Oti au na vakasilimi iko e na wai, au qai savata laivi na dra mai vei iko, kau lumuti iko e na waiwai. 10 Au a vakaisulutaki iko talega e na isulu-tali veivolavolai, ka vakaivavataki iko e na ivava; au vauca na tolomu e na lineni matailalai, ka vakaisulutaki iko e na isulu silika. 11 Au a daramaka vei iko na iyaya ni sasauni; au vakatokara na qato e ligamu kei na taube e domomu; 12 Au qai vakatokara na vatutalei e yadremu, na sau e daligamu kei na isalavakatui totoka e ulumu. 13 Qori o a vakaiukuukutaki kina e na koula kei a vatutalei; o qai vakaisulutaki kina e na lineni matailalai kei na lokaloka kei na isuli tali veivolavolai; o kania na falawa matailalai kei na denioni kei na waiwai; o qai yaco mo totoka sara vakaoti; o qai tubu mo vutuniyau e na kedra maliwa na veimatanitu. 14 Na kemu irogorogo a qai tete yani e na kedra maliwa na kai Veimatanitu tani, ni o totoka vakaoti baleta na isalavakatui totoka vakaoti ni noqu lagilagi au a tokara vei iko, e kaya o Jiova na Kalou (Yahweh Elohim).
“O Au na vunivaini, o kemudou na tabaqu. O koya e tiko vata kei Au, Kau tiko vata kei koya, e na levu na vuana; baleta ni sega o Au, dou na sega talega ni rawata e dua na ka.
| Read The Bible in a Year (Wilika Na iVola Tabu E Na Dua na Yabaki). | |||
| Siga (Day) | Tikinisiga (Date) | Mataka (Morning) | Yakavi (Evening) |
| 221. | August 10 | Psalms 88-89 | Roma 10 |
