Na Tadra Nei Taniela (Dani’yl’s Dream.)

Thoughts: YHWH Decides The Fate Of Every Nation

 .......................

Serving For Yom Revee-ee, Kishlev 4, 5772

Oti au qai via kila na dina me baleta na ikava ni manumanu kila, o koya e dua tani duadua mai vei ira na kena vo, e vakadomobula duadua, na batina era kaukamea na kena iqaso e barasa; e dau veitilomi, ka dau veibasubasuraki vakamatailalai, qai dau buturaka na kena vo vo e yavana. 20 Ia me baleta na ileu e tini era toka e uluna, kei na ileu kadua e a tubu mai na kedra maliwa, ni ra a lutu kina vua e matana e tolu; na ileu e vakamatana ka dua na gusuna e dau kaya kina na vosa lelevu, na kena irairai e levu cake sara mai vei ira na nona itokani. 21 Au rai, na ileu vata ga e a valuti ira tiko na digitaki tabu a qai rawai ira; 22 Me yacova ni lako mai o koya na Veisiga Makawa (Ancient of Days); qai mai solia na lewa vei ira na nona digitaki o Koya sa Cecere sara; qai yaco mai na gauna me ra taukena kina na matanitu o ira na digitaki. 23 Qori a qai kaya kina vei au koya,  Na ikava ni manumanu kila qori, na ikava ni matanitu e vuravura, ia e na vakaitamera cake sara mai vei ira na vo ni matanitu, e na qai tiloma na vuravura taucoko, qai buturaka sobu, ka vurulaka vakamatailalai. 24 Ia me baleta na tini na ileu mai na matanitu oya, qori e tini na tui era na  tubu mai; oti e na qai tubu muri i ira  mai e dua tale na tui; o koya e na levu cake mai na kena imatai, o koya e na vakadruka e tolu vei ira na tui. 25 O koya e na cavuta na vosa me saqati Koya sa Cecere sara, oti e na qai bukiveretaki ira na nona digitaki  o  Koya sa Cecere sara, e na qai  nanuma me veisautaka na gauna kei na lawa; ia e na qai soli i ligana, me dua na gauna, na veigauna kei na veimama na gauna. 26 Ia ni sa toka sobu na daunilewa me vakatulewa era na kauta tani na nona lewa, me tilomi qai vakarusai me yacova ni rusa na nona matanitu. 27 Na lewa kei na vakaitamera ni matanitu e ruku ni lomalagi raraba e na qai soli vei ira na nona digitaki o Koya sa Cecere sara, o koya e tawamudu na nona matanitu, o ira kece era tiko e na ruku ni nona lewa era na qaravi koya ka talairawarawa vua. 28 Oqori na itinitini ni veika oqo. Ia o au o Dani'yili, na noqu vakasama e a vakidroataki au vakalevu, a qai tavuki vei au na kequ irairai, ia a tiko lo ga vei au e vuniyaloqu na veika oqo.

Taniela (Dani’yl) 7:1-28

Na tamata e vunauca e dua na tamata, e na kunea ni na taletaki cake  mai muri, mai vei koya e cavuta na vosa ni veicavilaki mai yamena. 24 ¶ O koya e butako mai vei tamana kei tinana qai kaya, qori e sega ni ivalavala ca, o koya qori e nodra icaba na tamata ca.

Vosa Vakaibalebale 28:23-24

RESH

Vakasamataka na noqu leqaleqa, ka vueti au; baleta au sega ni dau guilecava na nomuni Toraa. 154 Vakalewa na noqu itutu, ka vueti au; vakabulabulataki au me vaka na nomuni vosa.155 ¶ Na veivakabulai e yawa mai vei ira na vakasisila: baleta era sega ni vaqara na nomuni ilesilesi. 156 ¶ E vakaitamera na nomuni vinaka tau malumu, i Yahuwe (YHWH) vakaukauataki au me vaka na nomuni lewa. 157 ¶ Era lewe levu o ira era dau vakacacani au, kei ira na kequ meca; au na sega ga ni gole tani mai na nomuni vosa. 158 ¶ Au a raici ira era dau caka ca, au qai kila ni ra a sega ni bula muria na nomuni vosa. 159 ¶ Vakasamataka na noqu taleitaka na nomuni ivunau: vakaukauataki au, i Yahuwe (YHWH), me vaka na nomuni yalololoma.160 ¶ Na yavu ni nomuni vosa na dina; na nomuni lewadodonu kecekece e tudei tu me tawamudu.

SHIN

161 ¶ Na ravouvou era vakaucacataki au, ni sega ni bau dua na vuna; ia na vuniyaloqu e dei toka ga e na vakalevulevui ni nomuni vosa. 162 ¶ Au dau mamarau e na nomuni vosa, me vaka e dua e kunea e dua na iyau levu. 163 ¶ Au cata ka vakasisilataka na ivalavala ca; na nomuni Toraa ga au dau taleitaka. 164 ¶ Vakavitu e na dua na siga au na vakavinavinakataki kemuni, baleta na dodonu ni nomuni vakatulewa. 165 ¶ Na vakacegu vakaitamera era kunea o ira era taleitaka na nomuni Toraa: e na sega na nodra malumalumu. 166 ¶ I Yahuwe (YHWH), au dau vakanuinui i na nomuni veivakabulai, au dau talairawarawa kina i na nomuni lawa (mitzvot). 167 ¶ Na noqu bula (soul) e dau bula muria na nomuni ilesilesi, kau taleitaki ira vakalevu sara. 168 Au sa dau bula muria tiko na ivakaro kei na nomuni ilesilesi; baleta na noqu ivalavala kecekece era sa macala vinaka tu e matamuni.

