Na iWali ni Tauvimate (Healing For Sickness)

Thought: When we align ourselves with Yahweh, victory is always assured.

.....................................

Serving for the 28th February, 2009

Era sa qai toso mai i na ulunivanua o Hori, e na sala vaka i na Wasa Damu, me ra lako wavolita na vanua o Itomi; era a qai lomaocaoca na tamata baleta na sala era muria mai. 05 Era qai vosakudrukudrutaka na Kalou (Yahweh) vata kei Mosese o ira na tamata ni ra kaya, Na cava drau kauti keimami cake kina mai Ijipita me keimami mai mate tu e na veikauloa oqo? E sega tu eke na madrai se na wai; na yago i keimami sa besetaka mai na madrai kana ca oqo (mana). 06 Sa mani tala mai na gata bukawaqa e na kedra maliwa na tamata o Jiova (Yahweh), era qai katilaki ira na tamata; ka vakavuna me ra mate e levu na tamata ni Isireli. 07 Qori era qai lako mai kina vei Mosese na tamata era qai kaya vua, Keimami a cala ga, baleta keimami a vosavosa vei Jiova (Yahweh) vata kei kemuni talega. Masuti Jiova (Yahweh) me kauta tani mai vei keimami na gata. Sa qai masu e na vukudra na tamata o Mosese. 08 Kaya o Jiova (Yahweh) vei Mosese, Bulia e dua na gata bukawaqa parasa, vauca e na mua ni dua na duru balavu: ia e na qai yaco ke dau na tamata e a katia na gata, ni o koya e na vakabulai, ke raica na gata parasa. 09 Sa mani bulia e dua na gata parasa o Mosese, vauca i na mua ni dua na duru balavu; a qai yaco kina ke katia e dua na tamata e dua na gata, o koya e na vakabulai tale, e na gauna ga e raica kina na gata parasa.
Lekutu 21:4-9

“Ia me vaka na nona a laveta cake na gata mai lekutu o Mosese, na Luve ni Tamata talega e vinakati me laveti cake vaka kina, 15 “me rawa kina vei ira na tamata yadudua era vakabauti Koya, me ra kakua ni rusa, ia me ra rawata ga na bula tawamudu.
Joni 3:14-15





Read The Bible in a Year (Wili Na iVola Tabu E Na Dua na Yabaki).
Siga: 59
Tikinisiga: February 28
Mataka: Numbers 21-22
Yakavi: Mark 7:14-37

Wai mai na Uluvatu (Water from the Rock)

Thought: Our weakness can also exist in our strength.

.........................................

Serving For The 27th February, 2009

Vosa vei Mosese o Jiova (Yahweh), ni kaya; 08 kauta na ititoko, ka vakasoqoni ira na lewe ni isoqosoqo, o iko vata kei Eroni na tuakamu, qai vosa i na uluvatu e matadra; e na qai solia mai na kena wai; o na kauta mai vei ira na wai mai na uluvatu: mo vagunuvi ira kina na lewe ni isoqosoqo kei ira na nodra bulumakau. 09 E taura sara na ititoko o Mosese mai na mata i Jiova (Yahweh), me vaka e vakarota vua. 10 Rau qai vakasoqoni ira vata na lewe ni isoqosoqo o Mosese kei Eroni me ra mai tu donuya na uluvatu, sa qai kaya vei ira o koya, Ni rogoca sara qo ni yavu tamata babamatua; mai na uluvatu qo keirau na vakavurea mai kina na wai me memuni? 11 Sa qai laveta cake na ligana o Mosese, qai samuta vakarua na vatu e na nona ititoko; a qai dave mai kina vakayauyau na wai; era qai gunu mai kina na tamata, kei ira talega na nodra bulumakau. 12 Oti qai kaya vei Mosese kei Eroni o Jiova (Yahweh), Baleta ni drau sega ni vakabauti au, mo drau dokai au e na matadra na luvei Isireli, drau sa na sega kina ni kauti ira na lewe ni isoqosoqo oqo i na vanua au sa solia vei ira. 13 Oqo na wai o Mesota (veileti); baleta era a veileti kei Jiova (Yahweh) eke na luvei Isireli, qai vakatabui koya kina vakataki koya e na kedra maliwa.
Lekutu 20:7-13

“Cudru, ia kakua ni valavala ca”; laiva me kakua ni dromu na matanisiga e na dela ni nomu cudru; 27 ka kakua ni solia vua na tevoro e dua na galala.
Efeso 4:26-27




Read The Bible in a Year (Wili Na iVola Tabu E Na Dua na Yabaki).
Siga: 58
Tikinisiga: February 27
Mataka: Numbers 18-20
Yakavi: Mark 7:1-13

Tamata era Vosavosa (Murmuring People)

Thoughts: Do you, as a rule, blame others when something goes wrong with your life?

.....................................

Serving For The 26th February, 2009

E na mataka, era a qai vosavosa vei Mosese kei Eroni o ira na lewe ni nodra isoqosoqo na luve i Isireli, ni ra kaya, Drau sa vakamatei ira na tamata i Jiova (Yahweh). 42 Ni ra sa soqoni vata na lewe ni isoqosoqo me ra saqati rau o Mosese kei Eroni, era qai rai vaka i na nodra vale tabu na isoqosoqo: era qai raica, ni sa ubia tu vakadua na o, qai rairai mai na iserau i Jiova (Yahweh). 43 Rau sa qai toso i na mata ni valetabu o Mosese kei Eroni. 44 A qai vosa o Jiova vei Mosese vata kei Eroni ni kaya, 45 Toso laivi mai na kedra maliwa na lewe ni isoqosoqo oqo, me rawa niu vakarusai ira e na dua na gauna lekaleka mai oqo. Rau mani lutu vakatoboicu i matadrau. 46 Kaya sara vei Eroni o Mosese, Taura e dua na miqa, biuta kina e dua na bukawaqa mai na icabocabo ni isoro, kolo i loma na ka boi vinaka, qai laveta yani vakatotolo vei ira na lewe ni isoqosoqo, mo cabora e dua na nodra isoro: baleta na leva sa lutu mai vei Jiova (Yahweh), ka sa tekivu me dewa na matelevu e na kedra maliwa na tamata. 47 Sa kauta sara yani o Eroni me vaka e vakarota o Mosese, qai cici i kedra maliwa na lewe ni isoqosoqo; ia raica, sa tekivu me dewa na mate levu e na kedra maliwa na tamata; e viri sara i loma na ka boi vinàka, qai cabora e dua na isoro e na kedra maliwa na tamata. 48 Ni sa duri tu e na kedra maliwa na mate kei na bula; sa qai mudu na mate levu.
Lekutu 16: 41-48

E na yame eda vakamolimolitaka kina na noda Kalou (Elohim) na Tamada, ia e na yame talega eda rukaka kina na tamata, e buli me veiucui kei na Kalou (Yahweh). 10 Mai na gusuda e duabulu, e rogo mai kina na veivakacerecerei kei na veivakacacani. Kemuni na taciqu na ka oqo e sega ni dodonu me yaco.
Jemesa 3:9-10




Read The Bible in a Year (Wili Na iVola Tabu E Na Dua na Yabaki).
Siga: 57
Tikinisiga: February 26
Mataka: Numbers 16-17
Yakavi: Mark 6:33-56

Veitosoyaki e Veikauloa (Wandering in the Wilderness)

Thought: Make up your mind to say yes to Yahweh; never mind the fears you may have.

............................................................

Serving For The 25th February, 2009

Ia o ira ga na nomuni lalai, oni kaya tiko ni ra na vakasasataki vata kei ira na luvemuni tagane era se sega ni kila na vinaka kei na ca, era na curuma na vanua, kau na kauti ira kina, era na qai kila na vanua oni beca tiko 32 Ia o kemuni, na yagomuni mate era na lulutu e na veikauloa oqo. 33 O ira na luvemuni, era na dau ivakatawa ni manumanu e loma ni veikauloa me yabaki vasagavulu, ka ra na bula rarawa tiko e na vuku ni nomuni itovo ni saqamua, me yacova ni tilomi na yagomuni mate e loma ni veikauloa. 34 Me vaka na iwiliwili ni siga oni vakdikeva vuni tiko kina na vanua, e siga vasagavulu, me dua na yabaki e na veisiga kece, oni na rarawataki tiko kina e na vuku ni nomuni ivalavala ca, me yabaki vasagavulu; oni na qai kila kina ni yaco oqo baleta na nomuni dau vakavunene e mataqu. 35 O au o Jiova (Yahweh) au sa kaya ia au na vakava vakakina i na isoqosoqo ca oqo, oni soqoni vata tu oqo e mataqu; e na veikauloa oqo era na tilomi kina, e keya talega era na mate kina.
36 ¶ Ia o ira na tamata a talai ira o Mosese me ra lai dikeva vuni mai na vanua, era qai lesu mai era qai mai vakayarayarataki ira na lewe ni isoqosoqo taucoko me ra mai vakavunene vei au, baleta na nodra itukutuku ca me baleta na vanua, 37 O ira na tamata oqo era a mai tabaka na itukutuku ca, era a qai dui mate e na dua na mate tubu vakasauri e na mata i Jiova (Yahweh). 38 Ia o Josua na luve i Nuni tagane vata kei Kelepi na luve i Jofanaia tagane, vei ira na tamata era a lai raica vuni mai vanua, rau se bula tiko.
Lekutu 14:31-38.

