O Jiova E Rai, Vakasama Ka Yavala (Yahweh Sees, Thinks and Acts)

Thought: We Are So Special, That Yahweh Openly Cares For Us

 ...........................................

Serving For Yom Ha Shee-shee, Tevet 24, 5771

Kaya o Jiova, Au sa raica dina mai na nodra rarawa na noqu tamata era tiko mai Ijipita, au sa rogoca talega na nodra tagi, baleti ira na nodra dauniwase cakacaka, kau vakila vinaka na nodra vutugu. 8 Qori au sobu mai kina qo, meu mai sereki ira mai ligadra na kai Ijipita, ka kauti ira laivi mai na vanua oya, i na dua na vanua vinaka ka levu cake, na vanua e dau drodro kina na wainisucu kei na hani; oya i na qele era tawana tiko na Kena’ani, na Hiti, na Emori, na Pirisi, na Hivi kei ira na Yu’vusi.

Lako Yani (Sh’mot) 3:7-8

E na gauna au lomabibi tu kina, era qai sosoqoni vata mera mamarau; io, era sosoqoni vata me ra saqati au, me dua na gauna balavu; ia au qai sega ni kila; 16 E na nodra veivakaisini kei na veivakalialia, era qai vakasequruquru bati mai vei au. 17 I Jiova, au se sota rarawa tu me dua na gauna balavu, vueta na noqu bula (soul) mai na nodra vakacaca; na noqu e duabau, mai vei ira na laione? 18 Au na vakavinavinaka vei kemuni e na loma ni isoqosoqo levu; Au na vakavinavinaka vei kemuni e na kedra maliwa na tamata e lewe vuqa. 19 Laivi ira na kequ meca me ra kakua ni reki e na vukuqu, ka vaka kina vei ira era dau veivakalialiai, era qai sevaki au ni sega na vuna; me ra katarivataka na matadra ia era sega ni vakarokoroko. 20 E na vukudra na yalomalumu kei vuravura, era bukiveretaka na ile ni veivakalolomataki 21 Io, era dolava na gusudra vakarabalevu me baleti au, era qai kaya  A tu, a tu, na mata i keimami sa raica  22 Qori oni sa raica, kemuni na Kalou (Mighty One), kakua ni vagaluya, i Jiova noqu Kalou (Yahweh Mighty One); ni kakua ni yawaki au mai. 23 Ni yavala mai, ni yadra mai, moni mai totaki au, raica na noqu rarawa noqu Kalou (Mighty One), noqu Sau (Sovereign). 24 Lewai au, i Jiova noqu Kalou (Yahweh my Mighty One) e na yavu ni nomuni yalododonu; kakua ni vakatara me ra mamarau e na vukuqu. 25 Ni kakua ni laivi ira mera kaya e vuniyalodra, Eda sa kolotaki koya laivi mai keda maliwa, ka buluti koya oti. 26 Laiva mera madua ka vakidroataki o ira era nuitaka na noqu vakacacani; Laiva me vakaisulutaki e na madua kei na rogorogo ca o ira era vakalevulevui ira vakataki ira, vei au. 27 Laivi ira era marautaka na noqu qaqa me ra kaikaila e na marau kei na reki, io, laiva me ra kaya vakawasoma, O Jiova (Yahweh) me vakacerecerei tiko ga; o koya e ka talei vua na nodra bula sautu o ira na nona tamata;  28 Na yamequ e na tusanaka na nomuni yalododonu kei na nomuni vakasakiti e na loma ni siga taucoko.

Same (Tehellim) 35:15-28

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
365	December 31, 2010
Reading	Hebrew Date
Malachi (Mal’akhi)	Tevet 23,  5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Yaca I Jiova (Yahweh’s Name)

Thought: Lift Yahweh’s Name And Look To Him For A Better Life

Serving For Yom Revee-ee, Tevet 22, 5771

Vueti au mai na gusu ni laione: Vueta na noqu yalomalumu mai vei ira na qaciqacia.

22 ¶ Meu rawa ni vakatusa na yacamuni vei ira na wekaqu: e na kedra maliwa na isoqosoqo, au na vakavinavinakataki kemuni.

