Wednesday 31 March 2010
Na iTukutuku Kei Qidioni (The News About Gideon).
Thought: Yahweh Has Strategies To Solve Problems Of Those He Loves
Serving For The 31st March, 2010
Tuesday 30 March 2010
O Jiova na iVurevure Ni Kaukaua (Yahweh The Source Power)
Thought: The Rise Of Israel’s Power Came From Yahweh through Avraham’s Faith.
Serving For The 30th March, 2010
Rau qai lagasere o Debora kei Baraka na luve i Ebinoama tagane, e na siga oya, ni rau laga, 02 E na veisausaumi, o Isireli sa saumi lesu; vakamuduo vei Jiova (Yahweh) e na dua na sere me baleta na veisausaumi vei Isireli. 03 Ni vakarorogo kemuni na tui, vakatudaliga kemuni na ravouvou Au na laga sere vei Jiova (Yahweh); Au na laga sere ni vakamuduo vei Jiova na Kalou (Yahweh Elohim) nei Isireli. 04 Jiova (Yahweh), ni oni biuti Sieri mai mo tayabe i na rara mai Idomi, e a sakure na vuravura ka lutu na lomalagi, na o a vakatauca na wai. 05 Na veiulunivanua era a waicala e na mata i Jiova (Yahweh) io o Saineai sara ga mai na mata i Jiova na Kalou (Yahweh Elohim) ni Isireli.
06 ¶ E na veisiga nei Shamaqa na luve i Anaca, e na gauna nei Anaela; na veigaunisala lelevu era a qai sogo laivi; o ira na veilakoyaki era a dau taubale e na gaunisala lelevu, era qai vakasaurarataki me ra taubaletaka na veisalatu lalai veiveveyaki.
Au na seretaka na loloma kei na lewa dodonu; vei kemuni Jiova (Yahweh) au na laga sere. 02 Au na vakaitovotaki au vakavuku e na ivalavala e daumaka vakaoti. Isa e na gauna cava beka Oni na lako mai kina vei au? Au na muria e loma ni noqu vale, na yalo e vinaka vakaoti. 03 Au na sega ni viritura e mataqu e dua na ka e vakasisila: Au cati ira era dau itovo vakasisila, era na sega ni toro volekati au mai. 04 Na yalotakelo e na vagolei tani mai vei Au: Au na sega ni via kila na ivakarau vakasisila. 05 O koya e beitaka vakailasu na wekana, au na muduki koya laivi: kei koya e viavialevu se yalodokadoka, au na sega ni via kana vata kaya. 06 Na mataqu e na mau toka ga vei ira era yalodina e loma ni vanua, me ra rawa ni na mai vakaitikotiko vata kei au: o koya e muria na ivalavala dodonu e na qaravi au.
Monday 29 March 2010
Ruci kei Boasa (Ruth and Boaz).
Thought: The Blessed Of Yahweh; Are Guided And Protected By Him.
.....................................
Serving For The 29th March, 2010
A qai kaya o Boasa vei ira na qase, kei ira kece na tamata, Oni ivakavakadinadina edai, niu sa volia mai na liga i Naomi na veika kece a dau nei Elimeleki kei na ka kece a dau nei Maloni vata kei Kalioni. 10 Kena ikuri, o Ruci na yalewa ni Moabi, a dau wati i Maloni, au sa tauri koya me watiqu, meu vakatubura tale na yacana o koya sa mate oti e na vukuni nona ivotavota, me kakua kina ni yali na yacana mai vei ira na tacina, kei ira na wekana; oni kena ivakadinadina e na siga edai.11 O ira kece na tamata kei ira na qase era a tiko e na matamata ni korolevu, era sauma ni ra kaya, Keimami kena ivakadinadina. Laiva vei o Jiova (Yahweh) me cakava na yalewa sa mai tiko oqo vata kei iko me tautauvata kei Reijeli kei Lia, baleta o rau ruarua rau a tara cake na vale i Isireli; ia me ka talei na nomu cakacaka mai Efarata, ka mo vakatoka me yacana o Beceliema: 12 Laiva na nomu vale me tautauvata kei na vale i Faresa, e a vakasucuma o Tamari vei Jiuta, ka laivi Jiova (Yahweh) me solia vei iko e dua na nomu kawa maivua na yalewa oqo.