Qori e kaya kina na Yalo Tabu, “Nikua, kevaka oni via rogoca na Nona vosa, 08 Kakua ni vakayaloqataka na vuniyalomuni de oni vakacudrui Koya, me vaka era a cakava na dau ni vakavunene e na siga ni veitemaki mai loma ni lekutu.
Iperiu 3:7-8.




Read The Bible in a Year (Wili Na iVola Tabu E Na Dua na Yabaki).
Siga: 56
Tikinisiga: February 25
Mataka: Numbers 14-15
Yakavi: Mark 6:1-32

Vakasuka mai Kenani. (Turning Back from Canaan)

Thought: Do we draw back from Yahweh because of unbelief?

...................................

Serving For The 24th February, 2009

Era sa qai lesu mai na nodra lai raica vuni na vanua ni sa oti e vasagavulu na siga.
26 ¶ Era lako sara mai vei Mosese vata kei Eroni, vata kei ira na lewe ni nodra isoqosoqo na luve i Isireli e na veikauloa mai Perana kauta i Rakima; era qai kauta mai na itukutuku vei rau, kei ira talega na lewe ni isoqosoqo kece, ka vakaraitaka vei ira na vuata ni vanua. 27 Era qai vakamacalataka vei Mosese ka kaya, Keimami a lako i na vanua oni a talai keimami kina; e ka dina ni drodro tu kina na sucu kei na oni; oqo na vuana. 28 Ia o ira na tamata era vakaitikotiko kina era kaukaua, na nodra korolevu e viribaiti ka vakavakaitamera: keimami qai raica talega mai keya na luve ni tuwawa. 29 O ira na Amalekaiti era tawana tu na vanua e na ceva; o ira na Haitaiti, kei ira na Jepusaiti kei ira na Amoraiti, era vakaitikotiko e na ulunivanua; kei ira na Kenanaiti era vakaitikotiko e na baravi kei na bati ni Joritani. 30 Oti sa qai vagalui ira na tamata o Kelepi e na mata i Mosese, qai kaya, Meda lako cake sara ga qo, meda lai taukena na vanua; baleta e na ka rawarawa sara vei keda meda rawata. 31 Ia o ira na tamata era a lako vata kei koya, era qai kaya, Eda na sega ni rawai ira na na tamata mai keya baleta era kaukaua cake vei keda. 32 Era kauta cake mai vei ira na luve i Isireli, e dua na itukutuku ca me baleta na vanua era a lai raica vuni mai ni ra kaya, Na vanua keimami a lakova me keimami a lai dikeva mai e vanua e dau tilomi ira na lewena; ia o ira na tamata kece keimami raica mai keya era tamata yagoyagolelevu. 33 E keya keimami raica kina na tuwawa kei na luve ni tuwawa, na kawa ni tuwawa; o keimami, mai na nodra rai, keimami vaka na vodre, ka vaka talega kina o keimami e matadra.
Lekutu 13:25-33

Eda raica rawa kina ni ra a sega ga ni curu rawa baleta ni ra sega ni vakabauta. 4:01 Laiva meda rivarivabi tiko, ni sebera ni yaco tiko na yalayala meda curu i na Nona vakacegu, de so e na kemuni maliwa e qai kunea ni sa tarovi na nodra curu i na Nona vakacegu.
Iperiu 3:19-4:1,




Read The Bible in a Year (Wili Na iVola Tabu E Na Dua na Yabaki).
Siga: 55
Tikinisiga: February 24
Mataka: Numbers 11-13
Yakavi: Mark 5:21-43

Toso tiko na ilakolako. (Continuing the Journey)

Thought: If we forget Yahweh’s promise for the future we will suffer a lack of perspective

........................................................

Serving For The 23rd February, 2009

E a rogoca na nodra tagitagi na tamata o Mosese, taucoko e na nodra dui veimataqali, na tamata yadudua e na katuba ni nona dui valelaca; a qai tubu vakalevu kina na leva i Jiova (Yahweh); ka tubu talega kina na rarawa nei Mosese. 11 Kaya vei Jiova (Yahweh) o Mosese, Noqu Jiova (Yahweh), Na cava oni vakararawataka tiko kina na nomuni dauniveiqaravi? Na cava beka e sega ni kunea kina na yalololoma e matamuni, oni qai vakotora tiko kina na nodra icolacola bibi na tamata kece oqo vei au? 12 O au beka au a kunekunetaki ira na tamata kece qo? Au beka au vakatuburi ira kece, moni tukuna kina vei au, Keveti ira tiko e lomaseremu, me vaka e dua na tama e keveta tiko e dua na gone dramidrami, me yaco sara i na vanua oni a bubuluitaka vei ira na tamadra? 13 Evei beka au na kunea kina na kakana lewe ni manumanu, meu solia vei ira kece na tamata oqo? Era tagi tiko me ra kudruvaka vei au, e na nodra kaya Solia vei keimami na lewe ni manumanu me keimami kania. 14 Au sa sega ni rawa ni colati ira tiko na tamata oqo vakataki au, baleta na icolacola sa rui bibi vei au. 15 Kevaka moni cakacaka tiko vata au kei vakaoqo, ia vakamatei au sara ga e na gauna oqo kevaka oni au sa kunea na yalololoma e matamuni; meu kakua ni raica na noqu vakaloloma.
Lekutu 11:10-15

Kemuni na noqu mataveitacini, au sega ni nanuma niu sa yacova na cere; ia e duabulu na ka oqo au kila, au sa guilecava na veika kece sa sivi, kau sa tadolova tiko yani na veika era tu e mataqu, 14 kau sa sasaga tiko vakaukaua, meu rawata na cere, meu na qai taura na icovi ni veikacivi cecere ni Kalou (Elohim), e na vuku i Jisu (Yahshua) na Mesaia.
Filipai 3:13-14




Read The Bible in a Year (Wili Na iVola Tabu E Na Dua na Yabaki).
Siga: 54
Tikinisiga: February 23
Mataka: Numbers 8-10
Yakavi: Mark 5:1-20

Vakarau na Toso. (Getting Ready to Move)

Thought: Relationship with Yahweh must begin with the knowledge of the law and humiliation for sin

............................

Serving For The 22nd February, 2008

A kaya vei keimami mai Horepa o Jiova (Yahweh) na noda Kalou (Elohim), Sa rauta na dede ni nomuni mai tiko e na ulunivanua oqo: 07 Ni vuki me sa toso na nomuni ilakolako i na nodra ulunivanua na Amoraiti, kei na veivanua wavolivolita, i na bucabuca lolovira dravuisiga, i na veiulunivanua, i na veibuca, i na ceva kei na veibaravi, i na nodra vanua na Kenanaiti, kei Lepanoni, me yacova na uciwai levu, na uciwai na Uferetisi. 08 Raica, Au sa solia vei kemuni na vanua e no oqori e matamuni: toso yani moni lai taukena na vanua a bubuluitaka o Jiova (Yahweh) vei ratou na tamamuni o Eparayama, o Aisake vata kei Jekope, me na solia vei iratou kei ira na nodratou kawa mai muri.
09 ¶ Au a qai kaya vei kemuni e na gauna oya, Au na sega ni colati kemuni tiko o au vakataki au. 10 O Jiova na nomuni Kalou sa vakalevutaka na kemuni iwiliwili; ia raica, e na siga e daidai, o kemuni oni sa tautauvata kei na kalokalo ni lomalagi na kemuni i wiliwili. 11 ‘Ia me qai vakalevutaka tale vakaudolu na kemuni iwiliwili nikua, o Jiova (Yahweh) na nodra Kalou (Elohim) na tamamuni, ka vakalougatataki kemuni me vaka a yalataka vei kemuni. 12 E na rawa vakacava vei au meu colata duadua na nomuni veibeitaki, na nomuni icolacola bibi, kei na nomuni sasaga dredre? 13 Moni lesia mai na kemuni maliwa na tamata vuku e tu vei ira na yalomatua, ka ra kilai levu e na loma ni nomuni veiyavusa, au na qai lesi ira me ra turaga. 14 Oni qai sauma ka kaya mai vei au, Na veika oni vakamacalataka tiko, e vinaka vei keimami me keimami cakava.
Na iVakarua 1: 6-14

“Na cagi e liwa i na vanua cava ga e gadreva, o na rogoca na kena voqa ia o na sega ga ni tukuna rawa se liwa tiko mai vei se liwa tiko i vei. E vaka kina o ira kece era sucu e na Yalo.”
Joni 3:8



Read The Bible in a Year (Wili Na iVola Tabu E Na Dua na Yabaki).
Siga: 53
Tikinisiga: Feberuary 22
Mataka: Numbers 7
Yakavi: Mark 4:21-44

Na iKarua ni Lakosivia (The Second Passover)

Thought: Yahshua Messiah is the lamb of Elohim you takes away the sins of the World.

