Thought: YHWH
Promises Good To Come To Yisra’yl, After All The Troubles
........................
Serving For
Shabbat, Sivan 2, 5773
(Count The Days Towards Shavu’ot: Today Is Day 42 out of 50)
(See Vwayikra 23:15-16)
MAI NA NEVI’IMI
AKARONIMI FROM THE NEVI’IM ACHARONIM)
Baleta
na vanua kei na matanitu e bese ni qaravi kemuni e na rusa; io, na veimatanitu
oya era na vakarusai vakadua.13 Na dokai kei Li'vanoni e na yaco mai vei
kemuni, na damanu kei na paini, kei na dilo, me mai vakaiukuukutaka na yasa ni
noqu vale tabu, au na vakalagilagitaka na tikina au na duri tu kina. 14 Na
luvedra o ira era a dau vakasaurarataki iko era na lako mai era na qai mai cuva
sobu i ruku ni yavamu; era na qai vakatokai iko, Na korolevu i Yahuwe (YHWH), o
Zaiyoni na nona na Yalosavasava Ledua i Yisira'yili. 15 E na veigauna sa sivi,
o iko o vakanadakui ka sevaki, ka sega ni dua a bau lako yani vei iko, ia qo au
sa na cakava mo isakisaki ni veigauna, e dua na vu ni reki vei ira e vica
vata na itabatamata. 16 O iko o na
gunuva na sucu mai na veimatanitu, o na susugi e na medra sucu na tui, o na qai
kila ni o au, o Yahuwe (YHWH) au nomu ivakabula, au na voli i iko lesu, [o au]
na Kalou (Mighty One) i Ya'akove. 17 Me isosomi ni barasa au na kauta mai vei
iko na koula, me isosomi ni kaukamea au
na kauta mai vei iko na siliva; na boroze e na sosomitaka na kau, kei na
kaukaumea me isosomi ni vatu, au na cakava me nomu kovana na tiko veisautataki
kei na yalododonu me nomuni dauniwase cakacaka. 18 Na ivalavala kaukaua e na
sega tale ni rogo e na nomu vanua, se na rarawa se na rusa e na nomu iyalayala
ni vanua; ia o na vakatoka na nomuni
lalagabai na iVakabula kei na matamata ni nomu koro na Vakamuduo. 19 E
na sega tale vakadua ni rarama ni nomu siga na matanisiga; se rama vei iko na
vula, ia o Yahuwe (YHWH) sara ga, e na nomu rarama me sega ni mudu; kei na nomu
Kalou (Mighty One) na nomuni dokai. 20 Sa na sega vakadua tale ni dromu na nomu matanisiga, kei na nomu vula talega e
na sega vakadua ni buwawa; baleta o Yahuwe (YHWH) sa na nomu rarama me sega ni
mudu; na veisiga ni vakaloloku sa na tini vakadua. 21 O ira kece na nomu tamata
era na yalododonu (tzaddikim) era na taukena na vanua me tawamudu, era na
tabana au a teivaka, na cakacaka ni ligaqu au na dau sakitaka. 22 Na kena
lailai duadua e na tubu me udolu, na kena malumalumu duadua e na tubu me dua na
matanitu vakaitamera, o au o Yahuwe (YHWH) ni sa yaco mai na kena gauna
dodonu, au na cakava sara me yaco
vakatotolo
NA IVAQA NI BULA (FOOD FOR THE SOUL)
E
dua na isau ni vosa tau malumu e vukica tani na leva; ia e dua na vosa kaukaua
e na vakauqeta na cudru. 2 ¶ Na yame ni tamata vuku e tusanaka vakamatau na
kilaka: ia na gusudra na lialia e na sovaraka ga na vosa lialia. 3 ¶ Na mata i
Yahuwe (YHWH) e tiko e veiyasana kecekece, me dikevi ira tiko na tamata ca kei
ira na vinaka.
LOMANI YAHUWE NA NOMU KALOU (LOVE YHWH YOUR MIGHTY ONE
Na
vuniyalodra a qai vukica o koya me ra cati ira na nona tamata, e cakava vakaca
vei ira na nona dauniveiqaravi. 26 A qai talai rau na dauniveiqaravi o Moshe kei Aharoni, o rau a digitaki rau o
koya. 27 Rau qai vakaraitaka na nona ivakatakilakila e na kedra maliwa, na
cakacaka veivakurabuitkai e na vanua nei Hame. 28 A tala na butobuto o koya, qai
tubu me butobuto na vanua; ia era sega
ni vorata na nona vosa. 29 E vukica na nodra wai me dra, qai vakavuna me ra
mate na kedra ika. 30 Na nodra vanua a robota na boto, e ra curuma mada ga na
nona loqi ni moce na nodra tui. 31 A vosa o koya, era qai babasika mai na
veimataqali lago kei na kutu e na loma ni iyalayala ni nodra vanua. 32 E a
solia vei ira na uca qereqere (hail) me isosomi ni uca, kei na yaseyase e loma
ni nodra vanua taucoko. 33 E lidika talega na nodra loga ni veivaini vata kei na nodra veilolo; ka musulaka na veivunikau e na loma ni yalayala
ni nodra vanua. 34 Ni vosa o koya, era qai vuka mai na vodre ka vakakina na nuve, era sega ni wili rawa. 35 Era kania na veikau
draudrau taucoko kei na vuata ni nodra vanua, 36 E a mokuti ira mate na
ulumatua ni nodra vanua, na isevu ni nodra kaukaua kecekece. 37 Sa qai liutaki
ira tani mai na tamata, ni ra sa katoa tu e na siliva kei na koula; e na kedra
maliwa na nona veimataqali e sega ni dua a tacaqe. 38 O Ijipita taucoko a marau
ni ra sa biubiu; baleta na nodra domobulataki ira [na Yisira'yili] a sa bikai ira [tu]. 39 E dedeka e dua na o
me nodra ilatilati kei na dua na bukawaqa me
vakararamataki ira e na bogi. 40 E na gauna era kerea kina, e kauta mai
vei ira o koya na toa ni veikau (quail) qai vakamamautaki ira e na kakana mai
lomalagi. 41 E a sea e dua na uluvatu o koya, qai coka mai kina na wai; me
drodro vaka na uciwai e na dela ni vanua mamaca. 42 Baleta a nanuma o koya na
nona yalayala tabu vei Avarahama na nona dauniveiqaravi. 43 E a liutaki ira
yani na nona tamata e na reki, kei ira na nona digitaki e na lagalagala sere;
44 Oti qai solia vei ira na kedra qele na veimatanitu; era qai taukena na veika
era a cakacakataka na tamata [tani], me sa nodra iwasewase 45 Me rawa ni ra
talairawarawa i na nona ivakaro, ka bula muria na nona ivakavuvuli. Haleluya!
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 232 in 5773 (Total 1959)
|
May 12, 2013
|
|
Reading
|
Hebrew Date
|
|
M #3:Sivan 2, 5773
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
