Na Veisau E Gadrevi (Changes We Need)

Thought: After the Passover, Changes Must Take Place.

 .................................

Serving For Yom Revee-ee18^th Tammuz, 5770

Ia ni sa oti na veika kece oqo, o ira kece na kai Isireli era a tiko, era qai lako i na veikoro e Yahuda, era qai lai vorolaka vakamatailalai na veimatakau, era taya sobu na ivakatakarakara ni leopadi, ka basuraka na veitikina cecere kei na icabocabo-ni soro, e kune mai Yahuda kei Biniyamini ka vaka kina mai Ifireimi kei Manase, me yacova ni ra sa vakarusai ira kece vakadua. Oti era qai lesu na Isireli; na tamata yadua i na nona dui iwasewase; era qai dui curu e na sautu i na nodra dui korolevu. 02 Oti qai lesia o Hesekaia na nodra dui gauna ni cakacaka na veimatabete kei na Livai, e na nodra dui iwasewase, na tamata yadua i na nona itavi, o ira na bete kei ira na Livai me ra vakacabo isorokama kei na isoro ni sautu; me ra qarava na cabori ni vakavinavinaka kei na vakamuduo e na matamata ni vale i Jiova (Yahweh). 03 Na tui a qai solia mai na nona iyau, na bulumakau, me cabori vakaisorokama e na veimataka kei na veiyakavi, na isorokama ni veisiga ni vakacecegu kei na vula vou, vata kei na veisolevu lokuci, me vaka era volai tu e na lawa i Jiova (Yahweh). 04 Oti qai vakaroti ira talega na tamata era tiko mai Jerusalemi me ra cau e na kedra ivotavota na bete kei na Livai, me rawa ni ra cuqena na  na lawa i Jiova (Yahweh).

2 Veigauna 31:1-4

Me tekivu qo lako yani, kemuni na noqu daulomani, baleta ni oni a dau talatalai rawarawa e veiveigauna, sega walega niu tiko kei kemuni, ia vakalevu cake niu sega ni tiko, cakacakataka na nomuni dui vueti i na bula, e na yalo ni veidokai kei na rere. 13 Baleta ni Kalou (Yahweh) e vakauqeti tiko vei kemuni na yalo moni via cakacakataka na veika vivinaka, oni dau gadreva moni cakava.

Filipai 2:12-13

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
181	June 30	Tammuz 18	Job 19-20

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

     

Kune Tale Na Lakosivia. (Discovering The Passover)

Thought: Sins Are Forgiven, But Take It Seriously Not To Re-Offend

.................................... 

Serving For Yom Shlee-shee 17^th Tammuz, 5770

Era a tiko tale o ira na lewe ni isoqosoqo taucoko me ra marautaka me vitu tale na siga; era a qai solevutaka na siga vitu tarava e na reki; 24 baleta o Hesekaia na tui Yahuda a solia vei ira na lewe ni isoqosoqo e vitu na udolu na bulumakau digitaki, lelevu ka lalai, ka solia talega vei ira na lewe ni isoqosoqo e Isireli e dua na udolu na bulumakau tagane digitaki kei na tini na udolu na sipi; e le levu vei ira na bete era a qai vakasavasavataki ira vakataki ira.  25 O ira kece na lewe ni isoqosoqo e Yahuda, vata kei ira na bete kei na Livai, vata kei na lewe ni isoqosoqo taucoko era a lako mai Isireli, vata kei ira na tavuki era a lako mai na vanua o Isireli, kei ira era tiko mai Yahuda, era a mamarau.  26 A ka levu na reki e Jerusalemi: baleta mai na gauna sara i Solomoni, na luve i Davide na tui Isireli, a sa sega tu ni yaco e dua na ka vakaoqo e Jerusalami.  27 Era  qai tucake o ira na bete kei ira na Livai, era qai vosavakalougatataki ira na tamata e Isireli; a qai rogoca na domodra o Jiova (Yahweh), na nodra masu a qai basika cake i na nona itikotiko tabu mai lomalagi.

 2 Veigauna 30:23-27

Kevaka eda kaya ni sega na noda ivalavala ca, eda vakaisini keda tikoga vakataki keda, baleta na dina e sega vei keda.  09 Kevaka eda vakatusa na noda ivala­vala ca, o Koya e yalodina ka yalododonu, e na vosoti keda mai na noda ivalavala ca, ka vakasavasavataki keda mai na noda dukadukali kecekece.

1 Joni 1:8-9

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
180	June 29	Tammuz 17	Job 16-18

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

     

Veiliutaki Nei Hesekaia. (Hezekiah Leadership)

Thought: Always Live By Yahweh’s Laws, It Pays!