................................................

Serving For The 21st February, 2009

Vosa vei Mosese o Jiova (Yahweh) e na veikauloa mai Saineai, e na imatai ni vula, ni ikarua ni yabaki ni oti na nodra biubiu mai na vanua o Ijipita ni kaya, 02 laiva ira na luvei Isireli me ra vakananuma na lakosivia e na kena gauna lokuci. 03 E na ikatinikava ni siga ni vula oqo, e na yakavi, moni vakananuma kina e na kena gauna lokuci, e na kena ivalavala kece kei na ivakaro kece, mera vakananuma kina. 04 Sa qai tukuna vei ira na luvei Isireli o Mosese, mera vakananuma na lakosivia. 05 Era sa qai vakananuma na lakosivia e na ikatinikava ni siga e na kena yakavi, e na loma ni veikauloa mai Saineai: e na kena ivalavala kece a vakarota vei Mosese o Jiova (Yahweh); qori era a vakananuma vaka kina o ira na luvei Isireli.
Lekutu 9:1-5

And when he had given thanks, he broke it and said, Take, eat; this is my body, which is broken for you; this, do in remembrance of me. 25 Likewise after supper, he gave also the cup and said, This cup is the new testament in my blood; do this, as often as you drink it, in remembrance of me.
1 Korinica 11:24-25



Read The Bible in a Year (Wili Na iVola Tabu E Na Dua na Yabaki).
Siga: 52
Tikinisiga: February 21
Mataka: Lekutu 5-6
Yakavi: Marika 4:1-20

Na Gauna ni Veivakatabui. (A Time of Sanctification)

Thought: Yahweh will Prepare His Children Before Giving them Responsibilities

.............................

Serving For The 20th February, 2009

A qai vosa vei Mosese o Jiova (Yahweh) ni kaya, 02 Vosa vei ira kece na nodra isoqosoqo na luve i Isireli, mo kaya vei ira, Mo ni dau savasava; baleta o Au o Jiova (Yahweh) au dau savasava. 03 Na tamata kece e dodonu me vakarokorokotaki tamana kei tinana, ka muria matua na noqu ivakaro; Au o Jiova (Yahweh) na nomuni Kalou (Elohim). 04 Moni kakua vakadua ni vuki vei ira na matakau se bulia moni sokalou vei ira na ivakatakarakara; o au o Jiova (Yahweh) na nomuni Kalou (Elohim). 05 Kevaka moni vakacabora na imadrali ni sautu vei Jiova (Yahweh), moni vakacabora ga na kena e vinaka. 06 Me na laukana e na siga vata ga e cabo kina vata kei na mataka ka tarava: kevaka e se vo e tiko e na siga tarava; ia na ka e vo me yacova na ikatolu ni siga, me na vakamal e na bukawaqa, me kakua ni laukana. 07 Kevaka e mani laukana e na ikatolu ni siga, qori sa na vakasisila; e sa na sega ni vakadonui. 08 O ira kece era kania era na rarawataka na nodra cala, baleta era sa vakawaletaka na veika e tabu vei Jiova (Yahweh); ia na tamata oya e na muduki laivi maivei ira na wekana.
Vunau ni iSoro 19:1-8


Oni sega beka ni kila ni o ira era tawadodonu era na sega ni vakaivotavota e na matanitu ni Kalou (Yahweh)? Kakua ni vakacalai; e sega ni dua e dau itovo vakasisila se dau lotutaki matakau se dau veidauci se dau lawaki ca, se tagane dau veiyacovi kei na tagane, 10 se dau veivakasaurarataki se dau butako, se dau mateni, se dau veileti, se dau kovekove, e na vaka ivotavota e na matanitu ni Kalou (Yahweh). 11 Eso vei ira na ivakarau ca oqo, a dau kune e na so vei kemuni, ia oni sa vakasavasavataki oti, oni sa vakatabui oti, oni sa vakadonui oti talega e na yaca ni Turaga o Jisu (Master Yahshua) na Mesaia e na Yalo ni noda Kalou (Elohim).
1 Korinica 6:9-11



Read The Bible in a Year (Wili Na iVola Tabu E Na Dua na Yabaki).
Siga: 51
Tikinisiga: February 20
Mataka: Numbers 3-4
Yakavi: Mark 3:22-35

Na Solevu nei Jiova (The Feast of Yahweh)

Thought: Life is characterized by Feasting and Fasting

.......................................

Serving For The 19th February, 2009

Vosa tale vei Mosese o Jiova (Yahweh), ni kaya, 34 Vosa vei ira na luve i Isireli, mo kaya vei ira, E na ikatinikalima ni siga e na ikavitu ni vula, moni vakayacora kina na solevu ni vale tabatabanikau vei Jiova me vitu na siga. 35 Na imatai ni siga, me qaravi kina e dua na soqoni tabu vei kemuni; moni kakua sara ga ni cakava kina e dua na mataqali cakacaka. 36 Me vitu na siga na nomuni vakacabora tiko e tauyadua na isoro kama vei Jiova (Yahweh); na ikawalu ni siga me dua tale na soqoni tabu vei kemuni; moni cabora kina e dua na isoro e vakamai e na buka waqa vei Jiova (Yahweh); moni na sosoqoni vata; ia moni kakua ni cakava kina e dau ga na mataqali cakacaka. 37 Oqo na solevu nei Jiova (Yahweh), moni na kacivaka ni soqoni tabu, me dau vakacabori kina na isoro kama e na bukawaqa vei Jiova (Yahweh), na isolisoli laukana kei na isolisoli gunuvi vata kei na imadrali, e na gauna lokuci me caka kina e na veisiga; 38 Oqo me ikuri ni veisiga ni vakacecegu nei Jiova, ka ikuri ni nomuni isolisoli, kei na nomuni iloloma, ikuri ni nomuni bubului, ka ikuri ni nomuni isolisoli soliwale oni dau solia vei Jiova (Yahweh).
Vunau ni iSoro 23:33-38.

Au kila na kena ibalebale ni da dravudravua, kau kila na kena ibalebale ni da vutuniyau; au sa sotava e levu na ka, kau sa vulica e levu na ka, ruarua niu mamau se walo­kai, ruarua talega ni levu na ka e tu vei au se levu na ka au gadreva.
Filipai 4:12.



Read The Bible in a Year (Wili Na iVola Tabu E Na Dua na Yabaki).
Siga: 50
Tikinisiga: February 19
Mataka: Numbers 1-2
Yakavi: Mark 3:1-2

Na Leqa Ni Vukavuka (Leprosy Problem)

Thought: Leprosy depicts sins, And to be healed from it is wonderful, just as being forgiven from our sins.

........................................

Serving For The 18th February, 2009

Sa qai vosa vei Mosese o Jiova (Yahweh), ka kaya, 02 Oqo na lawa me baleti koya e tauvi vukavuka e na veisiga ni nona vakasavasavataki; me na kau mai o koya vua na bete: 03 Me lako i taudaku ni koro na bete; oti me qai dikeva koya na bete; se sa seyavu na vukavuka mai na tamata e tauvi vukavaka; 04 ia me vakarota na bete me tauri e na vukuna o koya me vakasavasavataki e rua na manumanu vakatabana savasava rau se bula tiko, na kausitari, na isulu kulakula, kei na isopi; 05 oti me qai vakarota na bete me vakamatei e dua vei rau na manumanu vakatabana, e na loma ni dua na dari qele e dela ni wai drodro: 06 oti qai taura o koya na manumanu vakatabana bula, na kausitari, na isulu kulakula kei na isopi, qai tonia vata kei na manumanu vakatabana bula e na dra ni manumanu vakatabana sa vakamatei oti e dela ni wai drodro; 07 oti qai vakamiraka vakavitu vei koya e vakasavasavataki tiko mai na vukavuka, ka tusanaka vua ni sa savasava. Oti qai sereka na manumanu vakatabana e se bula tiko me vuka i dela ni vanua. 08 O koya e vakasavasavataki tiko, me qai savata na nona isulu, toroya vakadua na drau ni uluna, qai vakasilimi koya e loma ni wai, me savasava kina: ni oti oqori sa na rawa ni lesu i na keba, ia me wawa tikoga e taudaku ni nona vale laca me siga vitu.
Vunau ni iSoro 14:1-8.

