Thought: We Are In The World, Yet Behaviorally Distinguished From The World.
.....................................
Serving For The 8th March, 2010
Moni na dau solia e na yalodina na ikatini na tubu ni vuata e rawa mai na nomuni iteitei, mai na dua na yabaki i na dua tale na yabaki. 23 Ka moni na kania e na mata i Jiova (Yahweh) na nomuni Kalou (Elohim), e na vanua e digitaka me vakatikora kina na yacana, na ikatini ni nomuni vuata, ni nomuni waini kei ka nomuni qeleni bulumakau kei na nomuni qeleni sipi, me rawa kina veikemuni moni vulica moni rerevaki Jiova (Yahweh) na nomuni Kalou (Elohim) e veiveigauna kece. 24 Ia kevaka sa rui yawa vei kemuni, ka sa na sega ni rawa vei kemuni moni colata, baleta na vanua e digitaka o Jiova (Yahweh) na nomuni Kalou (Elohim) me vakatikora kina na yacana, sa rui yawa vei kemuni, e na ilevu nona veivakalougatataki vei kemuni, o Jiova (Yahweh) na nomuni Kalou (Elohim). 25 Ia moni qai vukica me ilavo, vauca na ilavo e na dua na isulu ka moni maroroya vinaka tiko e ligamuni, oti moni qai lako i na vanua sa digitaka tu o Jiova (Yahweh) na nomuni Kalou (Elohim). 26 Moni na volia e na ilavo oya na cava ga oni gadreva, na bulumakau, na sipi, na waini se na gunu kaukaua, na ka kecega oni vinakata; ia moni kania e keya e na mata i Jiova (Yahweh) na nomuni Kalou (Elohim), ka moni yalomamarau, o iko kei ira na nomuni matavuvale; 27 Ia o ira na Livai era tiko e na loma ni nomuni tauni, moni kakua ni guilecavi ira; baleta o koya e sega na nona tikina se nona ivotavota vata kei kemuni.
Ia o kemuni oni itabatamata digitaki, na italai ni matanitu, e dua na kawatamata tabu, e dua na ivavakoso oni a vueti moni mai kacivaka na Nona lagilagi o Koya e a kacivi kemuni laivi mai na butobuto, i na Nona rarama veivakurabuitaki;