TAU

169 ¶ Laiva na noqu tagi me basika yani vei kemuni, i Yahuwe (YHWH); vakabulai au me vaka na nomuni vosa. 170 ¶ Laiva na noqu vakatamamasu me basika yani vei kemuni; vueti au me vaka na nomuni vosa. 171 ¶ Na yamequ e na tokoruataka na nomuni vosa, baleta na nomuni ivakaro kecekece era dodonu. 172 ¶ Na tebenigusuqu e na cavuta na nomuni vakavinavinakataki, ni oni sa vakatavulica vei au na nomuni lawa (mitzvot). 173 ¶ Laiva na ligamuni me vukei au, baleta niu dau taleitaka na nomuni ivakaro (statutes). 174 Au sa dau gadreva na veivakabulai, i Yahuwe (YHWH); Au dau vakananuya na nomuni Toraa. 175 ¶ Laiva na noqu bula (soul) me bula (live) e na qai vakacaucautaki kemuni; laiva na nomuni lewa dodonu me vukei au. 176 ¶ Au sa lako sese me vaka e dua na sipi sa yali tiko; vaqara na nomuni dauniveiqaravi baleta au sega ni guilecava na nomuni lawa (mitzvot). 

Same (Tehellim) 119:153-176

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
333 Blog No. 1473	November 30, 2011.
Reading	Hebrew Date
Isikeli (Yechezk’yi) 43-44	Kishlev 4, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Taniela E Na Qara Ni Laione (Dani’yl In the Lion’s Den)

Thought: Working With YHWH Has Its Dangers And Protection

Serving For Yom Shlee-shee, Kishlev 3, 5772

Era qai lako mai vakavoleka, era qai mai tukutuku e na mata ni tui ni ra kaya, Kemuni na Tui, moni bula tawamudu! Oni a sega beka ni tauca  e dua na lawa vakaturi ka sainitaka talega, kemuni na tui, ni o koya ga e vakatakekere vua e dua tale, na kalou (elohim) se tamata, e na loma ni tolusagavulu na siga, vakavo ga vei kemuni, kemuni na tui e na bala i loma ni qara ni laione? Sauma na tui ni kaya, Na lawa vakaturi e dina, ka tautauvata kei na veilawa vaka Midi kei na Perisia, e na sega ni boko rawa.13 Era qai sauma ka kaya e na mata ni tui, O Dani'yili e dua vei ira na kau mai vakabobula mai Ya'huda e a sega ni vakarorogo vei kemuni, kemuni na tui, ka sega ni kauwaitaka na nomuni lawa vakaturi oni a vakaduria; e koya e dau vakatakekere vakatolu e na dua na siga. 14 Ia na tui ni rogoca na vosa oqori, e a curumi koya vakabibi na rarawa, qai nakita me na sereki Dani'yili; oti qai cakacakataka tiko vakaukaua me yacova ni dromu na siga me sereki koya. 15 Ia o ira na tamata oqo era veretaka na tui ni ra kaya vua, Moni kila kemuni na tui, ni tiko na lawa vaka Midi, ka vaka Perisia talega e kaya ni lawa kece kei na lewa kece e vakaduria na tui e tabu dredre me veisautaki. 16 Sa mani tauca na lewa na tui, era qai lai kauti Dani'yili mai era qai mai biuti koya e loma ni qara ni laione. A qai vosa na tui qai kaya vei Dani'yili, Na nomu Kalou (Mighty One) o dau qarava e veiveigauna kece e na vakabulai iko. 17 Era kauta mai e dua na vatu levu, era qai mai vakaravita e na katuba ni qara, sa qai tabaka kina o koya na tui, na nona mama na kena itotogi o Dani'yili.

18 ¶ A lesu na tui i na nona vale vakatui, qai lai lolo tiko e na bogi taucoko oya; a sega ni kau mai i matana na kakana; na via moce a biuti koya talega vakadua. 19 E a sou e na mataka ca ca na tui, qai  lako vaqunaquna i na qara ni laione. 20 Ia ni yaco yani  i na qara, a qai kaci yani e na domolevu vei Dani'yili, ni vosa na tui me kaya vei Dani'yili; I Dani'yili, na dauveiqaravi vua na Kalou (Mighty One) bula, na nomu Kalou (Mighty One), o koya o dau qarava e veigauna kece; e a vakabulai iko beka mai na laione?  21 Sauma mai o Dani'yili vua na tui ni kaya, Kemuni na tui, moni bula tawamudu! 22 Na noqu Kalou (Mighty One) e a tala mai na nona agilosi, era qai mai sogota na gusu ni laione, e mani sega kina ni vakamavoataki au rawa: baleta a sega ga na noqu cala e matana, ka vaka kina e matamuni, kemuni na tui, Au a sega ni vakayacora e dua na ivalavala ca. 23 E a duatani na nona marau na tui e na vukuna, qai vakarota me ra sereki Dani'yili laivi mai loma ni qara. A qai laveti cake mai na qara o Dani'yili, e a sega mada ga ni bau kune vua e dua na drakusi lailai, baleta na nona vakabauta na nona Kalou (Mighty One) 24 Sa qai vakarota tale na tui, era qai lai kau mai o ira na tagane era a beitaki Dani'yili, era qai bala kece i na qara ni laione, o ira, o ira na watidra kei ira na luvedra; ni ra se bera ni tau e na buturara ni qara, era sa toqovi ira mai na laione, qai basuraki vakamatailalai na nodra sui.

Taniela (Dani’yl) 6:1-28

Na tamata e vakaraitaka na veitovaki e sega ni vinaka, e na vukuni dua na tikini madrai e dua na tamata e rawa ni liumuri (traitor). 22 ¶ O koya e vinakata me vutuniyau vakatotolo, e na ca ga na nona rai, ka na sega ni raica rawa ni na yaco mai vua na dravudravua.

Vosa Vakaibalebale 28:21-22

PEI

129 ¶ Na nomuni vosa era veivakurabuitaki; o koya oya e bula muria tiko kina na noqu bula (soul). 130 ¶ Vakarawarawataka me matata na nomuni vosa qai vakararamataki ira ka solia na kilaka vei ira era yalorawarawa. 131 ¶ Au dalaga, au qai ceguoca; baleta niu gadreva vakalevu na nomuni ivakaro. 132 ¶ Raici au mai ka lomani au mai baleta niu taleitaka na yacamuni. 133 ¶ Tubera na noqu ikalawa me muria na nomuni sala; kakua ni vakalaivi ira na vakasisila me ra mai vakatulewa vei au. 134 ¶ Vueti au mai na nona ivalavala kaukaua na tamata: meu rawa ni bula muria na nomuni ivunau. 135 ¶ Cakava na matamuni me ramase vua na nomuni dauniveiqaravi; vakatavulica vei au na nomuni lawa. 136 ¶ Na wai ni veiuciwai era dave sobu mai mataqu, baleta ni ra sega ni bula muria na nomuni Toraa.