Same (Tehellim) 22:21-22

Au na vakavinavinaka vei Jiova (Yahweh) e na veiveigauna kece; Na nona vakamolimolitaki e na dau toka ga e gusuqu. 2 Na noqu bula e na dau dokadokataka Jiova (Yahweh). Laivi ira na yalomalumu me ra rogoca, era qai mamarau. 3 Vakaraibailevutaki Jiova (Yahweh) vei au; laiva meda laveta vata cake na yacana. 4 Au vakasaqarai Jiova (Yahweh), e rogoci au o koya qai vakabulai au mai na noqu veileqa kecekece. 5 Rai vakanamata tiko vua, vakabauti koya, oni na sega ni vakayalolailaitaki. 6 Na tamata dravudravua oqo a kacivi koya; qai rogoci koya mai o koya, qai sereki koya mai na nona veileqaleqa kecekece, 7 Na malakimi (angels) nei Jiova (Yahweh) era mai keba wavoliti ira era dau sokalou vua, me ra dau vueti ira. 8 Tovolea mada mo raica ni o Jiova (Yahweh) e vinaka; e kalougata na tamata e vakararavi vua. 9 O ira na vutuniyau era sa dravudravua ka ra sa walokai: 10 O ira era vaqarai Jiova (Yahweh) e na sega vakadua ni leqa vei ira na ka vinaka.

11 ¶ Lako mai, kemuni na lalai, vakatudaliga mai vei au, au na qai vakatavulici kemuni moni dau vakarokorokotaki Jiova (Yahweh). 12 Evei na tamata e sega ni gadreva na bula kei na ilevu ni siga, me rawa vua me raica e levu tale na veisiga vivinaka? 13 Taqomaka na yamemu mai na ca, kei na tebenigusumu me kakua ni lasu. 14 Vakanadakuya na ivalavala ca ka caka vinaka; vaqara na sautu qai guta mo rawata. 15 Na mata i Jiova (Yahweh) e dau wanonovi ira na yalododonu, na daligana e dolava tu me rogoci ira. 16 Na mata i Jiova (Yahweh) e saqati ira era dau valavala ca, me muduka laivi na nodra nanumi mai vuravura. 17 Ni ra tagi na yalododonu, o Jiova (Yahweh), e na vakabulai ira mai na nodra leqaleqa taucoko. 18 O Jiova e tu volekati ira sa ramusu tu na vuniyalodra; o koya e na vakabulai ira era yalomalumu vakayalo.19 E levu na nona leqaleqa na yalododonu; ia o Jiova e na vakabulai koya mai vei ira kecekece. 20 E maroroya tu na suidra kece sara; e sega vakadua ni dua vei ira e bau ramusu. 21 Na ivalavala ca e na vakamatei ira na tamata ca: O ira era cati ira na yalododonu era na vakarusai. 22 O Jiova (Yahweh) sa volia lesu na nodra bula (soul) o koya e nona dau ni veiqaravi, e sega vakadua ni dua e vakanuinui vua, e na muduki laivi.

Same (Tehellim) 34:1-22

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
363	December 29, 2010
Reading	Hebrew Date
Zechariah (Z’kharyah) 10-12	Tevet 21,  5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Jiova E Noda iTo (Yahweh Is Our Comrade)

Thought: If Yahweh Is For Us Who Can Be Against Us

Serving For Yom Khah Mee-shee, Tevet 23, 5771

Na meca e kaya, Au na veicemuri, au na tobotobo, au na vota na itoki ni valu; na noqu bula (soul) e na tilomi ira; au na ucuna na noqu seleiwau, na ligaqu e na vakarusai ira. 10 Ia oni a vakaliwava na nomuni cagi, qai lomoci ira na wasawasa; era qai dromu me vaka na uma e na wasawasa vakaitamera. 11 O cei e tautauvata kei kemuni, i Jiova (Yahweh) e na kedra maliwa na qaqa? O cei e tautauvata kei kemuni, e na nomuni savasava, dokai kei na vakavinavinakataki, e na nomuni cakacaka veivakurabuitaki? 12 Oni laveta cake na ligamuni imatau, qai tilomi vakadua o vuravura. 13 E na nomuni yalololoma oni a tuberi ira na tamata oqo oni a vueti ira: oni a tuberi ira e na nomuni kaukaua, moni kauti ira i na nomuni itikotiko tabu.

