Vakacacani O Yerushalayimi (Yerushalayim Destroyed)

Thought: Y’hudah Taken Captive By King N’vukhadnetzer And His Army

 .................

Serving For Yom Sheini, Tevet 18, 5773

MAI NA NEVI’IMI RISHONIMI (FROM THE NEVI’IM RESHONIM)

E a qai yaco e na ikaciwa ni yabaki ni nona veiliutaki vakatui, e na ikatini ni vula, e na ikatini ni siga ni vula, ni a lako cake mai o Ne'vukadaneza, na tui Bavela, o koya kei ira na lewe ni nona mataivalu me ra mai kabai Yerushalayimi, era qai mai keba vakaivalutaka ka tara na suva ni ivalu wavolivolita. 2 A mani tuvaivalutaki tiko na korolevu me yacova na ikatinikadua ni yabaki i Tui Zidikiyahu. 3 E na ikaciwa ni siga ni (ikava) ni vula, sa qai waromisa sara ga na dausiga e loma ni korolevu, ka sa sega na kakana me ra kania na lewe ni vanua. 4 Na korolevu a qai viribotei; o ira na tamata kece ni vala era qai veidroyaki e na kena bogi, vaka e na matamata e toka e na tadrua ni lalagabai, e toka mai na yasa ni nona iteitei na tui (ia o ira na Kasidimi era sa tu wavolivolita na korolevu) era sa mani taka ga vaka i na bucabuca o Arabaa. 5 Ia na nodra mataivalu na Kasidimi era qai cicimuria na tui, era qai lai toboki koya e na bucabuca mai Yeriko: o ira na lewe ni nona mataivalu era sa toso veisebayaki mai vua. 6 Era mani vesuka mai na tui, era qai kauti koya vua na tui Bavela mai Rivilaa; o koya a qai vakatulewataki koya. 7 Na tui Bavela a qai vakamatei iratou na luvetagane i Zidikiyahu ni rai tu o koya, oti era qai vakamatabokotaka na yaloka ni mata i Zidikiyahu, era  vesuki koya e na ivesu barasa, ka kauti koya i Bavela.

8 ¶ E na ikalima ni vula, e na ikavitu ni siga ni vula, oya na ikatinikaciwa ni yabaki i Ne'vukadaneza, na tui Bavela, a qai lako mai i Yerushalayimi o Ni'vuzana'adani, na nodra komada na matayadra, e dua na dauniveiqaravi vua na tui Bavela; 9 O koya a qai vakama na vale i Yahuwe (YHWH) vata kei na vale ni tui; na vale kecekece sara e Yerushalayimi kei na nodra vale kece sara na ravouvou e a vakama e na bukawaqa. 10 O ira na lewe ni nodra mataivalu na Kasidimi era ilala vata kei na nodra komada na matayadra, era a qai talaraka sobu na lalagabai wavolivoliti Yerushalayimi. 11 O ira na  vo ni tamata era a tiko voli ga e loma ni korolevu, vata kei ira era liumuri me ra sa lai to mai vata kei na tui Bavela, kei ira era vo vei ira na lewe vuqa, o Ni'vuzana'adani na komada ni matayadra, e a yauti ira kece vakadua i Bavela. 12 Ia na nodra komada na matayadra a biuti ira tu ga mai eso vei ira era  dravudravua sara e loma ni vanua me ra  qarava tu mai na loga ni veivaini ka ivakatawa talega ni veiwere. 13 Na duru barasa era (a dau) tu e na vale i Yahuwe (YHWH), kei na itutu ni taqi, kei na taqi barasa levu era tu e na vale i Yahuwe (YHWH), era a vorolaka na Kasidimi, era qai yauta na barasa i  Bavela.

M’lakhim Bet (2 Tui) 25:1-13

NA IVAQA NI BULA (FOOD FOR THE SOUL)

Na kaukaua kei na dokai e nona isulu; o koya e na sota kei na reki e na gauna maimuri. 26 E na dolava na gusuna e na vuku; e yamena e toka kina na lawa ni dauyalololoma. 27 Na itovo e na loma ni nona matavuvale e sega ni vakalewai rawa, ka sega ni kania na na kakana ni vucesa. 28 O ira na luvena era mata cake era qai vakatokai koya ni kalougata; o watina tagane e dau vakacaucautaki koya. 29 E levu na luveyalewa (daughters) era yaco me ra vutuniyau, ia o iko o siviti ira kece vakadua. 30 Na saweka e veivakacalai kei na dinamati e ka ga ni vakarairai; ia na yalewa e rerevaki Yahuwe (YHWH)  e na vakacaucautaki: 31 Solia vua na vua ni cakacaka ni ligana; ka laiva na nona cakacaka o koya vakataki koya, me vakacaucautaki o koya e na matamata.

Mishlei (Vosa Vakaibalebale) 31:25-31

LOMANI YAHUWE NA NOMU KALOU (LOVE YHWH YOUR MIGHTY ONE

HALELUYA. Vakavinavinakataka na Kalou (Mighty One) e na loma ni nona itikotiko tabu; Vakavinavinakataki koya e na macawa ni nona kaukaua. 2 Vakavinavinakataki koya e na vukuni cakacaka lelevu sa cakava oti; Vakavinavinakataki koya e na daumaka ni nona cecekia. 3 Vakavinavinakataki koya e na voqa ni domo ni biukila: vakavinavinakataki koya e na soliteri kei na hapi. 4 Vakavinavinakataki koya e na tibereli kei na ivakatagibitu vata kei na rogo kamica ni ivakatagi vakawa ni qiriqiri. 5 Vakavinavinakataki koya e na simibali rogo levu; vakavinavinakataki koya e na lagalagasere ni lewevuqa. 6  Laiva na veika kece vakaicegu me ra vakavinavinakataki Yahuwe (YHWH). Haleluya!

Tehellim (Same) 150:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 365 o/o 1825	December 31, 2012
Reading	Hebrew Date
Divrei HaYamim Alef ( I Chronicles) 25-26	M #9: Tevet 18, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Kau Vakabobula o Ya’huda (Y’hudah Taken Captive)

Thought: YHWH Himself Engineered The Removal Of Y’hudah

.................... 

