Thought: YHWH
States; There Is No Savior Beside Me, From The Beginning!
…………………
Serving For
Shabbat, Nisan 26, 5773
(NB. In Counting
Days Toward Shavu’ot: Today Is Day 8 out of 50)
MAI NA
NEVI’IMI AKARONIMI FROM THE NEVI’IM ACHARONIM)
IA e na gauna oqo, oqo na ka e
kaya o Yahuwe (YHWH), o koya e a buli i iko i
Ya'akove, o koya e a buli i iko i Yisira'yili: Kakua ni domobula, baleta
au sa voli iko lesu; au sa kacivi iko tiko e na yacamu; i iko o noqu. 2 Ni o sa
lako kosova na wasawasa, au na tiko vata kei iko; ni o kosova na veiuciwai, era
na sega ni rawai iko; ni o taubale kosova na bukawaqa o na sega ni kama, na
yameyame ni bukawaqa e na sega ni vakamai iko. 3 Baleta o au o Yahuwe (YHWH) na
nomu Kalou (Mighty One), na Yalosavasava Ledua i Yisira'yili, ka nomu
iVakabula; au sa soli i Ijipita me kemu ivoli, o Kusha (Ethiopea) vata kei S’va
e rau nomu. 4 Baleta au okati iko ni o
vakamareqeti ka dokai, baleta au taleitaki iko. Ena vukumu au na soli ira na
tamata, [kei na] veimatanitu me ra isosomi ni nomuni bula. 5 Kakua ni domobula,
baleta o au, au tiko vata kei iko. Au na kauti ira mai na nomu kawa mai na
vuaicake, ka vakasoqoni kemuni mai na vuaira;
6 Au na kaya vei ira mai na vualiku, Sereki ira mai, kei ira mai na
ceva, Kakua ni tarovi ira tiko! Kauti ira mai na luvequtagane mai na veivanua
yawa, kei ira na luvequ yalewa mai na iyalayala kei vuravura, 7 O ira kece era
kacivi tiko e na yacaqu, o ira au a buli i ira e na vuku ni noqu dokai; au a
vakacokotaki koya; io, au a buli i koya.
8
¶ Kauti ira mai na tamata era mataboko tu, ia e tiko na yaloka ni matadra; kei
ira talega na didivara e tiko na daligadra. 9 O ira kece na veimatanitu era sa
cokovata mai, kei ira na tamata era sa soqoni tu. O cei vei ira oqo, e rawa ni
tusanaka qo, me vakatakila na veika a yaco mai liu? Laivi ira me ra kauta mai
na nodra ivakadinadina, me rawa ni ra vakadonui; me rawa vei ira na kena vo ni
ra rogoca era na qai kaya, Qori na ka
dina.10 O kemuni oni noqu ivakadinadina,
e kaya o Yahuwe (YHWH); ka noqu
dauniveiqaravi niu a lesi i kemuni; moni rawa ni kila ka vakabauti au, oni qai
kilakasamataka ni o au o koya; e mataqu e sega ni bau buli e dua na kalou
(elohim), ka na sega talega ni dua tale e na muri mai vei au. 11 O au, io, o au
o Yahuwe (YHWH); e sega tale ni dua na
ivakabula me kequ ikarua.12 Au sa tusanaka oti, niu dau veivueti, au sa
kacivaka oti ni sega ni dua na kalou tawamacala (strange elohim) e tiko e na
kemuni maliwa; qori oni noqu ivakadinadina kina, e kaya o Yahuwe (YHWH), Ni o
au, na Kalou (Mighty One). 13 Mai na imatai ni siga, se o au tiko ga o koya. E
sega ni dua e rawa ni veivueti mai ligaqu. Niu sa cakacaka, o cei e rawa ni
vakalesuya?
NA IVAQA NI BULA (FOOD FOR THE SOUL)
Na
veivosa dina e na tu me tawamudu; ia na vosa lasutaki e tu ga vakalekaleka. 20
¶ Na veivakacalai e no mai vuniyalodra o ira na vakasisila; ia o ira era soli
ivakasala ni tiko sautu, era na kune marau.
