-12

LOMANI YAHUWE NA NOMU KALOU (LOVE YHWH YOUR MIGHTY ONE

I YAHUWE (YHWH) na Kalou (Mighty One) o kemuni oni taukena na veisausaumi; Kemuni na Kalou (Mighty One) na itaukei ni veisausaumi, vakaraitaki kemuni mai. 2 Laveti kemuni cake, moni vakatulewataki vuravura; solia me dua na kedra icovi o ira na viavialevu. 3 I Yahuwe (YHWH) e na vakacava  na kena dede vei ira na ca, e na vakacava na kena dede era na dokadoka tiko kina o ira na qaciqacia? 4 Era na cavuta ka vosataka na veika tawadodonu? Era na kaya na veimataqali vosa dukadukali? 5 Baleta era sa vakamaduataki ira na nomuni tamata, i Yahuwe (YHWH), ka via lewa na veika e nomuni ivotavota. 6 Era vakamatei ira na yada kei ira na tawacala, ka labati ira na luveniyali e sega na tamadra 7 Ia era qai kaya, o Yahuwe (YHWH) e sega ni rai, ka sega talega ni galele mai na Kalou (Mighty One) nei Ya'akove. 8 Yalomatua mai o kemuni na sesewa e na kedra maliwa na tamata kei kemuni na lialia, e na gauna cava oni na qai yalomatua kina. 9 O koya e a tokara na daliga, e na sega beka ni rogo rawa? O koya e a bulia na mata, e na sega beka ni rai rawa? 10 O koya e dau vunauci ira na veimatanitu, e na sega beka ni veivosataki? O koya e vakavulici ira na tamata na kilaka, e na sega beka vua na kilaka? 11 O Yahuwe (YHWH) e kila na vakasama ni tamata; era vaka na icegu.

12 ¶ E kalougata na tamata oni  vunauca i Yahuwe (YHWH), oni qai vakatavulica mai na ivakaro (Torah); 13 Moni qai solia vua na vakacegu mai na veisiga ni rarawa, me yacova ni sa keli na qara e na vukudra o ira era ivalavala vakasisila. 14 Baleta o Yahuwe (YHWH) e na sega ni talaci ira laivi na nona tamata, ka na sega talega ni vakanadakui ira na nona ivotavota. 15 Baleta na lewa dodonu e na vuki vei ira na yalododonu; o ira kece na yalododonu era na vakamuria. 16 O cei e na tucake mai me totaki au niu vorati ira era ivalavala kaukaua? O cei e na tu cake me vorati ira era cakacakataka tiko na veivakacalai? 17 Ke a sega ni dau vukei au tiko mai o Yahuwe (YHWH), na noqu bula (soul) ke a sa tacori tu ga e na leqaleqa. 18 Niu kaya, Na yavaqu a tidara; na nomuni yalololoma i Yahuwe (YHWH) a tabei au cake.19 E na vakaitamera ni noqu rarawa, e loma ni vuniyaloqu, na nomuni veivakacegui e marautaka na noqu bula (soul). 20 O ira na dauvakavulewa ca era na sega ni veitokani kei kemuni, baleta era sa navuca na inaki ca me ra saqata na nomuni lawa. 21 Era vakotora na dai me tacori kina na nodra bula na yalododonu ka vakacalai ira na dra tawacala. 22 Ia o Yahuwe (YHWH) e noqu isasabai; na noqu Kalou (Mighty One) e noqu uluvatu ni veitaqomaki.  23 O koya e na kauta lesu mai vei ira na nodra ivalavala ca, ka na vagalui ira e na nodra ivalavala kaukaua, io; o Yahuwe (YHWH) na noda Kalou (Mighty One) e na vagalui ira.

Tehellim (Same) 94:1-23

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 298 o/o 1758	October 25, 2012
Reading	Hebrew Date
Iyov (Jope) 3-4	M #8: Cheshvan 9, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.