Lako Yani (Sh’mot) 15:9-13

Valataka na noqu i le, i Jiova (Yahweh), vata kei ira era veiqati tiko vata kei au; valuti ira era valuti au tiko. 2 Taura cake na isasabai kei na ivakaruru, ka tucake moni vukei au. 3 Ucuna mai na seleiwau, moni vakalevelevei ira era vakaucacataki au tiko; kaya mai vua na noqu bula (soul) O au na nomu iVakabula. 4 Laivi ira me ra vakasesei ka biuti ira me ra madua o ira era vaqara tiko na noqu bula; laiva me ra saumki laivi ka kau lesu i na veilecayaki o ira era bukia tiko na vere meu sotava na leqa. 5 Laivi ira me ra vaka na qa-ni-sila me ra cacaginagina, ka laivi ira na Mala’aka (angel) i Jiova (Yahweh) me cemuri ira. 6 Laiva na nodra sala me butobuto ka titidara, ka laivi ira na mala’aka nei Jiova (Yahweh) me ra vakacacani ira. 7 Baleta era sa kelia na qara me baleti au, ka dedeka na lawalawa me coko kina na noqu bula (soul).  8 Laiva na vunica me lakovi ira ni ra se wele tu; laiva na lawalawa era a virikotora me ra coko tale kina kei na loma ni qara era a kelia, laiva me ra lutu tale i loma. 9 Na noqu bula (soul) e na reki vakalevu e na vuku ni Kalou (Mighty One); e na marautaka na nona veivakabulai. 10 Na suiqu taucoko era na kaya, I Jiova (Yahweh) o cei e tautauvata kei kemuni, ni oni dau vueti koya e  dravudravua mai vei koya e kena meca, io, na dravudravua kei na luveniyali mai vei koya e kovea vakaukaua na nona iyau

11 ¶ Na dauveibeitaki lasu era duri cake; era beitaki au e na veika au sega ni kila. 12 Era veisausaumitaka vei au e na ca, na vinaka ka vakacacana na kequ irogorogo vei ira na tamata. 13 Ia o au, e na gauna era a tauvimate kina, au a daramaka na isulutaga:  au vakamalumalumutaka na noqu bula (soul) e na lolo kei na masumasu, ka ra suka lesu kece mai i lomaserequ;

Same (Tehellim) 35:1-14

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
364	December 30, 2010
Reading	Hebrew Date
Zechariah (Z’kharyah) 13-14	Tevet 22,  5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Veibuli Nei Jiova (Yahweh’s Creation)

Thought: With Sweet Music And Instruments, Praise Yahweh with New Songs.

................................ 

Serving For Yom Shlee-shee, Tevet 21, 5771

E NA ivakatekivu, na Kalou (Mighty One) a bulia na lomalagi kei na vuravura.

Vakatekivu (B’resheet) 1:1

REKI tiko vei Jiova (Yahweh), o kemuni oni  yalododonu; baleta na vakamuduo e kilikili vei ira era dau tu dodonu. 2 Vakamuduo vei Jiova (Yahweh) e na api kei na qita; lagata na nomu vakamuduo vata kei na api wa tini. 3 Seretaka vua e dua na sere vou; Qiriqiri toka vakamaqosa me rawa ni rogo kamikamica. 4 Na vosa i Jiova (Yahweh) e donu;  na nona cakacaka kece a vakayacori e na dina. 5 E taleitaka o koya na yalododonu kei na vakatulewa; o vuravura e sinai vutuvutu tu e na vinaka nei Jiova (Yahweh). 6 E na vosa i Jiova (Yahweh) era a buli kina na vuravura; o ira kece na kena itaukei e na icegu ni gusuna. 7 Na wai ni wasawasa e a vakasoqoni ira vata o koya me vaka e dua na binibini tavaya-leca ni wai; qai vakatikora na kena titobu e na kena lololo. 8 Laivi vuravura taucoko me rerevaki Jiova (Yahweh); laivi ira na ivakatawa kece kei vuravura me ra vakarokoroko e na vukuna; 9 Baleta ni vosa o koya qai vakayacori, e a vakarota era qai tu dei. 10 O Jiova (Yahweh) e cakava me tini dole na bosebose ni veimatanitu; o Jiova (Yahweh) e vakatawayagataka na  nodra vakanananu na tamata. 11 Ia na lewa i Jiova (Yahweh) e tu me tawamudu; na vakasama ni vuniyalona e kovuta na veitabatamata kece sara.

12 ¶ E kalougata na matanitu e nodra Kalou (Mighty One) o Jiova (Yahweh); o ira na tamata e digitaki ira o koya me ra nona ivotavota. 13 O Jiova e rai mai lomalagi; qai dikevi ira na luve ni tamata. 14 Mai na nona idabedabe vakatui, e vakaraici ira kece na ivakatawa kei vuravura. 15 E bulia vakatautauvata na vuniyalodra, qai vakananuya na nodra cakacaka. 16 Na tui e sega ni vakabulai baleta  na iwiliwili ni nona mataivalu; e sega ni vakatau na cakacaka ni tamata qaqa e na nona kaukaua. 17 Na ose e lasutaki e na veivakabulai; ka na sega ni vueti koya e vodoki koya tiko, mai na nona kaukaua; 18 Raica, na mata i Jiova (Yahweh) e  dau wanonovi ira era yalododonu, o ira era tekia na nodra inuinui e na nona yalololoma; 19 Me vueta na nodra bula (soul) mai na mate; ka vakabulai ira tiko e na gauna ni dausiga. 20 Na noda bula (soul) e waraki Jiova (Yahweh) o koya e noda dauniveivuke ka noda isasabai. 21 Baleta na vuniyaloda e na reki e na vukuna baleta ni da vakabauta tiko na   yacana tabu. 22 Laiva na nomuni yalololoma i Jiova (Yahweh), me mai tiko vei keimami, me vaka ni keimami nuitaki kemuni.