Serving For Yom Rishon Tevet 17, 5773

MAI NA NEVI’IMI RISHONIMI (FROM THE NEVI’IM RESHONIM)

E na nona gauna, o Ne'vukadaneza na tui Bavela, a qai kabavanua mai, qai yaco kina o Yo'hoiyakimi me nona dauniveiqaravi me tolu na yabaki; ia a qai vuki me talaidredre vua. 2 O Yahuwe (YHWH) a qai vakauqeti  ira na ilala ni kabavanua ni Bavela, ni Arama (Edomi), ni  Moa'vi, vata kei ira na luve i 'Amoni; qai talai ira i  Ya'huda me ra lai vakarusa, me vaka na vosa i Yahuwe (YHWH) e a cavuta o koya e gusudra na parofita. 3 E sega ni vakataraitutu ni nona lewa o Yahuwe (YHWH) sa mai yaco kina na veika oqo vei ira na Ya'huda, me ra kau laivi kina mai matana, baleta sara ga na ivalavala ca i Ma'nashe, me vaka na veika kece sara a vakayacora o koya; 4 Vata kei na dra tawacala a vakadavea o koya; ka ni a vakasinaiti Yerushalayimi o koya e na dra tawacala; ia o Yahuwe (YHWH) a sega vakadua ni via vosota na veika oqo. 5 Na vo ni cakacaka i Yo'hoiyakimi kei na veika kece a vakayacora, raica era volai kece tu e na ivola ni nodra veigauna na  tui Ya'huda? 6 O Yo'hoiyakimi a qai moce lutu vata kei ira na tamana; o Yo'hoiyakini na luvena tagane a qai veiliutaki vakatui me kena isosomi. 7 Na tui Ijipita a sega tale ni biuta mai na nona vanua; baleta na tui Bavela a sa taura vakadua na veika kece era tu mai na uciwai ni Ijipita vakadua i na uciwai na Uferetisi, na veika era a dau taukena tu na tui Ijipita.

8 ¶ O Yo'hoiyakini a sa yabaki tinikawalu tiko e na gauna a tekivu kina me veiliutaki vakatui, a qai veiliutaki vakatui mai Yerushalayimi o koya, me vula tolu. Na yaca i tinana o Nehushuta, na luveyalewa i Yilainatani mai Yerushalayimi. 9 O koya a dau vakayacora na veika e sega ni kilikili e na rai i Yahuwe (YHWH), me tautauvata ga kei na veika kece era a dau vakayacora na tamana. 10 E na gauna oya o ira na dauniveiqaravi i Ne'vukadaneza na tui Bavela, era qai lako cake me ra lai kabai Yerushalayimi ka tuvaivalutaka na korolevu. 11 O Ne'vukadaneza na tui Bavela, a cabeta yani na korolevu e na gauna era tuvaivalutaka tiko kina o ira na nona dauniveiqaravi. 12 O Yo'hoyakini na tui Ya'huda a qai curu mai ituba me mai tavaka na tui Bavela, oya o koya vata kei tinana, o ira na nona dauniveiqaravi, na nona ravouvou, kei ira na nona vakailesilesi; na tui Bavela a qai vesuki koya e na ikawalu ni yabaki ni nona veiliutaki vakatui. 13 E na gauna oya, e a kauta laivi mai keya na iyau kecekece mai na vale i Yahuwe (YHWH) kei na iyau mai na vale ni tui; oti qai vurulaka vakamatailalai na iyaya koula kece e a bulia o Sholomo na tui Yisira'yili me iyau ni vale i Yahuwe (YHWH), me vaka sara ga na vosa a kaya o Yahuwe (YHWH). 14 A qai kauti ira laivi vakadua na kai Yerushalayimi bau kina o ira na ravouvou, o ira na tamata lelevu ka qaqa; oya e tininaudolu vakadua na  bobula, kei ira kece na matai, kei na matai ni kaukamea; e a sega tale ni vakavotaka mai e dua, vakavo ga o ira era dravudravua sara ga vakaca. 15 E kauti Yo'hoiyakini i Bavela; bau kina na tinana na tui, o ira na watina na tui, o ira na nona vakailesilesi, kei ira na ravouvou ni vanua me kauti ira vakabobula mai Yerushalayimi i Bavela. 16 O ira kece na tamata qaqa ni mataivalu, e vitu na udolu, kei ira kece na matai kei na matai ni kaukaumea, era le dua na udolu, o ira kece era kaukaua ka ra sa vakatavulici tu e na iwalewale ni vala, na tui Bavela e kauti ira kece vakavesu i Bavela. 17 Oti oya, na tui Bavela a qai lesi i  Matanaya, na vugona na tui, me veiliutaki vakatui me kena isosomi; oti qai vukica o koya me sa yacana o Zidikiyahu. 18 O Zidikiyahu e a yabaki ruasagavulu ka dua tiko e na gauna a tekivu kina me veiliutaki vakatui, a qai veiliutaki vakatui o koya me tinikadua na yabaki mai Yerushalayimi. Na yaca i tinana o  Hamutali, na luveyalewa i Yiremeyahu mai Livina. 19 A vakayacora o koya na veika e sega ni kilikili e na rai i Yahuwe (YHWH), me tautauvata kei na veika a vakayacora o Yo'hoiyakimi. 20 Na leva i Yahuwe (YHWH) a tau saqati Ya'huda vata kei Yerushalayimi, me yacova sara ni ceburaki ira laivi mai vua, ia o Zidikiyahu a qai talaidredre vua na tui Bavela.

M’lakhim Bet (2 Tui) 24:1-20

NA IVAQA NI BULA (FOOD FOR THE SOUL)