13 A kauti Ruci o Boasa, a qai yaco o koya me watina e na gauna a veiyacovi kina kei koya, qai solia vua o Jiova me kunekune, me qai vakasucuma e dua na luvenatagane.
Baleta o ira era vakalougataki nei Jiova (Yahweh) era na taukeni vuravura; ia o ira era vakaloucataki mai vua era na muduki laivi. 23 Na nona ikalawa na tamata vinaka e vakataudeitaki mai vei Jiova (Yahweh): o koya e navuca na nona itosotoso. 24 Kevaka e bale, o koya e na sega ni mavoa; baleta o Jiova (Yahweh) e na tabei koya tiko e na ligana.
Sunday 28 March 2010
Ruci Kei Naomi (Ruth and Naomi).
Thought: With Yahweh, Are you Like Orpah or like Ruth?
Serving For The 28th March, 2010
Eratou baci qolou tale e na domo levu, ni ratou veitagicaki; Oti qai reguci vugona o Oripa, qai vuki me sa lesu tale, ia o Ruci a kabiti koya toka ga. 15 Kaya vua o vugona, Raica, na dauvemu sa lesu tale vei ira na nona tamata kei ira na wekana; lesu talega o iko, muria na dauvemu. 16 Kaya o Ruci vua, E sega sara ga ni tu vei au na gagadre meu muri i koya lesu, meu biuti iko. baleta na vanua o lako kina, au na lako kina; na vanua o lai vakaitikotiko kina; o ira na wekamu era na wekaqu talega kei na nomuKalou (Elohim) e na noqu Kalou (Elohim) talega:17 Na vanua o mate kina, au na mate kina, e keya au na bulu talega kina: me cakacakataka vakaoqo vei au o Jiova (Yahweh) ka tomana tikoga, kevaka mada ga e rawa ni tawasei au mai vei iko na mate.18 Ni raica o Naomi ni sa dei na lomana me lako vata kei koya, sa qai cegu na nona vakauqeti koya tiko me lesu tale.
19 ¶ Rau sa mani lako vata me yacova ni rau yaco i Peceliema e Juda. A qai yaco, ni rau yaco yani i Peceliema ni ra marautaki rau na korolevu taucoko era qai taroga, Qo dina beka o Naomi?
Kaya o Tui Aqaripa vua, E se lailai wale na nomu sasaga, ia o voleka sara ni vukuci au meu vakabauta na Mesaia? 29 Kaya o Paula, Au masuta na Kalou (Elohim), me kakua ni o iko duadua ga, ia o ira kece era rogoci au tiko nikua me ra tautauvata kei au, vakavo ga e na senicodo oqo.
May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).
Saturday 27 March 2010
Veivaluvaluti Vakaveitacini (Civil War).
Thought: The Waywardness Of The Human Heart Keeps Them Down.
……………………………………………….