Raica, ni a toso yani vua e dua e tauvi vukavuka, vakarokoroko Vua qai kaya, “Turaga (Master), kevaka Oni gadreva, Oni rawa ni vakasavasavataki au.” 03 A mani dodoka yani na Ligana o Jisu (Yahshua), me tarai koya qai kaya, “Au gadreva; Au vaka­rota mo savasava!” E na gauna vata oqori e a vakasavasavataki kina na nona vukavuka.
Maciu 8:2-3




Read The Bible in a Year (Wili Na iVola Tabu E Na Dua na Yabaki).
Siga: 49
Tikinisiga: February 18
Mataka: Leviticus 26-27

Lawa Me Nodra Na Tamata (Laws For The People)

Thought: Yahweh has personal concern for our Holiness

.............................................

Serving For The 17th February, 2009

Na veika kece dauqasi era veiqasiyaki tu e dela ni vuravura e sega ni savasava vei kemuni; me kakua ni laukana. 42 Na cava ga e toso e ketena se toso e na yavana va va se cava ga e levu na iwiliwili ni yavana vei ira na ka kece era dauqasi ka dauveiqasiyaki tu e dela i vuravura, o ira oqori mo ni kakua ni kania; baleta era dukadukali.
43 ¶ Moni kakua ni vakadukadukalitaki kemuni vakataki kemuni e na veika cava ga era dauqasi e dela ni vuravura; baleta oni na vakadukadukalitaki kina vakataki ira; kakua ni vakacacani kemuni vei ira. 44 Baleta ni o Au o Jiova(Yahweh) na nomuni Kalou (Elohim); o koya oya moni vakatabui kemuni kina vakataki kemuni, moni rawa ni savasava vakaoti, ka ni o Au, au savasava vakaoti; o kemuni talega moni kakua ni vakacacani kemuni e na dua ga na ka e dauqasi ka dau veiqasiyaki tu e dela ni vuravura. 45 Ka ni o Au o Jiova (Yahweh), na nomuni Kalou (Elohim) au a kauti kemuni tani mai na vanua o Ijipita, meu mai nomuni Kalou (Elohim); qori e dodonu kina moni savasava vakaoti, me vaka ni o Au, Au savasava vakaoti. 46 Oqo na lawa me baleta na manumanu yavaiva kei na maumanu vakatabana kei na kabula kecega era veitosoyaki tu e loma ni wai, kei na ka bula kece sara era dau veiqasiyaki tu e dela ni vuravura; 47 oya moni vakaduiduitaka na kena e dukadukali mai na kena e sega ni dukadukali, vata kei na manumanu e tara me laukana mai na kena e vakatabui me laukana.
Vunau Ni iSoro 11:41-47

Baleta na lawa ni bula vakayalo e tiko vei Jisu (Yahshua) na Mesaia, sa vakavuna mo sereki mai na lawa ni ivalavala ca kei na mate. 03 Na lawa a gogo baleta na malumalumu e na leweniyago, a mani tala mai kina na luvenatagane, na Kalou (Elohim), e na waqawaqa ni leweniyago dau valavala ca e na vukuni valavala ca, me mai vakarusa na ivala­vala ca e na yagona
Roman 8:2-3





Read The Bible in a Year (Wili Na iVola Tabu E Na Dua na Yabaki).
Siga: 48
Tikinisiga: February 17
Mataka: Leviticus 24-25
Yakavi: Mark 1:23-45

Veivakaduavataki ni iValavala Ca (Atonement for Sin)

Thought; The First Thing in Thankgiving is Thinking

....................................

Serving For The 16th Feruary, 2009

Kevaka e nona imadrali e dua na imadrali ni tiko veisaututaki, ia qai solia mai na nona qeleni manumanu veitalia ke katagane se kayalewa, laiva me vakacabora e na mata i Jiova (Yahweh) e dua e sega ni veivolavolai. 02 Me na vakotora na ligana e na ulu ni nona isolisoli, oti qai vakamatea e na katuba ni nodra valetabu na isoqosoqo, ia o ratou na luvei i Eroni, kei ira na bete, me ra qai vakamiraka na dra e na i cabocabo ni isoro kei na veiyasana wavokita. 03 Ia me qai vakacabora o koya eso na imadrali ni tiko veisaututaki, e vakacabori e na bukawaqa vei Jiova (Yahweh); ia na uro e kabi tu e na igacagaca kei na uro kece e tiko e na gacagaca, 04 na ivi ruarua, kei na uro e kabita tu mai na saresarena, kei na ilatikoso e toka e dela ni yate, kei na ivi, o koya oqori me na kauta tani. 05 O ratou na luve i Eroni, me ratou vakama e na dela ni icabocabo ni isoro, e na dela ni isorokama sa tuva tu e na dela ni buka sa kama tiko; oqori na isolisoli e vakacabori e na bukawaqa, e boi kamica vei Jiova (Yahweh).
Vunau ni iSoro 3:1-5


Na Mesaia a vakararawataki talega vakadua e na vuku ni noda ivalavala ca; e dua na tamata dodonu e na vukudra na tawadodonu; me rawa kina ni kauti keda Vua na Kalou (Elohim); oya e na nona mate vaka­yago, e a qai bula tiko ga e na Yalo.
1 Peter 3:18



Read The Bible in a Year (Wili Na iVola Tabu E Na Dua na Yabaki).
Siga: 47
Tikinisiga: February 16
Mataka: Levitcus 22-23
Yakavi: Mark 1:1-22

Na iSoro se iSolisoli (The Offering)

Thoughts: Many sacrifices were required of Israel, but today only one is required

.....................................

Serving For The 15th February, 2009

Ia me vakotora na ligana e na ulu ni nona isolisoli, oti qai vakamatea e na katuba ni nodra valetabu na isoqosoqo, ia o ratou na luvei i Eroni kei ira na bete, me ra qai vakamiraca na dra e na i cabocabo ni isoro kei na veiyasana. 03 Ia me qai vakacabora o koya eso na imadrali ni tiko veisaututaki, e vakacabori e na bukawaqa vei Jiova (Yahweh); ia na uro e kabi tu e na igacagaca, kei na uro kece e tiko e na gacagaca, 04 na ivi ruarua, kei na uro e kabita tu, mai na saresarena, kei na ilatikoso e toka e dela ni yate, kei na ivi, o koya me na kauta tani. 05 O ratou na na luve i Eroni, me ratou vakama e na dela ni icabocabo ni isoro, e na dela ni sorokama sa tuva tu e na dela ni buka e sa kama tiko; oqori na isolisoli e vakacabori e na bukawaqa, e boi kamica vei Jiova (Yahweh).
Vunau ni iSoro 3:1-5.

Ia me vaka ni kena ituvatuva, na tamata e na mate taumada vakadua, oti e na qai muri mai na siga ni lewa, 28 na Mesaia talega, e a vakacabori cake vakadua ga me colata na ivalavala ca ni lewe vuqa; me qai rawa kina e na ikarua ni Nona lako mai, me lako mai, sega e na vukuni noda ivalavala ca, ia me mai veivakabulai ga vei ira era vaqarai koya tiko.
Hebrews 9:27-28.

E na vukuna, laiva me tabucegu na noda vakacabora na isoro ni vakamuduo Vua na Kalou (Elohim), oya me vuata ni tebenigusu, na vakavinavinaka e na vukuni Yacana.
Hebrews 13:15.





Read The Bible in a Year (Wili Na iVola Tabu E Na Dua na Yabaki).
Siga: 46
Tikinisiga: February 15
Mataka: Leviticus 20-21
Yakavi: Matthew 28

Na Lawa Ni iSoro (Laws About Sacrifice)

Thought: How would you atone your sins? Yahweh has paid for our sins through the shed blood of the Messiah

........................................................