..................................... 

Serving For Yom Shaynee 16^th Tammuz, 5770

Ia e na ikatolu ni yabaki nei Hosea na luve i Ela na tui Isireli, o Hesekaia na luve i Eihasa na tui Yahuda a sa qai tekivu me veiliutaki vakatui. 02 E a yabaki ruasagavulukalima tiko o koya e na gauna a tekivu veiliutaki kina vakatui; qai tui tiko mai Jerusalemi  me ruasagavulukaciwa na yabaki. Na yaca i tinana o Ahi, na luve i Sakaraia. 03 E a dau vakayacora o koya na ka e dodonu e na mata i Jiova (Yahweh), me vaka a dau vakayacora o Tevita na tamana.

2 Tui 18:1-3

E a dau vakanuinui vakatabakidua o koya vei Jiova (Yahweh) na nodra Kalou (Mighty One) na Isireli, ka sega tale ni dua me tautauvata kei koya e na kedra maliwa na tui Yahuda e muri, se dua vei ira era e a liu mai vua.  06 E a kabi kaukaua tiko o koya vei Jiova (Yahweh); ka sega ni bau vuki tani mai na nona vakamuri i koya, e na nona dau bula muria na nona ivakaro taucoko me vaka a vakarota o Jiova (Yahweh) vei Moshe.

2 Tui 18:5-6

Me vakadonuya mada vei iko o Jiova (Yahweh) na gagadre ni vuniyalomu ka vakayacora na nomu ivakasala kece. 05 Keimami na vakalagilagitaki e na nomuni veivueti, e na yaca ni neimami Kalou (Mighty One) keimami na vakacerecerei; Me vakayacora mada ga na nomuni vakatakekere taucoko o Jiova (Yahweh).

Same 20:4-5

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
179	June 28	Tammuz 16	Job 13-15

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

      

Vakayagataki Asiriani o Jiova (Yahweh Uses The Assyrians)

Thought: Yahweh May Use Anyone To Prune Purify Those He Love.

 ......................................

Serving For Yom Reeshone 15^th Tammuz, 5770

  Oti qai kaya tale vei au o Jiova (Yahweh), Taura e dua na vivivi pepa levu qai vola kina vakamatata me vakatotolotaki na veivesu ka me volai tu na ilevu ni itoki vakaivalu; 02 Au qai kauti ira vata mai na ivakadinadina yalodina me ra mai taura na iwiliwili, o Uraia na bete kei Sakaraia na luve i Berekaia.  03 Oti au qai lako vua na parofita yalewa; a qai kunekune o koya ka vakasucuma e dua na  luvenatagane. Sa qai kaya vei au o Jiova (Yahweh), Vakatoka me yacana o Mesaribi-shabeyotakibi-basi; vakatotolotaka nodra kau laivi na kaivesu, ka vakatotolotaka na kau laivi ni itoki ni ivalu.  04 Ni sebera ni kila na tagi na gone, o tamaqu kei tinaqu, na iyau mai Damasiko kei na itoki ni ivalu mai Samaria  era sa na kau laivi e na mata ni tui Asiria.

Aisea 8:1-4

Oni na qai marau dina kina, ia walega qo, vakalekaleka ga, kevaka e gadrevi, oni na vakararawataki e na vica na ka ni veivakatovolei, 07 me vakadinadinataki kina na nomuni vakabauta, ka ni talei cake mai na koula sa vakasavasavataki oti e na bukawaqa, me qai rawa kina ni kune ni dodonu me vakacaucautaki, me vakavina­vinakataki ka vakarokorokotaki e na gauna e basika mai kina na Mesaia;

1 Pita 1:6-7

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
178	June 28	Tammuz 15	Job 10-12

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

       

Na Mesaia Me Lako Mai (The Messiah’s Coming)

Thoughts: The Messiah As Predicted In The Scriptures

 ...............................