TZADE

137 ¶ O kemuni oni yalododonu i Yahuwe (YHWH), ka dodonu vakaoti na nomuni lewa. 138 Oni vakarota na nomuni vosa e na yalododonu kei na yalodina. 139 ¶ Na lomakatakata sa curumi au, baleta o ira na kemu meca era guilecava na nomuni vosa. 140 ¶ Na nomuni vosa e savasava vakaoti; oqori e taleitaka kina vakalevu na nomuni dauniveiqaravi. 141 ¶ O au, au lailai wale ka dau beci: ia au segasega ga ni guilecava na nomuni ivunau.142 ¶ Na nomuni yalododonu, e yalododonu tawamudu, baleta na nomuni Toraa e dina taucoko. 143 ¶ Na leqa kei na yaluma sa mai tarai au; ia au vakananuya tiko ga na nomuni ivakaro.144 Na kena dodonu na nomuni vosa e na sega ni mudu rawa: Solia vei au na kilaka au na qai bula.

QOF

145 ¶ Au tagitagi e na vuniyaloqu taucoko; rogoci au i Yahuwe (YHWH); au na bula muria na nomuni ilesilesi. 146 Au tagi yani vei kemuni, au tagi vei kemuni; vakabulai au, au na bula muria na nomuni vosa.147 ¶ Au matacake ni kida na mataka au qai tagi; Au vakanuinui tiko e na nomuni vosa.148 Na mataqu sa tadola ni se bera na gauna ni matayadra ni bogi, meu rawa ni vakananuya na nomuni vosa.149 ¶ Rogoca na domoqu, e na nomuni loloma kei na veikauwaitaki i Yahuwe (YHWH), vakaukauataki au me vaka na nomuni lewa.150 ¶ Era toro voleka mai o ira era bula vakalawaki ca: o ira era yawa kalia mai na nomuni Toraa. 151 Oni voleka, i Yahuwe (YHWH); na nomuni lawa (mitzvot) kecekece era dina. Na mataqu e tadola ni sebera na gauna ni matayadra ni bogi, meu vakananuya na nomuni vosa. 152 ¶ Me baleta na nomuni ilesilesi, au se kila makawa mai ni oni a vakataudeitaka me ra tawamudu.

Same (Tehellim) 119:129-152

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
332 Blog No. 1472	November 29, 2011.
Reading	Hebrew Date
Isikeli (Yechezk’yi) 41-42	Kishlev 3, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Me’ne, Me’ne, Te’kela, Ufarasini (M’ne, M’ne, T’kel, Ufarsin.)

Thought: It Simply Does Not Pay To Defy YHWH; He Holds Your Breath

Serving For Yom Shaynee, Kishlev 2, 5772

Vosa o Dani'yili me kaya vua na tui, Laiva na nomuni iloloma me nomuni tikoga, ka solia na lagilagi ni nomuni vale vei ira na tani; ia na volavola e lalaga au na wilika vua na tui, ka vakatakila vua na kena ibalebale;  18 Kemuni na tui, na Kalou (Mighty One) Cecere a solia vei Ne'vukadaneza na tamamuni, e dua na matanitu vata kei na kena Sau, na kena dokai vata kei na kena lagilagi:  19 Ia baleta na  cecere a solia vua, o ira na tamata kece, na veimatanitu kei na duivosavosa era dau sautaninini ka dau domobula e matana; baleta o koya e na vakamatea o koya ga e via vakamatea, ia o koya e via vakabula e na vakabula tiko ga, o koya e taleitaka e na toroya cake na nona itutu, vei koya e lomana e na vakayalomalumutaki koya. 20 Ia ni sa vakadokadokai koya e vuniyalona, e a qai vakasivoi o koya mai na nona itutu vakatui, qai takali mai vua na nona rogo:  21 A qai cemuri laivi mai na kedra maliwa na tamata; na vuniyalona a qai vuki me vaka na manumanu, sa qai lai vakaitikotiko e na kedra maliwa na asa kila: e a vakani e na co me vaka na okisi, ka dau vakasuasuai na yagona e na tegu mai lomalagi; e a tubu na drauniuluna me vaka na vuti ni ikeli, kei na taukuku ni ligana me vaka na manumanu vakatabana, me  yacova ni sa vulica, ni dau vakavulewa tiko vei ira na tamata na Kalou (Mighty One)  Cecere vakaoti, ka na solia o koya, vei koya ga e lewa me solia vua, ka lesia o koya me dau vakavulewa o koya e malumalumu duadua e na kedra maliwa na tamata. 22 O kemuni na luvena, i Belashataza, oni se sega ni bau vakayalomalumutaka na vuniyalomuni, e dina ga ni oni kila vinaka tu na veika oqo; 23 Qo oni sa laveti kemuni cake moni veisaqasaqa kei Yahuwe (YHWH) ni lomalagi; qo era sa lai yauta mai na bilo ni nona vale vei kemuni, ia o iko, o ira na nomu ravouvou, o ira na watimu kei ira na nomu itoto (concubine), era sa gunu waini tiko mai kina; o iko o qai vakabekabei ira tiko na veikalou (elohim) koula, siliva, barasa, kaukamea, kauvaro kei na vatu; o ira era sega ni rai, rogo se kilaka; ia na Kalou (Mighty One) e tiko e ligana na nomuni icegu ia na nomu ivalavala oni sega ni via vakacerecerea se doka. 24 Oti sa qai vakau mai na qeteqete ni liga qori, mai matana; me mai toqa na volavola sa toka oqori. 25 Qo na volavola sa toqai tu: Me’ne, Me’ne, Te’kela, Ufarasini.  26 Oqo na ibabebale ni vosa: Me’ne; Na Kalou (Mighty One) sa wilika na iyalayala ni nomu matanitu, ka sa kauta mai i na kena itinitini. 27 Te’kela. O iko o sa vakarautaki e na ivakarau, ka kune ni o sega ni taucoko. 28 Pe’resi, Na matanitu sa na wase me soli vei ira na Midia kei ira na Perisia. 29 Oti, o tui Belashataza a qai vakarota era qai vakaisulutaki Dani'yili e na isulu kulakula, ka vakaitaubenitaki koya e na sinucodo koula, qai kacivaki me baleti koya, ni sa na vakavulewa e na dua na ikatolu ni matanitu.

