Duidui Na Nodrau Kalou (Two Different Deity)

Thought: Yisra’yl No Longer Worshipped YHWH, But Y’hudah Did

................... 

Serving For Yom R’vi’ii, Cheshvan 22, 5773

MAI NA NEVI’IMI RISHONIMI (FROM THE NEVI’IM RESHONIM)

Ni sa sivi e tolu na yabaki e sega ni bau yaco e dua na veivaluvaluti e na kedra maliwa na Arama kei ira na Yisira'yili. 2 Ia a qai yaco e na ikatolu ni yabaki, ni a lako sobu o Yo'hoshafata na tui Ya'huda vua na tui Yisira'yili. 3 Na tui Yisira'yili a qai kaya vei ira na nona dauniveiqaravi, Oni kila tiko mada (se sega) ni noda vanua o Ramota-Qili'ade? E na vakacava beka na kena dede na noda na toka vakadua, eda qai sega ni lako meda lai kauta lesu mai, mai ligana na tui Arama? 4 Kaya o koya vei Yo'hoshafata, Vakacava o iko, o rawa beka ni lako vata kei au i na ivalu mai Ramota-Qili'ade? Kaya o Yo'hoshafata vua na tui Yisira'yili, Au na lako ni o sa lako, na noqu tamata era nomu tamata kei na noqu ose era nomu ose. 5 Kaya o Yo'hoshafata vua na tui Yisira'yili, Ia au kerea mo vakataroga mada na vosa i Yahuwe (YHWH) me baleta na siga oqo. 6 Na tui Yisira'yili a qai vakasoqoni ira vata na parofita, oya e rauta e vanadrau na tagane, qai kaya vei ira, O au beka meu lako i Ramota-Qili'ade meu lai vala se meu se tei kua mada? Era kaya, Lako cake; baleta na kalou (elohim) e na soli i ira na Arameani i ligamuni na tui. 7 Kaya o Yo'hoshafata, E sega beka ni tiko eke e dua na parofita i Yahuwe (YHWH), e na rawa ni daru vakatataro vua? 8 Kaya na tui Yisira'yili vei Yo'hoshafata, E tiko e dua na tamata eke, e na rawa ni daru taro vua me baleti Yahuwe (YHWH), na yacana o Maikeyi’hu, na luvetagane i Yimilaa; ia o au, au cati koya, baleta ni sega ni dau paroisaitaka na ka vinaka me baleti au, ia na ka ca ga. 9 A mani kaciva na tui Yisira'yili e dua na iunuku qai kaya vua, Vakatotolo lai kacivi Maikeyi'hu mai, na luvetagane i Yimilaa. 10 O rau na tui Yisira'yili kei Yo'hoshafata na tui Ya'huda, rau a dui dabeca toka na nodrau dui idabedabe vakatui, ka rau dara tu na kote tiyara duirokaroka, e na icurucuru na matamata mai Shomorono; o ira kece na parofita era a parofisai tiko e matadrau. 11  O Zidikiyahu na luvetagane ni dua na yalewa ni Kena'ani a bulia e dua na davui kaukamea; qai kaya, Oqo na ka e kaya o Yahuwe (YHWH), E na veika oqo oni na cokai i ira kina na Arameani me yacova ni oni sa vakarusai ira. 12 O ira kece na parofita era vosa vakakina ni ra kaya, Lako cake i Ramota-Qili'ade oni na qai qaqa mai; baleta na kalou (elohim) e na soli ira i ligamudrau, kemudrau na tui. (namaka na kena ikuri)
M’lakhim Alef (1 Tui) 22:1-12

NA IVAQA NI BULA (FOOD FOR THE SOUL)

Na tamata sa mamau vinaka tu e na cata na qanihani; ia vua e dua na tamata walokai, e dua mada ga na ka gaga e kamikamica. 8 ¶ Me vaka na manumanu vakatabana e vuka sese mai na nona sova, e vaka kina na tamata e cemuri mai na nona itikotiko. 9 ¶ Me vaka ni vakamarautaka na vuniyalo na ilumu kei na sede, e vaka kina na kamikamica ni nona ivakasala momona na nona itokani e dua na tamata.
Mishlei (Vosa Vakaibalebale) 27:7-9

LOMANI YAHUWE NA NOMU KALOU (LOVE YHWH YOUR MIGHTY ONE

(Kena ikuri) Ia a totolo wale na nodra guilecava na nodra Kalou (Mighty One); era a sega ni vakabauta na nona veituberi, 14 Era a garogaro vakasivia mai lekutu, era qai vakatovolea na Kalou (Mighty One) e na loma ni vanua dravuisiga. 15 E a vakadonuya vei ira na nodra kerekere; e a solia vei ira vakayauyau. 16 Era a nakicataki Moshe e na loma ni keba vata kei Aharoni talega na digitaki nei Yahuwe (YHWH). 17 E a dalaga na vuravura qai tikomi Daitana ka buluta na ilawalawa nei Avirami. 18 E a uturi mai e dua na bukawaqa e na nodra isoqosoqo, na yame ni bukawaqa a qai vakamai ira na vakasisila. 19 Era a bulia e dua na luve ni bulumakau mai Horeva, ka sokalou vua na matakau buli. 20 Qori era qai vukica kina na noqu dokai me vaka e dua na okisi dau kana co. 21 Era a guilecava na nodra Kalou (Mighty One) na nodra iVakabula, e a cakava na veika lelevu mai Ijipita, 22 Na veika talei e na vanua kei Hame, kei na veika vakadomobula e na bati ni Wasawasa na Sufa. 23 Qori a qai kaya kina ni na vakarusai ira vakadua, ia ke a yaco dina, ke a sega ni vakatakekere e matana e na vukuni leqa oya o Moshe, me vukica laivi na nona leva. 24 Io, era a cata na vanua talei, ka ra sega ni vakabauta na nona vosa, 25 Era vosa kudrukudru e loma ni nodra valelaca, era qai sega ni rogoca na domo i Yahuwe (YHWH). 26 Qori a qai laveta cake kina na ligana me veibiuyaki ira e na kedra maliwa na veimatanitu. 27 Ka me ceburaki ira talega na nodra kawa e na kedra maliwa na veimatanitu, me vakayali i ira tu yani e loma ni vanua. 28 Era a sokalou i na ivakatakarakara i Ba’ala-Pe’ora, ka ra kania na madrali e cabo e na vukudra na mate. 29 Qori era a vakacudrui koya kina e na nodra ivukivuki; era vakacudrui koya e na nodra matakau, a qai kovuti ira mai vakasauri na mate vakasisila veitauvi, 30 A qai tu o Pinikase me vakatakekere, qori qai tinidole kina na mate veitauvi. 31 Qori a wili vua me dua na qaqa vei ira na veitabatamata me tawamudu (e na qai kuri I tale yani).
Tehellim (Same) 106:13-31

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 311 o/o 1771	November 7, 2012
Reading	Hebrew Date
Iyov (Jope) 31-32	M #8: Cheshvan 22, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.