Serving For The 27th March, 2009
Era qai tu na luve i Isireli, ka lako cake i Beca-ela, me ra lai vaqaqa na veika me baleta na Kalou (Elohim); era qai kaya, O cei vei keda e na liu me lai valuti ira na yavusa Beniyamini? Kaya o Jiova (Yahweh), O Yahuda me na liu. 19 Era qai tu na luvei Isireli e na mataka lailai, me ra lai keba vakaivalu mai Qibea. 20 Era qai curu tani mai Qibea na yavusa Peniyamini me ra valuti Isireli, era qai tuvatuvaivalu me ra veisaqasaqa vata kei Isireli; o ira talega na tagane ni Isireli era a tuva mai me ra valuti ira mai Qibea. 21 Era qai ucu mai Qibea o ira na Beniyamini, me ra saqati Isireli, era qai biuta matemate tu mai e na dela ni vanua e na siga oya e ruasagavulukarua na udolu na tagane na luvei Isireli. 22 Ia o ira na luve i Isireli era qai veivakayaloqaqataki tale vakataki ira, oti era qai baci tuva tale mai vakaivalu e na vanua vata ga era a tuva mada kina e na imatai ni siga. 23 Era qai lako cake i Beca-ela o ira na luve i Isireli, ka lai tagi e na mata i Jiova (Yahweh) me yacova na yakavi bogi, era kere ivakasala mai vei Jiova (Yahweh) ni ra kaya, E vakaevei me keimami baci lako tale me keimami lai valuti ira na taci i keimami o Beniyamini? Kaya o Jiova (Yahweh), Lako cake lai valuti ira. 24 Era sa qai toro voleka na luve i Isireli me ra valuti ira na Beniyamaiti e na ikarua ni siga. 25 Era baci curu tale mai Qibea na Beniyamaiti e na ikarua ni siga, era qai biuta matemate tu mai na vanua e duanaudolu walunadrau vei ira na luve i Isireli; qo o ira na tamata era dau vala e na iseleiwau.
Na vuniyalo e babamatua taudua vei ira na veika kece; o cei e na kila rawa? 10 O yau o Jiova (Yahweh), au dau vakadeuca na vuniyalo, ka vakatovolea na nona vakasama, au qai solia vei ira na tamata yadudua, me veiraurau ga kei na nodra dui ivalavala kei na vua ni nodra cakacaka.
Friday 26 March 2010
Na Qaravi Matakau Nei Maika (Micah‘s Idol Worship)
E a tiko e dua na tamata mai na ulunivanua o Ifereimi, na yacana o Maika. 02 A qai kaya o koya vei tinana, Na shekeli siliva e duanaudolu duanadrau, e a kau laivi mai vei iko, o qai vosa vakaloucataka, o qai tukuna lo vei au e daliqu, raica o au ga au a kauta na siliva. Kaya o tinana, E kalougata vei Jiova (Yahweh) o luvequtagane. 03 Ia ni sa solia lesu na duanaudolu duanadrau shekeli na siliva vei tinana o koya; a qai kaya o tinana, Au sa vakatabuya oti vakadua na siliva oqo vei Jiova (Yahweh) me soli i na liga i luvequtagane, me bulia e dua na matakau ceuceu kei na dua na matakau buli waiwaiya; solia lesu tale mai vei au. 04 A mani solia lesu na ilavo vei tinana o koya; a qai taura o tinana e ruanadrau na shekeli na siliva, qai solia vua na matai ni siliva, o koya a qai bulia mai kina e dua na matakau ceuceu kei na dua na matakau buliwaiwaiya; qori era a qai maroroi tiko e na vale nei Maika. 05 Na tagane o Maika e dua tiko na nona vale ni veikalou (elohims), a qai cula e dua na efoti kei na dua na terafimi, qai vakatabuya e dua vei ira luvena tagane, o koya a qai yaco me nona bete o koya. 06 E na gauna oya e a sega ni dua na tui e Isireli; ia na tamata yadudua era a dui cakava ga na ka e dodonu e na dui matadra.
Ia ni sa yaco mai na Yalo ni dina, e na qai mai tuberi kemudou i na dina taucoko; baleta e na sega ni mai vosa e na nona lewa ga o koya vakataki koya, ia na ka ga e rogoca mai, e na mai tukuna; e na qai mai vakaraitaka vei kemudou na veika sa vakarau yaco e na veigauna e se tu mai muri.
May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).