Same (Tehellim) 33:1-22

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
362	Tuesday, December 28, 2010
Reading	Hebrew Date
Zachariah (Z’kharyah) 7-9	Yom Shlee-shee Tevet 20,  5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

O Jiova E Na Bokoca Na Ca Ke Gadreva (Yahweh Will Wipe Out Sins By Choice)

Thought: Blessed Are We When Yahweh Writes Off Our Trespasses!

............................... 

Serving For Yom Shaynee, Tevet 20, 5771

O KOYA e vunitaka na nona talatalai dredre e na sega ni yaga (prosper): ia o koya e vakatusa na nona ivalavala ca qai veikalikali kaya, na Kalou (Mighty One) e na yalololoma vua.

Vakaibalebale (Mishlei) 28:13

E KALOUGATA o koya e vosoti na nona talatalai dredre, ka sa tababokoci na nona ivalvala ca. 2 E kalougata na tamata e sega ni wilika vua o Jiova (Yahweh) na nona ivalavala ca; ka sega na veivakaisini e vuniyalona. 3 Baleta niu vagaluya tu ga na noqu vutugu e na loma ni siga taucoko, na suiqu sa vuca mai e na gauna ni noqu mocelutu. 4 E na siga kei na bogi, na ligamuni e tau bi no vei yau; e qai tubu na vutu waromisa e vuniyaloqu, na kena vakaitamera sa rawa sara ga ni vakamatei au. 5 Au sa vakadinadinataka na noqu ivalavala ca vei kemuni, na noqu caka ca au sega ni vunitaka mai vei kemuni; Au qai kaya, Au na vakatusa na noqu cala vei Jiova (Yahweh); Oni qai vosota kece vakadua na noqu ivalavala ca. 6 E na vuku ni ka oqo, laivi ira kece era digitaki me ra masu yani vei kemuni e na gauna lokuci; e na yaco dina ga, na waluvu ni wai levu e na sega ni toso volekati koya.

7 ¶ O kemuni na noqu itataqomaki; oni  na taqomaki au mai vei ira na kequ meca, maroroi au mai na ka rarawa; Oni na vakavolivoliti au e na dokai kei na veivakabulai. 8 Au sa cakava mo yalomatua kau sa   tuberi iko e na sala e dodonu mo muria; au na qai dau vakamuri i iko voli e na yaloka ni mataqu. 9 Kakua ni tautauvata kei na ose se na meule (mule), era sega ni yalomatua; era na dau tuiraki mai gusudra e na kaukamea kei na baraidaile, tekivu mai na nodra gauna ni gone; e sega ni dua e na tosovi ira rawa. 10 O ira na ca, e vakaitamera na nodra  nuiqawaqawa; ia o koya e nuitaki Jiova (Yahweh), na yalololoma era tu vakavolivoliti koya; 11 Moni reki tiko vei Jiova (Yahweh) ka dau mamarau; o kemuni oni yalododonu, vakamolimolitaki koya, o kemuni kece e dodonu vinaka tu na vuniyalomuni.

Same (Tehellim) 32:1-11

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
361	Monday, December 27, 2010
Reading	Hebrew Date
Zachariah (Z’kharyah) 4-6	Yom Shaynee Tevet 20,  5771.

 May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

O Jiova Na iTini Ni Lewa (Yahweh The Sole Authority)

Thought: Yahweh Is There For Us, If We Recognise His Authority

 .................................

Serving For Yom Reeshone, Tevet 19, 5771

Baleta keimami sa yaco me keimami vaka na ka e sega ni savasava; na neimami yalododonu era sa vaka na isulu ni quaqua qeleqelewa; keimami sa mimira laivi me vaka na draunikau; ia na neimami cakaca, me vaka na covulaca, sa ceburaki keimami tani.7 Sa sega ni dua e kaciva na yacamuni, se nanuma me tautauri vei kemuni; baleta oni sa vukica laivi na matamuni mai vei keimami, ka soli i keimami laivi e na kaukaua ni neimami ivalavala ca. 8 Ia qo, i Jiova (Yahweh), o kemuni o ni tamata i keimami; o keimami na tete, o kemuni na neimami dau ni tulikuro; o keimami kece, keimami cakacaka kece ni ligamuni. 9 Kakua ni cudru sara vakalevu, i Jiova (Yahweh) se nanuma tiko na neimami caka cala me tawamudu; raica o keimami, keimami nomuni tamata kecekece.  ma ni raica, ni kila mada, ni keimami. 10 Nomuni veikoro tabu era sa lekutu mai; o Saiyoni sa dravuisiga; o Yerushalayimi sa laladidi; 11 Na neimami vale tabu ka totoka, era a dau vakamolimolitaki kemuni kina o ira na neimami qase, sa kamayavu vakadua  e na bukawaqa; na neimami iyau talei kece era sa vakarusai. 12 E na vukuni veika kece oqo, oni sa vosota tiko kina i Jiova (Yahweh), oni sa tarova tu kina na nomuni sautu, oni qai vakararawataki keimami tiko kina me mosimosi vakalevu?