O cei e rawa ni kunea e dua na yalewa yalomatua? Baleta na kena isau e levu cake sara mai na rubi. 11 Na vuniyalo i watinatagane e rawa ni nuitaki koya, na nona ivakarau ni kakana e na sega vakadua ni lailai. 12 E dau caka vinaka tu ga vua, ka na sega ni caka ca vakadua e na dela ni nona bula taucoko o koya vakataki koya, 13 E na vaqara na vutinisipi kei na lineni, qai dau makututaka me cakacakataka na ligana.14 O koya e tautauvata kei na dua na waqa ni usa kako, ka ni dau kauta mai na nona ivoli mai na veivanua mai vavalagi; 15 E dau sou e na mataka caca ni se butobuto tu, ka soli kakana vei ira na lewe ni nona matavuvale, oti qai dau wase cakacaka talega vei ira na nona vada. 16 E na vakasamataka e dua na tikiniqele, oti qai volia: mai na vua ni ligana e na tea e dua loganivaini: 17 E na vauca na tolona e na kaukaua, qai vakaukauataka na ligana. 18 E kilakasamata o koya ni daumaka vakaoti na nona ivoli; na nona icina e na sega vakadua ni boko e na bogi taucoko. 19 E dodoka yani na ligana vakavuku, qai biuta na ligana e na misini ni caka isulu, 20 E dodoka na ligana vei ira na dravudravua; io, e dodoka yani na gau ni ligana vei ira era gadreva na veivuke. 21 O ira na lewe ni nona matavuvale era sega ni domobulutaka na uca-cevata, baleta o ira kece era dara tu na isulu damudamu. 22 E talia o koya na itutuvi e tali vakamatau me nona; na nona isulu na lineni matailalai kei na lokaloka. 23 O watina tagane e kilai levu e loma ni korolevu, e na gauna me dabe tiko kina e kedra maliwa na qase ni vanua. 24 E talia na isulu lineni matailalai, me volitaka; qai vakauta na beleti (girdles) vei ira na dauniveivoli.

Mishlei (Vosa Vakaibalebale) 31:10-24

LOMANI YAHUWE NA NOMU KALOU (LOVE YHWH YOUR MIGHTY ONE

HALELUYA. Lagata vei Yahuwe (YHWH) e dua na sere vou kei na veivakacaucautaki e na loma ni nodra isoqosoqo na digitaki. 2 Laivi Yisira'yili me reki e na vukuna o koya e a buli i koya; laivi ira na lalai ni Zaiyoni me ra mamarau vua na nodra Tui. 3 Laivi ira me ra vakacaucautaka na yacana e na tibareli kei na soliteri; laivi ira me ra lagata na nodra veivakacaucautaki vua e na hapi; 4 O Yahuwe (YHWH) e dau marautaki ira na nona tamata; e sa solia na veivueti vei ira na dravudravua. 5 Laivi ira na yalododonu me ra vakaitamera e na dokai; laivi ira me ra vakavinavinakataki koya e na nodra loga.

6 ¶ Laiva me ra vakacerecerei Yahuwe (YHWH) mai gusudra, ni ra qumia tu e ligadra na seleiwau batirua, 7 Me ra vakayacora na veisausaumi vei ira na tawalotu (heathen) ka veitotogitaki vei ira na tamata, 8 Me ra vesuki ira na nodra tui e na ivesu ni yava kei ira na nodra turaga (nobles) e na sinucodo kaukamea; 9 Me ra vakayacora vei ira na itotogi volai; ka vakarokorokotaki ira kece na digitaki. Haleluya!

Tehellim (Same) 149:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 364 o/o 1823	December 30, 2012
Reading	Hebrew Date
Divrei HaYamim Alef ( I Chronicles) 23-24	M #9: Tevet 17, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakanadakui Yahuwe Na Ya’huda (Y’hudah Turned Away From YHWH)

Thought: High Taxes Levied On the People, To Pay Their Masters.

 ...................

Serving For Shabbat Tevet 16, 5773

MAI NA NEVI’IMI RISHONIMI (FROM THE NEVI’IM RESHONIM)

O Yo'ho'akaza a sa yabaki ruasagavulukarua tiko e na gauna  a tekivu kina me veiliutaki vakatui; a qai veiliutaki vakatui me tolu na vula mai Yerushalayimi. Na yaca i tinana o Hamutali na luveyalewa i Yiremeyahu mai Livinaa. 32 O koya a vakayacora na veika a sega ni kilikili e na rai nei Yahuwe (YHWH), me tautauvata ga kei na veika a cakava o ira na tamana. 33 O Fero-Ni'ko na tui Ijipita a kauti koya vakavesu mai Rivilaa, e na vanua o Hamata, me kakua kina ni veiliutaki vakatui mai Yerushalayimi o koya; qai lavaka e na vanua na ivakacavacava  e duanadrau na taledi na siliva kei na dua na taledi na koula. 34 O Fero-Ni'koa a qai buli i Yilaiyakimi na luvetagane i Yoshaiyahu me tui me qai sosomitaki Yoshaiyahu na tamana, oti qai vukica na yacana me o  Yo'hoiyakimi, ia qai kauti Yo'ho'akaza tani, me kauti koya mai i Ijipita, qai mai mate e keya o koya. 35 O Yo'hoiyakimi a qai solia na siliva kei na koula vei Fero; ia a lavaka na ivakacavacava vei ira na lewenivanua me rawata kina na ilavo, me vaka a vakarota vua o Fero; e vakasaurarataka mai na siliva kei na koula mai vei ira na lewenivanua, me vaka era dui rawata na tamata yadua, me solia vei Fero-Ni'ko. 36 O Yo'hoiyakimi a sa yabaki ruasagavulukalima e na gauna a tekivu kina me veiliutaki vakatui, a qai veiliutaki tiko vakatui me tinikadua na yabaki mai Yerushalayimi. Na yaca i tinana o Ze'vuda, na luveyalewa i Pa'dayaa mai Ruma. 37 A vakayacora o koya na veika e tawakilikili e na rai nei Yahuwe (YHWH), me vaka ga era a dau cakava o ira na tamana.

M’lakhim Bet (2 Tui) 23:31-37

NA IVAQA NI BULA (FOOD FOR THE SOUL)

Dolava na gusumu mo cavuta ga na vosa e dina, ka vakatulewataki ira na luvedra tagane na vakasisila. 9 Dolava na gusumu, vakatulewa vakadodonu, ka tokona na nodra ile na dravudravua kei ira era gadreva na veivuke.

Mishlei (Vosa Vakaibalebale) 31:8-9

LOMANI YAHUWE NA NOMU KALOU (LOVE YHWH YOUR MIGHTY ONE

HALELUYA.  Vakavinavinaka vei Yahuwe (YHWH) mai lomalagi; vakavinavinaka vua mai na veivanua cecere. 2 Vakavinavinaka vua, kemuni kece na nona mala’akimi; vakavinavinaka vua, kemuni na nona mataivalu. 3 Vakavinavinaka vua, matanisiga kei na vula: vakavinavinaka vua, kemuni na kalokalo kecekece kei na rarama. 4 Vakavinavinaka vua, na lomalagi ni lomalagi e cake kei na wai e dela ni lomalagi. 5 Laivi ira me ra vakavinavinakataka na yaca i Yahuwe (YHWH); baleta ni a vosa era qai buli. 6 O koya talega e sa vakataudeitaki ira me tawamudu ka tawamudu; e sa vakaduria e dua na lewa e na sega ni tini.