Thursday 25 March 2010
Vakacegu O Josua (The Death of Joshua)
Thought: Leadership That Follow Yahweh, Lead People To Yahweh’s Comfort and Prosperity
Serving For The 25th March, 2010
A qai yaco ni sa oti e dua na gauna balavu na nona solia tiko o Jiova (Yahweh), na vakacegu vei ira na Isireli, mai vei ira na kedra meca era tu vakavolivolivoliti ira, ni a tubu qase o Josua, ka sa bibi sara na yabaki ni nona bula, 02 ni a qaikacivi ira vata na isireli o Josua, o ira na nodra qase kei ira na nodra iliuliu, kei ira na nodra dauni veilewai kei ira na nodra vunivola, qai kaya vei ira, Au sa qase mai ka sa bibi na yabaki ni noqu bula; 03 Oni sa raica oti na veika kece a cakava o Jiova (Yahweh) na nomuni Kalou (Elohim) vei ira kece na matanitu oqo, e na vukumuni; ni a vakarusai ira e matamuni, ka ni o Jiova (Yahweh) ga e a vala tiko e na vukumuni. 04 Raica, au sebera ni veivotayaka tiko vei kemuni na nodra vanua na veimatanitu era se vo tiko qo, ia qori sa nodra ivotavota vakaitaukei o ira na nomuni veiyavusa; ia au sa vota oti vei kemuni na veivanua me tekivu mai na Joridani, bau kina na veimatanitu kece au a vakarusa, me yaco sara i na Wasa Levu vaka i na Vuaira. 05 O Jiova (Yahweh) na nomuni Kalou (Elohim), e na vakadrukai ira e matamuni, oni na qai taukena na nodra vanua me vaka sa yalataka oti vei kemuni o Jiova na nomuni Kalou (Yahweh your Elohim). 06 Ia moni tu kaukaua tu ga ka bula muria na veika kece e volai tu e na ivola ni lawa nei Moshe, na italai ni Kalou (Elohim); ka moni kakua vakadua ni vuki tani mai kina, i na imatau se i na imawi;
O ira na Isireli era a qaravi Jiova (Yahweh) e na veigauna kece ni bula nei Josua kei na nodra gauna kece na qase era a bula tiko ni sa mate oti o Josua, o ira era a kila vinaka na cakacaka nei Jiova (Yahweh) e a cakava e na vukudra na Isireli.
Wednesday 24 March 2010
Na iWali ni Duidui (Resolving Differences)
Thought: Resolve Differences with Yahweh, By Scriptural Obedience
Serving for the 24th March, 2010
Ni rogoca, o Finiasi na luve i Eliesa na bete kei ira na iliuiliu ni isoqosoqo, kei ira na turaganivalu ni matasotia ni Isireli era tiko vata kei koya, na veika era kaya na Ruvenaiti, na Qeidaiti kei na veimama na mataqali nei Manase, era a qai marautaka. 31 Kaya o Finiase na luve i Eliesa na bete vei ira na Ruvenaiti, vei ira na Qeidaiti kei na veimama na mataqali i Manase; E na siga oqo eda kila kina ni tiko e na keda maliwa o Jiova (Yahweh) baleta oni a sega ni vakayacora, moni veisaqasaqa kei Jiova (Yahweh); qo oni sa vueti ira na luve i Isireli, me kakua ni tarai ira na waromisa ni liga i Jiova (Yahweh) kevaka me a saqati ira o koya. 32 O Finiasi na luve i Eliesa na bete, kei ira na iliuliu era tiko vata kei koya era qai lesu mai vei ira Ruvenaiti kel ira na Qeidaiti kei ira na Manasaiti mai na vanua o Qiliade, i na vanua o Kenani, vei ira na luve i Isireli, ka kauta tiko mai vata kei ira e dua na isau ni taro. 33 Na isau ni taro a vakamarautaki ira na luve i Isireli; era qai vakamuduo vua na Kalou (Elohim) o ira na luve i Isireli, era qai lewa me ra kakua ni lako cake me ra lai valuta ka vakarusa na vanua era tiko kina na Ruvenaiti, na Qeidaiti kei ira na Manaseiti.34 O ira na Ruvenaiti,na Qeidaiti kei ira na Manaseiti era a qai vakayacana na icabocabo ni soro era a tara, Na iCabocabo ni iSoro ni iVakadinadina, baleta ni ivakadinadina e na keda maliwa ni o Jiova (Yahweh) duadua ga e Kalou (Elohim).