Aisea (Yesha’yahu) 64:6-12

Oilei na kena vakaitamera na nomuni vinaka, oni maroroya tu e  vukudra o ira era dau sokalou vei kemuni, oya oni sa cakacakataka oti e na vukudra era dau vakararavi vei kemuni e na matadra na tamata. 20 Vunitaki ira e na valecere ni veitaqomaki, e na kemuni iserau, mai na nodra vere na tamata; e na nomuni iyaloyalo (shadow) vakatawani ira tiko mai na veivakacacani. 21 Me vakavinavinakataki o Jiova (Yahweh): baleta sa lesi i ira e na vukuna o koya vakataki koya, o ira era digitaki mai na dua na korolevu kaukaua; 22 Au a kaya e na noqu vaqunaquna, Au sa yali mai matamuni, ia oni se rogoca tiko ga na noqu vakatakekere niu tagi yani vei kemuni. 23 Isa ni lomani Jiova (Yahweh), o kemuni kece na nona yalododonu; baleta o Jiova (Yahweh) e maroroi ira era yalodina, ka vakaicovitaki ira na vakasisila me veiraurau ga kei na nodra dui cakacaka. 24 Moni yaloqaqa tiko, o koya e na qai vakaukauataka na vuniyalomuni, o kemuni kece oni nuitaki Jiova (Yahweh).

Same (Tehellim) 31:19-24

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
360	December 26, 2010
Reading	Hebrew Date
Zachariah (Z’kharyah) 1-3	Tevet 19,  5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

O Jiova Na iVakaruru (Yahweh Is Our Shelter)

Thought: Yahweh: Helper, Protector, Saviour etc.

.................................. 

Serving For Shabbat Tevet 18, 5771

VEI kemuni Jiova (Yahweh) au biuta na noqu inuinui; laiva meu kakua ni madua; vueti yau e na nomuni yalododonu. 2 Vakala mai na daligamuni vei au; sauma mai vei au vakusakusa: o kemuni moni Kalou (Mighty One) vei au, na dauveivukei ka vale ni tataqomaki, vakabulai au. 3 Baleta o kemuni oni noqu kaukaua ka noqu isasabai; e na vuku ni yacamuni, vakacegui i au ka tuberi au. 4 Dreti au tani mai na lawalawa era viria vakavuni meu tacori kina, baleta o kemuni oni noqu dau ni veitaqomaki.5 I na ligamuni au solia na yaloqu; oni sa voli i au lesu, i Jiova na Kalou (Yahweh Mighty One) ni dina; 6 Au dau cati ira era dau vakayacora na sokalou lasulasu; ia au vakanuinui ga vei kemuni i Jiova (Yahweh). 7 Au na reki ga ka mamarau e na nomuni yalololoma; baleta oni sa raica na noqu yalomalumu; oni kila na noqu bula (soul) e na gauna ni noqu rarawa; 8 Oni sega ni bau soli i au laivi i ligadra na kequ meca; oni sa vakadeitaka na yavaqu e na tikina maravu;

9 ¶ Vakarautaka vei au na yalololoma, i Jiova (Yahweh) baleta au se veilecayaki tu, na mataqu e vakararawataki tu, bau kina na noqu bula (soul) kei na yagoqu. 10 Na noqu bula e vakayagataki e na veika rarawa kei na noqu veiyabaki e na vutugu; Na noqu kaukaua sa vakamalumalumutaki e na dravudravua; na suiqu sa vakayavalati baleti ira na kequ meca. 11 Au sa yaco meu vakavelavelataki e matadra na wekaqu vakaitikotiko, ka ra rivarivabitaki yau o ira na noqu veikilai, o ira era raici yau e gaunisala era veidroyaki mai vei yau. 12 Au sa guilecavi me vaka e dua na tamata mate, au sa sega ni bau nanumi; Au vaka e dua na ka sa guilecavi baleta niu sa yali tu vakadede. 13 Baleta au sa mai rogoca na nodra vosavosa e levu na tamata; ni ra bukia vata tiko na vere me ra na saqati au, era nakita vata tiko me ra na kauta laivi na noqu bula. 14 Ia au vakanuini vei kemuni i Jiova (Yahweh) au qai kaya, O kemuni na noqu Kalou (Mighty One) i Jiova (Yahweh). 15 Na gauna sa tu ga e ligamuni; vueti au mai ligadra na kequ meca, vata kei ira era dau vakacacani yau. 16 Cakava na matamuni me ramase vua na nomuni dauniveiqaravi; vakabulai au e na vuku ni nomuni yalololoma. 17 Laiva meu kakua ni madua i Jiova (Yahweh), au kacikaci yani vei kemuni; laivi ira na tamata ca me ra madua, laivi ira me ra galu tu ga e loma ni ibulubulu. 18 Laiva me galu na tebenigusudra o ira na vakasisila; baleta era dau vosa lasu ka dau beci ira na tamata yalododonu.