Serving For Shabbat 14^th Tammuz, 5770

O ira na tamata era a dau lako tu e na butobuto era sa raica na rarama levu; o ira era vakaitikotiko e na vanua ni yalayala ni mate vei ira e na cila na rarama. 03 Oni vakalewelevutaki ira na tamata, ka vakaikuritaka na nodra marau; era na mamarau e matamuni me vakataki ira era marautaka na tatamusuki ka vakataki ira talega na tagane ni ra wasea tiko na itoki ni ivalu.  04 Baleta oni sa musuka laivi na ivua ni nodra icolacola, na ivua e na usouso ni  domodra kei nona ititoko o koya e dau vakasaurarataki ira, me vaka e na veisiga mai Midiani.  05 Na vosa kece e rogo e na kauta mai na domobula kei na isulu era na qiluci e na dra; ia qo e na vakayagataki kece e na vakamakama me i utu ni bukawaqa. 06 Baleta vei keda e na sucu e dua na gone, vei keda e dua na gonetagane e na soli mai; na matanitu e na vakacolati e tabana; ka na vakatokai me yacana o Dauniveituberi Veivakurabuitaki, o Koya na Ka Levu, na Kalou (Mighty One) tawamudu,  Na Tui ni Sautu.

Aisea 9:2-6

Sa tiko talega vei keitou e dua na vosa dina ni parofisai; e vinaka vei kemuni moni raica oqori me ka ni veituberi, me vaka ni oni dau rai i na icina e rama tiko e na butobuto, me yacova ni sa kida na mataka, me cila na matanisiga e vuniyalomuni; 20 ia moni kila taumada, ni sega ni dau vakamatatataki kece sara e na kedra ivola na vosa ni parofisai. 21 Baleta na parofisai a sega ga ni vu mai na inaki ni tamata, ia mai vei ira ga na tamata vakatabui ni Kalou (Yahweh) era dau vosa ga ni tosoi ira na Yalo Tabu.

2 Pita 1:19-21

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
177	June 26	Tammuz 14	Job 7-9

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

         

Na iTukutuku Nei Maika. (Micah’s Message)

Thought: Follow Yahweh, Through The Leadership He Originally Set Up

 .......................................

Serving For Yom Ha Shee-shee 13^th Tammuz, 5770

O ira na noqu tamata era sa tu cake me ra vaka na daubutako, me ra saqata tale na nodra sautu o ira vakataki ira; oni drudruga laivi na kuli mai vei ira na dravudravua, moni kauta laivi na nodra inuinui; oni qai sureta mai na veivaluvaluti. 09 O ira na yalewa ni Noqu tamata oni cemuri ira mai na nodra dui vale totoka; mai vei ira na luvedra, oni sa kauta laivi na lagilagi me tawa mudu.  10 Mata cake ka lako laivi; baleta qo e sega ni vanua ni nomuni vakacegu; baleta na dukadukali e na kauta mai na rusa; na rusa e mosimosi vakaoti.  11 Ni dua na tamata, e veilakoyaki voli e na yalo lasulasu, e veivakacalai ka luvuci tu e na waini kei na mateni; o koya oqori e cakava tiko baleta na vutugu ni itabatamata oqo.

12 ¶ Au na vakasoqoni kemuni vata dina, I Ya’akove, o kemuni kece; Au na kauti kemuni dina vata mai moni mai tu vata kei ira na vo vo ni kawa Isireli; Au na maroroi ira tiko me vaka na sipi era sa leqa tiko, ka vaka na qele ni sipi e na loma ni nodra bai, sa taqomaki tu mai vei ira na daubutako.

Maika 2:8-12

Moni bula vakatotomuria na Kalou (Mighty One), me vakataki ira na gone lalai daulomani. 02 Toso tiko e na loloma, me vaka ni dau lomani keda na Mesaia, a qai soli i Koya kina vakataki Koya e na vukuda, me dua na isolisoli ka imadrali Vua na Kalou (Mighty One); e dua na isoro boi kamica.

Efeso 5:1-2

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
176	June 25	Tammuz 13	Job 4-6

  May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

                                       
 

Na iTukutuku Nei Aisea. (Isaiah’s Message)

Thought: Keeping Looking Out For Yahweh To See Him

 ....................................

Serving For Yom Khah Mee-shee 12^th Tammuz, 5770

E na yabaki a mate kina o Tui Usaia   au a raici Jiova (Yahweh Sabbaoth) ni dabe tiko e na dua na idabedabe vakatui, cecere ka laveti cake, ia na nona isuluyara a robota vakadua tu na valenisoro.  02 E cake vua, eratou duri tu mai kina  serafimi; eratou tauyaono na tabadratou ni vuka; e rua e tabonaka  na matana, e rua e tabonaka na yavana, ka rua e dau vuka kina.  03 Era qai veikacivi tiko ni ra kaya, E savasava, e savasava, e savasava o Jiova ni lewe vuqa (Yahweh Sabbaoth of hosts); o vuravura taucoko sa vakasinaiti tu e na kena iserau.  04 Na duru ni katuba a qai yavavala e na domo i koya e kaci tiko, qai vakasinaiti na loma ni vale e na kubou.