7 ¶ Vakavinavinaka vei Yahuwe (YHWH) mai vuravura, o kemuni na gata lelevu, kei na veika kece e na butoni titobu: 8 Na bukawaqa kei na uca-qereqeqere; na uca cevata kei na waicevata, na cagilaba era vakayacora tiko na nona lewa; 9 Na ulunivanua kei na veidelana kecekece; na kauvuata vuavua i vinaka kei na sitari kecekece: 10 Na manumanu kila kei na manumanu manoa kei na manumanu vakatabana; 11 Na tui kei vuravura kei na tamata kecekece; na turaga kei na turaga ni lewa kecekece kei vuravura: na ravouvou kei ira kece na daunilewa e vuravura; 12 Ruarua na gonetagane kei na goneyalewa; na tagane qase kei ira na cauravou; laivi ira me ra vakacaucautaka na yaca i Yahuwe (YHWH). 13 Baleta na yacana duadua e vinaka vakaoti; na nona dokai e toka e vuravura ka vaka kina mai lomalagi. 14 O koya e vakacerecerea talega na   nodra totoka na nona tamata, na nodra vakavinavinakataki na nona tamata digitaki kecekece; io, bau kina o ira na luve i Yisira'yili, e dua na matatamata era voleka vua. Haleluya.

Tehellim (Same) 148:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 363 o/o 1823	December 29 , 2012
Reading	Hebrew Date
Divrei HaYamim Alef ( I Chronicles) 21-22	M #9: Tevet 16, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Mate O Yoshaiyahu Mai Meqido (Yoshiyahu Dies In Meggido)

Thought: Yoshiyahu Was Righteous Unsurpassed, But YHWH Had To Destroy Y’hudah

......................... 

Serving For Yom HaShishi Tevet 15, 5773

MAI NA NEVI’IMI RISHONIMI (FROM THE NEVI’IM RESHONIM)

E sega tale ni dua vei ira na tui a bula eliu vua, me tautauvata kei koya e na nona vuki me golevi Yahuwe (YHWH) e na vuniyalona taucoko, e na nona bula taucoko, kei na nona kaukaua taucoko, me vaka era volai tu e na lawa i Moshe; a sega talega ni tubu mai muri vua, e dua me tautauvata kei koya. 26 Ia a sega ga ni saumaki tani o Yahuwe (YHWH) mai na katakata vakaitamera ni nona cudru cecekia, e a cudruvi Ya'huda tu kina, baleta na veivakacudrui vakaitamera a vakacudrui koya kina o  Ma'nashe. 27 Kaya o Yahuwe (YHWH), Au na kauti Ya'huda laivi mai mataqu, me vaka na noqu a kauti Yisira'yili laivi, au na kauta laivi talega na korolevu oqo o Yerushalayimi, au a digitaka, vata kei na vale au kaya kina, Na yacaqu e na tiko mai keya. 28 Na vo ni cakacaka i Yoshaiyahu, kei na ka kecekece a cakava o koya, raica era sa volai tu e na ivola ni nodra veigauna na tui Ya'huda? 29 E na gauna oya e a lako cake kina o  Fero Ni'ko na tui Ijipita, me lai valuta na tui Ashuru mai Maboqa e na bati ni uciwai na Uferetisi;  ia o Tui Yoshaiyahu a qai lako cake me lai tavaki koya me valuti koya; ia e na gauna e raici koya kina, a qai vakamatei koya mai Meqido. 30 O ira na nona dauniveiqaravi era qai vakavodoki koya matemate e na dua na qiqi ni vala mai Meqido, era qai kauti koya mai i Yerushalayimi, ka buluti koya e keya e na nona ibulubulu.  O ira na tamata era qai tauri Yo'ho'akaza na luvetagane i Yoshaiyahu, era qai  lumuti koya, ka buli i koya me tui, me isosomi kei tamata.

M’lakhim Bet (2 Tui) 23:25-30

NA IVAQA NI BULA (FOOD FOR THE SOUL)

Na veivosa i Le'mu'yili e dua na tui, ka parofita, a vakatavulica vua o tinana, ni kaya, 2 Isa luvequtagane, isa na luvetagane mai na noqu katonigone, isa na luvetagane ni noqu bubului! 3 Kakua ni solia na nomu kaukaua vei ira na yalewa, se na nomu ivalavala i na nodra sala ni vakasabusabu na tui. 4 Me baleti ira na tui, i Le'mu'yili, qaqarauni mai vei ira na tui era dau gunu waini; kei ira na ravouvou era dau gunuva na gunu kaukaua. 5 De lakolako o gunu, o qai guilecava na lawa, ka kauta vakatani na lewadodonu sa vakaturi no me baleti ira era vakararawataki tu. 6 Laiva na gunu kaukaua me soli vei ira era vakaloloku, kei na waini vei ira e lomabibi tu na vuniyalodra, 7 Me rawa ni ra gunu era qai guilecava na nodra vutugu, ka sega ni nanuma tale na nodra rarawa.

Mishlei (Vosa Vakaibalebale) 31:1-7

LOMANI YAHUWE NA NOMU KALOU (LOVE YHWH YOUR MIGHTY ONE

Haleluya; baleta e ka vinaka me lagati na vakavinavinaka vua na noda Kalou (Mighty One); baleta ni kamikamica; kei na vakavinavinaka e kilikili. 2 O Yahuwe (YHWH) a tarai Yerushalayimi cake; qai soqoni ira vata na Yisira'yili era dui tu tu.3 E vakabulai ira e ramusu tu na yalodra, ka vadretitaka na nodra mavoa. 4 E wilika na kedra iwiliwili na kalokalo, ka dau kacivi ira e na dui yacadra. 5 E vakaitamera na noda Sau, ka vakaitamera na nona lewa (power); na nona kilaka e sega ni vakaiyalayala. 6 O Yahuwe (YHWH) e dau laveti ira cake na yalomanoa (meek); ka vaka loloviratataki ira na daucakaca i dela ni qele. 7 Lagalaga sere vei Yahuwe (YHWH) e na vakavinavinaka; laga sere ni vakamuduo vata kei na hapi vua na noda Kalou (Mighty One), 8 O koya e tabonaka na lomalagi e na o, e solia na uca me tau e vuravura ka  vakatubura na co e na veiulunivanua. 9 O koya e solia vei ira na bulumakau na kedra kakana, ka vaka kina vei ira na luve ni reveni ni ra tagi. 10 E sega ni doka o koya na nodra kaukaua na ose; ka sega ni doka o koya na yava ni tamata qaqa. 11 O YHWH e taleitaki ira era rerevaki koya, kei ira era vakanuinui i na nona yalololorna.