Same (Tehellim) 31:1-18

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
359	December 25,  2010
Reading	Hebrew Date
Haggai (Hagai)	Tevet 18,  5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Jiova Na iSasabai (Yahweh The Protector)

Thought: Trust In Yahweh To Protect Your Life In This World

............................... 

Serving For Yom Ha Shee-shee Tevet 17, 5771

 VEI kemuni i Jiova, au biuta tu na noqu inuinui; laiva meu kakua ni vakacalai. 2 Vakabulai au e na nomuni yalododon ka vueti au; vakala mai vei au na daligamuni qai vakabulai au. 3 O kemuni moni mai noqu vatu ni sasabai, na tikina au rawa ni dau dro kina e veiveigauna; oni sa solia vei au na ivakaro me vakabulai au; baleta o kemuni oni noqu uluvatu ka noqu valecere vakabai. 4 Vakabulai au, kemuni na Kalou (Mighty One), mai ligadra na tamata tawadodonu dau veivakalolomataki. 5 Baleta o kemuni oni noqu inuinui, i Jiova (Yahweh); o kemuni au se dau vakararavi tu vei kemuni mai na gauna au se gone sara kina, kemuni na Kalou (Mighty One)                    

Same (Tehellim) 71:1-5

Au na vakavinavinaka vei kemuni, i Jiova (Yahweh), baleta oni a laveti au cake, oni qai sega ni solia vei ira na kequ meca mera marau e na vukuqu. 2 I Jiova (Yahweh) na noqu Kalou (Mighty One),  au a vaqarai kemuni, oni qai vakabulai au. 3 Oni sa kauta cake mai Sheola na noqu bula (soul); oni vueti yau meu kakua ni lai duavata kei ira era siro tiko i loma ni qara; 4 Lagasere vei Jiova (Yahweh) kemuni na nona digitaki, vakavinavinaka ni oni nanuma na nona yalosavasava vakaoti. 5 Baleta e kune na veivakadodonutaki e nona cudru kei na bula e na nona yalovinaka; na tagitagi e rawa ni dua taucoko na bogi, ia na marau e na yaco mai ni sa kida na mataka.

6 ¶  E na noqu sa tiko vinaka, au kaya kina, Au na sega vakadua ni yavalati.7 Kemuni na Kalou (Mighty One) e na nomuni veitokoni oni sa vakataudeitaka kina na noqu dokai: e na gauna oni vukica laivi kina na matamuni, au sota leqa. 8 Au tagici kemuni, i Jiova (Yahweh); vei Jiova (Yahweh) au vakacabora na noqu vakatamamasu. 9 Na cava na beteni noqu vakadavea na noqu dra, meu sa naulu i na vuca? Na kuvunisoso e sega ni vakavinavinaka rawa vei kemuni, ka na sega ni tusanaka na nomuni dina. 10 Ni rogoca, kemuni na Kalou (Mighty One) ka bau yalolomani au; I Jiova (Yahweh) ni mai noqu dauniveivukei. 11 Oni sa vukica e na vukuqu, na noqu vakaloloku, meu sa reki; oni sa luvata laivi na noqu isulutaga ka vakasulumi au e na mamarau; 12 O koya oqori, au na seretaka tiko kina na noqu vakavinavinaka vei kemuni, kau na sega ni tiko vagagalu. I Jiova (Yahweh) na noqu Kalou (Mighty One) au na solia tiko vei kemuni na vakavinavinaka, me tawamudu.

Same (Tehellim) 30:1-12

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
358	December 24,  2010
Reading	Hebrew Date
Zephaniah (Z’fanyah)	Tevet 17,  5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Na Domo I Jiova (The Voice of Yahweh)

Thought: Yahweh Gives Strength To Those Who Wait For Him

 .................................