E toro yani Vua o Pita, qai taro, “Noqu Turaga (Master) ke cakacala tiko vei au o taciqu, me vakavica beka na noqu vosoti koya tiko? Vakavitu? 22 Sauma Vua o Jisu (Yahshua), Au a sega ni kaya vei kemudou me vakavitu ga, ia me vakavitusagavulutaki na vitu.
Tuesday 23 March 2010
Na Korolevu Ni Tataqomaki (The Cities of Refuge).
Thought: Yahweh Is A Type Of The City Of Refuge Where We Can Find Rest And Peace.
Serving For the 23rd March, 2010
Oti qai kaya o Jiova (Yahweh) vei Josua 02 Vosa vei ira na luve i Isireli, mo kaya, Ni lesia vakatikitiki e na vukumuni, na veikoro ni veitaqomaki me vaka au a kaya vei kemuni, e na gusuna na noqu dauniveqaravi o Moshe; 03 me rawa ni na dau dro kina o koya e vakamatea vakasauri se vakacalaka e dua na tamata me nodra itataqomaki mai vei ira era na via sauma lesu na dave ni dra. 04 Ia o koya e dro i na dua vei ira na korolevu oqo, me na lai duri tu e matamata ni korolevu, me na rawa ni vakamacalataka vei ira na qase ni korolevu na nona kisi, oti me ra qai kauti koya i loma ni korolevu, me ra lai solia vua e dua na nona itikotiko, me sa mai vakaitikotiko vata kei ira. 05 Ia ke yaco me vaqarai koya yani o koya e veisausaumitaka tiko na dave ni dra, o ira me ra na kakua ni soli i koya e a veivakamatei e ligana; baleta ni a vakamatei koya vakalacaka ka sega talega ni sevaki koya mai liu. 06 Me na vakaitikotiko e na korolevu oya me yacova ni sa tu e matadra na lewe ni isoqosoqo me lewai, ia me na tiko ga e keya me yacova na nona mate na bete levu liu e na gauna oya; o koya e a veivakamatei sa na qai rawa ni lesu tale me lako i nona korolevu dina, i na nona vale ga o koya, i na korolevu e a dro mai kina e liu.
Na Kalou (Elohim) e noda itataqomaki ka noda kaukaua, na dauniveivuke e dau tu voleka e na veiveigauna ni leqaleqa. 02 Oni dau tu vata kei keimami e veiveigauna kece; qori keimami sega kina ni taqaya ni uneune na vuravura ka sakure na veiulunivanua me yaco vakadua i na uto ni wasaliwa;
Monday 22 March 2010
Na Wase Ni Qele (The Dividing the Land).