30 ¶ E na bogi oya, a qai vakamatei kina o Belashataza na nodra tui na Kasidimi. 31 O Darayavesa na Midi, a qai taura na matanitu, a sa yabaki onosagavulu ka rua toka na dede ni nona bula.

Taniela (Dani’yl) 5:1-30

O koya e cukita na nona vanua e na levu na kena kakana, ia o koya e muria na veisasaga e ka ni vakarairai e na levu na nona dravudravua. 20 ¶ Na tamata yalodina e na vakaitamera na nona kalougata; Ia na tamata ca e na sega vakadua ni tawacala.

Vosa Vakaibalebale 28:19-20

SAMEKH

113 ¶ Au cati ira era dau lomaloma rua: ia na nomuni Toraa au taleitaka. 114 ¶ O kemuni oni noqu ivakaruru ka noqu ivunivuni: au dau vakanuinui i na  nomuni vosa. 115 ¶ Lako tani vei au, o kemuni na dau valavala ca; meu rawa ni bula muria na nona ivakaro (mitzvot) na noqu Kalou (Mighty One). 116 ¶ Tabei i au tiko me vaka na nomuni vosa, qori au na qai bula kina; kakua ni vakabiuta meu madualaka na noqu inuinui.117 Vukei  au tiko, au na qai yalodei, au na dau vakananuya e veiveigauna na nomuni ilesilesi. 118 ¶ O kemuni oni sa cemuri ira kece era lako sese mai vei kemuni, baleta na nodra vakasama e dau veivakacalai vakalevu. 119 Tabei au, au na qai yalodei, au na dau vakananuya e veiveigauna na nomuni ivakaro. 120 Na lewe ni yagoqu e dau kino e na noqu dokai kemuni; au dau rerevaka na nomuni lewa.

AYIN

121 ¶ Isa o kemuni oni dau vakataulewa ka daulewa dodonu, kakua ni biuti au tu e ligadra na dau veivakasaurarataki. 122 ¶ Vakaceguya na nomuni dauniveiqaravi e na veika vivinaka; kakua ni vakalaivi ira na qaciqacia me ra vakaucacataki au. 123 ¶ Na mataqu e gadreva na nomuni veivakabulai vata kei na vosa ni nomuni yalododonu. 124 ¶ Vakayacora vua na nomuni dauniveiqaravi me veiraurau kei na nomuni yalololoma, vakatavulica vei au na nomuni lawa. 125 O au, au nomuni dauniveiqaravi; solia vei au na kilaka, meu rawa ni kila na nomuni ilesilesi. 126 ¶ Sa kena gauna oqo me qaravi kina o Yahuwe (YHWH); baleta o ira era sa vakatawayagataka na nomuni ivunau. 127 ¶ O koya oya au taleitaka kina vakalevu cake na nomuni ivakaro (mitzvot) mai na koula; io, vakalevu cake mai na veivatutalei. 128 O koya oya au taleitaka kina na nomuni ivakaro; kau cata na nodra ivalavala kece sara na vakasisila.

Same (Tehellim) 119:113-128

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
331 Blog No. 1471	November 28, 2011.
Reading	Hebrew Date
Isikeli (Yechezk’yi) 40	Kishlev 2, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Vunikau Levu E Na Tadra (The Huge Tree In a Dream)

Thought: Your Status (or Image) Must Not Corrupt Your Relationship With YHWH

...................... 

Serving For Yom Reeshone, Kishlev 1, 5772 (New Month)

O au, au a tadra qo, o au o Tui Ne'vukadaneza, au sa raica oti. Ia o iko, i Beleti'shata'zara, mo tukuna mai vei au na kena ibalebale, baleta o ira kece na tamata vuku ni noqu matanitu era sega ni vakatakila rawa vei au na kena ibalebale: ia o iko, i Dani'yili o rawata;  baleta ni tiko e lomamu na nodra icegu na Kalou (Mighty One) tabu.

19 ¶ Ia o Dani'yili, na yacana o Beleti'shata'zara, a qai veilecayaki tu mada me dua na aua, ka vakidroataki koya na nanuma ni lomana. Vosa tale na tui me kaya vei Beleti'shata'zara, kakua ni laiva na tadra se na kena ibalebale me vakidroataki iko. Vosa o Beleti'shata'zara, ni kaya, Noqu turaga (master), me yaco ga vei ira era cati kemuni na tadra, kei na kena ibalebale vei ira na kemu meca.  20 Na vunikau oni a raica, ni tubu kaukaua, na kena ibalavu e yaco sara i lomalagi, qai dau laurai mai kina vei ira kece e vuravura; 21 E totoka vakaoti na drauna, ka levu na vuana, qai kune kina na kakana e kilikili vei ira na ka bula vakalewe (fleshly); era dau lai vakaitikotiko e rukuna na manumanu  ni vanua, ka ra dau ro e na veitabana me ra vakacegu e na veitabana na manumanu vakatabadra ni macawa lala, ka ra dau kana mai kina na kabula vakalewe kece. 22 Qori o kemuni, kemuni na tui; baleta oni sa tubu kaukaua; oni sa tubu balavu ka yaco sara i lomalagi, kei na nomuni lewa, e sa tete i na iyalayala kei vuravura. 23 Ia me vaka ni a raica na tui e dua na mala’aka tabu ni lako sobu mai lomalagi, qai kailavaka tiko e na domolevu, Taya sobu na vunikau ka vakarusa; ia me tu ga na vuna kei na wakana e loma ni qele, ka laiva me vau e na dua na tolo ni kaukamea kei na barasa, e dela ni veico ni vanua; ka laivi koya me dau suasua e na tegu ni lomalagi, laiva na nona itikotiko me tiko e na kedra maliwa na manumanu ni vanua e na veico e loma ni vanua:  ka laiva na vuniyalona me veisau mai na uto ni tamata; qai laiva na uto ni manumanu me soli tiko vua me yacova ni sa veisau oti vakavitu vua na wasewase ni gauna; 24 Oqo na kena ibalebale, kemuni na tui. Na nona lewa vakaturi o Koya e Cecere sara sa saqati kemuni na noqu turaga, na tui; 25 E na vakayarayarataki kemuni laivi mai vei ira na tamata; na nomuni itikotiko sa na lai kune e na kedra maliwa na manumanu ni vanua, e na  qai cakava moni kana co me vakataki ira na okisi, oni na vakasuasuai e na tegu ni lomalagi, e na veisau mada vakavitu na iwasewase ni gauna vei kemuni, oni na qai kila ni o Koya e Cecere Vakaoti, e vakavulewa tiko e na matanitu vakatamata, ka na solia ga vua e nakita me solia vua. 26 Ia ni ra a vakarota me kakua ni tarai na vuna kei na wakana; na nomu matanitu e na vakataudeitaki vei kemuni, e na gauna oni sa vulica kina ni lewa taucoko e vure mai lomalagi. 27 O koya qo, moni laiva kina moni ciqoma na noqu ivakasala; kauta laivi na nomuni ivalavala ca, e na nomuni dausoli iloloma; kei na nomuni dau cakacala, e nomuni yalololoma vei ira na dravudravua; me yacova ni sa kau laivi mai vei kemuni na nomuni dau talatalaidredre.