Serving For Yom Khah Mee-shee, Tevet 16, 5771

Na cava o kaya kina i Ya’akove, se mo kaya o iko i Isire’yili, Na noqu ivakarau sa vunitaki tu mai vei Jiova (Yahweh);  baleta na lewa dodonu sa sega ni dau tau mai vua na noqu Kalou (Mighty One)?  28 O sega beka ni kila? O sega beka ni rogoca, ni Kalou (Mighty One) me tawa mudu, o Jiova (Yahweh) o koya e a bulia na iyalayala kei vuravura?  Ni o koya e na sega ni malumalumu ka sega tale ga ni oca? E na sega talega ni vaqarai rawa na nona yalomatua.  29 O koya e solia na kaukaua vei ira era oca; vei ira era vauci tu e na mate ca e na vakalevutaka vei ira na kaukaua. 30 O ira mada ga na itabagone era na  malumalumu ka oca mai, kei ira na cauravou era na sega ni nakita na nodra tacaqe  31 Ia o ira era waraki Jiova (Yahweh), e na vakavoutaki na nodra kaukaua; era na vakatubura na tabadra ni vuka me vaka na ruve, era na cici ia era na sega ni oca; era na taubale ia era na sega ga ni malumalumu.

Aisea (Yeshayahu) 40:27-31

KAUTA mai vei Jiova (Yahweh) na luve ni sipi tagane; kauta mai vei Jiova na vakarokoroko kei na qaqa. 2 Solia vei Jiova (Yahweh) na vakarokoroko e veirauraua kei na yacana;  sokalou vei Jiova e na butu rara ni nona valenisoro tabu. 3 Na domo e Jiova e voqa tiko mai na dela ni wai; na Kalou (Mighty One) ni vakarokoroko, e vadugu mai me vaka na kurukuru; o Jiova (Yahweh) e toka e na veidela ni wai; 4 Na domo i Jiova (Yahweh) e kaukaua Na domo i Jiova (Yahweh) e sinai vutuvutu e na lagilagi vakaturaga. 5 Na domo i Jiova (Yahweh) e musuka na sitari: io, o Jiova (Yahweh) e musuka na sitari ni Livanoni; 6 E cakava tale ga vei ira me ra ladelade vaka na luve ni bulumakau; ia o  Livanoni kei Siriyoni, me vaka na luve ni okisi (ox) 7 Na domo i Jiova (Yahweh) e wasea na yameyame ni bukawaqa. 8 Na domo i Jiova (Yahweh) e kurea na veivanualiwa; O Jiova (Yahweh) e kurea na vanua dravuisiga mai Kadesha. 9 Na domo i Jiova (Yahweh) e vakavuna me ra sautaninini na me-kila, e cavuivuvutaka na veikauloa, ia e na loma ni nona valensoro na veika kece era talanoataka na nona lagilagi. 10 O Jiova (Yahweh) e dabe vakatui tiko e na dela ni waluvu; io, o Jiova (Yahweh) e dabe vakatui toka me Tui ka sega ni mudu. 11 O Jiova (Yahweh) e na solia na kaukaua vei ira na nona tamata; o Jiova (Yahweh) e na vakalougatataki ira na nona tamata e na sautu.

Same (Tehellim) 29:1-11

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
357	December 23,  2010
Reading	Hebrew Date
Havakkuk (Habakuk)	Tevet 16,  5771.

 May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Tawamudu Na Loloma I Jiova (Yahweh’s Love Is Permanent).

Thought: Mum May Forget Her Own, But Yahweh Will Never Forget His Own

 ........................................

Serving For Yom Revee-ee, Tevet 15, 5771

Lagasere, i Lomalagi, mo mamarau, kacabote mai e na seresere i ulunivanua; baleta o Jiova (Yahweh) sa vakacegui ira na nona tamata ka na lomani ira na nona tamata era rarawa tiko. 14 Ia, o Saioni e kaya, O Jiova (Yahweh) sa vakanadakui yau, o Jiova sa guilecavi au. 15 E rawa beka vua e dua na tina me guilecava na luvena a vakasucuma, me sega ni yalololoma vua na luvenatagane mai na nona katonigone? Io o ira beka era na guilecava, ia o yau, au na sega ni guilecavi iko. 16 Raica, au sa ceuti iko toka e na qeteqete ni ligaqu; na nomu bai lalaga e toka ga qo e mataqu.

