Thoughts: Bribery to Pervade Judiciary,
Primarily Against Righteousness
Serving
For Yom Reeshone, Kishlev 22, 5772
Na itukutuku bibi a raica o
Havakuki na parofita. 2 I Yahuwe (YHWH)
e na vakacava beka na dede ni noqu tagi, oni qai sega ga ni via rogoca? Au kaci
yani vei kemuni, baleti ira na kabavanua, oni qai sega ni via mai veivueti? 3
Na cava oni vakaraitaka kina vei au na itovo ca kei na veidabui? Baleta au sa
raica tu qo na itovo kaukaua kei na dukadukali; na dodonu e a tiko ga e na
yasaqu; ia o koya na daunilewa e a ciqoma na veivaqumi (bribery). 4 E kena
ibalebale oya ni sa luluqa na Toraa, ka sa sega ni yaco tiko kina na
lewadodonu, baleta o ira na daunica era vakayacora tiko na itovo ca vei ira na
yalododonu; e kena ibalebale ni sa vakatanitaki tiko na lewa dodonu.
5 ¶ Raica, o kemuni na
vakilakila, raica mada na veika tawamacala, moni qai kurabui baleta au na
cakava e dua na cakacaka e na dela ni nomuni gauna oni na sega ni vakabauta ke
dua na tamata e vakatakila vei kemuni. 6 Baleta raica, au na vakatuburi ira na
Kasidimi, na matanitu dauyaloca ka dauyaloriri oya, o ira era na yabeta na raba
ni vanua me ra taukena na vanua e sega ni nodra. 7 Era vakataimera ka
vakadomobula; na nodra lewa kei na ivalavala era dau cakava era sa rogo tu
kina. 8 Na nodra ose e totolo cake mai na ikeli; ka vakadomobula cake mai na
woliva ni yakavi: o ira na nodra dau ni vodo ose era na kabavanua mai na
veivanua yawa sara; era na vuka mai me vaka na
ikeli era vaqunaquna tiko me ra lai kana. 9 Era lakova kece mai me ra
mai kabavanua; na rairai ni matadra e vakadomobula, era na vakasoqona na itoki
ni ivalu me vaka na nuku. 10 Era beci ira na tui, o ira na ravouvou era
vakalialiai ira; era dredrevaka na veikoro kece e taqomaki vakaivalu; baleta
era na binia vata cake na qele era qai vesuka. 11 Oti e na qai veisau na nona
matanicagi qai seyavu yani; ia na nona mataivalu e na kune ni cala e na mata ni
Kalou (Mighty One).
12 ¶ Oni sega beka ni vu mai na
tawamudu, i Yahuwe (YHWH) na noqu Kalou (Mighty One), na noqu Yalosavasava Le
Dua. E sega beka na nomuni Toraa, i Yahuwe (YHWH)? Oni vakaduri i ira me ra ka
ni vakavulewa, oni qai buli i keimami me keimami dau totogitaki 13 Na matamuni sa rui savasava vakaoti, ka
sega kina ni raica na ca; ia oni sega ni raici ira tiko era qaciqacia; na cava
oni dau raici ira kina era dau vakaveitaliataka na lewa, oni qai dau galuvaka
ni ra vakalolomataki ira na tamata yalododonu o ira era ca? 14 Oni cakava na tamata me ra vaka na ika ni
waitui, me ra vaka na manumanu dauqasi e sega ni dua e dau veiliutaki vei ira?
15 Era toboki ira vata kece e na nodra bati ni siwa, ka toboki ira e na lawa,
ka vakasoqoni ira vata e na nodra lawa yavi; ia ni ra sa vakasoqoni ira, era
qai reki ka mamarau. 16 Qori era qai sokalou kina i na nodra lawa, vakama
imadrali boi i na nodra lawa yavi; baleta era dau vakayagataki ira, me levu
kina na nodra iwasewase ni iyau, kei na kedra kakana maleka. 17 Qori era kolo
tiko ga kina na nodra lawa, ka sega kina na nodra yalololoma e na nodra
vakamatei ira na tamata.
Kakua ni beitaka e dua na bobula vua na nona turaga
(master) de qai vatovatotaki (curse) iko o koya, o qai vakacalai.
E na bati ni veiuciwal mai
Bavela, e keya eda a toka sobu. Io, eda a tagi, ni da vakanananu i Saiyoni. 2
Eda a vakaliliga na noda hapi e na veiwilou mai keya. 3 Baleta e keya, o ira
era a kauti keda mai vakabobula, era a vinakata mai vei keda e dua na sere; o
ira era a vesuki keda era a kaya vei keda, Lagata vei keimami e dua na sere mai Saiyoni. 4 E rawa vakacava
vei keimami me keimami lagata e dua na sere i Yahuwe (YHWH), e na loma ni vanua
tawakilai? 5 Kevaka meu guilecavi iko i Yerushalayimi, laiva na ligaqu imatau me
guilecavi au. 6 Kevaka au sega ni nanumi iko, laiva na yamequ me kabita na
gadroqu, kevaka au sega ni digitaki Yerushalayimi vakalevu cake mai na veika au
dau taleitaka vakalevu.
7 ¶ Nanumi ira, i Yahuwe (YHWH),
na luve i Idomi e na siga i Yerushalayimi; o
ira era a kaya, Vakama yavu, vakama yavu vakadua i na kena yavu. 8 I
luvei Bavela yalewa, dau tauri itoki ni ivalu, me kalougata o koya e na
vakaicovitaki iko me vaka o a cakava vei keimami 9 Me kalougata o koya e tarai
ira qai botolaki ira na nomu lalai i na vatu.
|
Read The Tanakh in a Year (Wilika Na
iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
352 Blog No. 1446
|
December 18, 2011.
|
|
Reading
|
Hebrew Date
|
|
Kishlev 22, 5772
|
|
|
Click The Bible Text To
Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