LOMANI YAHUWE NA NOMU KALOU (LOVE YHWH YOUR MIGHTY ONE
NA
vucu ni
veivakatavulici i Asafa. Vakarorogo kemuni na noqu tamata, i na noqu
ivakavuvuli; vakala mai na daligamuni i na veimalanivosa mai gusuqu. 2 Au na
vosa vei kemuni e na vosa vakaibalebale meu vakamacalataka kina na veika
tawamacala mai na veitabagauna makawa. 3
Na veika eda sa rogoca oti ka kila, ni ra a tukuna vei keda o ira na tamada, 4
Eda na sega ni vunitaka mai vei ira na nodra kawa; eda na tukuna vei ira
na itabagone vou mai muri, na
vakamuduotaki nei Yahuwe (YHWH), bau kina na nona kaukaua kei na veicakacaka
vakasakiti e sa cakava oti. 5 Baleta o koya e a tauyavutaka e dua na ilesilesi
vei Ya'akove ka virikotora e dua na Toraa e Yisira'yili. E a vakarota kina vei
ira na noda itubutubu me ra vakatakila oqo vei ira na luvedra, 6 Me rawa vei
ira na itabatamata tarava me ra na kila, ka vaka kina o ira na lalai era se
bera ni sucu, ia o ira era na tubu cake era qai tukuna talega vei ira na dui
luvedra; 7 Me rawa kina vei ira me ra dau tekia na nodra inuinui vua na Kalou
(Mighty One), ka sega vakadua kina ni guilecava na cakacaka ni Kalou (Mighty
One), me ra qai dau bula muria kina na
nona ivakaro; 8 Qo era na sega kina ni
tautauvata kei ira na nodra itubutubu, o ira era dua na itabatamata dau
babamatua, dau vakabebe, ka dua na itabatamata
sakasakavakatani; na yalodra e dau talaidredre vua na Kalou (Mighty
One).
9
¶ O ira na tamata mai Ifira'yimi, e dina ga ni ra vakaiyaragi, e na dakaititi
kei na kena gasau, era a vuki lesu e na siga ni ivalu. 10 Era a sega ni muria
na veiyalayalati i Yahuwe (YHWH) ka ra sega ni via bula muria na nona Toraa: 11
Era a guilecava na veika a cakava, kei na nona cakacaka veivakurabuitaki a dau
vakaraitaka vei ira.12 E a cakava na veika veivakurabuitaki e matadra na nodra
itubutubu e na vanua o Ijipita [oya] e na yasayasa vaka Zo'ani. 13 E a tawasea
na wasawasa o koya, qai cakava me ra
curu basikata; ni a cakava na wai me veibinibini cake me vaka e dua na lalaga. 14
E a liutaki ira e na loma ni veisiga e na dua na o, ia e na loma ni bogi e na
rarama mai na dua na bukawaqa.15 E a dirika na veivatu e loma ni vanua
dravuisiga, qai laivi ira me ra gunu me vaka mai na dua na toevu titobu; 16 Io,
e a vakadrodrova na wai mai na uluvatu,
qai cakava na wai me drodro sobu vaka i na veiuciwai. 17 Ia o ira na
tamata era a ia ga na [nodra cakava] na ivalavala ca me ra qai saqati koya, era
qai vakabebe e na loma ni vanua liwa, vei koya e Cecere Cecekia (Most High); 18
E vuniyalodra era vakatovolei Yahuwe (YHWH) e na nodra tagica na kakana me
vakaceguya na nodra gagano. 19 Io era vosa kudrukudrutaka na Kalou (Mighty
One); e na nodra kerea, E rawa beka vua na Kalou (Mighty One) me vakarautaka e
dua na teveli e na loma ni vanua dravuisiga oqo? 20 E ka dina ni a samuta na
uluvatu o koya, me coka mai kina na wai, me yacova ni vuabale na vei dreke niwaidrodro; ia vakacava
na madrai? E rawa beka ni vakarautaka talega mai na lewe ni manumanu e na
vukudra na nona tamata? 21 Ia qo ni rogoca o Yahuwe (YHWH) a qai vakatubura na
nona cudru; e dua na bukawaqa a qai utura me saqati Ya'akove, qai tubu talega
na nodra levaci ira na Yisira'yili; 22 Baleta era a sega ni vakabauta na Kalou
(Mighty One) ka sega talega na nodra vakanuinui i na nona kaukaua ni
veivakabulai. 23 A mani vakarota na o mai cake, ka dolava na katubalevu kei
lomalagi, 24 Qai vakatauca mai na mana vei ira me kedra kakana; a solia vei ira
na witi (grain) mai lomalagi. 25 O ira era bula vakaiyalayala era qai kania na
[kedra] madrai na mala'akimi, ni a solia sara vakayauyau vei ira. 26 E
vakavurea cake na cagi mai na vuaicake mai lomalagi, ka vakaliwava sobu mai na
cagi mai na ceva e na nona kaukaua, 27 E
vakatauca sobu mai vei ira na lewe ni manumanu me vaka na kuvu ni soso, na
manumanu vuka me ra vuka vakayauyau mai me vaka na nuku mai matasawa. 28 E
laiva oqo me ra tau e na loma ni nodra keba, e na veiyasa kecekece ni nodra
veivalelaca, 29 Era mani kana, me yacova ni ra
sa mamau vinaka; e a solia vei ira o koya na ka sara ga era ganova.30 Era a se
vakaceguya tiko ga na nodra gagano, na kakana e se osota tu ga na gusudra, 31 E
na gauna a tubu kina na nona leva na Kalou (Mighty One) me saqati ira, qai
vakamatei ira nodra tamata qaqa duadua, qai cakava vei ira na cauravou ni
Yisira'yili me ra toka vakamaloku.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 197 in 5773 (Total 1924)
|
April 6, 2013
|
|
Reading
|
Hebrew Date
|
|
M #1: Nisan 26, 5773
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