Serving For The 14th February, 2009

Ia mo qai kaya vei ira, Ke dua na tamata maivei ira na luve i Isireli, se dua vei era sa tavuki e na kemuni maliwa, e vakacabora e dua na isoro kama se dua na imadrali, 09 qai sega ni kauta mai i na katuba ni nodra valetabu na isoqosoqo, me mai vakacabora kina vei Jiova (Yahweh); na tamata oya me na muduki laivi mai vei ira na wekana.
10 ¶ Ia ke dua na tamata mai vei ira na luve i Isireli se dua vei ira era sa tavuki e vakaitikotiko e na kemuni maliwa e kania e dua ga na mataqali dra, au sa na sovara yani na noqu rarawa vua na tamata oqori, e kania na dra, kau na muduki koya laivi mai vei ira na wekana. 11 Baleta na bula ni leweniyago e tiko e na dra Au a solia vei kemuni e na icabocabo ni isoro moni vakayagataka e na veivakaduavataki ni bula. 12 Qori au a kaya kina vei ira na luve i Isireli, Me kakua ni dua na tamata e na kemuni maliwa me kania na dra, me kakua talega ni dua vei ira sa tavuki e vakaitikotiko e na kemuni maliwa me kania na dra.
Vunau ni iSoro 17:8-12

Kevaka e na gauna eda se kena meca tu kina, eda qai vakaduavatataki Vua na Kalou (Elohim) e na Nona mate o Luvena, sa na qai ka levu cake sara ni da na vakabulai e na vuku ni Nona bula. 11 Ia e sega ni o koya ga qori, eda na reki talega vua na na Kalou (Elohim), e na vukuni Noda Turaga (Master) o Jisu (Yahshua), na Mesaia o Koya e a rawata mai vei keda na noda vakaduavatataki.
Romans 5:10-11




Read The Bible in a Year (Wili Na iVola Tabu E Na Dua na Yabaki).
Siga: 45
Tikinisiga: February 14
Mataka: Leviticus 18-19
Yakavi: Matthew 27: 32-66

Na Cakacaka Vaka Bete (Priestly Ministry)

Thought: What Spirit Do you Have; the Holy Spirit or the Strange Spirit

......................................

Serving For The 13th February, 2009

A qai laveta cake na ligana o Eroni vei ira na tamata, qai vosa vakalougatataki ira, oti sa qai sobu mai ni sa cabora oti na isoro ni valavala ca, na isoro kama, kei na imadrali ni tiko veisaututaki.
23 ¶ Rau sa qai curu i na nodra valetabu na isoqosoqo o Mosese kei Eroni, ia ni rau sa curu tani mai rau qai vosa vakalougatataki ira na tamata: sa qai rairai na iserau nei Jiova e na kedra maliwa vei Ira na tamata. 24 A qai caudre mai, mai na mata i Jiova (Yahweh) ka yameca yavu na isoro kama kei na uro e na dela ni cabocabo ni soro, era qai raica na tamata, era qai kailavaka na nodra vakamolimoli, ni ra sa lutu sobu me ra cuva vakatoboicu e matadra.
Vunau ni iSoro 9:22-24


O Neitapi kei Epaihu o rau na luve i Eroni, rau qai dui taura na nodrau miqa, biuta e loma na bukawaqa, ka vakatora e loma na ka boi vinaka, rau qai cabora na bukawaqa duitani e na mata i Jiova (Yahweh), e sega ni kena ivalavala a vakarota vei rau o Jiova (Yahweh). 02 A qai lidiki rau na bukawaqa mai vei Jiova (Yahweh), yameci rau, rau qai mate e na mata i Jiova (Yahweh).
Vunau ni iSoro 10:1-2



Joni, vei ira na isoqo­soqo e vitu era tu mai Esia: Na yalololoma me nomuni ka vaka kina na vakacegu maivei Koya (Yahweh) e bula tiko, a dau bula tu, ka sa lako tiko mai; ka vaka kina maivei ira na yalo levitu era toka e na mata ni nona idabe­dabe vakatui, 05 vata kei Jisu (Yahshua) na Mesaia, na ivakadinadina yalododonu, na isevu ni veivakaturi mai na mate, ka daunivakavulewa vei ira na tui kei vuravura. Vei Koya e lomani keda qai savui keda mai na noda ivalavala ca e na Nona dra o Koya vakataki Koya; 06 ka sa lesi i keda meda tui ka bete Vua na Kalou (Elohim) na Tamana; me Nona tikoga na lagilagi kei na lewa kece sara me tawamudu, Emeni.
Vakatakila 1:4-6




Read The Bible in a Year (Wili Na iVola Tabu E Na Dua na Yabaki).
Siga: 44
Tikinisiga: February 13
Mataka: Leviticus 15-17
Yakavi: Matthew 27:1-31

Tara Oti Na Valetabu (Tabernacle Completed)

Thought: Without Yahweh the best we can produce is nothing

........................................

Serving For The 12th February, 2009

A qai yaco e na siga sa vakaduria oti kina na valetabu o Mosese, ka sa lumuta ka vakatabuya vata kei na kena iyaya kecekece; ruarua na icabocabo ni isoro kei na kena iyaya kecega, ka sa lumuta ka vakatabuya oti; 02 Ni ra a qai lako mai na ravouravou kei Isireli, o ira na iliuliu ni mataqali i tamadra, era sa turaga tiko ni mataqali ka dau Iewai ira era sa wili; 03 era qai kauta mai na nodra i solisoli e na mata i Jiova (Yahweh), e ono na karati ni usasua vakaiubi, oya me rua na tui dua na kareti, ka ra tauyadua mai na bulumakau; era kauta mai i na mata ni valetabu, 04 Kaya vei Mosese o Jiova (Yahweh), 05 Taura na isolisoli mai vei ira, me vakayagataki e na cakacaka ni nodra valetabu na isoqosoqo, ka solia vei ira me veiraurau kei na nodra dui cakacaka, 06 Sa qai taura na bulumakau kei na kareti ni usausa o Mosese, qai solia vei ira na Livai. 07 E va na kareti ni usausa kei na walu na bulumakau e a solia o koya vei ira na luve i Kerisoni, ka ni veiraurau kei na nodra cakacaka. 08 e va na kareti ni usausa kei na walu na bulumakau a solia vei ira na luve i Merari tagane, me veiraurau kei na nodra cakacaka, ia me na lewa kece tiko o Itihama na luve i Eroni na bete.
Lekutu 7:1-8.

Ia na vosa a qai yaco me yago, qai mai vakaitikotiko e na keda maliwa, keitou qai raica na Nona lagilagi, na lagilagi e kune duadua Vua a vakatubura na Tamada, ka sinai tu Vua na loloma kei na dina.
Joni 1:14.



Read The Bible in a Year (Wili Na iVola Tabu E Na Dua na Yabaki).
Siga: 43
Tikinisiga: February 12
Mataka: Leviticus 14
Yakavi: Matthew 26:55-75

Na Wase Cakacaka (Duties Allotment)

Thought: Joy Comes With Exercising The Gift Yahweh Has Given To You.

.................................

Serving For The 11th February, 2009

E vosa vei Mosese o Jiova (Yahweh), me kaya, 22 Mo taura talega na kedra iwiliwili na luve i Kerisoni, mai na veitokatoka nei tamana, e na nodra dui matavuvale; 23 oya o ira era yabaki tolusagavulu kauta cake i na yabaki limasagavulu, o ira kece era momoqaqa me ra dau colata na cakacaka ni nodra valetabu na isoqosoqo. 24 Oqori na nodra itavi na matavuvale nei Kerisoni, me ra veiqaravi, ka colata na icolacola: 25 Me ra na colata na ilatilati ni nodra valetabu na isoqosoqo, na kena iubi na katuba, na iubi kuli ni babale e toka e delana kei na veika era dau lili tu e na katuba ni nodra valetabu na isoqosoqo, 26 na veika era tu e na loma ni buturara, kei na veika era dau lili tu e na katuba levu ni buturara e toka veitikivi kei na icabocabo ni isoro, na dali, kei na iyaya kecekece ni veiqaravi, kei na veika kece era dau cakava, me nodra itavi. 27 E na kaci nei Eroni kei rau na luvena tagane, era na vakarorogo kina na luvei Keresoni tagane, e na icolacola kece kei na veiqaravi kecekece: mo qai lesi ira me ra qarava na cakacaka kece sara. 28 Oqo na nodra itavi na nodra vei matavuvale na luve i Kerisoni e na nodra valetabu na isoqosoqo; na kena lewa me na tiko e na liga i Itihama na luve i Eroni na bete.
Lekutu 4:21-28.