12 ¶ Vakamuduo vei Yahuwe (YHWH) i Yerushalayimi; Vakavinavinaka vua na nomu Kalou (Mighty One) i Zaiyoni. 13 Baleta ni sa vakaukauataka o koya na samugakagaka ni nomu matamata; ka sa vakalougatataki ira na nomuni lalai e na kemuni maliwa. 14 E veivakameautaki e loma ni nomuni vanua, ka vakamamautaki iko e na witi vinaka vakaoti. 15 E tala yani i vuravura raraba na nona ivunau; na nona vosa e  cici vakatotolo dina.16 E solia mai na uca cevata era vaka na vutinisipi; ka ceburaka na tegu cevata me vaka na dravusa. 17 E vakatauca na wai cevata me vaka na meme ni kakana; o cei e rawa ni vosota na kena liliwa? 18 E vakauta yani na nona vosa o koya, me vakawaicalataki ira; e vakavuna na nona cagi me liwa kei na wai me drodro. 19 A tukuna na nona vosa vei Ya'akove, na nona ivunau kei na nona lewa vei Yisira'yili. 20 Ia e sega ni cakava oqori vei ira na veimatanitu kecekece; kei na nona lewa e sega ni bau vakatakila vei ira; Haleluya.

Tehellim (Same) 147:1-20

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 362 o/o 1822	December 28, 2012
Reading	Hebrew Date
Divrei HaYamim Alef ( I Chronicles) 19-20	M #9: Tevet 15, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bokoca Na Lotutaki Matakau o Yoshaiyahu (Yoshiyahu Cancelled Idol-Worship)

Thought: After Many Centuries, Yoshiyahu Caused Y’hudah To Celebrate Pesach

 ...................

Serving For Yom Chamishi Tevet 14, 5773

MAI NA NEVI’IMI RISHONIMI (FROM THE NEVI’IM RESHONIM)

Kena ikuri, na icabocabo ni soro mai Beiti-Yili, kei na veitikina cecere a cakava o Yerovo'ama na luvetagane i Ne'vati, o koya a vakavuna me ra valalava ca na Yisira'yili; ruarua na icabocabo ni soro oya kei na veitikina cecere, o koya e a vakarusa, vakama na veitikina cecere, ka vakavurumemeataka me kuvuniqele qai vakama na kalouyalewa (Asheraa) ni veikau. 16 O Yoshaiyahu a qai veiraiyaki, qai raica na ibulubulu era tu mai keya e na ulunivanua, qai talatala o koya me kauta mai na sui mai na veibulubulu, qai lai vakamai ira e na dela ni icabocabo ni isoro, me vakadukadukalitaka, qo me yaco kina na vosa i Yahuwe (YHWH) a mai tukuna na tamata ni Kalou (Mighty One), o koya a kaya ni na yaco na veika oqo.17 Taroga na tui, Na ivakananumi cava beka qori au raica tu yani qo? Era sauma mai na tagane ni korolevu, Qori na ibulubulu ni parofita ni Kalou (Mighty One), a lako mai Ya'huda, me mai kacivaka na veika sara ga oqo oni sa cakava tiko me baleta na icabocabo ni isoro mai Beiti-Yili. 18 Kaya o koya, Biuti (koya) tu ga; laiva me kakua ni dua na tamata e tosoya na suina. Era sa mani biuta tu ga vakadua na suina, vata kei na suidra na parofita era a lako mai Shomorono, me ra kakua ni vakamai. 19 Na burekalou kece ni kaloumatakau era tu mai na veikorolevu mai Shomorono, na kena era a taraa na tui Yisira'yili era qai vakacudrui Yahuwe (YHWH) kina, o Yoshaiyahu a kauta laivi, qai cakava vei ira na ka vata a cakava o koya mai Beiti-Yili. 20 A vakamatei ira kece na bete ni veitikina cecere, era dau vakama na ka boi kamica e na icabocabo ni isoro, ka vakama talega kina na sui ni tamata, oti qai lesu tale i Yerushalayimi. 21 Na tui a qai vakaroti ira na tamata ni kaya,  Moni matautaka na lakosivia (pesach) vei  Yahuwe (YHWH) na nomuni Kalou (Mighty One), e na kena ivalavala e volai tu e na ivola ni veiyalayalati oqo. 22 E kadina ni a sega ni bau marautaki e dua na lakosivia vaka oqo, mai na nodra veisiga na daunilewa era a dau vakataulewa tu mai Yisira'yili, se e na nodra gauna na tui Yisira'yili se na tui Ya'huda; 23 Ia e na ikatinikawalu ni yabaki i Yoshaiyahu, sa qai marautaki tale e dua  na lakosivia vakaoqo e Yerushalayimi. 24 Kena ikuri, o ira kece na tamata era dauvakacuru, kei ira era dauveinita, kei na ivakatakarakara, na kaloumatakau, kei na veika vakasisila e kune ni dau vakayacori e na vanua o Ya'huda kei na veisaqata ni korolevu o Yerushalayimi, o Yoshaiyahu a kauti ira laivi, me vakayacora kina na veivosa ni ivakaro era volai tu e na ivola a kunea o Hilikiyahu na kohena e loma ni vale i Yahuwe (YHWH).

M’lakhim Bet (2 Tui) 23:15-24

NA IVAQA NI BULA (FOOD FOR THE SOUL)

Mai na uro ni sucu e rawa mai kina na bata, ia kevaka o tabaka vata na ligamu e na dua na sore ni witi, e na drodro tani mai na kena wai; e tautauvata oqori ni yaco na veivakataulewataki mai na veileti.

