Thought: Always
Respect And Fear Yahweh, For Ultimately He Is Our Life
…………………
Serving For Yom
R’vi’ii, Nisan 23, 5773
(NB. In Counting
Days Toward Shavu’ot (Gr:Pentecost), Today Is Day 5 out of 50)
MAI NA
NEVI’IMI AKARONIMI FROM THE NEVI’IM ACHARONIM)
Oqo
na noqu dauniveiqaravi, o koya au dau tokona, na ledua au digitaka, o koya au
dau taleitaka. Au sa biuta na yaloqu vua; o koya e na kauta mai na lewadodonu
vei ira na Qoyimi. 2 O koya e na sega ni tagi se kaila; e sega ni dua e na
rogoca na domona e na veisaqata. 3 O koya e na sega ni vitia laivi e dua na
gasau kasei, se bokoca laivi e dua na mata ni icina waqawaqa. O koya e na kauta
mai na lewa dodonu e veidutai kei na dina; 4 O koya e na sega ni gogo se
yalolailai me yacova ni sa vakataudeitaka na lewa dodonu e vuravura; na [vanua]
veibaravi era na waraka na nona Toraa.
5
¶ Qori a qai kaya kina na Kalou (Mighty One) o Yahuwe (YHWH), o koya e a bulia
na lomalagi qai dedeka yani; o koya e vakadreta na vuravura kei na veika kece e
tubu mai kina, o koya e solia na icegu ni bula vei ira na tamata era tawana tu,
kei na yalo vei ira era taubale tu kina. 6 O au, o Yahuwe (YHWH), au a kacivi
iko e na yalododonu, au tuberi iko niu
taura na ligamu, au qai buli i iko, ka soli i iko mo yavu ni
veiyalayalati vei ira na tamata, ka dua na rarama vei ira na Qoyimi; 7 Me rawa
ni o dolava na matadra na mataboko,
sereki ira na kaivesu mai na ivau ni veivesu, ka kauti ira tani, mai na qara ni
veivesu (dungeon) o ira era dabe toka kina e na butobuto. 8 O au o Yahuwe
(YHWH); qori na yacaqu. Au sega ni solia na dokai vua e duatani tale, se na
noqu vakamuduotaki vei ira na kalou matakau ceuceu. 9 Raica na kena sa yaco me
dina na veika a se tukuni makawa; ia oqo eso na ka vovou au sa mai tusanaka, ni
ra se bera ni tubu cake mai, au sa na tukuni ira taumada vei kemuni.10 Lagata
vei Yahuwe (YHWH) e dua na sere vou! Laiva na nona vakamuduotaki me lagati mai
na iyalayala kei vuravura, mai vei ira era sokota tu na wasawasa kei na veika
kece era tu kina, ka vakakina mai vei ira e na veibaravi kei ira era
vakaitikotiko kina. 11 Laivi ira na veivanua liwa kei na kena veikorolevu me ra
laveta na dui domodra; na veikoro e vakaitikotiko kina o Kedara; laivi ira era
vakaitikotiko mai Selaa me ra kaila e na mamarau, Laivi ira me ra kaila mai na
dela ni ulunivanua. 12 Laivi ira me ra solia na nodra vakarokoroko vei Yahuwe
(YHWH) ka tusanaka na nodra vakamuduo e na vanua veibaravi.
NA IVAQA NI BULA (FOOD FOR THE SOUL)
O
ira na vakasisila era kocova na veika era butakoca na dau caka ca; ia na waka
ni yalododonu e na dau tubu.13 ¶ Na vakasisila e na toboki koya na vakasisila e
na nona ivosavosa; ia na yalododonu e na kunea e dua na sala me kauti koya
laivi kina mai na nona leqa. 14 ¶ E dua e rawa ni vakasinaiti e na vinaka,
baleta na daumaka ni nona vosa; e dua e na vakaicovitaki me veiraurau ga kei na
nona ivalavala.
LOMANI YAHUWE NA NOMU KALOU (LOVE YHWH YOUR MIGHTY ONE
E
na vukuna na
iliuliu. Laga e na ilagalaga ni “Kakua ni Veivakarusai”. E dua na same i Asafa,
e dua na sere: 2(1) Keimami vakavinavinaka vei
keimuni i Yahuwe (YHWH); keimami
vakamuduo; na yacamuni e voleka, o ira na tamata era veitalanoataka tiko
na nomuni [cakacaka] veivakurabuitaki; 3(2) E na gauna au na qai lesia o au
vakataki au, au na qai vakataulewa kina vakadodonu. 4(3) Ni sa uneune o
vuravura vata kei ira kece era vakaitikotiko kina, o au sara ga au na taura tu
vakaukaua na duru e tabeya tu. Selaa. 5(4)
Vei ira era dau dokadoka au kaya, Kakua ni dokadoka! Ia vei ira na ca au na
kaya, Kakua ni vakadokadokataka tiko na nomu kaukaua! 6(5) Kakua ni dokadokataka na nomu kaukaua e
na qaciqacia; kakua ni voavosa vaka viavialevu, me talave cake tu na ucumu i
macawa.
7(6)
¶ Baleta o iko o na sega ni laveti cake i na kaukaua mai vei ira mai na
vuaicake, vuaira se na veiulunivanua dravuisiga; 8(7) Baleta o Yahuwe (YHWH) ga
e kena daunilewa; ia o koya sara ga e biuta sobu i ra e dua, ka laveta cake e
dua tale. 9(8) E na liga i Yahuwe (YHWH) e toka kina e dua na bilo waini, sa
vuso tu, ka vakaisaluaki vakavinaka tu; e na gauna e sovara kina, o ira kece na
vakasisila e vuravura era na todrou kina me yacova sara na kena kosa; 10(9) Ia
au na dau vosataka tiko, ka lagasere ni vakamuduo vua na Kalou (Mighty One) i
Ya'akove. 11(10) E na muduka laivi na nodra kaukaua o ira na dukadukali; ia na
nodra kaukaua na yalododonu, era na vakacerecerei.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 194 in 5773 (Total 1921)
|
April 3, 2013
|
|
Reading
|
Hebrew Date
|
|
M #1: Nisan 23, 5773
|
|
|
Click
The Bible Text To Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