Qori au vakamasuti kemuni kina na veitacini, e na vuku ni loloma ni Kalou (Elohim), moni solia na dui yagomuni me imadrali bula, savasava, ka gadrevi vakaoti Vua na Kalou (Elohim); oya me nomuni itavi lailai wale ni veiqaravi.
Roma 12:1.

Read The Bible in a Year (Wili Na iVola Tabu E Na Dua na Yabaki).
Siga: 42
Tikinisiga: February 11
Mataka: Leviticus 13
Yakavi: Matthew 26:20-54

Na Cakacaka Vaka Livai (The Levitical Duties)

Thoughts: We will remain stagnant, with unsupportive and unsubmissive spirit

.......................................

Serving For The 10th February, 2009

A qai vosa vei Mosese o Jiova (Yahweh), me kaya, 06 Kauti ratou mai vakavoleka na mataqali Livai, ka vakaraitaki ira e mata i Eroni na bete, me ra sa veiqaravi Vua. 07 me ra qarava na nona cakacaka, kei na cakacaka ni isoqosoqo taucoko, e na mata i Jiova (Yahweh) e na valetabu ni isoqosoqo, me ra colata na cakcaka ni valetabu. 08 Me ra dau maroroya na iyaya kecekece ni nodra valetabu na isoqosoqo kei na nodra qaravi na luve i Isireli. 09 Mo qai soli i ira na Livai vei Eroni kei ira na luvena: era sa na soli vakadua vua vakailoloma maivei ira na luve i Isireli 10 Mo qai lesi i Eroni kei rau na luvena, me ratou qarava na nodratou cakacaka vakabete: ia na tamata vulagi e toro voleka yani me vakamatei. 11 A qai vosa vei Mosese o Jiova (Yahweh), me kaya, 12 Raica, au sa kauti ira na Livai mai na kedra maliwa na Isireli, me kedra isosomi na ulumatua, era doladola mai na nodra katonigone na luve i Isireli: e kena ibalebale ni sa na noqu o Livai; 13 O ira kece na ulumatua era noqu; baleta e na siga au a mokuti ira kina na ulumatua mai na vanua o Ijipita: au a vakatabui ira kina na ulumatua mai Isireli, ruarua na tamata kei na manumanu; me ra noqu; o au o Jiova (Yahweh)
Lekutu 3:5-13

Sa qai kaya o Samuela:“ O Jiova (Yahweh), e sega ni taleitaka cake vakalevu na isoro kama kei na madrali me tautauvata kei na dua e talai rawarawa i na domona. Raica na talairawarawa e vinaka cake mai na isoro, kei na vakatudaliga e vinaka cake mai na uro ni sipi tagane. 23 Baleta na talaidredre e tautauvata kei na caka isausau ia na yalokaukaua e tautauvata kei na qaravi matakau. Ia qo baleta ni o sa vakanadakuya na vosa i Jiova (Yahweh), o Koya talega sa sega ni vinakati iko mo tui.
1 Samuela 15:22-23







Read The Bible in a Year (Wili Na iVola Tabu E Na Dua na Yabaki).
Siga: 41
Tikinisiga: February 10
Mataka: Leviticus 10-12
Yakavi: Matthew 26:1-19

Tara Na Valetabu. (Tabernacle Built)

Thought: In Working our Redemption, the Messiah Took on Humility.

................................................

Serving For The 9th February, 2009

Sa qai kaya o Mosese vei ira na luve i Isireli, Raica, O Jiova (Yahweh) e sa kacivi Pisalieli na luve i Urai, na luve i Huri, e na mataqali i Jiuta; 31 ka sa sobuti koya e na Yalo ni Kalou (Elohim), me kune vua na vuku kei na yalomatua, kei na kilaka, me sa matai ni veimataqali cakacaka kecega; 32 me na navuca na veimataqali cakacaka maqosa (artistics); ka me cakacaka e na koula, na siliva, kei na parasa, 33 ka vaka kina na kena musumusu na vatutalei me ivono, ka me matai e na ceu ni kau, me rawa ni cakava na veimataqali cakacaka maqosa kecega. 34 E sa vakauqeti koya me na vakatavulica vei koya vakataki koya vata kei Ilaiapi, na luve i Ehisamaki, e na mataqali i Tani. 35 O rau ruarau e a vakasinaiti rau o koya e na vuku kei na vakasama me rau rawa ni cakava na cakacaka kece vakamatai, na cakacaka maqosa, kei na kena cula na karakarawa, na lokaloka na kulakula kei na lineni matailalai, kei na damudamu, e na talitali, vata kei ira na dau ni cakacaka kece, ka vaka kina o ira era navuca na na cakacaka maqosa.
Lako Yani 35:30-35

Qo sa tiko e dua na noda bete levu cecere, e sa cabe i lomalagi; o Jisu (Yahshua) na Mesaia na luve ni Kalou (Elohim); laiva meda tudei tiko e na noda vakabauta. 15 Baleta o keda e tiko na noda bete levu e rawa ni tarai koya na noda nuiqawaqawa; e dua e sa sotava na veimataqali veivakatovolei me tautauvata kei keda, ia e sega na Nona ivalavala ca
Iperiu 4:14-15

Read The Bible in a Year (Wili Na iVola Tabu E Na Dua na Yabaki).
Siga: 40
Tikinisiga: February 9
Mataka: Leviticus 7-9
Yakavi: Matthew 25:31-46

Na ValeTabu Ni Kalou (The Tabernacles)

Thought: Yahweh blesses a cheerful giver

.........................................

Serving For The 8th February, 2009

Era biubiu mai na mata i Mosese o ira kece na lewe ni isoqosoqo taucoko ni luve i Isireli. 21 Era qai lako mai, o ira kece era lomasoli mai vuniyalodra kei ira kece era vakauqeti mai vakayalo me ra yalosoli, era qai kauta mai na isolisoli vei Jiova (Yahweh) me baleta na cakacaka ni valetabu ni soqosoqo, kei na ka kece era vakayagataki kina kei na isulu tabu. 22 Era lako mai, ruarua na tagane kei na yalewa, o ira kece ga era yalosoli, me ra kauta mai na qato, na sau, na mama, kei na itaube, kei na veimataqali iyaya koula; o ira kece na tamata era sa biuta tu vakatikitiki na isolisoli koula era a kauta mai vei Jiova (Yahweh). 23 O ira kece na tamata e kune vei ira na karakarawa na lokaloka kei na kulakula, na lineni matailalai, na vutinime, kei na kuli ni sipi tagane damudamu, kei na kuli karakarawa kata, era kauta mai. 24 O ira kece era biuta vakatikitiki e dua na isolisoli siliva kei na parasa era kauta vaka isolisoli vei Jiova (Yahweh); o ira na tamata e kune vei ira na kau shitimi e na yaga e na cakacaka ni veiqaravi, era kauta mai. 25 O ira na yalewa era kenadau, era a talitali e ligadra, era qai kauta na veika era talia, ruarua na karakarawa kei na lokaloka, kei na i sulu kulakula, kei na lineni matailalai. 26 O ira na yalewa era kena dau ka nodra gagadre dina, era a talia vakamaqosa na vuti ni me. 27 O ira na turaga bale, era kauta mai na vatu onikisa kei na vatutalei me vonoti e na efoti kei na itaube ni saresare; 28 vata kei na ka boi vinaka, na waiwai ni icina, kei na waiwai ni veilumuti, kei na isaluaki ni kau boi vinaka me vakamai. 29 O ira na luve i Isireli era a kauta na isolisoli e na yalosoli vei Jiova (Yahweh); o ira kece sara na tagane kei na yalewa era yalosoli era a kauta mai na iyaya me vakayagataki e na cakacaka kece sara, a vakarota o Jiova (Yahweh) me na cakava o Mosese.
Lako Yani 35:20-29

“Solia e na qai soli vei kemuni: vakayauyau, tabaki sobu, kureitaki, qai bini cake tale me vuabale, oti qai sovaraki i loma ni nomu kote. Na ivakarau o vakarautaka, e na vakarautaki lesu mai vei iko.”
Luke 6: 38

Read The Bible in a Year (Wili Na iVola Tabu E Na Dua na Yabaki).
Siga: 39
Tikinisiga: February 8
Mataka: Leviticus 4-6
Yakavi: Matthew 25:1-30

Na Lawa Tale Eso (Further Laws)

Thoughts: Yahweh Has Clearly Defined How We Should Live

..............................................