O Qiliade a yaco me iwasewase ni yavusa nei Manase; baleta o koya e ulumatua nei Josefa; qai wase vei Makiri na ulumatua i Manase, na tama i Qiliade; baleta o koya a ulumatua ka tagane ni ivalu, qori a qai nona kina o Qiliade vata kei Macanini. 02 Era qai wase talega kina o ira na vo ni luvei Manase e na nodra dui matavuvale; o ira na kawa i Ebiesa kei ira na kawa i Heleki kei ira na kawa i Nesherieli, o ira na kawa i Shopama, o ira na kawa i Heferi kei ira na kawa i Shemida; qo o ira na luvei Manase tagane, na luve i Josefa, e na nodra dui matavuvale. 03 Ia o Selofehadi, na luve i Hefera tagane, na luve i Qiliade, na luve i Makiri, na luve i Manase, a sega na luvena tagane, ia a vakaluvea yalewa ga; qo na yacadratou na luvena yalewa; o Mala, o Joa, o Hoqola, o Milika kei Tirisa. 04 Eratou a qai lako mai vei Iliesa na bete, vata kei Josua na luve i Nuni kei ira na turaga bale kei Isireli, ratou qai kaya, O Jiova (Yahweh) a vakaroti Moshe me solia vei keitou e dua na neitou ivotavota e na kedra maliwa na taci i keitou; a mani solia qori vei keitou o koya me vaka na ivakaro nei Jiova (Yahweh) e na kedra maliwa na taci i tamadratou. A mani solia e dua na kedratou iwasewase o Josua e na kedra maliwa na mataveitacini mai vei ira na tamadra. 05 A mani tau vei ira na Manase e tini na tikina, me ikuri ni vanua o Qiliade kei Macanini e toka mai na tai kadua ni Joridani; 06 Baleta o ratou na luve i Manase yalewa ratou a ciqoma talega e dua na kedratou ivotavota e na kedra maliwa na luvena tagane; ia na qele o Qiliade a tau vakaiwasewase vei ira na vo ni luve i Manase tagane.
Qori na vuna, o au talega, niu rogoca na itukutuku ni nomuni vakabauta na Turaga o Jisu (Master Yahshua) na Mesaia vata kei na nomuni dau yalololoma vei ira na digitaki, 16 au sega kina ni cegu e na noqu dau vakavinavinaka e na vukumuni, meu cavuti kemuni e na noqu masu, 17 me rawa kina Vua na Kalou (Elohim) ni noda Turaga o Jisu (Master Yahshua), na Mesaia, na Tamada lagilagi, me solia vei kemuni na yalo ni veivakatakilai kei na kilaka me baleti Koya, 18 me vakararamataka na matamuni e na nomuni kilaka; me rawa ni oni kila se cava na inuinui ni Nona veikacivi, kei na talei ni Nona ivotavota vei ira na digitaki.
Sunday 21 March 2010
Kelebi kei Josua (Caleb and Joshua).
Vei Kelebi na luve i Jofanaia, e a solia o Josua me vakaivotavota vata kei ira na mataqali nei Yahuda, me vaka e vakarota o Jiova (Yahweh). A qai kaya o Kelebi vei Josua, Solia vei au na vanua nei Koriaci-araba e a dau taukena tu na tamadra na tuwawa; a mani soli i Koroiaci-araba vei Kelebi o Josua, oya na koro o Hebarona.14 O Kelebi a qai vaqeavutaki ira na kawa ni tuwawa tolutolu, oya o Sheshai, kei Ahaimani kei Colamai, o ira na kawa ni tuwawa.15 A qai lako cake i keya me lai saqati ira era vakaitikotiko mai Debira; ia na yaca i Debira e liu o Koriaci-separa.16 Kaya o Kelebi, O koya ga e samuti Koriaci-separa me taura, au na solia vua na luvequ yalewa o Akesa me watina. 17 O Ocanieli na luve i Kinasi, na taci i Kelebi: a qai taura; qai soli i Akesa kina na luvena yalewa me watina.18 A qai yaco ni sa yaco me watinayalewa o koya, ni a vinakata mai vei tamana o koya, e dua na tikiniqele me nona ivotavota; a sobu mai na nona asa; ia qai tarogi koya Kelebi, Na cava na nomu leqa, luvequ yalewa? 19 Kaya vua o koya, Solia vei au e dua na veivakalougatataki; baleta o sa solia vei au e dua na kequ iwasewase e na vanua e na ceva; solia tale ga vei au na toevu ni wai qo. A qai solia vua o Kelebi na mata ni wai e cake kei na mata ni wai e ra.
Na ivola ni lawa oqo me kakua ni biu laivi vakadua mai gusumuni; ia mo dau vakananuya e na siga kei na bogi me rawa ni oni na bula muria matua na veika e volai tu kina; baleta qori oni na qai rawaka kina ka vutuniyau.
Subscribe to:
Posts (Atom)