Mishlei (Vosa Vakaibalebale) 30:33

LOMANI YAHUWE NA NOMU KALOU (LOVE YHWH YOUR MIGHTY ONE

HALELUYA. Vakacaucautaki Yahuwe (YHWH), o iko na noqu bula (soul). 2 Niu bula tiko, au na  vakavinavinaka tiko vei Yahuwe (YHWH); au na lagata na vakamolimoli vua na noqu Kalou (Mighty One), e na veigauna au bula tiko kina. 3 Kakua ni biuta na nomu inuinui vei ira na ravouvou, se vua na luve ni tamata, ka ni sega vei ira na veivukei. 4 Ni sa toso yani na nona icegu, sa suka o koya i na nona kuvu ni soso; e na siga vata oya e na rusa kina na nona vakasama.

5 ¶ E na marau o koya e nona dau ni veivukei na Kalou (Mighty One) i Ya'akove, o koya e toka na nona inuinui vei Yahuwe (YHWH) na nona Kalou (Mighty One), 6 O koya e a buli i lomalagi kei vuravura, na wasawasa kei na veika kece era tu kina; o koya na ivakatawa ni dina me tawamudu; 7 O koya e vakayacora na lewa dodonu e na vukudra era vakasaurarataki tu; o koya e solia na kakana vei ira na walokai. O Yahuwe (YHWH) e sereki ira na kaivesu. 8 O Yahuwe (YHWH) e dolava na matadra na mataboko, o Yahuwe (YHWH) e vakamatacaketaki ira era cuva sobu tu; o Yahuwe (YHWH) e taleitaki ira na yalododonu. 9 O Yahuwe (YHWH) e qaravi ira na dravudravua; e vakani ira na luveniyali kei na yada. Ia na nodra ivalavala na tamata ca e vukica vakatobuicu. 10 O Yahuwe (YHWH) e na vakavulewa me tawamudu, oya na nomuni Kalou (Mighty One) i Zaiyoni, e na veitabagauna kecekece. Haleluya.

Tehellim (Same) 146:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 361 o/o 1821	December 27, 2012
Reading	Hebrew Date
Divrei HaYamim Alef ( I Chronicles) 17-18	M #9: Tevet 14, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bubului O Yoshaiyahu Me Qaravi Yahuwe (Yoshiyahu Swore To Worship YHWH)

Thought: Yoshiyahu Cleaned Up All Articles And Evidence Of Idol Worship

....................... 

Serving For Yom R’vi’i Tevet 13, 5773

MAI NA NEVI’IMI RISHONIMI (FROM THE NEVI’IM RESHONIM)

Na tui a qai talatala, era qai soqo mai kina vua o ira na matua ni Ya'huda vata kei ira mai Yerushalayimi. 2 Na tui a qai lako cake i na vale i Yahuwe (YHWH), vata kei ira na tagane ni Ya'huda vata kei ira era vakaitikotiko mai Yerushalayimi, ka vaka kina o ira na kohanimi, o ira na parofita, kei ira kece na tamata, lalai se lelevu; a qai wilika vei ira e matadra na vosa ni ivola ni veiyalayalati a kune e loma ni vale i Yahuwe (YHWH). 3 Na tui a qai duri tu mai e na yasa ni dua na duru, qai cakava e dua na yalayala e na mata i Yahuwe (YHWH), ni na lako muri i Yahuwe (YHWH), ka taqomaka na nona ivakaro, kei na nona ivunau kei na nona ilesilesi e na vuniyalona taucoko kei na nona bula taucoko, me vakataudeitaka na vosa ni veiyalayalati oqo, e volai tu e na ivola oqo. O ira na tamata era qai vakadonuya talega e na vukudra, na veiyalayalati.

4 ¶ Na tui a qai vakaroti Hilikiyahu na kohena haqadola, o ira na kohena e na ikarua ni vakatagedegede kei ira na ivakatawa ni katuba me ra yauta laivi mai ituba, mai loma ni vale i Yahuwe (YHWH) na iyaya kece era a buli me dau qaravi kina o Ba'ala, o koya na yalewakalou (Asheraa) ni veikau kei ira na kalokalo kece mai lomalagi; o koya a qai vakamai ira kece e na taudaku kei Yerushalayimi, e na veiwere mai Kidroni, oti qai kau na kena dravusa i Beiti-Yili. 5 O koya a qai vakasivoi ira na bete ni sokaloutaki matakau, era a lesi taumada mai vei ira na tui Ya'huda me ra dau vakama na ka boi kamica e na veitikina cecere e na veikoro mai Ya'huda, kei na veivanua vakavolivoliti Yerushalayimi, kei ira talega era dau vakama na ka boi kamica vei Ba'ala, i na matanisiga, i na vula, kei na kalokalo veitosoyaki kei na veikalokalo kecekece ni lomalagi. 6 E laveti ira tani na kalouyalewa (Asheraa) ni veikau mai na vale i Yahuwe (YHWH), i taudaku i Yerushalayimi i na uciwai na Kidroni, qai lai vakamai ira e na bati ni uciwai na Kidroni,  vakavurumemeataki ira me ra kuvu ni qele, qai ceburaka na kena kuvu ni qele  e na dela ni nodra ibulubulu na luvedra na lewe ni vanua. 7 E basuraka na nodra veivale na saqamua-saumi e loma ni vale i Yahuwe (YHWH) kei na nodra veivale na yalewa era dau talia na isulu ni yalewakalou (Asheraa) ni veikau. 8 A lai kauti ira mai na kohanimi mai na veikoro e Ya'huda; e a vakavelavelataka na veitikina cecere era a dau vakama ka boi kamica kina o ira na kohanimi, mai Qevaa vakadua i Bia-Sheva, e basuraka na veitikina cecere e toka e na icurucuru ni matamata i na vale i  Yo'hoshua, na kovana ni korolevu, oya me toka e na liga imawi ni dua na tamata ni curuma yani e na matamata ni korolevu. 9 Ia o ira na bete ni veitikina cecere era a sega ni lako cake i na icabocabo ni soro i Yahuwe (YHWH) mai Yerushalayimi, ia era a sega talega ni kania na madrai sega ni vakaleveni (matzah) vata kei ira na mataveitacini.10 O koya a qai vakacacana na veitikina cecere mai Tofeta, era tu e na buca o  Beni-Hinomi, me kakua kina ni dua na tamata e cakava na luvena tagane se luvena yalewa me vakacabori e na bukawaqa vei Moloka. 11 O koya a qai tarova ka kauta tani na ose era dau vakacabora i na matanisiga o ira na tui Ya'huda, e na icurucuru i na vale i Yahuwe (YHWH), e na yasa ni loqi i Ne'tani-Meleka na vakailesilesi, e toka e na ibili, oti qai vakama na qiqi ni vala ni matanisiga e na bukawaqa.12 Na icabocabo ni soro e toka e dela ni tabavale e cake nei Aka'aza, era a cakava o ira na tui Ya'huda, vata kei na icabocabo ni soro a bulia o Ma'nashe e na rara vakabai ruarua ni vale i Yahuwe (YHWH), e a vurumemeataka sobu na tui, ni talaraka laivi mai keya, qai lai ceburaka na kena kuvuniqele e loma ni  uciwai na Kidroni. 13 Na tikina cecere era tu e na mata i Yerushalayimi, oya e na yasa imatau ni ulunivanua ni Veivakacalai, a tara o Sholomo na tui Yisira'yili me baleti Ashetoreti na nodra yalewakalou na Zaidoni, vata kei Ke'mosha talega, na nodra kaloumatakau na Moa'vi, ka vaka kina vei Milikoma, na nodra kalou matakau na luve i 'Amoni; qo kece e a vakarusai ira o Tui Yoshaiyahu. 14 E vuruvurulaki ira vakamatailalai na vei ivakatakarakara ka musuki ira sobu na veikalouyalewa (Ashereti) ni veikau, qai sosomitaka na nodra dui tikina e na sui ni tamata.