05 ¶ Au qai kaya, Au sa leqa, au sa madua, baleta niu tamata tebenigusu qeleqelewa, kau bula tiko e na kedra maliwa na tamata tebenigusu qeleqelewa, baleta na mataqu sa raica na Tui, o Jiova ni lewe vuqa (Yahweh of hosts). 06 Sa qai vuka mai vei au e dua vei ira na serafimi; e taura tiko mai e ligana na qilaiso ni koala waqawaqa, e a kauta mai e na iqamu mai na icabocabo ni soro. 07 Oti qai tara na gusuqu, qai kaya vei au, Raica qo sa tara na tebenigusumu; na nomu caka ca sa kau laivi, na nornu ivalavala ca sa vosoti.

Aisea 6:1-7

O yau, au na rai ga vei Jiova (Yahweh); Au na waraki na Kalou (Mighty One) na noqu iVakabula; Na Kalou (Mighty One) e na rogoci au.

Maika 7: 7

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
175	June 24	Tammuz 12	Job 1-3

  May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

          

Nodra iValavala Ca Na Tui Isireli. (Sins of the Kings of Israel)

The Source Of Israel’s Sin; Jeroboam Turning Away From Yahweh.

............................. 

Serving For Yom Revee-ee 11^th Tammuz, 5770

E na ikatolusagavulukawalu ni yabaki nei Usaia na tui Yahuda, o Sakaraia na luvei Jeroboama tagane e a veiliutaki tiko kina vakatui vei ira na Isireli, mai Samaria, ia me ono ga na vula;  09 E a dau cakava na veika vakasisila e na mata i Jiova (Yahweh) o koya, me vaka ga a dau cakava o tamana; e a sega ni saumaki laivi mai na ivalavala ca nei Jeroboama na luvei Nebati, o koya e a vakavuna na ivalavala ca nei Isireli.  10 O Shalumi na luvei Jabesha tagane a qai bukiveretaki koya, mokuti koya e matadra na tamata ka vakamatei koya; oti qai taura na itutu ni veiliutaki vakatui, me sosomitaki koya. 11 Na vo ni veika a cakava o Sakaraia, raica, ni ra volai tu e na iVola ni nodra veigauna na tui e Isireli.  12 Qori a vakayacori kina na vosa i Jiova (Yahweh) e a tukuna vei Jehu, ni kaya, O ira na luvemu tagane era na dabeca na idabedabe vakatui e Isireli me yacova na ikava ni itabatamata. A qai yaco vakakina.

2 Tui 15:8-12

Baleta e sega ni o koya e vakadonui koya vakataki koya e na wili, ia o koya ga e vakadonuya na Turaga (Sovereign).

2 Korinica 10:18

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
174	June 23	Tammuz 11	Esther 7-8

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

          

Na iTukutuku Nei Emosi (Amos’ Message)

Thought: SeekYahweh, And You Shall Live.
..................................
Serving For Yom Shlee-shee 10^th Tammuz, 5770

Rogoca na vosa oqo au na kauta cake mai, baleti kemuni, io, e dua na lele, me baleta na vale i Isireli. 02 Na goneyalewa tabutagane mai Isireli sa bale; ka sa biu me davo tu ga e na dela ni qele, baleta e sega ni dua me vakaduri i koya cake tale. 03 Qo e kaya o Jiova (Yahweh) na Kalou (Mighty One), Na korolevu era a lako mai kina e duanaudolu na tagane, era na vo ga kina e duanadrau na tagane; na koro era lako mai kina e duanadrau na tagane; era na vo ga kina e tini na tagane, e loma ni vale i Isireli. 04 Qo e kaya o Jiova (Yahweh) vei ira e na vale i Isireli: Vaqarai Au oni na qai bula; 05 Ia kakua ni vaqarai Pece-ela se curu i Qiliqela se takosovi Bia-shiba: Baleta o Qiliqela e na kau dina vakabobula; ia o Pece-ela, e na yaco me tinidole. 06 Vaqarai Jiova (Yahweh) oni na qai bula; De qai caudre mai o Koya me vaka na yame ni bukawaqa e loma ni vale i Yosefa, qai tilomi Pece-ela, baleta ni sega ni dua me bokoca laivi.

Emosi 5:1-6

E kalougata na tamata e vorata na veitemaki; baleta ni sa vakatovolei, e na ciqoma na isala­vakatui ni bula, sa yalataka oti na Turaga (Yahweh) vei ira era lomani Koya.

Jemesa (Jekope) 1:12

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
173	June 22	Tammuz 10	Esther 4-6

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.