28 ¶ Na veika kece oqo, era a qai yaco vei Tui Ne'vukadaneza.

Taniela (Dani’yl) 4:11-28

Na tamata e dau vakayacora na vakadavedra e na dro tale vua na ivakatawa ni valeniveivesu; baleta ni sega ni dua e na vukei koya.18 ¶ O koya e muria na sala ni yalododonu e na bula: ia o koya e veiveveyaki na nona ivakarau e na lutu i loma ni dua na qara.

Vosa Vakaibalebale 28:17-18

MEM

97 ¶ Olei au rui taleitaka na nomuni Torah. E dau we we ni noqu vakanananu e veisiga taucoko. 98 ¶ E vakavuna meu vuku cake mai vei ira na kequ meca, baleta niu dau bula muria na nomuni lawa (mitzvot). 99 E solia vei au meu yalomatua cake vei ira na noqu ivakavuvuli; baleta na nomuni ilesilesi e iusutu tiko ni noqu vakanananu. 100 Au kila e levu cake na ka, mai vei ira na qase, baleta niu bula muria tiko na nomuni ivakaro. 101 ¶ Au dau tarova na yavaqu mai na veisala vakasisila kece, me rawa niu bula muria ga na nomuni lewa. 102 ¶ Au na sega ni lako vakatikitiki mai na nomuni lewa; baleta ni oni a vakatavulica vei au. 103 ¶ Oilei na kamikamica ni nomuni vosa ni tovolei, io, e kamikamica vakalevu cake mai na hani e loma ni gusu; 104 Au sa vakananuya vinaka tu na nomuni ivakaro; o koya qori au dau cata kina na nodra ivalavala ni veidabui o ira era itovo vakasisila.

NUN

105 ¶ Nomuni vosa e dua na icina I yavaqu, ka dua na rarama i na noqu sala.  106 ¶ Au sa bubuluitaka oti, au na vakayacora tikoga, niu na bula muria na nomuni lewadodonu. 107 ¶ Niu sa rarawa dina vakalevu: vakaukauataki au, i Yahuwe (YHWH), me vaka na nomuni vosa. 108 ¶ Ni bau dau marautaka i Yahuwe (YHWH), na vosa ni gusuqu, i Yahuwe (YHWH) vakatavulica vei au na nomuni lewa. 109 ¶ Na noqu bula (soul) e na tiko ga e ligamuni; au na sega ni guilecava na nomuni Torah 110 Na dau ni valavala ca era birika na tudai meu coko kina; ia au a sega mada ga ni lako sese mai na nomuni ivunau. 111 ¶ Na nomuni ilesilesi au sa taura me noqu ivotavota me tawamudu; baleta era ka ni reki e vuniyaloqu. 112 Na vuniyaloqu sa nakita me vakayacora vakayalomatua na nomuni ilesilesi, me yacova na ivakataotioti.

Same (Tehellim) 119:97-112

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
330 Blog No. 1470	November 27, 2011.
Reading	Hebrew Date
Isikeli (Yechezk’yi) 38-39	Kishlev 1, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Tadra I Ne’vukadaneza (Ne’vukadnetzer’s Dream)

Thought: YHWH Sets Dreams and Divulges Meanings 

....................... 

Serving For Shabbat, Chesvan 29, 5772 (End Of The Month)

E na gauna vata ga oya e a lako kina o Dani'yili vei Arioki, o koya a lesia na tui me vakamatei ira na tamata vuku e Bavela; qai lai kaya vua; Kakua ni vakamatei ira na tamata vuku e Bavela; ia kauti au mada vua na tui,  au na qai vakatakila vua na kena ibalebale. 25 A qai kauti Dani'yili vakatotolo vua na tui o Arioki, qai lai kaya vakaoqo vua, Au sa kunea e dua na tamata vei ira na bobula ni Ya'huda, o koya e na vakatakila vua na tui na kena ibalebale. 26 Sauma na tui ni kaya vei Dani'yili, na yacana talega o Beleti'shata'zara, O iko beka o rawa ni vakatakila vei au na tadra au a raica vata kei na kena ibalebale? 27 Sauma o Dani'yili e matana na tui, ni kaya, Na ka vuni e vinakata na tui me kila, e na sega ni vakaraitaka rawa vua na tui e dua na tamata vuku se na dau caka i sausau se na dau caka mana, se na dauvakarai mata ni lomalagi; 28 Ia e tiko e dua na Kalou (Mighty One) mai lomalagi e dau vakatakila na ka tawamacala, o koya e na vakatakila vua na tui o Ne'vukadanesa, na veika e na yaco e na ivakataotioti ni gauna. Na nomuni tadra kei na raivotu oni a raica e na nomuni imocemoce qo; 29 Ia e na vukumuni kemuni na tui, na nomuni vakasama a curuma na vuniyalomuni, me baleta na veika e na yaco e na gauna maimuri; ia o koya e dau vakatakila na ka vuni, sa na mai vakatakila vei kemuni na veika e na yaco maimuri. 30 Ia e na vukuqu, na veika vuni oqo  a sega ni vakaraitaki vei au baleta ni tiko vei au na vuku se niu uasivi cake mai vei ira na vo ni tamata bula,  ia baleta ga ni vinakati  me vakatakilai na kena ibalebale me rawa ni kila na tui, moni qai rawa kina ni kila na nanuma ni lomamuni.