M’lakhim Bet (2 Tui) 23:1-14

NA IVAQA NI BULA (FOOD FOR THE SOUL)

Kakua ni kocokoco mo kakua ni vakalialiani; kakua ni vakani iko vakataki iko e na veika e rawa vakalawaki ca.

Mishlei (Vosa Vakaibalebale) 30:32

LOMANI YAHUWE NA NOMU KALOU (LOVE YHWH YOUR MIGHTY ONE

NA vakavinavinaka i Davide. Au na vakacerecerei kemuni, kemuni na noqu Kalou (Mighty One), na tui; Au na vakavinavinakataka na yacamuni me tawamudu ka sega ni mudu. 2 E veisiga kece au na vakavinavinaka tiko vei kemuni; Au na vakalagilagia na yacamuni me tawamudu ka sega ni mudu. 3 O Yahuwe (YHWH) e vakaitamera, ka dodonu me vakaitamera talega na nona vakavinavinakataki; Na nona vakaitamera e sega ni vakadeuci rawa. 4 E dua na itabatamata e na tukuna na nomuni cakacaka vei ira e dua tale; me vakalagilagia na vakaitamera ni nomuni cakacaka. 5 Au na tukuna na dokai kei na lagilagi ni nomuni sau (majesty), kei na nomuni cakacaka veivakurabuitaki. 6 O ira na tagane era na tukuna na vakaitamera ni nomuni cakacaka veivakurabuitaki, ia o au, au na tusanaka wavoki na nomuni vakaitamera. 7 Era na dau veitalanoataka vakalevu me ra vakananuma na ilevu ni nomuni loloma, o ira na nomuni yalododonu, era na vaqara era qai kunea. 8 O Yahuwe (YHWH) e dauloloma ka dauyalovinaka; e dau berabera me vakacudrui ka vakaitamera vua na loloma. 9 O Yahuwe (YHWH) e vinaka vei keda kece, na nona yalololoma tau malumu e kovuti ira kece na dauniveiqaravi kece sara:

10 ¶ Na nomuni cakacaka kecekece e vakacaucautaki kemuni i Yahuwe (YHWH); o ira na nomuni digitaki era na vakacaucautaki kemuni. 11 Era na vosa vakacaucautaka na dokai ni nomuni matanitu, ka veivosakitaka na nomuni kaukaua; 12 Me ra vakarogoya vei ira na luve ni tamata na nomuni kaukaua kei na dokai ni sau ni nomuni matanitu. 13 Na nomuni matanitu e matanitu tawamudu, na nomuni lewa e na tudei tu e veitabatamata kece sara. O Yahuwe (YHWH) e yalodina e na nona vosa ka yalododonu e na nona cakacaka kece sara. 14 O Yahuwe (YHWH) e na tuberi ira kece sara era lutu, ka vakamatari ira cake o ira era sa cuva sobu tu.15 Na mata kece sara era waraki kemuni; oni na solia na kedra kakana e na kena gauna dodonu. 16 Oni dedeka na ligamuni, oni qai vakaceguya na gagadre ni veika bula kece sara. 17 O Yahuwe (YHWH) e yalododonu e na nona ivalavala kece sara ka yalololoma e na nona cakacaka kece sara. 18 O Yahuwe (YHWH) e tu voleka vei ira kece, era dau kacivi koya e na dina. 19 O koya e na vakayacora na nodra gagadre o ira era dau sokalou vua; o koya talega e na rogoca na nodra tagi qai vueti ira. 20 O Yahuwe (YHWH) e maroroi ira kece era lomani koya, ia o ira era dau valavala ca e na vakawabokotaki ira. 21 Na gusuqu e na cavuta na vakavinavinaka vei Yahuwe (YHWH); laivi ira na lewe (flesh) kece me ra vakavinavinakataka na yacana tabu me tawamudu ka sega ni mudu.

Tehellim (Same) 145:1-21

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 360 o/o 1820	December 26, 2012
Reading	Hebrew Date
Divrei HaYamim Alef ( I Chronicles) 15-16	M #9: Tevet 13, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakatarogi Na Parofita Yalewa (Enquiry Sent To A Prophetess)

Thought: In Kindness, Yoshiyahu Will Die To Prevent His Seeing Y’hudah’s Punishment

 .....................

