Thought: Faith Is Important, As Long As It Is Based On Truth
Serving For The 3rd December, 2009.
Ia, au sega ni vinakata moni sega tiko ni kila, kemuni na taciqu, niu dau navuca vakawasoma meu lako yani vei kemuni, (ia e dau tarovi tiko me yacova mai oqo,) me rawa ni bau dua na vua ni noqu cakacaka e na kemuni maliwa, me vaka au sa cakava tiko e na kedra maliwa na kai Veimatanitu tani tale eso. 14 Na kai Kirisi, kei ira na tawalotu, na vuku kei ira era sega ni vuku; baleta e noqu itavi meu vunau vei ira na tamata kece. 15 O koya qori, e gu tiko kina na yaloqu, meu lai vunautaka yani vei kemuni na itukutuku vinaka, o kemuni oni tiko mai Roma.
16 ¶ Au sega ni madualaka na nona itukutuku vinaka na Mesaia; baleta qori na kaukaua ni Kalou (Yahweh) ni veivakabulai vei ira kece era vakabauta; me liu vei ira na Jiu, ka vaka kina vei ira era Arameani. 17 Baleta e keri, na yalododonu ni Kalou (Yahweh) sa kune votu tu, ni tekivu e na vakabauta ka tini e na vakabauta, me vaka sa volai tu, O ira na yalododonu era na bula ga e na vakabauta. 18 Baleta na leva ni Kalou (Yahweh) sa vakatakilai oti mai lomalagi, ni na saqati na itovo ca kei na itovo vakasisila ni tamata, era tabonaka vaka tawadodonu na dina:
Me tekivu qo lako yani, kemuni na taciqu, moni mamarau, me nomuni na vakacegu vinaka, moni yalovata, bula sautu; e na qai tiko kei kemuni na loloma ni Kalou (Elohim) kei na bula sautu. 12 Moni dau veikidavaki e na iregu tabu. 13 O ira kece na digitaki era loloma tu yani vei kemuni. 14 Na vakacegu ni noda Turaga o Jisu (Master Yahshua) na Mesaia, kei na yalololoma ni Kalou (Elohim), vata kei na veitokani ni Yalo Tabu me tiko kei kemuni kece sara. Emeni.
| Read The Bible in a Year (Wilika Na iVola Tabu E Na Dua na Yabaki). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 338 | December 3 | Daniel 1-2 | 1 John 2 |