31 ¶ O kemuni, kemuni na tui, oni a vakararai tiko, oni qai raica e dua na matakau vakaitamera, na kena iserau e uasivi vakaoti, ni duri tu e matamuni; ka vakadomobula na kena irairai. 32 Na ulu ni matakau qo e buli mai na koula savasava vakaoti, na serena kei na ligana e buli mai na siliva, na ketena kei na sagana mai na barasa, 33 Na temo ni yavana e kaukaumea, ia na yavana e buli mai na kaukamea veiwaki kei na soso. 34 Oti oni a qai raica e dua na vatu, e sega ni buli e na liga, ni a lutuka na matakau e na yavana buli mai na kaukaumea veiwaki kei na soso, qai vorolaka vakamatailalai. 35 Oti era qai kakavorovoro vata kece vakadua na kaukamea, na barasa, na soso, na siliva kei na koula, qai yaco me ra tautauvata na qaniwiti e na buturara ni samusamu e na vula ikatakata; e dua na cagi kaukaua e a cagini ira laivi, ka sega tale ni dua na vanua me ra kune kina; ia na vatu a lutuka na matakau, a qai tubu me dua na  ulunivanua levu, qai roboti vuravura vakadua. 36 Qori na tadra; ia laiva meu tukuna na kena ibalebale vua na tui.

Taniela (Dani’yl) 2:24-36

Me vaka na laione kudrukudru kei na bea cudrucudru, e vaka kina na dau ni vakavulewa vei ira na dravudravua dau ivakarau vakasisila. 16 ¶ Na daunivakavulewa e lailai vua na yalomatua e na levu talega vua na  veivakasaurarataki; ia o koya e cata na veivakacalai e vakabalavutaka na nona bula

Vosa Vakaibalebale (Mishlei) 28:15-16.

KAF

81 Na noqu bula (soul) e gadreva na nomuni veivakabulai, kau sa vakanuinui tiko e na nomuni vosa. 82 Na mataqu sa waraka tiko na nomuni vosa, e na gauna oni na vakacegui i au kina. 83 ¶ Baleta niu vosota na rogorogo ca; ia au sega ni guilecava na nomuni ilesilesi. 84 ¶ E vica beka na nona veisiga na nomuni dauniveiqaravi? E na gauna cava beka oni na vakataulewa kina vei ira era dau vakacacani au? 85 ¶ O ira na viavialevu era sa kelia e dua na qara e na vukuqu, e sega ni veidutai kei na nomuni ivunau. 86 Na nomuni ivakaro kece era rawa ni nuitaki; ia o ira na viavialevu era vakacacani au ga. 87 A voleka sara ni vakarusai au e dela i vuravura; ia au sega ni vakanadakuya na nomuni vunau. 88 ¶ Ni vakaukauataki au me veiraurau kei na nomuni yalololoma; meu rawa ni bula muria na vosa mai gusumuni.

LAMED

89 ¶ Oni tawamudu o kemuni i Yahuwe (YHWH) na nomuni vosa era vakataudeitaki tu mai lomalagi.90 A nomuni lomadina baleti ira na itabatamata kecekece sara: oni a vakataudeitaka na vuravura, ka se tu ga: 91 E se tu ga e na siga edaidai me vaka na nomuni lewa; baleta na ka kece sara era nomuni dauniveiqaravi. 92 ¶ Keu a sega ni dau taleitaka na nomuni Toraa (Torah), keu a sa rusa e na noqu vakararawataki.  93 ¶ Au na sega vakadua ni guilecava na nomuni ivakaro, baleta ni ra ka ni bula kecekece vei au. 94 ¶ O au, au nomuni, vueti au; Baleta au dau bula muria na nomuni ivunau. 95 ¶ O ira na ca era vakamuri i au, me ra vakarusai au; ia au kila vinaka na nomuni ilesilesi. 96 ¶ Au sa raica na tawayaga ni veika kece ga; ia na nomuni lawa e sega na kena iyalayala.

Same (Tehellim) 119:81-96

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
329 Blog No. 1469	November 26, 2011.
Reading	Hebrew Date
Isikeli (Yechezk’yi) 36-37	Cheshvan 29, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Dani’yili Kei Ratou Na Nona Icaba (Dani’yl And His Companion)

Thoughts: No Matter What The Odd, Trust In YHWH

 .......................

Serving For Yom HaShee Shee, Chesvan 28, 5772

E na ikatolu ni yabaki ni veiliutaki nei Yo'hoyakimi na tui Ya'huda, e a lako mai kina o Ne'vukadanesa na tui Bavela, i Yerushalayimi, qai mai bukia na kena druadrua.  2 O Yahuwe (YHWH) a qai solia i ligana, vata kei Yo'hoyakimi na tui Ya'huda, kei na iyaya ni vale ni Kalou (Mighty One), qai kauta kece o koya i na vanua o Shai'na, i na vale ni nona  kaloumatakau (elohim); qai kauta na iyaya i loma ni vale ni iyau ni nona kaloumatakau (elohim). 3 A qai vosa na tui vei Ashapa'naza na nodra iliuliu na Iunuku, me kauta mai eso vei ira na luve i Isira'yili, oya mai na matavuvale ni tui, kei ira na kawa turaga;  4  Na gonetagane e sega ni veiwaki na nodra dra, totoka na kedra irairai,  yalomatua e na vuku kece sara, toka vinaka e na kilaka, lomamacala e na vulici ni kabula, ka maqosa ni ra mai tiko e na valenitui me ra veiqaravi vua; ka na rawa ni ra vakavulici e na na nodra ivola kei na nodra matuavosa na Kasidimi. 5 Na tui a qai tauca na lewa, me dua na kedra iwasewase mai na kena kakana talei na tui kei na waini e dau gunuva o koya e veisiga: me vakabulabulataki ira tiko kina  me tolu na yabaki, oti me ra qai mai tu e na mata ni tui. 6 E na kedra maliwa o ira qo, e a tiko e vica era kawa i Ya'huda, oya o Dani'yili, o Hananaya, o Misha'yili vata kei Azaraya; 7 A qai vakayacani iratou, na nodra iliuliu na Iunuku; o Dani'yili me sa  yacana o Beleti'shata'zara, o Hananaya me o Shadadraka, o Misha'yili me o Meishake vata kei Azaraya me o Avede-Ne'qo.

