O Jiova Na iTini Ni Lewa (Yahweh Is The Ultimate Authority)

Thought: Yahweh Is The Universal Commander-In-Chief (Tzva’ot)

 ..............................

Serving For Shabbat 20^th Av, 5770

Me baleti Dameseka (Damascus): Rau sa vakamaduataki kina o Hamata kei Arapade, baleta ni rau rogoca na itukutuku ca; rau qai taqaya; rau qai yamasamasa me vaka na biau ni waitui, rau qai sega kina ni vakacegu rawa. 24 O Dameseka sa malumalumu, qai vuki me dro; na sautanini e a vesuki  koya; na yaluma kei na vutu a manati koya, me vaka e dua na yalewa e taratara. 25 E a vakacacani beka vakacava na korolevu lagilagi, na korolevu ni mamarau! 26 Qori era na bale kina o ira na nona  cauravou e na kena veisaqata, o ira kece na tagane ni ivalu era na vagalui e na siga oya, e kaya o Jiova ni lewe vuqa (Yahweh Tzva’ot). 27 Au na vakawaqaca e dua na yame ni bukawaqa e na veigaunisala kei Dameseka, me na kovuta vakadua na  veivale vakatui nei Beni-Hadada.

Jeremaia 49: 23-27

E a kaya talega o Koya vei Mosese, Au na lomana, o koya Au via lomana, kau na yalovinaka vua Au via yalovinaka vua. 16 Qori e laurai kina ni sega ni vakatau vei koya e gadreva se vei koya e segata, ia e vakatau ga Vua na Kalou (Mighty One).

Roma 9:15-16

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
211	July 31	Av 20	Psalm 62-64

               

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

MY CHOICE OF BOOKS (NOQU DIGIDIGI NI IVOLA)

             

Vaqara Vei Jiova Na Nomu Vakavoutaki (Seek Yahweh For Your Renewal)

Thought: Yahweh Will Refashion And Renew Our Lives Correctly

 ..............................

Serving For Yom Ha Shee-shee 19^th Av, 5770

Mai na ivakatekivu sara na idabedabe vakatui lagilagi ka cecere, e a neimami vanua ni veitaqomaki. 13 O Jiova (Yahweh) e inuinui nei Isireli; ia o ira kece era vakanadakui kemuni era na madua kei ira kece era vakavunene me ra saqati kemuni, e na volai na yacadra e na kuvu ni soso, baleta era vakanadakui Jiova (Yahweh), na ivurevure ni wai bula. 14 Vakabulai (heal) yau, i Jiova (Yahweh) au na qai bula; vueti yau, au na qai vueti;  baleta o kemuni ga au dau vakacaucautaka. 15 Raica, era kaya vei au, Evei na vosa i Jiova (Yahweh)? Laiva me lako maiqo. 16 Ia o yau, au a sega ni vakatalatalataki kemuni moni kauta mai na ca; kau sega talega ni gadreva me dua na tamata e sotava na nona siga ni leqalevu; o kemuni oni kila, na veika e curu mai na tebenigusuqu e toka ga e Matamuni. 17 Ni kakua ni mai vakadomobula vei au: ia moni tiko ga vata kei au e na veisiga ni leqaleqa. 18 Laivi ira me ra vakamaduataki, o ira era beitaki au, ia laiva meu kakua ni vakamaduataki; laivi ira me ra vakadrukai; ia laiva meu kakua ni vakadrukai; kauta mai vei ira na nodra siga ni ca, qai vakadrukai ira, me ra vakadrukai vakarua.

Jeremaia 17:12-18

E vakavuna o Koya meu cegu e na veivanua veico drokadroka; e tuberi au e na bati ni wai e tu (drodro) malua.  03 O Koya e vakavoutaka na noqu bula. E tuberi au e na sala ni yalododonu e na vukuni Yacana.

Same 23:2-3

               

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
210	July 30	Av 19	Psalm 59-61

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

My Choice of Books (Na Noqu Digidigi Ni iVola).

                 

Eda Gadreva Na Yalo Savasava (A Clean Heart We Need) Thought

Thought: Our Problem is Our Evil Heart; Our Solution Is To Seek Yahweh

 ............................