Serving For Yom Shlishi Tevet 12, 5773

MAI NA NEVI’IMI RISHONIMI (FROM THE NEVI’IM RESHONIM)

E na gauna sa rogoca kina na vosa mai na ivola ni lawa na tui, e a qai basuraka na nona isulu. 12 Na tui a qai vakaroti Hilikiyahu na kohena, Akikama na luvetagane i Shafani, Akibo na luvetagane i Maikayaa, Shafani na vunivola kei 'Asayaa, e dua na dauveiqaravi vua na tui ni kaya, 13 Lako lai vakataroga maivei Yahuwe (YHWH) e na vukuqu vata kei ira na tamata, ka vaka kina e na vukudra  na Ya'huda, me baleta na vosa ni ivola oqo sa qai kune; ka ni sa na ka levu na leva i Yahuwe (YHWH) e caudre tu me baleti keda, baleta o ira na tamada era a sega ni galeleta na vosa ni ivola oqo, me ra vakayacora na ka kece era volai tu kina, me baleti keda.14 A mani lako o iratou o Hilikiyahu na kohena, o Akikama, o Akibo, o Shafani, kei 'Asayaa, vei Huluda na parofita yalewa, na wati i Shalumi na luvetagane i Tikivaa, na luvetagane i Hakasa, o koya e dauqarava na kovate ni isulu; (o koya a vakatikotiko voli mai Yerushalayimi, e na ikarua ni kena iwasewase;) e ratou a qai lai veivosaki vata kei koya.15 Kaya vei iratou o koya, Oqo na ka e kaya o Yahuwe (YHWH) na nodra Kalou (Mighty One) na Yisira'yili, Kaya vua na tamata e talai kemudou mai vei au, 16 Oqo na ka e kaya o Yahuwe (YHWH), Raica, au na kauta mai na ca i na vanua oqo, kei ira kece era vakaitikotiko kina, na vosa kece sara ni ivola, me vaka sa wilika oti na tui Ya'huda, I7 Baleta era sa vakanadakui au, ka ra vakama ka boi kamica vei ira  na kalou  tani (hinder elohim), era qai vakacudrui au e na cakacaka kece sara ni ligadra; o koya oya sa tubu kina na noqu rarawataka na vanua oqo, ka na sega vakadua ni takali rawa.  18 Ia vua na tui Ya'huda, o koya e a  talai kemudou mai mo dou mai vakatataro  mai vei  i Yahuwe (YHWH), oqo na ka mo dou na kaya dina vua, Oqo na ka e kaya o Yahuwe (YHWH) na nodra Kalou (Mighty One) na Yisira'yili, e na vuku ni vosa o sa rogoca; 19 Baleta ni a vakararawataki na vuniyalomu, o qai sautaninini e na mata  i Yahuwe (YHWH), e na gauna o rogoca kina na veika au a kaya me saqata na vanua oqo, kei ira era vakaitikotiko kina, ni ra na yaco me ra na caka me ra laladidi era qai vatonaki (cursed); o qai basuraka kina na nomu isulu, o qai tagitagi e mataqu, o au talega au sa rogoci iko e kaya o Yahuwe (YHWH). 20 Raica, o koya oya, au na kauti iko yani kina vei ira na tamamu, mo na  yaco i na nomu ibulubulu e na vakacegu; na matamu e na sega ni raica na veika ca au na vakayacora i na vanua oqo. O ratou, ratou a qai vakasuka vua na vosa oqo.

M’lakhim Bet (2 Tui) 22:13-20

NA IVAQA NI BULA (FOOD FOR THE SOUL)

E tiko e tolu na ka e vakaturaga na nodra itosotoso, io e va e dau totoka vakaoti na malumu ni nodra veitosoyaki, 30 Na laione, o koya e vakaitamera duadua vei ira na manumanu, e sega ni dau taqaya, se guce mai na mata ni veimanumanu kece tale eso; 31 Na tamatama ni toa e dau veitosoyaki vakadokadoka e kedra maliwa na tinatina ni toa; na metagane e dau liutaki ira na qelenimanumanu; kei na tui, e vosa tiko e na kedra maliwa na lewenivanua.

Mishlei (Vosa Vakaibalebale) 30:29-31

LOMANI YAHUWE NA NOMU KALOU (LOVE YHWH YOUR MIGHTY ONE

MAIVEI Dawide. E vakacaucautaki o Yahuwe (YHWH) na noqu kaukaua, o koya e a vakatavulica na ligaqu me dau vala, kei na iqaqalo ni ligaqu e na veiqedravu; 2 Na noqu idrodro kei na noqu ivakabula; e noqu itataqomaki ka noqu dauniveivukei, vua au biuta tu na noqu  inuinui, o koya e rawai ira na veimatanitu e rukuqu. 3 I Yahuwe (YHWH), na cava na tamata, moni vakilai koya kina? Se na luve ni tamata moni vakasamataki koya kina! 4 Na tamata e vaka wale na cawa; na nona veisiga e vaka wale na iyaloyalo e tavali. 5 Loveca na nomuni lomalagi i Yahuwe (YHWH), ka sobu mai; vosataka na veiulunivanua, era na qai kubou yani. 6 Cokataka yani na yaseyase ka ceburaki ira; vanataka na nomuni gasau ni dakaititi ka vakarusai ira. 7 Dodoka mai na ligamuni mai cake; vueti au mai na wai vakaitamera, mai ligadra na cacalaivi; 8 Era dau cavuta e gusudra na vosa lasutaki; na ligadra i matau ni lasulasu. 9 Au na lagata e dua na sere vou vei kemuni, kemuni na Kalou (Mighty One); e na soliteri kei na iyaya ni qiriqiri wa tini au na lagata na sere ni vakamuduo vei kemuni. 10 O koya sara ga e na solia na veivueti vei ira; o koya e a vakabulai Davide na nona dauniveiqaravi mai na seleiwau mosimosi. 11 Sereki au mai ligadra era ca vakaoti, era dau kaya na vosa lasu mai gusudra, kei na liga imatau, na liga imatau ni veika lasutaki. 12 Me rawa kina vei ira na luvei kemami tagane me ra tubu cake me vaka na veivunikau e na nodra gauna ni cauravou; kei ira na luve i keimami  yalewa, me ra vaka na yalewavou era ukutaki tu e na kena ivalavala e loma ni valenisoro: 13 Kei na neimami lololo me ra na sisinai ka vuabale; kei ira na neimami sipi me ra vakaluvea vakalevu e na neimami gaunisala; 14 Kei ira na neimami bulumakau me ra kaukaua, ka sega ni dua e yava  e na kedra maliwa; me sega na butako, ka me sega na vakaloloku e na neimami gaunisala.15 Era mamarau o ira na tamata e tu vei ira na veika kece oqo; io era na mamarau na tamata, ni nodra Kalou (Mighty One) o Yahuwe (YHWH).

Tehellim (Same) 144:1-15

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 359 o/o 1819	December 25, 2012
Reading	Hebrew Date
Divrei HaYamim Alef 13-14	M #9: Tevet 12, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.