8 ¶ Ia o Dani'yili e a vakatulewataka e lomana ni na sega ni kania na kena kakana talei na tui se gunuva na waini e dau gunuva o koya; qo a qai kerea kina vua na nodra iliuliu  na iunuku me kakua ni vakasaurarataki koya me kania. 9 Na Kalou (Mighty One) a solia vei Dani'yili na loloma kei na veikauwaitaki e matana na iliuliu na Iunuku. 10 Kaya na nodra iliuliu na Iunuku vei Dani'yili, Au rerevaka na noqu turaga na tui, o koya a vakataulewa mai me baleta na kemu kakana kei na memu  gunu; baleta ke raica na matamu o koya ni sega so ni bulabula vinaka me vakataka na matadra o ira na gone tagane oni tabavata, na tui sara ga e na tauca na lewa meu kuna. 11 Kaya o Dani'yili vei Menezara, o koya e a lesi mai vua na nodra iliuliu na Iunuku me qaravi ratou o Dani'yili, o Hananaya, o Misha'yili vata kei Azaraya, 12 Vakatovolei keitou na nomu dauniveiqaravi me tini na siga; laiva vei ira me ra solia ga vei keitou na kakana mai na iteitei me keitou kania, vata kei na wai me keitou gunuva. 13 Oti me qai mai dikevi na keitou irairai kei na kedra irairai na matadra na vo ni gonetagane era dau kana mai na kena kakana talei na tui; na ka ga o raica mo qai vakatulewa kina. 14 Sa qai vakadonuya vei iratou na ka oqo, qai vakatovolei ratou me siga tini. 15 Ni oti na ikatini ni siga, a qai raica na kedratou irairai ni rama ka bulabula cake mai vei ira na vo ni gonetagane era a kana tiko mai na kena kakana talei na tui. 16 Qori a qai kauta tani kina o Menezara na kedratou ivotavota ni kakana kei na waini; qai solia vei iratou na kakana mai na iteitei.

Taniela (Dani’yl) 1:1-15

E kalougata na tamata e dau rere tu ga e veiveigauna, ia o koya e vakaukauataka na vuniyalona e na lutu i na ivalavala ca.

Vosa Vakaibalebale (Mishlei) 28:14

TET

65 ¶ Oni dau caka vinaka vua na nomuni dauniveiqaravi i Yahuwe (YHWH), me vaka na nomuni vosa. 66 Vakatavulica vei au na lewa vinaka, na yalololoma kei na kilaka; baleta au vakabauta na nomuni ivunau. 67 ¶ Ni se bera mada ga niu vakamalumalumutaki; au a sa dau vakabauta, kau sa dau bula muria tu na nomuni vosa. 68 ¶ O kemuni oni vinaka i Yahuwe (YHWH) ka dau caka vinaka; vakatavulica vei au na nomuni ilesilesi. 69 ¶ Na nodra lewa ca na viavialevu sa tubu cake; ia au na bula muria tiko ga na nomuni ivakaro e na vuniyaloqu taucoko.

70 ¶ Na vuniyalodra e babamatua; ia o au, au bula muria na nomuni lawa. 71 ¶ E ka vinaka dina vei au niu a vakamalumalumutaki; meu rawa kina ni vulica na nomuni ilesilesi. 72 ¶ Na lawa mai na tebenigusumuni e vinaka cake vei au, mai na udolu na veika koula kei na siliva.

YOD

73 ¶ Na ligamuni e a buli i au ka tuvatuvai i au vata: vakatavulica vei au na nomuni vunau. 74 ¶ Me rawa kina vei ira era rerevaki kemuni me ra raica era qai vakamuduo; baleta niu vakanuinui i na nomuni vosa. 75 ¶ Au kila, i Yahuwe (YHWH), ni donu na nomuni lewa, ka kila ni oni a vakamalumalumutaki au e na nomuni yalodina. 76 ¶ Laiva, au masuti kemuni, na nomuni yalololoma ni veikauwaitaki me vakacegui au, me vaka na nomuni vosa vua na nomuni dauniveiqaravi.

77 Laiva na veikauwaitaki kei na loloma levu me yacovi au mai, meu rawa ni bula; baleta au sa vakatavulici e na nomuni lawa. 78 ¶ Laivi ira na viavialevu me ra madua, baleta era vakararawataki au vakalawakica; ia au sa vakasamataka tiko na nomuni ivunau. 79 Laivi ira era dau rerevaki kemuni me ra vuki mai vei au, ka vaka kina o ira era kila na nomuni ivakavuvuli. 80 Laiva na vuniyaloqu me vakasamataka na nomuni ilesilesi meu kakua kina ni madua.

Same (Tehellim) 119:65-80

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
328 Blog No. 1468	November 25, 2011.
Reading	Hebrew Date
Isikeli (Yechezk’yi) 34-35	Cheshvan 28, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Wai Bula (The Living Water)

Thought: Yahweh Keeps His Promises If We Keep Ours

 ......................