Serving For Yom Khah Mee Shee 18^th Av, 5770

I Jiova (Yahweh) na noqu kaukaua, na noqu dauniveivuke, ka noqu idrodro e na gauna ni leqaleqa; o ira na kai Veimatanitu tani era na lako mai vei kemuni mai na iyalayala kei vuravura, era na qai kaya, E ka dina, na matakau lasulasu era a muria sobu tiko mai o ira na tama i keimami, era sega wale ni dua na ka, ka sega ni kune vei ira e dua na ka yaga. 20 Raica, o ira na tamata era sa bulia tiko na nodra dui kalou, ia qori era sega ni kalou!  21 Qori, raica, au na vakaraitaka kina vei ira e na gauna oqo, meu vakatakila vei ira na ligaqu kei na noqu kaukaua; era na qai kila ni yacaqu o Jiova (Yahweh).

Jeremaia 16: 19-21

Vakamiraci au e na taba ni isopi, au na qai savasava; savati au, au na qai vulavula, au na qai vulavula cake mai na uca cevata. 08 Vakacegui au e na nomuni reki kei na marau; me rawa ni marau tale na yaloqu sa ramusu tu. 09 Vukica tani na matamuni mai na noqu ivalavala ca, ka bokoca laivi vakadua na noqu caka cala kece sara. 10 Bulia e lomaqu e dua na vuniyalo savasava, i Jiova (Yahweh) ka vakavoutaka na yalodina e lomaqu. 11 Kakua ni botolaki au laivi mai matamuni; ia moni tabei au cake ga e na yalomuni lagilagi.

Same 51:7-11

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
209	July 29	Av 18	Psalm 56-58

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Books of My Choice (Na Noqu Digidigi Ni iVola)
                  

Tawayaga Na Viavialevu Levu Vei Jiova (Arrogance to Yahweh is Useless)

Thoughts: Arrogance In Front Of Yahweh Does Not Pay

 ....................

Serving For Yom Revee-ee 17^th Av, 5770

A qai yaco mai vei Yiremeyahu  (Jeremaia) na vosa  i Jiova (Yahweh), ni sa vakama oti na tui, na ivola vivigi kei na vosa i Yiremeyahu, a lavetaka o Baruku na vunivola ni kaya, 28 Tinia na nomu tiko vakavuni, taura mai e dua tale na ivola vivigi, mo vola kina na vosa kece a tiko e na imatai ni ivola vivigi, sa vakama oti o Yoyakimi (Jihoiakimi) na tui Yahuda. 29 Oti mo qai kaya vei Yoyakimi na tui Yahuda, Oqo na ka e kaya o Jiova (Yahweh); O sa vakama na ivola vivigi, oti mo qai vakamacalataka na vuna o a vola kina, me rawa ni tukuni kina, Na tui Bavela (Beibiloni) e na lako dina mai me mai vakacacana na qele qo ka vaqeyavutaka mai kina na  tamata kei na manumanu?  30 O koya qo e kaya kina o Jiova (Yahweh) me baleti Yoyakimi na tui Yahuda; O koya, sa na sega ni dua na nona kawa me na dabe e na idabedabe vakatui nei Davide; na yagona mate  e na kolotaki laivi e na siga, i na todra ni siga katakata kei na tegucevata batabata e na bogi. 31 Au sa na totogitaki koya kei ira na luvena vata kei ira na nona dauniveiqaravi e na vuku ni nodra ivalavala ca; oti au na qai kauta mai vei ira vata kei ira na itaukei kei Yerusalayimi kei ira na tagane mai Yahuda na ka ca kece au sa kaya oti me baleti ira; baleta ni ra a sega  ni vakatudaliga i na domoqu.

Jeremaia 36:27-31

Baleta sa yaco mai na gauna me tekivu kina na veilewai e loma ni vale ni Kalou (Mighty One); ia ke tekivu mai vei keda, na cava beka e na qai kedra itinitini o ira era sega ni talairawarawa i na itukutuku vinaka ni Kalou (Yahweh)?

1 Pita 4:17

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
208	July 28	Av 17	Psalm 53-55

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Books of my Choice (Na noqu digidigi ni iVola 

              

Na iSolisoli nei Jiova (Yahweh’s gifts)

Thought: Yahweh gives us Wisdom and Understanding; Seek Yahweh!

 ..............................

