Maivei Mosese Kivei Josua (From Moshe To Y’hoshua).

Thought: Never Forget That Yahweh Cares In Every Way.

....................... 

Serving For Yom Shlee-shee, Adar-Bet 9, 5771

A qai cabe cake o Moshe mai na bucabuca ni vanua o Mo’ave, i na ulunivanua o Nivou, i na dela ni vanua veibasai kei Yeriko. Sa qai vakaraitaka vua na vanua taucoko, o Jiova (Yahweh) mai na vanua taucoko o Qili’ade vakadua i Dani,  2 O Nafitalai taucoko, kei na vanua nei Ifere’imi kei Ma’nashe, kei na vanua taucoko nei Ya’huda, me yaco sara i na  wasawasa na Meditereniyani,  3 E na ceva ni bucabuca o Yeriko, na korolevu ni niuniu, vakadua sara i Ta’Soa.  4 Sa qai kaya vua o Jiova (Yahweh), Oqori na veivanua au a bubuluitaka vei Avarahama, kei Yisake vata kei Ya’akove, niu a kaya, Au na solia vei ira na nomu kawa; au mai vakatara vei iko mo raica e na matamu, ia o na sega ni lako sara kina. 5 ¶ A qai mate e keya o Moshe na italatala i Jiova (Yahweh) e na vanua o Mo’ave, me vaka ga na vosa i Jiova (Yahweh).  6 A buluti koya e na bucabuca ni vanua o Mo’ave, me donui Beiti-Pe’ora; ia e sega ni dua na tamata e kila na nona ibulubulu me yacova mai na siga nikua. 7 O Moshe a yabaki duanadrau ruasagavu e na gauna a mate kina; ia na matana a sega ni bau  buwawa se salulua na kuli ni baluna.

Na IVakarua (D’varim) 34:1-7 

NI sa mate oti o Moshe na italai nei Jiova (Yahweh), sa qai vosa o Jiova (Yahweh) vei Yo’hoshua na luve i Nani, na dauniveiqaravi i Moshe qai kaya,  2 O Moshe na noqu itala sa mate; ia oqo, mo cavu tu, mo qalo kosova na Yadani oqo, o iko kei ira kece na tamata oqo, i na vanua au na solia vei ira, io vei ira na luvei Isira’yili. 3 Na veitikini vanua kece e butuka na qeteqete ni yavamuni, au sa solia vei kemuni, me vaka au a kaya vei Moshe.  4 Me vakatekivu mai na vanua liwa, mai Li’vanoni oqo, me yaco sara i na uciwai levu, o Uferetisi, na nodra vanua kece na Hiti, me yaco i na Wasawasa Levu,  donuya na idromudromu ni matanisiga, sa na iyalayala ni nomuni vanua. 5 E sega e dua na tamata e vorati iko rawa e na veisiga kece o na bula tiko kina: au na tiko vata kei iko, me vaka au a tiko vata kei Moshe: au na sega ni vakaweleweletaki iko se vakanadakui iko.

Josua (Y’hoshua) 1:1-5 

Read The Scriptures (Tanakh) in a Year
Siga (Day)/Blog	Tikinisiga (Date)
74/Blog No. 1214	March 15, 2011.
Reading	Hebrew Date
Na iVakarua (D’varim) 26-27	Adar Bet 9,  5771.
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.