Serving For Yom Khah MeeShee, Chesvan 27, 5772

Oti qai kauti au tale o koya i na katuba ni valenisoro; ka raica, ni drodro sobu  tiko mai na wai, mai na  ruku ni yasa ni valenisoro, e na yasa ni icabocabo ni soro e na ceva. 2 E kauti au tale mai o koya, meu curu mai na matamata e na vualiku, qai tuberi au yani e na sala i tautuba i na matamata ni lomanibai e vakanamata tu vaka i na vuaicake; ka raica na wai e coka tiko mai na ruku ni yasa imatau ni valenisoro. 3 A toso yani na tamata e tiko e ligana  na wa ni vakavakarau; qai vakarautaka e e duanaudolu na kiubiti oti qai kauti au mai meu taubale i loma ni wai; na wai a yacova cake na noqu qurulasawa. 4 Oti a baci vakarautaka tale e duanaudolu na kiubiti, qai cakava meu taubale mai e loma ni wai; na wai sa qai yacova cake na duruqu. E se baci vakarautaka tale o koya e duanaudolu na kiubiti qai cakava meu taubale mai e loma ni wai, qo na wai sa qai yacova na toloqu. 5 E muri sa qai vakarautaka tale o koya e dua na udolu kiubiti; qo sa dua sara ga na uciwai e sega ni dua e rawa ni takosova e yavana; baleta na wai sa tubu levu ka titobu, ka sa coka sara tikoga kina na wai, sa na sega ni rawa ni taubaletaki. 6 Kaya vei au o koya, Luve ni tamata, o raica beka na uciwai oqo? A qai kauti au mai o koya qai cakava meu dabe e na bati ni uciwai. 7 Ia niu sa dabe sobu, au qai raica  e na bati ni uciwai ruarua ni ra tubu tu kina e levu na vunikau, e na batini wai e dua kei na batini wai kadua. 8 Sa qai kaya vei au o koya, Na wai qo, e drodro tiko vaka i na yasayasa vaka i na vuaicake, e na lai drodro sara yani  vaka i na Aravah, ka yaco sara i waitui; e na qai lai veiwaki kei na wai mate,  e  na qai vakadranutaka. 9 E na qai yaco ni veika bula kece era veiqaloyaki tu e na vanua kece e drodro kina na uciwai, era na bula. Sa na levu na ika baleta na wai e drodro tiko yani  me vakadranu taka na wai. 10 E na qai yaco, ni ra na tuvani e batibatina na gonedau, me tekivu mai Eini-Qedi ka yala sara i Eini-Eqelaimi; e na yaco me vanua ni vakasasautaki lawa, e na levu na veimataqali ika e na kune kina, me vaka na ika mai na wasawasa levu, e na vakaitamera na kena ilevu. 11 Ia na wai e na kena  ni veitoevu kei na gusuna e sega ni dranu, ia e na yaco me tuituina.  12 Ia e na yasa ni uciwai, e na batibatina ruarua e na yasana oqo kei na yasana kadua, era na tubu tu kina na veimataqali vunikau ni kakana, na draudra era na sega ni mira, na vuadra talega e na sega ni lulutu bera; ia e na itekivu ni veivula era na tekivu vua tale kina, baleta na wai e vakasuasuataki ira tiko e drodro mai na  loqi ni tataqomaki; na kena vuata e na dau laukana kei na draudra era na ka ni veivakabulai. 13 Qori a qai kaya kina vakaoqo o Yahuwe na Sau (Sovereign YHWH); Qo na iyalayala o na wasewasea kina na vanua e na kedra maliwa  na veimataqali i Isira'yili e tinikarua; o Yosefa me na rua na kena ivotavota. 14 Oni na dui taukena vata kece, na tamata yadudua, na vanua au a bubuluitaka e na gauna au a laveta cake kina ligaqu, niu na solia vei ira na tamamuni; na vanua oqo me na wasewase e na kemuni maliwa me nomuni ivotavora vakaitaukei.

Isikeli (Yechezk’yl) 47: 1-28

Ni ra sa kaukaua na tamata yalododonu, e na ka levu na qoroqoro; ia ni ra tubu cake me ra vakavulewa na vakasisila, na veidokai sa na guce. 13 ¶ O koya e vunitaka na nona talatalai dredre e na sega ni vutuniyau (prosper): ia o koya e vakatusa na nona ivalavala ca qai veikalikali kaya, na Kalou (Mighty One) e na yalololoma vua.

Vosa Vakaibalebale (Mishlei) 28:12-13

ZAYIN

49 ¶ Nanuma na nomuni vosa vei ira na na nomuni dauniveiqaravi, oni sa  vakavuna vei au meu vakanuinui kina. 50 ¶ O ira na qaciqacia era sa vakacacani au vakalevu, ia au sega ga ni vuki tani mai na nomuni Tora. 52 ¶ Au dau nanuma na nomuni lewa mai na gauna makawa, i Yahuwe (YHWH); au sa dau vakacegui kina; era sa yaco me ra ka ni veituberi vei au. 53 ¶ Na domobula sa bikai au, baleti ira na vakasisila era dau vakanadakuya na Tora. 54 ¶ Na nomuni ilesilesi era noqu sere e loma ni vale niu vulagi tiko kina.  55 ¶ Au sa nanuma tiko na yacamuni, i Yahuwe (YHWH) e na loma ni bogi, kau sa bula muria tiko na nomuni Tora. 56 ¶ Au sa vakacegui tiko baleta niu muria tiko na nomuni ivakavuvuli.

CHET

57 ¶ Na cakacaka i Yahuwe (YHWH) au dau vakananuya, meu rawa ni bula muria na nomuni vosa. 58 ¶ Au kerea na nomuni veikauwaitaki e na vuniyaloqu taucoko; vakabulai au me vaka na nomuni vosa. 59 ¶ Au vakasamataka na noqu ivalavala, au qai vagolea na yavaqu  i na nomuni gaunisala. 60 Au vakarautaki au vakataki au, au qai sega tale ni tu vakasuka mai na noqu muria na nomuni ivunau (mitzvot). 61 ¶ Na ilala daucakacala era tu vakavolivoliti au; ia au sega ni muri tani mai na nomuni lawa (Torah). 62 ¶ E na bogilevu tutu au duri cake meu  vakavinavinaka vei kemuni, baleta na nomuni lewa dodonu. 63 Au dua vei ira na nodra itokani o ira kece era dau rerevaki kemuni, kei ira kece era dau bula muria na nomuni ivakaro. 64 ¶ Na vuravura i Yahuwe (YHWH), e sinai vutuvutu e na nomuni yalololoma;vakatavulici vei au na nomuni lesilesi (statutes).

Same (Tehellim) 119:49-64

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
328 Blog No. 1468	November 24, 2011.
Reading	Hebrew Date
Isikeli (Yechezk’yi) 32-33	Cheshvan 27, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.