Serving For Yom Shlee-shee 16^th Av, 5770

Ia o iratou na le va na gone tagane oqo, na Kalou (Mighty One) a solia vei iratou na kilaka kei na yalomatua me baleta na ivola kecekece kei na vuku; o Dani’yila a qai tiko talega vua na kilaka me baleta na raivotu kei na tadra 18 Ni sa cava na veisiga a vakatura na tui, a qai kauti ira yani, na nodra iliuliu na Iunuku, i na mata i tui Nevukadanesa (Nebukanesa).  19 A qai vosa vei ira na tui; qai kunea o koya ni sega ni dua vei ira, e tautauvata kei Dani’yila, Hananaiya, Misha’yila kei Asaraiya; qori ratou a lai duri kina e na mata ni tui. 20 E na veika me baleta na vuku kei na yalomatua, e a vakataroga vei iratou na tui, a qai kunea kina o koya ni vakatinitaki na ilevu na ka eratou kila ni ratou vakatauvatani kei ira kece na daucakamana kei ira na dauraimata ni lomalagi, era tiko e na loma ni nona matanitu taucoko. 21 O Dani’yila a qai cakacaka tiko me yacova sara na imatai ni yabaki nei tui Koreshi (Sairusi).

Taniela 1: 17-20

Oni na qai marau dina kina, ia walega qo, vakalekaleka ga, kevaka e gadrevi, oni na vakararawataki e na vica na ka ni veivakatovolei, 07 me vakadinadinataki kina na nomuni vakabauta, ka ni talei cake mai na koula sa vakasavasavataki oti e na bukawaqa, me qai rawa kina ni kune ni dodonu me vakacaucautaki, me vakavina­vinakataki ka vakarokorokotaki e na gauna e basika  mai kina o Jisu (Yahshua) na Mesaia;

1 Pita 1:6-7

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
207	July 27	Av 16	Psalm 50-52

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Books of my Choice (Noqu Digidigi ni iVola
          

Na iTotogi Ni Talaidredre (Disciplined for Indiscipline)

Thought: Wherever You Are, Return To Yahweh And Avoid Punishment

 ............................................

Serving For Yom Shaynee 15^th Av, 5770

1 O Tui Sidikiyahu (Setekaia) luve i Yosiyahua (Josaia) a qai veiliutaki vakatui me isosomi kei Koniyahu (Konaia) na luve i Yo’yakimi (Jioiakimi), o koya e a lesia o Nevukadresa (Nepukanesa) na tui Bavela (Papiloni) me tui e na vanua o Yahuda. 02 Ia o koya, o ira na nona tamata, kei ira na lewenivanua, era a sega ni vakarorogo i na vosa i Jiova (Yahweh), e a mai kaya e na vukuna o (Yiremeyahu (Jeremaia) na parofita.03 O Sidikiyahu na tui a qai talai Yukahali (Jiukali) na luve i Selemiyahu (Selemaia) kei Safanayahu (Sefanaia) na luve i Ma’aseiya (Meesea) na kohani (bete) vei Yiremeyahu na parofita, me kaya, Mo masulaki keda mada vei Jiova na noda Kalou (Yahweh our Mighty One). 04 O Jeremaia a se tugalala ka veicuruyaki tiko e na kedra maliwa na tamata; baleta era sebera tiko kina kina ni balati koya e valeniveivesu. 05 Oti era qai tayabe mai na mataivalu nei Fero mai Ijipita; ia ni ra fogoca oqori o ira na kai Kasidima (Kolodiani) era buku druadruataka tiko na koro mai Yerusalayimi, era a qai tu vakasuka ka biubiu mai Yerusalayimi. 06 Oti qai yaco na vosa i Jiova (Yahweh) vei Yiremeyahu na parofita ni kaya; 07 Oqo na veika e kaya o Jiova (Yahweh) na Kalou Elohim) i Isireli; Qo na veika mo na kaya vua na tui Yahuda, o koya e a talai iko mai vei au mo mai taro ivakasala mai vei au: na veika baleti au; Raica, na mataivalu nei Fero era sa lako mai oqo me ra mai vukei ikotale i Ijipita i na nodra vanua. 08 Ia o ira na Kolodiani era na qai lesu tale mai me ra mai valuta na korolevu oqo, era na qai taura vakauakaua ka vakama laivi e na bukawaqa.

Jeremaia 36:1-8

Na veika kece oqo, a yaco vei ira me idusidusi, era qai volai vakaivola, me mai ka ni vuli vei ira e na donui ira na ivakataotioti ni gauna.

1 Korinica 10:11

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
206	July 26	Av 15	Psalm 47-49

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

My choice of Books (Na Noqu Digidigi Ni iVola 

               

Na iTukutuku Nei Avakuki (Havakuk’s Message)

Thought: Do Not Wonder, If You Do Not Understand Yahweh’s Commands; We Are Different

 .................................