Serving For The 7th February, 2009

Moni kakua ni bulia e na vukumuni na matakau se na ivakatakarakara se vakaduria na duruvatu babalavu se na vatu ceu ivakatakarakara, e na nomuni vanua moni cuva sobu vei ira ka sokalou, baleta o au o Jiova (Yahweh) na nomuni Kalou (Elohim). 02 Moni dau muria na noqu ivakaro kecekece, ka vakarokorokotaka na noqu vale tabu; O au o Jiova (Yahweh). 03 Kevaka mo muria na noqu lawa ka maroroya na noqu ivakaro; mo vakayacora, 04 Au na qai solia vei kemuni na uca e na kena gauna, na vanua e na vuataka na kena kena tubu, kei na veivunikau ni vanua era na vuataka na vuata. 05 Na nomuni samusamu e na sema i na gauna ni veti vuanivaini, na veti vuanivaini e na sema yani i na gauna ni kabukaburaki; moni kania vinaka na kemuni madrai ka tiko ena nomuni vanua e na sautu. 06 Au na solia na sautu e loma ni vanua, oni na koto sobu, e na sega ni dua e vakanuiqawaqawataki kemuni; au na vaqeavutaka na manumanu kila mai na loma ni vanua, e sega ni dua na seleiwau e na kabata basikata na nomuni vanua. 07 Oni na cemuri ira na kemuni meca, era na bale e matamuni e na iseleiwau. 08 E lima vei kemuni e na cemuria e duanadrau, e duanadrau vei kemuni e na cemuria e tininaudolu; o ira na kemuni meca era na bale e matamuni e na nomuni iseleiwau.
Vunau ni iSoro 26:1-8

Ia o kemuni talega oni Nona na Kalou (Yahweh) e na vuku i Jisu (Yahshua) na Mesaia, o Koya e mai Vua na Kalou (Yahweh) e vuku, e yalododonu, e itini ni veivakatabui kei na veivueti vei keda kece, 31 me vaka e volai tu, “O koya e via dokadoka, me dokadokataka ga na TURAGA (Yahweh).
1 Korinica 1:30



Read The Bible in a Year (Wili Na iVola Tabu E Na Dua na Yabaki).
Siga: 38
Tikinisiga: February 7
Mataka: Leviticus 1-3
Yakavi: Matthew 24:23-51

Na Leva Nei Mosese (Moses’ Anger )

Thought: When We Cover Up Sin, We Only Add To It. We Need Repentance

.............................................

Serving For The 6th February, 2009

O Jiova (Yahweh) a qai sobu mai na o, me mai duri tu vata kei koya e keya, ia qai kaciva na yaca i Jiova (Yahweh) o Mosese. 06 A qai tavali takoso e matana o Jiova (Yahweh) qai tusanaka, Jiova (Yahweh), Jiova (Yahweh) na Kalou (Elohim), dauloloma ka dauveinanumi, dauvosota vakadede, ka sinai vutuvutu e na yalovinaka kei na dina, 07 e dau yalovinaka vei ira na udolu na itabatamata, me vosota na ivalavala ca kei na talatalaidredre, ia e na sega ga vakadua ni vakadonui ira era cala; ka na sikovi ira na nodra kawa o ira na tama era ivalavala tawakilikili vei ira na luvedra kei ira na makubudra me yacova na ikatolu se ikava ni itabatamata 08 E a vuki totolo o Mosese, me lutu i na dela ni qele e na vakarokoroko. 09 Oti qai kaya, Kevaka au sa kunea na yalololoma e matamuni, Kemuni na noqu Jiova (Yahweh), laiva na noqu Jiova (Yahweh) me lako vata kei keimami; baleta qo e dua na kawatamata domoqa; ka vosota na neimami caka cala, na neimami ivalavala cala, kei na neimami loma leqaleqa.
10 ¶ Kaya o Jiova (Yahweh), Raica, au na bulia e dua na veiyalayalati kei ira na nomu tamata. Au na cakava eso na cakacaka mana e sebera ni bau caka vakadua e vuravura, se e loma ni dua tale na matanitu; ia o ira kece na tamata o sa tiko qo e na kedra maliwa, era na qai raica na cakacaka i Jiova (Yahweh); baleta e ka vakadomobula au sa na cakava oqo vata kei iko.
Lako Yani 34:5-10.

Kevaka eda vakatusa na noda ivala­vala ca, o Koya e yalodina ka yalododonu, e na vosoti keda mai na noda ivalavala ca, ka vakasavasavataki keda mai na noda dukadukali kecekece. 10 Kevaka eda kaya ni da sega ni valavala ca, eda sa vakalasui Koya tikoga, baleta na Nona vosa e sega ni tiko vei keda.
1 Joni 1:9-10.





Read The Bible in a Year (Wili Na iVola Tabu E Na Dua na Yabaki).
Siga: 37
Tikinisiga: February 6
Mataka: Exodus 39-40
Yakavi: Maciu 24:1-22

Na iTutu Vakabete (The Priesthood)

Thought: What is central in your mind? Money, Fame, Pleasure or Yahweh?

..........................................

Serving For The 5th February, 2009

A qai vosa vei Mosese o Jiova (Yahweh), qai kaya, 13 Vosa vei ira na luve i Isireli, mo kaya, Na Noqu siga ni vakacecegu moni vakatatabutaka; baleta qori na ivakatakilakila e na keda maliwa, o Au vata kei kemuni e na nomuni itabatamata kece sara; me rawa ni oni na kila tiko ni o Au o Jiova (Yahweh) na nomuni Kalou (Elohim) e a vakatabui kemuni. 14 Moni dau vakatatabutaka na siga ni vakacecegu; baleta ni vakatabui vei kemuni: o ira kece era vakadukara me ra na vakamatei dina; ia ke dua e cakava kina e dua na cakacaka, na tamata oqori me na musu laivi mai vei ira na kai nona. 15 E ono na siga mo cakava kina na nomu cakacaka; ia na ikavitu ni siga e siga ni vakacegu; e tabu vei Jiova (Yahweh); o koya ga e cakava e dua na cakacaka e na siga ni vakacecegu me na vakamatei. 16 Qori sa na dodonu kina vei ira na luve i Isireli me ra muria na vakacegu nei Jiova (Yahweh), me ra vakatabuya na siga ni vakacecegu e na nodra veitabatamata kece, me dua na veiyalayalati e sega ni mudu. 17 Qo e dua na ivakatakilakila e na keda maliwa o Au vata kei ira luve i Isireli me tawa mudu; baleta e na ono na siga e a bulia kina na lomalagi kei na vuravura kei na veika era sinai kina o Jiova (Yahweh), ia e na ikavitu ni siga e a tini kina na cakacaka qai vakacegu. 18 Oti qai solia vei Mosese, ni sa tini na nodrau veitalanoa e na dela ni ulunivanua o Saineai, e rua na papavatu ni ivunau, na vatu raraba e volai sara tu ga e na iqaqalo ni liga ni Kalou (Elohim).
Lako Yani 31:12-18,

Baleta na Mesaia a sega ni curu i na loqi tabu e bulia na liga, baleta qori e ivakatakarakara ga ni kena e dina; e a curu sara i lomalagi me lai basika e mata ni Kalou (Elohim) e na vukuda; 25 ia a sega ni lai vakacabori koya tiko vakawasoma, me vakataki ira na bete levu ni ra dau curuma na Loqi Tabudredre vakatauyadua e na veiyabaki, qai kauta tiko yani na dra e sega ni nona;
Iperiu 9:24-25

Read The Bible in a Year (Wili Na iVola Tabu E Na Dua na Yabaki).
Siga: 36
Tikinisiga: February 5th
Mataka: Exodus 37-38
Yakavi: Matthew 23:23-39

Na iYaya ni Vale Tabu. (Tabernacles Accesories)

Thought: Go Into The Presence of Yahweh and Linger

............................................

