Thought: Always Compulsorily Pray For Your Royalty As A Duty.
Serving For Yom Shlee-shee 3rd Tammuz, 5770
Ni sa vakayacora tiko o Jehu na lewa e na vale nei Eihaba, a qai kunei ira na ranadi ni Yahuda kei ira na luvedratou tagane na taci i Ahasaia, o iratou eratou a dau veiqaravi tu vei Ahasaia, qai vakamatei ratou. 09 Oti qai vaqarai Ahasaia o koya qai toboki koya, (ni vuni tiko mai Samaria) qai kauti koya mai vei Jehu; ia ni ra sa vakamatei koya, era qai buluti koya; baleta era kaya, O koya qo e luvei Jiosefata, o koya e a dau vaqarai Jiova (Yahweh) e vuniyalona taucoko. Oti qori sa qai mai sega tu yani, me dua mai na tokatoka nei Ahasaia e tiko vua na kaukaua me vakavulewa e na loma ni matanitu.
10 ¶ Ia ni raica o Acalia na tina i Ahasaia ni sa mate o luvena tagane, a qai tu qai vakawabokotani ira kece na luve ni tui tagane ni mataqali Yahuda. 11 Ia o Jehoshabici na luve ni tui yalewa, a qai butakoci Joasha na luve i Ahasaia tagane mai vei ira na luve ni tui tagane era vakarau vakamatei tiko, qai vunitaki koya kei na nona meimei e loma ni nona loqi ni moce. O Jehoshabici, na luve i Tui Jehorami, na wati i Jehoiada na bete, (o koya e ganei Ahasaia) a qai vunitaki koya tiko mai vei Acalia, me kakua kina ni vakamatei koya rawa.
Au kerei iko kina vakabibi; mo dau vakatusa Vua na Kalou e na vakatakekere, e na masu, e na veimasulaki kei na vakavinavinaka e vukudra na tamata kecekece; 02 e vukudra na tui kei ira era dau vakavulewa, me rawa ni da sotava na bula malumu ka maravu, e na vuku ni bula vakalou vata kei na dina.
