Thought: Yisra’yl Worshipped Gods
Whilst Y’hudah Looked To YHWH
........................
Serving For Yom Chamishi, Kislev 1, 5773
MAI NA NEVI’IMI RISHONIMI (FROM THE NEVI’IM
RESHONIM)
IA o Yo'horami na luvetagane i
'Aka'ava, a tekivu me veiliutaki vakatui e Yisira'yili mai Shomorono e na
ikatinikawalu ni yabaki i Yo'hoshafata na tui Ya'huda, a qai veiliutaki tiko
vakatui me tinikarua na yabaki. 2 O koya a dau vakayacora na ivalavala ca e na
mata i Yahuwe (YHWH); ia a sega ga ni vakataki tamana kei tinana; baleta o koya
e a kauta laivi na ivakatakarakara
matakau i Ba'ala e a bulia o tamana. 3 Ia qori a sega ni vakalailaitaka na nona
kabita toka na ivalavala ca i Yerovo'ama na luvetagane i Ne'vati, o koya e a
cakava me valavala ca o Yisira'yili; baleta o koya, e a sega ni saumaki mai vei
ira. 4 O Mesha na tui Moa've, e itaukei ni dua na ibinibini sipi levu, qai dau
kauta cake mai vua na tui Yisira'yili e tininaudolu na lami vakalevulevutaki,
kei na tininaudolu na sipi tagane vata kei na vutidra. 5 Ia a qai yaco e na
gauna sa mate oti kina o 'Aka'ava, ni a vakavunene na tui Moa'vi vua na tui
Yisira'yili
6 ¶ O Tui Yo'horami, a biubiu mai
Shomorono (e na ilakolako vakaivalu) me lai vakasoqoni ira na Yisira'yili. 7 A
mani lako sara o koya qai talatala vei Yo'hoshafata na tui Ya'huda ni kaya, Na
tui Moa've sa vakavunene tiko vei au: lako mai vata kei au, me daru lai valuti
ira na Moa've? Kaya o Yo'hoshafata, Au na lako cake kevaka o lako, na noqu
tamata, era na vaka na nomu tamata kei na noqu ose era na vaka na nomu ose, 8
Kaya o koya vua, Na sala cava meda na muria cake? Sauma o koya, E na sala vaka
i na vanua liwa mai Idomi, 9 A mani lako na tui Yisira'yili, na tui Ya'huda kei
na tui Idomi, era qai lako tiko me vitu na siga, ia qai sega na wai me medra na
mataivalu kei na manumanu era lako vata tiko. 10 Kaya na tui Yisira'yili, Isa!
Sa dina beka ga ni o Yahuwe (YHWH) e kaciva vata mai na tui tolutolu qo, me
soli i iratou i ligadra na Moa'vi! 11
Kaya o Yo'hoshafata, E sega beka eke e dua na parofita i Yahuwe (YHWH), medatou
vakatarogi i Yahuwe (YHWH) mai vua? Sauma e dua vei ira na nona dauniveiqararavi na tui Yisira'yili, ni kaya,
E tiko eke o Yilaisha na luvetagane i Shafata, o koya a dau ilivilivi ni wai i na liga i Yilai'yahu. 12
Kaya o Yo'hoshafata, Qori e tiko vua na vosa i Yahuwe (YHWH). Eratou a mani
lako, na tui Yisira'yili, o Yo'hoshafata kei na tui Idomi me ratou lako sobu
vua. 13 Kaya o Yilaisha vua na tui Yisira'yili, Na cava e noqu vei iko? Lako lai raici ira na parofita i tamamu kei
ira na parofita i tinamu. Kaya vua na tui Yisira'yili, Sega; baleta o Yahuwe
(YHWH) e kacivi ratou vata na tui tolutolu oqo, me soli i iratou i ligadra na
Moa'vi. 14 Kaya o Yilaisha, Me vaka ni
bula tiko o Yahuwe ni lewevuqa (YHWH Tzva'ot) o koya au dau duri tu e
matana, ke a sega na noqu dokai Yo'hoshafata na tui Ya'huda, keu a sega sara ga
ni golevi iko se raici iko.
NA IVAQA NI BULA (FOOD FOR THE SOUL)
O koya e ivakatawa na nona
vunilolo e na kania na vuana; o koya e dau qarauna na nona turaga e na dokai.19
¶ Me vaka ni sega ni tautauvata na mata mai na dua tale na mata, e vaka kina na vuniyalo e sega ni tautauvata
kei na dua tale na vuniyalo. 20 ¶ Na ibulubulu kei na rusa e na sega ni sinai
rawa, e vaka kina na mata ni tamata ni na sega ni vakacegui rawa.
LOMANI YAHUWE NA NOMU KALOU (LOVE YHWH YOUR MIGHTY ONE
HALELUYA! Ni vakamuduo, o
kemuni na dauniveiqaravi i Yahuwe (YHWH), vakalagilagitaka na yaca i Yahuwe
(YHWH). 2 Laiva na yaca i Yahuwe (YHWH) me vakarokorokotaki, e na gauna oqo kei
na veigauna kece mai muri. 3 Mai na cadra ni
siga, i na vanua e na lai dromu
kina, na yaca i Yahuwe (YHWH) e vakaitamera. 4 O Yahuwe (YHWH) e cecere cake
vei ira na veimatanitu, na nona dokai e cecere cake tale yani i dela ni
lomalagi. 5 O cei e tautauvata kei
Yahuwe (YHWH) na noda Kalou (Mighty One), o koya e vakaitikotiko mai cake, 6 Ia
o cei e raica na veika era tu mai na
soqulu titobu, mai lomalagi ka vaka kina e vuravura! 7 O koya e vueti
ira na dravudravua mai na kuvu ni soso, ka laveti ira era gadreva na veivuke
mai na isovasova ni benu; 8 Me vakatikori ira e na kedra maliwa na turaga, io,
vata kei ira na nodra ravouvou na nona tamata. 9 E vakatikora na yalewa yava, o
koya, me ra veiqaravi e vale, me ra qai yaco me ra tina mamarau vei ira na
luvena. Haleluya.
NI ra sa toso tani mai
Ijipita o ira na Yisira'yili, kei na mataqali i Ya'akove maivei ira na tamata e
duidui na nodra vosa, 2 O Ya'huda, a nona ivunivuni kei Isira’yili a nona
dokai. 3 Na wasawasa a raica qai dro: Na Yaradani a vakalesui. 4 Kemuni na
veiulunivanua oni na veiladeyaki me vaka na sipi tagane, kei kemuni na
veidelana me vaka na luve ni sipi e na qelenisipi. 5 Na cava e manati iko, o
iko na wasawasa, o qai dro kina? Se o iko, na Yaradani o a qai vakasukai lesu
kina? 6 Se o kemuni na ulunivanua, oni ladelade kina vaka na sipi tagane; kei kemuni
na veidelana, me vaka na luve ni sipi? 7 Sautaninini i vuravura, e na mata i
Yahuwe (YHWH), e na mata ni Kalou (Mighty One) i Ya'akove; 8 O koya e a vukica
na vatu me ra tobu wai, kei na
vatu gagata me ra ivurevure ni wai.
|
Read The Tanakh in a Year (Wilika Na
iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 320 o/o 1780
|
November 15, 2012
|
|
Reading
|
Hebrew Date
|
|
M #9: Kislev 1, 5773
|
|
|
Click The Bible Text To
Read It In Gateway In Another Language Or Version
|
|
YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