Serving For The 4th February, 2009

Oti qai vosa vei Mosese o Jiova (Yahweh), ni kaya, 02 Raica, au sa kacivi Pisalieli na luvei i Urai tagane, na luve i Hera (Hur), e na mataqali i Jiuta; 03 Au sa sobuti koya e na Yalo ni Kalou, me vuku ka yalomatua, ka me levu na ka me kila me baleta na veimataqali cakacaka kecega, 04 Me vakatavulica na cakacaka dredre (cunning), me dau ni buli iyaya e na koula, na siliva kei na parasa, 05 vata kei na iwalewale ni musu vatu talei me ivono, na ceuceu e na kau, kei na veimataqali cakacaka kecega. 06 Ia raica, Niu sa lesia me rau na cakacaka vata kei Elaihapi na luve i Ehisamaki, e na mataqali i Tani; kau sa vakatikora na vuku e na vuniyalodra na tamata dau ni cakacaka, me rawa ni ra cakava na veika kece Au sa vakarota oti vei iko: 07 Na valetabu ni veitavaki kei na kato ni ivunau, kei na idabedabe ni loloma e toka e delana, kei na iyaya kece ni valetabu, 08 na teveli kei na kena iyaya, na itutu ni icina savasava kei na kena iyaya kecekece, kei na icabocabo ni sedeboi, 09 na icabocabo ni isorokama kei na kena iyaya kecekece, na daritu (laver) kei na kena itutu, 10 kei na isulu ni veiqaravi, na isulu tabu nei Eroni na bete, na nodratou isulu na luvena, me ka ni veiqaravi vei au e na itutu vakabete, 11 Ia na waiwai ni veilumuti kei na kau sedeboi ni tikina tabu; me ra cakava e na kena ivalavala au sa vakarota oti vei iko.
Lako Yani 31:1-11

Keitou kila vinaka, kevaka me sa rusa na noda vale vakavuravura, e se tiko ga e dua na noda vale e bulia na Kalou (Yahweh), e dua na vale e sega ni tara e na liga, e tawamudu ka tiko mai lomalagi. 02 O keda talega eda vutugutaka tiko na vale vakavuravura oqo, e na noda gadreva tiko vagumatua meda lai vakayagataka na noda vale e tiko mai lomalagi,
2 Korinica 05:1-2



Read The Bible in a Year (Wili Na iVola Tabu E Na Dua na Yabaki).
Siga: 35
Tikinisiga: February 4
Mataka: Exodus 34-36
Yakavi: Matthew 23:1-22

O Jiova E Maliwai Ira Na Tamata . (Yahweh With His People)

Thought: Yahweh Longs to be with His people

..................................

Serving For The 3rd February, 2009

Mo bulia e dua na idabedabe ni loloma e na koula dina: me rua veimama na kiupiti na kena ibalavu, ka dua veimama na kiupiti na kena raba. 18 Oti mo qai bulia e dua na keruba (cherub) koula, mo cakacakataka mai na koula waicala, e na mua ruarua ni idabedabe ni loloma. 19 Me bulia me dua na keruba (cherub) me toka e na dua na muana kei na keruba (cherub) kadua e na mua ni dabedabe ni loloma kadua; oqo na kena icakacaka o na buli i rau kina na keruba (cherubim) e na muana ruarua. 20 O rau na keruba (cherub), me rau vakatetaba tu vaka e cake, me rau ubia tu kina vakadua na idabedabe ni loloma e na tabadrau; ia me rau vakanamata vata tu e loma; ka me rau raica sobu tu na dela ni idabedabe ni loloma. 21 Mo qai vakadabeca na dabedabe ni loloma e na dela ni kato; ia mo na qai biuta tiko e loma ni kato na ivola ni ivunau au na solia vei iko. 22 E keya au na sota kina kei iko, kau na dau vosa vei iko mai na dela ni idabedabe ni loloma, mai na kedrau maliwa na kerubi rau sa na toka e na dela ni kato ni vunau, e na veika kece au na vakarota vei iko mo tukuna vei ira na luve i Isireli.
Lako Yani 25:17-22

Ia na Mesaia, o koya e a lako mai, a qai yaco me bete levu ni veika vivinaka e a cakacakataka; e a curuma e dua na valetabu e cecere ka daumaka vakaoti e sega ni bulia na liga ka sega ni ka vakavuravura. 12 A sega talega ni curu kina vata kei na dra ni me se na dra ni luveni bulumakau, ia e na Nona dra o Koya vakataki Koya; e a curuma vakadua ga na Loqi Tabu qai rawata mai kina e na vukuda kecekece, na veivueti e tawamudu.
Iperiu 9:11-12





Read The Bible in a Year (Wili Na iVola Tabu E Na Dua na Yabaki).
Siga: 34
Tikinisiga: February 3
Mataka: Exodus 31-33
Yakavi: Matthew 22:23-46

Na Veiyalayalati Kei Isireli (Yahweh’s Covenant With Israel)

Thought: Yahweh's Words Are Precious If Unadulterated by Religious Manipulation

....................................................

Serving For The 2nd February

Raica, au sa tala yani e dua na agilosi me liu tiko vata vei kemuni, me taqomaki kemuni tiko e na ilakolako, ka kauti kemuni mai i na vanua au sa vakarautaka oti. 21 Vakarorogo vua, muria na nona vosa; kakua ni veisaqasaqa kei koya; de na qai sega ni vosota na nomuni cakaca; baleta na Yacaqu sa tiko qori vua 22 ia kevaka oni muria vinaka na nona vosa ka cakava na veika kece e tukuna vei kemuni; Au sa na sevaki ira era sevaki kemuni ka vakadredretaka vei ira na kemuni meca. 23 Na Noqu agilosi e na liu tiko vei kemuni, ka na kauti kemuni tiko e na nomuni veivaluvaluti kei ira na Amoraiti, na Itaiti, na Perisaiti, na Kenanati, na Haivaiti, kei na Jepusaiti: io au na vaqeavutaki ira. 24 Moni kakua ni sokalou vei ira na nodra kalou (elohims), se qaravi ira, se muria na nodra ivalavala; ia moni saqati ira vakadua, ka basuraka sobu na nodra matakau. 25 Moni qaravi Jiova (Yahweh) ga na nomuni Kalou (Elohim), ia o Koya e na qai vakalougatataka na kemuni madrai kei na memuni wai; kau na kauta laivi na mate veitauvi mai na nomuni veivale 26 Sa na sega ni lutudole na gone vei ira na goneyalewa ka sega na yalewa yava e na nomuni vanua; na iwiliwili ni siga ni nomuni bula au na vakayacora.
Lako Yani 23:20-26

Ia na vosa ni Noda TURAGA (Yahweh) e na tudei tu me tawamudu. Oqori sara ga na vosa sa vunautaki oti vei kemuni.
1 Pita 1:25





Read The Bible in a Year (Wili Na iVola Tabu E Na Dua na Yabaki).
Siga (Day): 33
Tikinisiga (Date): Feperueri 2
Mataka (Morning): Exodus 29-30
Yakavi (Evening): Matthew 22:1-22

Na iVakaro E Tini (Na iVakaro E Tini)

Thought: The Moral Code for Living a good Life

................................

Serving For The 1st February, 2009

Sa qai vosa o Jiova (Yahweh) me tukuna na vosa kece oqo, ni kaya, 02 O au o Jiova (Yahweh) na nomuni Kalou (Elohim), o Koya e a kauti kemuni laivi mai na vanua o Ijipita, mai na vale ni veivakabobulataki. 03 Me kakua ni dua tale na nomuni Kalou (elohim) vakavo duadua ga o Au. 04 Moni kakua ni bulia moni taukena e dua na matakau ceuceu; se dua na ivakatakarakara ni ka e tu mai lomalagi e cake se tu e vuravura e ra, se tu e na wasawasa e ruku ni vuravura. 05 Moni kakua ni sokalou vei ira, se qaravi ira: baleta o au o Jiova (Yahweh) au Kalou (Elohim) gugumatua, kau na sikova na nodra cakaca na tama mai vei ira na luvedra, me yacova sara na ikatolu se ikava ni tabatamata vei ira era dau cati au; 06 ia au na vakaraitaka na yalololoma vei ira na udolu na itabatamata o ira era dau lomani au, ka muria na noqu ivakaro. 07 Mo kakua ni taura e dua na bubului lasu e na yaca i Jiova (Yahweh) na nomu Kalou (Elohim); baleta na Kalou (Elohim) e na sega ni wilika ni tawacala o koya e bubului lasu e na Yacana. 08 Nanuma tiko na siga ni vakacecegu, mo vakatatabutaka. 09 E ono na siga mo cakacaka kina, oya mo cakava kina na nomu cakacaka kece sara; 10 Ia na ikavitu ni siga e Nona siga ni vakacecegu o Jiova (Yahweh) na nomu Kaiou (Elohim); e na siga oqo mo kakua ni cakava kina e dua na cakacaka, o iko, se o luvemutagane se o luvemuyalewa, o ira na dauniveqaravi tagane se o ira na nomu vada, se na nomu manumanu se na vulagi e tiko e loma ni nomuni bai:
Lako Yani 20: 1-10

“Oqo na veiyalayalati Au na cakava vata kei ira ni oti na gauna oya, e kaya na TURAGA (Yahweh): Au na biuta na Noqu lawa e vuniyalodra, ka vola e na uto ni nodra vakasama,
Iperiu 10:16

Read The Bible in a Year (Wili Na iVola Tabu E Na Dua na Yabaki).
Siga: 32
Tikinisiga: Feperuari 1
Mataka: Exodus 27-28
Yakavi: Matthew 21:23-46