Thought: YHWH will
Reject Those Who Choose Not To Listen To Him
...........................
Serving For Yom
R’vi’ii, Sivan 27, 5773
MAI NA NEVI’IMI
AKARONIMI FROM THE NEVI’IM ACHARONIM)
Ia
tukuna sara vei ira na veika oqo; ia o ira era na sega ni vakarorogo vei iko; e na vaka kina kevaka
mo kacivi ira, o ira era na sega ni tama mai vei iko. 28 O koya oya mo na kaya
kina vei ira, Oqo na matanitu e sega ni vakarorogo i na domo i Yahuwe (YHWH) na
nodra Kalou (Mighty One). Era sega ni via vakadodonutaki; na veidinadinati sa
rusa; e sa yali vakadua mai gusudra. 29 Kotiva laivi na drau ni ulumu ka kolo
laivi, taura cake e dua na lele e na veidelana laladidi, baleta o Yahuwe (YHWH)
sa besetaki ira ka vakanadakui ira na itabatamata era vakavurea na nona cudru.
30 Baleta o ira na tamata ni Ya'huda, era sa cakava na ka e tawakilikili e na
noqu rai, e kaya o Yahuwe (YHWH); era sa
vakaduria na nodra veika vakasisila e na loma ni vale e dau vakatokai e na
yacaqu, me ra vakadukadukalitaka. 31 Era sa tara na veitikina cecere vei Tofeta,
e na buca o Beni-Hinomi, me ra vakama kina na luvedra tagane kei na luvedra
yalewa e na bukawaqa; na kena dina ga ni mataqali ka vakaoqo e sega mada ga ni
bau curuma na noqu vakasama! 32 O koya oqo sa toro tiko mai kina na siga, e
kaya kina o Yahuwe (YHWH), sa na sega kina ni vakatokai o Tofeta, na buca o
Beni-Hinomi, ia sa na vakatokai na Buca ni Veiravui; era na bini o ira e keya,
o ira na mate mai Tofeta, baleta sa na sega ni vo tale e dua na vanua galala [e
na veivanua tale eso]. 33 Na yagodra mate na tamata oqo e na kedra kakana na manumanu
vakatabana ni macawalala vata kei na manumanu kila ni vanua; e sega ni dua me vakarerei ira [me ra lako laivi]. 34 E na
gauna oya, e na loma ni veikorolevu ni Ya'huda vata kei na veisaqata mai
Yerushalayimi, au sa na vakagaluya na domo ni reki kei na mamarau, kei na domo
ni taganevou kei na yalewavou; baleta na vanua era sa na biu me ra laladidi tu.
NA IVAQA NI BULA (FOOD FOR THE SOUL)
Na
tamata e yalomatua e tukuni ni tiko vua na lewa matau, ia na kamica na [nona]
vosa e vakaikuritaka na vuli. 22 ¶ Na vakasama e ivurevure ni bula vei koya e
kune vua; ia o ira na sesewa era na totogitaki mai na nodra lialia. 23 ¶ Na
vuniyalona na tamata vuku e vakatavulica na gusuna ka kuria na veivakatavulici
i na tebenigusuna.
LOMANI YAHUWE NA NOMU KALOU (LOVE YHWH YOUR MIGHTY ONE
Mem) Au sa raica na iyalayala ni
veika era vinaka vakaoti, ia na nomuni
lawa e sega na kedra iyalayala. 97 ¶ Olei au rui taleitaka na nomuni
Toraa! E dau [we we] ni noqu vakanananu e veisiga taucoko. 98 ¶ Au sa vuku cake
mai vei ira na kequ meca, baleta na nomuni ivakaro era noqu me tawamudu. 99 E
levu cake vei au na yalomatua mai vei ira kece na noqu dau ni vakavuvuli,
baleta au dau vakananuya tu ga na nomuni ivakaro. 100 Au yalomatua cake vei ira
kece na noqu qase, baleta niu bula muria na nomuni ivakavuvuli. 101 ¶ Au tarova
na yavaqu mai na veisala vakasisila kece, meu rawa ni bula muria ga na nomuni
vosa. 102 ¶ Au sega ni lako vakatikitiki mai na nomuni lewa; baleta ni o kemuni
oni a vakatavulica vei au. 103 ¶ E wacava na kamikamica e yamequ ni nomuni
yalayala, e ka dina [taucoko] ni kamikamica vakalevu cake sara mai na hani e
loma ni gusuqu. 104 Mai na nomuni ivakavuvuli, au rawata kina na yalomatua; qo
na vuna au sevaka kina na ivalavala lasutaki kecekece.
105
¶ (Nun) Na nomuni vosa e dua na icina i yavaqu, ka dua na rarama i na
noqu gaunisala. 106 ¶ Au sa bubuluitaka oti e dua na yalayala ka vakadeitaka,
niu na bula muria na nomuni lewadodonu. 107 ¶ Niu lomaleqaleqa tiko
vakalevu; i Yahuwe (YHWH), solia vei au
na bula, me vaka na nomuni vosa. 108 ¶ Yalovinaka ciqoma na noqu isolisoli
soliwale mai gusuqu, i Yahuwe (YHWH), ka vakatavulica vei au na nomuni vei
lewa. 109 ¶ Au sa dau taura tiko vakawasoma na noqu bula e ligaqu, ia au se
sega ga ni guilecava na nomuni Toraa. 110 O ira na ca era sa viria e dua na
tudai e mataqu, ia au sega ga ni lako sese mai na nomuni ivakavuvuli. 111 ¶ Au
taura na nomuni ivakavuvuli me noqu ivotavota tawamudu; baleta era ka ni reki e
vuniyaloqu.112 Au sa nakita meu dau talai rawarawa i na nomuni lawa me
tawamudu, e na noqu ikalawa kecekece.
Read The Tanakh in a Year (Wilika Na iVola Tabu E Na Dua na Yabaki).
|
|
Siga (Day)/Blog
|
Tikinisiga (Date)
|
Blog No. 257 in 5773 (Total 1984)
|
June 5, 2013
|
Reading
|
Hebrew Date
|
M #3:Sivan 27, 5773
|
|
Click
The Bible Text To Read It In Gateway In Another Language Or Version
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.