Serving For Yom Reeshone 13^4h Av, 5770

Au na tu vakarau tu e na noqu tikina, ka vakatawa toka, e na dela ni valecere vatu, meu vakaraica se cava e na kaya mai vei au, kei na cava meu na sauma lesu vua me baleta na kequ itotogi. 02 A qai sauma mai vei au o Jiova (Yahweh) ni kaya, Vola na raivotu, ka vakamatatataka e na papa ni volavola, me rawa ni kila vinaka o koya e wilika. 03 Baleta na raivotu qo e na yaco dina e na kena gauna lokuci; e na yaco dina e na ivakataotioti ni gauna, e na sega ni lasu; ia kevaka e bera, kakua ni yalototolo, baleta e na yaco dina mai, e na sega ni bera; 04 baleta na yalona e sega ni taleitaka na itovo ca; ia na tamata yalododonu e dau bula ga e na vakabauta.

Apakuki 2:1-4

Baleta na noqu vakasama e sega ni tautauvata kei na nomuni vakasama, na noqu ivakarau talega e duidui mai na nomuni ivakarau, e kaya o Jiova (Yahweh).  09 Me vaka na kena veiyawaki na cere ni lomalagi mai vuravura, e vakakina na noqu ivakarau e na kena cere mai na nomuni ivakarau vata kei na noqu vakasama mai na nomuni vakasama

Aisea 55:8-9

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
205	July 25	Av 14	Psalm 44-46

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

My Choice of Books - Na Noqu Digidigi ni iVola
            

Na iVakatakilakila ni Bulumakau (The Sign of the Ox Yoke)

Thought: Yahweh Is Commander (Tzva’ot) of All’ He Does As He Pleases

............................... 

Serving For Shabbat 13^th Av, 5770

E na itekivu ni nona veiliutaki vakatui o Sidikiyahu (Zedekiah) na luvei Yoshiyahu (Josaia) na tui Yahuda, a qai yaco mai kina na vosa oqo vei Yiremeyahu (Jeremaia), maivei Jiova (Yahweh) ni kaya, 02 Oqo na ka e kaya vei au o Jiova (Yahweh); Cakava eso na nomu ivua kei na ivesu, qai vakataqara e domomu, 03 oti qai vakauta ira vei iratou na tui Idomi, na tui Moava, na nodra tui na Amonaiti, na tui Taia kei na tui Saidoni, e na ligadra na dau kauitukutuku era lako tiko mai i Yerusalayimi vei Sidikiyahu na tui Yahuda; 04 ka vakaroti ira me ra lai kaya vei ira na nodra turaga (master), Oqo na ka e kaya o Jiova ni lewe vuqa (Yahweh Tzva’ot), na nodra Kalou (Mighty One) na Isira’yili; Oqo na ka moni kaya vei ira na nomuni turaga (master); 05 O au, au a buli i vuravura kei na tamata kei na manumanu era tu e na dela ni vanua, e na noqu kaukaua levu kei na ligaqu ni veidodoyaki, kau a solia sara vei ira era rairai dodonu vei au. 06 Ia qo au sa solia na qele kece oqo i na liga i Nevukanesa (Nebucadnezer) na tui Bavela (Babylon), na noqu dauniveiqaravi, me lai yaga vua;  kau sa solia talega vua na manumanu me ra na yaga talega vua. 07 Na veimatanitu kecekece era na veiqaravi vua vata kei ira na luvena kei ira na luve i luvedra, me yacova sara ni sa yaco mai na nodra duigauna na vanua oya; e levu na veimatanitu kei na tui cecere era na veiqaravi vua. 08 Ia na vanua kei na matanitu e na bese ni qaravi Nevukanesa na tui Bavela, ka bese ni cuva me vakataqari e domodra na ivua nei tui Bavela, au na totogitaka na vanua oya e na seleiwau, na dravuisiga kei na matedewa, e kaya o Jiova (Yahweh), me yacova sara niu sa soli i ira i ligana

Jeremaia 27:1-8

O koya e dau vakadeuca na vuniyaloda, e kila na vakasama ni Yalo, baleta na Yalo e na masulaki ira na digitaki, me veiraurau kei na inakinaki ni Kalou (Yahweh). 28 Eda kila talega, ni o ira era lomana na Kalou (Mighty One) era na vukei mai Vua e na veika kece e na vukuni vinaka.

Roma 8: 27-28.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
204	July 24	Av 13	Psalm 41-43

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

My Chosen Books : Na Noqu Digidigi Ni iVola