Aisea (Yeshayahu) 49:13-16

KIVEI kemuni au tagitagi, i Jiova (Yahweh) na noqu uluvatu, kakua ni galuvi au, baleta kevaka oni galuvi au tiko au sa na vakataki ira era lako sobu tiko i loma ni qara. 2 Rogoca na domo ni noqu vakatakekere,  niu tagici kemuni; niu dulaka cake na ligaqu vaka i na nomuni valenisoro tabu. 3 Kakua ni wiliki au vata kei ira na   tamata ca vata kei ira era dau cakacakataka na ca; o ira era dau vunautaka na sautu vei ira na wekadra vakaitikotiko; ia na inaki ca e toka e vuniyalodra. 4 Vakaicovitaki ira me veiraurau kei na nodra valavala, ka me veiganiti ga kei na nodra ivalavala vakasisila; 5. Baleta ni ra sega ni kila na cakacaka i JIova (Yahweh) se na itovo ni cakacaka ni ligana, e na vakarusai ira, sega ni toroi ira cake.

6 ¶ Me vakavinavinakataki o Jiova (Yahweh), baleta ni sa rogoca na domoni noqu vakatamamasu. 7 O Jiova (Yahweh) e noqu dauniveivuke ka noqu isasabai; na vuniyaloqu e vakararavi vua, qori au marautaka; au na vakacaucautaki koya  e na noqu sere. 8 O Jiova (Yahweh) e nodra kaukaua na nona tamata, o koya na isasabai ni nodra vueti na nona lumuti. 9 Vakabulai ira na nomuni tamata, i Jiova (Yahweh) vakalougatataka na nomuni votavota oni taukena; tuberi ira talega ka maroroi ira me tawa mudu.

Same (Tehellim) 28:1-9

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
356	December 22,  2010
Reading	Hebrew Date
Nahum	Tevet 15,  5771.

 May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

O Jiova Na Rarama ka iVakabula. (Yahweh Our Light and Protector)

Thought: Enemies Do Not Worry Us When Yahweh Is With Us

Serving For Yom Shlee-shee, Tevet 14, 5771

O JIOVA na noqu rarama kei na noqu ivakabula; o cei tale meu rerevaka? O Jiova (Yahweh) na kaukaua ni noqu bula; o cei tale meu rerevaka? 2 Ni ra a lako mai na daunicakaca me ra tilomi au, oya o ira na kequ meca  kei ira era dau cati au, era qai tacaqe kece ka bale. 3 Kevaka mada ga me ra tuvaivalu saqati au o ira na le vuqa, na vuniyaloqu e na sega ni taqaya; e dina ga ni vakarau yaco mai vei au na ivalu, ia e na ka oqo au na yalodei. 4 E dua na ka au sa kerea oti vei Jiova (Yahweh) au na vakasaqara tiko; Meu na bula tiko ga e na vale i Jiova (Yahweh) e na veisiga kece ni noqu bula, meu raica tiko na yaloreki i Jiova (Yahweh), niu qarava tiko na nona vale ni soro. 5 Baleta ni yaco mai na siga ni tu leqaleqa, o koya e na vunitaki au e na ruku ni nona veitaqomaki; e na vakatikori au e na dela ni uluvatu. e na gauna ni rarawa: 6 Qo e na qai talave cake kina na uluqu e deladra na kequ meca era tu vakavolivoliti au: qori au na qai vakacabora kina e na nona valetabu na imadrali ni marau; Au na lagata na sere ni vakavinavinaka vei Jiova (Yahweh).

7 ¶ Rogoca, i Jiova (Yahweh), na domoqu niu kaci yani vei kemuni; lomani au ka tama mai vei au: 8 Na vuniyaloqu e kaya yani vei kemuni, laiva na mataqu me vaqara na matamuni. 9 Kakua ni vukica tani na matamuni, mai vei au, i Jiova (Yahweh); kakua ni vakaleqa na nomuni dauniveiqaravi e na leva; oni dau noqu dauniveivukei i Jiova (Yahweh); kakua ni ceburaki au laivi, se biuti au tani, noqu Kalou (Mighty One) ka noqu ivakabula. 10 E dina ga ni rau sa guilecavi au o  tamaqu vata kei na tinaqu, o Jiova sa tauri au cake. 11 Vakatavulica vei au na nomuni sala i Jiova (Yahweh), tuberi au e na sala dodonu. 12 Kakua ni soli i yau laivi i ligadra na kequ meca; baleta era sa mata cake mai na ivakadinadina lasulasu me ra saqati au, ka ra sa cavuta tiko na vosa ni veivakalolomataki. 13 Ia au sa vakabauta, niu raica na yalovinaka nei Jiova (Yahweh) e na nodra vanua na bula. 14 Vakararavi vei Jiova (Yahweh),  yalo qaqa tiko; io nuitaki Jiova (Yahweh) ga.

Same (Tehellim) 27:1-14

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
355	December 21,  2010
Reading	Hebrew Date
Micah 6-7	Tevet 14,  5771.

  May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.